၁၆ စီၤကါရ့ၤအဖိခွါ စီၤယိဃၤနၣ် ဒီးသုးခိၣ်လၢ အအိၣ်ဒီးအီၤတဖၣ်န့ၣ် က့ၤကိးက့ၤဝဲ ပှၤလၢ အဝဲသ့ၣ်မၤပူၤဖျဲးဝဲလၢ စီၤနသၤနံယၤအဖိခွါ စီၤယံးၡမၤဧ့လး အစုပူၤလီၤ. ပှၤတဖၣ်န့ၣ် မ့ၢ်ပှၤလၢ စီၤယံးၡမၤဧ့လး ဖီၣ်န့ၢ်ဝဲလၢ ဝ့ၢ်မံးစပၤအပူၤ ဖဲအဝဲမၤသံ စီၤအဃံကၣ်အဖိခွါ စီၤကဒါလယၤ+ ဝံၤအလီၢ်ခံလီၤ. ဒီးလၢဝ့ၢ်ကံးဘိၣ်န့ၣ် စီၤယိဃၤနၣ် ဒီးသုးခိၣ်တဖၣ် က့ၤကိးက့ၤဝဲ ပှၤပိာ်ခွါ, သုးဖိ, ပိာ်မုၣ်, ဖိသၣ် ဒီးပဒိၣ်တဖၣ်လီၤ.

၄၂ သုးခိၣ်ခဲလၢာ်, စီၤကါရ့ၤအဖိခွါ စီၤယိဃၤနၣ်,+ စီၤဟိၤၡၤယၤအဖိခွါ စီၤယၤစါနယၤ ဒီးပှၤဂီၢ်မုၢ်ခဲလၢာ် စးထီၣ်လၢ ပှၤအဒိၣ်ကတၢၢ် တုၤလီၤလၢ ပှၤအဆံးကတၢၢ် ဟဲဝဲ ၂ ဒီးတဲဘၣ် ဝံယံးရမံယၤလၢ “ဒ်နထံၣ်ဘၣ်အသိး ပှၤလၢအအိၣ်လီၤတဲာ်တဖၣ် အိၣ်တ့ၢ်ထဲစှၤဂၤလီၤ.+ အဃိ ဝံသးစူၤ ဒိကနၣ်ဘၣ် ပတၢ်ဃ့ကညး ဒီးဃ့ထုကဖၣ်န့ၢ်တၢ်လၢ ပှၤတဖၣ်အံၤအဂီၢ် ဒီးလၢပဂီၢ် လၢနကစၢ် ယဟိဝၤယွၤ အအိၣ်တက့ၢ်. ၃ မ်နကစၢ် ယဟိဝၤယွၤ တဲဘၣ်ပှၤ ကျဲလၢပကြၢးလဲၤ ဒီးတၢ်လၢပဘၣ်မၤတက့ၢ်.”