၁၁ စီၤပၤဒၤဝံး ပာ်စီဆှံဝဲတၢ်သ့ၣ်တဖၣ်အံၤ လၢယဟိဝၤယွၤအအိၣ်​ ဒ်အပာ်စီဆှံဝဲ စ့ညၣ်​ ဒီးထူလၢ အမၤန့ၢ်ဝဲလၢ ပှၤကလုာ်ခဲလၢာ်လၢ အဒုးဝဲနၢၤတဖၣ်အအိၣ်​ အသိးန့ၣ်လီၤ.+ ၁၂ ပှၤကလုာ်တဖၣ်န့ၣ်​ မ့ၢ်ဝဲ ပှၤစူၤရံဖိ, ပှၤမိၤအးဖိ,+ ပှၤဧၣ်မိၣ်ဖိ, ပှၤဖလ့ၡသးဖိ,+ ပှၤဧမၤလ့းဖိ+ ဒီးစီၤရဃိာ် အဖိခွါ စီၤဟးဒးဧ့စ့ၢ်+ လၢအမ့ၢ် စိဘၤ ဘီမုၢ်အစီၤပၤလီၤ.

၃၀ ဒီးအဝဲဟံးန့ၢ်ဝဲ မၤလက့ၣ်* အခိၣ်သလုးလၢ အခိၣ်လိၤလီၤ. ခိၣ်သလုးအံၤ ဘၣ်တၢ်တ့အီၤလၢ ထူတတၤလၣ်* ဒီးအအိၣ်ဒီး လၢၢ်လၢ အလုၢ်ဒိၣ်ပှ့ၤဒိၣ်တဖၣ်လီၤ. ဒီးအဘၣ်တၢ်ဖျီၣ်ထီၣ်အီၤလၢ စီၤဒၤဝံးအခိၣ်လိၤလီၤ. စီၤဒၤဝံး ဟံးန့ၢ်ဝဲ တၢ်ဖိတၢ်လံၤ အါအါဂီၢ်ဂီၢ်လၢ+ ဝ့ၢ်အံၤအပူၤလီၤ.+ ၃၁ ဒီးအဝဲဖီၣ်န့ၢ် ပှၤလၢအအိၣ်လၢ ဝ့ၢ်ပူၤ ဒီးမၢအဝဲသ့ၣ်​ ဘူးတဲာ်လၢၢ် ဒီးမၤတၢ်လၢ တၢ်ပီးတၢ်လီထးလၢ အကနၣ်အ့ၣ်တဖၣ်​ ဒီးကွါထးတဖၣ်​ ဒီးမၢအဝဲသ့ၣ်​ တ့အူးခဲလီၤ. ပှၤလၢအအိၣ်လၢ ပှၤဧၣ်မိၣ်ဖိ အဝ့ၢ်ကိးဖျၢၣ်ဒဲးန့ၣ်​ အဝဲမၤအဝဲသ့ၣ်ဒ်အံၤလီၤ. လၢခံ စီၤဒၤဝံးဒီး အသုးဖိခဲလၢာ် ဟဲက့ၤကဒါက့ၤလၢ ဝ့ၢ်ယရူၤၡလ့ၣ်လီၤ.