၃၉ အဃိ ပှၤလုၢ်တၢ်ဒိၣ်​ စီၤအလၤဧစၢ် ဟံးန့ၢ်ဝဲ ပှၤလၢ မ့ၣ်အူအီၣ်ကွံာ်အီၤတဖၣ်​ အမ့ၣ်အူအ့ၣ်အခွး တိၢ်ဘီတဖၣ်​ ဒီးပိာ်က့ၤဝဲလၢ တၢ်ကဘျၣ်ဘူဘူဖိ ဒ်သိး ကကျးအီၤ လၢတၢ်လုၢ်လီၢ် ၄၀ ဒ်ယဟိဝၤယွၤ မၤလိာ်အီၤ ခီဖျိ စီၤမိၤၡ့ အသိးလီၤ. အဝဲန့ၣ်​ ကဲထီၣ်တၢ်ဒုးသ့ၣ်နီၣ်လၢ ပှၤအံၣ်စရ့လးဖိတဖၣ်အဂီၢ် လၢပှၤလၢအတမ့ၢ် စီၤအၤဟရိၣ်​ အစၢၤအသွဲၣ်ဘၣ်န့ၣ်​ တအိၣ်ဒီး တၢ်ခွဲးတၢ်ယာ်ဘၣ်* အဃိ အဝဲသ့ၣ်​ တဘၣ်သုးဘူးအသး ဒ်သိးကဒွဲၣ်ထီၣ်​ တၢ်နၢမူလၢ ယဟိဝၤယွၤ အမဲာ်ညါဘၣ်.+ ဒီးအကဲထီၣ်​ တၢ်ဒုးသ့ၣ်နီၣ်ဒ်သိး ပှၤသုတမၤထီၣ်အသး ဒ်စီၤကိၤရး ဒီးပှၤလၢ အအိၣ်ဃူဒီးအီၤတဖၣ်​ နီတဂၤတဂ့ၤအဂီၢ်လီၤ.+

၁၅ “တၢ်ပၢကစၢ် ယဟိဝၤယွၤ တဲဝဲလၢ ‘ဖဲပှၤအံၣ်စရ့လးဖိတဖၣ် ပာ်တ့ၢ်ကွံာ်ယၤအခါ+ ပှၤလုၢ်တၢ်ဒိၣ်တဖၣ်* လၢအမ့ၢ် စီၤစၤဒိး အစၢၤအသွဲၣ်တဖၣ်န့ၣ်+ ဆဲးမၤဝဲမူဒါလၢ အဘၣ်ထွဲဒီး တၢ်စီဆှံအလီၢ်န့ၣ်လီၤ. အဃိ အဝဲသ့ၣ် ကဟဲသုးဘူးအသးလၢ ယအိၣ် လၢကမၤယတၢ်အဂီၢ် ဒီးကဆၢထၢၣ်လၢ ယမဲာ်ညါ ဒ်သိး ကလုၢ်ထီၣ် တၢ်အသိ+ ဒီးတၢ်သွံၣ်+ လၢယအိၣ် အဂီၢ်လီၤ. ၁၆ အဝဲသ့ၣ် ကနုာ်လီၤလၢ ယတၢ်စီဆှံအလီၢ် ဒီးကသုးဘူးအသးလၢ ယစီၢ်နီၤခိၣ် ဒ်သိး ကမၤယတၢ် အဂီၢ်လီၤ.+ ဒီးအဝဲသ့ၣ် ကမၤဝဲ အမူဒါလၢ ယဟ့ၣ်လီၤအီၤလီၤ.+