ယိၤဘး

၁၈ ပှၤၡူဧၤဖိ စီၤဘံးလဒး+ တဲဆၢဝဲလၢ

 ၂ “သု* ဟးတဲတၢ် ဒ်အံၤန့ၣ်​ သုကပတုာ် ဆံးယံာ်လဲၣ်.

 ၄ နမ့ၢ်ဖှီလီၤက့ၤနသး တက့တခီ လၢ နတၢ်သးဒိၣ်ထီၣ်အပူၤ သနာ်က့

မ့ၢ်ဟီၣ်ခိၣ်​ ကအိၣ်က့ၤ ခီလီလီ လၢ နဃိဧါ.

 ၅ ပှၤအၢပှၤသီ အတၢ်ကပီၤန့ၣ်​ ကလီၤပံာ်ဝဲ

ဒီးအမ့ၣ်အူလၣ်န့ၣ်​ တကပီၤထီၣ်လၢၤဘၣ်.+

 ၆ တၢ်ကပီၤ လၢအဒဲပူၤန့ၣ်​ ကခံးလီၤဝဲ သပှၢ်တၢၢ်

ဒီးမ့ၣ်အူဒၢ လၢအကပီၤထီၣ်န့ၢ်အီၤန့ၣ်​ ကလီၤပံာ်လီၤ.

 ၇ လၢအကဆဲးဟးဝဲအဂီၢ် အဂံၢ်အဘါ စှၤလီၤဝဲကွ့ၢ်ကွ့ၢ်

ဒီးအတၢ်ကူၣ်တဖၣ်​ မၤလီၤဃံၢ်က့ၤ အနီၢ်ကစၢ်လီၤ.+

 ၈ အခီၣ်ကဆှၢအီၤလၢ ပှာ်ဧိၤစၤဧိၤ အပူၤ

ဒီးကလဲၤနုာ်ဝဲ ဖဲန့ၣ်လီၤ.

 ၉ အခီၣ်နၢၣ်ခံ ကဘျးဒီးထု

ဒီးအဝဲကလီၤဘၣ်လၢ ပျံၤသကွီၤ အပူၤလီၤ.+

၁၀ ပျံၤအိၣ်ခိးခူသူၣ်အီၤလၢ ဟီၣ်ခိၣ်လိၤ

ဒီးထုအိၣ်ဝဲလၢ အကျဲပူၤလီၤ.

၁၁ အဝဲပျံၤတၢ်လၢ အအိၣ်ဝးတရံးအီၤ ကိးမံၤဒဲး+

ဒီးတၢ်ပျံၤတၢ်ဖုး လူၤပိာ်အခံ ထီဘိလီၤ.

၁၂ အဂံၢ်အဘါ လၢာ်ကွံာ်ဝဲ

ဒီးလၢ တၢ်ကီတၢ်ခဲဖးဒိၣ်အဃိ+ အကဟး တကျဲၢ်တကျဲၢ်လီၤ.

၁၃ တၢ်ဆါအိၣ်လၢ အဘ့ၣ်လိၤပှဲၤပှဲၤ

ဒီးတၢ်ဆါလၢ အမၤသံတၢ် အီၣ်ကွံာ် အစုအခီၣ်လီၤ.

၁၄ အဝဲကဘၣ်တၢ်ထုးထီၣ်ကွံာ်အီၤ လၢအဒဲလၢ အအိၣ်ဒီး တၢ်ဘံၣ်တၢ်ဘၢအပူၤ+

ဒီးအကဘၣ်လဲၤလၢ တၢ်ပျံၤတၢ်ဖုး အစီၤပၤ* အအိၣ်လီၤ.

၁၅ ပှၤလၢအဝဲ တသ့ၣ်ညါဘၣ်တဖၣ်​ ကဟဲအိၣ်​ လၢအဒဲ

ဒီးတၢ်ကဖှံလီၤကးလၢ အဟံၣ်လိၤလီၤ.+

၁၆ ဒ်သ့ၣ်ထူၣ်အသိး အဂံၢ်ကဃ့ထီကွံာ်

ဒီးအဒ့တဖၣ်​ ကဃ့သံကွံာ်လီၤ.

၂၀ အတၢ်ဟးဂီၤ အမုၢ်နံၤ မ့ၢ်ဟဲတုၤန့ၣ်​ ပှၤလၢမုၢ်နုာ် ကဖုးဘၣ်အသး

ဒီးပှၤလၢမုၢ်ထီၣ်​ ကပျံၤတၢ် သပှၢ်ကတၢၢ်လီၤ.

၂၁ ပှၤလၢအမၤတၢ်ကမၣ်န့ၣ်​ တၢ်ကမၤအသးဒီး အဒဲဒ်န့ၣ်

ဒီးပှၤလၢ အတသ့ၣ်ညါယွၤဘၣ်တဂၤ အတၢ်လီၢ်န့ၣ်​ ကကဲထီၣ်အသး ဒ်န့ၣ်လီၤ.