၁၄ ယဟိဝၤယွၤ တဲယၤလၢ “ဝံတဖၣ်လၢ အတဲဝံအတၢ်စံးပာ်လၢ ယမံၤအပူၤန့ၣ် မ့ၢ်ဒၣ် တၢ်လံၣ်တၢ်လီတဖၣ်လီၤ.+ ယတဆှၢလီၤ အဝဲသ့ၣ်ဘၣ်, ယတမၤလိာ် အဝဲသ့ၣ်ဘၣ် ဒီးယတတဲတၢ်ဒီး အဝဲသ့ၣ်ဘၣ်.+ အဝဲသ့ၣ် တဲသုလၢ ဝံအတၢ်စံးပာ်တဖၣ်န့ၣ် အိၣ်ဒၣ်အဝဲသ့ၣ် ထုးထီၣ်တၢ်လံၣ်တၢ်လီလၢ အနီၢ်ကစၢ်အခိၣ်နူာ်ပူၤ* ဒီးမ့ၢ်ဝဲ တၢ်ထံၣ်လၢညါခီလၢ အတမ့ၢ်တတီဘၣ် ဒီးတၢ်ဖးတၢ်လၢ အကမၤအသးလၢ ခါဆူညါတဖၣ်လၢ အဘျုးတအိၣ်ဘၣ်လီၤ.+

၁၅ “ယဟိဝၤယွၤ တဲဝဲလၢ ‘ယတဆှၢလီၤ အဝဲသ့ၣ်ဘၣ်. မ့ၢ်ဒၣ်အဝဲသ့ၣ် တဲလံၣ်တဲလီတၢ်လၢ ယမံၤပူၤ ဒီးသုမ့ၢ်ဒိကနၣ် အဝဲသ့ၣ်န့ၣ် ယကမၤလီၤပြံလီၤပြါသု ဒီးသုကသံဃုာ်ဒီး ဝံတဖၣ်လၢ အတဲသု ဝံအတၢ်စံးပာ်တဖၣ်အံၤလီၤ.’”+

၈ ယၤ, တၢ်သုးမုၢ်ဂီၢ်မုၢ် အကစၢ်ယဟိဝၤယွၤ လၢအမ့ၢ် အံၣ်စရ့လး ကစၢ်ယွၤန့ၣ် တဲဝဲလၢ “တဘၣ်ပျဲလၢ သုဝံတဖၣ် ဒီးပှၤလၢအဖး တၢ်ကမၤအသးလၢ ခါဆူညါတဖၣ် လၢအအိၣ်လၢသုကျါန့ၣ် လံၣ်န့ၢ်လီန့ၢ်သုတဂ့ၤ.+ ဒီးတဘၣ်ဒိကနၣ် တၢ်မံမီၢ်တဖၣ်လၢ အဝဲသ့ၣ် မံမီၢ်ဝဲန့ၣ်တဂ့ၤ. ၉ ‘ယတဆှၢလီၤ အဝဲသ့ၣ်ဘၣ် သနာ်က့ အဝဲသ့ၣ် တဲသု ဝံအတၢ်စံးပာ်လၢ အတမ့ၢ်တတီဘၣ်တဖၣ် လၢယမံၤအပူၤလီၤ.’+ ယၤ, ယဟိဝၤယွၤ တဲဝဲဒ်န့ၣ်လီၤ.”’