၅၄ “ပိာ်ခွါလၢ အသူၣ်ကပုာ်သးကပုာ် ဒိၣ်ကတၢၢ် ဒီးလၢအသးဘၣ်ဒိ ညီကတၢၢ်တဂၤလၢ သုကျါဒၣ်လဲာ် တသးကညီၤဝဲ အဒီပုၢ်ဝဲၢ်ခွါ ဒီးအမါလၢ အအဲၣ်ဝဲ ဒီးအဖိခွါလၢ အအိၣ်တ့ၢ်တဖၣ်လၢၤဘၣ်. ၅၅ ဒီးမ့ၢ်လၢ သုဒုၣ်သုဒါတဖၣ်​ ကကဝီၤဃာ် သုဝ့ၢ်တဖၣ်​ ဒီးကမၤကီမၤခဲ ပှၤအိၣ်လၢသုဝ့ၢ်ပူၤတဖၣ်​ နးမးအဃိ ပိာ်ခွါတဂၤအံၤ ကအီၣ်တၢ်အဂီၢ် တၢ်တအိၣ်နီတမံၤလၢၤဘၣ်. အဝဲ ကအီၣ်က့ၤဝဲ အဖိအညၣ်​ ဘၣ်ဆၣ်​ အတဒုးအီၣ်​ ပှၤဂၤနီတစဲးဘၣ်.+ ၅၆ ပိာ်မုၣ်လၢ အသူၣ်ကပုာ်သးကပုာ် ဒိၣ်ကတၢၢ် ဒီးလၢအသးဘၣ်ဒိ ညီကတၢၢ် တုၤဒၣ်လဲာ် အယီၢ်လီၤဟီၣ်ခိၣ်မး တဘူၣ်ဘၣ်​ တဂၤန့ၣ်+ တသးကညီၤဝဲ အဝၤလၢ အအဲၣ်ဝဲ ဒီးအဖိမုၣ်ဖိခွါ နီတစဲးလၢၤဘၣ်. ၅၇ မ့ၢ်လၢ သုဒုၣ်သုဒါတဖၣ်​ ကကဝီၤဃာ် သုဝ့ၢ်တဖၣ်​ ဒီးကမၤကီမၤခဲ ပှၤအိၣ်လၢသုဝ့ၢ်ပူၤတဖၣ်​ နးမးအဃိ ပိာ်မုၣ်တဂၤအံၤ တသးကညီၤ အဖိခွါလၢ အအိၣ်ဖျဲၣ်ထီၣ်​ သီသီဒၣ်လဲာ်ဘၣ်​ ဒီးအဝဲ ကအီၣ်ခူသူၣ်ဝဲ အဖိခွါ ဃုာ်ဒီး အဟံၣ်လီၢ်* လၢအဟးထီၣ်လၢ အခီၣ်ကဆူးလီၤ.