၂၀ စီၤယဟိၤယဒါ အဖိခွါစီၤဘနါယၤန့ၣ်+ မ့ၢ်ပှၤလၢအသးဒူ ဒီးမၤတ့ၢ်တၢ်ဒိၣ်ဒိၣ်မုၢ်မုၢ်အါမး လၢကၤဘစ့လးလီၤ.+ အဝဲမၤသံ ပှၤမိၤအးဖိ စီၤအရံၤအ့လးအဖိခွါခံဂၤ ဒီးဖဲမူခိၣ်ဖီလီၤအနံၤန့ၣ်​ အဝဲလဲၤလီၤလၢ တၢ်ပူၤဒီး မၤသံခ့ယုၢ်တဒုလီၤ.+ ၂၁ အဝဲမၤသံစ့ၢ်ကီး ပှၤအဲၤကူပတူးဖိလၢ အနီၢ်ဖးဒိၣ်ဖးထီတဂၤလီၤ. ပှၤအဲၤကူပတူးဖိတဂၤန့ၣ်​ အိၣ်ဒီးအဘီလၢအစုပူၤ ဘၣ်ဆၣ်​ အဝဲလဲၤသဂၢၢ်အီၤဒီး အနီၣ်ထိးဘိဒီး ပျ့ၢ်န့ၢ်ဘီ လၢပှၤအဲၤကူပတူးဖိအစုပူၤ ဒီးမၤသံကွံာ်အီၤလၢ အနီၢ်ကစၢ်အဘီလီၤ. ၂၂ စီၤယဟိၤယဒါ အဖိခွါစီၤဘနါယၤ မၤတၢ်သ့ၣ်တဖၣ်န့ၣ်ဒီး အမံၤဟူသၣ်ဖျါ ထဲသိးဒီးပှၤဒူပှၤဃိၤ အဆိကတၢၢ်သၢဂၤလီၤ. ၂၃ အမံၤဟူသၣ်ဖျါ ဒိၣ်န့ၢ်ဒံး ပှၤအဂၤ ၃၀ ဘၣ်ဆၣ်​ အလီၢ်အလၤတဒိၣ်ထဲသိး ပှၤပိာ်ခွါလၢ အဆိကတၢၢ်သၢဂၤန့ၣ်ဘၣ်. ဘၣ်ဆၣ်​ စီၤဒၤဝံး ဃုထၢထီၣ်အီၤဒ် ပှၤတဂၤလၢ ကဒီသဒၢအသးသမူလီၤ.

၃၅ ဒီးစီၤပၤပာ်ထီၣ်​ စီၤယဟိၤယဒါ အဖိခွါ စီၤဘနါယၤ+ ဒ်သုးခိၣ်ကျၢၢ်လၢ စီၤယိၤအာ်အလီၢ် ဒီးပာ်ထီၣ်ဝဲ ပှၤလုၢ်တၢ်ဒိၣ်​ စီၤစၤဒိး+ လၢစီၤအ့ဘယၤသၢ် အလီၢ်လီၤ.