၁ ကွဲးနီၣ်တၢ်
၉ ပှၤအံၣ်စရ့လးဖိခဲလၢာ် ဘၣ်တၢ်ကွဲးနီၣ်ကွဲးဃါလီၤအီၤ ဒ်အတၢ်ဟဲလီၤစၢၤလီၤသွဲၣ် အိၣ်ဝဲအသိး ဒီးဘၣ်တၢ်ကွဲးလီၤအီၤလၢ အံၣ်စရ့လး အစီၤပၤတဖၣ် အလံာ်ပူၤလီၤ. ဒီးခီဖျိလၢ ယူဒၤအပှၤဂီၢ်မုၢ် တအိၣ်ဒီး တၢ်သးတီဘၣ်အဃိ အဝဲသ့ၣ် ဘၣ်တၢ်က့ၤဖီၣ်အီၤဆူ ကီၢ်ဘၤဘူၤလိၣ်အပူၤလီၤ.+ ၂ ဒီးပှၤအဆိကတၢၢ်တဖၣ်လၢ အဟဲက့ၤကဒါလၢ အတၢ်အိၣ်တၢ်ဆိးအလီၢ်လၢ အနီၢ်ကစၢ် အဝ့ၢ်တဖၣ်အပူၤန့ၣ် မ့ၢ်ဝဲ ပှၤအံၣ်စရ့လးဖိတနီၤ, ပှၤလုၢ်တၢ်ဒိၣ်တဖၣ်, ပှၤလ့ၤဝံဖိတဖၣ် ဒီးတၢ်လုၢ်ဟံၣ် အခ့အပှၤတဖၣ်လီၤ.*+ ၃ ဒီးယူဒၤအဒူၣ်,+ ဘံၣ်ယၤမံၣ်အဒူၣ်,+ အ့ဖရဲၣ်အဒူၣ် ဒီးမနၤၡ့ၤအဒူၣ် အစၢၤအသွဲၣ်တနီၤန့ၣ် က့ၤအိၣ်ဝဲလၢ ဝ့ၢ်ယရူၤၡလ့ၣ်အပူၤလီၤ. အပၣ်ဃုာ်ဒီး ၄ စီၤဧူသဲၤ လၢအဟဲလီၤစၢၤလီၤသွဲၣ်လၢ စီၤယူဒၤ အဖိခွါ စီၤဖ့ၤရ့းန့ၣ်လီၤ.+ စီၤဧူသဲၤ မ့ၢ်ဝဲ စီၤဧးမံၤဟူး အဖိခွါ, စီၤဧးမံၤဟူး မ့ၢ်ဝဲ စီၤဧိၣ်ရံၤ အဖိခွါ, စီၤဧိၣ်ရံၤ မ့ၢ်ဝဲ စီၤအံၤမရံ အဖိခွါ, စီၤအံၤမရံ မ့ၢ်ဝဲ စီၤဘၤနံ အဖိခွါလီၤ. ၅ ဒီးလၢစီၤၡံလိၤ အစၢၤအသွဲၣ်တဖၣ် အကျါန့ၣ် ပၣ်ဃုာ်ဒီး စီၤဧစါယၤ လၢအမ့ၢ်ပှၤဝဲၢ်ကိ ဒီးအဖိခွါတဖၣ်လီၤ. ၆ ဒီးလၢစီၤစ့ရၤ+ အဖိခွါတဖၣ် အကျါန့ၣ် ပၣ်ဃုာ်ဒီး စီၤယူၤအ့လး ဒီးအဒီပုၢ်ဝဲၢ်ခွါ အဂၤ ၆၉၀ န့ၣ်လီၤ.
