၂၀ ဘၣ်ဆၣ်​ စီၤအမၤစယါ တဒိကနၣ်ဝဲဘၣ်,+ မ့ၢ်လၢ အဝဲသ့ၣ်​ ဘူၣ်ထီၣ်ဘါထီၣ်​ ပှၤအဒိၣ်ဖိ အယွၤတဖၣ်အဃိ+ ယွၤလၢအမ့ၢ်အတီတဂၤ မၤဝဲဒ်သိး အကဟ့ၣ်လီၤကွံာ် အဝဲသ့ၣ်လၢ အဒုၣ်အဒါ အစုပူၤလီၤ.+ ၂၁ အဃိ အံၣ်စရ့လး အစီၤပၤယိၤအၣ်​ လဲၤထီၣ်သဂၢၢ်ဝဲ ယူဒၤအစီၤပၤအမၤစယါ လၢတၢ်ဒုးအပူၤ ဖဲဝ့ၢ်ဘ့ၤသၡ့မ့ၣ်+ လၢအအိၣ်လၢ ယူဒၤအဘီမုၢ် အတၢ်ပၢဖီလာ်န့ၣ်လီၤ. ၂၂ အံၣ်စရ့လး မၤနၢၤဝဲ ယူဒၤအဃိ ယူဒၤအသုးဖိ တဂၤစုာ်စုာ် က့ၤဃ့ၢ်ဝဲလၢ အဟံၣ်လီၤ.* ၂၃ အံၣ်စရ့လး အစီၤပၤယိၤအၣ်​ ဖီၣ်န့ၢ် ယူဒၤအစီၤပၤအမၤစယါ ဖဲဝ့ၢ်ဘ့ၤသၡ့မ့ၣ်လီၤ. စီၤအမၤစယါ အပၢ်မ့ၢ်ဝဲ စီၤယိၤအၣ်​ ဒီးစီၤယိၤအၣ်​ အပၢ်မ့ၢ်ဝဲ စီၤယဟိအါဃးလီၤ.* ဝံၤဒီးအံၣ်စရ့လး အစီၤပၤယိၤအၣ်​ လဲၤကိးအီၤလၢ ဝ့ၢ်ယရူၤၡလ့ၣ်​ ဒီးမၤလီၤပှီၢ် ယရူၤၡလ့ၣ်​ အဝ့ၢ်ဒူၣ်​ စးထီၣ်လၢ အ့ဖရဲၣ်အတြဲၤ+ တုၤလၢ တၢ်အသနၢၣ်အတြဲၤ+ လၢအဒ့ၣ်စၢၤယံၤဝဲ အပျၢ်* ၄၀၀ လီၤ. ၂၄ ဒီးအဝဲဟံးန့ၢ်ဝဲ ထူ, စ့ညၣ်​ ဒီးတၢ်ဖိတၢ်လံၤ ခဲလၢာ်လၢ အအိၣ်လၢ စီၤဧိၤဘ့းအ့ဒိၣ်​ အတၢ်ကွၢ်ထွဲအဖီလာ်လၢ ယွၤလၢအမ့ၢ်အတီတဂၤ အဟံၣ်ပူၤ ဒီးလၢတၢ်လုၢ်ဒိၣ်ပှ့ၤဒိၣ်​ အလီၢ်လၢ စီၤပၤ အဟံၣ်ပူၤလီၤ.+ ဒီးအဝဲဖီၣ်န့ၢ် ပှၤတနီၤ ဒီးက့ၤကဒါက့ၤဝဲလၢ ဝ့ၢ်ၡၤမရံလီၤ.