စကၤရယၤ

“ယဟိဝၤယွၤ ကွၢ်လီၤပှၤဟီၣ်ခိၣ်ဖိ+

ဒီးပှၤအံၣ်စရ့လးဖိ အဒူၣ်​ ခဲလၢာ်လီၤ.

အဃိ ယဟိဝၤယွၤ တဲဝဲ တၢ်စံၣ်ညီၣ်ကစီၣ်လၢ အထီဒါဝဲ ဃၤဒြး အတၢ်လီၢ်

ဒီးလီၤဆီဒၣ်တၢ် အထီဒါဝဲ ဝ့ၢ်ဒၤမ့ၤစ့းလီၤ.+

 ၂ ဒီးအထီဒါဝဲ ဝ့ၢ်ဃမါသး+ လၢအအိၣ်လၢအဃၢၤ

ဒီးထီဒါဝဲ ဝ့ၢ်စိၢ်+ ဒီးဝ့ၢ်စံဒိၣ်,+ မ့ၢ်လၢ အဝဲသ့ၣ်​ ဆိကမိၣ်လီၤအသးလၢအကူၣ်တၢ်သ့ဒိၣ်မး အဃိလီၤ.+

 ၃ ဝ့ၢ်စိၢ် တ့ထီၣ်ဝဲ အတၢ်ဒူၣ်* လၢကဒီသဒၢလီၤအသးအဂီၢ်

ဒီးပာ်ဖှိၣ်ထီၣ်စ့ညၣ်​ တုၤလၢ အအိၣ်အါထဲသိးဒီး ဖၣ်ဆါကမူၣ်

ဒီးပာ်ဖှိၣ်ထီၣ်ထူ တုၤလၢ အအိၣ်အါထဲသိးဒီး ဟီၣ်ခိၣ်ကမူၣ်​ လၢကျဲပူၤလီၤ.+

ဒီးမၤလီၤဘျၢ အသုးမုၢ် လၢပီၣ်လဲၣ်ပူၤ+

ဒီးမ့ၣ်အူကအီၣ်ကွံာ်ဝ့ၢ်စိၢ်လီၤ.+

 ၅ ဝ့ၢ်အၤၡကလိၣ်​ ကထံၣ်ဘၣ်ဝဲ ဒီးကပျံၤတၢ်

ဝ့ၢ်ဂါစၤ ကတူၢ်ဘၣ်​ တၢ်သူၣ်ကိၢ် သးဂီၤဖးဒိၣ်

ဝ့ၢ်ဧ့ကြိၣ်စ့ၢ်ကီး ကတူၢ်ဘၣ်ဝဲဒ်န့ၣ်, မ့ၢ်လၢ အတၢ်မုၢ်လၢ် ဟးဂီၤဝဲ အဃိလီၤ.

ဝ့ၢ်ဂါစၤအစီၤပၤ တအိၣ်လၢၤဘၣ်,

ဒီးပှၤတအိၣ်လၢ ဝ့ၢ်အၤၡကလိၣ် အပူၤ နီတဂၤလၢၤဘၣ်.+

 ၆ ပှၤထံဂၤကီၢ်ဂၤဖိတဂၤန့ၣ်​ ကလဲၤအိၣ်လၢ ဝ့ၢ်အၤစဒိာ်

ဒီးယကမၤဟးဂီၤကွံာ် ပှၤဖလ့ၡသးဖိ အတၢ်ပာ်ထီၣ်ထီသးလီၤ.+

 ၇ ယကထုးကွံာ် တၢ်သွံၣ်လၢ ပှၤဖလ့ၡသးဖိ အကိာ်ပူၤ

ဒီးတၢ်လီၤသးဘၣ်အၢတဖၣ်​ လၢအမဲကဆူးလီၤ.

ဒီးအကကဲထီၣ်က့ၤဒ် ပှၤခိၣ်ပှၤနၢ်တဂၤအသိး လၢယူဒၤအပူၤ+

ဒီးပှၤဧ့ကြိၣ်ဖိ ကကဲထီၣ်​ ဒ်သိးဒီး ပှၤယဘူၣ်ဖိတဖၣ်လီၤ.+

အဃိ ယကသူၣ်လီၤဒဲလၢ ယထံကီၢ်* အမဲာ်ညါ ဒ်ပှၤခိးတၢ်ဖိအသိး+

ဒ်သိး ပှၤသုတလဲၤနုာ်လီၤဟးထီၣ်​ တဂ့ၤအဂီၢ်လီၤ.

အဝဲအိၣ်ဒီး တၢ်ဆီၣ်လီၤသး+ ဒီးအဒိးဝဲကသ့ၣ်ယီၤ လၢအမ့ၢ်

ကသ့ၣ်ယီၤမိၢ် အဖိတဒုလီၤ.*+

၁၀ ယကထုးထီၣ်ကွံာ် လ့ၣ်ကဟၣ်ဒုးသုးလၢ အ့ဖရဲၣ်အတၢ်လီၢ်

ဒီးယကထုးထီၣ်ကွံာ် ကသ့ၣ်တဖၣ်လၢ ဝ့ၢ်ယရူၤၡလ့ၣ် အပူၤလီၤ.

