ယိၤဘး

၂၇ စီၤယိၤဘး ဆဲးတဲဝဲလၢ

 ၂ “ဒ်ယွၤလၢ အမၤယၤတတီတလိၤတဂၤ မူဝဲ သပှၢ်တၢၢ်အသိး,+

ဒ်သ့တၢ်လၢာ်ကစၢ်လၢ အမၤကီမၤခဲယၤတဂၤ မူဝဲသပှၢ်တၢၢ်အသိးန့ၣ်​ ယအၢၣ်လီၤလၢ+

 ၃ ဖဲယကသါဒံး

ဒီးဖဲတၢ်အသါလၢ အဟဲလၢ ကစၢ်ယွၤအအိၣ်န့ၣ်​ အိၣ်ဒံးလၢယပူၤအခါ+

 ၄ ယထးခိၣ်တတဲတၢ် လၢ အတတီတလိၤ

ဒီးယပျ့ၤ တတဲ တၢ်လီတၢ်ဝ့ၤဘၣ်.

 ၇ မ်ယဒုၣ်ယဒါန့ၣ်​ ဘၣ်တၢ်စံၣ်ညီၣ်အီၤ ဒ်ပှၤအၢပှၤသီ

ဒီးပှၤလၢ အမၤအၢမၤသီယၤန့ၣ်​ မ်အကဲထီၣ်ဒ် ပှၤတတီတလိၤဘၣ်​ အသိးတက့ၢ်.

 ၈ ဖဲပှၤလၢအတပာ်ကဲယွၤဘၣ်* ဘၣ်တၢ်မၤဟးဂီၤကွံာ်အီၤအခါ,+

ဖဲကစၢ်ယွၤ ထုးထီၣ်ကွံာ် အသးသမူအခါ မ့ၢ်အတၢ်မုၢ်လၢ် အိၣ်ဒံး တမံၤမံၤဧါ.

 ၉ ဖဲတၢ်ကိၢ်တၢ်ဂီၤ ဟဲဘၣ်အီၤအခါ

မ့ၢ်ကစၢ်ယွၤ ကဒိကနၣ်​ အတၢ်ဃ့ကညးဧါ.+

၁၁ ယကသိၣ်လိသုလၢ ကစၢ်ယွၤ အတၢ်စိတၢ်ကမီၤအဂ့ၢ်

ဒီးယတပာ်ခူသူၣ်​ သ့တၢ်လၢာ်ကစၢ်အဂ့ၢ် နီတမံၤဘၣ်.

၁၂ သုဝဲခဲလၢာ် သုမ့ၢ်ထံၣ်တ့ၢ် တၢ်ထံၣ်လၢညါခီတဖၣ်န့ၣ်

ဘၣ်မနုၤအဃိ သုဟးတဲ တၢ်လၢအဘျုးတအိၣ်​ နီတစဲးဘၣ်လဲၣ်.

၁၃ တၢ်လၢ ပှၤအၢပှၤသီ ကန့ၢ်ဘၣ်ဝဲလၢ ကစၢ်ယွၤအအိၣ်+

ဒီးတၢ်န့ၢ်သါလၢ ပှၤလၢအမၤနၢၤအီၣ်ဃီၣ်တၢ် ကန့ၢ်ဘၣ်ဝဲလၢ သ့တၢ်လၢာ်ကစၢ် အအိၣ်န့ၣ်​ မ့ၢ်ဝဲဒ်အံၤလီၤ.

၁၄ အဖိခွါတဖၣ်​ မ့ၢ်အိၣ်ဒီဒူၣ်​ ဘၣ်ဆၣ်​ အဝဲသ့ၣ်ကသံလၢ နးအဃိ+

ဒီးအစၢၤအသွဲၣ်တဖၣ်​ တဒိးန့ၢ်ဘၣ်​ တၢ်အီၣ်​ လၢလၢပှဲၤပှဲၤဘၣ်.

၁၅ ဒီးပှၤလၢ အပူၤဖျဲးတဖၣ်န့ၣ်​ ကဘၣ်သံလၢ တၢ်ဆါလၢအလီၤပျံၤ လီၤဖုးအဃိ

ဒီးအဝဲသ့ၣ်​ အမါတဖၣ်န့ၣ်​ တဟီၣ်လၢ အဝဲသ့ၣ်အဃိဘၣ်.

၁၆ ဘၣ်သ့ၣ်သ့ၣ်​ အဝဲ ကပာ်ဖှိၣ်ထီၣ် စ့ညၣ်​ ဒ်ဟီၣ်ခိၣ်ကမူၣ်အသိး

ဒီးအဝဲကပာ်ဖှိၣ်​ တၢ်ကူတၢ်ကၤ လၢအဂ့ၤတဖၣ်​ အါအါဂီၢ်ဂီၢ် ဒ်ကပံာ်အသိးလီၤ.

၁၇ အဝဲမ့ၢ်ပာ်ဖှိၣ်​ တၢ်ကူတၢ်ကၤ ဘၣ်ဆၣ်

ပှၤတီပှၤလိၤ ကကူဘၣ်ကၤဘၣ်ဝဲ+

ဒီးပှၤလၢအတၢ်ကမၣ်တအိၣ်ဘၣ်​ ကနီၤလီၤန့ၢ်လိာ်သးလၢ အစ့ညၣ်တဖၣ်လီၤ.

၁၈ ဟံၣ်လၢ အတ့ထီၣ်ဝဲန့ၣ်​ ဟးဂီၤညီ ဒ်တၢ်ဖိဃၢ်အဒၢ* အသိး

ဒီးဒ်ပှၤခိးတၢ်ဖိ အဒဲတဖျၢၣ်+ အသိးလီၤ.

၂၀ တၢ်ပျံၤတၢ်ဖုး ကချုးန့ၢ်အီၤ ဒ်ထံလုၢ်ဘၢတၢ်အသိး

ဒီးကလံၤမုၢ် ကအူဖျိးအီၤ လၢမုၢ်နၤခီလီၤ.+

၂၂ အဝဲ ကဂုာ်ကျဲးစၢး ဃ့ၢ်ပူၤဖျဲးအသးလၢ ကလံၤအသဟီၣ်အကျါ သပှၢ်ကတၢၢ်+

ဘၣ်ဆၣ်​ ကလံၤကလီၤဘၣ်အီၤ လၢတၢ်တသးကညီၤဘၣ်အပူၤလီၤ.+

၂၃ ဖဲကလံၤအိၣ်ဝဲအလီၢ်န့ၣ်​ ပှၤကကွ့ကလံၤ+

ဒီးဒဲဆဲးအဲးအစု လၢအဃိလီၤ.