ယံးရမံယၤ
၄၅ ဖဲစီၤယိၤၡံယၤအဖိခွါ လၢအမ့ၢ် ယူဒၤအစီၤပၤယဟိၤယါကံၣ်+ ပၢတၢ် လွံၢ်နံၣ်တနံၣ်န့ၣ် စီၤန့ၤရံယၤ အဖိခွါ စီၤဘၤရူး+ ကွဲးလီၤတၢ်ကတိၤတဖၣ်န့ၣ်လၢ လံာ်ပူၤ ဒ်ဝံယံးရမံယၤ+ ကိးထီၣ်န့ၢ်အီၤအသိးလီၤ. ဒီးဖဲန့ၣ်အခါ ဝံယံးရမံယၤ တဲစီၤဘၤရူးလၢ
၂ “စီၤဘၤရူးဧၢ, ဘၣ်ဃးဒီးနၤန့ၣ် အံၣ်စရ့လးအကစၢ် ယဟိဝၤယွၤ တဲဝဲလၢ ၃ ‘နတဲလၢ နတၢ်ကိၢ်တၢ်ဂီၤ အိၣ်ပာ်စၢၤလံ ဒီးတကးဒံးဘၣ် ခဲအံၤ ယဟိဝၤယွၤ မၤသးအုးနသး စ့ၢ်ကီးအဃိ နဘၣ်ကီဘၣ်ခဲသပှၢ်တၢၢ်. ဒီးနတဲလၢ နလီၤဘှံးလီၤတီၤလၢ နတၢ်ကအုကစွါအဃိ ဒီးနတထံၣ်န့ၢ် တၢ်အိၣ်ဘှံးနီတစဲးဘၣ်.’
၄ ကစၢ်ယွၤတဲဝဲလၢ “နကဘၣ်တဲဘၣ် စီၤဘၤရူးလၢ ‘ယၤ, ယဟိဝၤယွၤ တဲဝဲလၢ “တၢ်လၢယတ့ထီၣ်န့ၣ် ယကမၤလီၤပှီၢ်ကွံာ်အီၤ ဒီးတၢ်လၢယသူၣ်လီၤန့ၣ် ယကထဲးထီၣ်ကွံာ်အီၤလီၤ. ယကမၤဒ်န့ၣ်လၢ ထံကီၢ်ဒီတဘ့ၣ်အပူၤလီၤ.+ ၅ နဃု* တၢ်လၢအဒိၣ်အမုၢ်တဖၣ် လၢနနီၢ်ကစၢ်အဂီၢ်လီၤ. ဘၣ်ဆၣ် တဘၣ်ဃုတၢ်သ့ၣ်တဖၣ်န့ၣ် လၢၤတဂ့ၤ.”’
“ယဟိဝၤယွၤ တဲဝဲလၢ ‘ယကဒုးလီၤဘၣ် တၢ်နးတၢ်ဖှီၣ်လၢ ပှၤခဲလၢာ် အဖီခိၣ်န့ၣ် ဘူးထီၣ်လံ.+ ဒီးဖဲတၢ်လီၢ်တပူၤဂ့ၤ တပူၤဂ့ၤလၢ နလဲၤန့ၣ် ယကပျဲလၢ နသးသမူ ကပူၤဖျဲးလီၤ.’”+