၉ ပှၤဘံၣ်ယၤမံၣ်ဖိ+ လၢအမံၤမ့ၢ် စီၤကံၣ်​ အိၣ်ဝဲတဂၤ ဒီးအဝဲမ့ၢ် ပှၤလၢအကဲဒိၣ်​ ဒိၣ်မးလီၤ. စီၤကံၣ်န့ၣ်+ ဟဲလီၤစၢၤလီၤသွဲၣ်လၢ စီၤအဘံၤအ့လး, စီၤစရိၢ်, စီၤဘကိရး ဒီးစီၤအဖံၤလီၤ. ၂ စီၤကံၣ်န့ၣ်​ အိၣ်ဒီးအဖိခွါ တဂၤ လၢအမံၤမ့ၢ် စီၤစီလူး+ ဒီးအမ့ၢ်ဝဲ ပှၤသးစၢ်လၢ အဒိၣ်တၢ်ဂ့ၤ တဂၤလီၤ. လၢပှၤအံၣ်စရ့လးဖိ အကျါန့ၣ်​ ပှၤလၢအဒိၣ်တၢ်ဂ့ၤန့ၢ်အီၤ တအိၣ်နီတဂၤဘၣ်. အနီၢ်ထီန့ၢ်ဒံး ပှၤခဲလၢာ် ဒီးပှၤတုၤန့ၢ်အီၤ ဖဲအဖံဘၣ်ခိၣ်လီၤ.

၁၅ အဃိ ပှၤဂီၢ်မုၢ်ခဲလၢာ် လဲၤလၢ ဝ့ၢ်ကံးလကၤလး ဒီးဖဲဝ့ၢ်ကံးလကၤလးန့ၣ်​ အဝဲသ့ၣ်​ ပာ်ထီၣ်​ စီၤစီလူးလၢ စီၤပၤ လၢယဟိဝၤယွၤ အမဲာ်ညါလီၤ. ဝံၤဒီး အဝဲသ့ၣ်​ လုၢ်ထီၣ်ဝဲ တၢ်လုၢ်အိၣ်ဃူအိၣ်ဖိးတဖၣ်​ လၢယဟိဝၤယွၤ အအိၣ်လီၤ.+ စီၤစီလူး ဒီးပှၤအံၣ်စရ့လးဖိ ခဲလၢာ် သူၣ်ခုသးခုဒိၣ်မး ဒီးမၤဝဲ တၢ်သူၣ်ဖှံသးညီလီၤ.+