-
ယၡါယၤ ၂၅:၁၀, ၁၁ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၁၀ ယဟိဝၤယွၤ အစုကအိၣ်ဝဲလၢ ကစၢၢ်တဖျၢၣ်အံၤ အလိၤလီၤ.+
ဒီးကီၢ်မိၤအး အပှၤဂီၢ်မုၢ်န့ၣ် ကဘၣ်တၢ်ယီၢ်တံၢ်အီၤ ဖဲအဝဲသ့ၣ် အနီၢ်ကစၢ်တၢ်လီၢ်+
ဒ်ပှၤယီၢ်တံၢ်လီၤ လီၢ်ဘိလၢ တၢ်အ့ၣ်တၢ်ဆံၣ်တပူၣ် အကျါအသိးလီၤ.
၁၁ ဒ်ပှၤပီၢ်ထံ ယၤထီၣ်အစု လၢအကပီၢ်ထံ အဂီၢ်အသိး
ကစၢ်ယွၤ ကယၤထီၣ်အစု လၢကီၢ်မိၤအး အပှၤဂီၢ်မုၢ်အအိၣ်လီၤ.
ဒီးကစၢ်ယွၤ ကဆီၣ်လီၤ အဝဲသ့ၣ် အတၢ်ပာ်ထီၣ်ထီသး+
ခီဖျိ အကဒဲအဝဲသ့ၣ် လၢအစု ဒီးကဘၣ်ဝဲ လီၤတံၢ်လီၤဆဲးလီၤ.
-
-
စဖါနယၤ ၂:၉, ၁၀ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၉ ဒီးတၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤန့ၣ် တဲဝဲလၢ “ဒ်ယမ့ၢ်ပှၤလၢအမူဝဲ သပှၢ်တၢၢ်အသိးန့ၣ် ယအၢၣ်လီၤလၢ
မိၤအး ကကဲထီၣ် ဒ်သိးဒီး ဝ့ၢ်စဒိၣ်+
ဒီးပှၤဧၣ်မိၣ်ဖိတဖၣ် ကကဲထီၣ်ဒ် ဝ့ၢ်ဂမိရၤအသိး သပှၢ်တၢၢ်လီၤ.+
ဒီးလးဆါအထူၣ် ကမဲထီၣ်ဖဲန့ၣ် ဒီးအဟီၣ်ခိၣ် ကအိၣ်ပှဲၤဒီး အံသၣ်တဖၣ် ဒီးကကဲထီၣ် တၢ်လီၢ်လၢ အအိၣ်သယုၢ် လီၤထူလီၤယိာ်လီၤ.+
ယပှၤဂီၢ်မုၢ်လၢ အအိၣ်တ့ၢ်တဖၣ် ကဂုာ်န့ၢ်ဆူၣ် အဝဲသ့ၣ်အတၢ်
ဒီးယပှၤကလုာ်လၢ အအိၣ်တ့ၢ်တဖၣ် ကမၤန့ၢ် အဝဲသ့ၣ် အတၢ်လီၢ် တၢ်ကျဲလီၤ.
၁၀ အဝဲသ့ၣ် ဒုၣ်ဒွဲၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အပှၤဂီၢ်မုၢ် ဒီးပာ်ထီၣ်ထီအသးလၢ အဝဲသ့ၣ် အဖီခိၣ်လီၤ.
လၢအဝဲသ့ၣ် အတၢ်ပာ်ထီၣ်ထီအသးအဃိ အဝဲသ့ၣ် ကတူၢ်ဘၣ်ဝဲ ဒ်န့ၣ်လီၤ.+
-