ယၡါယၤ
၁ ဖဲယူဒၤအစီၤပၤ+ လၢအမ့ၢ် စီၤဧူးစံယါ,+ စီၤယိၤသၣ်,+ စီၤအၤဃး+ ဒီးစီၤဃံးစကံယၤ+ ပၢတၢ်အစိၤန့ၣ် စီၤအၤမိးအဖိခွါ စီၤယၡါယၤ* အတၢ်ထံၣ်လၢညါခီ+ ဘၣ်ဃးဒီး ယူဒၤဘီမုၢ် ဒီးဝ့ၢ်ယရူၤၡလ့ၣ်အဂ့ၢ် အိၣ်ဝဲဒ် လၢလာ်အံၤအသိးလီၤ.
၂ ပှၤအိၣ်လၢ မူခိၣ်သ့ၣ်ဧၢ, ကနၣ်တက့ၢ်. ပှၤအိၣ်လၢ ဟီၣ်ခိၣ်သ့ၣ်ဧၢ,+ သးစၢၢ်ဆၢ တၢ်ကတိၤအံၤတက့ၢ်.
၃ ကျီၢ်ဖါန့ၣ် သ့ၣ်ညါ အကစၢ်ဂ့ၤဂ့ၤ
ဒီးကသ့ၣ်ယီၤန့ၣ် အအီၣ်ဆၣ်အကျိး လၢအကစၢ် ပာ်လီၤန့ၢ်အီၤန့ၣ် အသ့ၣ်ညါဝဲ ဂ့ၤဂ့ၤလီၤ.
မ့မ့ၢ် အံၣ်စရ့လးန့ၣ် တသ့ၣ်ညါ ယၤဘၣ်.*+
ယပှၤဂီၢ်မုၢ်မး တအိၣ်ဒီး တၢ်သ့ၣ်ညါနၢ်ပၢၢ်ဘၣ်.”
၄ သုဝဲလၢ အမ့ၢ်ပှၤတၢ်ဒဲးဘးဖိ တကလုာ်,
ပှၤလၢအပှဲၤဒီး တၢ်ကမၣ်ဖးဒိၣ်တဖၣ်
ဒီးဖိလၢ အဟးဂီၤ ဒီးအၢသီတဒူၣ်ဧၢ, သုကဘၣ်နးဘၣ်ဖှီၣ် သပှၢ်တၢၢ်လီၤ.+
သုပာ်တ့ၢ် ယဟိဝၤယွၤ,+
သုတပာ်ကဲ အံၣ်စရ့လး အကစၢ်ယွၤလၢ အစီဆှံတဂၤဘၣ်.
သုဃၣ်ဒူၣ်ချၢသုသးလၢ အအိၣ်လံ.
၅ ဘၣ်မနုၤအဃိ သုဆဲးထီဒါက့ၤတၢ်လဲၣ်. လၢသုမိၢ်ပှၢ်လိၤန့ၣ် တၢ်ကတီၢ်သုအဂီၢ် အလီၢ်မး တအိၣ်လၢၤဘၣ်.+
သုခိၣ်သၣ်ဃံ အိၣ်ထဲ တၢ်ပူၤလီၢ်လဲလဲ
ဒီးသုသးဒီတဖျၢၣ်န့ၣ် အိၣ်ထဲ တၢ်ဆူးတၢ်ဆါလီၤ.+
၆ စးထီၣ်လၢ သုခိၣ် တုၤလီၤလၢ သုခီၣ်န့ၣ် အိၣ်ထဲ တၢ်ဆူးတၢ်ဆါလီၤ.
လၢသုမိၢ်ပှၢ်လိၤန့ၣ် အိၣ်ဒီး တၢ်တီၢ်အလီၢ်တဖၣ်, တၢ်ထီၣ်လုးထီၣ်လါတဖၣ် ဒီးတၢ်ပူၤလီၢ်တဖၣ်လီၤ.
သုပူၤလီၢ်တဖၣ်အံၤ တၢ်တမၤကဆှဲကဆှီအီၤဘၣ်, တၢ်တဘိၣ်ထီၣ်အီၤဘၣ် ဒီးတၢ်တဖှူအီၤ လၢသိဘၣ်.+
၇ သုတၢ်လီၢ်တၢ်ကျဲန့ၣ် ကအိၣ်သယုၢ်ဝဲ,
သုဝ့ၢ်တဖၣ်န့ၣ် ကအူအီၣ်ကွံာ် လၢမ့ၣ်အူ,
ပှၤထံဂၤကီၢ်ဂၤဖိတဖၣ် ကအီၣ်ကွံာ် တၢ်လၢအမဲထီၣ်သၣ်ထီၣ် လၢသုပျီပူၤ+
ဒီးအကလီၤဂာ်ဒ်သိးဒီး ဒုၣ်ဒါတဖၣ် ဟဲနုာ်လီၤန့ၢ်ဆူၣ်လၢ သုတၢ်လီၢ်တၢ်ကျဲ ဒီးမၤဟးဂီၤတၢ်ခဲလၢာ်လီၤ.+
၈ ဝ့ၢ်စံယိၣ်န့ၣ် ကဘၣ်တၢ်ပာ်တ့ၢ်အီၤ ဒ်သိးဒီး ဒဲလၢအအိၣ်လၢ စပံးကျီး,
ဒဲလၢအအိၣ်လၢ ဒံသၣ်ကျီး
ဒီးဒ်သိးဒီး ဝ့ၢ်လၢ အဘၣ်တၢ်ကဝီၤဃာ်အီၤလီၤ.+
၉ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ မ့ၢ်တဒုးပူၤဖျဲး ပှၤစှၤကိာ်ဂၤဘၣ်န့ၣ်
ပကကဲထီၣ်ဒ် ဝ့ၢ်စဒိၣ်ဒီး
ဂမိရၤအသိးလီၤ.+
၁၀ ဝ့ၢ်စဒိၣ် အပှၤပၢတၢ်သ့ၣ်ဧၢ, ကနၣ် ယဟိဝၤယွၤ အတၢ်ကတိၤတက့ၢ်.+
ဝ့ၢ်ဂမိရၤ အပှၤဂီၢ်မုၢ်သ့ၣ်ဧၢ, သးစၢၢ်ဆၢ ပကစၢ်ယွၤ အတၢ်သိၣ်တၢ်သီတက့ၢ်.*+
၁၁ ယဟိဝၤယွၤ တဲဝဲလၢ “သုလုၢ်ထီၣ်တၢ် ဒီဒူၣ်န့ၣ် မ့ၢ်အကဲဘျုးလၢ ယဂီၢ်ဒ်လဲၣ်.+
သိဖါတဖၣ်လၢ သုလုၢ်ထီၣ်ဒ် တၢ်လုၢ်ဒွဲၣ်အူအသိး+ ဒီးသုဆၣ်ဖိကီၢ်ဖိ အဂ့ၤကတၢၢ်တဖၣ် အသိန့ၣ် ဘျဲဘၣ်ယၤလံ.+
ယတဘၣ်သူၣ်ဘၣ်သး ကျီၢ်ဖါဖိတဖၣ်,+ သိဖိတဖၣ် ဒီးမဲာ်တဲးလဲးဖိတဖၣ်+ အသွံၣ်ဘၣ်.+
၁၃ တၢ်လုၢ်ဘုတဖၣ်လၢ အဘျုးတအိၣ်ဘၣ်န့ၣ် ဟဲစိာ်လၢၤတဂ့ၤ.
ယသးဘၣ်အၢ သုတၢ်နၢမူလံ.+
သုမၤလါထီၣ်သီအမူး+ ဒီးမုၢ်အိၣ်ဘှံးနံၤ+ ဒီးသုကိးတၢ်အိၣ်ဖှိၣ်တဖၣ်+
ဘၣ်ဆၣ် ဖဲသုမၤတၢ်အိၣ်ဖှိၣ်လီၤဆီအခါ သုသူတၢ်ဝံတၢ်နါ အတၢ်ဖံးတၢ်မၤန့ၣ်+ ယဝံသးစူၤ တကဲလၢၤဘၣ်.
၁၄ ယသးဟ့ သုလါထီၣ်သီအမူး ဒီးသုဘူၣ်ဧိၤပွဲဧိၤအဂၤတဖၣ်လံ.
တၢ်သ့ၣ်တဖၣ်န့ၣ် ကဲထီၣ် တၢ်ဝံဃၢလၢ ယဂီၢ်
ဒီးယတူၢ်တကဲလၢၤဘၣ်.
၁၅ ဖဲသုယူာ်ထီၣ်သုစုလၢ တၢ်ထုကဖၣ်အပူၤအခါ
ယတကွၢ်သုဘၣ်.+
၁၆ သ့စီကွံာ်သုသး ဒီးမၤကဆှီထီၣ် သုသးတက့ၢ်.+
သုတၢ်မၤအအၢအသီန့ၣ် ယတအဲၣ်ဒိးထံၣ်လၢၤဘၣ်.
မၤတၢ်အၢလၢၤတဂ့ၤ.+
၁၇ မၤလိထီၣ်သုသးလၢ သုကမၤ တၢ်ဂ့ၤ, မၤတၢ်တီတီလိၤလိၤ,+
ဘှီဘၣ်က့ၤ ပှၤလၢ အဆီၣ်တံၢ် မၤနၢၤတၢ်,
ဒီသဒၢန့ၢ် ပှၤဖိၣ်ဃဲဖိ အတၢ်ခွဲးတၢ်ယာ်
ဒီးစံၣ်ညီၣ်န့ၢ်တၢ်လၢ ပှၤမုၣ်ကမဲ အဂီၢ်တက့ၢ်.”+
၁၈ ယဟိဝၤယွၤ တဲဝဲလၢ “ဟဲ ပှၤဂီၢ်မုၢ်သ့ၣ်ဧၢ, ပကတဲသကိးတၢ် ဒီးယကမၤစၢၤသု ဒ်သိးသုကမၤ ဘၣ်ဂီၢ်က့ၤ သုတၢ်ရ့လိာ်သးဒီးယၤ အဂီၢ်လီၤ.+
သုတၢ်ဒဲးဘးတဖၣ် မ့ၢ်ဂီၤဆှုၣ်ကလာ် ဘၣ်ဆၣ်
အကဝါထီၣ်က့ၤဒ် မူခိၣ်ဖီအသိး+
ဒီးသုတၢ်ဒဲးဘး မ့ၢ်ဂီၤဒ် တၢ်သွံၣ် အသိး ဘၣ်ဆၣ်
အကဝါထီၣ်က့ၤဒ် သိဆူၣ်အသိးလီၤ.
၁၉ သုမ့ၢ်သးအိၣ် ဒိကနၣ်တၢ်န့ၣ်
သုကအီၣ်ဘၣ် တၢ်လၢအဂ့ၤလၢ အမဲထီၣ်လၢ ကီၢ်ပူၤလီၤ.+
၂၀ ဘၣ်ဆၣ် သုမ့ၢ်တဒိကနၣ်တၢ်ဘၣ် ဒီးထီဒါတၢ်န့ၣ်
သုကသံလၢ နးလီၤ.+
ယၤ, ယဟိဝၤယွၤ တဲဝဲဒ်န့ၣ်လီၤ.”
၂၁ ဝ့ၢ်တဖျၢၣ်လၢ အတီဒီးကစၢ်ယွၤန့ၣ်+ ခဲအံၤ အကဲထီၣ်က့ၤဒ် ပိာ်မုၣ်ဆါလီၤအီၣ်သးလံ.*+
ဘၣ်ဆၣ် ခဲအံၤ အိၣ်တ့ၢ်က့ၤထဲ ပှၤလၢအမၤသံတၢ်တဖၣ်လီၤ.+
၂၂ ဝ့ၢ်ဧၢ, နစ့ညၣ် ဘၣ်အၢဘၣ်သီလံ+
ဒီးနဘံၤယၤ ဃါဃုာ်အသးဒီး ထံလံ.
၂၃ နပဒိၣ်ဖးဒိၣ်တဖၣ်န့ၣ် အခိၣ်ကိၤ ဒီးမၤသကိးတၢ်ဒီး တၢ်ဘျၣ်တဖၣ်လီၤ.+
အဝဲသ့ၣ် ကိးဂၤဒဲးန့ၣ် အဲၣ်တၢ်ထီးကျိၣ်ထီးစ့ ဒီးလီကီတၢ်ဟ့ၣ် တဖၣ်လီၤ.+
အဝဲသ့ၣ် တစံၣ်ညီၣ်န့ၢ်တၢ်လၢ ပှၤဖိၣ်ဃဲဖိတဖၣ်အဂီၢ် တီတီလိၤလိၤဘၣ်.
ဒီးအဝဲသ့ၣ် တကနၣ်န့ၢ်ဝဲ ပှၤမုၣ်ကမဲ အတၢ်ဂ့ၢ်လိာ်ဘှီလိာ် နီတဘျီဘၣ်.+
၂၄ အဃိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် ကစၢ်လၢအမ့ၢ်အတီတဂၤ
ဒီးမ့ၢ်စ့ၢ်ကီး အံၣ်စရ့လး အကစၢ်ယွၤလၢ အဂံၢ်ဆူၣ်ဘါဆူၣ်တဂၤ တဲဝဲလၢ
“ဘၣ်လံ, ယကမၤလီၤမၢ်ကွံာ် ပှၤလၢအထီဒါယၤတဖၣ်
ဒီးယကဟ့ၣ်ကၣ် ယဒုၣ်ယဒါ တဖၣ်လီၤ.+
၂၅ ယကသိၣ်ဃီၣ်နၤလီၤ.
ယကမၤပှံၢ်လီၤ နတၢ်ဘၣ်အၢ ခဲလၢာ်ခဲဆ့
ဒီးယကထုးထီၣ်ကွံာ် နတၢ်တကဆှီဘၣ် ခဲလၢာ်လီၤ.+
၂၆ ယကဟ့ၣ်ကဒီးနၤ စံၣ်ညီၣ်ကွီၢ်
ဒီးပှၤဟ့ၣ်ကူၣ်တၢ်တဖၣ် ဒ်လၢညါအသိးလီၤ.+
ဝံၤအလီၢ်ခံ နကဘၣ်တၢ်ကိးကဒီးနၤလၢ တၢ်တီတၢ်လိၤအဝ့ၢ် ဒီးဝ့ၢ်လၢအသးတီဒီး ကစၢ်ယွၤလီၤ.+
၂၇ ဝ့ၢ်စံယိၣ်န့ၣ် ကဘၣ်တၢ်ပှ့ၤက့ၤအီၤလၢ တၢ်စံၣ်ညီၣ်တီ+
ဒီးအပှၤဝ့ၢ်ဖိလၢ အဟဲက့ၤတဖၣ်န့ၣ် ကဘၣ်တၢ်ပှ့ၤက့ၤအီၤလၢ တၢ်တီတၢ်လိၤလီၤ.
၂၈ ပှၤလၢအထီဒါတၢ် ဒီးပှၤလၢအမၤ တၢ်ဒဲးဘးတဖၣ်န့ၣ် ကဘၣ်တၢ်မၤဟးဂီၤကွံာ်အီၤ တပူၤဃီလီၤ.+
ဒီးပှၤလၢ အပာ်တ့ၢ်ကွံာ် ယဟိဝၤယွၤန့ၣ် အကျဲကကတၢၢ်လီၤ.+
၂၉ အဝဲသ့ၣ်ကဒိးန့ၢ်ဘၣ် တၢ်မဲာ်ဆှး ခီဖျိလၢ သ့ၣ်ထူၣ်ဖးဒိၣ်လၢ အဝဲသ့ၣ်သူၣ်လီသးကွံဝဲတဖၣ် အဃိ+
၃၀ အဝဲသ့ၣ် ကကဲထီၣ်ဒ်သိးဒီး သ့ၣ်ထူၣ်ဖးဒိၣ်လၢ အလၣ်လီၤညွံးလီၤဘဲ+
ဒီးဒ်သိးဒီး ကရၢၢ်လၢ အတဒိးန့ၢ်ဘၣ် ထံဘၣ်လီၤ.
၃၁ ပှၤလၢအဂံၢ်ဆူၣ်န့ၣ် ကလီၤဂာ် ဒ်သိးဒီး နီၣ်လၢအဃ့
ဒီးတၢ်လၢအမၤဝဲတဖၣ်န့ၣ် ကလီၤဂာ်ဒ်သိးဒီး မ့ၣ်အူဖီလီၤ.
