၁၇ မူခိၣ်ကလူးနွံဂၤလၢ အအိၣ်ဒီး လီခီဖျၢၣ်နွံဖျၢၣ်+ အကျါတဂၤ ဟဲတဲဘၣ်ယၤလၢ “ဟဲ, ယကဒုးနဲၣ်နၤ တၢ်စံၣ်ညီၣ်လၢ အကဘၣ် ပိာ်မုၣ်ဆါလီၤအီၣ်သး* တဂၤလၢ အဆ့ၣ်နီၤလၢ ထံအါအါဂီၢ်ဂီၢ် အဖီခိၣ်လီၤ.+ ၂ ဟီၣ်ခိၣ်အစီၤပၤတဖၣ် မၤကမၣ်မုၣ်ကမၣ်ခွါဒီးအီၤ+ ဒီးပှၤဟီၣ်ခိၣ်ဖိတဖၣ် အီမူၤအသးလၢ အတၢ်မၤ ကမၣ်မုၣ်ကမၣ်ခွါ*+ အစပံးထံလီၤ.”

၃ ခီဖျိလၢ တၢ်သးကတၢ အစပံးထံလၢ အဘၣ်ဃးဒီး ပိာ်မုၣ်အံၤ အတၢ်မၤ ကမၣ်မုၣ်ကမၣ်ခွါ* အဃိ ပှၤကလုာ်ခဲလၢာ် ဘၣ်ဘျးဝဲလီၤ.+ ဟီၣ်ခိၣ်အစီၤပၤတဖၣ် မၤကမၣ်မုၣ်ကမၣ်ခွါဒီးအီၤ+ ဒီးပှၤပှ့ၤတၢ်ဆါတၢ်ဖိတဖၣ်* လၢဟီၣ်ခိၣ်ဒီဘ့ၣ်ညါ ထူးထီၣ်တီၤထီၣ်ဝဲ ခီဖျိလၢ ပိာ်မုၣ်အံၤ အတၢ်ထူးတၢ်တီၤလၢ အအိၣ်ဝဲ အါအါဂီၢ်ဂီၢ်လၢ အတကဲထီၣ် တၢ်မဲာ်ဆှး လၢအဂီၢ်ဘၣ် အဃိလီၤ.”