၂၅ ဖဲစီၤအမၤစယါ ကဲထီၣ်​ စီၤပၤအခါ အသးနံၣ်အိၣ်ဝဲ ၂၅ နံၣ်​ ဒီးအဝဲပၢဘၣ်တၢ်လၢ ဝ့ၢ်ယရူၤၡလ့ၣ်အပူၤ ၂၉ နံၣ်လီၤ. အမိၢ်မ့ၢ်ဝဲ နီၢ်ယဟိဧဒၣ်​ လၢအအိၣ်လၢ ဝ့ၢ်ယရူၤၡလ့ၣ်လီၤ.+ ၂ စီၤအမၤစယါ ဆဲးမၤတၢ်လၢ ယဟိဝၤယွၤ ထံၣ်ဝဲလၢအဂ့ၤ ဘၣ်ဆၣ်​ တမၤဝဲလၢ အသးဒီဖျၢၣ်ဘၣ်. ၃ ဖဲဘီမုၢ် အိၣ်ဂၢၢ်ကျၢၤဝဲလၢ အစုပူၤအခါ အဝဲမၤသံကွံာ်ဝဲ အခ့အပှၤတဖၣ်​ လၢအမၤသံတ့ၢ်ဝဲ အပၢ်လၢအမ့ၢ် စီၤပၤန့ၣ်လီၤ.+ ၄ ဘၣ်ဆၣ်​ အဝဲတမၤသံ အဝဲသ့ၣ်​ အဖိခွါတဖၣ်ဘၣ်. အဝဲမၤထွဲ ယဟိဝၤယွၤ အတၢ်မၤလိာ်လၢ အကွဲးအသးလၢ စီၤမိၤၡ့ အတၢ်သိၣ်တၢ်သီ အပူၤန့ၣ်လီၤ. တၢ်မၤလိာ်န့ၣ်​ တဲဝဲလၢ “ပၢ်တဖၣ်​ တကြၢးသံလၢ အဝဲသ့ၣ်​ အဖိခွါတဖၣ်အဃိဘၣ်​ ဒီးဖိခွါတဖၣ်​ တကြၢးသံလၢ အဝဲသ့ၣ်​ အပၢ်တဖၣ်​ အဃိဘၣ်. ပှၤတဂၤစုာ်စုာ် ကြၢးသံလၢ အနီၢ်ကစၢ် အတၢ်ဒဲးဘး အဃိလီၤ.”+