၂ စီၤပၤအခ့အပှၤခဲလၢာ်လၢ အအိၣ်ဖဲ စီၤပၤအဟံၣ်တြဲၤန့ၣ်​ ကဘၣ်ဆုးလီၤအခိၣ်​ ဒီးထိၣ်လီၤပှီၤအသးလၢ စီၤဟၤမၣ်​ အမဲာ်ညါ မ့ၢ်လၢ စီၤပၤဟ့ၣ်လီၤတၢ်ကလုၢ်လၢ ပှၤကမၤဝဲ ဒ်န့ၣ်အဃိလီၤ. ဘၣ်ဆၣ်​ စီၤမၢ်ဒကဲၤ တဆုးလီၤအခိၣ်ဘၣ်​ ဒီးတထိၣ်လီၤပှီၤအသးဘၣ်. ၃ အဃိ စီၤပၤအခ့အပှၤလၢ အအိၣ်ဖဲ စီၤပၤအဟံၣ်တြဲၤန့ၣ်​ သံကွၢ် စီၤမၢ်ဒကဲၤလၢ “ဘၣ်မနုၤအဃိ နတမၤဒ် စီၤပၤ အတၢ်ကလုၢ် အသိးဘၣ်လဲၣ်.” ၄ အဝဲသ့ၣ်တဲ စီၤမၢ်ဒကဲၤ တနံၤဘၣ်တနံၤ ဘၣ်ဆၣ်​ စီၤမၢ်ဒကဲၤ တဒိကနၣ်​ အဝဲသ့ၣ်ဘၣ်​ ဒီးတဲအဝဲသ့ၣ်လၢ အမ့ၢ် ပှၤယူဒၤဖိလီၤ.+ ဒီးအဝဲသ့ၣ်​ တဲဘၣ်စီၤဟၤမၣ်​ ဒ်သိး အဝဲသ့ၣ်​ ကသ့ၣ်ညါလၢ မ့ၢ်တၢ်ကဟ့ၣ်အခွဲးလၢ စီၤမၢ်ဒကဲၤ မၤဝဲဒ်အံၤဧါ တဟ့ၣ်ဝဲဘၣ်ဧါန့ၣ်လီၤ.+

၅ ဖဲစီၤဟၤမၣ်​ ထံၣ်ဝဲလၢ စီၤမၢ်ဒကဲၤ တဆုးလီၤအခိၣ်​ ဒီးတထိၣ်လီၤပှီၤအသးဘၣ်​ အခါ စီၤဟၤမၣ်​ သးပှံၢ်ထီၣ်တၢ် ဒိၣ်မးလီၤ.+