၇ ဒီးလၢဘံၣ်ယၤမံၣ် အစၢၤအသွဲၣ်တဖၣ် အကျါန့ၣ် ပၣ်ဃုာ်ဒီး စီၤမၡူလၣ် အဖိခွါ စီၤစၤလူၤလီၤ. စီၤမၡူလၣ် မ့ၢ်ဝဲ စီၤဟိဒါယၤ အဖိခွါ, စီၤဟိဒါယၤ မ့ၢ်ဝဲ စီၤဟးစနူအၤ အဖိခွါလီၤ. ၈ ဒီးပၣ်ဃုာ်စ့ၢ်ကီးဒီး စီၤယရိဃၣ် အဖိခွါ စီၤယံးဘနံယၤ ဒီးစီၤအ့လၤ ဒီးစီၤမၡူလၣ်လီၤ. စီၤအ့လၤ မ့ၢ်ဝဲ စီၤဧူၤစံ အဖိခွါ, စီၤဧူၤစံ မ့ၢ်ဝဲ စီၤမံးကြံၤ အဖိခွါလီၤ. ၉ ဒီးအဝဲသ့ၣ် အဒီပုၢ်ဝဲၢ်ခွါတဖၣ် ဒ်အဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါ အိၣ်ဝဲအသိးန့ၣ် အိၣ်ဝဲ ၉၅၆ ဂၤလီၤ. ပှၤတဖၣ်န့ၣ် မ့ၢ်ဝဲ အဝဲသ့ၣ် အမိၢ်ပၢ်ဖံဖု လၢပျၢၤတဖၣ် အဒူၣ်ဖိထၢဖိ အခိၣ်တဖၣ်လီၤ.
၁၀ ဒီးလၢပှၤလုၢ်တၢ်ဒိၣ်တဖၣ် အကျါန့ၣ် ပၣ်ဃုာ်ဒီး စီၤယဒါယၤ, စီၤယဟိယၤရံာ်, စီၤယၤကံၣ်+ ၁၁ ဒီးစီၤဃံးလကံယၤ အဖိခွါ စီၤဧစၤရယၤလီၤ. စီၤဃံးလကံယၤ မ့ၢ်ဝဲ စီၤမၡူလၣ် အဖိခွါ, စီၤမၡူလၣ် မ့ၢ်ဝဲ စီၤစၤဒိး အဖိခွါ, စီၤစၤဒိး မ့ၢ်ဝဲ စီၤမရၤယိး အဖိခွါ ဒီးစီၤမရၤယိး မ့ၢ်ဝဲ စီၤအဃံးတူာ် အဖိခွါလီၤ. စီၤအဃံးတူာ် မ့ၢ်ဝဲ ပှၤတီခိၣ်ရိၤမဲတၢ်တဂၤလၢ ယွၤလၢအမ့ၢ်အတီတဂၤ အတၢ်လုၢ်ဟံၣ်လီၤ. ၁၂ ဒီးပၣ်ဃုာ်ဒီး စီၤဧဒါယၤ ဒီးစီၤမၤစဲလီၤ. စီၤဧဒါယၤ မ့ၢ်ဝဲ စီၤယရိဃၣ် အဖိခွါ, စီၤယရိဃၣ် မ့ၢ်ဝဲ စီၤပးၡဃူၢ် အဖိခွါ, စီၤပးၡဃူၢ် မ့ၢ်ဝဲ စီၤမၤလကံယၤ အဖိခွါလီၤ. ဒီးစီၤမၤစဲ မ့ၢ်ဝဲ စီၤဧဒံၤအ့လး အဖိခွါ, စီၤဧဒံၤအ့လး မ့ၢ်ဝဲ စီၤယၤကစ့ရၤ အဖိခွါ, စီၤယၤကစ့ရၤ မ့ၢ်ဝဲ စီၤမၡူလၣ် အဖိခွါ, စီၤမၡူလၣ် မ့ၢ်ဝဲ စီၤမၡံးလ့မံး အဖိခွါ ဒီးစီၤမၡံးလ့မံး မ့ၢ်ဝဲ စီၤအံးမ့ၢ် အဖိခွါလီၤ. ၁၃ ဒီးပၣ်ဃုာ်စ့ၢ်ကီးဒီး အဝဲသ့ၣ် အဒီပုၢ်ဝဲၢ်ခွါတဖၣ် လၢအမ့ၢ် ဒူၣ်ဖိထၢဖိ အခိၣ်အနၢ်တဖၣ် န့ၣ်အိၣ်ဝဲအဂၤ ၁,၇၆၀ လီၤ. ဒီးပှၤတဖၣ်န့ၣ် မ့ၢ်ပိာ်ခွါလၢ အဂံၢ်ဆူၣ် ဒီးအိၣ်ဒီး တၢ်သ့တၢ်ဘၣ်လၢ ကမၤတၢ်လၢ ယွၤလၢအမ့ၢ်အတီတဂၤ အဟံၣ်န့ၣ်လီၤ.
