လီၣ်ဖျါ
၇ တၢ်န့ၣ်ဝံၤအလီၢ်ခံ ယထံၣ်ဘၣ် မူခိၣ်ကလူးလွံၢ်ဂၤ ဆၢထၢၣ်လၢ ဟီၣ်ခိၣ်အနၢၣ်လွံၢ်နၢၣ် ဒီးဖီၣ်ဃာ်ဝဲ ဟီၣ်ခိၣ်အကလံၤ လွံၢ်ကျိၤဃံးဃံး ဒ်သိး ကလံၤသုတအူဘၣ် ဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ ဒီးသ့ၣ်တဖၣ်မ့ၢ်ဂ့ၤ နီတစဲးတဂ့ၤ အဂီၢ်လီၤ. ၂ ဒီးယထံၣ်ဘၣ် မူခိၣ်ကလူးအဂၤတဂၤ ဟဲထီၣ်လၢ မုၢ်ထီၣ်တခီ ဒီးအဝဲစိာ်ဝဲဒီး ကစၢ်ယွၤ လၢအမူဝဲတဂၤ အတၢ်စဲပနီၣ်တခါလီၤ. အဝဲကိးထီၣ်လၢ အကလုၢ်ဖးဒိၣ် ဆူမူခိၣ်ကလူးလွံၢ်ဂၤလၢ အဒိးန့ၢ်ဘၣ်အခွဲးလၢ ကမၤဘၣ်ဒိဟီၣ်ခိၣ် ဒီးပီၣ်လဲၣ်လီၤ. ၃ ဒီးအတဲဝဲလၢ “တချုးလၢ ပစဲပနီၣ်+ ပကစၢ်ယွၤအကုၢ်တဖၣ် အမဲာ်တူၢ်ခိၣ်ဒံးဘၣ်န့ၣ်+ တဘၣ်မၤဘၣ်ဒိ ဟီၣ်ခိၣ်, ပီၣ်လဲၣ် ဒီးသ့ၣ်တဖၣ်တဂ့ၤ.”
၄ ဒီးယနၢ်ဟူ ပှၤလၢအဘၣ် တၢ်စဲပနီၣ်အီၤ အနီၣ်ဂံၢ်အိၣ်ဝဲ တကလီၢ် လွံၢ်ကလး လွံၢ်ကထိ+ ဒီးဘၣ်တၢ်စဲပနီၣ်အီၤလၢ ပှၤအံၣ်စရ့လးဖိ ကိးဒူၣ်ဒဲးအကျါလီၤ.+
၅ လၢယူဒၤ အဒူၣ်အကျါန့ၣ် ပှၤလၢအဘၣ်တၢ်စဲပနီၣ်အီၤ အိၣ်ဝဲ တကလး ခံကထိ,
လၢရူၤဘ့ၣ် အဒူၣ်အကျါန့ၣ် အိၣ်ဝဲ တကလး ခံကထိ,
လၢကး အဒူၣ်အကျါန့ၣ် အိၣ်ဝဲ တကလး ခံကထိ,
၆ လၢအၤၡ့ၢ် အဒူၣ်အကျါန့ၣ် အိၣ်ဝဲ တကလး ခံကထိ,
လၢနးသၤလံ အဒူၣ်အကျါန့ၣ် အိၣ်ဝဲ တကလး ခံကထိ,
လၢမနၤၡ့ၤ+ အဒူၣ်အကျါန့ၣ် အိၣ်ဝဲ တကလး ခံကထိ,
၇ လၢစူၤမ့းအိၣ် အဒူၣ်အကျါန့ၣ် အိၣ်ဝဲ တကလး ခံကထိ,
လၢလ့ၤဝံ အဒူၣ်အကျါန့ၣ် အိၣ်ဝဲ တကလး ခံကထိ,
လၢယံးစၣ်ကၢ် အဒူၣ်အကျါန့ၣ် အိၣ်ဝဲ တကလး ခံကထိ,
၈ လၢစဘူလိၣ် အဒူၣ်အကျါန့ၣ် အိၣ်ဝဲ တကလး ခံကထိ,
လၢယိၤသး အဒူၣ်အကျါန့ၣ် အိၣ်ဝဲ တကလး ခံကထိ
ဒီးလၢဘံၣ်ယၤမံၣ် အဒူၣ်အကျါန့ၣ် ပှၤလၢအဘၣ်တၢ်စဲပနီၣ်အီၤ အိၣ်ဝဲ တကလး ခံကထိလီၤ.
