၁၄ ဖဲယ့ၣ်ၡူးလဲၤတုၤလၢ ထံကၢၢ်နံၤအခါ အဝဲထံၣ်ဘၣ်ဝဲ ပှၤဂီၢ်မုၢ်ဖးဒိၣ်​ ဒီးသးကညီၤဘၣ်​ အဝဲသ့ၣ်+ ဒီးမၤဘျါဝဲ ပှၤဆူးပှၤဆါတဖၣ်လီၤ.+ ၁၅ ဘၣ်ဆၣ်​ ဖဲမုၢ်ဟါလီၤအခါ အပျဲၢ်အဘီၣ်တဖၣ်​ ဟဲတဲအီၤလၢ “တၢ်လီၢ်တခါအံၤ အိၣ်ဖးယံၤညါ ဒီးမုၢ်ဟါလီၤလံအဃိ ပျဲက့ၤပှၤဂီၢ်မုၢ်တဖၣ်အံၤ ဒ်သိးအဝဲသ့ၣ်​ ကလဲၤပှ့ၤအီၣ်တၢ်လၢ သဝီတဖၣ်အပူၤမီၤ.”+ ၁၆ ဘၣ်ဆၣ်​ ယ့ၣ်ၡူးတဲဝဲလၢ “အဝဲသ့ၣ်​ တလိၣ်က့ၤဘၣ်. သုကဘၣ်ဒုးအီၣ်​ အဝဲသ့ၣ်တၢ်အီၣ်လီၤ.” ၁၇ အဝဲသ့ၣ်​ တဲဆၢအီၤလၢ “ပတၢ်တအိၣ်​ နီတမံၤဘၣ်, အိၣ်ဒၣ်ထဲ ကိၣ်ယဲၢ်လိၣ်​ ဒီးညၣ်ခံဘ့ၣ်လီၤ.”

၃၅ ဖဲမုၢ်ဟါလီၤအခါ အပျဲၢ်အဘီၣ်တဖၣ်​ ဟဲတဲအီၤလၢ “တၢ်လီၢ်တခါအံၤ အိၣ်ဖးယံၤညါ ဒီးမုၢ်ဟါလီၤလံ.+ ၃၆ ပျဲက့ၤအဝဲသ့ၣ်​ ဒ်သိး အဝဲသ့ၣ်ကလဲၤလၢ ခိခိၣ်ဒီးသဝီလၢ အဘူးတဖၣ်​ ဒီးကပှ့ၤအီၣ်တၢ်အီၣ်မီၤ.”+ ၃၇ ယ့ၣ်ၡူး တဲဆၢက့ၤအဝဲသ့ၣ်လၢ “သုကဘၣ်ဟ့ၣ်အီၣ်​ အဝဲသ့ၣ်တၢ်အီၣ်လီၤ.” အဝဲသ့ၣ်​ တဲယ့ၣ်ၡူးလၢ “ပကဘၣ်​ လဲၤပှ့ၤန့ၢ် ပှၤဂီၢ်မုၢ် ကိၣ်လၢစ့ ဒန့ၤရံၤ* ၂၀၀ ဒ်သိးကဒုးအီၣ်​ အဝဲသ့ၣ်အဂီၢ်ဧါ.”+ ၃၈ ယ့ၣ်ၡူး တဲဘၣ်အဝဲသ့ၣ်လၢ “သုကိၣ်အိၣ်​ ပှဲၤလိၣ်လဲၣ်. လဲၤကွၢ်နီၤ.” ဖဲအဝဲသ့ၣ်​ လဲၤကွၢ်ဝဲဝံၤအခါ တဲဝဲလၢ “ကိၣ်အိၣ်ယဲၢ်လိၣ်​ ဒီးညၣ်အိၣ်ခံဘ့ၣ်လီၤ.”+

၁၂ လၢခံ ဘူးထီၣ်ဖဲ မုၢ်ကလီၤနုာ်အခါ ပှၤတဆံခံဂၤ ဟဲထီၣ်ဝဲ ဒီးတဲဘၣ်ယ့ၣ်ၡူးလၢ “ပအိၣ်တၢ်လီၢ်အံၤ အိၣ်ဖးယံၤညါအဃိ ပျဲက့ၤပှၤဂီၢ်မုၢ်တဖၣ်​ ဒ်သိးအဝဲသ့ၣ်​ ကလဲၤလၢ ခိခိၣ်ဒီးသဝီလၢ အဘူးတဖၣ်​ လၢကဃုအီၣ်ဃုအီ ဒီးကဃုတၢ်လီၢ်လၢ ကအိၣ်ဝဲအဂီၢ်မီၤ.”+ ၁၃ ဘၣ်ဆၣ်​ ယ့ၣ်ၡူးတဲဘၣ်​ အဝဲသ့ၣ်လၢ “သုကဘၣ်ဒုးအီၣ်​ အဝဲသ့ၣ်​ တၢ်အီၣ်လီၤ.”+ အဝဲသ့ၣ်​ တဲဝဲလၢ “ပတၢ်တအိၣ်​ နီတမံၤဘၣ်, အိၣ်ထဲ ကိၣ်ယဲၢ်လိၣ်​ ဒီးညၣ်ခံဘ့ၣ်လီၤ. မ့ၢ်ပဘၣ်လဲၤပှ့ၤန့ၢ် တၢ်အီၣ်တၢ်အီလၢ ပှၤတဖၣ်အံၤ ခဲလၢာ်အဂီၢ်ဧါ.”