၁၁ စီၤအၤစါ ဃ့ကညး အကစၢ် ယဟိဝၤယွၤလၢ+ “အိ ယဟိဝၤယွၤဧၢ, ပှၤလၢနအဲၣ်ဒိး မၤစၢၤအီၤတဖၣ်န့ၣ်​ အပှၤနီၣ်ဂံၢ် အိၣ်အါဧါ စှၤဧါ, ဒီးအဝဲသ့ၣ်​ အဂံၢ်ဆူၣ်ဧါ အဂံၢ်စၢ်ဧါန့ၣ်​ အရ့တဒိၣ်​ လၢနဂီၢ်ဘၣ်.+ အိ ပကစၢ် ယဟိဝၤယွၤဧၢ, ပသန့ၤပသး လၢနၤ+ ဒီးပဟဲဒုး ပှၤဂီၢ်မုၢ် တဒူၣ်အံၤ လၢနမံၤအဃိ မၤစၢၤပှၤတက့ၢ်.+ အိ ယဟိဝၤယွၤဧၢ, နမ့ၢ်ပယွၤလီၤ. တဘၣ်ဟ့ၣ်အခွဲးလၢ ပှၤဟီၣ်ခိၣ်ဖိတဖၣ်​ ကမၤနၢၤနၤတဂ့ၤ.”+

၁၂ အိ ပကစၢ်ယွၤဧၢ, နကစံၣ်ညီၣ်​ အဝဲသ့ၣ်တမ့ၢ်ဧီၤ.+ သုးမုၢ်ဖးဒိၣ်တဒူၣ်အံၤ ဟဲထီၣ်ဒ်သိး ကဒုးပှၤလံ. ပဂံၢ်ပဘါလၢ ပကတြီဆၢအဝဲသ့ၣ်​ တအိၣ်နီတစဲးဘၣ်​ ဒီးပကဘၣ်မၤဒ်လဲၣ်န့ၣ်​ ပတသ့ၣ်ညါဘၣ်.+ ဘၣ်ဆၣ်​ ပကွၢ်တၢ်လၢ နအိၣ်လၢ တၢ်မၤစၢၤအဂီၢ်လီၤ.”+

၈ အဝဲသန့ၤအသးလၢ ပှၤကညီ အတၢ်ဂံၢ်တၢ်ဘါ မ့မ့ၢ်ပဝဲန့ၣ်​ ပအိၣ်ဒီး ပကစၢ်ယဟိဝၤယွၤ လၢအကမၤစၢၤပှၤ ဒီးဒုးန့ၢ်တၢ်လၢ ပဂီၢ်လီၤ.”+ ဒီးပှၤဂီၢ်မုၢ် န့ၢ်ဂံၢ်န့ၢ်ဘါလၢ ယူဒၤအစီၤပၤဃံးစကံယၤ အတၢ်ကတိၤတဖၣ်အဃိလီၤ.+