၇ ဒီးစီၤနဘူၤကးန့စၢ် ဟံးန့ၢ်ဝဲ တၢ်ပီးတၢ်လီတနီၤလၢ ယဟိဝၤယွၤ အဟံၣ်ပူၤ ဒီးအဝဲက့ၤစိာ်ဝဲလၢ ကီၢ်ဘၤဘူၤလိၣ်လီၤ. ဒီးအဝဲက့ၤပာ်ဝဲလၢ အနီပူၤလၢ ကီၢ်ဘၤဘူၤလိၣ်န့ၣ်လီၤ.+

၂၈ ဖဲတၢ်တနံၣ်ဃီန့ၣ် ဝံဧၤစူၢ်အဖိခွါ စီၤဃနၤနယၤ လၢအဟဲလၢ ဝ့ၢ်ကံးဘိၣ်န့ၣ်+ တဲတၢ်ဒီးယၤလၢ ယဟိဝၤယွၤအဟံၣ်လၢ ပှၤလုၢ်တၢ်ဒိၣ်တဖၣ် ဒီးပှၤဂီၢ်မုၢ်ခဲလၢာ် အမဲာ်ညါလီၤ. ဖဲန့ၣ်အခါ ဘၣ်လၢ ယူဒၤအစီၤပၤစံးဒကံယၤ+ ပၢတၢ်သီသီ ပှဲၤထီၣ်လွံၢ်နံၣ်တနံၣ် ဖဲလါယဲၢ်လါတလါလီၤ. ဒီးအဝဲသ့ၣ် တဲယၤလၢ ၂ “တၢ်သုးမုၢ်ဂီၢ်မုၢ် အကစၢ် ယဟိဝၤယွၤလၢအမ့ၢ် အံၣ်စရ့လးအကစၢ်ယွၤန့ၣ် တဲဝဲလၢ ‘ယကမၤကၢ်ကွံာ် ဘၤဘူၤလိၣ်အစီၤပၤ အနီၣ်ယိးဘိလီၤ.+ ၃ တၢ်ပီးတၢ်လီတဖၣ်လၢ အအိၣ်လၢ ယၤ, ယဟိဝၤယွၤအဟံၣ်ပူၤ လၢဘၤဘူၤလိၣ်အစီၤပၤ နဘူၤကးန့စၢ် ဟံးန့ၢ်ဝဲ ဖဲတၢ်လီၢ်တတီၤအံၤ ဒီးက့ၤစိာ်ဝဲလၢ ဘၤဘူၤလိၣ်န့ၣ် လၢခံနံၣ်အတီၢ်ပူၤ ယကဟဲက့ၤစိာ်ကဒါက့ၤအီၤလၢ တၢ်လီၢ်တတီၤအံၤလီၤ.’”+

၁ ဖဲယူဒၤအစီၤပၤ ယဟိၤယါကံၣ်+ ပၢတၢ် သၢနံၣ်တနံၣ်န့ၣ်​ ဘၤဘူၤလိၣ်​ အစီၤပၤ နဘူၤကးန့စၢ် ဟဲကဝီၤဃာ် ဝ့ၢ်ယရူၤၡလ့ၣ်လီၤ.+ ၂ ဒီးယဟိဝၤယွၤ ဟ့ၣ်လီၤဝဲ ယူဒၤအစီၤပၤ ယဟိၤယါကံၣ်​ လၢစီၤနဘူၤကးန့စၢ် အစုပူၤ+ ဃုာ်ဒီး တၢ်ပီးတၢ်လီတနီၤလၢ အအိၣ်လၢ ယွၤလၢအမ့ၢ်အတီတဂၤ အဟံၣ်ပူၤလီၤ. ဒီးစီၤနဘူၤကးန့စၢ် က့ၤစိာ်ဝဲ တၢ်ပီးတၢ်လီတဖၣ်န့ၣ်ဆူ အယွၤ အဟံၣ်လၢ ပှၤဘၤဘူၤလိၣ်ဖိအကီၢ်* ပူၤလီၤ.+ ဒီးအဝဲပာ်လီၤဝဲ တၢ်ပီးတၢ်လီတဖၣ်န့ၣ်လၢ တၢ်လုၢ်ဒိၣ်ပှ့ၤဒိၣ်အလီၢ် လၢအယွၤ အဟံၣ်ပူၤလီၤ.+