၉ ဖဲစီၤယိၤအာ် ထံၣ်ဝဲ အဒုၣ်အဒါ အသုးမုၢ်တဖၣ်​ ဟဲထီၣ်သဖှိ ဒုးအီၤလၢ အမဲာ်ညါမ့ၢ်ဂ့ၤ အလီၢ်ခံမ့ၢ်ဂ့ၤအခါ အဝဲဃုထၢထီၣ်​ အသုးဖိလၢ အဂ့ၤကတၢၢ်လၢ အံၣ်စရ့လးအပူၤ ဒီးမၢအဝဲသ့ၣ်​ လဲၤထီၣ်ဆီလီၤသး ဒ်သိးကဒုးဝဲ ပှၤစူၤရံဖိလီၤ.+ ၁၀ ဒီးအဝဲ ပာ်လီၤဝဲ အသုးလၢအဂၤတဖၣ်လၢ အဒီပုၢ်ဝဲၢ် စီၤအဘံၡဲၤ+ အစုပူၤ ဒ်သိးအဝဲသ့ၣ်​ ကလဲၤထီၣ်ဆီလီၤအသး ဒီးဒုးဝဲပှၤဧၣ်မိၣ်ဖိ အဂီၢ်လီၤ.+ ၁၁ ဒီးအဝဲတဲဝဲလၢ “ပှၤစူၤရံဖိတဖၣ်​ အဂံၢ်အဘါ မ့ၢ်ဆူၣ်တလၢ လၢယဂီၢ်န့ၣ်​ နကဘၣ်​ ဟဲမၤစၢၤယၤ ဒီးပှၤဧၣ်မိၣ်ဖိတဖၣ်​ အဂံၢ်အဘါ မ့ၢ်ဆူၣ်တလၢ လၢနဂီၢ်န့ၣ်​ ယကလဲၤမၤစၢၤနၤလီၤ. ၁၂ ပကဘၣ်​ ပာ်ဆူၣ်ပသး ဒီးအိၣ်ဒီး တၢ်သူၣ်ဒူသးဒူ+ လၢပပှၤဂီၢ်မုၢ် ဒီးပကစၢ်ယွၤ အဝ့ၢ်တဖၣ်အဂီၢ် ဒီးယဟိဝၤယွၤ ကမၤတၢ်လၢ အထံၣ်ဝဲလၢ အဂ့ၤန့ၣ်လီၤ.”+