• ယၡါယၤ ၂၅:၈
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    •  ၈ တၢ်ပၢကစၢ် ယဟိဝၤယွၤ ကထွါကွံာ် မဲာ်ထံလၢ ပှၤခဲလၢာ် အမဲာ်+

      ဒီးအဝဲ ကယူၢ်လီၤကွံာ်* တၢ်သံ လီၤထူလီၤယိာ်လီၤ.+

      ကစၢ်ယွၤ ကထုးထီၣ်ကွံာ် တၢ်ဒုၣ်ဒွဲၣ်လၢ အဘၣ်အပှၤဂီၢ်မုၢ် လၢဟီၣ်ခိၣ်ချၢဒီဘ့ၣ်,

      မ့ၢ်လၢ ယဟိဝၤယွၤ အနီၢ်ကစၢ် တဲတ့ၢ်ဝဲ ဒ်န့ၣ်အဃိလီၤ.

  • ရိမ့ၤ ၈:၂၀, ၂၁
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၂၀ မ့ၢ်လၢ တၢ်ဘၣ်တ့တဖၣ်န့ၣ် ဘၣ်တၢ်ဟ့ၣ်လီၤကွံာ် အဝဲသ့ၣ်ဆူ တၢ်ကလီကလီ အပူၤလီၤ.+ ဘၣ်ဆၣ် တမ့ၢ်လၢ အဝဲသ့ၣ်အနီၢ်ကစၢ် အတၢ်ဘၣ်သးဘၣ်, မ့ၢ်ဖဲဒၣ် ကစၢ်ယွၤလၢ အဟ့ၣ်လီၤကွံာ်အီၤ တဂၤအသးလီၤ. သနာ်က့ ဖဲန့ၣ်အခါ အဝဲဟ့ၣ် တၢ်မုၢ်လၢ် စ့ၢ်ကီးလီၤ. ၂၁ တၢ်ဘၣ်တ့တဖၣ် ကထူၣ်ဖျဲးထီၣ်လၢ+ တၢ်အုၣ်တၢ်ကျၣ် အတၢ်ကဲကုၢ်အပူၤ ဒီးကဒိးန့ၢ်ဘၣ်ဝဲ ကစၢ်ယွၤအဖိတဖၣ် အတၢ်သဘျ့ လၢအပှဲၤဒီး တၢ်လၤကပီၤလီၤ.