၁၄ ဒီးလၢလ့ၤဝံအဒူၣ်ကျါန့ၣ် ပၣ်ဃုာ်ဒီး စီၤဃၤၡူာ် အဖိခွါ စီၤၡမါယၤလီၤ.+ စီၤဃၤၡူာ် မ့ၢ်ဝဲ စီၤဧးစရံကၣ် အဖိခွါ, စီၤဧးစရံကၣ် မ့ၢ်ဝဲ စီၤဃၡၤဘယၤ အဖိခွါလီၤ. ဒီးစီၤဃၡၤဘယၤန့ၣ် ဟဲလီၤစၢၤလီၤသွဲၣ်လၢ စီၤမရၤရံၤလီၤ. ၁၅ ဒီးပၣ်ဃုာ်ဒီး စီၤဘးကဘးကၢ်, စီၤဃ့ရ့ၣ်, စီၤကၤလလး, ဒီးစီၤမံၤကး အဖိခွါ စီၤမးတၤနယၤလီၤ. စီၤမံၤကး မ့ၢ်ဝဲ စီၤစံးကရံ အဖိခွါ, စီၤစံးကရံ မ့ၢ်ဝဲ စီၤအၤစာ် အဖိခွါလီၤ. ၁၆ ဒီးပၣ်ဃုာ်စ့ၢ်ကီးဒီး စီၤဧိၤဘါဒယၤ ဒီးစီၤဘရ့ကံယၤလီၤ. စီၤဧိၤဘါဒယၤ မ့ၢ်ဝဲ စီၤၡမါယၤ အဖိခွါ, စီၤၡမါယၤ မ့ၢ်ဝဲ စီၤကၤလလး အဖိခွါ, စီၤကၤလလး မ့ၢ်ဝဲ စီၤယဒူသူၣ် အဖိခွါလီၤ. ဒီးစီၤဘရ့ကံယၤ မ့ၢ်ဝဲ စီၤအၤစါ အဖိခွါ, စီၤအၤစါ မ့ၢ်ဝဲ စီၤအ့လကါနၤ လၢအအိၣ်လၢ ပှၤနတိဖၤဖိ အဒူသဝီတဖၣ်န့ၣ်+ အဖိခွါလီၤ.
၁၇ ပှၤခိးတြဲၤဖိတဖၣ်+ မ့ၢ်ဝဲ စီၤၡၤလူၣ်, စီၤဧးကူာ်, စီၤတၤလမိၣ် ဒီးစီၤအဃံမ့ၣ်လီၤ. ဒီးအဝဲသ့ၣ် အဘူးအတံၢ်* စီၤၡၤလူၣ် မ့ၢ်ဝဲအခိၣ်လီၤ. ၁၈ မ့မ့ၢ်လၢညါန့ၣ် အဝဲဘၣ်ခိးဝဲ စီၤပၤအတြဲၤ လၢမုၢ်ထီၣ်တခီလီၤ.+ ပှၤတဖၣ်အံၤ မ့ၢ်ဝဲ ပှၤခိးတြဲၤဖိလၢ အခိးဝဲ ပှၤလ့ၤဝံဖိ အဒဲကဝီၤတဖၣ်န့ၣ်လီၤ. ၁၉ ဒီးစီၤကိၤရ့ အဖိခွါ မ့ၢ်ဝဲ စီၤၡၤလူၣ်လီၤ. စီၤကိၤရ့ မ့ၢ်ဝဲ စီၤအဘံယၤစာ် အဖိခွါ, စီၤအဘံယၤစာ် မ့ၢ်ဝဲ စီၤကိၤရးအဖိခွါလီၤ. လၢညါန့ၣ် စီၤၡၤလူၣ် အဘူးအတံၢ် ပှၤကိၤရးဖိလၢ အပၣ်ဃုာ်လၢ အပၢ်အဒူၣ်ဖိထၢဖိအကျါန့ၣ် ကွၢ်ထွဲဝဲ ပှၤခိးတြဲၤဖိတဖၣ် အတၢ်မၤလၢ ဒဲစီဆှံလီၤ. ဒီးအဝဲသ့ၣ် အဖုဖးဒိၣ်လၢပျၢၤတဖၣ် ကွၢ်ထွဲဝဲ ယဟိဝၤယွၤ အဒဲစီဆှံ ဒ်ပှၤလၢ အခိးကျဲနုာ်လီၤ အလီၢ်အသိးလီၤ. ၂၀ ပှၤလၢအကဲအဝဲသ့ၣ်အခိၣ် လၢညါန့ၣ်မ့ၢ်ဝဲ စီၤအလၤဧစၢ်+ အဖိခွါ စီၤဖံၤနဃၣ်လီၤ.+ ဒီးယဟိဝၤယွၤ အိၣ်ဒီးအီၤလီၤ. ၂၁ စီၤမၡ့လ့ၤမယၤ အဖိခွါ စီၤစကၤရယၤ+ မ့ၢ်ဝဲ ပှၤခိးတြဲၤဖိလၢ တၢ်အိၣ်ဖှိၣ်အဒဲ အတၢ်နုာ်လီၤ အလီၢ်န့ၣ်လီၤ.
