၂၇ ပှၤလၢ ကစၢ်ယွၤဆှၢလီၤအီၤတဂၤ ဟဲလၢ စီၤဧ့လံၤအအိၣ်​ ဒီးတဲအီၤလၢ “ယဟိဝၤယွၤ တဲဝဲလၢ ‘ဖဲနဖုဖးဒိၣ်​ အဒူၣ်ဖိထၢဖိတဖၣ်​ အိၣ်လၢ ကီၢ်အဲၤကူပတူးအပူၤ ဒီးမၤတၢ်ဒ် ကုၢ်တဖၣ်လၢ ဖၤရိၤအဂီၢ်အခါ မ့ၢ်ယတလီၣ်ဖျါထီၣ်ယသး လၢအဝဲသ့ၣ်​ အအိၣ်ဘၣ်ဧါ.+ ၂၈ ဒီးနဖုဖးဒိၣ်​ ဘၣ်တၢ်ဃုထၢထီၣ်အီၤလၢ ပှၤအံၣ်စရ့လးဖိ အဒူၣ်ခဲလၢာ်အကျါ+ ဒ်သိး အကကဲထီၣ်​ ယပှၤလုၢ်တၢ်ဒိၣ်, ကဟ့ၣ်လုၢ်ထီၣ်တၢ်လၢ ယတၢ်လုၢ်လီၢ် အဖီခိၣ်,+ ကဒွဲၣ်ထီၣ်တၢ်နၢမူ ဒီးကသိးဝဲ အ့ဖိးတဘ့ၣ်လၢ ယမဲာ်ညါလီၤ. အဃိ တၢ်လုၢ်တၢ်ပာ် ခဲလၢာ်လၢ ပှၤအံၣ်စရ့လးဖိ ဟဲစိာ်ဝဲလၢယအိၣ်​ ဒ်သိးအဝဲသ့ၣ်​ ကဒွဲၣ်အူထီၣ်အီၤ ဒ်တၢ်လုၢ်တၢ်ပာ် အသိးန့ၣ်​ ယဟ့ၣ်လီၤ နဖုဖးဒိၣ်​ ဒီးအစၢၤအသွဲၣ်တဖၣ်​ တၢ်ခွဲးတၢ်ယာ် လၢအကဟံးန့ၢ်ဝဲ တကူာ်လီၤ.+