၂၃ ဒီးပှၤမနၤၡ့ၤဖိ+ အဒူၣ်တဝာ် အစၢၤအသွဲၣ်တဖၣ်န့ၣ်​ အနီၣ်ဂံၢ်အိၣ်ဝဲအါမးလီၤ. အဝဲသ့ၣ်အိၣ်ဝဲ စးထီၣ်လၢ ဘၤၡၣ်​ တုၤလၢ ဘဧၤလးဃ့ရမိၣ်, စနံၢ် ဒီးကစၢၢ် ဃ့ရမိၣ်လီၤ.+ ၂၄ အဝဲသ့ၣ်​ အဒူၣ်ဖိထၢဖိတဖၣ်​ အခိၣ်အနၢ် အမံၤန့ၣ်​ ဘၣ်တၢ်ပာ်ဖျါထီၣ်အီၤ ဒ်လၢလာ်အံၤအသိးလီၤ. စီၤဧ့ၤဖ့ၢ်, စီၤယံၡံၤ, စီၤအလံၤအ့လး, စီၤဧၤစရံၤအ့လး, စီၤယံးရမံယၤ, စီၤဟိဒါယၤ ဒီးစီၤယၤဃဒံၤအ့လးလီၤ. ပှၤတဖၣ်န့ၣ်​ မ့ၢ်ဝဲ ပှၤသုးဖိလၢ အဂံၢ်ဆူၣ်ဘါဆူၣ်, အမံၤဒိၣ်သၣ်ဒိၣ်​ ဒီးမ့ၢ်စ့ၢ်ကီး အဝဲသ့ၣ်​ အဒူၣ်ဖိထၢဖိ အခိၣ်အနၢ်တဖၣ်လီၤ.

၁၀ စီၤဒၤဝံး အပှၤဒူပှၤဃိၤ အခိၣ်အနၢ်တဖၣ်န့ၣ်​ ဘၣ်တၢ်ပာ်ဖျါထီၣ်အဂ့ၢ် ဒ်လၢလာ်အံၤအသိးလီၤ. အဝဲသ့ၣ်​ ဃုာ်ဒီးပှၤအံၣ်စရ့လးဖိ ခဲလၢာ် ဆီၣ်ထွဲ စီၤဒၤဝံး အဘီမုၢ်တၢ်ပၢ လၢလၢပှဲၤပှဲၤ ဒီးမၤစၢၤဝဲ ဒ်သိးကဒုးကဲထီၣ်အီၤလၢ စီၤပၤအဂီၢ် ဒ်ယဟိဝၤယွၤ အၢၣ်လီၤ ပှၤအံၣ်စရ့လးဖိ အသိးလီၤ.+