၂၂ ပှၤလၢ အဘၣ်တၢ်ဃုထၢအီၤ ဒ်ပှၤခိးတြဲၤဖိတဖၣ်အသိးလၢ အကဘၣ်ခိးတၢ် ဖဲကျဲနုာ်လီၤအလီၢ်န့ၣ် ခဲလၢာ်ခဲဆ့အိၣ်ဝဲ ၂၁၂ ဂၤလီၤ. အဝဲသ့ၣ် အိၣ်ဘၣ်လၢ အဒူသဝီတဖၣ် ဒ်အဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါ အိၣ်ဝဲအသိးန့ၣ်လီၤ.+ စီၤဒၤဝံး ဒီးဝံၡမူၤအ့လး+ မ့ၢ်ပှၤလၢအပာ်ထီၣ် ပှၤသ့ၣ်တဖၣ်န့ၣ်လၢ အဝဲသ့ၣ် အလီၢ်အလၤလီၤ. ၂၃ အဝဲသ့ၣ် ဒီးအဝဲသ့ၣ် အဖိခွါတဖၣ်န့ၣ် မ့ၢ်ပှၤလၢအခိးဝဲ ဒဲစီဆှံ လၢအမ့ၢ် ယဟိဝၤယွၤအဟံၣ် အတြဲၤတဖၣ်လီၤ.+ ၂၄ ပှၤခိးတြဲၤဖိတဖၣ်န့ၣ် အိၣ်ခိးတၢ်လၢ မုၢ်ထီၣ်, မုၢ်နုာ်, ကလံၤစိး ဒီးကလံၤထံး လွံၢ်ကပၤလၢာ်လီၤ.+ ၂၅ တဘျီတခီၣ်န့ၣ် အဝဲသ့ၣ်အဘူးအတံၢ်တဖၣ်လၢ အအိၣ်လၢ ဒူသဝီတဖၣ်န့ၣ် ဟဲမၤသကိးတၢ်ဒီးအဝဲသ့ၣ် တဘျီန့ၣ် ယံာ်ဝဲနွံသီလီၤ. ၂၆ ပှၤလၢအန့ၢ်ဘၣ် အလီၢ်အလၤလၢ ကကဲပှၤခိးတြဲၤဖိအခိၣ်န့ၣ် အိၣ်ဝဲလွံၢ်ဂၤလီၤ. အဝဲသ့ၣ် မ့ၢ်ဝဲ ပှၤလ့ၤဝံဖိတဖၣ် ဒီးအဝဲသ့ၣ် ကွၢ်ထွဲဝဲ တၢ်လုၢ်ဟံၣ်အဒၢးတဖၣ်* ဒီးတၢ်လုၢ်ဒိၣ်ပှ့ၤဒိၣ် အလီၢ်တဖၣ်လၢ ယွၤလၢအမ့ၢ်အတီတဂၤ အဟံၣ်ပူၤန့ၣ်လီၤ.+ ၂၇ အဝဲသ့ၣ် မ့ၢ်ဝဲ ပှၤခိးတၢ်ဖိအဃိ ဘၣ်ခိးဝဲ ယွၤလၢအမ့ၢ်အတီတဂၤအဟံၣ် အကပိာ်ကပၤဝးဝး ဒီတနၤကျၢၤ ဖဲတဂၤလၢ အမူဒါလီၤဝဲအလီၢ် တဂၤလၢ အမူဒါလီၤဝဲအလီၢ် ဒီးအဝဲသ့ၣ် ဖီၣ်ဃာ်ဝဲ သီးခွဲး ဒီးအိးထီၣ် ဟံၣ်အတြဲၤတဖၣ် ကိးဂီၤဒဲးလီၤ.
