၁ စီၤပၤ
၇ စီၤၡလိၤမိၤ သူၣ်ထီၣ် အနီၢ်ကစၢ်အဟံၣ်+ ဒီတဖျၢၣ်တုၤလၢအဝံၤန့ၣ်+ ယံာ်ဝဲ ၁၃ နံၣ်လီၤ.
၂ ဒီးအဝဲတ့ထီၣ် လဘၤနိၣ်ပှၢ် အဟံၣ်တဖျၢၣ်လၢ+ အထီအိၣ်ဝဲ အပျၢ် ၁၀၀, အဒီၣ်ဃီၤအိၣ်ဝဲ အပျၢ် ၅၀ ဒီးအကစီၤထီၣ်ထီ အိၣ်ဝဲအပျၢ် ၃၀ လီၤ. ဒီးဟံၣ်အထူၣ်တဖၣ်န့ၣ် ဘၣ်တၢ်တ့အီၤလၢ သ့ၣ်ဆှိအ့ရ့း ဒီးအိၣ်ဝဲ လွံၢ်ဂ့ၢ်လီၤ. ဒီးလၢဟံၣ်အထူၣ်တဖၣ် အဖီခိၣ်န့ၣ် အိၣ်ဒီး တၢ်တီတဖၣ်လၢ ဘၣ်တၢ်တ့အီၤလၢ သ့ၣ်ဆှိအ့ရ့းလီၤ.+ ၃ ဒီးလၢဟံၣ်ထူၣ်တဖၣ် အဖီခိၣ်န့ၣ် အိၣ်ဝဲဒီး သ့ၣ်အကျိၤတဖၣ်လၢ အဘၣ်တၢ်မၤဘၢအီၤလၢ သ့ၣ်ဆှိအ့ရ့းလီၤ. တၢ်သ့ၣ်တဖၣ်န့ၣ်* ခဲလၢာ်ခဲဆ့ အိၣ်ဝဲ ၄၅ ဘိ ဒီးတဂ့ၢ်န့ၣ်အိၣ်ဝဲ ၁၅ ဘိလီၤ. ၄ ဒီးပဲတြီဖိတဖၣ်* အိၣ်ဝဲသၢဂ့ၢ် ဒီးပဲတြီဖိ တဘ့ၣ်စုာ်စုာ်န့ၣ် ကွၢ်ဆၢၣ်မဲာ်လိာ်သးဒီး ပဲတြီဖိအဂၤတဘ့ၣ်လၢ အဝဲတကပၤလီၤ. ၅ တၢ်နုာ်လီၤအလီၢ်ခဲလၢာ် ဒီးပဲတြီအထူၣ်တဖၣ်န့ၣ် ဘၣ်တၢ်ကျီၤဃာ်အီၤ အိၣ်ဒီးအနၢၣ်လွံၢ်နၢၣ် ဒီးပဲတြီဖိ သၢဂ့ၢ်လၢ အကွၢ်ဆၢၣ်မဲာ်လိာ်သးန့ၣ် လၢအမဲာ်ညါတပၤ အိၣ်ဝဲဒ်န့ၣ် စ့ၢ်ကီးလီၤ.
၆ အဝဲတ့ထီၣ် ဘျီၣ်ဒိၣ်တဖျၢၣ် လၢအမ့ၢ် တၢ်အထူၣ်တဖၣ် အဘျီၣ်ဒိၣ်လၢ အထီအိၣ်ဝဲ အပျၢ် ၅၀ ဒီးအဒီၣ်ဃီၤ အိၣ်ဝဲအပျၢ် ၃၀ လီၤ. လၢဘျီၣ်ဒိၣ်တဖျၢၣ်န့ၣ် အမဲာ်ညါတကပၤန့ၣ် အိၣ်ဒီးဘျီၣ်ဒိၣ်အဂၤတဖျၢၣ် လၢအအိၣ်ဒီး အထူၣ်တဖၣ် ဒီးတၢ်ခိၣ်ဒုးတခါလီၤ.
၇ ဒီးအဝဲတ့ထီၣ် လီၢ်ပစိာ် အဘျီၣ်ဒိၣ်+ လၢအမ့ၢ် တၢ်စံၣ်ညီၣ် အဘျီၣ်ဒိၣ် ဒီးဖဲန့ၣ် အဝဲဆ့ၣ်နီၤ စံၣ်ညီၣ်တၢ်လၢ လီၢ်ပစိာ်အလိၤလီၤ.+ ဒီးအဝဲသ့ၣ် ကျးဝဲဘျီၣ်ဒိၣ်တဖျၢၣ်အံၤဒီး သ့ၣ်ဆှိအ့ရ့း စးထီၣ်လၢအဒါ တုၤလၢ အခိၣ်ဒုးလၢ အကိပူၤတပၤလီၤ.
