ယိၤဘး

၄၀ ယဟိဝၤယွၤ ဆဲးတဲ စီၤယိၤဘးလၢ

 ၂ “ပှၤလၢအဃုတၢ်ကမၣ်န့ၣ်​ မ့ၢ်အကြၢးတဲအါတၢ်ဒီး သ့တၢ်လၢာ်ကစၢ်ဧါ.+

၃ ဒီးစီၤယိၤဘး တဲဆၢ ယဟိဝၤယွၤလၢ

 ၄ “ယတမ့ၢ် တၢ်နီတမံၤဘၣ်.+

 ၅ ယတဲတၢ်ဝံၤ တဘျီခံဘျီလံ မ့မ့ၢ် ခဲအံၤန့ၣ်​ ယတတဲလၢၤဘၣ်

ဒီးယတတဲအါထီၣ်​ တၢ် နီတမံၤလၢၤဘၣ်.”

၆ ယဟိဝၤယွၤ တဲဆၢဝဲ စီၤယိၤဘး လၢကလံၤမုၢ်အကျါ+ ဒီးတဲဝဲလၢ

 ၇ “ဝံသးစူၤ ပာ်ဆူၣ်နသး ဒ်ပှၤပိာ်ခွါတဂၤအသိး

ဒီးယကသံကွၢ်နၤ ဝံၤဒီး တဲနၢ်ပၢၢ်ယၤတက့ၢ်.+

၁၀ နမၤဒ်န့ၣ်​ မ့ၢ်န့ၢ်န့ၣ်​ ဝံသးစူၤ ကယၢကယဲထီၣ်နသးလၢ တၢ်လၤကပီၤ ဒီးတၢ်ကဟုကညီၢ်

ဒီးကူထီၣ်သိးထီၣ်​ တၢ်လီၤဘီလီၤမုၢ် ဒီးတၢ်ဃံတၢ်လၤတက့ၢ်.

၁၁ ပျၢ်လီၤ နတၢ်သးဒိၣ်ခဲလၢာ်

ဒီးကွၢ်ပှၤလၢ အပာ်ထီၣ်ထီအသး ကိးဂၤဒဲး ဒီးဆီၣ်လီၤအဝဲသ့ၣ်တက့ၢ်.

၁၂ ကွၢ်ပှၤလၢ အပာ်ထီၣ်ထီအသး ကိးဂၤဒဲး ဒီးဆီၣ်လီၤအဝဲသ့ၣ်

ဒီးယီၢ်တံၢ် ပှၤအၢပှၤသီ တဘျီဃီတက့ၢ်.

၁၃ ဒီးဘျၢလီၤ အဝဲသ့ၣ်ခဲလၢာ်လၢ ဟီၣ်ခိၣ်ကမူၣ်ကျါ

ဒီးစၢဃာ် အဝဲသ့ၣ်​ လၢတၢ်ခံးအလီၢ်တက့ၢ်.

၁၄ နမၤဒ်န့ၣ်​ မ့ၢ်န့ၢ်န့ၣ်​ ယကတူၢ်လိာ်လၢ*

နမၤပူၤဖျဲးနသးလၢ နနီၢ်ကစၢ်ဂံၢ်ဘါသ့လီၤ.

၁၆ ကွၢ်မီၤ အဂံၢ်အဘါအိၣ်ဝဲလၢ အယီၢ်ဒ့

ဒီးအဟၢဖၢ အယုၢ်ညၣ်တဖၣ်န့ၣ်​ အဂံၢ်အဘါ ဆူၣ်ဒိၣ်မးလီၤ.

၁၇ အမၤဆှိၣ်ထီၣ်​ အခံမဲၢ် ဒ်သ့ၣ်ဆှိအ့ရ့းအသိး

ဒီးအကံၣ်ဒုၣ်​ အထူၣ်အပျၢ်တဖၣ်​ ပိၤအသးလီၤ.

၁၈ အဃံန့ၣ်​ လီၤဂာ်ဒ် တိၢ်ဘီ အဘိတဖၣ်,

ဒီးအခီၣ်န့ၣ်​ လီၤဂာ်ဒ် နီၣ်ထိးဘိထးတဖၣ်လီၤ.

၂၀ ဒီးကစၢၢ်ကလိလၢ ဆၣ်ဖိကီၢ်ဖိလၢ အဒူတဖၣ်​ လိာ်ကွဲဝဲ အလီၢ်န့ၣ်

ဒုးမဲထီၣ်​ တၢ်အီၣ်တၢ်အီလၢ ကသ့ၣ်ထံ အဂီၢ်လီၤ.

၂၁ အမံနီၤဝဲလၢ သ့ၣ်တပှီာ်တၤဆှုၣ်​ အဖီလာ်

ဒီးလၢတပိၢ်လၢ အအိၣ်လၢ ကပံာ်ကျါ အကဒုလာ်လီၤ.

၂၂ သ့ၣ်တပှီာ်တၤဆှုၣ်​ အကဒု လီၤဘၣ်အီၤ

ဒီးပံၢ်သလီ အထူၣ်လၢ အအိၣ်လၢ တၢ်တြီၤပူၤတဖၣ်​ အိၣ်ဝးတရံး အီၤလီၤ.