ယိၤၡူ
၁၉ ဒီးတၢ်ဖးခံခါတခါ+ လီၤဘၣ်လၢ စူၤမ့းအိၣ်အဒူၣ်အဂီၢ်+ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ဒီးအဝဲသ့ၣ် အတၢ်န့ၢ်သါန့ၣ် အိၣ်ဝဲလၢ ပှၤယူဒၤဖိ အတၢ်န့ၢ်သါအကျါလီၤ.+ ၂ အဝဲသ့ၣ် အတၢ်န့ၢ်သါန့ၣ် မ့ၢ်ဝဲ ဘ့ၢ်ၡဘၤ+ ဒီးၡဘၤ, မိၤလဒၤ,+ ၃ ဃစၢ်ၡူဧလး,+ ဘၤလၤ, ဧၤစ့ၣ်,+ ၄ အ့းလတိလး,+ ဘသူလး, ဃိၢ်မါ, ၅ စံကလး,+ ဘ့ၤသမၢ်ကဘိး, ဃစၢ်စူစၤ, ၆ ဘ့ၤသလဘိး+ ဒီးၡရူၤဃ့ၣ်လီၤ. ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ ၁၃ ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီးလီၤ. ၇ ဝ့ၢ်လၢအဂၤတဖၣ် မ့ၢ်ဝဲ ဧ့ၣ်, ရံးမိၣ်, ဧ့သ့ၢ် ဒီးဧၤၡၣ်လီၤ.+ ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ လွံၢ်ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီး ၈ ဒီးသဝီတဖၣ်လၢ အအိၣ်လၢ ဝ့ၢ်တဖၣ်အံၤအကပိာ်ကပၤ တုၤလီၤလၢ ဝ့ၢ်ဘဧၤလးဘ့ၢ် လၢအမ့ၢ်ဝ့ၢ်ရၤမါ လၢကလံၤထံးတခီလီၤ. အဝဲန့ၣ်မ့ၢ်ဝဲ တၢ်န့ၢ်သါလၢ စူၤမ့းအိၣ်အဒူၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ၉ ယူဒၤအဒူၣ်န့ၣ် န့ၢ်သါဘၣ်ဝဲ တၢ်လီၢ် လဲၢ်တလၢ လၢအဝဲသ့ၣ်အဂီၢ်အဃိ အဘၣ်တၢ်ဟ့ၣ်လီၤအီၤလၢ စူၤမ့းအိၣ်အစၢၤအသွဲၣ် အဂီၢ်တနီၤလီၤ. အဃိ စူၤမ့းအိၣ်အစၢၤအသွဲၣ် ဒိးန့ၢ်ဘၣ်ဃုာ်ဝဲ တၢ်န့ၢ်သါလၢ အဝဲသ့ၣ်အတၢ်န့ၢ်သါအကျါလီၤ.+
၁၀ ဒီးတၢ်ဖးသၢခါတခါန့ၣ်+ လီၤဘၣ်ဝဲလၢ စဘူလိၣ်အစၢၤအသွဲၣ်အဂီၢ်+ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. တၢ်န့ၢ်သါလၢ အဝဲသ့ၣ်ဒိးန့ၢ်ဘၣ်ဝဲန့ၣ် အကီၢ်ဆၢ လဲၤပၢၢ်တုၤလၢ ဝ့ၢ်စၤရံးလီၤ. ၁၁ အဝဲသ့ၣ် အကီၢ်ဆၢန့ၣ် လဲၤထီၣ်လၢ မုၢ်နုာ်တခီဆူ မရၤလၤ တုၤလၢ ဝ့ၢ်ဒးဘးၡ့း ဒီးတုၤလၢ တၢ်တြီၤပူၤ လၢဝ့ၢ်ယၤကနၣ် အမဲာ်ညါန့ၣ်လီၤ. ၁၂ ဒီးကီၢ်ဆၢန့ၣ် စးထီၣ်လၢ ဝ့ၢ်စၤရံး အမုၢ်ထီၣ်တခီ တုၤလၢ ကံးစလိးတၤဘိၢ် အကီၢ်ဆၢ ဒီးဖျိထီၣ်တုၤလၢ ဒၤဘြး+ ဒီးလဲၤထီၣ်တုၤလၢ ယၤဖံလီၤ. ၁၃ ဒီးဆဲးလဲၤဝဲ လၢမုၢ်ထီၣ်တခီ လၢကၤသးဃ့ဖ့ၢ်+ တုၤလၢ ဧ့းတၤကစံၣ် ဒီးဖျိထီၣ်တုၤလၢ ရံးမိၣ် ဒီးလဲၤဝဲတုၤလၢ န့ဧၤလီၤ. ၁၄ ဒီးကီၢ်ဆၢ လဲၤတရံးဝဲလၢ ကလံၤစိးတခီ တုၤလၢဃးနသိၣ် ဒီးကတၢၢ်ဝဲဖဲ ယံးဖတ့လး အတၢ်တြီၤလီၤ. ၁၅ ဒီးအပၣ်ဃုာ်ဒီး ကးတး, နဟးလလး, ၡံးမရိၣ်,+ ယံးဒၤလၤ ဒီးဘ့ၤသလ့ဃ့ၣ်န့ၣ်လီၤ.+ ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ ၁၂ ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီးလီၤ. ၁၆ အဝဲန့ၣ်မ့ၢ်ဝဲ တၢ်န့ၢ်သါလၢ စဘူလိၣ်အစၢၤအသွဲၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ.+ ဒီးဝ့ၢ်တဖၣ်အံၤ မ့ၢ်အဝဲသ့ၣ်အဝ့ၢ်တဖၣ် ဒီးအဒူသဝီတဖၣ်လီၤ.