၈ မ့မ့ၢ် စီၤၡလိၤမိၤ အဟံၣ် လၢအဝဲကအိၣ်ဝဲ တဖျၢၣ်န့ၣ် ယံၤဝဲဒီး တၢ်စံၣ်ညီၣ် အဘျီၣ်ဒိၣ်တစဲး, ဘၣ်တၢ်တ့ထီၣ်အီၤဒ် ဘျီၣ်ဒိၣ်တဖျၢၣ်န့ၣ် အသိးဒီးအိၣ်ဝဲလၢ ကရၢၢ်အဂၤတဖျၢၣ် အပူၤလီၤ.+ ဒီးစီၤၡလိၤမိၤ တ့ထီၣ်စ့ၢ်ကီး ဟံၣ်တဖျၢၣ်လၢ အလီၤဂာ်ဒ်ဘျီၣ်ဒိၣ် တဖျၢၣ်န့ၣ်အသိး လၢဖၤရိၤအဖိမုၣ်လၢ အဟံးန့ၢ်ဝဲဒ် အမါတဂၤန့ၣ် အဂီၢ်လီၤ.+
၉ တၢ်သူၣ်ထီၣ်တဖၣ်အံၤ ကိးဖျၢၣ်ဒဲး စးထီၣ်လၢ အခီၣ်ထံး တုၤလၢ အဒူၣ်အဖီခိၣ်ကတၢၢ် ဒီးလၢတၢ်ချၢတုၤလီၤလၢ တၢ်ပျီဖးလဲၢ်လၢ အအိၣ်လၢ ကရၢၢ်ပူၤန့ၣ်+ ဘၣ်တၢ်တ့အီၤဒီး လၢၢ်တဖၣ်လၢ အပှ့ၤဒိၣ်လီၤ.+ ဒီးလၢၢ်တဖၣ်အံၤ ဘၣ်တၢ်စိးပျၤအီၤ ဒ်အတၢ်ထိၣ်အိၣ်ဝဲအသိး ဒီးဘၣ်တၢ်ဘူးဃူအီၤလၢ လွးကိးကပၤဒဲးလီၤ. ၁၀ ဒီးတၢ်သူၣ်ထီၣ်တဖၣ်အံၤ အခီၣ်ထံးန့ၣ် ဘၣ်တၢ်သူၣ်ထီၣ်အီၤလၢ လၢၢ်ဖးဒိၣ်လၢ အပှ့ၤဒိၣ်တဖၣ်လီၤ. ဒီးလၢၢ်တနီၤန့ၣ် အထီအိၣ်ဝဲ အပျၢ်တဆံ ဒီးအဂၤတနီၤန့ၣ် အိၣ်ဝဲ ဃိးပျၢ်လီၤ. ၁၁ လၢတၢ်သ့ၣ်တဖၣ်န့ၣ် အဖီခိၣ်န့ၣ် ပှၤပာ်ထီၣ် လၢၢ်လၢ အပှ့ၤဒိၣ်တဖၣ် လၢအဘၣ်တၢ်စိးပျၤအီၤ ဒ်အတၢ်ထိၣ်အိၣ်ဝဲအသိး ဒီးသ့ၣ်ဆှိအ့ရ့းတဖၣ်လီၤ. ၁၂ ဒီးတၢ်ဒူၣ် အိၣ်ဝးတရံး တၢ်ပျီဖးလဲၢ်လီၤ. ဒီးတၢ်ဒူၣ်န့ၣ် ဘၣ်တၢ်တ့အီၤလၢ လၢၢ်လၢအဘၣ်တၢ်စိးပျၤအီၤ သၢဂ့ၢ် ဒီးသ့ၣ်ဆှိအ့ရ့း အသ့ၣ်ဘၣ်တကျိၤ အဃိ အလီၤဂာ် ဒ်တၢ်ဒူၣ်လၢ အအိၣ်ဝးတရံး ယဟိဝၤယွၤ အဟံၣ် အတၢ်ပျီလၢအအံၣ်+ ဒီးဟံၣ်အဘျီၣ်ဒိၣ်အသိးလီၤ.+
၁၃ စီၤပၤၡလိၤမိၤ မၢပှၤလဲၤလၢ ဝ့ၢ်စိၢ်ဒီး ဟဲက့ၤကိးစီၤဃံရၣ်လီၤ.+ ၁၄ စီၤဃံရၣ် အမိၢ်မ့ၢ်ဝဲ မုၣ်ကမဲတဂၤ လၢနးသၤလံအဒူၣ်အကျါ ဒီးအပၢ်မ့ၢ်ဝဲ ပှၤစိၢ်ဖိ လၢအပိာ်တိၢ်ဘီတဂၤလီၤ.+ စီၤဃံရၣ်န့ၣ် အိၣ်ဒီးတၢ်သ့တၢ်ဘၣ်အါမးလၢ+ အဘၣ်ဃးဒီးတိၢ်ဘီတကပၤ, နၢ်ပၢၢ်ဝဲ တိၢ်ဘီအဂ့ၢ်ဂ့ၤဂ့ၤ ဒီးအိၣ်ဒီးတၢ်လဲၤခီဖျိ အါမးလီၤ. ဒီးအဝဲ ဟဲမၤန့ၢ်တၢ်လၢ စီၤၡလိၤမိၤ အဂီၢ်ခဲလၢာ်လီၤ.