ဒီးအဝဲ ကဘိးဘၣ်သ့ၣ်ညါဝဲ ပှၤကလုာ်တဖၣ်လၢ တၢ်ဃူတၢ်ဖိး+

ဒီးအဝဲကပၢတၢ် စးထီၣ်လၢ ပီၣ်လဲၣ်လၢမုၢ်ထီၣ်တကပၤ တုၤလၢ ပီၣ်လဲၣ်လၢ မုၢ်နုာ်တကပၤ

ဒီးစးထီၣ်လၢ ထံကျိ* တုၤလၢ ဟီၣ်ခိၣ်အနၢၣ်​ အကတၢၢ်လီၤ.+

၁၁ ပိာ်မုၣ်ဧၢ,* မ့မ့ၢ်နၤန့ၣ်​ ခီဖျိ တၢ်အၢၣ်လီၤအီလီၤလၢ ယမၤဒီးနၤ

လၢ အဘၣ်တၢ်ပာ်ဂၢၢ်ပာ်ကျၢၤအီၤလၢ တၢ်သွံၣ်အဃိ

ယကမၤထူၣ်ဖျဲးထီၣ်ကွံာ် နပှၤဃိာ်ဖိတဖၣ်လၢ တၢ်ပူၤလၢ ထံတအိၣ်ဘၣ်​ အလီၢ်လီၤ.+

တနံၤအံၤ ယကတဲနၤလၢ

‘ပိာ်မုၣ်ဧၢ, နကန့ၢ်ဘၣ်​ တၢ်ဆိၣ်ဂ့ၤလၢ ယအိၣ်ခံစးလီၤ.+

၁၃ ယကဖ့ၣ်ထီၣ်​ ယူဒၤဒ် ယချံၣ်အသိး

ဒီးယကဟံးထီၣ်​ အ့ဖရဲၣ်​ ဒ်ပျၢ်တဘိလၢချံၣ်အဂီၢ် အသိးလီၤ.

စံယိၣ်ဧၢ, ယကမၤပၢၢ်ထီၣ်​ နဖိခွါတဖၣ်

ဒ်သိး အကထီဒါ ကီၢ်ကြံး အဖိခွါတဖၣ်လီၤ.

၁၄ ယဟိဝၤယွၤ ကပာ်ဖျါထီၣ်ဝဲလၢ အအိၣ်ဒီး အပှၤဂီၢ်မုၢ်

ဒီးအပျၢ်ကလဲၤထီၣ်ဝဲ ဒ်သိးဒီး လီဝၢ်ဒံးလီၤ.

တၢ်ပၢကစၢ် ယဟိဝၤယွၤ ကအူသီၣ်ထီၣ်ကွဲၤ+

ဒီးအဝဲ ကလဲၤထီၣ်ဝဲ ဒ်ကလံၤမုၢ်လၢ ကလံၤထံးတခီအသိးလီၤ.

၁၅ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ ကဒီသဒၢ အပှၤဂီၢ်မုၢ်

ဒီးအဝဲသ့ၣ်​ ကမၤဟးဂီၤကွံာ် ဒီးယီၢ်တံၢ်လီၤ လၢၢ်လၢပှၤကွံာ်အီၤလၢ နီၣ်ဘျုးလီၤ.*+

အဝဲသ့ၣ်​ ကသးခု ဒီးကိးပသူထီၣ်​ ဒ်ပှၤအီစပံးထံအသိး

ဒီးအဝဲသ့ၣ်​ ကကဲထီၣ်​ ဒ်သိးဒီး လီခီတဖျၢၣ်လၢ စပံးထံ အိၣ်ပှဲၤပှဲၤလၢအပူၤလီၤ.

၁၆ ဖဲတၢ်တနံၤန့ၣ်​ ယဟိဝၤယွၤ ကမၤပူၤဖျဲးအဝဲသ့ၣ်

ဒ်ပှၤကွၢ်သိ မၤပူၤဖျဲးအသိ အသိးလီၤ.+

၁၇ ကစၢ်ယွၤ အတၢ်ဂ့ၤတၢ်ဝါ အိၣ်ဝဲအါဒိၣ်မး+

ဒီးအလၤကပီၤ ဒိၣ်ဝဲဒိၣ်မးလီၤ.

ဘုဧိၤဟုဧိၤ ကမၤဆူၣ်ထီၣ်​ ပှၤဖိၣ်သၣ်ခွါတဖၣ်​ အဂံၢ်အဘါ

ဒီးစပံးထံအသီ ကမၤဆူၣ်ထီၣ်​ ပှၤမုၣ်ကနီၤတဖၣ်​ အဂံၢ်အဘါလီၤ.”+