၂၂ ဖဲန့ၣ်အခါ ဘၣ်ဖဲလါခွံလါတလါ* ဒီးစီၤပၤ ဆ့ၣ်နီၤဝဲလၢ အဒၢးလၢတၢ်ဂိၢ်ခါအဂီၢ် ဒီးလၢအမဲာ်ညါန့ၣ် အိၣ်ဝဲဒီး ဖၣ်ကပူၤလၢ မ့ၣ်အူကဲၤထီၣ်ဝဲလီၤ. ၂၃ ဖဲစီၤယဟူဒံၤ ဖးဝဲလံာ်ထူအံၤဝံၤ သၢဆၢလွံၢ်ဆၢအခါ စီၤပၤ သွဲၣ်ကွံာ်ဝဲ လံာ်ထူတတီၤန့ၣ်လၢ နဲၣ်ရွဲၣ်အဒီတဘ့ၣ် ဒီးတၢၤလီၤဝဲ လံာ်ထူတတီၤန့ၣ်လၢ ဖၣ်ကပူၤလၢ မ့ၣ်အူကဲၤဝဲ ဒီးအဝဲမၤဝဲဒ်န့ၣ် တဘျီဝံၤတဘျီ တုၤလၢ လံာ်ဒီတထူ အူအီၣ်ကွံာ်ဝဲလီၤ. ၂၄ စီၤပၤမ့ၢ်ဂ့ၤ စီၤပၤအခ့အပှၤလၢ အနၢ်ဟူ တၢ်ကတိၤတဖၣ်အံၤမ့ၢ်ဂ့ၤ တဖှီညာ်ကွံာ် အဆ့ကၤနီတဂၤဘၣ်. ဒီးအဝဲသ့ၣ် တပျံၤတၢ်ဘၣ်.