၁၇ တၢ်ဖးလွံၢ်ခါတခါန့ၣ်+ လီၤဘၣ်လၢ ယံးစၣ်ကၢ်အစၢၤအသွဲၣ်အဂီၢ်+ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ၁၈ ဒီးအဝဲသ့ၣ် အကီၢ်ဆၢန့ၣ် မ့ၢ်ဝဲ ယံးစရ့လး,+ ယံးစူးလိး, ၡူန့ၣ်,+ ၁၉ ဃဖၢ်ရဲၣ်, ၡံအိၣ်, အနၤဃရး, ၂၀ ရးဘံး, ကံးၡယိၣ်, အၤဘ့း, ၂၁ ရ့မ့း, ဧ့ၣ်ကးနံၣ်,+ ဧ့ၣ်ဃးဒၤ ဒီးဘ့ၤသပးစ့းလီၤ. ၂၂ ဒီးကီၢ်ဆၢန့ၣ် လဲၤတုၤလၢ တၤဘိၢ်,+ ၡၤကစံမၤ, ဘ့ၤသၡ့မ့ၣ် ဒီးအဝဲသ့ၣ် အကီၢ်ဆၢ ကတၢၢ်ဝဲဖဲ ထံကျိယၢ်ဒ့ၣ်လီၤ. ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ ၁၆ ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီးလီၤ. ၂၃ အဝဲန့ၣ်မ့ၢ်ဝဲ တၢ်န့ၢ်သါလၢ ယံးစၣ်ကၢ်အဒူၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ.+ ဒီးဝ့ၢ်တဖၣ်အံၤ မ့ၢ်အဝဲသ့ၣ်အဝ့ၢ်တဖၣ် ဒီးအဒူသဝီတဖၣ်လီၤ.
၂၄ ဒီးတၢ်ဖးယဲၢ်ခါတခါန့ၣ်+ လီၤဘၣ်လၢ အၤၡ့ၢ်အဒူၣ်အဂီၢ်+ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ၂၅ ဒီးအဝဲသ့ၣ် အကီၢ်ဆၢန့ၣ် မ့ၢ်ဝဲ ဃ့လကး,+ ဃလံ, ဘ့တ့ၣ်, အးကၡး, ၂၆ အလးမ့လ့း, ဧၤမး ဒီးမံၤၡ့လးလီၤ. ဒီးအကီၢ်ဆၢန့ၣ် လဲၤလၢ မုၢ်နုာ်တခီ တုၤလၢကၢ်မ့ၤလး+ ဒီးလၢ ၡံဃိၢ်လံးဘနး ၂၇ ဒီးက့ၤကဒါက့ၤလၢ မုၢ်ထီၣ်တခီ လၢဘ့ၤသဒၤကိၣ် ဒီးလဲၤတုၤလၢ စဘူလိၣ် ဒီးယံးဖတ့လး အတၢ်တြီၤ လၢကလံၤစိးတခီ တုၤလၢ ဘ့ၤသဧ့ၤမ့း ဒီးနဧ့လး ဒီးလဲၤတုၤလၢ ကၤဘူလး အစ့ၣ်တခီ ၂၈ ဒီးတုၤလၢ ဃ့ဘြိၣ်, ရဃိာ်, ဃမိၤ ဒီးကါနၤ ပၢၢ်တုၤလၢ စံဒိၣ် လၢအမ့ၢ်ဝ့ၢ်ဖးဒိၣ်လီၤ.+ ၂၉ ဒီးကီၢ်ဆၢ က့ၤကဒါက့ၤလၢ ရၤမါ ပၢၢ်တုၤလၢ ဝ့ၢ်စိၢ်+ လၢအအိၣ်ဒီး အဒူၣ်လၢအကျၢၤလီၤ. ဒီးကီၢ်ဆၢ လဲၤကဒါက့ၤလၢ ဃိစၤ ဒီးကတၢၢ်ဝဲဖဲ ပီၣ်လဲၣ် လၢအအိၣ်လၢ အၤကစံာ် အဟီၣ်ကဝီၤ, ၃၀ ဧူးမၤ, အဖ့း+ ဒီးရဃိာ်လီၤ.+ ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ ၂၂ ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီးလီၤ. ၃၁ အဝဲအံၤန့ၣ် မ့ၢ်တၢ်န့ၢ်သါလၢ အၤၡ့ၢ်အဒူၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ.+ ဒီးဝ့ၢ်တဖၣ်အံၤ မ့ၢ်အဝဲသ့ၣ်အဝ့ၢ်တဖၣ် ဒီးအဒူသဝီတဖၣ်လီၤ.