ဒီးမ့ၣ်အူကအီၣ်ကွံာ်အီၤ ခံခါလၢာ်
ဒီးပှၤမၤလီၤပံာ်အီၤ တန့ၢ် နီတဂၤဘၣ်.”
၂ စီၤအၤမိးအဖိခွါ စီၤယၡါယၤ အတၢ်ထံၣ်လၢညါခီ ဘၣ်ဃးဒီး ယူဒၤဘီမုၢ် ဒီးဝ့ၢ်ယရူၤၡလ့ၣ်အဂ့ၢ်န့ၣ် အိၣ်ဝဲဒ် လၢလာ်အံၤအသိးလီၤ.+
၂ ဖဲမုၢ်နံၤခံကတၢၢ်တဖၣ် အတီၢ်ပူၤ
ယဟိဝၤယွၤ အတၢ်လုၢ်ဟံၣ် အကစၢၢ်န့ၣ်
ကဘၣ်တၢ်ပာ်အီၤ ဂၢၢ်ဂၢၢ်ကျၢၤကျၢၤ ဒီးကဘၣ်တၢ်ပာ်အီၤ ထီၣ်ထီန့ၢ်ဒံး ကစၢၢ်အဂၤတဖၣ်+
ဒီးကထီန့ၢ်ဒံး တၢ်လူၢ်တဖၣ်
ဒီးပှၤကလုာ်ခဲလၢာ် ကလဲၤပာ်ဖှိၣ်ထီၣ်အသးဖဲန့ၣ် ဒ်ထံကျိဖိ ယွၤလီၤဝဲအသိးလီၤ.+
၃ ပှၤအါဂၤ ကလဲၤဝဲ ဒီးကတဲဝဲလၢ
“ဟဲ, ပကလဲၤထီၣ်လၢ ယဟိဝၤယွၤ အကစၢၢ်လိၤ
ဒီးပကလဲၤလၢ စီၤယၤကိာ် အကစၢ်ယွၤ အဟံၣ်လီၤ.+
အဝဲကသိၣ်လိပှၤ ဘၣ်ဃးဒီး အတၢ်ဘျၢတဖၣ်
ဒီးပကအိၣ်မူ ဒ်အတၢ်ဘၣ်သး အသိးလီၤ.”+
၄ ကစၢ်ယွၤ ကကဲစံၣ်ညီၣ်ကွီၢ်လၢ ပှၤကလုာ်တဖၣ်အဂီၢ်
ဒီးအကဘှီဘၣ်ထီၣ်က့ၤ တၢ်ဂ့ၢ်ကီတဖၣ်လၢ အဝဲသ့ၣ်အကျါလီၤ.
အဝဲသ့ၣ် ကပိာ်က့ၤအနးလၢ ထဲၣ်ကနၣ်
ဒီးကပိာ်က့ၤ အဘီလၢ ထါဂဲာ်လီၤ.+
ပှၤတကလုာ်ဒီး တကလုာ်န့ၣ် တကျီလိာ်အသးလၢ နးလၢၤဘၣ်.
ဒီးအဝဲသ့ၣ် တမၤလိအသး လၢ တၢ်ဒုးလၢၤဘၣ်.+
၅ အိ စီၤယၤကိာ် အစၢၤအသွဲၣ် တဖၣ်ဧၢ, ဟဲသၢၤ
ပကလဲၤတၢ်လၢ ယဟိဝၤယွၤ အတၢ်ကပီၤအကျါလီၤ.+
၆ ကစၢ်ယွၤဧၢ, ခီဖျိလၢ နပှၤဂီၢ်မုၢ်လၢအမ့ၢ် စီၤယၤကိာ် အစၢၤ အသွဲၣ်တဖၣ်+
မၤထွဲလုၢ်လၢ်လၢ အဟဲလၢမုၢ်ထီၣ်တခီ အါမံၤအဃိ နပာ်တ့ၢ်ကွံာ် အဝဲသ့ၣ်လံ.
အဝဲသ့ၣ် အူတၢ်သမူတၢ်+ ဒ်ပှၤဖလ့ၡသးဖိတဖၣ် အသိးလီၤ.
ဒီးပှၤထံဂၤကီၢ်ဂၤ အဖိအလံၤတဖၣ် အိၣ်ဝဲလၢ အဝဲသ့ၣ်အကျါ ဒီဒူၣ်လီၤ.
၇ အဝဲသ့ၣ်အကီၢ်န့ၣ် ပှဲၤဒီး စ့ညၣ် ဒီးထူ
ဒီးအဝဲသ့ၣ် အတၢ်လုၢ်ဒိၣ်ပှ့ၤဒိၣ် အိၣ်ဝဲဒီဒူၣ်လီၤ.
အဝဲသ့ၣ်အကီၢ်န့ၣ် ပှဲၤဒီးကသ့ၣ်
ဒီးအဝဲသ့ၣ် အလ့ၣ်ကဟၣ်တဖၣ် အိၣ်ဝဲဒီဒူၣ်လီၤ.+
၈ အဝဲသ့ၣ်အကီၢ်န့ၣ် ပှဲၤဒီးယွၤလၢ အဘျုးတအိၣ်ဘၣ်တဖၣ်လီၤ.+
အဝဲသ့ၣ် ဘူၣ်ထီၣ်ဘါထီၣ်ဝဲ တၢ်လၢအဝဲသ့ၣ် အနီၢ်ကစၢ် တ့ထီၣ်ဝဲ
ဒီးတၢ်လၢအဝဲသ့ၣ် တ့ဝဲလၢအစုတဖၣ်န့ၣ်လီၤ.
၉ အဃိ အဝဲသ့ၣ် မၤဆံးလီၤစှၤလီၤ အသူးသ့ၣ်လၤကပီၤ ဒီးမၤဖုၣ်လီၤအပတီၢ်
ဒီးလ့ၤတက့ၤ နပျၢ်အဝဲသ့ၣ် အတၢ်ကမၣ်တကဲဘၣ်.
၁၀ ခီဖျိလၢ ယဟိဝၤယွၤ အတၢ်သးဒိၣ်
ဒီးအလၤကပီၤလၢ အလီၤကဟုကညီၢ်န့ၣ် ကလီၤပျံၤဒိၣ်မးအဃိ+
လဲၤနုာ်လၢ လၢၢ်ကအိပူၤ ဒီးလဲၤအိၣ်ခူသူၣ်လၢ ဟီၣ်ခိၣ်ပူၤတက့ၢ်.
၁၁ ပှၤလၢ အပာ်ကဖၢလၢအသးန့ၣ် ကဘၣ်တၢ်မၤမဲာ်ဆှးအီၤ
ဒီးပှၤလၢ အပာ်ထီၣ်ထီသးန့ၣ် ကဘၣ်တၢ်ဆီၣ်လီၤအီၤလီၤ.
ဖဲမုၢ်နံၤအဝဲန့ၣ် ထဲဒၣ် ယဟိဝၤယွၤတဂၤ ကဘၣ်တၢ်ပာ်ဒိၣ်ပာ်ထီအီၤ,
၁၂ မ့ၢ်လၢ တၢ်တနံၤန့ၣ် မ့ၢ်ဝဲ တၢ်သုးမုၢ်ဂီၢ်မုၢ် အကစၢ်ယဟိဝၤယွၤ အမုၢ်နံၤအဃိလီၤ.+
ဒီးပှၤလၢ အပာ်ထီၣ်ထီအသး မ့ၢ်ဂ့ၤ, ပှၤလၢ အပာ်ကဖၢလၢ အသးမ့ၢ်ဂ့ၤ,
ပှၤလၢအဘၣ် တၢ်ပာ်ဒိၣ်ပာ်ထီအီၤမ့ၢ်ဂ့ၤ, ပှၤလၢအပတီၢ်ဖုၣ်မ့ၢ်ဂ့ၤ, တၢ်တနံၤန့ၣ် ကဟဲဘၣ် ပှၤကိးဂၤဒဲးလီၤ.+
၁၃ တကးဒံးဘၣ် ကဟဲဘၣ်စ့ၢ်ကီး လဘၤနိၣ် အသ့ၣ်ဆှိအ့ရ့း လၢအဘၣ် တၢ်ပာ်ဒိၣ် ပာ်ထီအီၤခဲလၢာ်,
ဘၤၡၣ် အသ့ၣ်ထိးဖၣ်ခဲလၢာ်,
၁၄ ကစၢၢ် အဒိၣ်အထီခဲလၢာ်
တၢ်လူၢ်လၢ အထီခဲလၢာ်,
၁၅ တၢးလၢအထီခဲလၢာ်, တၢ်ဒူၣ်လၢ အကျၢၤခဲလၢာ်,
၁၆ တၢ်ၡံၣ် အကဘီခဲလၢာ်+
ဒီးချံလၢ အလုၢ်ဒိၣ်ပှ့ၤဒိၣ် ခဲလၢာ်လီၤ.
၁၇ ပှၤလၢ အပာ်ကဖၢလၢအသးန့ၣ် ကဘၣ်တၢ်မၤမဲာ်ဆှးအီၤ
ဒီးပှၤလၢ အပာ်ထီၣ်ထီသးန့ၣ် ကဘၣ်တၢ်ဆီၣ်လီၤအီၤလီၤ.
ဖဲမုၢ်နံၤအဝဲန့ၣ် ထဲဒၣ် ယဟိဝၤယွၤတဂၤ ကဘၣ်တၢ်ပာ်ဒိၣ်ပာ်ထီ အီၤလီၤ.
၁၈ ယွၤလၢ အဘျုးတအိၣ်ဘၣ်တဖၣ်န့ၣ် ကလီၤမၢ်ကွံာ် ခဲလၢာ်လီၤ.+
၁၉ ဖဲယဟိဝၤယွၤ ဆၢထၢၣ် ဒ်သိး ကမၤဟူးဟီၣ်ခိၣ်အခါ
ခီဖျိလၢ အတၢ်သးဒိၣ် ဒီးအလၤကပီၤလၢ အလီၤကဟုကညီၢ်န့ၣ်+
ကလီၤပျံၤဒိၣ်မးအဃိ
ပှၤဂီၢ်မုၢ် ကလဲၤနုာ်ဝဲလၢ လၢၢ်ကအိပူၤ
ဒီးလၢဟီၣ်ခိၣ်ပူၤလီၤ.+
၂၀ ဖဲတၢ်တနံၤန့ၣ် ယွၤတဖၣ်လၢ ပှၤတ့ထီၣ်ပာ်စၢၤလၢ ထူဒီးစ့ညၣ်
ဒ်သိး ကဘူၣ်ထီၣ်ဘါထီၣ်အီၤ အဂီၢ်န့ၣ် အဝဲသ့ၣ် ကလဲၤဟံးန့ၢ်ဝဲ
ဒီးကတၢၤကွံာ်ဝဲလၢ ယုၢ်စူနါ ဒီးဘျါတဖၣ် အိၣ်ဝဲအလီၢ်လီၤ.+
၂၁ ဒီးအဝဲသ့ၣ် ကလဲၤနုာ်ဝဲလၢ လၢၢ်ကအိပူၤ
ဒီးလၢလၢၢ်ကဆူး လ့ကဆူး အပူၤလီၤ.
ဖဲယဟိဝၤယွၤ ဆၢထၢၣ်ဒ်သိး ကမၤဟူး ဟီၣ်ခိၣ်အခါ
ခီဖျိလၢ အတၢ်သးဒိၣ် ဒီးအလၤကပီၤလၢ အလီၤကဟုကညီၢ်န့ၣ်
ကလီၤပျံၤဒိၣ်မးဃိ အဝဲသ့ၣ် ကလဲၤအိၣ်ခူသူၣ် ဖဲန့ၣ်လီၤ.
၂၂ ပှၤဟီၣ်ခိၣ်ဖိလၢ အဘၣ်ကသါ ဒ်သိးကဆဲးမူအဂီၢ်န့ၣ်
တဘၣ်သန့ၤသုသး လၢအီၤ လၢၤတဂ့ၤ.
သုကဒိးန့ၢ်ဘၣ်အဘျုးလၢ ပှၤဟီၣ်ခိၣ်ဖိအအိၣ် မနုၤတမံၤလဲၣ်.
၃ လၢဝ့ၢ်ယရူၤၡလ့ၣ် ဒီးယူဒၤဘီမုၢ် အပူၤန့ၣ်
တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် ကစၢ်လၢ အမ့ၢ်အတီတဂၤ
ကထုးထီၣ်ကွံာ် တၢ်ဆီၣ်ထွဲမၤစၢၤ ကိးမံၤဒဲး လၢအမ့ၢ် တၢ်အီၣ်တၢ်အီ, ထံ,+
၂ ပှၤလၢအဂံၢ်ဆူၣ်ဘါဆူၣ်, ပှၤသုးဖိ,
စံၣ်ညီၣ်ကွီၢ်, ဝံ,+ ပှၤလၢအဖး တၢ်ကမၤအသးလၢ ခါဆူညါအဂ့ၢ်, ပှၤသူၣ်က့သးပှၢ်,
၃ ပှၤ ၅၀ အခိၣ်,+ ပှၤလၢအအိၣ်ဒီး အလီၢ်အလၤ, ပှၤဟ့ၣ်ကူၣ်တၢ်,
ပှၤလၢ အအူတၢ်လိၢ်တၢ် သ့သ့ဘၣ်ဘၣ် ဒီးပှၤလၢ အအူတၢ်သမူတၢ် သ့ဂ့ၤဂ့ၤလီၤ.+
၄ ဖိသၣ်ပိာ်ခွါတဖၣ်န့ၣ် အဝဲကပာ်ထီၣ်လၢ အဝဲသ့ၣ် အပဒိၣ်ဖးဒိၣ်တဖၣ်
ဒီးပှၤလၢ အသးတဂၢၢ်တကျၢၤဘၣ်တဖၣ် ကပၢအဝဲသ့ၣ်လီၤ.
၅ ပှၤဂီၢ်မုၢ် ကဒဲကဒဲ ကဆီၣ်တံၢ် မၤနၢၤလိာ်သး
ဒီးပှၤဒီသကိး ကဒဲကဒဲ ကဆီၣ်တံၢ် မၤနၢၤလိာ်သးလီၤ.+
ပှၤဖိသၣ် ကမၤဆါ ပှၤသးပှၢ်
ဒီးပှၤလၢအပတီၢ်ဖုၣ်တဖၣ် တပာ်ကဲ ပှၤလၢအလီၤပာ်ကဲတဖၣ်ဘၣ်.+
၆ ပှၤတဂၤစုာ်စုာ် ကဟံးဃာ် အဘူးအတံၢ် တဂၤဂၤလၢ အပၢ်အဟံၣ်ပူၤ ဒီးကတဲဝဲလၢ
“နၤန့ၣ် နဆ့ဖးထီအိၣ်အဃိ ကဲထီၣ်ပခိၣ်သၢၤ.
တီခိၣ်ရိၤမဲက့ၤ တၢ်လီၢ်လၢ အလီၤပှီၢ်အံၤသၢၤ.”
၇ ဘၣ်ဆၣ် ဖဲတၢ်တနံၤန့ၣ် အဝဲတတူၢ်လိာ်ဝဲဘၣ် ဒီးကတဲဝဲလၢ
“ယတကဲန့ၢ် ပှၤလၢအဘိၣ်ဘံထီၣ် သုတၢ်ပူၤလီၢ်ဘၣ်.
လၢယဟံၣ်န့ၣ် တၢ်အီၣ် ဒီးတၢ်ကူ တၢ်ကၤ တအိၣ်ဘၣ်.
အဃိ တဘၣ်ပာ်ထီၣ်ယၤလၢ ပှၤဂီၢ်မုၢ်အခိၣ်တဂ့ၤ.”
၈ ဝ့ၢ်ယရူၤၡလ့ၣ် လီၤဃံၢ်လံ
ဒီးယူဒၤဘီမုၢ် လီၤပှီၢ်လံ,
လၢအဝဲသ့ၣ် အတၢ်ကတိၤမ့ၢ်ဂ့ၤ, လၢအတၢ်မၤမ့ၢ်ဂ့ၤ,
အဝဲသ့ၣ် မၤတၢ်လၢအထီဒါ ယဟိဝၤယွၤ လၢအမ့ၢ် ကစၢ်ယွၤလၢအပှဲၤဒီး အလၤကပီၤတဂၤန့ၣ် အမဲာ်ညါလီၤ.+
၉ အဝဲသ့ၣ် အတၢ်ပာ်မဲာ်ပာ်နါန့ၣ် ပာ်ဖျါထီၣ်ဝဲလၢ အဝဲသ့ၣ်အိၣ်ဒီး တၢ်ကမၣ်လီၤ.
