ဧၤမိၣ်

 ၄ ပှၤလၢအယီၢ်တံၢ်လီၤ ပှၤဖှီၣ်ဖိယာ်ဖိ

ဒီးပှၤလၢ အမၤနၢၤအီၣ်ဃီၣ်​ ပှၤလၢအအိၣ်ဒီး တၢ်ဆီၣ်လီၤသးတဖၣ်​ လၢကီၢ်ပူၤသ့ၣ်ဧၢ,+ ဒိကနၣ်တက့ၢ်.

မ့ၢ်ဝံၤန့ၣ်​ ပကသူ စီၤပီၢ်လၢ အတတီဘၣ်

ဒီးပကမၤစှၤလီၤ တၢ်အတယၢၢ်

ဒီးပကမၤဒိၣ်ထီၣ်​ အပှ့ၤလီၤ.+

 ၆ ပမ့ၢ်မၤဒ်န့ၣ်န့ၣ်​ လၢခံ ပှၤလၢအတၢ်အိၣ်​ တယၢဘၣ်န့ၣ်* ပကပှ့ၤ အဝဲသ့ၣ်လၢစ့ညၣ်

ဒီးပှၤဖှီၣ်ဖိယာ်ဖိန့ၣ်​ ပကပှ့ၤ အဝဲသ့ၣ်လၢ ခီၣ်ဖံးတခိၣ်လီၤ.+

 ၇ ယဟိဝၤယွၤ လၢအမ့ၢ် စီၤယၤကိာ် အတၢ်လၤကပီၤန့ၣ်​ အၢၣ်လီၤဝဲလၢ အနီၢ်ကစၢ် အမံၤပူၤလၢ+

‘တၢ်လၢအဝဲသ့ၣ်မၤဝဲတဖၣ်န့ၣ်​ ယတသးပ့ၤနီၣ်အီၤ နီတဘျီဘၣ်.+

 ၈ အဃိ ထံကီၢ်* ကကနိးကစုာ်

ဒီးပှၤလၢအအိၣ်လၢအပူၤ ကိးဂၤဒဲးန့ၣ်​ ကဟီၣ်ကယၢၤဝဲလီၤ.+

ဒီးတၢ်ဆီတလဲ ဒိၣ်ဒိၣ်မုၢ်မုၢ် ကအိၣ်ထီၣ်လၢ ထံကီၢ်အပူၤ

ဒီးကမၤသးဒ်သိးဒီး ကီၢ်အဲၤကူပတူး အထံကျိနံၤလါလၢ အထံဟဲဒိၣ်ထီၣ်​ ဒီးယွၤလီၤဆူၣ်ဆူၣ်​ ဝံၤဒီး က့ၤလီၤကဒါက့ၤလီၤ.’+

 ၉ တၢ်ပၢကစၢ် ယဟိဝၤယွၤ တဲဝဲလၢ ‘ဖဲတၢ်တနံၤန့ၣ်

ယကဒုးလီၤနုာ်မုၢ်လၢ မုၢ်ထူၣ်​ အဆၢကတီၢ်

ဒီးယကမၤခံးလီၤ ကီၢ်လၢ မုၢ်ဆါခီ အဆၢကတီၢ်လီၤ.+

၁၀ သုဘူၣ်တဖၣ်န့ၣ်​ ယကမၤကဲထီၣ်က့ၤလၢ တၢ်ဟီၣ်တၢ်ယၢၤ+

ဒီးသုတၢ်သးဝံၣ်တဖၣ်န့ၣ်​ ကကဲထီၣ်က့ၤလၢ ထါဟီၣ်

ဒီးယကဒုးကူထီၣ်​ ထၢၣ်တၢ်ကံးညာ်လၢ ပှၤကိးဂၤဒဲး အယီၢ်ဒ့လိၤ ဒီးယကမၤလ့ၤ ပှၤကိးဂၤဒဲး အခိၣ်လီၤ.

၁၁ တၢ်ပၢကစၢ် ယဟိဝၤယွၤ တဲဝဲလၢ ‘တၢ်ဆၢကတီၢ် ကဟဲဝဲလၢ

ယကဆှၢလီၤ တၢ်သၣ်ဝံၤလီၤဒိလၢ ကီၢ်ပူၤလီၤ.

၁၂ ဒီးအဝဲသ့ၣ်​ ကဟးဝဲ ကနူၤကပၤ ဒီးကလဲၤဝဲလၢ ပီၣ်လဲၣ် တဘ့ၣ်ဝံၤတဘ့ၣ်

ဒီးလၢကလံၤစိးတခီ တုၤလၢ မုၢ်ထီၣ်တခီလီၤ.

၁၃ ဖဲတၢ်တနံၤန့ၣ်​ မုၣ်ကနီၤဖိ လၢအဒိၣ်တၢ်ဂ့ၤမးတဖၣ်

ဒီးပှၤဖိၣ်သၣ်ခွါတဖၣ်စ့ၢ်ကီး ကသးပ့ၤနီၣ်အသး မ့ၢ်လၢ အဘၣ်သး အီထံ အဃိလီၤ.

၁၄ အဝဲသ့ၣ်အၢၣ်လီၤတၢ်လၢ ၡၤမရံ အယွၤလၢ အကမၣ်တဖၣ်အမံၤပူၤ+ ဒီးတဲဝဲလၢ

“အိ ဝ့ၢ်ဒၣ်ဧၢ, ဒ်နယွၤ မူဝဲအသိးန့ၣ်”+

ဒီး “ဒ်ကျဲလၢအလဲၤဆူ ဝ့ၢ်ဘ့ၢ်ၡဘၤ+ အိၣ်ဝဲအသိးန့ၣ်” လီၤ.