၃၂ ဒီးတၢ်ဖးဃုခါတခါန့ၣ်+ လီၤဘၣ်လၢ နးသၤလံအစၢၤအသွဲၣ်အဂီၢ် ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ၃၃ အဝဲသ့ၣ် အကီၢ်ဆၢန့ၣ် စးထီၣ်လၢ ယ့လ့ာ် ဒီးလၢ သ့ၣ်ဖးဒိၣ် လၢစၤဧနဲၣ်+ တုၤလၢ အဒၣ်မံၤန့က့ာ် ဒီးယးဘန့လး ပၢၢ်တုၤလၢ လးကူၣ်လီၤ. ဒီးကတၢၢ်ဝဲဖဲ ထံကျိယၢ်ဒ့ၣ်လီၤ. ၃၄ ဒီးအကီၢ်ဆၢ က့ၤကဒါက့ၤ လၢမုၢ်နုာ်တခီဆူ အၤစနိးတၤဘိၢ် ဒီးလဲၤတုၤလၢ ဃူးကိး ဒီးတုၤလၢ စဘူလိၣ် လၢကလံၤထံး ဒီးလၢအၤၡ့ၢ် လၢမုၢ်နုာ်တခီ တုၤလၢယူဒၤ လၢထံကျိယၢ်ဒ့ၣ် အမုၢ်ထီၣ်တခီလီၤ. ၃၅ ဒီးဝ့ၢ်တဖၣ်လၢအအိၣ်ဒီး အဒူၣ်လၢ အကျၢၤန့ၣ် မ့ၢ်ဝဲ စံးဒံၣ်, စ့ၢ်, ဃးမး,+ ရးကး, ကံးန့ၤရ့သး, ၃၆ အဒၤမၤ, ရၤမါ, ဃါစိၢ်,+ ၃၇ က့ဒ့ၣ်,+ အ့ဒြံၤ, ဧ့ၣ်ဃစိၢ်, ၃၈ ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနး ဒီးဘ့ၤသၡ့မ့ၣ်လီၤ.+ ဝ့ၢ်တဖၣ်အံၤ ခဲလၢာ်ခဲဆ့အိၣ်ဝဲ ၁၉ ဖျၢၣ် ဒီးဒူသဝီတဖၣ် အိၣ်ဝဲစ့ၢ်ကီးလီၤ. ၃၉ အဝဲန့ၣ်မ့ၢ်ဝဲ တၢ်န့ၢ်သါလၢ နးသၤလံအဒူၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ.+ ဒီးဝ့ၢ်တဖၣ်အံၤ မ့ၢ်အဝဲသ့ၣ်အဝ့ၢ်တဖၣ် ဒီးအဒူသဝီတဖၣ်လီၤ.
