၁၆ လၢခံ ယဟိဝၤယွၤ ထိၣ်ဟူးထိၣ်ဂဲၤထီၣ်+ ပှၤဖလ့ၡသးဖိ+ ဒီးပှၤဧ့ရ့းဖိလၢ+ အအိၣ်ဘူးဒီး ပှၤအဲၤသံအီးပးဖိ ဒ်သိးကထီဒါ စီၤယဟိရၣ်လီၤ. ၁၇ အဃိ အဝဲသ့ၣ်နုာ်လီၤဆူၣ်ဝဲလၢ ယူဒၤဘီမုၢ်အပူၤ ဒီးဟံးန့ၢ်ကွံာ်ဝဲ တၢ်ဖိတၢ်လံၤ ခဲလၢာ်လၢ အထံၣ်ဝဲလၢ စီၤပၤအဟံၣ်ပူၤလီၤ.+ အဝဲသ့ၣ်​ က့ၤဖီၣ်စ့ၢ်ကီး စီၤပၤအဖိခွါတဖၣ်​ ဒီးအမါတဖၣ်လီၤ. ဒီးအိၣ်တ့ၢ်က့ၤထဲဒၣ်​ စီၤပၤအဖိခွါသဒါ စီၤယဟိအါဃး* တဂၤလီၤ.+

၁၈ ဒီးပှၤဖလ့ၡသးဖိ+ စ့ၢ်ကီးဟဲဒုးဝဲ ဝ့ၢ်တဖၣ်​ လၢအိၣ်ဝဲလၢ ၡ့ဖလၣ်+ ဒီးနဲကဲၤလၢ ယူဒၤဘီမုၢ်အပူၤလီၤ. ဒီးအဝဲသ့ၣ်မၤန့ၢ်ဝဲ ဝ့ၢ်ဘ့ၤသၡ့မ့ၣ်,+ ဝ့ၢ်အးယၤလိၣ်,+ ဝ့ၢ်ကဒ့ရိၣ်, ဝ့ၢ်စိကိၤ ဒီးအဒူသဝီတဖၣ်, ဝ့ၢ်တံးမနး+ ဒီးအဒူသဝီတဖၣ်, ဝ့ၢ်ကံးမစိၤ ဒီးအဒူသဝီတဖၣ်​ ဒီးအဝဲသ့ၣ်​ အိၣ်ဝဲဖဲန့ၣ်လီၤ.

မ့ၢ်သုဟ့ၣ်ကၣ်ယၤလၢ တၢ်ဂ့ၢ်တမံၤမံၤ အဃိဧါ.