၁၅ အဝဲတ့ထီၣ် တၢ်ထူၣ်ခံထူၣ်လၢ တိၢ်ဘီလီၤ.+ တၢ်ထူၣ်တထူၣ် စုာ်စုာ်န့ၣ် အထီအိၣ်ဝဲ ၁၈ ပျၢ်လီၤ. ဒ်သိး ပှၤကစၢဝးတရံး တၢ်အထူၣ်တထူၣ် စုာ်စုာ် အဂီၢ်န့ၣ် ကလိၣ်ဘၣ် တၢ်ထိၣ်ပျံၤတဘိလၢ အထီဝဲ ၁၂ ပျၢ် လီၤ.+ ၁၆ အဝဲတ့ထီၣ်ဝဲ တၢ်အခိၣ်ထိးခံခါ လၢတိၢ်ဘီ ဒ်သိး ကပာ်ထီၣ်ဝဲလၢ တၢ်အထူၣ်ခံထူၣ် အဖီခိၣ်လီၤ. ဒီးတၢ်အခိၣ်ထိး တခါစုာ်စုာ်န့ၣ် အကစီၤထီၣ်ထီအိၣ်ဝဲ ယဲၢ်ပျၢ်လီၤ. ၁၇ တၢ်အခိၣ်ထိး တခါစုာ်စုာ်န့ၣ် အိၣ်ဒီး တၢ်ကယၢကယဲတခါ လၢအလီၤဂာ်ဒ် ပှာ်အသိး ဒီးပျံၤဖိထးတဖၣ်+ လၢအပိၤအသးနွံဘိလၢ တၢ်အခိၣ်ထိး တခါစုာ်စုာ်အဂီၢ်လီၤ. ၁၈ ဒီးအဝဲတ့ထီၣ် တၢ်ကယၢကယဲ ခံဂ့ၢ်လၢ အလီၤဂာ်ဒီး သလဲသၣ်တဖၣ် ဒီးအအိၣ်ဝးတရံးဝဲ ပှာ်တခါအံၤလၢ တၢ်အထူၣ်အခိၣ်ထိး အလိၤလီၤ. ဒီးအဝဲမၤဝဲ ဒ်န့ၣ်လၢ တၢ်အထူၣ်ခံထူၣ် အခိၣ်ထိးတဖၣ်အံၤ အဂီၢ်လီၤ. ၁၉ တၢ်အထူၣ် အခိၣ်ထိး တခါစုာ်စုာ်န့ၣ် အိၣ်ဘူးဒီးဘျီၣ်ဒိၣ်, အကစီၤထီၣ်ထီ အိၣ်ဝဲ လွံၢ်ပျၢ် ဒီးအက့ၢ်အဂီၤ လီၤဂာ်ဒ် ဖီဒ့ၣ်ညါအသိးလီၤ. ၂၀ ဒီးတၢ်အထူၣ် အခိၣ်ထိး အဖီခိၣ်တကူာ်န့ၣ် အိၣ်ဝဲလၢ တၢ်ကဝီၤကျီၤ တကူာ်လၢ အအိၣ်ဒီး တၢ်ကယၢကယဲလၢ အလီၤဂာ်ဒ် ပှာ်အသိးန့ၣ် အဖီခိၣ်လီၤ. ဒီးတၢ်ကယၢကယဲတဖၣ် လၢအလီၤဂာ်ဒ် သလဲသၣ်တဖၣ်န့ၣ် အိၣ်ဝဲ အဖျၢၣ် ၂၀၀ ရဲၣ်လီၤအသးခံဂ့ၢ် ဝးတရံး တၢ်အထူၣ်အခိၣ်ထိး ခံခါအံၤလီၤ.+