၂၈ အဝဲသ့ၣ်တနီၤန့ၣ် ကွၢ်ထွဲဝဲ တၢ်ပီးတၢ်လီတဖၣ်လၢ+ ပှၤသူအီၤလၢ တၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. ဖဲအဝဲသ့ၣ် ဟဲစိာ်နုာ်ဝဲအခါမ့ၢ်ဂ့ၤ ထုးထီၣ်ဝဲအခါမ့ၢ်ဂ့ၤ အဝဲသ့ၣ် ဂံၢ်ဝဲ တၢ်ပီးတၢ်လီတဖၣ်န့ၣ်လီၤ. ၂၉ အဝဲသ့ၣ်တနီၤန့ၣ် ဘၣ်တၢ်ဃုထၢထီၣ်အီၤလၢ ကကွၢ်ထွဲဝဲ တၢ်ပီးတၢ်လီလၢ အဂၤတဖၣ်, တၢ်ပီးတၢ်လီ စီဆှံခဲလၢာ်,+ ကိၣ်ကမူၣ်လၢအဂ့ၤ,+ စပံးထံ,+ သိ,+ လီၢ်ဘၣ်+ ဒီးသ့ၣ်စရံအထုးလီၤ.+ ၃၀ ပှၤလုၢ်တၢ်ဒိၣ်တဖၣ် အဖိခွါတနီၤန့ၣ် မ့ၢ်ဝဲ ပှၤတ့သိနၢမူလီၤ. ၃၁ မ့မ့ၢ် ပှၤလ့ၤဝံဖိ စီၤမးတံးသယၤ လၢအမ့ၢ် ပှၤကိၤရးဖိ စီၤၡၤလူၣ် အဖိဝဲၢ်ကိန့ၣ် အဝဲန့ၢ်ဘၣ် အလီၢ်အလၤလၢ ကတီခိၣ်ရိၤမဲတၢ် ဘၣ်ဃးဒီး တၢ်လၢအဘၣ်တၢ်ကုၢ်အီၤလၢ သပၢၤဘံၣ်သလၣ်အပူၤလီၤ.+ ၃၂ အဝဲသ့ၣ် အဘူးအတံၢ်တနီၤ လၢအမ့ၢ် ပှၤကဃးဖိန့ၣ် ဘၣ်တီခိၣ်ရိၤမဲတၢ် ဘၣ်ဃးဒီး ကိၣ်လၢအဘၣ်တၢ်ပာ်လီၤအီၤ*+ အဃိ အဝဲသ့ၣ် ဘၣ်ကတဲာ်ကတီၤအီၤ လၢအိၣ်ဘှံးနံၤ ကိးနွံဒဲးန့ၣ်လီၤ.+
၃၃ ပှၤတဖၣ်န့ၣ် မ့ၢ်ဝဲပှၤသးဝံၣ်တၢ်ဖိတဖၣ် လၢအမ့ၢ် ပှၤလ့ၤဝံဖိ အဒူၣ်ဖိထၢဖိ အခိၣ်အနၢ်တဖၣ်လီၤ. အဝဲသ့ၣ်အိၣ်ဝဲလၢ တၢ်လုၢ်ဟံၣ်အဒၢးတဖၣ် အပူၤလီၤ. ဒီးအဝဲသ့ၣ် တလိၣ်မၤမူဒါအဂၤတဖၣ်ဘၣ် မ့ၢ်လၢ အဝဲသ့ၣ်ဘၣ်မၤ အမူဒါလၢ မုၢ်ဆါဒီးလၢမုၢ်နၤအဃိလီၤ. ၃၄ ပှၤတဖၣ်န့ၣ် မ့ၢ်ဝဲ ပှၤလ့ၤဝံဖိ အဒူၣ်ဖိထၢဖိ အခိၣ်အနၢ်တဖၣ် ဒ်အဝဲသ့ၣ် အတၢ်ဟဲလီၤစၢၤလီၤသွဲၣ် အိၣ်ဝဲအသိးလီၤ. ဒီးအဝဲသ့ၣ် မ့ၢ်ဝဲ ပှၤခိၣ်ပှၤနၢ်တဖၣ်လၢ အအိၣ်ဝဲလၢ ဝ့ၢ်ယရူၤၡလ့ၣ်အပူၤလီၤ.
