၂၅ နသူသးစီဆှံဒ်သိး နကတဲတၢ်ခီဖျိလၢ နခ့နပှၤပဖုဖးဒိၣ်​ စီၤဒၤဝံးအထးခိၣ်လၢ+ ‘ဘၣ်မနုၤအဃိ ပှၤကလုာ်တဖၣ်​ အသးဘၣ်တံာ်တာ် ဒီးပှၤဟီၣ်ခိၣ်ဖိတဖၣ်​ ဆိကမိၣ်တၢ်လၢ အဘျုးတအိၣ်ဘၣ်တဖၣ်လဲၣ်. ၂၆ ဟီၣ်ခိၣ်အစီၤပၤတဖၣ်​ ဆၢထၢၣ်ကတဲာ်ကတီၤ ပာ်စၢၤအသး ဒီးပှၤခိၣ်ပှၤနၢ်တဖၣ်​ အိၣ်ဖှိၣ်ဝဲတပူၤဃီ ဒ်သိးကထီဒါ ယဟိဝၤယွၤ* ဒီးအပှၤဒိးဖှူသးတဂၤအဂီၢ်လီၤ.’*+ ၂၇ မ့ၢ်လီၤ, စီၤဟ့ၤရိာ် ဒီးစီၤပီၣ်တံၤပံၤလး+ ဒီးပှၤကလုာ်အဂၤတဖၣ်​ ဒီးပှၤအံၣ်စရ့လးဖိတဖၣ်​ အိၣ်ဖှိၣ်ဝဲတပူၤဃီ လၢဝ့ၢ်တဖျၢၣ်အံၤအပူၤ ဒ်သိးကထီဒါဝဲ နခ့နပှၤစီဆှံယ့ၣ်ၡူးလၢ နဒိးဖှူအီၤတဂၤလီၤ.+ ၂၈ ဒီးအဝဲသ့ၣ်​ အိၣ်ဖှိၣ်ဝဲ ဒ်သိးကမၤတၢ်လၢ နတဲပာ်စၢၤဝဲအဂီၢ် ဒီးတၢ်သ့ၣ်တဖၣ်အံၤ ကဲထီၣ်အသး ခီဖျိလၢနစိကမီၤ* ဒ်နတၢ်ဘၣ်သး အိၣ်ဝဲအသိးလီၤ.+