၂၁ အဝဲဆီလီၤ တၢ်အထူၣ်ခံထူၣ်အံၤ လၢတၢ်လုၢ်ဟံၣ်* အဘျီၣ်ဒိၣ်အမဲာ်ညါလီၤ.+ တၢ်အထူၣ်လၢ အဆီလီၤဝဲလၢ စုထွဲတကပၤန့ၣ်* အကိးန့ၢ်ဝဲအမံၤလၢ ယၤကံၣ်* ဒီးတၢ်အထူၣ်လၢ အဆီလီၤဝဲလၢ စုစ့ၣ်တကပၤန့ၣ်* အကိးန့ၢ်ဝဲ အမံၤလၢ ဘိၤဧးလီၤ.*+ ၂၂ ဒီးလၢ တၢ်အထူၣ်ခံထူၣ် အဖီခိၣ်န့ၣ် အိၣ်ဝဲဒီး တၢ်အက့ၢ်အဂီၤ လၢအလီၤဂာ် ဒ်ဖီဒ့ၣ်ညါ အသိးလီၤ. ဒီးစီၤဃံရၣ် တ့ဝဲ တၢ်အထူၣ်ခံထူၣ်န့ၣ် ဝံၤဝဲလီၤ.
၂၃ ဝံၤဒီးအဝဲတ့ထီၣ် ထံဒၢဖးဒိၣ်တဖျၢၣ်လၢ ပှၤကိးဝဲလၢ ပီၣ်လဲၣ်တိၢ်ဘီလီၤ.+ ဒီးအမိၢ်ပှၢ်လီၤဂာ်လၢ တၢ်အဖျၢၣ်သလၢၣ်လၢ အကစီၤထီၣ်ထီအိၣ်ဝဲ ယဲၢ်ပျၢ်, အခိၣ်ဒူလၢအံၤတကပၤ တုၤလၢ အဝဲတကပၤန့ၣ် အိၣ်ဝဲအပျၢ် ၁၀, ဒီးဒ်သိး ပှၤကစၢဝးတရံးအီၤ ဝးဝးအဂီၢ်န့ၣ် ကလိၣ်ဘၣ် တၢ်ထိၣ်ပျံၤတဘိလၢ အထီဝဲအပျၢ် ၃၀ လီၤ.+ ၂၄ လၢထံဒၢဖးဒိၣ် အခိၣ်ဒူ အဖီလာ်န့ၣ် တၢ်ကယၢကယဲ လၢအလီၤဂာ်ဒီး ထံလူၤသၣ်တဖၣ်+ အိၣ်ဝးတရံးအီၤခံကျိၤ ဒီးတပျၢ်န့ၣ် ထံလူၤသၣ်အိၣ်ဝဲ အဖျၢၣ်တဆံလီၤ. ဒီးထံလူၤသၣ်တဖၣ်အံၤ ဘၣ်တၢ်တ့အီၤ ဘုးတာ်လိာ်သးဒီး ထံဒၢဖးဒိၣ်လီၤ. ၂၅ ထံဒၢဖးဒိၣ်န့ၣ် အိၣ်ဝဲလၢ ကျီၢ်ဖါတိၢ်ဘီ ၁၂ ဒုအဖီခိၣ်လီၤ.+ ကျီၢ်ဖါတဖၣ်န့ၣ် ဃၣ်အသးလၢ မုၢ်ထီၣ် ၃ ဒု, လၢမုၢ်နုာ် ၃ ဒု, လၢကလံၤစိး ၃ ဒု ဒီးလၢကလံၤထံး ၃ ဒုလီၤ. ဒီးကျီၢ်ဖါကိးဒုဒဲးန့ၣ် အခံအိၣ်လၢ ထံဒၢအံၤ အဖီလာ်လီၤ. ၂၆ ဒီးထံဒၢဖးဒိၣ်န့ၣ် အတီၣ်ဝဲ စုနၢလွံၢ်ဘိလီၤ.* အခိၣ်ဒူန့ၣ် ပှၤမၤအီၤဒ် ထံခွးအခိၣ်ဒူ လီၤဂာ်ဒ် ဖီဒ့ၣ်ညါ ဖးထီၣ်အသိးလီၤ. လၢထံဒၢဖးဒိၣ် အပူၤန့ၣ် ထံတြီၢ်ဝဲ ၂,၀၀၀ ဘၤသၤလီၤ.*