၄၀ ဒီးတၢ်ဖးနွံခါတခါန့ၣ်+ လီၤဘၣ်လၢ ဒၣ်အဒူၣ်အဂီၢ်+ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ၄၁ ဒီးတၢ်န့ၢ်သါလၢ အဝဲသ့ၣ် ဒိးန့ၢ်ဘၣ်ဝဲန့ၣ် အကီၢ်ဆၢမ့ၢ်ဝဲ စိးရၤ,+ အ့ၤၡတိလး, ဧံၢ်ၡ့မ့ၣ်, ၄၂ ၡၤလးဘံၣ်,+ အးယၤလိၣ်,+ ယံးသလၤ, ၄၃ အ့လိၣ်, တံးမနး,+ ဧ့ကြိၣ်,+ ၄၄ အ့လတက့ၤ, ကံးဘသိၣ်,+ ဘဧၤလး, ၄၅ ယဟူး, ဘန့ဘရး, ကၤသးရံမိၣ်,+ ၄၆ မ့ယၢ်ကိၣ်ဒီးရးကိၣ် ဝံၤဒီးကီၢ်ဆၢ လဲၤဝဲလၢ ယၤဖိၤအမဲာ်ညါလီၤ.+ ၄၇ ဘၣ်ဆၣ် ပှၤဒၣ်ဖိ အဟီၣ်ကဝီၤန့ၣ် အံၣ်တလၢ လၢအဝဲသ့ၣ်အဂီၢ်အဃိ+ အဝဲသ့ၣ် လဲၤထီၣ်ဒုးဝဲ ဝ့ၢ်လ့ၡ့ၢ်+ ဒီးမၤသံကွံာ်ဝဲ ပှၤဝ့ၢ်ဖိလၢနးလီၤ. ဒီးအဝဲသ့ၣ် မၤန့ၢ်ဝဲဝ့ၢ် ဒီးအိၣ်ဝဲဆိးဝဲ ဖဲန့ၣ်လီၤ. ဝံၤဒီး အဝဲသ့ၣ်ဆီတလဲကွံာ်ဝဲ ဝ့ၢ်လ့ၡ့ၢ် အမံၤလၢ ဝ့ၢ်ဒၣ် ဒ်အဖုဖးဒိၣ် အမံၤအိၣ်ဝဲအသိးလီၤ.+ ၄၈ အဝဲန့ၣ်မ့ၢ်ဝဲ တၢ်န့ၢ်သါလၢ ဒၣ်အဒူၣ် ဒိးန့ၢ်ဘၣ်ဝဲ ဒ်အဒူၣ်ဖိထၢဖိတဖၣ် အိၣ်ဝဲအသိးလီၤ. ဒီးဝ့ၢ်တဖၣ်အံၤ မ့ၢ်အဝဲသ့ၣ်အဝ့ၢ်တဖၣ် ဒီးအဒူသဝီတဖၣ်လီၤ.
၄၉ ပှၤနီၤဖးလီၤ ထံကီၢ်လၢ ပှၤအံၣ်စရ့လးဖိအဂီၢ် ဒ်တၢ်န့ၢ်သါအသိး ဝံၤဝဲလီၤ. ဝံၤဒီး လၢအဝဲသ့ၣ် အတၢ်န့ၢ်သါအကျါန့ၣ် ဟ့ၣ်နီၤလီၤဝဲ စီၤနိၣ်အဖိခွါ စီၤယိၤၡူ တၢ်လီၢ်တတီၤလီၤ. ၅၀ ဒ်ယဟိဝၤယွၤ မၤလိာ်ဝဲအသိး အဝဲသ့ၣ် ဟ့ၣ်စီၤယိၤၡူ ဝ့ၢ်လၢ စီၤယိၤၡူ ဃ့ဝဲန့ၣ်လီၤ. ဝ့ၢ်န့ၣ် မ့ၢ်ဝဲ တံးမနးစ့ရၤ+ လၢအ့ဖရဲၣ်အကစၢၢ်ကလိကျါလီၤ. ဒီးစီၤယိၤၡူ တ့ထီၣ်က့ၤဝ့ၢ်ဒီး အိၣ်ဝဲဖဲန့ၣ်လီၤ.
၅၁ တၢ်လီၢ်တၢ်ကျဲတဖၣ်အံၤ မ့ၢ်ဝဲ တၢ်န့ၢ်သါလၢ ပှၤလုၢ်တၢ်ဒိၣ် စီၤအလၤဧစၢ်, စီၤနိၣ်အဖိခွါ စီၤယိၤၡူ ဒီးအံၣ်စရ့လးအဒူၣ် အခိၣ်အနၢ်တဖၣ် နီၤလီၤဝဲန့ၣ်လီၤ.+ အဝဲသ့ၣ်နီၤလီၤဝဲ ခီဖျိတၢ်ဖး လၢယဟိဝၤယွၤအမဲာ်ညါ ဖဲဝ့ၢ်ၡံလိၤ+ လၢတၢ်အိၣ်ဖှိၣ်အဒဲအတၢ်နုာ်လီၤအလီၢ်လီၤ.+ ဒီးအဝဲသ့ၣ်နီၤလီၤ ကီၢ်ဝံၤဝဲလီၤ.