ယိၤၡူ

၁၂ ပှၤအံၣ်စရ့လးဖိတဖၣ်​ မၤနၢၤဝဲ စီၤပၤအါဂၤ ဒီးမၤန့ၢ် အဝဲသ့ၣ်အတၢ်လီၢ်တၢ်ကျဲ လၢထံကျိယၢ်ဒ့ၣ်​ အမုၢ်ထီၣ်တကပၤ စးထီၣ်လၢအၢ်နိၣ်​ အတၢ်တြီၤ+ တုၤလၢ ကစၢၢ်ဃ့ရမိၣ်+ ဒီးဧၤရဘၤတၢ်လီၢ်ခဲလၢာ် လၢမုၢ်ထီၣ်တကပၤလီၤ.+ ၂ ပှၤအမိၢ်ဖိ အစီၤပၤစံဃိၣ်န့ၣ်+ အိၣ်ဝဲလၢ ဝ့ၢ်ဃ့ၡဘိၣ်​ ဒီးပၢဝဲ ဝ့ၢ်ဧရိၤဧ့ၢ်+ လၢအအိၣ်လၢ အၢ်နိၣ်အတၢ်တြီၤ+ အကပၤလီၤ. ဒီးအဝဲပၢစ့ၢ်ကီးဝဲ လီၢ်ကဝီၤခဲလၢာ် စးထီၣ်လၢ အၢ်နိၣ်အတၢ်တြီၤခၢၣ်သး ပၢၢ်တုၤလၢ ယးဘိးအတၢ်တြီၤလီၤ. ဒီးအဝဲပၢစ့ၢ်ကီးဝဲ ကံးလဧး အဟီၣ်ကဝီၤ တဝာ်လီၤ. ဒီးယးဘိး အတၢ်တြီၤန့ၣ်​ အိၣ်လၢပှၤဧၣ်မိၣ်ဖိ အကီၢ်ဆၢလီၤ. ၃ အဝဲပၢစ့ၢ်ကီးဝဲ ဧၤရဘၤ အမုၢ်ထီၣ်တခီ ပၢၢ်တုၤလၢ ပီၣ်လဲၣ်ကံးန့ၤရ့သး+ ဒီးပၢၢ်တုၤလၢ ဝ့ၢ်ဘ့းသၤယၡံမိး လၢအအိၣ်လၢ ပီၣ်လဲၣ်အံသၣ်​ လၢအမ့ၢ် ပီၣ်လဲၣ်ဧၤရဘၤ အကပၤ ဒီးတုၤလီၤလၢ ကစၢၢ်ပံးစကၤအခီၣ်ထံးလၢ ကလံၤထံးတကပၤလီၤ.+

၄ ပှၤအံၣ်စရ့လးဖိ မၤနၢၤစ့ၢ်ကီး ကီၢ်ဘၤၡၣ်အစီၤပၤဧိာ်+ အတၢ်လီၢ်တၢ်ကျဲတဖၣ်လီၤ. စီၤပၤဧိာ်န့ၣ်​ မ့ၢ်ပှၤရၤဖၤဖိလၢ+ အလီၢ်ခံကတၢၢ်တဖၣ်​ အကျါတဂၤ ဒီးအဝဲအိၣ်လၢ ဝ့ၢ်ဧၤၡတြိး ဒီးဝ့ၢ်အ့ဒြံၤလီၤ. ၅ အဝဲပၢ ကစၢၢ်ဃ့ရမိၣ်, ဝ့ၢ်စၤလကး ဒီးကီၢ်ဘၤၡၣ်ခဲလၢာ်+ ပၢၢ်တုၤလၢ ပှၤကၡူၢ်ဖိ ဒီးပှၤမၤကးဖိ+ အကီၢ်ဆၢလီၤ. ဒီးအဝဲပၢစ့ၢ်ကီး ကံးလဧး အဟီၣ်ကဝီၤ တဝာ် ပၢၢ်တုၤလၢ ဝ့ၢ်ဃ့ၡဘိၣ်​ အစီၤပၤစံဃိၣ်​ အကီၢ်ဆၢလီၤ.+

၆ ယဟိဝၤယွၤ အခ့အပှၤ စီၤမိၤၡ့ ဒီးပှၤအံၣ်စရ့လးဖိ မၤနၢၤကွံာ်ဝဲ စီၤပၤတဖၣ်အံၤလီၤ.+ ဝံၤဒီးယဟိဝၤယွၤ အခ့အပှၤ စီၤမိၤၡ့ ဟ့ၣ်လီၤဝဲ ပှၤရူၤဘ့ၣ်ဖိ, ပှၤကးဖိ ဒီးပှၤမနၤၡ့ၤဖိ အဒူၣ်တဝာ် လၢတၢ်လီၢ်တၢ်ကျဲတဖၣ်အံၤ ဒ်တၢ်န့ၢ်သါအသိးလီၤ.+

၇ စီၤယိၤၡူ ဒီးပှၤအံၣ်စရ့လးဖိ မၤနၢၤ စီၤပၤအါဂၤလၢ အအိၣ်လၢ ထံကျိယၢ်ဒ့ၣ်​ အမုၢ်နုာ်တခီ စးထီၣ်လၢ ဝ့ၢ်ဘဧၤလးကး+ လၢအအိၣ်လၢ လဘၤနိၣ်​ အကစၢၢ်ကဆူးအပူၤ+ တုၤလၢ ကစၢၢ်ဃၤလးလၢ+ အလဲၤထီၣ်ဆူ ကီၢ်စ့ဧၢ်လီၤ.+ ဝံၤဒီး ပှၤတဖၣ်အံၤ အထံအကီၢ်န့ၣ်​ စီၤယိၤၡူ ဟ့ၣ်လီၤဝဲ ပှၤအံၣ်စရ့လးဖိ အဒူၣ်တဖၣ်​ ဒ်အဝဲသ့ၣ်​ အတၢ်န့ၢ်သါ ဘၣ်တၢ်နီၤဖးအီၤ တဒူၣ်တက့ တဒူၣ်တက့အသိးလီၤ.+ ၈ တၢ်လီၢ်တဖၣ်အံၤ အိၣ်ဝဲလၢ ကစၢၢ်ကလိကျါ, လၢၡ့ဖလၣ်, လၢဧၤရဘၤ, လၢတၢ်လီၤဘံတဖၣ်, လၢပှၢ်မုၢ်ကနၢ, ဒီးလၢနဲကဲၤ+ လၢအမ့ၢ် ပှၤဃ့ၤသးဖိ, ပှၤအမိၢ်ဖိ,+ ပှၤကနၤဧၣ်ဖိ, ပှၤဃံၤဝံဖိ ဒီးပှၤယဘူၣ်ဖိ အထံအကီၢ်လီၤ.+