၂၇ ဝံၤဒီး အဝဲတ့ထီၣ်ဝဲ လ့ၣ်ဆီၣ်လၢ တိၢ်ဘီ အခိၣ်တဆံလီၤ.+ လ့ၣ်ဆီၣ်တခိၣ်စုာ်စုာ်န့ၣ် အထီအိၣ်ဝဲ လွံၢ်ပျၢ်, အဒီၣ်ဃီၤ အိၣ်ဝဲ လွံၢ်ပျၢ် ဒီးအကစီၤထီၣ်ထီ အိၣ်ဝဲ သၢပျၢ်လီၤ. ၂၈ ဒီးအဝဲတ့ထီၣ် လ့ၣ်ဆီၣ်တဖၣ်န့ၣ် ဒ်အံၤလီၤ. လၢလ့ၣ်ဆီၣ်တဖၣ်န့ၣ် အလိၤန့ၣ် အိၣ်ဒီး တိၢ်ဘီဘ့ၣ်ဘၣ်တဖၣ် ကိးကပၤဒဲး ဒီးတိၢ်ဘီဘ့ၣ်ဘၣ်တဖၣ်န့ၣ် အိၣ်ဝဲလၢ တိၢ်ဘီအဘိတဖၣ် အကဆူးလီၤ. ၂၉ ဒီးတိၢ်ဘီဘ့ၣ်ဘၣ်တဖၣ်လၢ အိၣ်ဝဲလၢ တိၢ်ဘီ အဘိတဖၣ် အကဆူးန့ၣ် အိၣ်ဝဲဒီး ခ့ယုၢ်,+ ကျီၢ်ဖါ ဒီးခ့ရူာ်တဖၣ်+ အဂီၤလီၤ. ဒီးလၢတိၢ်ဘီအဘိတဖၣ်အံၤ အလိၤစ့ၢ်ကီး အိၣ်ဝဲဒီး တၢ်ဂီၤဒ်န့ၣ်တဖၣ်လီၤ. ဒီးလၢခ့ယုၢ် ဒီးကျီၢ်ဖါအဂီၤတဖၣ် အဖီခိၣ် ဒီးအဖီလာ်န့ၣ် ဖီကွီၤအဂီၤတဖၣ် အိၣ်ဝဲလီၤ. ၃၀ ဒီးလ့ၣ်ဆီၣ် တခိၣ်စုာ်စုာ်န့ၣ် အိၣ်ဒီးအပၣ်တိၢ်ဘီလွံၢ်ပၣ် ဒီးအပၣ်တဖၣ်န့ၣ် တရံးအသးလၢ တိၢ်ဘီအဘိတဖၣ် အလိၤလီၤ. ဒီးတၢ်အိၣ်လၢ လ့ၣ်ဆီၣ် အနၢၣ်လွံၢ်နၢၣ်အပူၤန့ၣ် အဖီၣ်ကျၢၤဝဲ လ့ၣ်ဆီၣ်အပၣ်တဖၣ်လီၤ. လၢထံဒၢ အဖီလာ်န့ၣ် အိၣ်ဒီးတၢ်တီဃာ်တၢ်တဖၣ် လၢအဘၣ်တၢ် ကယၢကယဲအီၤဒီး ဖီကွီၤအဂီၤတဖၣ်လီၤ. ၃၁ ဒီးလ့ၣ်ဆီၣ်အခိၣ်သလုးန့ၣ် အိၣ်ဒီးအကအိပူၤလၢ အကဝီၤကျီၤ ဒီးအလီၤညၢၣ်အိၣ်ဝဲတပျၢ်လီၤ. ဒီးမ့ၢ်ဒွးဃုာ်ဒီး တၢ်တီၣ်ထီၣ်အီၤအလီၢ်န့ၣ် အထီအိၣ်ဝဲ တပျၢ်ဒီးတထါလီၤ. ဒီးတၢ်ဂီၤလၢ အစိးပျၤအသး အိၣ်ဝဲလၢ ခိၣ်သလုးအလိၤ ဒီးတိၢ်ဘီဘ့ၣ်ဘၣ်တဖၣ်လၢ အအိၣ်ဝဲဖဲန့ၣ်န့ၣ် တမ့ၢ်အကဝီၤကျီၤဘၣ်, မ့ၢ်ဒၣ်တၢ်လွံၢ်နၢၣ်လၢ အကနူၤထဲသိးလိာ်အသးလီၤ. ၃၂ လ့ၣ်ဆီၣ် အပၣ်လွံၢ်ပၣ်န့ၣ် အိၣ်ဝဲလၢ တိၢ်ဘီဘ့ၣ်ဘၣ်တဖၣ် အဖီလာ်လီၤ. ဒီးတၢ်လၢ အဖီၣ်ကျၢၤဝဲ လ့ၣ်ပၣ်တဖၣ်န့ၣ် ဘုးတာ်လိာ်သးဒီး