ယိၤဘး

 ၄ မ့ၢ်အကမၤ တၢ်အၢၣ်လီၤအီလီၤ ဒီးနၤ

ဒ်သိး အကကဲနကုၢ် ထီဘိ အဂီၢ်ဧါ.

 ၇ မ့ၢ်နဆဲးဖျိအဘ့ၣ်လၢ ဘီဆဲးညၣ်​ အါဘ့ၣ်+

မ့တမ့ၢ် ဆဲးဖျိအခိၣ်သၣ်ဃံလၢ နီၣ်ဆဲးညၣ်တဖၣ်​ ကသ့ဧါ.

 ၈ နမ့ၢ်ထိးကွၢ်အီၤ ထဲတဘျီန့ၣ်

နကတိၢ်နီၣ်​ တၢ်လၢအမၤနၤ ဒီးနတမၤဒ်န့ၣ်​ နီတဘျီလၢၤဘၣ်.

၁၂ ယကတဲတၢ် ဘၣ်ဃးဒီး သမၣ်အခီၣ်အဂ့ၢ်

ဒီးအဂံၢ်ဆူၣ်ဘါဆူၣ်​ ထဲလဲၣ်​ ဒီးအနီၢ်ခိက့ၢ်ဂီၤ ဘၣ်တၢ်တ့လီၤအီၤ လီၤကမၢကမၣ်​ ထဲလဲၣ်လီၤ.

၁၅ အချၢဃံန့ၣ်အိၣ်ဒီး အသဘျံး အကျိၤတဖၣ်လၢ

အဘုးတာ်လိာ်အသး ဃံးဃံးလီၤ.

၁၆ အသဘျံး တဘ့ၣ်ဒီးတဘ့ၣ်န့ၣ်​ ဘုးတာ်လိာ်သးဘူးဘူး တုၤဒၣ်လဲာ်

ကလံၤနုာ်လီၤလၢ အသဘျံးကဆူး တန့ၢ်ဘၣ်.

၁၇ ဒီးကျးတံၢ်လိာ်သး တဘ့ၣ်ဒီးတဘ့ၣ်

ဒီးအိၣ်စဲထီလိာ်အသး ဒီးပှၤအိးထီၣ်အီၤ တန့ၢ်ဘၣ်.

၁၈ ဖဲအကဆဲအခါ တၢ်ကပီၤ ဟဲကပီၤထီၣ်ဝဲ

ဒီးအမဲာ်ချံန့ၣ်​ လီၤဂာ်ဒ် တၢ်ကပီၤ ဆဲးလီၤလၢ ဂီၤခီအသိးလီၤ.

၁၉ လီဝၢ်ဒံးကပီၤထီၣ်လၢ အကိာ်ပူၤ

ဒီးမ့ၣ်အူဖီတဖၣ်​ ပ့ၢ်ထီၣ်ဝဲလီၤ.

၂၀ မ့ၣ်အူခုၣ်​ ဟဲထီၣ်ဝဲလၢ အနါဒ့ပူၤ

ဒ်ဖၣ်ကပူၤလၢ ပှၤဒွဲၣ်အူဝဲနီၣ်​ လၢအပူၤ အသိးလီၤ.

၂၁ အတၢ်ကသါန့ၣ်​ မၤကဲၤထီၣ်​ မ့ၣ်အူအ့ၣ်

ဒီးမ့ၣ်အူလၣ်​ ဟဲထီၣ်လၢ အကိာ်ပူၤလီၤ.

၂၂ အကိာ်ဘိ အဂံၢ်အဘါဆူၣ်ဒိၣ်မး

ဒီးပှၤလၢအထံၣ်အီၤန့ၣ်​ ပျံၤတၢ် ဒိၣ်မးလီၤ.

၂၃ အဘ့ၣ်အကထြၢတဖၣ်န့ၣ်​ ဘုးတာ်လိာ်သးဃံးဃံး

ဒီးကိၤဒိၣ်မး ဒီးလီၤဂာ်ဒ်သိးဒီး ထးဘ့ၣ်ဘၣ်လၢ ပှၤသုးအီၤ တန့ၢ်ဘၣ်.

၂၄ အသးန့ၣ်​ ကိၤဝဲဒ် လၢၢ်အသိး

ဒီးကိၤဝဲဒ် ဆၢၣ်ဂူာ်လၢၢ်အသိးလီၤ.

၂၆ ပှၤမၤနၢၤအီၤလၢ နးမ့ၢ်ဂ့ၤ,

ဘီမ့ၢ်ဂ့ၤ, ဘီဖိမ့ၢ်ဂ့ၤ, ပျၢ်မ့ၢ်ဂ့ၤ တန့ၢ်ဘၣ်.+

၂၇ ထးန့ၣ်​ အပာ်ဝဲ ဒ်သိးဒီး လီၢ်ဘိ

ဒီးတိၢ်ဘီန့ၣ်​ ပာ်ဝဲ ဒ်သိးဒီး သ့ၣ်လၢအကျၣ်လီၤ.

၂၉ နီၣ်တီၢ်န့ၣ်​ အပာ်ဝဲဒ်သိးဒီး လီၢ်ဘိ

ဒီးဖဲပှၤကွံာ်အီၤဒီး ဘီအခါ အနံၤဘၣ်​ ဘီအသီၣ်လီၤ.

၃၀ အဟၢဖၢန့ၣ်​ လီၤဂာ်ဒ်သိးဒီး သပၢၤဟီၣ်ခိၣ်​ အက့လၢ အကနၣ်အ့ၣ်တဖၣ်

ဒီးဖဲအလဲၤတၢ်အခါ အကျိၤအိၣ်တ့ၢ်လၢ ကပံာ်ကျါ ဒ်နီၣ်ယီၢ်ဘု အကျိၤအသိးလီၤ.+

၃၁ အဒုးကလာ်ထီၣ်ပီၣ်လဲၣ်​ ဒ်ထံကလာ်ထီၣ်လၢ သပၢၤပူၤအသိး

ဒီးခွံခွးထီၣ်​ ပီၣ်လဲၣ်ဒ် သိကလာ်လၢ သပၢၤပူၤအသိးလီၤ.

၃၂ ဖဲအယူၤထံအခါ အကျိၤ ဖျါကပီၤတ့ၢ်လၢ အလီၢ်ခံ

အဃိ ပှၤဆိကမိၣ်ဘၣ်ဝဲလၢ ပီၣ်လဲၣ်အိၣ်ဒီး အခိၣ်ဆူၣ်ဝါလီၤ.

၃၃ လၢဟီၣ်ခိၣ်ချၢန့ၣ်​ တၢ်ဘၣ်တ့လၢ အလီၤဂာ် ဒ်သိးဒီးအီၤ

လၢအတပျံၤတၢ်နီတမံၤဘၣ်န့ၣ်​ တအိၣ်နီတခါဘၣ်.

၃၄ အကွၢ်ဟ့ဝဲ ဆၣ်ဖိကီၢ်ဖိ လၢ အပာ်ကဖၢလၢအသး

ဒီးအကဲစီၤပၤလၢ ဆၣ်ဖိကီၢ်ဖိလၢ အဒူအဃိၤ ဖးဒိၣ်ခဲလၢာ် အဖီခိၣ်လီၤ.”