၃ “ကနၣ်လၢအံၤ, ပှၤဖှံတၢ်ချံတဂၤ လဲၤဖှံတၢ်လီၤ.+ ၄ ဖဲအဝဲ ဖှံတၢ်အခါ တၢ်ချံတနီၤန့ၣ်​ လီၤဘၣ်လၢကျဲကပၤ ဒီးထိၣ်တဖၣ်​ ဟဲအီၣ်ကွံာ်ဝဲလီၤ. ၅ တၢ်ချံအဂၤတနီၤန့ၣ်​ လီၤဘၣ်လၢ လၢၢ်အဖီခိၣ်လၢဟီၣ်ခိၣ်​ တအိၣ်အါအါဘၣ်လီၤ. ဒီးမ့ၢ်လၢ ဟီၣ်ခိၣ်ညၣ်​ ဘူဝဲအဃိ တၢ်ချံတဖၣ်​ မဲထီၣ်ဝဲ တဘျီဃီလီၤ.+ ၆ ဘၣ်ဆၣ်​ ဖဲမုၢ်ဟဲထီၣ်​ ဒီးဆဲးလီၤဘၣ်ဝဲ တၢ်မုၢ်တၢ်ဘိတဖၣ်အံၤအခါ အဃ့ထီဝဲ မ့ၢ်လၢ အဂံၢ်တစဲၤလီၤဘၣ်​ အဃိလီၤ. ၇ တၢ်ချံအဂၤတနီၤန့ၣ်​ လီၤဘၣ်လၢ တၤဆှုၣ်တၤမဲအကျါ ဒီးတၤဆှုၣ်တၤမဲတဖၣ်​ မဲထီၣ်ဒီး ခဲဘၢအီၤအဃိ အဝဲသ့ၣ်​ တသၣ်ထီၣ်ဝဲဘၣ်.+ ၈ မ့မ့ၢ် တၢ်ချံအဂၤတနီၤန့ၣ်​ လီၤဘၣ်လၢ ဟီၣ်ခိၣ်ညၣ်လၢအဂ့ၤ အဖီခိၣ်အဃိ မဲထီၣ်ဒီးအါထီၣ်ဝဲ ဒီးသၣ်ထီၣ်ဝဲလီၤ. ဒီးသၣ်ထီၣ်ဝဲ အါန့ၢ်အလီၢ်အစး ၃၀, ၆၀ ဒီး ၁၀၀ လီၤ.”+ ၉ ဒီးအတဲဝဲလၢ “ပှၤလၢ အနၢ်ဟူတၢ်သ့န့ၣ်​ မ်အဒိကနၣ်တၢ်ထံထံတက့ၢ်.”+

၄ ဖဲပှၤဂီၢ်မုၢ်ဖးဒိၣ်​ ဒီးပှၤလၢ အလဲၤတၢ်ဒီးယ့ၣ်ၡူး လၢဝ့ၢ်တဝ့ၢ်ဘၣ်တဝ့ၢ် အိၣ်ဝဲတပူၤဃီအခါ ယ့ၣ်ၡူးတဲဘၣ်​ အဝဲသ့ၣ်​ တၢ်ကတိၤဒိတခါလီၤ.+ အတဲဝဲလၢ ၅ “ပှၤဖှံတၢ်ချံတဂၤ လဲၤဖှံလီၤတၢ်ချံလီၤ. ဖဲအဝဲဖှံတၢ်အခါ တၢ်ချံတနီၤန့ၣ်​ လီၤဘၣ်လၢကျဲကပၤ ဒီးဘၣ်တၢ်ယီၢ်တံၢ်အီၤ ဒီးထိၣ်လၢမူခိၣ်တဖၣ်န့ၣ်​ ဟဲအီၣ်ကွံာ်ဝဲလီၤ.+ ၆ တနီၤန့ၣ်​ လီၤဘၣ်လၢ လၢၢ်ခိၣ်​ ဒီးဖဲအဟဲမဲထီၣ်အခါ မ့ၢ်လၢ ထံတအိၣ်ဘၣ်အဃိ အဃ့ထီကွံာ်ဝဲလီၤ.+ ၇ ဒီးတၢ်ချံအဂၤတနီၤန့ၣ်​ လီၤဘၣ်လၢ တၤဆှုၣ်တၤမဲအကျါ အဃိ ဖဲအမဲထီၣ်အခါ တၤဆှုၣ်တၤမဲ မဲထီၣ်ဒ်သိးသိးဒီးအီၤ ဒီးခဲဘၢကွံာ်အီၤလီၤ.+ ၈ ဘၣ်ဆၣ်​ အဂၤတနီၤန့ၣ်​ လီၤဘၣ်လၢ ဟီၣ်ခိၣ်ညၣ်လၢ အဂ့ၤအဖီခိၣ်​ ဒီးမဲထီၣ်ဝဲ ဒီးသၣ်ထီၣ်ဝဲတၤသၣ်​ အါန့ၢ်အလီၢ်အစး ၁၀၀ လီၤ.”+ အဝဲတဲ တၢ်ဂ့ၢ်တဖၣ်န့ၣ်ဝံၤဒီး မၤဒိၣ်ထီၣ်​ အကလုၢ်ဒီးတဲဝဲလၢ “ပှၤလၢ အနၢ်ဟူတၢ်သ့န့ၣ်​ မ်အဒိကနၣ်တၢ် ထံထံတက့ၢ်.”+