အဝဲသ့ၣ် တဲဖျါထီၣ် အတၢ်ဒဲးဘးပျီပျီ ဒ်ပှၤလၢအအိၣ်လၢ ဝ့ၢ်စဒိၣ်အသိး+
ဒီးအဝဲသ့ၣ် တပာ်ခူသူၣ်ဝဲဘၣ်.
မ့ၢ်လၢအဝဲသ့ၣ် ဒုးလီၤဘၣ် တၢ်နးတၢ်ဖှီၣ်လၢ အနီၢ်ကစၢ်အလိၤအဃိ ကလီၤပျံၤလီၤဖုးလၢ အဝဲသ့ၣ်အဂီၢ်ထဲလဲၣ်.
၁၀ တဲဘၣ်ပှၤတီပှၤလိၤတဖၣ်လၢ တၢ်ကလဲၤအသးဒီးအဝဲသ့ၣ် ဂ့ၤဂ့ၤဘၣ်ဘၣ်န့ၣ်တက့ၢ်.
အဝဲသ့ၣ် ကဒိးန့ၢ်ဘၣ်ခိၣ်ဖး ခီဖျိလၢ တၢ်လၢအဝဲသ့ၣ် မၤဝဲတဖၣ် အဃိလီၤ.*+
၁၁ မ့မ့ၢ် ပှၤအၢပှၤသီန့ၣ် ကဘၣ်ကီ ဘၣ်ခဲ သပှၢ်တၢၢ်လီၤ.
ဒ်အဝဲ မၤပှၤဂၤအသိးန့ၣ် တၢ်ကမၤက့ၤအီၤဒ်န့ၣ်
ဒီးတၢ်နးတၢ်ဖှီၣ် ကလီၤဘၣ်အီၤလီၤ.
၁၂ မ့မ့ၢ် ယပှၤဂီၢ်မုၢ်န့ၣ် ပှၤလၢ အမၢဆူၣ် အဝဲသ့ၣ်လၢ ကမၤတၢ်မၤတဖၣ် မ့ၢ်ပှၤလၢ အမၤဆူၣ်မၤစိးတၢ်
ဒီးပှၤပိာ်မုၣ်တဖၣ် ပၢအဝဲသ့ၣ်လီၤ.
ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ် ဒုးဟးဝ့ၤဝီၤသု
ဒီးအဝဲသ့ၣ် ဆှၢကမၣ် သုကျဲလံ.+
၁၃ ယဟိဝၤယွၤ ဟံးန့ၢ်အလီၢ် ဒ်စံၣ်ညီၣ်ကွီၢ်အသိး
ဒီးအဝဲဆၢထၢၣ် ဒ်သိး ကစံၣ်ညီၣ် ပှၤကလုာ်တဖၣ် အဂီၢ်လီၤ.
၁၄ ယဟိဝၤယွၤ ကလဲၤကိးထီၣ် အပှၤဂီၢ်မုၢ် အပှၤသူၣ်က့သးပှၢ်တဖၣ် ဒီးအပဒိၣ်ဖးဒိၣ်တဖၣ် လၢစံၣ်ညီၣ်ကွီၢ်အရူလီၤ.
ဒီးကစၢ်ယွၤ ကတဲအဝဲသ့ၣ်လၢ “သုဒွဲၣ်အူထီၣ်ကွံာ် စပံးကျီးလံ
ဒီးတၢ်လၢ သုဟုၣ်န့ၢ်လၢ ပှၤဖှီၣ်ဖိ ယာ်ဖိ အအိၣ်န့ၣ် အိၣ်လၢ သုဟံၣ်ပူၤလီၤ.”+
၁၅ တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲစ့ၢ်ကီးလၢ
“သုမၤသဘှံး ယပှၤဂီၢ်မုၢ်တဖၣ် ဖးဘူၣ်ညါ ဒီးသုဆီၣ်တံၢ်မၤနၢၤ ပှၤလၢအဘၣ်နးဘၣ်ဖှီၣ် နးမးလီၤ.”+
၁၆ ယဟိဝၤယွၤ တဲဝဲလၢ “ပှၤပိာ်မုၣ်တဖၣ်လၢ ဝ့ၢ်စံယိၣ်အပူၤန့ၣ် ပာ်ထီၣ်ထီအသး
ဒီးအဝဲသ့ၣ် ဟးတကွၢ်လီၤ အခီၣ်ထံးဘၣ်.
အဝဲသ့ၣ် ဟးကွၢ်ကျ့ၣ်တၢ် ဒီးဟးယဲၤယီၤအသး
ဒီးခီၣ်ကျီၤလၢ အဝဲသ့ၣ် အခီၣ်ဒ့တဖၣ်အလိၤန့ၣ် သီၣ်ဝဲခြ့ခြ့လီၤ.
၁၇ ပှၤပိာ်မုၣ်တဖၣ်လၢ ဝ့ၢ်စံယိၣ်အပူၤန့ၣ် ယဟိဝၤယွၤ ကဒုးလီၤ တၢ်ပူၤလီၢ် လၢအဝဲသ့ၣ် အခိၣ်လိၤ
ဒီးယဟိဝၤယွၤ ကမၤလ့ၤ အဝဲသ့ၣ် အခိၣ်လီၤ.+
၁၈ ဖဲတၢ်တနံၤန့ၣ် ယဟိဝၤယွၤ ကဟံးထီၣ်ကွံာ် အဝဲသ့ၣ် အတၢ်မၤဃံမၤလၤတဖၣ် လၢအမ့ၢ်
ခီၣ်ကျီၤ, ခိၣ်ကျီၤ, တၢ်ကယၢကယဲ လၢအလီၤဂာ်ဒ်လါအသိး,+
၁၉ နၢ်ဒံး, ထံဖှံၣ်, နီၣ်ကျၢၢ်ဘၢမဲာ်,
၂၀ ခိၣ်ဖၢၣ်, တၢ်ကယၢကယဲ လၢ ခီၣ်ဒ့လိၤ, ယီၢ်တကိးဃံလၤ,
တၢ်နၢမူအဒၢဖိ, ရဲၢ်,
၂၁ ပသံး, နါဒ့ကွီၤ,
၂၂ ဆ့ကၤလၢမူးအဂီၢ်, ဆ့ဖးထီ, ဆ့ကၤလုးဖးဒိၣ်, စ့ထၢၣ်,
၂၃ မဲာ်ထံကလၤ,+ တၢ်ကူတၢ်ကၤလၢ အညၣ်ဂ့ၤ,
ခိၣ်ဖၢၣ်လီၤဆီ ဒီးနီၣ်ကျၢၢ်ဘၢမဲာ်လီၤ.
၂၄ ခဲအံၤ အဝဲသ့ၣ် မ့ၢ်နၢမူလၢ သ့ၣ်စရံအသိ+ ဘၣ်ဆၣ် အဝဲသ့ၣ် ကနၢအုၣ်က့ၤ,
ခဲအံၤ အဝဲသ့ၣ် သူဝဲယီၢ်တကိး ဘၣ်ဆၣ် အဝဲသ့ၣ် ကသူက့ၤပျံၤ,
ခဲအံၤ အဝဲသ့ၣ် အခိၣ်ဆူၣ် မ့ၢ်ဃံလၤ ဘၣ်ဆၣ် အဝဲသ့ၣ် အခိၣ်ကတကျိ,+
ခဲအံၤ အဝဲသ့ၣ် မ့ၢ်ကၤဆ့ကၤလၢ အပှ့ၤဒိၣ် ဘၣ်ဆၣ် ကကၤက့ၤဝဲ ထၢၣ်တၢ်ကံးညာ်*+
ဒီးခဲအံၤ အဝဲသ့ၣ် မ့ၢ်ဖျါဃံဖျါလၤ ဘၣ်ဆၣ် အကဖျါက့ၤထဲ တၢ်ပူၤလီၢ်အလီၢ်လီၤ.
၂၅ ဝ့ၢ်စံယိၣ် အပှၤပိာ်ခွါတဖၣ် ကသံလၢနး
ဒီးအပှၤလၢ အဂံၢ်ဆူၣ်ဘါဆူၣ်တဖၣ် ကသံလၢ တၢ်ဒုးပူၤလီၤ.+
၂၆ ဝ့ၢ်စံယိၣ် ကလီၤဂာ်ဒ်သိးဒီး ပိာ်မုၣ်တဂၤလၢ အဆ့ၣ်နီၤဟီၣ်လၢ ဟီၣ်ခိၣ်လိၤ+
ခီဖျိလၢ ပှၤဂုာ်န့ၢ် အတၢ်ဖိတၢ်လံၤတဖၣ် အဃိလီၤ.”+
၄ ဒီးဖဲတၢ်တနံၤန့ၣ် ပှၤပိာ်မုၣ်နွံဂၤ ကဖီၣ်တံၢ်ဃာ်ဝဲ ပှၤပိာ်ခွါတဂၤ+ ဒီးတဲလၢ
“ပကအီၣ် ပနီၢ်ကစၢ် တၢ်အီၣ်
ဒီးပကကၤ ပနီၢ်ကစၢ်တၢ်ကူတၢ်ကၤလီၤ.
ဘၣ်ဆၣ် ဒ်သိးပသုတတူၢ်ဘၣ် တၢ်မဲာ်ဆှးလၢၤတဂ့ၤအဂီၢ်*+
ဟ့ၣ်ပှၤအခွဲးလၢ ပကဆီဟံၣ်ဆီဃီဒီးနၤဒ်သိး ပှၤကပာ်ပနီၣ်ပှၤလၢ နမါ* အဂီၢ်န့ၣ်တက့ၢ်.”
၂ ဖဲန့ၣ်အဆၢကတီၢ် ယဟိဝၤယွၤ ကဒုးမဲထီၣ် တၢ်မုၢ်တၢ်ဘိတဖၣ်လၢ အဖျါဃံဃံလၤလၤ ဒီးပှၤအံၣ်စရ့လးဖိလၢ အပူၤဖျဲးတဖၣ် ကပာ်ကဖၢလၢအသး ဒီးကသးခုလၢ တၤသူတၤသၣ်လၢ အအိၣ်လၢ ကီၢ်ပူၤအဃိလီၤ.+ ၃ ပှၤလၢအအိၣ်ဒံးလၢ ဝ့ၢ်စံယိၣ် လၢအမ့ၢ် ဝ့ၢ်ယရူၤၡလ့ၣ်န့ၣ် ကစီဆှံဝဲလၢ ကစၢ်ယွၤ အမဲာ်ညါလီၤ. အဝဲသ့ၣ်ခဲလၢာ် ကအိၣ်လၢ ဝ့ၢ်ယရူၤၡလ့ၣ် ဒီးအဝဲသ့ၣ်အမံၤ ကဘၣ်တၢ်ကွဲးလီၤအီၤလၢ ကဆဲးအိၣ်မူဝဲ အဂီၢ်လီၤ.+
၄ ယဟိဝၤယွၤ ကမၤကဆှီထီၣ် ပှၤအိၣ်လၢ ဝ့ၢ်စံယိၣ်အပူၤ+ အတၢ်ဘၣ်အၢဘၣ်သီ* ဒီးကသ့စီကွံာ် တၢ်သွံၣ်အိၣ်တ့ၢ် အလီၢ်တဖၣ်လၢ ဝ့ၢ်ယရူၤၡလ့ၣ် အပူၤလီၤ. အဝဲကမၤဝဲဒ်န့ၣ် ခီဖျိ အတၢ်စံၣ်ညီၣ် ဒီးအတၢ်သးဒိၣ် လၢအလီၤဂာ်ဒ်သိးဒီး မ့ၣ်အူလီၤ.+ ၅ ဝံၤဒီး လၢကစၢၢ်စံယိၣ် အတၢ်လီၢ်တၢ်ကျဲခဲလၢာ် အဖီခိၣ် ဒီးလၢပှၤခဲလၢာ်လၢ အအိၣ်ဖှိၣ်ဖဲန့ၣ်တဖၣ် အဖီခိၣ်န့ၣ် ယဟိဝၤယွၤ ကတ့ထီၣ်စ့ၢ်ကီး တၢ်အၢၣ် ဒီးမ့ၣ်အူခုၣ်လၢ မုၢ်ဆါခီ ဒီးမ့ၣ်အူ လၢအကဲၤကပီၤလၢ မုၢ်နၤခီလီၤ.+ ဒီးတၢ်ဒီသဒၢ ကအိၣ်ဝဲလၢ တၢ်လၢအအိၣ်ဒီး အလၤကပီၤခဲလၢာ် အဖီခိၣ်လီၤ. ၆ ဒီးကအိၣ်ဒီး ဒဲဖိလၢ အကကဲထီၣ်တၢ်ကဒုအလီၢ် လၢမုၢ်ဆါအတၢ်ကိၢ်အဂီၢ်+ ဒီးတၢ်ပူၤဖျဲးအလီၢ်ဒီး တၢ်ဒီသဒၢ လၢကလံၤမုၢ်ဒီး တၢ်စူၤအဂီၢ်လီၤ.+
၅ ယကသးဝံၣ်ထီၣ်တၢ်လၢ ပှၤလၢ ယအဲၣ်တဂၤအအိၣ်.
ယကသးဝံၣ်ထီၣ် တၢ်သးဝံၣ် ဘၣ်ဃးဒီး ပှၤလၢယအဲၣ်တဂၤ ဒီးအစပံးကျီးလီၤ.+
ပှၤလၢယအဲၣ်တဂၤန့ၣ် အိၣ်ဒီး စပံးကျီး တကျီးလၢ တၢ်လူၢ်လၢ ဟီၣ်ခိၣ်ညၣ်ဂ့ၤ အလိၤလီၤ.
၂ အဝဲခူၣ်ထီၣ် ဟီၣ်ခိၣ် ဒီးမၤပျီကွံာ်လၢၢ်တဖၣ်လီၤ.
အဝဲသူၣ်လီၤဝဲ စပံးမုၢ်လၢအဂ့ၤကတၢၢ်တမုၢ်,
တ့ထီၣ်ဝဲ တၢးတဖျၢၣ်လၢ စပံးကျီး အခၢၣ်သး
ဒီးတ့ထီၣ်ဝဲ တၢ်လီၢ်တခါ ဒ်သိးကစံၢ်စပံးသၣ်အဂီၢ်လီၤ.+
ဒီးအဝဲမုၢ်လၢ်ဝဲလၢ အစပံးကျီးအံၤ ကသၣ်ထီၣ် စပံးသၣ်လၢအဂ့ၤ,
ဘၣ်ဆၣ် အသၣ်ထီၣ်ထဲ စပံးသၣ် အမံၤတဖၣ်လီၤ.+
၃ အဃိ အဝဲတဲဝဲလၢ “သုဝဲလၢ အအိၣ်လၢ ဝ့ၢ်ယရူၤၡလ့ၣ် ဒီးယူဒၤ အပှၤဂီၢ်မုၢ်သ့ၣ်ဧၢ,
ဝံသးစူၤ စံၣ်ညီၣ်ဆၢတဲာ်န့ၢ်တၢ်လၢ ယၤဒီးယစပံးကျီး အဂီၢ်တက့ၢ်.+
၄ တၢ်လၢ ယမၤတ့ၢ်လၢ ယစပံးကျီးအဂီၢ်န့ၣ်
တလၢပှဲၤဒံးဧီၤ.+
ဒီးယမုၢ်လၢ်လၢ စပံးကျီးတကျီးအံၤ ကသၣ်ထီၣ် စပံးသၣ်လၢ အဂ့ၤတဖၣ်,
ဘၣ်ဆၣ် ဘၣ်မနုၤအဃိ အသၣ်ထီၣ်ထဲ စပံးသၣ်အမံၤတဖၣ်လဲၣ်.
၅ ယကမၤ ယစပံးကျီး ဒ်လဲၣ်န့ၣ်
ခဲအံၤ ယကတဲဘၣ်သုလီၤ.
ယကထုးထီၣ်ကွံာ် အကရၢ
ဒီးစပံးကျီးန့ၣ် ကဘၣ်တၢ်ဒွဲၣ်အူ ကွံာ်အီၤလီၤ.+
ယကမၤလီၤပှီၢ် အတၢ်ဒူၣ်လၢ ဘၣ်တၢ်တ့အီၤလၢလၢၢ်
ဒီးစပံးကျီးန့ၣ် ကဘၣ်တၢ် ယီၢ်တံၢ်လီၤအီၤလီၤ.
