၃၈ “ဒီပုၢ်ဝဲၢ်သ့ၣ်ဧၢ, ခဲအံၤ ယဒုးသ့ၣ်ညါသုလၢ သုတၢ်ဒဲးဘးကပျၢ် ခီဖျိလၢ ပှၤတဂၤအံၤအဃိလီၤ.+ ၃၉ စီၤမိၤၡ့ အတၢ်သိၣ်တၢ်သီန့ၣ်​ ဒုးကဲထီၣ်သုလၢ ပှၤတီပှၤလိၤတသ့ဘၣ်.+ ဘၣ်ဆၣ်​ ခီဖျိလၢပှၤတဂၤအံၤအဃိ ကစၢ်ယွၤကကိး ပှၤလၢအနာ်တၢ် ကိးဂၤဒဲးလၢ ပှၤတီပှၤလိၤလီၤ.+

၁၅ ပတလီၤဂာ်ဒ်သိးဒီး ပှၤကလုာ်တဖၣ် လၢအမ့ၢ် ပှၤတၢ်ဒဲးဘးဖိဘၣ်. ပဝဲလၢ အအိၣ်ဖျဲၣ်ထီၣ် ဒ်ပှၤယူဒၤဖိတဖၣ်န့ၣ် ၁၆ ပနၢ်ပၢၢ်လၢ ပှၤတဂၤဂၤ ဘၣ်တၢ်ပာ်တီပာ်လိၤအီၤထဲလၢ အတၢ်နာ်+ ယ့ၣ်ၡူးခရံာ်အဃိ+ ဒီးတမ့ၢ်လၢ တၢ်မၤလၢအဘၣ်ထွဲဒီး တၢ်သိၣ်တၢ်သီအဃိဘၣ်. ပနာ်ယ့ၣ်ၡူးခရံာ် ဒ်သိး ကစၢ်ယွၤကပာ်တီပာ်လိာ်ပှၤ လၢတၢ်နာ်ခရံာ်အဃိ ဒီးတမ့ၢ်လၢ တၢ်မၤလၢအဘၣ်ထွဲဒီး တၢ်သိၣ်တၢ်သီ အဃိဘၣ်. ပှၤလၢ ကစၢ်ယွၤ ပာ်တီပာ်လိၤအီၤလၢ တၢ်မၤလၢအဘၣ်ထွဲဒီး တၢ်သိၣ်တၢ်သီအဃိန့ၣ် တအိၣ်နီတဂၤဘၣ်.+

၁၀ စီၤမိၤၡ့ အတၢ်သိၣ်တၢ်သီန့ၣ် မ့ၢ်တၢ်အကဒုလၢ+ အပာ်ဖျါထီၣ် တၢ်လၢအဂ့ၤလၢ အကဟဲဝဲတဖၣ်လီၤ.+ ဘၣ်ဆၣ် အတမ့ၢ် တၢ်လၢအနီၢ်ကီၢ်တဖၣ်န့ၣ်ဘၣ်. ဒီးစီၤမိၤၡ့ အတၢ်သိၣ်တၢ်သီ ဒီးတၢ်လုၢ်တၢ်ပာ် အလီၢ်လီၢ်တဖၣ် လၢအဘၣ် တၢ်ဟ့ၣ်လုၢ်ထီၣ်အီၤ တနံၣ်ဘၣ်တနံၣ်န့ၣ် ဒုးကဲထီၣ် ပှၤလၢအဘူၣ်ထီၣ်ဘါထီၣ် ကစၢ်ယွၤလၢ ပှၤလၢပှၤပှဲၤ တသ့နီတဘျီဘၣ်.+