၁၅ အဝဲသ့ၣ်​ အမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤန့ၣ်​ သးကညီၤ အပှၤဂီၢ်မုၢ် ဒီးသူၣ်အိၣ်သးအိၣ်ဝဲ အတၢ်အိၣ်တၢ်ဆိး အလီၢ်အဃိ အဝဲဟ့ၣ်ပလီၢ် အဝဲသ့ၣ်​ တဘျီဝံၤတဘျီ ခီဖျိ အပှၤစိာ်တၢ်ကစီၣ်ဖိတဖၣ်​ တလီၢ်လီၢ်လီၤ. ၁၆ ဘၣ်ဆၣ်​ အဝဲသ့ၣ်​ တဲဆါယွၤလၢ အမ့ၢ်အတီ အပှၤစိာ်တၢ်ကစီၣ်ဖိတဖၣ်+ ဒီးအဝဲသ့ၣ်​ တပာ်ကဲကစၢ်ယွၤ အတၢ်ကတိၤတဖၣ်ဘၣ်.+ ဒီးအဝဲသ့ၣ်​ တဲဆဲးအဲး ယွၤအဝံတဖၣ်+ တုၤလၢ ယဟိဝၤယွၤ အတၢ်သးဒိၣ်လီၤဘၣ်​ အပှၤဂီၢ်မုၢ်+ ဒီးအဝဲသ့ၣ်​ အတၢ်မုၢ်လၢ် တအိၣ်လၢၤဘၣ်.

၂၆ “ဘၣ်ဆၣ်​ အဝဲသ့ၣ်​ တဒိကနၣ်တၢ်ဘၣ်​ ဒီးထီဒါက့ၤနၤ+ ဒီးဃၣ်ကွံာ်အသး လၢနတၢ်သိၣ်တၢ်သီလီၤ. နဝံသ့ၣ်တဖၣ်​ လၢအဟ့ၣ်ပလီၢ် အဝဲသ့ၣ်​ ဒ်သိး ကဒုးဟဲက့ၤကဒါက့ၤ အဝဲသ့ၣ်​ ဆူနအိၣ်အဂီၢ်န့ၣ်​ အဝဲသ့ၣ်​ မၤသံဝဲလီၤ. အဝဲသ့ၣ်​ တပာ်ကဲနၤ နီတစဲးဘၣ်.+

၃၀ ဒီးနပာ်ဖျါထီၣ်​ တၢ်ဝံသးစူၤလၢ အဝဲသ့ၣ်​ အဖီခိၣ်+ အနံၣ်အါမးလီၤ. ဒီးနဆဲး ဟ့ၣ်ပလီၢ်အဝဲသ့ၣ်​ ခီဖျိ နဝံတဖၣ်လၢ နသးစီဆှံ အိၣ်လၢအလိၤ ဘၣ်ဆၣ်​ အဝဲသ့ၣ်​ တဒိကနၣ်တၢ်ဘၣ်. လၢခံကတၢၢ်န့ၣ်​ နဟ့ၣ်လီၤကွံာ် အဝဲသ့ၣ်​ လၢပှၤကလုာ်တဖၣ်​ အစုပူၤလီၤ.+

၃ “လၢ ၂၃ နံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ယူဒၤအစီၤပၤယိၤၡံယၤ+ ပၢတၢ် ၁၃ နံၣ်တနံၣ်လံၤလံၤန့ၣ် ယဟိဝၤယွၤ တဲတၢ်ဒီးယၤ ဒီးယတဲတၢ်ဒီးသု တဘျီဝံၤတဘျီ* ဘၣ်ဆၣ် သုတကနၣ်ဘၣ်.+