၄၅ “သုမ့ၢ်တဒိကနၣ်​ သုကစၢ် ယဟိဝၤယွၤ အကလုၢ် ခီဖျိလၢ သုတမၤထွဲ အတၢ်မၤလိာ် ဒီးအတၢ်သိၣ်တၢ်သီတဖၣ်​ လၢအမၤလိာ်သုဘၣ်န့ၣ်+ သုကဘၣ်ဆိၣ်အၢ သပှၢ်ကတၢၢ်+ ဒီးတၢ်လၢအတဂ့ၤတဘၣ်​ ခဲလၢာ်အံၤ ကလီၤဘၣ်လၢ သုလိၤ တုၤလၢ သုသံခဲလၢာ်လီၤ.+

၁၂ ဒီးယူဒၤအပှၤဂီၢ်မုၢ်လၢ အအိၣ်တ့ၢ်တဖၣ် လၢအပာ်လီၤအသးလၢ ကလဲၤအိၣ်လၢ ကီၢ်အဲၤကူပတူးန့ၣ် ယကဖီၣ်န့ၢ်အဝဲသ့ၣ် ဒီးအဝဲသ့ၣ် ကိးဂၤဒဲး ကဟးဂီၤကွံာ်လၢ ကီၢ်အဲၤကူပတူးလီၤ.+ အဝဲသ့ၣ်ကိးဂၤဒဲး စးထီၣ်လၢ ပှၤအဒိၣ်ကတၢၢ် တုၤလၢ ပှၤအဆံးကတၢၢ်န့ၣ် ကလီၤဃံၢ်လၢနး ဒီးတၢ်သၣ်ဝံၤလီၤဒိလီၤ. အဝဲသ့ၣ် ကသံလၢနး ဒီးတၢ်သၣ်ဝံၤလီၤဒိ အဃိလီၤ. ဒီးအဝဲသ့ၣ် ကဘၣ်ဆိၣ်အၢ, ကကဲထီၣ် တၢ်လီၤပျံၤလီၤဖုးအလီၢ်, ပှၤကတဲအၢတဲသီအဝဲသ့ၣ် ဒီးဒုၣ်ဒွဲၣ်အဝဲသ့ၣ်လီၤ.+ ၁၃ ဒ်ယစံၣ်ညီၣ် ဝ့ၢ်ယရူၤၡလ့ၣ် လၢတၢ်ဒုး, တၢ်သၣ်ဝံၤလီၤဒိ ဒီးတၢ်ဆါသံသတြိာ်အသိး ပှၤလၢအအိၣ်လၢ ကီၢ်အဲၤကူပတူးန့ၣ် ယကစံၣ်ညီၣ်အဝဲသ့ၣ် ဒ်န့ၣ်လီၤ.+ ၁၄ ဒီးယူဒၤအပှၤဂီၢ်မုၢ်လၢ အအိၣ်တ့ၢ်တဖၣ်လၢ အလဲၤအိၣ်လၢ ကီၢ်အဲၤကူပတူးန့ၣ် ဃ့ၢ်ပူၤဖျဲးအသး တန့ၢ်ဘၣ် ဒီးအသးသမူ တပူၤဖျဲးဘၣ် အဃိ အဝဲသ့ၣ် တဟဲက့ၤဘၣ်ကဒါက့ၤလၢ ယူဒၤအဟီၣ်ကဝီၤပူၤဘၣ်. အဝဲသ့ၣ်န့ၣ် ကအဲၣ်ဒိး ဟဲက့ၤအိၣ်လၢ ယူဒၤအဟီၣ်ကဝီၤပူၤ သပှၢ်တၢၢ် ဘၣ်ဆၣ် တဟဲက့ၤဘၣ်ဝဲဘၣ်, ကဟဲက့ၤဘၣ်ဝဲထဲ ပှၤစှၤကိာ်ဂၤလၢ အဃ့ၢ်ပူၤဖျဲးအသးလီၤ.’”

၂၇ ခဲအံၤ ယပာ်လီၤယသးလၢ ယကဒုးလီၤဘၣ် အဝဲသ့ၣ်လၢ တၢ်နးတၢ်ဖှီၣ် ဒီးတမ့ၢ်တၢ်လၢအဂ့ၤဘၣ်.+ အဃိ ယူဒၤအပှၤပိာ်ခွါခဲလၢာ်လၢ အအိၣ်လၢ ကီၢ်အဲၤကူပတူးအပူၤန့ၣ် ကသံလၢနး ဒီးတၢ်သၣ်ဝံၤလီၤဒိ တုၤလၢ အဝဲသ့ၣ် တအိၣ်လၢၤဘၣ်လီၤ.+ ၂၈ ပှၤလၢအကပူၤဖျဲးဝဲလၢနး, ကဟးထီၣ်ဘၣ်လၢ ကီၢ်အဲၤကူပတူးအပူၤ ဒီးဟဲက့ၤဘၣ်လၢ ယူဒၤအဟီၣ်ကဝီၤပူၤန့ၣ် ကအိၣ်ထဲဒၣ်စှၤကိာ်ဂၤလီၤ.+ ဖဲန့ၣ်အခါ ယူဒၤအပှၤဂီၢ်မုၢ် လၢအအိၣ်တ့ၢ်လၢ အလဲၤအိၣ်ပာ်စၢၤလၢ ကီၢ်အဲၤကူပတူးအပူၤ ကိးဂၤဒဲးန့ၣ် ကသ့ၣ်ညါဘၣ်ဝဲလၢ မတဂၤ အတၢ်ကတိၤ ဟဲလၢထီၣ်ပှဲၤထီၣ်လဲၣ်, ယတၢ်ကတိၤဧါ မ့တမ့ၢ် အဝဲသ့ၣ် အတၢ်ကတိၤဧါန့ၣ်လီၤ.’”