၁ ကွဲးနီၣ်တၢ်
၂၅ စီၤဒၤဝံး ဒီးကရူၢ်အခိၣ်အနၢ်တဖၣ် ပာ်လီၤဆီဝဲ စီၤအၤစာ်အဖိခွါတနီၤ, စီၤဟ့မၣ်ဒီး စီၤယဒူသူၣ်+ ဒ်သိး ကစံးထီၣ်ပတြၢၤယွၤ* ဃုာ်ဒီး တနၢ်တဖၣ်, သီတူၢ်တဖၣ်+ ဒီးစှၢၣ်စှံးတဖၣ်လီၤ.+ ပှၤပိာ်ခွါတဖၣ် လၢအလီၤဘၣ်မူဒါအံၤ ဘၣ်တၢ်ပာ်ဖျါထီၣ်အီၤ ဒ်လၢလာ်အံၤ အသိးလီၤ. ၂ လၢစီၤအၤစာ် အဖိခွါတဖၣ် အကျါန့ၣ် ပၣ်ဃုာ်ဒီး စီၤစးကူၢ်, စီၤယိၤသး, စီၤနသၤနံယၤ ဒီးစီၤအၡၤရ့လးလီၤ. အဝဲသ့ၣ် အိၣ်ဝဲလၢ စီၤအၤစာ် အတၢ်ဟံးစုနဲၣ်ကျဲ အဖီလာ် ဒီးစီၤအၤစာ်န့ၣ် စံးထီၣ်ပတြၢၤယွၤ* လၢစီၤပၤ အတၢ်ဟံးစုနဲၣ်ကျဲ အဖီလာ်လီၤ. ၃ စီၤယဒူသူၣ်+ အဖိခွါ ဃုဂၤ ပၣ်ဃုာ်စ့ၢ်ကီးလီၤ. အဝဲသ့ၣ်မ့ၢ်ဝဲ စီၤကဒါလယၤ, စီၤစရံၤ, စီၤယၡၤယါ, စီၤၡံမံၤ, စီၤဃၡၤဘယၤ ဒီးစီၤမးတံးသယၤလီၤ.+ အဝဲသ့ၣ် အိၣ်ဝဲလၢ အပၢ် စီၤယဒူသူၣ် အတၢ်ဟံးစုနဲၣ်ကျဲ အဖီလာ် ဒီးစီၤယဒူသူၣ်န့ၣ် ဒ့တနၢ်ဒီး တဲတၢ်ဒ်ဝံအသိး ဒီးစံးဘျုး ဒီးစံးထီၣ်ပတြၢၤ ယဟိဝၤယွၤလီၤ.+ ၄ လၢစီၤဟ့မၣ်+ အဖိခွါတဖၣ် အကျါန့ၣ် ပၣ်ဃုာ်ဒီး စီၤဘူးကံယၤ, စီၤမးတၤနယၤ, စီၤဧူးစံၤအ့လး, စီၤၡဘူၤအ့လး, စီၤယရံမိး, စီၤဃနၤနယၤ, စီၤဃနၤနံ, စီၤအလံအသၤ, စီၤကံးဒၤလတံၤ, စီၤရိမၣ်တံၤဧ့စ့ၢ်, စီၤယၤၡဘကါၡၤ, စီၤမးလိသံၤ, စီၤဟိသံၤ ဒီးစီၤမၤဃစံအိးလီၤ. ၅ ပှၤတဖၣ်န့ၣ်ခဲလၢာ် မ့ၢ်ဝဲ စီၤဟ့မၣ် အဖိခွါတဖၣ်လီၤ. စီၤဟ့မၣ် မ့ၢ်ဝဲ စီၤပၤ အပှၤထံၣ်တၢ်ထံၣ်လၢညါခီ လၢအဘၣ်ထွဲဒီး တၢ်ဂ့ၢ်ဘၣ်ဃးဒီးကစၢ်ယွၤ လၢအကဲထီၣ် တၢ်လၤကပီၤလၢ အဂီၢ်လီၤ. အဃိ ယွၤလၢအမ့ၢ်အတီတဂၤ ဟ့ၣ်လီၤ စီၤဟ့မၣ်လၢ ဖိခွါ ၁၄ ဂၤ ဒီးဖိမုၣ် ၃ ဂၤလီၤ. ၆ ပှၤသ့ၣ်တဖၣ်န့ၣ် အိၣ်ဝဲလၢ အဝဲသ့ၣ် အပၢ် အတၢ်ဟံးစုနဲၣ်ကျဲ အဖီလာ် ဒ်သိး ကသးဝံၣ်တၢ်လၢ ယဟိဝၤယွၤ အဟံၣ် ဃုာ်ဒီး စှၢၣ်စှံးတဖၣ်, သီတူၢ်တဖၣ် ဒီးတနၢ်တဖၣ်+ လၢတၢ်မၤလၢ ယွၤလၢအမ့ၢ်အတီတဂၤ အဟံၣ်အဂီၢ်လီၤ.
