၁၆ ဆၣ်ဖိကီၢ်ဖိလၢ အအၢတဒုန့ၣ် မၢဆူၣ်ဝဲပှၤခဲလၢာ်, ပၣ်ဃုာ်ဒီး ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤ, ပှၤထူးပှၤတီၤမ့ၢ်ဂ့ၤ, ပှၤအဖှီၣ်မ့ၢ်ဂ့ၤ, ကုၢ်မ့ၢ်ဂ့ၤ, ပှၤလၢအအိၣ်ဒီး တၢ်သဘျ့မ့ၢ်ဂ့ၤ ဒ်သိးအဝဲသ့ၣ် ကဒိးန့ၢ်ဘၣ် တၢ်ပနီၣ်လၢ အစုထွဲအလိၤ မ့တမ့ၢ် လၢအမဲာ်တူၢ်ခိၣ်လီၤ.+ ၁၇ ဒီးပှၤလၢအတအိၣ်ဒီး တၢ်ပနီၣ် လၢအမ့ၢ် ဆၣ်ဖိကီၢ်ဖိလၢ အအၢတဒုန့ၣ်အမံၤ+ မ့တမ့ၢ် အမံၤအနီၣ်ဂံၢ်ဘၣ်န့ၣ်+ အဝဲသ့ၣ် ပှ့ၤတၢ်မ့ၢ်ဂ့ၤ, ဆါတၢ်မ့ၢ်ဂ့ၤ တန့ၢ်နီတဂၤဘၣ်. ၁၈ ပှၤလိၣ်ဘၣ် တၢ်ကူၣ်သ့ဒ်သိး ကနၢ်ပၢၢ် တၢ်ဂ့ၢ်အံၤအဂီၢ်လီၤ. ပှၤလၢအအိၣ်ဒီး တၢ်ကူၣ်တၢ်ဆးန့ၣ် မ်အဒွးဝဲ ဆၣ်ဖိကီၢ်ဖိလၢအအၢအံၤ အနီၣ်ဂံၢ်တက့ၢ်. နီၣ်ဂံၢ်အံၤမ့ၢ်ဝဲ ပှၤဟီၣ်ခိၣ်ဖိအနီၣ်ဂံၢ် ဒီးအနီၣ်ဂံၢ်မ့ၢ်ဝဲ ၆၆၆ လီၤ.+

၂ မူခိၣ်ကလူး အဆိကတၢၢ်တဂၤန့ၣ် ဟးထီၣ်ဒီး လူလီၤအလီခီဖျၢၣ်လၢ ဟီၣ်ခိၣ်ချၢလီၤ.+ ဒီးတၢ်ပူၤလီၢ်လၢ အလီၤပျံၤလီၤဖုး+ ဒီးအနးမးန့ၣ် အိၣ်ထီၣ်ဝဲလၢ ပှၤလၢအအိၣ်ဒီးတၢ်ပနီၣ်လၢ အဘၣ်ဃးဒီး ဆၣ်ဖိကီၢ်ဖိလၢအအၢ+ ဒီးအဘူၣ်ထီၣ်ဘါထီၣ် အဂီၤန့ၣ် အလိၤလီၤ.+

၄ ဒီးယထံၣ်ဘၣ် လီၢ်ပစိာ်တဖၣ် ဒီးပှၤလၢ အဆ့ၣ်နီၤလၢအလိၤန့ၣ် ကစၢ်ယွၤ ဟ့ၣ်လီၤအဝဲသ့ၣ် တၢ်စိတၢ်ကမီၤလၢ ကစံၣ်ညီၣ်တၢ်အဂီၢ်လီၤ. မ့ၢ်လီၤ, ယထံၣ်ဘၣ် ပှၤ* လၢအဘၣ်တၢ်မၤသံအီၤ ခီဖျိလၢ အဝဲသ့ၣ်အုၣ်အသးလၢ ယ့ၣ်ၡူးအဂ့ၢ် ဒီးစံၣ်တဲၤတဲလီၤ ကစၢ်ယွၤအဂ့ၢ် အဃိလီၤ. ပှၤတဖၣ်န့ၣ် တဘူၣ်ထီၣ်ဘါထီၣ် ဆၣ်ဖိကီၢ်ဖိလၢ အအၢတဒုမ့ၢ်ဂ့ၤ အဂီၤမ့ၢ်ဂ့ၤန့ၣ်ဘၣ်. ဒီးအဝဲသ့ၣ် တဒိးန့ၢ်ဘၣ် တၢ်ပနီၣ်လၢ အမဲာ်တူၢ်ခိၣ် ဒီးလၢအစုလိၤဘၣ်.+ အဝဲသ့ၣ်သမူထီၣ်က့ၤ ဒီးပၢဃုာ်တၢ်ဒီးခရံာ်+ အနံၣ် ၁,၀၀၀ ဒ်စီၤပၤတဖၣ် အသိးလီၤ.