၆ ယကဒုးကဲထီၣ်အီၤ ဒ်သိးဒီး တၢ်လီၢ်လၢ ပှၤပာ်တ့ၢ်ကွံာ်အီၤ,+
ပှၤတကျီပျီ ဒီးမၤပျီအီၤဘၣ်.
သပှီာ်တၤဆှုၣ် ဒီးနီၣ်တဖၣ် ကခဲဘၢအီၤ+
ဒီးယကမၤလိာ် တၢ်အၢၣ်ဒ်သိး အသုတဒုးစူၤလီၤ မူခိၣ်လၢ အပူၤတဂ့ၤ အဂီၢ်လီၤ.+
၇ ယမ့ၢ်တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဒီးပှၤအံၣ်စရ့လးဖိ မ့ၢ်ယစပံးကျီးလီၤ.+
ယူဒၤအပှၤဂီၢ်မုၢ်န့ၣ် မ့ၢ်ဝဲ တၢ်မုၢ်တၢ်ဘိလၢ ယဘၣ်သူၣ် ဘၣ်သးအီၤလီၤ.
ယမုၢ်လၢ်လၢ အဝဲသ့ၣ် ကစံၣ်ညီၣ်တၢ် တီတီလိၤလိၤ+
ဘၣ်ဆၣ် အဝဲသ့ၣ် တစံၣ်ညီၣ်တၢ် တီတီလိၤလိၤဘၣ်.
ဒီးယမုၢ်လၢ်လၢ အဝဲသ့ၣ် ကမ့ၢ်ပှၤတီပှၤလိၤ
ဘၣ်ဆၣ် ယနၢ်ဟူ ပှၤလၢအဘၣ်တၢ်ရ့ဒီးအီၤ အၢအၢသီသီတဖၣ် အတၢ်ကိးပသူလီၤ.”+
၈ ပှၤတနီၤန့ၣ် အပာ်ဖှိၣ် ဟံၣ်တဖျၢၣ်ဝံၤတဖျၢၣ်+
ဒီးဟံးန့ၢ်စံာ်ပျီ တဘ့ၣ်ဝံၤတဘ့ၣ်+
တုၤလၢ တၢ်လီၢ်လၢ ပှၤဂၤကအိၣ်ဝဲအဂီၢ် တအိၣ်လၢၤဘၣ် ဒီးလၢကီၢ်ပူၤန့ၣ် ကအိၣ်တ့ၢ်က့ၤထဲ အဝဲသ့ၣ်လီၤ.
ပှၤသ့ၣ်တဖၣ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၉ ယနၢ်ဟူ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အၢၣ်လီၤဝဲလၢ
ဟံၣ်အါဖျၢၣ်န့ၣ် မ့ၢ်ဒိၣ်ဒီးဃံလၤဝဲ ဘၣ်ဆၣ်
အကကဲထီၣ် တၢ်လီၤပျံၤလီၤဖုးအလီၢ်
ဒီးပှၤတအိၣ်လၢအပူၤ နီတဂၤဘၣ်.+
၁၀ စပံးကျီးလၢ အအိၣ်ပှဲၤဝဲ ဟီၣ်ခိၣ် အအ့ကၢၢ်တဆံန့ၣ် ကဒုးအိၣ်ထီၣ် စပံးထံထဲ တဘၤသၤလီၤ.*
ဒီးတၢ်ချံ တဃိမ့ၢ်န့ၣ်* ကဒုးအိၣ်ထီၣ်ထဲ ဘုကၠူၣ် တအ့ဖးလီၤ.*+
၁၁ ပှၤတနီၤန့ၣ် အဝဲသ့ၣ် ပၢၢ်ထီၣ်ဂီၤဂီၤဒ်သိး ကစးထီၣ်အီသံးအဂီၢ်+
ဒီးဆဲးအီဝဲတုၤလၢ မုၢ်ဟါတၢ်ခံး ဒီးမူၤစပံးထံ နးမးလီၤ. ပှၤတဖၣ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၁၂ လၢအဝဲသ့ၣ် အတၢ်အီၣ်တၢ်အီ အမူးအပူၤန့ၣ်
အဝဲသ့ၣ်အိၣ်ဒီး တနၢ်, သီတူၢ်, တၢ်ခြ့ခြ့, ပံ ဒီးစပံးထံလီၤ.
မ့မ့ၢ် ယဟိဝၤယွၤ အတၢ်ဖံးတၢ်မၤန့ၣ် အဝဲသ့ၣ် တဆိကမိၣ်ထံဝဲဘၣ်
ဒီးတၢ်လၢ ကစၢ်ယွၤ မၤဝဲန့ၣ် အဝဲသ့ၣ်တထံၣ်ဝဲဘၣ်.
၁၃ မ့ၢ်လၢယပှၤဂီၢ်မုၢ်အံၤ အတၢ်သ့ၣ်ညါ တအိၣ်ဘၣ်အဃိ+
ပှၤကက့ၤဖီၣ်အဝဲသ့ၣ်လီၤ.
၁၄ တၢ်သွၣ်ခိၣ်* မၤလဲၢ်ထီၣ်အသး ဒီးအိးထီၣ်အကိာ်ပူၤ ဖးလဲၢ်လံ.+
ဒီးဝ့ၢ်ယရူၤၡလ့ၣ် အပှၤဒိၣ်ပှၤပှၢ်တဖၣ် ဒီးအပှၤဂီၢ်မုၢ်လၢ
အသီၣ်သဲဖးဒိၣ် ဒီးမၤမူးပွဲလၢ အလီၤရၢၢ်လီၤစၢၢ်တဖၣ်န့ၣ်
ကလဲၤလီၤလၢအပူၤ သပှၢ်တၢၢ်လီၤ.
၁၅ အဝဲသ့ၣ် ကဘၣ်တၢ်ဆီၣ်လီၤအီၤ
ဒီးကဘၣ်တၢ်မၤမဲာ်ဆှးအီၤလီၤ.
ဒီးပှၤလၢ အပာ်ကဖၢလၢအသးန့ၣ် ကဘၣ်တၢ်မၤမဲာ်ဆှးအီၤလီၤ.
၁၆ တၢ်သုးမုၢ်ဂီၢ်မုၢ် အကစၢ်ယဟိဝၤယွၤ ကဘၣ်တၢ်ပာ်ဒိၣ်ပာ်ထီအီၤ ခီဖျိ အတၢ်စံၣ်ညီၣ်တီအဃိလီၤ.
ယွၤလၢအမ့ၢ်အတီ လၢအမ့ၢ် ပှၤစီဆှံတဂၤန့ၣ်+ ကပာ်စီဆှံအသး ခီဖျိ တၢ်တီတၢ်လိၤ အဃိလီၤ.+
၁၇ ဒီးဖဲန့ၣ်န့ၣ် သိဖိတဖၣ် ကအီၣ်နီၣ်ဒ် အအီၣ်နီၣ်လၢ အနီၢ်ကစၢ် တၢ်အီၣ်ဆၣ်အလီၢ်ပူၤအသိးလီၤ.
ဒီးဖဲတၢ်လီၢ်တဖၣ်လၢ လၢညါ ဆၣ်ဖိကီၢ်ဖိ အီၣ်အဆၣ် ဘျဲဘျဲ အလီၢ် ဒီးအအိၣ်သယုၢ်က့ၤဝဲန့ၣ် ပှၤထံဂၤကီၢ်ဂၤဖိတဖၣ် ကအီၣ်တၢ်ဖဲန့ၣ်လီၤ.
၁၈ ပှၤလၢအလံၣ်တၢ်လီတၢ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
ဒ်ဆၣ်ဖိကီၢ်ဖိ တွံၢ်လ့ၣ် ဒီးပျံၤတဖၣ်အသိး အဝဲသ့ၣ်တွံၢ်ဝဲ အတၢ်ဒဲးဘး ဒီးအတၢ်ကမၣ်တဖၣ် ခီဖျိ တၢ်လံၣ်တၢ်လီတဖၣ်လီၤ.
၁၉ ပှၤသ့ၣ်တဖၣ်န့ၣ် တဲဝဲလၢ “မ်ကစၢ်ယွၤ မၤချ့ထီၣ် အတၢ်မၤသၢၤ.
ဒ်သိးပကထံၣ်ဘၣ် အတၢ်မၤအဂီၢ် မ်အမၤဝဲ မ့ၢ်ချ့သၢၤ.
၂၀ ပှၤလၢအကိး တၢ်ဂ့ၤလၢတၢ်အၢ ဒီးတၢ်အၢလၢတၢ်ဂ့ၤ,+
ပှၤလၢအပာ် တၢ်ခံးလၢတၢ်ကပီၤ ဒီးတၢ်ကပီၤလၢတၢ်ခံး
ဒီးပှၤလၢ အပာ်တၢ်အခၣ် လၢတၢ်အဆၢ ဒီးတၢ်အဆၢလၢ တၢ်အခၣ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၂၁ ပှၤလၢအထံၣ်လီၤအသးလၢ အမ့ၢ်ပှၤကူၣ်တၢ်သ့
ဒီးပှၤလၢအဆိကမိၣ်လီၤအသးလၢ အမ့ၢ် ပှၤသူၣ်ဆးသးဆးန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
၂၂ ပှၤလၢ အမံၤဟူသၣ်ဖျါလၢ တၢ်အီစပံးထံတကပၤ
ဒီးပှၤလၢ အကျဲၣ်ကျီသံး ဖၠဲးမးန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
၂၃ ပှၤလၢအပျဲပူၤ ပှၤအၢပှၤသီ ခီဖျိ တၢ်ထီးကျိၣ်ထီးစ့အဃိ+
ဒီးပှၤလၢ အပာ်တၢ်ကမၣ်လၢ ပှၤတီပှၤလိၤအလိၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
၂၄ အဃိ ဒ်မ့ၣ်အူအီၣ်ကွံာ် လီၢ်ဘိ
ဒီးနီၣ်အဃ့တဖၣ်အသိး အဝဲသ့ၣ် ကဘၣ် တၢ်မၤဟးဂီၤကွံာ်အီၤ ဒ်န့ၣ်လီၤ.
အဝဲသ့ၣ် အဂံၢ်တဖၣ် ကအုၣ်ကကျၣ်ဝဲ
ဒီးအဖီတဖၣ် ကဃ့ထီၣ် ဒီးဒံကွံာ်ဝဲ ဒ်ဟီၣ်ခိၣ်ကမူၣ်အသိး
မ့ၢ်လၢ အဝဲသ့ၣ် တတူၢ်လိာ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အတၢ်သိၣ်တၢ်သီဘၣ်*
ဒီးအဝဲသ့ၣ် တပာ်ကဲ အံၣ်စရ့လး အကစၢ်ယွၤလၢ အစီဆှံတဂၤ အကလုၢ်ကထါဘၣ်အဃိလီၤ.+
၂၅ အဃိ ယဟိဝၤယွၤ သးဒိၣ်ထီၣ် အပှၤဂီၢ်မုၢ်
ဒီးအဝဲကယၤထီၣ်အစု ဒ်သိးက စံၣ်ညီၣ် အဝဲသ့ၣ်လီၤ.+
ကစၢၢ်တဖၣ် ကဟူးဝးဝဲ
ဒီးပှၤဂီၢ်မုၢ်တဖၣ် အစိၣ်န့ၣ် ကလီၤဂာ်ဒ် တၢ်ကမှံၤ လၢကျဲပူၤ အသိးလီၤ.+
ဘၣ်ဆၣ် ကစၢ်ယွၤ ကသးဒိၣ်ထီၣ်ဒံး အဝဲသ့ၣ်
ဒီးအဝဲကယၤထီၣ်ဒံးအစု ဒ်သိးက စံၣ်ညီၣ် အဝဲသ့ၣ်အဂီၢ်လီၤ.
၂၆ ကစၢ်ယွၤ ဟ့ၣ်တၢ်ပနီၣ် ဒ်သိး ကကိးဖှိၣ် ပှၤတကလုာ်လၢ အအိၣ် ဖးယံၤအဂီၢ်လီၤ.+
အဝဲကွ့ကလံၤ ဒ်သိး ပှၤတဖၣ်လၢ အအိၣ်လၢ ဟီၣ်ခိၣ်အနၢၣ် အကတၢၢ်န့ၣ် ကဟဲဝဲအဂီၢ်+
ဒီးကွၢ်သၢၤ, အဝဲသ့ၣ် ဟဲဝဲချ့ချ့လီၤ.+
၂၇ လၢအဝဲသ့ၣ် အကျါန့ၣ် ပှၤတဂၤမး တလီၤဘှံးဒီး လီၤဃံၢ်ဘၣ်.
အဝဲသ့ၣ် တဂၤမး တမံခ့ ဒီးမံဘၣ်အသးဘၣ်.
အဝဲသ့ၣ် အယီၢ်တကိး လၢအယီၢ်ဒ့လိၤန့ၣ် တလီၤကျီဘၣ်
ဒီးအဝဲသ့ၣ် အခီၣ်ဖံးပျံၤ တထီၣ်တဲာ်ဘၣ်.
၂၈ အဝဲသ့ၣ် အပျၢ်ဘိခဲလၢာ်န့ၣ် အကနၣ်အ့ၣ်ဝဲ
ဒီးအဝဲသ့ၣ် ဖ့ၣ်ထီၣ်ဃာ်ဝဲ အချံၣ် ခဲလၢာ်လီၤ.
အဝဲသ့ၣ် အကသ့ၣ်အခီၣ်မ့ၣ်တဖၣ်န့ၣ် လီၤဂာ်ဒ်သိးဒီး လၢၢ်လၢ အကနၣ်အ့ၣ်
ဒီးအဝဲသ့ၣ် အလ့ၣ်ကဟၣ်အပၣ်တဖၣ်န့ၣ် လီၤဂာ်ဒ်သိးဒီး ကလံၤမုၢ်လီၤ.+
၂၉ အဝဲသ့ၣ် အကလုၢ်န့ၣ် သီၣ်လီၤဂာ် ဒ်သိးဒီး ခ့ယုၢ် ကညီၤတၢ်
ဒီးဒ် ခ့ယုၢ်ဖိ ကညီၤတၢ်အသိးလီၤ.+
အဝဲသ့ၣ် ကကညီၤတၢ်, ပှီၤန့ၢ်ဝဲအဆၣ်
ဒီးက့ၤစိာ်ဝဲ ဒီးပှၤမၤပူၤဖျဲးဝဲ တအိၣ် နီတဂၤဘၣ်.
၃၀ ဖဲတၢ်တနံၤန့ၣ် အဝဲသ့ၣ် ဖီၣ်န့ၢ်ဝဲ အဆၣ်ဝံၤအလီၢ်ခံ
အဝဲသ့ၣ် အကလုၢ်ကသီၣ်သထြုးဝဲ ဒ်သိးဒီး ပီၣ်လဲၣ်လီၤ.+
ပှၤတဂၤဂ့ၤတဂၤဂ့ၤလၢ အကွၢ်ဝဲတၢ်လီၢ်န့ၣ် ကထံၣ်ဝဲ တၢ်ခံးသူလၢ အမၤတံာ်တာ်ပှၤသး
ဒီးတၢ်ကပီၤဒၣ်လဲာ် ကခံးလီၤဝဲလၢ တၢ်အၢၣ်အဃိလီၤ.+
၆ ဖဲစီၤပၤဧူးစံယါ သံအနံၣ်န့ၣ်+ ယထံၣ် ယဟိဝၤယွၤ ဆ့ၣ်နီၤလၢ အလီၢ်ပစိာ်လၢအအိၣ်ထီၣ်ထီ အလိၤလီၤ.+ ဒီးအဆ့ဖးထီအခီၣ်ထံးန့ၣ် အိၣ်ပှဲၤဝဲ တၢ်လုၢ်ဟံၣ်ပူၤလီၤ. ၂ စ့ရၤဖးတဖၣ်* ဆၢထၢၣ်ဝးတရံးအီၤလီၤ. အဝဲသ့ၣ် တဂၤစုာ်စုာ်န့ၣ် အိၣ်ဒီး အဒံးဃုဘ့ၣ်လီၤ. ဒီးအဝဲသ့ၣ် တဂၤစုာ်စုာ်န့ၣ် ကးဘၢအမဲာ်ဒီး အဒံးခံဘ့ၣ် ဒီးကးဘၢအခီၣ်ဒီး အဒံးခံဘ့ၣ် ဒီးယူၤဝဲဒီး အဒံးခံဘ့ၣ်လီၤ.