၉ တၢ်န့ၣ်ဝံၤအလီၢ်ခံ ယထံၣ်ဘၣ် ပှၤဂီၢ်မုၢ်ဖးဒိၣ်လၢ ပှၤဂံၢ်ဝဲအနီၣ်ဂံၢ် တသ့နီတဂၤဘၣ်. ဒီးအဝဲသ့ၣ် ဟဲလၢ ပှၤကိးကလုာ်ဒဲး, ကလုာ်ဒူၣ်ကိးဒူၣ်ဒဲး, ပှၤကိးဒူၣ်ဒဲး ဒီးပှၤတဲတၢ်အကျိာ် ကိးကျိာ်ဒဲးအကျါ+ ဒီးအိၣ်ဆၢထၢၣ်ဝဲလၢ လီၢ်ပစိာ်အမဲာ်ညါ ဒီးသိဖိအမဲာ်ညါလီၤ. ဒီးအဝဲသ့ၣ်ကၤဝဲ ဆ့ဝါဖးထီတဖၣ်+ ဒီးအိၣ်ဒီး စူၣ်ပလိၣ်အဒ့လၢ အစုပူၤလီၤ.+ ၁၀ ဒီးအဝဲသ့ၣ် ဆဲးကိးပသူထီၣ်လၢ အကလုၢ်ဖးဒိၣ်လၢ “ပဒိးန့ၢ်ဘၣ် တၢ်အုၣ်က့ၤခီၣ်က့ၤလၢ ပကစၢ်ယွၤ လၢအဆ့ၣ်နီၤလၢ လီၢ်ပစိာ်အလိၤတဂၤန့ၣ်အအိၣ်+ ဒီးလၢသိဖိအအိၣ်လီၤ.”+
၁၁ မူခိၣ်ကလူးခဲလၢာ် ဆၢထၢၣ်ဝးတရံးလီၢ်ပစိာ်, ပှၤသူၣ်က့သးပှၢ်တဖၣ်+ ဒီးခ့ရူာ်လွံၢ်ဂၤလီၤ. ဒီးအဝဲသ့ၣ် ထိၣ်လီၤပှီၤအသးလၢ လီၢ်ပစိာ်အမဲာ်ညါ ဒီးဘူၣ်ထီၣ်ဘါထီၣ် ကစၢ်ယွၤလီၤ. ၁၂ ဒီးအဝဲသ့ၣ်တဲဝဲလၢ “အၤမ့ၣ်, တၢ်စံးပတြၢၤ, တၢ်လၤကပီၤ, တၢ်ကူၣ်သ့, တၢ်စံးဘျုးစံးဖှိၣ်, တၢ်ယူးယီၣ်, တၢ်စိတၢ်ကမီၤ ဒီးတၢ်ဂံၢ်တၢ်ဘါန့ၣ် မ်အအိၣ်ဒီးပကစၢ်ယွၤ လီၤထူလီၤယိာ်တက့ၢ်.+ အၤမ့ၣ်.”
၁၃ ဒီးပှၤလၢ ပှၤသူၣ်က့သးပှၢ်တဖၣ် အကျါတဂၤ သံကွၢ်ယၤလၢ “ပှၤလၢ အကူထီၣ်ကၤထီၣ် ဆ့ဝါဖးထီတဖၣ်အံၤ+ အဝဲသ့ၣ် မ့ၢ်မတၤတဖၣ်လဲၣ် ဒီးအဝဲသ့ၣ်ဟဲဖဲလဲၣ်.” ၁၄ ဒီးယက့ၤတဲဆၢက့ၤအီၤ တဘျီဃီလၢ “ယကစၢ်ဧၢ, နမ့ၢ်ပှၤလၢ အသ့ၣ်ညါတၢ်စံးဆၢလီၤ.” ဒီးအဝဲတဲဘၣ်ယၤလၢ “ပှၤသ့ၣ်တဖၣ်အံၤ မ့ၢ်ပှၤလၢ အလဲၤခီဖျိ တၢ်နးတၢ်ဖှီၣ်ဖးဒိၣ်+ ဒီးအဝဲသ့ၣ် ဆှုၣ်အဆ့ဖးထီ ဒီးမၤဝါထီၣ်ဝဲလၢ သိဖိအသွံၣ်လီၤ.+ ၁၅ လၢတၢ်န့ၣ်အဃိ အဝဲသ့ၣ်အိၣ်လၢ ကစၢ်ယွၤ အလီၢ်ပစိာ်အမဲာ်ညါ ဒီးမၤကစၢ်ယွၤ အတၢ်မၤစီဆှံ လၢမုၢ်ဆါဒီးလၢမုၢ်နၤ လၢကစၢ်ယွၤ အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤလၢ လီၢ်ပစိာ်အလိၤတဂၤအံၤန့ၣ်+ အဝဲကသလၣ်ထီၣ် အဒဲလၢ အဝဲသ့ၣ်အဖီခိၣ်လီၤ.+ ၁၆ ဒီးအဝဲသ့ၣ် တလီၤဘဲ* လၢၤဘၣ် ဒီးအဝဲသ့ၣ် တလီၤဘဲ အီထံလၢၤဘၣ်. မုၢ်ဆဲးလီၤမ့ၢ်ဂ့ၤ, တၢ်ကိၢ်ဆါမ့ၢ်ဂ့ၤ+ တမၤဘၣ်ဒိ အဝဲသ့ၣ်ဘၣ်, ၁၇ မ့ၢ်လၢသိဖိလၢ+ အအိၣ်ဘူးဒီးလီၢ်ပစိာ်န့ၣ် ကအံးထွဲကွၢ်ထွဲ အဝဲသ့ၣ် ဒ်ပှၤကွၢ်သိတဂၤအသိး+ ဒီးကဆှၢ အဝဲသ့ၣ်ဆူ ထံမူအထံထီၣ်ပၢၢ်တဖၣ်+ အအိၣ်လီၤ. ဒီးကစၢ်ယွၤ ကထွါကွံာ် အဝဲသ့ၣ် အမဲာ်ထံခဲလၢာ်လီၤ.”+