ဒီးစီၤအၤစာ်, စီၤယဒူသူၣ် ဒီးစီၤဟ့မၣ်န့ၣ် အိၣ်ဝဲလၢ စီၤပၤ အတၢ်ဟံးစုနဲၣ်ကျဲ အဖီလာ်လီၤ.
၇ ပှၤတဖၣ်န့ၣ် ဒီးအဝဲသ့ၣ် အဘူးအတံၢ်တဖၣ်လၢ အန့ၢ်တၢ်သိၣ်လိဂ့ၤဂ့ၤ ဒ်သိး ကသးဝံၣ်တၢ်လၢ ယဟိဝၤယွၤ အအိၣ်အဂီၢ်န့ၣ် အိၣ်ဝဲအဂၤ ၂၈၈ ဂၤလီၤ. အဝဲသ့ၣ် ကိးဂၤဒဲးန့ၣ် သးဝံၣ်တၢ်သ့ မူာ်မူာ်နီၢ်နီၢ်လီၤ. ၈ အဃိ ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤ, ပှၤသးဝံၣ်တၢ်သ့ မူာ်မူာ်နီၢ်နီၢ်မ့ၢ်ဂ့ၤ, ပှၤလၢအမၤလိတၢ်မ့ၢ်ဂ့ၤ အဝဲသ့ၣ် ဖးတၢ်+ ဒ်သိး ကနီၤလီၤ မူဒါတဖၣ် အဂီၢ်လီၤ.
၉ ဒီးတၢ်ဖး အဆိကတၢၢ်တခါ လီၤဘၣ်လၢ စီၤအၤစာ် အဖိခွါ စီၤယိၤသး,+ ခံခါတခါ လီၤဘၣ်လၢ စီၤကဒါလယၤ+ (အဝဲဒီး အဒီပုၢ်ဝဲၢ်ခွါတဖၣ် ဒီးအဖိခွါတဖၣ်န့ၣ် အိၣ်ဝဲ ၁၂ ဂၤ), ၁၀ သၢခါတခါ လီၤဘၣ်လၢ စီၤစးကူၢ်လီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၁ လွံၢ်ခါတခါ လီၤဘၣ်လၢ စီၤယံးစရံလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၂ ယဲၢ်ခါတခါ လီၤဘၣ်လၢ စီၤနသၤနံယၤလီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၃ ဃုခါတခါန့ၣ် လီၤဘၣ်လၢ စီၤဘူးကံယၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၄ နွံခါတခါန့ၣ် လီၤဘၣ်လၢ စီၤယစၤရအ့လးလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၅ ဃိးခါတခါန့ၣ် လီၤဘၣ်လၢ စီၤယၡၤယါလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၆ ခွံခါတခါန့ၣ် လီၤဘၣ်လၢ စီၤမးတၤနယၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၇ ၁၀ ခါတခါန့ၣ် လီၤဘၣ်လၢ စီၤၡံမံၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၈ ၁၁ ခါတခါန့ၣ် လီၤဘၣ်လၢ စီၤဧစၤရ့လးလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၁၉ ၁၂ ခါတခါန့ၣ် လီၤဘၣ်လၢ စီၤဃၡၤဘယၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၀ ၁၃ ခါတခါန့ၣ် လီၤဘၣ်လၢ စီၤၡူဘအ့လးလီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၁ ၁၄ ခါတခါန့ၣ် လီၤဘၣ်လၢ စီၤမးတံးသယၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၂ ၁၅ ခါတခါန့ၣ် လီၤဘၣ်လၢ စီၤယရၤမိးလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၃ ၁၆ ခါတခါန့ၣ် လီၤဘၣ်လၢ စီၤဃနၤနယၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၄ ၁၇ ခါတခါန့ၣ် လီၤဘၣ်လၢ စီၤယၤၡဘကါၡၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၅ ၁၈ ခါတခါန့ၣ် လီၤဘၣ်လၢ စီၤဃနၤနံလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၆ ၁၉ ခါတခါန့ၣ် လီၤဘၣ်လၢ စီၤမးလိသံၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၇ ၂၀ ခါတခါန့ၣ် လီၤဘၣ်လၢ စီၤအလံအသၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၈ ၂၁ ခါတခါန့ၣ် လီၤဘၣ်လၢ စီၤဟိသံၤလီၤ. အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၂၉ ၂၂ ခါတခါန့ၣ် လီၤဘၣ်လၢ စီၤကံးဒၤလတံၤလီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၃၀ ၂၃ ခါတခါန့ၣ် လီၤဘၣ်လၢ စီၤမၤဃစံအိးလီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ. ၃၁ ၂၄ ခါတခါန့ၣ် လီၤဘၣ်လၢ စီၤရိမၣ်တံၤဧ့စ့ၢ်လီၤ.+ အဝဲဒီး အဖိခွါတဖၣ် ဒီးအဒီပုၢ်ဝဲၢ်ခွါတဖၣ်န့ၣ် အိၣ်ဝဲ ၁၂ ဂၤလီၤ.