၇ ဒီးစီၤမိၤၡ့ တဲဘၣ်​ စီၤအၤဟရိၣ်လၢ “လဲၤလၢ တၢ်လုၢ်လီၢ် ဒီးလုၢ်ထီၣ်​ နတၢ်လုၢ်လၢ တၢ်ဒဲးဘးအဂီၢ်+ ဒီးတၢ်လုၢ်ဒွဲၣ်အူ လၢနဂီၢ် ဒီးမၤဘၣ်လိာ်ဖိးဒ့က့ၤတၢ်လၢ နနီၢ်ကစၢ်+ ဒီးနဒူၣ်ဖိထၢဖိ အဂီၢ်တက့ၢ်. ဒီးလုၢ်ထီၣ်​ တၢ်လုၢ်လၢ ပှၤဂီၢ်မုၢ်အဂီၢ်+ ဒီးမၤဘၣ်လိာ်ဖိးဒ့က့ၤတၢ်လၢ အဝဲသ့ၣ်အဂီၢ်+ ဒ်ယဟိဝၤယွၤ မၤလိာ်ဝဲ အသိးန့ၣ်တက့ၢ်.”

၈ တဘျီဃီန့ၣ်​ စီၤအၤဟရိၣ်​ လဲၤလၢတၢ်လုၢ်လီၢ် ဒီးမၤသံဝဲ ကျီၢ်ဖိ လၢအမ့ၢ် တၢ်လုၢ်လၢ အနီၢ်ကစၢ် အတၢ်ဒဲးဘး အဂီၢ်လီၤ.+ ၉ ဒီးစီၤအၤဟရိၣ်​ အဖိခွါတဖၣ်​ လဲၤစိာ်န့ၢ်အီၤ ကျီၢ်ဖိအံၤအသွံၣ်+ ဒီးအဝဲဘျၢလီၤ အစုနၢတဘိလၢ တၢ်သွံၣ်အံၤအကျါ ဒီးထွါအီၤလၢ တၢ်လုၢ်လီၢ်အနၢၤတဖၣ်​ အလိၤလီၤ. မ့မ့ၢ် တၢ်သွံၣ်လၢ အအိၣ်တ့ၢ်ဝဲခဲလၢာ်န့ၣ်​ အဝဲ ကဘၣ်လူလီၤဝဲလၢ တၢ်လုၢ်လီၢ် အခီၣ်ထံးလီၤ.+