လ့ၣ်ဆီၣ်လီၤ. ဒီးလ့ၣ်ပၣ်တပၣ် စုာ်စုာ်န့ၣ် အကစီၤထီၣ်ထီအိၣ်ဝဲ တပျၢ်တထါလီၤ. ၃၃ ဒီးလ့ၣ်ဆီၣ်အပၣ်တဖၣ်န့ၣ် ဘၣ်တၢ်တ့အီၤဒ် လ့ၣ်ကဟၣ် အပၣ်တဖၣ် အသိးလီၤ. ဒီးလ့ၣ်ပၣ်အတၢ်ဘျးစဲတဖၣ်, လ့ၣ်ပၣ်အကနူၤဝးဝး, လ့ၣ်ပၣ်အဘိတဖၣ် ဒီးလ့ၣ်ပၣ်အခၢၣ်သး ကမီာ်တဖျၢၣ်န့ၣ် မ့ၢ်ဝဲ တိၢ်ဘီလီၤ. ၃၄ လၢလ့ၣ်ဆီၣ်တခိၣ် စုာ်စုာ် အနၢၣ်လွံၢ်နၢၣ်န့ၣ် အိၣ်ဒီး တၢ်လၢအဖီၣ်ကျၢၤတၢ် လွံၢ်ခါလီၤ. တၢ်လၢ အဖီၣ်ကျၢၤတၢ်တဖၣ်န့ၣ် ဘုးတာ်လိာ်သးဒီး လ့ၣ်ဆီၣ်လီၤ. ၃၅ ဒီးလၢလ့ၣ်ဆီၣ် အဖီခိၣ်န့ၣ် အိၣ်ဒီး အခိၣ်သလုးကဝီၤလၢ အကစီၤထီၣ်ထီ တထါလီၤ. တိၢ်ဘီဘ့ၣ်ဘၣ်တဖၣ် ဒီးတိၢ်ဘီဘ့ၣ်ဘၣ်အကျီၤတဖၣ် လၢလ့ၣ်ဆီၣ်အဖီခိၣ်န့ၣ် ဘၣ်တၢ်တ့အီၤ ဘုးတာ်လိာ်သးဒီး လ့ၣ်ဆီၣ်လီၤ. ၃၆ လၢတိၢ်ဘီဘ့ၣ်ဘၣ်တဖၣ် ဒီးတိၢ်ဘီဘ့ၣ်ဘၣ်အကျီၤတဖၣ် အလိၤန့ၣ် အဝဲစိးပျၤအီၤဒီး ခ့ရူာ်တဖၣ်, ခ့ယုၢ်တဖၣ် ဒီးသ့ၣ်စူၣ်ပလိၣ်တဖၣ် အဂီၤ ဒ်တၢ်လီၢ် တြီၢ်ဝဲအသိး ဒီးဖီကွီၤအဂီၤတဖၣ် အိၣ်ဝဲဝးဝးလီၤ.+ ၃၇ အဝဲတ့ထီၣ်ဝဲ လ့ၣ်ဆီၣ် အခိၣ်တဆံ ဒ်န့ၣ်လီၤ.+ လ့ၣ်ဆီၣ်တဖၣ်န့ၣ် အက့ၢ်အဂီၤ ဒီးအဒိၣ်အထီ ဒ်သိးလိာ်အသး ခဲလၢာ်လီၤ.+
၃၈ အဝဲတ့ထီၣ် ထံဒၢအဖျၢၣ် တဆံ လၢတိၢ်ဘီလီၤ.+ ထံဒၢတဖျၢၣ်စုာ်စုာ်န့ၣ် တြီၢ်ဝဲထံ ဘၤသၤ ၄၀ လီၤ.* ထံဒၢတဖျၢၣ် စုာ်စုာ်န့ၣ် အိၣ်ဝဲ လွံၢ်ပျၢ်လီၤ. ဒီးထံဒၢ အိၣ်ဝဲတဖျၢၣ် လၢလ့ၣ်ဆီၣ်တခိၣ် စုာ်စုာ်အလိၤလီၤ. ၃၉ အဝဲပာ်လီၤဝဲ လ့ၣ်ဆီၣ်ယဲၢ်ခိၣ် လၢတၢ်လုၢ်ဟံၣ် အထွဲတကပၤ ဒီးလၢအစ့ၣ်တကပၤန့ၣ် အဝဲပာ်လီၤ လ့ၣ်ဆီၣ်ယဲၢ်ခိၣ်လီၤ. ဒီးအဝဲပာ်လီၤ ထံဒၢဖးဒိၣ် လၢတၢ်လုၢ်ဟံၣ် အထွဲတကပၤ လၢအအိၣ်လၢ မုၢ်ထီၣ်ကလံၤထံး တခီန့ၣ်လီၤ.+