၃ အဝဲသ့ၣ် တဲလိာ်အသး တဂၤဒီးတဂၤ လၢအကလုၢ်ဒိၣ်ဒိၣ်လၢ
“တၢ်သုးမုၢ်ဂီၢ်မုၢ် အကစၢ် ယဟိဝၤယွၤန့ၣ် စီဆှံဝဲ, စီဆှံဝဲ, စီဆှံဝဲလီၤ.+
ဟီၣ်ခိၣ်ဒီဘ့ၣ်န့ၣ် ပှဲၤဝဲဒီး အလၤကပီၤလီၤ.”
၄ ခီဖျိလၢ အဝဲသ့ၣ် အကလုၢ်သီၣ်ဝဲ ဒိၣ်ဒိၣ်အဃိ တြဲၤအနီၣ်တရံးတဖၣ် တရုၤအသး ဒီးတၢ်လုၢ်ဟံၣ်န့ၣ် ပှဲၤဝဲဒီး မ့ၣ်အူခုၣ်လီၤ.+
၅ ဒီးယတဲလၢ
“တၢ်မုၢ်လၢ်လၢ ယဂီၢ် တအိၣ်လၢၤဘၣ်.
ယမ့ၢ်ပှၤလၢ အပျုၤတကဆှီဘၣ်တဂၤ
ဒီးယအိၣ်လၢ ပှၤလၢအပျုၤတကဆှီဘၣ်တဖၣ် အကျါ+
ဒီးယထံၣ်ဘၣ် စီၤပၤလၢ အမ့ၢ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤလၢ ယမဲာ် အဃိ ယကသံလီၤ.”
၆ ဖဲန့ၣ်န့ၣ် စ့ရၤဖးတဂၤ ဟဲယူၤလၢယအိၣ် ဒီးလၢအစုပူၤန့ၣ် အိၣ်ဒီး မ့ၣ်အူအ့ၣ်တလိၣ်လၢ+ အဟံးန့ၢ်ပာ်စၢၤဝဲလၢ နီၣ်တံာ်ဖဲတၢ်လုၢ်လီၢ်န့ၣ်လီၤ.+ ၇ အဝဲထိးယပျုၤ ဒီးတဲဝဲလၢ
“ယထိးနပျုၤဒီး မ့ၣ်အူအ့ၣ်လံ.
နတၢ်ကမၣ်န့ၣ် ဘၣ်တၢ်မၤလီၤမၢ်ကွံာ်အီၤလံ.
ဒီးနတၢ်ဒဲးဘးန့ၣ် ဘၣ်တၢ်ပျၢ်ကွံာ် အီၤလံ.”
၈ ဒီးယနၢ်ဟူ ယဟိဝၤယွၤတဲဝဲလၢ “ယကဘၣ်ဆှၢလီၤ မတဂၤလဲၣ်. ဒီးမတဂၤကလဲၤလၢ ပဂီၢ်လဲၣ်.”+ ဒီးယတဲလၢ “ယၤလီၤ, ဆှၢလီၤယၤဟီ.”+
၉ ဒီးကစၢ်ယွၤ တဲဆၢက့ၤယၤလၢ “လဲၤတဲဘၣ် ပှၤဂီၢ်မုၢ် တဖၣ်အံၤလၢ
‘သုကနၢ်ဟူဘၣ် တၢ်ကစီၣ် တဘျီဝံၤတဘျီ
ဘၣ်ဆၣ် သုတနၢ်ပၢၢ်အီၤဘၣ်.
ဒီးသုကထံၣ်ဘၣ် တဘျီဝံၤတဘျီ
ဘၣ်ဆၣ် သုတဒိးန့ၢ်ဘၣ် တၢ်သ့ၣ်ညါ နီတမံၤဘၣ်.’+
၁၀ မၤဒ်သိးပှၤတဖၣ်အံၤ အခိၣ်ကကိၤအဂီၢ်တက့ၢ်.+
ဒ်သိး အဝဲသ့ၣ်သုတထံၣ်တၢ်တဂ့ၤအဂီၢ်
မၤဘၢ အဝဲသ့ၣ်အမဲာ်+
ဒီးဒ်သိး အဝဲသ့ၣ် သုတနၢ်ဟူတၢ်
ဒီးတနၢ်ပၢၢ်တၢ်တဂ့ၤအဂီၢ်
ပံးအဝဲသ့ၣ်အနၢ်တက့ၢ်.
ဒီးအဝဲသ့ၣ် တဃၣ်ကဒါက့ၤအသးဘၣ် ဒီးတဘျါက့ၤဘၣ်.”+
၁၁ ဖဲန့ၣ် ယသံကွၢ်လၢ “အိ ယဟိဝၤယွၤဧၢ, တၢ်ကမၤအသးဒ်အံၤ ယံာ်ဒံးထဲလဲၣ်.”
အဝဲတဲဝဲလၢ “တုၤလီၤလၢ ဝ့ၢ်တဖၣ် လီၤပှီၢ်ဒီးဟးဂီၤဝဲ ဒ်သိးပှၤသုတအိၣ်လၢ အပူၤနီတဂၤတဂ့ၤအဂီၢ်
ဒီးဟံၣ်တဖၣ် အိၣ်ခီလီလီ
ဒီးကီၢ်ဟးဂီၤ ဒီးအိၣ်သယုၢ်ဝဲ,+
၁၂ တုၤလီၤလၢ ယၤ, ယဟိဝၤယွၤ နီဟးထီၣ်ကွံာ် ပှၤကညီလၢ အယံၤ+
ဒီးတၢ်လီၢ်လၢ ကီၢ်ပူၤအိၣ်သယုၢ်ဝဲ အါတီၤ အဆၢကတီၢ်လီၤ.
၁၃ “ဘၣ်ဆၣ် ပှၤကအိၣ်တ့ၢ်စှၤဂၤ* ဒီးကဘၣ်တၢ်ဒွဲၣ်အူထီၣ် ကဒီးအီၤလီၤ. အဝဲသ့ၣ် ကလီၤဂာ်ဒ်သိးဒီး သ့ၣ်ခိၣ်ဆၢၣ်လၢ အအိၣ်တ့ၢ်ဖဲ ပှၤကျီသ့ၣ်ဖးဒိၣ်တထူၣ် မ့တမ့ၢ် သ့ၣ်ထိးဖၣ်တထူၣ် ဝံၤဝဲအလီၢ်ခံလီၤ. သ့ၣ်ခိၣ်ဆၢၣ်အံၤန့ၣ် ကမ့ၢ် တၢ်အချံအသၣ် စီဆှံလီၤ.”*
၇ ဖဲယူဒၤ အစီၤပၤအၤဃး+ ပၢတၢ်အဆၢကတီၢ်န့ၣ် ကီၢ်စူၤရံ အစီၤပၤရစံၣ် ဒီးစီၤရမါလယၤ အဖိခွါ လၢအမ့ၢ် အံၣ်စရ့လး အစီၤပၤပ့ကး+ လဲၤထီၣ်ဝဲ ဒ်သိးကဒုး ဝ့ၢ်ယရူၤၡလ့ၣ်အဂီၢ်လီၤ. ဘၣ်ဆၣ် အ* တမၤန့ၢ်ဝ့ၢ်ဘၣ်. စီၤအၤဃး အပၢ်မ့ၢ်ဝဲ စီၤယိၤသၣ် ဒီးစီၤယိၤသၣ် အပၢ်မ့ၢ်ဝဲ စီၤဧူးစံယါလီၤ.+ ၂ ဒီးပှၤတဲဘၣ် စီၤဒၤဝံး အစၢၤအသွဲၣ်လၢ “ပှၤစူၤရံဖိ ပာ်ဖှိၣ်ထီၣ်အသးဒီး အ့ဖရဲၣ် အပှၤဂီၢ်မုၢ်လံ.”*
ဖဲန့ၣ်အခါ စီၤအၤဃး ဒီးအပှၤဂီၢ်မုၢ်တဖၣ် ပျံၤတၢ်ဒီးကနိးဝဲ ဒ်သိးဒီး သ့ၣ်တဖၣ်လၢ ပှၢ်ကျါလၢ အဟူးဝဲလၢ ကလံၤအူတၢ်အဃိလီၤ.
၃ ယဟိဝၤယွၤ တဲစီၤယၡါယၤလၢ “ဝံသးစူၤ နၤဒီးနဖိခွါ စီၤၡယၤၡူာ်န့ၣ်*+ လဲၤထံၣ်လိာ်သးဒီး စီၤအၤဃး လၢထံကမါလၢ ထးခီအထံကျိၤ+ အကတၢၢ်လၢ အအိၣ်ဘူးဒီး ကျဲမုၢ်လၢအလဲၤဆူ ပှၤဆှုၣ်တၢ်ကံးညာ် အပျီန့ၣ်တက့ၢ်. ၄ နကဘၣ်တဲအီၤလၢ ‘ပာ်နသးဂၢၢ်ဂၢၢ်တက့ၢ်. ကီၢ်စူၤရံ အစီၤပၤရစံၣ် ဒီးစီၤရမါလယၤ အဖိခွါန့ၣ် သးဒိၣ်ထီၣ်တၢ် သနာ်က့ အဝဲသ့ၣ် ခံဂၤလၢာ်န့ၣ် လီၤဂာ်ဒ်သိးဒီး သ့ၣ်ဖူလၢ မ့ၣ်အူအီၣ်ကွံာ်ဝဲ ဒီးအိၣ်တ့ၢ်က့ၤထဲ အခံထီး ခံကူာ်လၢ အခုၣ်ထီၣ်ဒံး ကယီကယီလီၤ. အဃိ တဘၣ်ပျံၤတၢ် ဒီးတဘၣ်ပျဲလၢ နသးအဂံၢ်ဘါ ကလီၤစၢ်တဂ့ၤ.+ ၅ နီၢ်ကီၢ်န့ၣ် ပှၤစူၤရံဖိ, အ့ဖရဲၣ် အပှၤဂီၢ်မုၢ် ဒီးစီၤရမါလယၤ အဖိခွါန့ၣ် အဝဲသ့ၣ် ကူၣ်အၢနၤလီၤ. ဒီးအဝဲသ့ၣ်တဲဝဲလၢ ၆ “ပကလဲၤထီဒါ ယူဒၤအတၢ်လီၢ်တၢ်ကျဲ ဒီးမၤဟးဂီၤကွံာ်အီၤ ဒီးမၤန့ၢ်အီၤလၢ ပနီၢ်ကစၢ်အဂီၢ်ဟီ. ဝံၤဒီးပကပာ်ထီၣ်က့ၤ စီၤတၤဘ့လး အဖိခွါလၢ ယူဒၤအစီၤပၤလီၤ.”+
၇ “‘တၢ်ပၢကစၢ် ယဟိဝၤယွၤ တဲဝဲဒ်အံၤ
“တၢ်ကူၣ်အဝဲန့ၣ် တကဲထီၣ်ဘၣ်
ဒီးအကဲထီၣ်အသး တသ့ဘၣ်.
၈ ကီၢ်စူၤရံ အဝ့ၢ်ခိၣ်မ့ၢ်ဝဲ ဝ့ၢ်ဒၤမ့ၤစ့း
ဒီးဝ့ၢ်ဒၤမ့ၤစ့း အစီၤပၤမ့ၢ်ဝဲ စီၤရစံၣ်လီၤ.
ဒီးလၢ ၆၅ နံၣ် အတီၢ်ပူၤန့ၣ်
အ့ဖရဲၣ် အပှၤဂီၢ်မုၢ် ကဘၣ်တၢ်မၤလီၤကလဲအီၤ လၢာ်လၢာ်ဆ့ဆ့ ဒီးအဝဲသ့ၣ်တကဲ ပှၤတကလုာ် လၢၤဘၣ်.+
ဘၣ်ဆၣ် နမ့ၢ်တအိၣ်ဒီး တၢ်နာ်လၢ အဂၢၢ်ကျၢၤဘၣ်န့ၣ်
နဘီမုၢ် တအိၣ်ဂၢၢ် အိၣ်ကျၢၤဘၣ်.”’”
၁၀ ယဟိဝၤယွၤ ဆဲးတဲ စီၤအၤဃးလၢ ၁၁ “လၢယၤ, နကစၢ် ယဟိဝၤယွၤ အအိၣ်န့ၣ် ဃ့တၢ်ပနီၣ်တခါမီၤ.+ နမ့ၢ်ဃ့တၢ်ပနီၣ်လၢ ကမၤအသးလၢ တၢ်လီၢ်လၢ အယိာ်တုၤလၢ တၢ်သွၣ်ခိၣ်မ့ၢ်ဂ့ၤ,* တၢ်လီၢ်လၢ အထီတုၤလၢ မူကပိာ်လိၤမ့ၢ်ဂ့ၤ ယကဟ့ၣ်လီၤနၤလီၤ.” ၁၂ ဘၣ်ဆၣ် စီၤအၤဃးတဲဝဲလၢ “ယတဃ့ဘၣ် ဒီးယတမၤကွၢ် ယဟိဝၤယွၤဘၣ်.”
၁၃ ဝံၤဒီး စီၤယၡါယၤ တဲဝဲလၢ “သုဝဲလၢအမ့ၢ် စီၤဒၤဝံး အစၢၤအသွဲၣ်သ့ၣ်ဧၢ, ဝံသးစူၤ ဒိကနၣ်သၢၤ. သုမၤကွၢ် ပှၤကညီ အတၢ်ဝံသးစူၤန့ၣ် တလၢပှဲၤလၢ သုဂီၢ်ဒံးဧီၤ. မ့ၢ်သုကဘၣ်မၤကွၢ် ကစၢ်ယွၤ အတၢ်ဝံသးစူၤ စ့ၢ်ကီးဧါ.+ ၁၄ ဘၣ်ဆၣ် ယဟိဝၤယွၤ အနီၢ်ကစၢ် ကဒုးနဲၣ်သု တၢ်ပနီၣ်တခါလီၤ. ပိာ်မုၣ်သးစၢ်တဂၤ* ကဒၢထီၣ် ဒီးအဝဲကအိၣ်ဖျဲၣ်ထီၣ်ဝဲ ဖိခွါတဂၤ+ ဒီးကကိးန့ၢ်ဝဲ အမံၤလၢ ဧံးမၤနူၤအ့လးလီၤ.*+ ၁၅ တချုးလၢအဝဲ သ့ၣ်ညါနီၤဖး တၢ်ဂ့ၤဒီးတၢ်အၢဒံးဘၣ်န့ၣ် လၢကီၢ်ပူၤန့ၣ် ကအိၣ်တ့ၢ်က့ၤထဲ ထီပး ဒီးကနဲစီလၢ အဝဲကအီၣ်ဝဲအဂီၢ်လီၤ. ၁၆ တချုးလၢ ဖိသၣ်ပိာ်ခွါတဂၤန့ၣ် သ့ၣ်ညါနီၤဖး တၢ်ဂ့ၤဒီးတၢ်အၢဒံးဘၣ်အခါ စီၤပၤခံဂၤလၢ သုပျံၤအီၤန့ၣ် ပှၤတအိၣ်လၢ အဝဲသ့ၣ်အကီၢ်ပူၤ နီတဂၤလၢၤဘၣ်.+ ၁၇ စီၤအၤဃးဧၢ, ယဟိဝၤယွၤ ကဆှၢလီၤ ကီၢ်အၤၡူၢ်အစီၤပၤ+ အဃိ နၤ, နပှၤဂီၢ်မုၢ် ဒီးနပၢ် အဒူၣ်ဖိထၢဖိတဖၣ် ကထံၣ်ဘၣ် တၢ်ဆၢကတီၢ်လၢ အကီအခဲလီၤ. ဒီးစးထီၣ်လၢ အ့ဖရဲၣ် ထုးလီၤဖးအသးဒီး ယူဒၤအဘီမုၢ် လံၤလံၤန့ၣ်+ တၢ်ဆၢကတီၢ်လၢ အကီအခဲ တဟဲကဲထီၣ်အသး နးထဲအံၤ နီတဘျီဒံးဘၣ်.
၁၈ “ဖဲန့ၣ်အဆၢကတီၢ် ဒ်သိးယဟိဝၤယွၤ ကကိး သၣ်ဘုလါတဖၣ်လၢ အအိၣ်လၢ ကီၢ်အဲၤကူပတူး အထံကျိနံၤလါ အဒ့အတြၢ်လၢ အအိၣ်ယံၤတဖၣ် ဒီးကနဲတဖၣ်လၢ အအိၣ်လၢ ကီၢ်အၤၡူၢ် အဂီၢ် အဝဲကကွ့ကလံၤလီၤ. ၁၉ ဒီးအဝဲသ့ၣ် ခဲလၢာ် ကဟဲစီၢ်လီၤဝဲလၢ ကစၢၢ်ကဆူး, လၢၢ်ကဆူးလ့ကဆူး, သပှီာ်တၤဆှုၣ်ခဲလၢာ်အလိၤ ဒီးလၢကယဲၢ် တၢ်လီၢ်လၢ ဆၣ်ဖိကီၢ်ဖိတဖၣ် အီထံန့ၣ်လီၤ.
