၈ အဃိ ဖဲဝံယံးရမံယၤ တဲဘၣ် ပှၤဂီၢ်မုၢ်ခဲလၢာ် လၢတၢ်ကတိၤလၢ ယဟိဝၤယွၤ မၤလိာ်အီၤ ဝံၤဝဲအခါ ပှၤလုၢ်တၢ်ဒိၣ်တဖၣ်, ဝံတဖၣ် ဒီးပှၤဂီၢ်မုၢ်ခဲလၢာ် ဖီၣ်န့ၢ်အီၤ ဒီးတဲအီၤလၢ “နကသံ သပှၢ်တၢၢ်လီၤ. ၉ ဘၣ်မနုၤအဃိ နတဲတၢ်ဒ်ဝံအသိး လၢယဟိဝၤယွၤ အမံၤပူၤ ဒီးတဲလၢ ‘ဟံၣ်တဖျၢၣ်အံၤ ကကဲထီၣ် ဒ်သိးဒီးဝ့ၢ်ၡံလိၤ ဒီးဝ့ၢ်တဖျၢၣ်အံၤ ကအိၣ်သယုၢ်ဝဲ ဒီးပှၤတအိၣ်လၢအပူၤ နီတဂၤလၢၤဘၣ်’ န့ၣ်လဲၣ်.” ဒီးပှၤဂီၢ်မုၢ်ခဲလၢာ် ကဝီၤဃာ် ဝံယံးရမံယၤ လၢယဟိဝၤယွၤ အဟံၣ်လီၤ.

၁ တၢ်ကတိၤတဖၣ်အံၤ မ့ၢ်ဝဲ စီၤဧၤမိၣ်* အတၢ်ကတိၤလီၤ. အဝဲပၣ်ဃုာ်လၢ ပှၤကွၢ်သိတဖၣ်လၢ အအိၣ်လၢ ဝ့ၢ်တကိၤ+ အကျါလီၤ. အဝဲဒိးန့ၢ်ဘၣ်​ တၢ်ကတိၤတဖၣ်အံၤခီဖျိလၢ တၢ်ထံၣ်လၢညါခီ လၢဘၣ်ဃးဒီး ပှၤအံၣ်စရ့လးဖိအဂ့ၢ်လီၤ. ဖဲန့ၣ်အခါ ဘၣ်ဖဲယူဒၤအစီၤပၤ ဧူးစံယါ+ အစိၤ ဒီးလၢစီၤယိၤအၣ်+ အဖိခွါ လၢအမ့ၢ် အံၣ်စရ့လး အစီၤပၤ စီၤယၤရၤဘၣ်+ အစိၤ တချုးဖဲ ဟီၣ်ခိၣ်ဟူးဒံးဘၣ်​ ခံနံၣ်န့ၣ်လီၤ.+