၄ ပှၤက့ၤစ့းဖိတဖၣ်​ ဘၢၣ်ဖျိကွံာ်ဝ့ၢ်ဒူၣ်+ ဒီးဖဲအဝဲသ့ၣ်​ ကဝီၤဃာ်ဝ့ၢ်အခါ သုးဖိခဲလၢာ် ဃ့ၢ်ပူၤဖျဲးအသးလၢ မုၢ်နၤခီ ဒီးဟးထီၣ်ကွံာ်ဝဲလၢ တြဲၤလၢ အအိၣ်ဝဲလၢ တၢ်ဒူၣ်ခံခါ အဘၢၣ်စၢၤလၢ စီၤပၤအတၤသၣ်လီၢ် အကပၤလီၤ. ဒီးစီၤပၤစံးဒကံယၤ လဲၤဝဲလၢ ဧၤရဘၤအကျဲလီၤ.+ ၅ ဘၣ်ဆၣ်​ ပှၤက့ၤစ့းဖိ အသုးမုၢ်လူၤဝဲ စီၤပၤစံးဒကံယၤ ဒီးချုးန့ၢ်အီၤဖဲ ဝ့ၢ်ယရံၤဃိ အတၢ်ပၢၤခိၣ်လီၤ. ဒီးစီၤပၤ အသုးဖိခဲလၢာ် လီၤမုၢ်ပြံပြါကွံာ်ဝဲလၢ အအိၣ်လီၤ. ၆ ဒီးအဝဲသ့ၣ်​ ဖီၣ်န့ၢ်စီၤပၤ+ ဒီးက့ၤကိးအီၤလၢ ဘၤဘူၤလိၣ်​ အစီၤပၤအအိၣ်​ လၢဝ့ၢ်ရံးဘလၤ ဒီးအဝဲသ့ၣ်​ စံၣ်ညီၣ်အီၤလီၤ. ၇ အဝဲသ့ၣ်​ မၤသံ စီၤစံးဒကံယၤ အဖိခွါတဖၣ်လၢ အမဲာ်ညါ ဝံၤဒီးစီၤနဘူၤကးန့စၢ် တူခွဲးထီၣ်ကွံာ် စီၤစံးဒကံယၤ အမဲာ်ချံ, စၢဃာ်အီၤလၢ ထးသွဲတိၢ်ဘီတဖၣ်​ ဒီးက့ၤကိးအီၤဆူ ဝ့ၢ်ဘၤဘူၤလိၣ်လီၤ.+

၇ လၢခံ ပှၤက့ၤစ့းဖိတဖၣ် ဘၢၣ်ဖျိကွံာ်ဝ့ၢ်ဒူၣ် ဒီးဖဲအဝဲသ့ၣ် ကဝီၤဃာ်ဝ့ၢ်အခါ သုးဖိခဲလၢာ် ဃ့ၢ်ထီၣ်ကွံာ်လၢဝ့ၢ်ပူၤ လၢမုၢ်နၤခီ ဒီးဟးထီၣ်ကွံာ်ဝဲလၢ တြဲၤလၢ အအိၣ်ဝဲလၢ တၢ်ဒူၣ်ခံခါ အဘၢၣ်စၢၤလၢ စီၤပၤအတၤသၣ်လီၢ် အကပၤ ဒီးလဲၤဝဲလၢ ဧၤရဘၤအကျဲလီၤ.+ ၈ ဘၣ်ဆၣ် ပှၤက့ၤစ့းဖိ အသုးမုၢ်လူၤဝဲ စီၤပၤစံးဒကံယၤ+ ဒီးချုးန့ၢ်အီၤဖဲ ဝ့ၢ်ယရံၤဃိ အတၢ်ပၢၤခိၣ်လီၤ. ဒီးစီၤပၤ အသုးဖိခဲလၢာ် လီၤမုၢ်ပြံပြါကွံာ်ဝဲလၢ အအိၣ်လီၤ. ၉ ဒီးအဝဲသ့ၣ် ဖီၣ်န့ၢ်စီၤပၤ ဒီးက့ၤကိးအီၤလၢ ဘၤဘူၤလိၣ် အစီၤပၤအအိၣ် လၢဝ့ၢ်ရံးဘလၤ လၢဃမါသး အဟီၣ်ကဝီၤ ဒီးဘၤဘူၤလိၣ်အစီၤပၤ စံၣ်ညီၣ်အီၤလီၤ. ၁၀ ဘၤဘူၤလိၣ်အစီၤပၤ မၤသံဝဲ စီၤစံးဒကံယၤ အဖိခွါတဖၣ်လၢ စီၤစံးဒကံယၤ အမဲာ်ညါ ဒီးမၤသံစ့ၢ်ကီးဝဲ ယူဒၤအပဒိၣ်ဖးဒိၣ်ခဲလၢာ် ဖဲဝ့ၢ်ရံးဘလၤလီၤ. ၁၁ ဝံၤဒီး ဘၤဘူၤလိၣ်အစီၤပၤ တူခွဲးထီၣ်ကွံာ် စီၤစံးဒကံယၤ အမဲာ်ချံ,+ စၢဃာ်အီၤလၢ ထးသွဲတိၢ်ဘီတဖၣ် ဒီးက့ၤကိးအီၤဆူ ဝ့ၢ်ဘၤဘူၤလိၣ်လီၤ. ဒီးအဝဲပာ်အီၤလၢ ဃိာ်ပူၤ တုၤလၢအသံတစုလီၤ.