၁၇ ဖဲပှၤတဲဘၣ်​ စီၤဒၤဝံး တၢ်ဂ့ၢ်အံၤအခါ တဘျီဃီန့ၣ်​ စီၤဒၤဝံး ကိးဖှိၣ်အံၣ်စရ့လး အသုးခဲလၢာ် ဒီးအဝဲသ့ၣ်​ လဲၤခီဂာ်ဝဲ ထံကျိ ယၢ်ဒ့ၣ်​ ဒီးလဲၤတုၤဝဲလၢ ဃ့လၣ်​ အတၢ်လီၢ်လီၤ. ဒီးပှၤစူၤရံဖိတဖၣ်​ လဲၤထီၣ်ဆီလီၤအသး ဒီးဒုးဝဲစီၤဒၤဝံးလီၤ.+ ၁၈ ဘၣ်ဆၣ်​ ပှၤစူၤရံဖိတဖၣ်​ ဃ့ၢ်ကွံာ်ဝဲလၢ အံၣ်စရ့လး အမဲာ်ညါ ဒီးစီၤဒၤဝံး မၤသံဝဲ ပှၤစူၤရံဖိ အပှၤနီလ့ၣ်ကဟၣ်ဒုးသုးအဂၤ ၇၀၀ ဒီးအသုးဒိးကသ့ၣ်​ အဂၤ ၄၀,၀၀၀ လီၤ. ဒီးအဝဲ မၤသံကွံာ် အဝဲသ့ၣ်​ အသုးမုၢ်အခိၣ်​ စီၤၡိဘးဖဲန့ၣ်လီၤ.+ ၁၉ ဖဲစီၤပၤခဲလၢာ် လၢအမ့ၢ် စီၤဟးဒးဧ့စ့ၢ် အခ့အပှၤတဖၣ်​ ထံၣ်ဝဲလၢ အံၣ်စရ့လး မၤနၢၤကွံာ် အဝဲသ့ၣ်အခါ အဝဲသ့ၣ်​ မၤတၢ်ဃူတၢ်ဖိးဒီး အံၣ်စရ့လး ဒီးအဝဲသ့ၣ်​ ဒိးပၢအသးလၢ အံၣ်စရ့လး အဖီလာ်လီၤ.+ ဒီးပှၤစူၤရံဖိတဖၣ်​ မၤစၢၤ ပှၤဧၣ်မိၣ်ဖိ တဘူၣ်လၢၤဘၣ်.