၃၅ စီၤယံၤအ့လး အိၣ်ဝဲလၢ ဝ့ၢ်ကံးဘိၣ်အပူၤလီၤ.+ အဝဲမ့ၢ် ပှၤလၢအဒုးအိၣ်ထီၣ် ဝ့ၢ်ကံးဘိၣ်န့ၣ်လီၤ. စီၤယံၤအ့လး အမါ မ့ၢ်ဝဲ နီၢ်မၤကၤလီၤ. ၃၆ စီၤယံၤအ့လး အဖိခွါဝဲၢ်ကိ မ့ၢ်ဝဲ စီၤဧၤဘဒိၣ်လီၤ. အဖိခွါလၢ အဂၤတဖၣ် မ့ၢ်ဝဲ စီၤစူၢ်, စီၤကံၣ်, စီၤဘဧၤလး, စီၤန့ၢ်, စီၤနၤဒး, ၃၇ စီၤကဒိၢ်, စီၤအဃံယိၤ, စီၤစကၤရယၤ ဒီးစီၤမံးကလိးလီၤ. ၃၈ စီၤမံးကလိး မ့ၢ်ဝဲ စီၤၡံမၣ် အပၢ်လီၤ. ဒီးအဝဲသ့ၣ် အိၣ်ဝဲဘူးဒီး အဒီပုၢ်ဝဲၢ်ခွါတဖၣ်* လၢဝ့ၢ်ယရူၤၡလ့ၣ်အပူၤ ဃုာ်ဒီး အဒီပုၢ်ဝဲၢ်ခွါလၢ အဂၤတဖၣ်န့ၣ်လီၤ. ၃၉ စီၤန့ၢ်+ မ့ၢ်ဝဲ စီၤကံၣ် အပၢ်, စီၤကံၣ် မ့ၢ်ဝဲ စီၤစီလူး+ အပၢ်, စီၤစီလူး မ့ၢ်ဝဲ စီၤယိနၤသၣ်,+ စီၤမးလကံၡူၤ,+ စီၤအဘံနဒာ်+ ဒီးစီၤအ့ၡဘဧၤလး အပၢ်လီၤ. ၄၀ ဒီးစီၤယိနၤသၣ် အဖိခွါ မ့ၢ်ဝဲ စီၤမရံးဘဧၤလးလီၤ.+ စီၤမရံးဘဧၤလး မ့ၢ်ဝဲ စီၤမံကၤ အပၢ်လီၤ.+ ၄၁ ဒီးစီၤမံကၤ အဖိခွါတဖၣ် မ့ၢ်ဝဲ စီၤပံၤသိၣ်, စီၤမ့လ့း, စီၤတၤဃရ့ ဒီးစီၤအၤဃးလီၤ. ၄၂ စီၤအၤဃး မ့ၢ်ဝဲ စီၤယၤရ့ၤ အပၢ်, စီၤယၤရ့ၤ မ့ၢ်ဝဲ စီၤဧၤလ့မ့း, စီၤဧၤစမၤဝ့း ဒီးစီၤစံၣ်ရံၤ အပၢ်လီၤ. စီၤစံၣ်ရံၤ မ့ၢ်ဝဲ စီၤမိစၤ အပၢ်လီၤ. ၄၃ စီၤမိစၤ မ့ၢ်ဝဲ စီၤဘံးနၤ အပၢ် ဒီးစီၤဘံးနၤ အဖိခွါ မ့ၢ်ဝဲ စီၤရဖါယၤ, စီၤရဖါယၤ အဖိခွါ မ့ၢ်ဝဲ စီၤအ့လဧစၤ ဒီးစီၤအ့လဧစၤ အဖိခွါ မ့ၢ်ဝဲ စီၤအၤစ့လးလီၤ. ၄၄ စီၤအၤစ့လး အဖိခွါအိၣ်ဝဲ ဃုဂၤလီၤ. အဖိခွါတဖၣ် မ့ၢ်ဝဲ စီၤဧးစရံကၣ်, စီၤဘိကရူၤ, စီၤယံးၡမၤဧ့လး, စီၤၡၤရံယၤ, စီၤဧိၤဘါဒယၤ ဒီးစီၤဃၤနၣ်လီၤ. ပှၤတဖၣ်န့ၣ် မ့ၢ်ဝဲ စီၤအၤစ့လး အဖိခွါတဖၣ်လီၤ.