၂၀ “ဖဲန့ၣ်အဆၢကတီၢ် ယဟိဝၤယွၤ ကလူၤကွံာ် သုခိၣ်ဆူၣ်, သုခီၣ်ဆူၣ် ဒီးသုခၣ်ဆူၣ် ခီဖျိလၢ ကီၢ်အၤၡူၢ်အစီၤပၤလီၤ.+ စီၤပၤန့ၣ် လီၤဂာ်ဒ်သိးဒီး ဒီလူၤတဘ့ၣ်လၢ အဘၣ်တၢ်ဒိးလဲအီၤလၢ ထံကျိ* အဟီၣ်ကဝီၤလီၤ.
၂၁ “ဖဲန့ၣ်အဆၢကတီၢ် ပှၤတဂၤ ကပာ်မူက့ၤဝဲထဲ အကျီၢ်မိၢ်တဒု ဒီးအသိခံဒုလီၤ. ၂၂ ဒီးခီဖျိလၢ တၢ်နုၢ်ထံ အိၣ်ဒီဒူၣ်အဃိ အဝဲကအီၣ် ထီပးလီၤ. ဒီးကအိၣ်တ့ၢ်က့ၤထဲ ထီပး ဒီးကနဲစီလၢ ပှၤကိးဂၤဒဲးလၢ အအိၣ်တ့ၢ်လၢ ကီၢ်ပူၤ ကအီၣ်ဝဲအဂီၢ်လီၤ.
၂၃ “ဒီးလၢညါ တၢ်လီၢ်လၢ အအိၣ်ဒီး စပံးမုၢ်အမုၢ် ၁,၀၀၀ လၢအပှ့ၤကြၢးဒီး စ့ညၣ်အဘ့ၣ် ၁,၀၀၀ ကိးတီၤဒဲးန့ၣ် ကအိၣ်တ့ၢ်က့ၤထဲ သပှီာ်တၤဆှုၣ် ဒီးနီၣ်တဖၣ်လီၤ. ၂၄ ခီဖျိလၢ ဟီၣ်ကဝီၤန့ၣ် ကအိၣ်ပှဲၤဝဲဒီး သပှီာ်တၤဆှုၣ် ဒီးနီၣ်တဖၣ်အဃိ ပှၤလၢအလဲၤဖဲန့ၣ်တဖၣ် ကစိာ်ဝဲဒီး ချံၣ်ဒီးပျၢ်လီၤ. ၂၅ ဒီးခီဖျိလၢ သပှီာ်တၤဆှုၣ် ဒီးနီၣ်တဖၣ် ကအိၣ်ထီၣ်ဝဲလၢ ကယဲၢ်ကစၢၢ်ကလိတဖၣ်လၢ ပှၤဖျးပာ်စၢၤ နီၣ်လၢ နီၣ်ဖျးဟီၣ်ခိၣ်တဖၣ် အဃိ လၢခံ နလဲၤဘူးဖဲန့ၣ် တဘူၣ်လၢၤဘၣ်. ဒီးကစၢၢ်ကလိတဖၣ်အံၤ ကကဲထီၣ်က့ၤ ကျီၢ်ဒီးသိ အီၣ်ဆၣ်အလီၢ်လီၤ.”
၈ ယဟိဝၤယွၤ တဲယၤလၢ “ဟံးန့ၢ် သ့ၣ်ဘ့ၣ်ဘၣ် ဖးလဲၢ်တဘ့ၣ်+ ဒီးကွဲးလီၤတၢ်လၢ အလိၤလၢ ထိၣ်ဒံးဘိယိယိတဘိ ဒ်အံၤ, ‘မဟၢ်ၡလးဃၤၡဘး’* ၂ ဒီးဒ်သိး ကပာ်ဂၢၢ်ပာ်ကျၢၤအီၤအဂီၢ် ယအဲၣ်ဒိးလၢ ပှၤအုၣ်အသးလၢအတီ လၢအမ့ၢ် ပှၤလုၢ်တၢ်ဒိၣ် စီၤအူၤရံယၤ+ ဒီးစီၤယဘ့းရ့ကယၤ အဖိခွါ စီၤစကၤရယၤန့ၣ် ကကွဲးလီၤဝဲစ့ၢ်ကီးလီၤ.”
၃ ဝံၤဒီးယမံဃုာ်ဒီး ဝံမုၣ်တဂၤလီၤ.* အဝဲဒၢထီၣ် ဒီးလၢခံန့ၣ် အိၣ်ဖျဲၣ်ထီၣ် ဖိခွါတဂၤ+ ဒီးယဟိဝၤယွၤ တဲယၤလၢ “ကိးန့ၢ်အမံၤလၢ စီၤမဟၢ်ၡလးဃၤၡဘး တက့ၢ်. ၄ တချုးလၢ ဖိသၣ်ပိာ်ခွါအံၤ ကိး ‘မိ’ ကိး ‘ပါ’ သ့ဒံးဘၣ်န့ၣ် ဝ့ၢ်ဒၤမ့ၤစ့း အတၢ်ထူးတၢ်တီၤ ဒီးတၢ်လုၢ်ဒိၣ်ပှ့ၤဒိၣ် လၢအအိၣ်လၢ ဝ့ၢ်ၡၤမရံအပူၤန့ၣ် ကဘၣ်တၢ်လဲၤစိာ်အီၤလၢ ကီၢ်အၤၡူၢ်အစီၤပၤ အမဲာ်ညါလီၤ.”+
၅ ယဟိဝၤယွၤ တဲကဒီးယၤလၢ
၆ “ပှၤဂီၢ်မုၢ်အံၤ ဂ့ၢ်လိာ်ကွံာ် ၡံလိာ် အထံကျိၤတဖၣ်လၢ အယွၤလီၤဝဲ ကယီကယီ+
ဒီးအဝဲသ့ၣ် အိၣ်ဃူဝဲ စီၤရစံၣ် ဒီးစီၤရမါလယၤ အဖိခွါလီၤ.+
ပှၤအၤၡူၢ်ဖိန့ၣ် ကလီၤဂာ်ဒ်သိးဒီး ထံကျိဖရၤသး အထံဒိၣ်ထီၣ်လၢ
အလုၢ်ဘၢကွံာ် ထံကၢၢ်နံၤ ခဲလၢာ်လီၤ.
၈ ဒီးအကလီၤဂာ် ဒ်သိးဒီး ထံယွၤလီၤဆူၣ်ဆူၣ်လၢ ယူဒၤ အဟီၣ်ကဝီၤပူၤ
ဒီးထံကဒိၣ်ထီၣ် တုၤလၢ ပှၤကိာ်ဘိလီၤ.+
၉ သုဝဲပှၤဂီၢ်မုၢ်တဖၣ်သ့ၣ်ဧၢ, သုကမၤဘၣ်ဒိဘၣ်ထံးတၢ်, ဘၣ်ဆၣ် သုကဘၣ် တၢ်မၤဟးဂီၤကွံာ်သုလီၤ.
သုဝဲလၢအအိၣ်လၢ တၢ်လီၢ်ဖးယံၤသ့ၣ်ဧၢ, ကနၣ်တက့ၢ်.
သုကအိၣ်ကတဲာ်ကတီၤသုသးလၢ တၢ်ဒုးအဂီၢ်, ဘၣ်ဆၣ် သုကဘၣ် တၢ်မၤဟးဂီၤကွံာ်သုလီၤ.+
သုကအိၣ်ကတဲာ်ကတီၤသုသးလၢ တၢ်ဒုးအဂီၢ်, ဘၣ်ဆၣ် သုကဘၣ် တၢ်မၤဟးဂီၤကွံာ်သုလီၤ.
၁၀ သုကကူၣ်ထီၣ်တၢ် ဘၣ်ဆၣ် သုတၢ်ကူၣ် ကဘၣ်တၢ်မၤဟးဂီၤ ကွံာ်အီၤလီၤ.
ဒီးသုကရဲၣ်ကျဲၤတၢ်လၢ သုအဲၣ်ဒိးမၤ, ဘၣ်ဆၣ် အတကဲထီၣ် လိၣ်ထီၣ်ဘၣ်
မ့ၢ်လၢ ကစၢ်ယွၤ အိၣ်ဒီးပှၤ အဃိလီၤ.*+
၁၁ ယဟိဝၤယွၤ အစုလၢအပှဲၤဒီး တၢ်စိတၢ်ကမီၤန့ၣ် အိၣ်လၢယလိၤ ဒီးဒ်သိး ယသုတမၤပိာ်ထွဲ ဒ်ပှၤဂီၢ်မုၢ်အံၤ မၤဝဲအသိးတဂ့ၤအဂီၢ် အဝဲဟ့ၣ်ပလီၢ်ယၤလၢ,
၁၂ “ပှၤဂီၢ်မုၢ်အံၤ မ့ၢ်တဲလၢ ပှၤကူၣ်ထီၣ်တၢ်အၢလံ သနာ်က့ သုတဘၣ်တဲလၢ ပှၤကူၣ်ထီၣ်တၢ်အၢတဂ့ၤ.
တၢ်လၢအဝဲသ့ၣ် ပျံၤဝဲန့ၣ် တဘၣ်ပျံၤတဂ့ၤ.
ဒီးတဘၣ် ကနိးကစုာ်တဂ့ၤ.
၁၃ တၢ်သုးမုၢ်ဂီၢ်မုၢ် အကစၢ် ယဟိဝၤယွၤန့ၣ် သုကဘၣ်သ့ၣ်နီၣ်ထီၣ်က့ၤလၢ အဝဲမ့ၢ် ပှၤလၢအစီဆှံလီၤ.+
အဝဲမ့ၢ် ပှၤလၢ သုကဘၣ်ပျံၤအီၤ
ဒီးအဝဲမ့ၢ် ပှၤလၢ သုက ဘၣ်ပာ်ကဲအီၤလီၤ.”+
၁၄ ဒီးအဝဲ ကကဲထီၣ် ဒ်သိးဒီး တၢ်စီဆှံအလီၢ်
ဘၣ်ဆၣ် အဝဲကကဲထီၣ်စ့ၢ်ကီး ဒ်သိးဒီး လၢၢ်တဖျၢၣ်လၢ ပှၤခီၣ် ကဘၣ်တိၢ်အဂီၢ်+
ဒီးလၢၢ်တဖျၢၣ်လၢ ပှၤကလီၤဃံၢ်အဂီၢ်
လၢအံၣ်စရ့လး အဘီမုၢ်ခံဘ့ၣ် အပူၤလီၤ.
အဝဲကလီၤဂာ်ဒီး ထုဒီးပျံၤသကွီၤလၢ
ပှၤလၢအအိၣ်လၢ ဝ့ၢ်ယရူၤၡလ့ၣ် အပူၤတဖၣ် အဂီၢ်လီၤ.
၁၅ အဝဲသ့ၣ် အါဂၤန့ၣ် အခီၣ်ကဘၣ်တိၢ်, ကလီၤဃံၢ် ဒီးကဘၣ်ဒိလီၤ.
အဝဲသ့ၣ် ကလီၤဘၣ်လၢ ပျံၤသကွီၤအပူၤ ဒီးကဘၣ်တၢ်ဖီၣ်န့ၢ်အီၤလီၤ.
၁၆ ထူတလံးထီၣ် တၢ်အုၣ်အသးလၢ ဘၣ်တၢ်ပာ်ဂၢၢ်ပာ်ကျၢၤအီၤ
ဒီးဟ့ၣ်လီၤ တၢ်သိၣ်တၢ်သီ* ထဲလၢယပျဲၢ်ယဘီၣ်တဖၣ် အအိၣ်တက့ၢ်.
၁၇ ယဟိဝၤယွၤ လၢအပာ်တဒၢကွံာ် အမဲာ်လၢ စီၤယၤကိာ်+ အစၢၤအသွဲၣ်န့ၣ် ယကအိၣ်ခိးကွၢ်လၢ်အီၤ+ ဒီးယကမုၢ်လၢ်တၢ် လၢအီၤလီၤ.
၁၈ ကွၢ်မီၤ, လၢပှၤအံၣ်စရ့လးဖိတဖၣ် အကျါန့ၣ် ယၤဒီးဖိသၣ်တဖၣ်လၢ ယဟိဝၤယွၤ ဟ့ၣ်လီၤယၤန့ၣ်+ လီၤဂာ်ဒ်သိးဒီး တၢ်ပနီၣ်ဒီး+ တၢ်လီၤလးတဖၣ်လၢ အဟဲလၢ ယဟိဝၤယွၤ အအိၣ်လီၤ. ကစၢ်ယွၤမ့ၢ် တၢ်သုးမုၢ်ဂီၢ်မုၢ်အကစၢ် ဒီးအအိၣ်ဝဲလၢ ကစၢၢ်စံယိၣ်လီၤ.
၁၉ ဒီးဘၣ်သ့ၣ်သ့ၣ် အဝဲသ့ၣ် ကတဲသုလၢ “ဃ့တၢ်ဟံးစုနဲၣ်ကျဲလၢ ပှၤလၢအဆဲးကျိးဒီး ပှၤသံ ဒီးပှၤလၢ အဟီဆိပာ်စၢၤတၢ်တဖၣ် လၢအတဲတၢ်ကသွံဒံ ဒီးတဲတၢ် ကတူၢ်ကတူၢ်တဖၣ်န့ၣ် အအိၣ်သၢၤ.” ဘၣ်ဆၣ် ပှၤကြၢးဃ့တၢ်မၤစၢၤလၢ အဝဲသ့ၣ် အကစၢ်ယွၤ အအိၣ်တမ့ၢ်ဧီၤ. ပှၤမူတဖၣ် တကြၢးဃ့တၢ်ဟံးစုနဲၣ်ကျဲလၢ ပှၤသံတဖၣ်အအိၣ်ဘၣ်.+ ၂၀ အဝဲသ့ၣ် ကြၢးဃုတၢ်ဟံးစုနဲၣ်ကျဲလၢ တၢ်သိၣ်တၢ်သီ ဒီးတၢ်အုၣ်အသးလၢ ဘၣ်တၢ်ပာ်ဂၢၢ်ပာ်ကျၢၤအီၤ အပူၤလီၤ.
အဝဲသ့ၣ် မ့ၢ်တတဲတၢ်ဒ် ကစၢ်ယွၤ အတၢ်ကတိၤ အိၣ်ဝဲအသိးဘၣ်န့ၣ် အဝဲသ့ၣ် တအိၣ်ဒီး တၢ်ကပီၤဘၣ်.+ ၂၁ ဒီးအဝဲသ့ၣ်တဂၤစုာ်စုာ် ကလီၤဘဲ, ကဘၣ်ကီဘၣ်ခဲ, ကဟးဝ့ၤဝီၤလၢ ကီၢ်ပူၤလီၤ.+ ဒီးခီဖျိလၢ အလီၤဘဲ* ဒီးအသးဒိၣ်ထီၣ်တၢ်အဃိ ကကွၢ်ထီၣ်တၢ် ဒီးကဆိၣ်အၢ အစီၤပၤ ဒီးအကစၢ်ယွၤလီၤ. ၂၂ ဒီးအဝဲသ့ၣ် ကကွၢ်တရံးတၢ် ဒီးကထံၣ်ထဲ တၢ်ခံးတၢ်နၤ, တၢ်ကိၢ်တၢ်ဂီၤ, တၢ်ကီတၢ်ခဲ, တၢ်သးဟးဂီၤ ဒီးတၢ်ကပီၤ တအိၣ်နီတစဲးဘၣ်.