၄၀ စီၤဃံရၣ်+ တ့ထီၣ်စ့ၢ်ကီး ထံဒၢအဂၤတဖၣ်, နီၣ်တရီာ်တၢ်တဖၣ်+ ဒီးလီခီဖျၢၣ်တဖၣ်လီၤ.+
ဒီးစီၤဃံရၣ် မၤတၢ်မၤလၢ အဘၣ်ထွဲဒီး ယဟိဝၤယွၤ အတၢ်လုၢ်ဟံၣ် ဒ်စီၤပၤၡလိၤမိၤ မၢအီၤအသိး ဝံၤဝဲခဲလၢာ်လီၤ.+ ၄၁ အဝဲတ့ထီၣ်ဝဲ တၢ်အထူၣ်ခံထူၣ်,+ တၢ်အခိၣ်ထိး ခံခါလၢ အက့ၢ်အဂီၤလီၤဂာ်ဒ် လီခီဖျၢၣ်အသိး, တၢ်ကယၢကယဲ ခံခါလၢ အလီၤဂာ်ဒ်ပှာ်အသိး+ ဒီးအိၣ်ဝဲလၢ တၢ်အထူၣ် အခိၣ်ထိးအလိၤလီၤ. ၄၂ ဒီးလၢတၢ်ကယၢကယဲ ခံခါ လၢအလီၤဂာ်ဒ် ပှာ်အသိးအလိၤန့ၣ် အဝဲတ့ထီၣ်စ့ၢ်ကီး သလဲသၣ်အဖျၢၣ် ၄၀၀ လီၤ.+ တၢ်ကယၢကယဲ လၢအလီၤဂာ်ဒ် ပှာ်တခါစုာ်စုာ်န့ၣ် အိၣ်ဝဲဒီး သလဲသၣ်အဂီၤ ခံဂ့ၢ် ဒ်သိးကမၤဘၢဝဲ တၢ်အခိၣ်ထိး ခံခါလၢ အက့ၢ်အဂီၤ လီၤဂာ်ဒ် လီခီဖျၢၣ်အသိး လၢအအိၣ်ဝဲလၢ တၢ်အထူၣ်ခံထူၣ်အဖီခိၣ်လီၤ. ၄၃ အဝဲတ့ထီၣ်စ့ၢ်ကီး လ့ၣ်ဆီၣ်အခိၣ် တဆံ+ ဒီးထံဒၢ အဖျၢၣ်တဆံလၢ+ အအိၣ်လၢ လ့ၣ်ဆီၣ်အပူၤ, ၄၄ ထံဒၢဖးဒိၣ်+ ဒီးကျီၢ်ဖါတိၢ်ဘီ ၁၂ ဒုအိၣ်ဝဲလၢ ထံဒၢဖးဒိၣ် အဖီလာ်, ၄၅ ထံစဲၤတဖၣ်, နီၣ်တရီာ်တၢ်တဖၣ်, လီခီဖျၢၣ်တဖၣ် ဒီးတၢ်ပီးတၢ်လီ ခဲလၢာ်လီၤ. စီၤဃံရၣ် တ့ဝဲ တၢ်သ့ၣ်တဖၣ်န့ၣ်လၢ တိၢ်ဘီ ဒီးထူးဘျ့ကတြ့ၣ်ထီၣ်အီၤ လၢယဟိဝၤယွၤ အတၢ်လုၢ်ဟံၣ်အဂီၢ် ဒ်စီၤၡလိၤမိၤ မၢအီၤအသိးလီၤ. ၄၆ စီၤပၤမၢ ပှၤတ့ထီၣ်* တၢ်သ့ၣ်တဖၣ်န့ၣ် အက့ၢ်အဂီၤလၢ ကပံာ် ဖဲစူးကိၤသး ဒီးစၤရတၣ်အဘၢၣ်စၢၤ လၢယၢ်ဒ့ၣ် အဟီၣ်ကဝီၤအပူၤလီၤ.
