တၢ်သးဝံၣ်တဖၣ်အတၢ်သးဝံၣ်

 ၂ ပှၤၡူလမးမုၣ်ဖိ တဲဝဲလၢ “မ်နနၢမူယၤလၢ နထးခိၣ်တက့ၢ်,

နတၢ်အဲၣ်လၢ နပာ်ဖျါထီၣ်န့ၣ်​ ဂ့ၤဒိၣ်န့ၢ်ဒံး စပံးထံလီၤ.+

 ၃ သိနၢမူလၢ နဖှူအီၤန့ၣ်​ နၢမူညါ+

ဒီးနမံၤန့ၣ်​ မၤအသးဒ် သိနၢမူလၢ အလူၤလီၤအသး,+

အဃိ မုၣ်လိၣ်ဘိတဖၣ်​ အဲၣ်ဘၣ်နၤလီၤ.

ပကသူၣ်ဖှံသးညီ ဒီးသူၣ်ခုသးခု ဒ်သိးသိး,

နတၢ်အဲၣ်လၢ နပာ်ဖျါထီၣ်အီၤန့ၣ်​ အဂ့ၤဒိၣ်န့ၢ်ဒံးစပံးထံ အဃိ ပကတဲသကိး အဂ့ၢ်နီၤ.

 ၆ မ့ၢ်လၢမုၢ်အီၣ်ယၤဒီး

ယညၣ်ထီၣ်သူအဃိ ကွၢ်ထံယၤတဂ့ၤ.

ယကၠီတဖၣ်န့ၣ်​ သးထီၣ်ယၤအဃိ

အဝဲသ့ၣ်​ မၢယကွၢ်ထွဲ စပံးကျီး တဖၣ်လီၤ.

 ၇ ယတၢ်အဲၣ်ဖိလၢ ယအဲၣ်အီၤ ဒိၣ်မးဧၢ,

နလဲၤဒုးအီၣ်နသိဆၣ်ဖဲလဲၣ်,+

ဖဲမုၢ်ဆါခီန့ၣ်​ နဒုးကိာ်လီၤ နသိလၢ တၢ်လီၢ်ဖဲလဲၣ်, တဲဘၣ်ယၤမီၤ.

မ့တမ့ၢ်ဘၣ်န့ၣ်​ ယကလီၤဂာ်ဒီး ပိာ်မုၣ်လၢ အဘၣ်ကးဘၢဃာ်အမဲာ် လၢခိၣ်ဖၢၣ်

ဒီးဟးဃုနၤလၢ နသကိးတဖၣ်​ အသိကျါလီၤ.”

 ၈ ပှၤယရူၤၡလ့ၣ်မုၣ်တဖၣ်​ တဲဝဲလၢ “အိ မုၣ်ဃံလၤဖိလၢ အလီၤအဲၣ်ဒိၣ်ကတၢၢ်ဧၢ, နမ့ၢ်တသ့ၣ်ညါလၢ အအိၣ်ဖဲလဲၣ်ဘၣ်န့ၣ်

လဲၤပိာ်သိတဖၣ်​ အခီၣ်လီၢ်

ဒီးလဲၤဒုးအီၣ်​ နမဲာ်တဲးလဲးတဖၣ်အဆၣ်လၢ ပှၤကွၢ်သိတဖၣ်​ အဒဲကပၤမီၤ.”

၁၁ ပကတ့န့ၢ်နၤ တၢ်ကယၢကယဲလၢ ပှၤမၤအီၤလၢထူ

ဒီးစ့တဖၣ်လီၤ.”

၁၂ ပှၤၡူလမးမုၣ်ဖိ တဲဝဲလၢ “ဖဲစီၤပၤ ဆ့ၣ်နီၤလၢ အစီၢ်နီၤခိၣ်ကဝီၤ အဃၢၤအခါ

ယတၢ်နၢမူ+ အစိ နၢမူထီၣ်ဝဲလီၤ.

၁၃ ယပှၤသးဘိန့ၣ်​ လီၤဂာ်ဒ်သိးဒီး မူရၣ်တဘိၣ်+ လၢအနၢမူ

လၢအအိၣ်လၢ ယသးနါပှၢ်အလိၤ ဖဲမုၢ်နၤခီ အဆၢကတီၢ်လီၤ.

၁၄ ယပှၤသးဘိန့ၣ်​ လီၤဂာ်ဒ်သိးဒီး သ့ၣ်ဂီၤမုၢ် အဖီတချုၣ်+

လၢအဟဲဖးထီၣ်လၢ ဝ့ၢ်ဧ့ၣ်က့ဒံၤ အစပံးကျီးတဖၣ်​ အပူၤလီၤ.”+

၁၅ ပှၤကွၢ်သိဖိ တဲဝဲလၢ “အိ ယသးခိၣ်မ့ဧၢ, နဒိၣ်တၢ်ဂ့ၤဒီး

နလီၤအဲၣ်ညါ ဒီးနမဲာ်ချံန့ၣ်​ လီၤဂာ်ဒီး ထိၣ်လွံၢ်ဖိအမဲာ်ချံလီၤ.”+

၁၇ ပဟံၣ်အတၢ်တီတဖၣ်န့ၣ်​ မ့ၢ်ဝဲ သ့ၣ်ဆှိအ့ရ့း

ဒီးအခိၣ်ဒုးလၢ အကိပူၤတပၤန့ၣ်​ မ့ၢ်ဝဲ သ့ၣ်ကၠူနံးဖၢၤလီၤ.