၂၅ အံၣ်စရ့လး အစီၤပၤယဟိအါဃး+ အဖိခွါ စီၤယိၤအၣ်+ သံဝံၤအလီၢ်ခံ ယူဒၤအစီၤပၤယိၤအၣ်​ အဖိခွါ စီၤအမၤစယါ+ ဆဲးအိၣ်မူဒံးဝဲ ၁၅ နံၣ်လီၤ. ၂၆ မ့မ့ၢ် စီၤအမၤစယါ အဂ့ၢ်လၢအဂၤတဖၣ်​ စးထီၣ်လၢ အခီၣ်ထံးတုၤလၢ အကတၢၢ်န့ၣ်​ ဘၣ်တၢ်ကွဲးလီၤအီၤလၢ အံၣ်စရ့လးဒီးယူဒၤ အစီၤပၤတဖၣ်​ အလံာ်ပူၤလီၤ. ၂၇ စးထီၣ်ဖဲ စီၤအမၤစယါ တဆဲးမၤထွဲ ယဟိဝၤယွၤ အတၢ်မၤလိာ်လၢၤဘၣ်န့ၣ်​ ပှၤကူၣ်အၢ+ စီၤအမၤစယါ လၢဝ့ၢ်ယရူၤၡလ့ၣ်​ ဒီးအဝဲလဲၤဃ့ၢ်လၢ ဝ့ၢ်လၤကံၣ်လီၤ. ဘၣ်ဆၣ်​ ပှၤကူၣ်အၢတၢ်တဖၣ်​ ဆှၢလီၤ ပှၤပိာ်ခွါတဖၣ်လၢ ဝ့ၢ်လၤကံၣ်​ ဒီးအဝဲသ့ၣ်​ လဲၤလူၤအီၤဒီး မၤသံကွံာ်အီၤဖဲန့ၣ်လီၤ. ၂၈ ဒီးအဝဲသ့ၣ်​ ဟဲက့ၤတီၣ်​ စီၤအမၤစယါအစိၣ်လၢ ကသ့ၣ်တဖၣ်အလိၤ ဒီးပှၤခူၣ်လီၤကွံာ်အီၤ တပူၤဃီဒီး အမိၢ်ပၢ်ဖံဖု လၢပျၢၤတဖၣ်​ လၢယူဒၤ အဝ့ၢ်ပူၤလီၤ.