၈ ယသးအိၣ်​ ဟ့ၣ်လီၤနၤလၢ နကစၢ် အတၢ်စုလီၢ်ခီၣ်ခိၣ်တဖၣ်+ ဒီးအးလီၤ နကစၢ်အမါတဖၣ်လၢ+ နစုပူၤ ဒီးယဒုးကဲထီၣ်နၤလၢ စီၤပၤတဂၤလၢ အံၣ်စရ့လး ဒီးယူဒၤအဒူၣ်​ အဖီခိၣ်လီၤ.+ တၢ်သ့ၣ်တဖၣ်အံၤ မ့ၢ်တအါဘၣ်နၤဒံးဘၣ်န့ၣ်​ ယသးအိၣ်ဟ့ၣ်နၤအါန့ၢ်အန့ၣ်ဒံး.+ ၉ ဘၣ်မနုၤအဃိ နတပာ်ကဲ ယဟိဝၤယွၤ အတၢ်ကတိၤဘၣ်​ ဒီးမၤတၢ်အၢ လၢအမဲာ်ညါလဲၣ်. နမၤသံ ပှၤဃ့ၤသးဖိ စီၤအူၤရံယၤ လၢနးလီၤ.+ ဒီးနမၤသံအီၤလၢ ပှၤဧၣ်မိၣ်ဖိ အနးဝံၤ+ နဟံးန့ၢ်အမါလီၤ.+ ၁၀ ဒီးမ့ၢ်လၢ နတပာ်ကဲယၤဘၣ်​ ခီဖျိ နဟံးန့ၢ် ပှၤဃ့ၤသးဖိ စီၤအူၤရံယၤ အမါအဃိ စးထီၣ်ခဲအံၤ နးတဘ့ၣ်​ တဟးဖးလၢ နဟံၣ်ဖိဃီဖိအကျါ နီတဘျီလၢၤဘၣ်.’+