၄၇ ဒီးတၢ်ပီးတၢ်လီတဖၣ်န့ၣ် အိၣ်ဝဲဒီဒူၣ်အဃိ စီၤၡလိၤမိၤ တစီၤဝဲ အတယၢၢ်လၢၤဘၣ်. အဃိ အသူဝဲ တိၢ်ဘီလၢာ် ထဲလဲၣ်န့ၣ် တသ့ၣ်ညါဝဲဘၣ်.+ ၄၈ စီၤၡလိၤမိၤ တ့ထီၣ်ဝဲ တၢ်ပီးတၢ်လီခဲလၢာ် လၢယဟိဝၤယွၤ အဟံၣ်အဂီၢ်လီၤ. အဝဲတ့ထီၣ်ဝဲ တၢ်လုၢ်လီၢ်+ လၢထူ, စီၢ်နီၤခိၣ်ထူ+ လၢပှၤပာ်ထီၣ် ကိၣ်လၢတၢ်လုၢ်ထီၣ်တၢ်အဂီၢ်, ၄၉ မ့ၣ်အူဒၢထူစီတဖၣ်+ လၢအဘၣ်တၢ်ပာ်အီၤလၢ တၢ်လီၢ်စီဆှံကတၢၢ် အမဲာ်ညါ လၢအစ့ၣ်တခီန့ၣ် ယဲၢ်ဖျၢၣ် ဒီးလၢအထွဲတခီန့ၣ် ယဲၢ်ဖျၢၣ်လီၤ. ဒီးအဝဲတ့ထီၣ် ဖီဖးထီၣ်တဖၣ်,+ မ့ၣ်အူဒၢခွးတဖၣ် ဒီးနီၣ်တံာ်တဖၣ် လၢထူလီၤ.+ ၅၀ အဝဲတ့ထီၣ်စ့ၢ်ကီး ထံဒၢတဖၣ်, ထးရံးတဖၣ်,+ လီခီဖျၢၣ်တဖၣ်, ထံခွးတဖၣ်+ ဒီးတၢ်စိာ်မ့ၣ်အူအ့ၣ်အခွးတဖၣ်+ လၢထူစီလီၤ. ဒီးအဝဲတ့ထီၣ် တၢ်ကွီၤပူၤဟိတဖၣ်လၢထူလီၤ. တၢ်ကွီၤပူၤဟိတဖၣ်အံၤ မ့ၢ်ဝဲလၢ တၢ်လီၢ်စီဆှံကတၢၢ်+ လၢအမ့ၢ် ဒၢးလၢအလီၢ်ခံတဖျၢၣ် အတြဲၤတဖၣ်အဂီၢ် ဒီးလၢတၢ်လုၢ်ဟံၣ် အတြဲၤတဖၣ်အဂီၢ်လီၤ.+
၅၁ စီၤၡလိၤမိၤ မၤဝဲ တၢ်လၢအဘၣ်မၤဝဲလၢ ယဟိဝၤယွၤ အဟံၣ်အဂီၢ်န့ၣ် ဝံၤဝဲခဲလၢာ်လီၤ. ဝံၤဒီးစီၤၡလိၤမိၤ ဟဲစိာ်ဝဲ တၢ်လၢအပၢ်စီၤဒၤဝံး ပာ်စီဆှံပာ်စၢၤဝဲတဖၣ်+ ဒီးအဝဲထၢနုာ်ဝဲ စ့ညၣ်, ထူ ဒီးတၢ်ပီးတၢ်လီတဖၣ်လၢ တၢ်လုၢ်ဒိၣ်ပှ့ၤဒိၣ်အလီၢ် လၢယဟိဝၤယွၤ အဟံၣ်ပူၤလီၤ.+