၉ ဘၣ်ဆၣ် တၢ်ခံးတၢ်နၤ တဟဲအိၣ်ထီၣ် နးထဲသိးဒီး လၢညါဖဲ စဘူလိၣ် အတၢ်လီၢ်တၢ်ကျဲ ဒီးနးသၤလံ အတၢ်လီၢ်တၢ်ကျဲ ဘၣ်တၢ်ဆိကမိၣ်ဆံးအီၤ+ ဒီးအိၣ်ဝဲဒီး တၢ်ကီတၢ်ခဲအခါန့ၣ်ဘၣ်. ဘၣ်ဆၣ် ခါဆူညါန့ၣ် ကစၢ်ယွၤ ကမၤဝဲဒ်သိး တၢ်လီၢ်အဝဲန့ၣ် ကဒိးန့ၢ်ဘၣ် တၢ်လၤကပီၤအဂီၢ်လီၤ. တၢ်လီၢ်အဝဲန့ၣ် ပၣ်ဃုာ်ဒီး ကၤလံၤလါလၢ ပှၤကလုာ်တဖၣ် အိၣ်ဝဲလၢအပူၤ, ပီၣ်လဲၣ်အကျဲ ဒီးထံကျိယၢ်ဒ့ၣ် အဟီၣ်ကဝီၤလီၤ.
၂ ပှၤလၢအဟးလၢ တၢ်ခံးကျါန့ၣ်
အဝဲသ့ၣ်ထံၣ်ဘၣ် တၢ်ကပီၤ ဖးဒိၣ်လံ.
ဒီးပှၤလၢအအိၣ်လၢ တၢ်ခံးသူ ဖးဒိၣ်အပူၤန့ၣ်
တၢ်ကပီၤဆဲးလီၤဘၣ် အဝဲသ့ၣ်လံ.+
၃ နမၤဒိၣ်ထီၣ် ပှၤတကလုာ်
ဒီးနဒုးသူၣ်ဖှံသးညီ အဝဲသ့ၣ်ဒိၣ်မးလီၤ.
အဝဲသ့ၣ် သူၣ်ဖှံသးညီလၢ နမဲာ်ညါ
ဒ်သိးဒီး ပှၤဂီၢ်မုၢ်လၢ အသူၣ်ဖှံသးညီဖဲ ကူးတၢ်အဆၢကတီၢ်
ဒီးဒ်ပှၤလၢ အသးခု ဖဲအဝဲသ့ၣ် နီၤလီၤလိာ်သး တၢ်လၢ အဂုာ်န့ၢ်ဝဲလီၤ.
၄ ဒီးအဝဲသ့ၣ် အနီၣ်ယိးဘိ,
နီၣ်က့လၢ ပှၤတီၢ်အဖံဘၣ်ခိၣ် ဒီးပှၤလၢအမၢဆူၣ် အဝဲသ့ၣ်လၢ ကမၤတၢ်တဖၣ် အနီၣ်တီၢ်န့ၣ် နမၤကၢ်ကွံာ်အီၤ
ဒ်သိးဒီး မုၢ်တနံၤဖဲ ကီၢ်မံးဒယၣ် ဘၣ်တၢ်မၤနၢၤကွံာ်အီၤန့ၣ်လီၤ.+
၅ ပှၤသုးဖိအခီၣ်ဖံး ခဲလၢာ်လၢ အမၤဟူးဝး ဟီၣ်ခိၣ်
ဒီးအတၢ်ကူတၢ်ကၤ ခဲလၢာ်လၢ အဘၣ်အၢဒီး တၢ်သွံၣ်န့ၣ်
ကကဲထီၣ် မ့ၣ်အူဆၣ်လီၤ.
တၢ်ကကိးအမံၤလၢ ပှၤဟ့ၣ်ကူၣ်တၢ်လၢအဂ့ၤ,+ ယွၤလၢ အစိကမီၤဒိၣ်တဂၤ,+ တၢ်အထူအယိာ် အပၢ် ဒီးတၢ်ဃူတၢ်ဖိး အပဒိၣ်ဖးဒိၣ်လီၤ.
၇ အဝဲကပၢတၢ်လၢ စီၤဒၤဝံး အလီၢ်ပစိာ်+ အဖီခိၣ်လၢ အဘီမုၢ်ပူၤ
ဒီးအတၢ်ပၢန့ၣ် ကရၤလီၤအသး သကုၤဆးဒး
ဒီးတၢ်မုာ်တၢ်ခုၣ် အကတၢၢ် တအိၣ်ဘၣ်.+
ဒီးအဘီမုၢ် ကဆဲးအိၣ်သူၣ်လီၤ အသးလၢ
တၢ်စံၣ်ညီၣ်တီ+ ဒီးတၢ်တီတၢ်လိၤ+ အဖီခိၣ်ကျၢၤကျၢၤ+
စးထီၣ်ဖဲန့ၣ် ဒီးခါဆူညါ လီၤထူလီၤယိာ်လီၤ.
တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အသးဆူၣ်လၢ ကမၤဝဲဒ်အံၤ သပှၢ်ကတၢၢ်လီၤ.
၈ ယဟိဝၤယွၤ ဆှၢလီၤတၢ်စံၣ်ညီၣ် အကစီၣ်လၢ စီၤယၤကိာ် အစၢၤအသွဲၣ်အအိၣ်
ဒီးတၢ်ကစီၣ်န့ၣ် ဟဲဘၣ်ဝဲ အံၣ်စရ့လး အပှၤဂီၢ်မုၢ်လီၤ.+
၉ ဒီးပှၤဂီၢ်မုၢ်ခဲလၢာ် ဃုာ်ဒီး
အ့ဖရဲၣ် အပှၤဂီၢ်မုၢ် ဒီးပှၤလၢအအိၣ်လၢ ဝ့ၢ်ၡၤမရံအပူၤန့ၣ် ကသ့ၣ်ညါဝဲ တၢ်ကစီၣ်တခါန့ၣ်လီၤ.
လၢတၢ်ပာ်ထီၣ်ထီသး ဒီးတၢ်တပာ်ကဲတၢ်အပူၤ အဝဲသ့ၣ် တဲဝဲလၢ
၁၀ “ဟံၣ်လၢ အဘၣ်တၢ်တ့ထီၣ်အီၤလၢ အူးခဲန့ၣ် လီၤပှီၢ်လံ.
ဘၣ်ဆၣ် ပကက့ၤသူၣ်ထီၣ်က့ၤအီၤလၢ လၢၢ်တဖၣ်လီၤ.+
သိးဝံာ်ဒၢအထူၣ်တဖၣ် ဘၣ်တၢ်ကူာ်လီၤကွံာ်အီၤလံ.
ဘၣ်ဆၣ် ပကသူကဒါက့ၤလၢ သ့ၣ်ဆှိအ့ရ့းတဖၣ်လီၤ.”*
၁၁ ယဟိဝၤယွၤ ကထိၣ်ဟူးထိၣ်ဂဲၤထီၣ် စီၤရစံၣ် အဒုၣ်အဒါတဖၣ်လၢ ကထီဒါအဝဲ*
ဒီးကထိၣ်ဟူးထိၣ်ဂဲၤထီၣ် အံၣ်စရ့လး အဒုၣ်အဒါတဖၣ်လၢ ကဒုးတၢ် အဂီၢ်လီၤ.
၁၂ ပှၤစူၤရံဖိ ကဟဲလၢမုၢ်ထီၣ်တခီ ဒီးပှၤဖလ့ၡသးဖိ ကဟဲလၢ မုၢ်နုာ်တခီ+
ဒီးအဝဲသ့ၣ် ကအိးထီၣ် အကိာ်ပူၤ ဒီးကအီၣ်ယူၢ်လီၤကွံာ် အံၣ်စရ့လးလီၤ.+
ဘၣ်ဆၣ် ကစၢ်ယွၤ ကသးဒိၣ်ထီၣ်ဒံး ပှၤအံၣ်စရ့လးဖိတဖၣ်
ဒီးအဝဲကယၤထီၣ်ဒံးအစု ဒ်သိး ကစံၣ်ညီၣ် အဝဲသ့ၣ်အဂီၢ်,+
၁၃ မ့ၢ်လၢ ပှၤဂီၢ်မုၢ်တဖၣ် တဟဲက့ၤ ကဒါက့ၤလၢ ပှၤလၢအစံၣ်ညီၣ် အဝဲသ့ၣ်တဂၤန့ၣ် အအိၣ်ဘၣ် အဃိလီၤ.
ဒီးအဝဲသ့ၣ် တဃု တၢ်သုးမုၢ်ဂီၢ်မုၢ် အကစၢ် ယဟိဝၤယွၤဘၣ်.+
၁၄ လၢတစိၢ်ဖိအတီၢ်ပူၤန့ၣ် ယဟိဝၤယွၤ ကကျီတဲာ်ကွံာ် အံၣ်စရ့လး
၁၅ ပှၤသူၣ်က့သးပှၢ်လၢ အဘၣ်တၢ်ပာ်ကဲအီၤတဖၣ်န့ၣ် မ့ၢ်ဝဲ အခိၣ်
ဒီးဝံလၢ အဟံးစုနဲၣ်ကျဲ ကမၣ်တၢ်တဖၣ်န့ၣ် မ့ၢ်ဝဲ အခံမဲၢ်လီၤ.+
၁၆ ပှၤလၢ အတီခိၣ်ရိၤမဲ ပှၤဂီၢ်မုၢ်အံၤန့ၣ် ဒုးဟးဝ့ၤဝီၤအဝဲသ့ၣ်
ဒီးပှၤလၢအပိာ် ပှၤတီခိၣ်ရိၤမဲတၢ်တဖၣ်အံၤ အခံန့ၣ် အခိၣ်နူာ် ဘံဘူဝဲလီၤ.
၁၇ ခီဖျိလၢ အဝဲသ့ၣ်ခဲလၢာ်န့ၣ် ထီဒါက့ၤ ကစၢ်ယွၤ,* မၤတၢ်အၢတၢ်သီ+
ဒီးတဲတၢ်လၢ အခီပညီ တအိၣ်ဘၣ်အဃိ
ယဟိဝၤယွၤ တဘၣ်သူၣ်ဘၣ်သး ပှၤပိာ်ခွါသးစၢ်တဖၣ်လၢ အဝဲသ့ၣ်အကျါဘၣ်
ဒီးကစၢ်ယွၤ တသးကညီၤ ပှၤဖိၣ်ဃဲဖိ ဒီးပှၤမုၣ်ကမဲတဖၣ်လၢ အဝဲသ့ၣ်အကျါဘၣ်.
ဘၣ်ဆၣ် ကစၢ်ယွၤ ကသးဒိၣ်ထီၣ်ဒံး အဝဲသ့ၣ်
ဒီးအဝဲကယၤထီၣ်ဒံးအစု ဒ်သိး ကစံၣ်ညီၣ် အဝဲသ့ၣ်အဂီၢ်,+
၁၈ မ့ၢ်လၢ တၢ်အၢတၢ်သီတဖၣ် ကဲၤထီၣ်ဝဲ ဒ်မ့ၣ်အူအသိး
ဒီးအီၣ်ကွံာ်ဝဲ သပှီာ်တၤဆှုၣ် ဒီးနီၣ်တဖၣ်လီၤ.
ဒီးအကအူအီၣ်ကွံာ်ဝဲ ပှၢ်ဖးဒိၣ်
ဒီးအမ့ၣ်အူ ကခုၣ်ထီၣ်ဝဲဒ် တၢ်အၢၣ်ခံးသူအသိးလီၤ.
၁၉ ခီဖျိလၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ သးဒိၣ်ထီၣ်တၢ်အဃိ
အဝဲသ့ၣ် အတၢ်လီၢ်န့ၣ် ဘၣ်တၢ်ဒွဲၣ်အူထီၣ်ကွံာ်အီၤလံ
ဒီးပှၤဂီၢ်မုၢ်တဖၣ်န့ၣ် ကကဲထီၣ်ဝဲ မ့ၣ်အူဆၣ်လီၤ.
ဒီးပှၤတဂၤမး တမၤစၢၤ အနီၢ်ကစၢ် အဒီပုၢ်ဝဲၢ်ဘၣ်.
၂၀ ပှၤတဂၤလၢ စုထွဲတခီန့ၣ် ကဒီၣ်လီၤတၢ်ညၣ်တကူာ်
ဘၣ်ဆၣ် ကလီၤဘဲဒံး.*
ဒီးပှၤတဂၤလၢ စုစ့ၣ်တခီန့ၣ် ကအီၣ်တၢ်
သနာ်က့ အီၣ်ဝဲတဘျဲဒံးဘၣ်.
အဝဲသ့ၣ် တဂၤစုာ်စုာ် ကအီၣ်က့ၤ အနီၢ်ကစၢ် အစုအညၣ်လီၤ.
၂၁ မနၤၡ့ၤအဒူၣ် ကအီၣ်ကွံာ် အ့ဖရဲၣ်အဒူၣ်
ဒီးအ့ဖရဲၣ်အဒူၣ် ကအီၣ်ကွံာ် မနၤၡ့ၤအဒူၣ်လီၤ.
အဝဲသ့ၣ် ကပာ်ဖှိၣ်ထီၣ်အသး ဒီးထီဒါ ယူဒၤအပှၤဂီၢ်မုၢ်လီၤ.+
ဘၣ်ဆၣ် ကစၢ်ယွၤ ကသးဒိၣ်ထီၣ်ဒံး အဝဲသ့ၣ်
ဒီးအဝဲကယၤထီၣ်ဒံးအစု ဒ်သိး ကစံၣ်ညီၣ် အဝဲသ့ၣ်အဂီၢ်လီၤ.+
၁၀ ပှၤလၢ အထုးထီၣ် တၢ်သိၣ်တၢ်သီတဖၣ်လၢ အမၤဘၣ်ဒိပှၤဂၤ+
ဒီးဒုးအိၣ်ထီၣ် တၢ်ဘျၢတဖၣ်လၢ ကဲထီၣ်တၢ်ကီတၢ်ခဲလၢ ပှၤဂၤအဂီၢ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၂ အဝဲသ့ၣ် မၤဝဲဒ်န့ၣ် ဒ်သိး ကတြီပှၤဖှီၣ်ဖိယာ်ဖိတဖၣ်လၢ
ကဒိးန့ၢ်ဘၣ် အတၢ်ခွဲးတၢ်ယာ်တဖၣ် ဒီးဒ်သိး ပှၤလၢအပတီၢ်ဖုၣ်လၢ ယပှၤဂီၢ်မုၢ်အကျါ သုတဒိးန့ၢ်ဘၣ် တၢ်စံၣ်ညီၣ်တီ တဂ့ၤအဂီၢ်လီၤ.+
အဃိ အဝဲသ့ၣ် ဂုာ်န့ၢ် မုၣ်ကမဲ အတၢ်ဖိတၢ်လံၤတဖၣ်
ဒီးတၢ်လၢအအိၣ်ဒီး ပှၤဖိၣ်ဃဲဖိ တဖၣ်လီၤ.+
သုကဃ့ တၢ်မၤစၢၤလၢ မတဂၤ အအိၣ်လဲၣ်+
ဒီးသုကပာ်တ့ၢ် သုတၢ်ထူးတၢ်တီၤဒီး မတဂၤလဲၣ်.
၄ သုမၤတၢ်အဂၤတဘၣ် နီတမံၤလၢၤဘၣ်, အိၣ်ဒၣ်လၢ သုကဘၣ် ဆ့ၣ်နီၤကစီၤခီၣ်လၢ ပှၤဃိာ်ဖိ တဖၣ်အကျါ
မ့တမ့ၢ် လီၤဃံၢ်သံလၢ ပှၤလၢအဘၣ် တၢ်မၤသံအီၤတဖၣ်အကျါလီၤ.
ဘၣ်ဆၣ် ကစၢ်ယွၤ ကသးဒိၣ်ထီၣ်ဒံးသု
ဒီးအဝဲကယၤထီၣ်ဒံးအစု ဒ်သိး ကစံၣ်ညီၣ်သု အဂီၢ်လီၤ.+
၅ ကစၢ်ယွၤ တဲဝဲလၢ “ကွၢ်သၢၤ, ပှၤအၤၡူၢ်ဖိ+ မ့ၢ်ဝဲ
နီၣ်တီၢ် လၢယကပာ်ဖျါထီၣ် ယတၢ်သးထီၣ်အဂီၢ်+
ဒီးနီၣ်က့လၢ အဝဲသ့ၣ်အစုပူၤန့ၣ် မ့ၢ်ဝဲလၢ ယကပာ်ဖျါထီၣ် ယတၢ်သးဒိၣ်ထီၣ် အဂီၢ်လီၤ.
ယကမၤလိာ်အီၤလၢ အကဟံးန့ၢ် ဒီးဂုာ်န့ၢ် တၢ်ဖိတၢ်လံၤ အါအါဂီၢ်ဂီၢ်
ဒီးယီၢ်တံၢ်လီၤ အဝဲသ့ၣ်ဒ် ကပံာ်လၢ ကျဲပူၤအသိးလီၤ.+
၇ ဘၣ်ဆၣ် တမ့ၢ်လၢ အဝဲကအဲၣ်ဒိးမၤဝဲလၢ ကျဲဒ်န့ၣ်ဘၣ်.
