၉ လၢတၢ်န့ၣ်အဃိ ကစၢ်ယွၤ ပာ်ထီၣ်အလီၢ်အလၤ ထီန့ၢ်ဒံးလၢညါလီၤ.+ ဒီးလၢတၢ်သူၣ်ဂ့ၤ သးဝါအပူၤ ကစၢ်ယွၤဟ့ၣ်အီၤ မံၤတဖျၢၣ်လၢ အဒိၣ်န့ၢ်ဒံး ကယဲၢ်မံၤအဂၤ ခဲလၢာ်လီၤ.+ ၁၀ ကစၢ်ယွၤ မၤဝဲဒ်န့ၣ်န့ၣ် ဒ်သိးကယဲၢ် ပှၤအိၣ်လၢမူခိၣ်, ပှၤအိၣ်လၢဟီၣ်ခိၣ် ဒီးပှၤအိၣ်လၢ ဟီၣ်ခိၣ်လာ်ကိးဂၤဒဲး ကမၤလၤကပီၤ* ယ့ၣ်ၡူးအမံၤ အဂီၢ်လီၤ.+ ၁၁ ဒီးကယဲၢ် ပှၤခဲလၢာ် ကတဲဖျါထီၣ်ဝဲပျီပျီလၢ ယ့ၣ်ၡူးခရံာ်မ့ၢ်ကစၢ်လၢ+ ပၢ်ကစၢ်ယွၤ အလၤကပီၤ အဂီၢ်လီၤ.

၁၅ ဖဲတၢ်ဆၢကတီၢ်လၢ အဘၣ်တၢ်ပာ်ပနီၣ်အီၤ ဘၣ်ဝဲအခါ ကစၢ်လၢ အစိဒိၣ်ကမီၤထီလၢ အပှဲၤဒီးတၢ်သးခုတဂၤန့ၣ် ကပာ်ဖျါထီၣ် အနီၢ်ကစၢ်အသးလီၤ. အဝဲမ့ၢ် စီၤပၤတဖၣ်အစီၤပၤ ဒီးကစၢ်တဖၣ်အကစၢ်လီၤ.+