၁၄ အဝဲက့ၤဖီၣ်ဝဲ ပှၤလၢဝ့ၢ်ယရူၤၡလ့ၣ်အပူၤ ခဲလၢာ်, ပဒိၣ်ဖးဒိၣ်ခဲလၢာ်,+ ပှၤသုးဖိလၢ အဂံၢ်ဆူၣ်ဘါဆူၣ်ခဲလၢာ်, ပှၤစုသ့ဖိ ဒီးပှၤပိာ်ထးဖိခဲလၢာ်လီၤ.+ အဝဲက့ၤဖီၣ်​ ပှၤအဂၤ ၁၀,၀၀၀ လီၤ. ပှၤလၢအအိၣ်တ့ၢ်န့ၣ်​ အိၣ်ထဲ ပှၤလၢအဖှီၣ်ကတၢၢ်တဖၣ်လီၤ.+ ၁၅ အဃိ အဝဲက့ၤဖီၣ်​ စီၤယဟိၤယါခံၣ်+ ဆူကီၢ်ဘၤဘူၤလိၣ်လီၤ.+ ဒီးလၢဝ့ၢ်ယရူၤၡလ့ၣ်အပူၤန့ၣ်​ အဝဲဖီၣ်န့ၢ်စ့ၢ်ကီး စီၤပၤအမိၢ်, စီၤပၤအမါတဖၣ်, အပဒိၣ်တဖၣ်​ ဒီးကီၢ်အပှၤဒိၣ်ပှၤပှၢ်တဖၣ်​ ဒီးက့ၤကိးအဝဲသ့ၣ်လၢ ကီၢ်ဘၤဘူၤလိၣ်လီၤ.

၂ ဒီးယဟိဝၤယွၤ ဟ့ၣ်လီၤဝဲ ယူဒၤအစီၤပၤ ယဟိၤယါကံၣ်​ လၢစီၤနဘူၤကးန့စၢ် အစုပူၤ+ ဃုာ်ဒီး တၢ်ပီးတၢ်လီတနီၤလၢ အအိၣ်လၢ ယွၤလၢအမ့ၢ်အတီတဂၤ အဟံၣ်ပူၤလီၤ. ဒီးစီၤနဘူၤကးန့စၢ် က့ၤစိာ်ဝဲ တၢ်ပီးတၢ်လီတဖၣ်န့ၣ်ဆူ အယွၤ အဟံၣ်လၢ ပှၤဘၤဘူၤလိၣ်ဖိအကီၢ်* ပူၤလီၤ.+ ဒီးအဝဲပာ်လီၤဝဲ တၢ်ပီးတၢ်လီတဖၣ်န့ၣ်လၢ တၢ်လုၢ်ဒိၣ်ပှ့ၤဒိၣ်အလီၢ် လၢအယွၤ အဟံၣ်ပူၤလီၤ.+

၃ ဝံၤဒီးစီၤပၤ မၤလိာ် အပဒိၣ်ဖးဒိၣ်အခိၣ်​ စီၤအၤၡပနး ဒ်သိး အကဟဲကိး ပှၤအံၣ်စရ့လးဖိတနီၤ ဃုာ်ဒီး စီၤပၤအဖိအလံၤ ဒီးပဒိၣ်အဖိအလံၤတဖၣ်လီၤ.+