ဒီးတမ့ၢ်လၢ အကကူၣ်ထီၣ်လၢ အကမၤဝဲဒ်န့ၣ်ဘၣ်,
မ့ၢ်လၢ အနီၢ်ကစၢ် တၢ်ကူၣ်လၢအသးပူၤန့ၣ် မ့ၢ်ဝဲဒၣ်လၢ
အကမၤဟးဂီၤ ပှၤအါကလုာ် ဒီးတမ့ၢ်ထဲ ပှၤစှၤကလုာ်ဘၣ်.
၈ ဒီးအတဲဝဲလၢ
‘ပှၤကိးဂၤဒဲးလၢအကဲ ယပဒိၣ်ဖးဒိၣ်တဖၣ်န့ၣ် မ့ၢ်စ့ၢ်ကီး စီၤပၤတဖၣ် တမ့ၢ်ဧီၤ.+
၉ ဝ့ၢ်ကးလနိၤ+ ကဲထီၣ်အသး ဒ်သိးဒီး ဝ့ၢ်ကၢ်ကမံၣ်+ တမ့ၢ်ဧီၤ.
ဝ့ၢ်ဃမါသး+ ကဲထီၣ်အသး ဒ်သိးဒီး ဝ့ၢ်အၢ်ပး+ တမ့ၢ်ဧီၤ.
ဝ့ၢ်ၡၤမရံ+ ကဲထီၣ်အသး ဒ်သိးဒီး ဝ့ၢ်ဒၤမ့ၤစ့း တမ့ၢ်ဧီၤ.+
၁၀ ဘီမုၢ်တဖၣ်လၢ အအိၣ်ဒီး ယွၤလၢ အဘျုးတအိၣ်ဘၣ်တဖၣ်
ဒီးအတၢ်ဂီၤတၢ်ဖှီၣ်တဖၣ် အိၣ်အါန့ၢ်ဒံး ဝ့ၢ်ယရူၤၡလ့ၣ် ဒီးဝ့ၢ်ၡၤမရံ သနာ်က့ ယမၤန့ၢ်အီၤလံ.+
၁၁ ဝ့ၢ်ယရူၤၡလ့ၣ် ဒီးအတၢ်ဂီၤတၢ်ဖှီၣ်တဖၣ်န့ၣ် ယကမၤစ့ၢ်ကီးအီၤဒ်
ယမၤတ့ၢ် ဝ့ၢ်ၡၤမရံ ဒီးအယွၤ လၢအဘျုးတအိၣ်ဘၣ်တဖၣ်တမ့ၢ်ဧီၤ.’+
၁၂ “ဖဲယၤ, ယဟိဝၤယွၤ မၤဝံၤ ယတၢ်မၤလၢ ကစၢၢ်စံယိၣ်ဒီး လၢဝ့ၢ်ယရူၤၡလ့ၣ်အပူၤ ဝံၤဝဲ ခဲလၢာ်အခါ ယကစံၣ်ညီၣ် ကီၢ်အၤၡူၢ်အစီၤပၤ ခီဖျိလၢ အတၢ်ပာ်ကဲ တအိၣ်ဘၣ်, အပာ်ထီၣ်ထီအသး ဒီးအပာ်ကဖၢလၢ အသးအဃိလီၤ.+ ၁၃ ကီၢ်အၤၡူၢ် အစီၤပၤ တဲဝဲလၢ
‘ယမ့ၢ် ပှၤကူၣ်တၢ်သ့ အဃိ ယကမၤလၢ ယဂံၢ်ယဘါ
ဒီးယတၢ်ကူၣ်သ့လီၤ.
ယကသုးကွံာ် ပှၤတဖၣ်န့ၣ် အဟီၣ်ခိၣ်လီၢ်အဆၢတဖၣ်,+
ယကဟံးန့ၢ် အဝဲသ့ၣ် အတၢ်လုၢ်ဒိၣ်ပှ့ၤဒိၣ်တဖၣ်+
ဒီးယကမၤနၢၤ ပှၤအိၣ်ဖဲန့ၣ်တဖၣ် ဒ်ပှၤဒူပှၤဃိၤတဂၤ မၤဝဲအသိးလီၤ.+
၁၄ ယကမၤန့ၢ် ပှၤတဖၣ်န့ၣ် အတၢ်ထူးတၢ်တီၤတဖၣ်
ဒ်ပှၤတဂၤ ဂိာ်လီၤအစုလၢ ထိၣ်အသွံပူၤအသိးလီၤ.
ဒီးဒ်ပှၤတဂၤ ထၢဖှိၣ် ထိၣ်ဒံၣ်လၢ အဘၣ်တၢ်ပာ်တ့ၢ်အီၤအသိး
ယကထၢဖှိၣ် တၢ်ခဲလၢာ်လၢ အအိၣ်လၢ ဟီၣ်ခိၣ်ချၢလီၤ.
ထိၣ်တဘ့ၣ်မး တသလၣ်ထီၣ်အဒံး, အိးထီၣ်အကိာ်ပူၤ ဒီးကိးသီၣ်ဘၣ်.’”
၁၅ ကွါန့ၣ် မ့ၢ်အကပာ်ထီၣ်ထီအသးလၢ ပှၤလၢအသူအီၤ လၢကဖျးတၢ်တဂၤန့ၣ် အဖီခိၣ်ဧါ.
လွးန့ၣ် မ့ၢ်အကပာ်ထီၣ်ထီအသးလၢ ပှၤလၢအဘူးလွးန့ၣ် အဖီခိၣ်ဧါ.
နီၣ်က့န့ၣ်+ မ့ၢ်အဝံၢ်ဝၢ်ဝဲ ပှၤလၢအစိာ်ထီၣ်အီၤန့ၣ် ကသ့ဧါ.
နီၣ်တီၢ်န့ၣ် မ့ၢ်အစိာ်ထီၣ် ပှၤလၢအဖီၣ်ဃာ်အီၤန့ၣ် ကသ့ဧါ.
၁၆ အဃိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် ကစၢ်လၢ အမ့ၢ်အတီတဂၤန့ၣ်
ကမၤဝဲဒ်သိး ကီၢ်အၤၡူၢ် အပှၤလၢအဘီၣ်တဖၣ်အံၤ ကဃဲၤသံ အဂီၢ်လီၤ.+
ဒီးကစၢ်ယွၤ ကမၤကဲၤထီၣ် မ့ၣ်အူလၢ အကဲၤကပျီၤထီၣ် လၢကီၢ်အၤၡူၢ် အလၤကပီၤ အဖီလာ်လီၤ.+
လၢတစိၢ်ဖိအတီၢ်ပူၤန့ၣ် အကကဲၤကပျီၤထီၣ် ဒီးအီၣ်ကွံာ် အ* နီၣ်တဖၣ် ဒီးအသပှီာ်တၤဆှုၣ်တဖၣ်လီၤ.
၁၈ ကီၢ်အၤၡူၢ် အပှၢ်ဒိၣ်ဒီး အတၤသၣ်ကရၢ လၢအဃံအလၤန့ၣ် ကစၢ်ယွၤ ကမၤဟးဂီၤဝဲ ခဲလၢာ်ခဲဆ့
ဒီးအကလီၤဂာ် ဒ်ပှၤဆိးက့တဂၤလၢ ဒံးယံာ်ဒံးဃဲၤလီၤ အသိးလီၤ.+
၁၉ သ့ၣ်လၢအအိၣ်လၢ အပှၢ်ဒိၣ်ပူၤန့ၣ်
ကစှၤလီၤ တုၤဒၣ်လဲာ် ဖိသၣ်ဖိတဂၤ ဂံၢ်ဝဲသ့လီၤ.
၂၀ ဖဲန့ၣ်အဆၢကတီၢ် ပှၤအံၣ်စရ့လးဖိ လၢအအိၣ်တ့ၢ်
ဒီးစီၤယၤကိာ် အစၢၤအသွဲၣ်လၢ အမူဒံးတဖၣ်န့ၣ်
တသန့ၤအသးလၢ ပှၤတဂၤလၢ အဟဲဒုး အဝဲသ့ၣ်လၢၤဘၣ်.+
လၢတၢ်န့ၣ်အလီၢ် အဝဲသ့ၣ် ကသန့ၤအသးလၢ ယဟိဝၤယွၤ
လၢအမ့ၢ် အံၣ်စရ့လး အပှၤစီဆှံတဂၤန့ၣ်အအိၣ် လၢတၢ်သးတီ အပူၤလီၤ.
၂၁ ပှၤကဟဲက့ၤကဒါက့ၤ ထဲစှၤဂၤလီၤ.
စီၤယၤကိာ် အစၢၤအသွဲၣ်လၢ အအိၣ်တ့ၢ်စှၤဂၤန့ၣ် ကဟဲက့ၤကဒါက့ၤလၢ ကစၢ်ယွၤလၢ အစိဒိၣ်ကမီၤထီတဂၤ အအိၣ်လီၤ.+
၂၂ ပှၤအံၣ်စရ့လးဖိဧၢ, ကစၢ်ယွၤ ဆၢတဲာ်ပာ်စၢၤဝဲလၢ
သုပှၤဂီၢ်မုၢ်အံၤ ကဘၣ်တၢ်မၤ ဟးဂီၤအီၤ+
ဒီးတၢ်စံၣ်ညီၣ်လၢ အတီအလိၤ ကဟဲဘၣ်သု ဒ်ထံလုၢ်ဘၢတၢ် အသိးလီၤ.+
သုပှၤနီၣ်ဂံၢ် မ့ၢ်အါထဲသိးဒီး ပီၣ်လဲၣ် အမဲးတဖၣ် ဘၣ်ဆၣ်
သုကဟဲက့ၤကဒါက့ၤ ထဲစှၤဂၤလီၤ.+
၂၃ တၢ်မၤဟးဂီၤတၢ်လၢ တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤ ဆၢတဲာ်ပာ်စၢၤဝဲန့ၣ်
ကကဲထီၣ်အသးလၢ ထံကီၢ်ဒီတဘ့ၣ်ညါအပူၤ သပှၢ်တၢၢ်လီၤ.+
၂၄ အဃိ တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ “ယပှၤဂီၢ်မုၢ် လၢအအိၣ်လၢ စံယိၣ်သ့ၣ်ဧၢ, ပှၤအၤၡူၢ်ဖိလၢ အတီၢ်တ့ၢ်သုလၢ နီၣ်တီၢ်+ ဒ်လၢညါ ပှၤအဲၤကူပတူးဖိ မၤဝဲအသိးန့ၣ် တဘၣ်ပျံၤ အဝဲသ့ၣ်တဂ့ၤ.+ ၂၅ တစိၢ်ဖိဒီးန့ၣ် ယတၢ်သးဒိၣ်ထီၣ် ကကတၢၢ်ကွံာ်ဝဲလီၤ. ဒီးယတၢ်သးထီၣ် ကလီၤဘၣ်က့ၤအဝဲသ့ၣ် ဒီးကမၤဟးဂီၤကွံာ် အဝဲသ့ၣ်လီၤ.+ ၂၆ ယၤ, တၢ်သုးမုၢ်ဂီၢ်မုၢ် အကစၢ် ယဟိဝၤယွၤအံၤ ကယၤထီၣ် နီၣ်ဖျ့လၢ အဝဲသ့ၣ်အလိၤ+ ဒ်ယ* မၤနၢၤကွံာ် ပှၤမံးဒယၣ်ဖိ ဖဲအဘူးဒီး လၢၢ်ဧိရ့ာ်အသိးလီၤ.+ ဒီးယကယူာ်ထီၣ် ယနီၣ်ထိးဘိ လၢပီၣ်လဲၣ်အဖီခိၣ် ဒီးဒုးထီၣ်ပီၣ်လဲၣ်အထံ ဒ်ယမၤတ့ၢ် ပှၤအဲၤကူပတူးဖိ အသိးလီၤ.+
၂၇ ဆၢကတီၢ်ဖဲန့ၣ်မ့ၢ်တုၤန့ၣ် တၢ်ဝံတၢ်ယိးလၢ ကီၢ်အၤၡူၢ် အစီၤပၤ ပာ်ထီၣ်ပာ်စၢၤလၢ သုဖံဘၣ်ခိၣ်န့ၣ် ကဘၣ်တၢ်ထုးထီၣ်ကွံာ်အီၤ+
ဒီးနီၣ်ယိးဘိလၢ အပာ်ထီၣ်ပာ်စၢၤဝဲလၢ သုကိာ်ဘိအလိၤန့ၣ် ကဘၣ်တၢ်ဟံးထီၣ်ကွံာ်အီၤလီၤ.+
နီၣ်ယိးဘိအံၤ ကကၢ်ကွံာ်+ ခီဖျိလၢ သိ* အဃိလီၤ.”
၂၈ ပှၤအၤၡူၢ်ဖိလဲၤဒုးဝဲ ဝ့ၢ်ဂဲ+
ဒီးလဲၤခီဂာ် ဝ့ၢ်မံးကြိၣ်လီၤ.
ဒီးအပာ်လီၤ အတၢ်ဖိတၢ်လံၤဖဲ မံးကမၣ်လီၤ.+
၂၉ အဝဲသ့ၣ် လဲၤခီဂာ်ဝဲ ထံဒီၣ်အလီၢ်
ဒီးအဝဲသ့ၣ် မံတ့ၢ်ဝဲဖဲ ဝ့ၢ်က့ဘၤ တနၤလီၤ.+
ပှၤလၢအအိၣ်လၢ ဝ့ၢ်ရၤမါန့ၣ် ကနိးကစုာ် ဒီးပှၤလၢအအိၣ်လၢ ဝ့ၢ်ကံဘဧၤ+ လၢအမ့ၢ် စီၤစီလူး အဝ့ၢ်န့ၣ် ဃ့ၢ်ထီၣ်ကွံာ်ဝဲလီၤ.+
၃၀ ပှၤအိၣ်လၢ ဝ့ၢ်ကးလံၣ်အပူၤသ့ၣ်ဧၢ, ကိးထီၣ် ဒီးကိးပသူတက့ၢ်.
ပှၤအိၣ်လၢ သဝီလ့ၡ့ၣ်အပူၤသ့ၣ်ဧၢ, အိၣ်ပလီၢ်သုသးတက့ၢ်.
ပှၤလၢအလီၤသးကညီၤ လၢအအိၣ်လၢ ဝ့ၢ်ဧၤနသိးသ့ၣ်ဧၢ,+ ကိးပသူထီၣ်တက့ၢ်.
၃၁ ပှၤလၢအအိၣ်လၢ မၤဒမ့ၤနၤန့ၣ် ဃ့ၢ်ထီၣ်ကွံာ်လံ.
ဒီးပှၤလၢအအိၣ်လၢ က့ဘံၣ်န့ၣ် ဟးဃုတၢ်အိၣ်သဒၢအလီၢ်လံ.
၃၂ လၢတနံၤဃီန့ၣ် ပှၤအၤၡူၢ်ဖိ ကလဲၤပတုာ်လၢ ဝ့ၢ်နိၤဘးလီၤ.+
ဒီးအကဒုးနဲၣ် အစုခိၣ်သၣ် လၢပှၤလၢအအိၣ်လၢ ကစၢၢ်စံယိၣ်
လၢအမ့ၢ်ဝဲ ကစၢၢ်လၢ ဝ့ၢ်ယရူၤၡလ့ၣ် အိၣ်ဝဲလၢ အလိၤလီၤ.
၃၃ ကွၢ်သၢၤ, တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် ကစၢ်လၢ အမ့ၢ်အတီတဂၤ
ကျီလီၤသ့ၣ်ဒ့တဖၣ် ဒီးအကၢ်လီၤ သီၣ်ဒိၣ်မးလီၤ.+
သ့ၣ်ထူၣ်လၢ အထီကတၢၢ်တဖၣ် ဘၣ်တၢ်ကူာ်လီၤအီၤ
ဒီးသ့ၣ်ထူၣ်လၢ အဒိၣ်အထီတဖၣ် ဘၣ်တၢ်တွံၢ်လီၤအီၤလီၤ.
၃၄ ကစၢ်ယွၤ ကျီလီၤ သ့ၣ်တပှီာ်တီၣ်လၢ ပှၢ်ပူၤ လၢကွါ
ဒီးပှၤဂံၢ်ဆူၣ်ဘါဆူၣ်တဂၤ ကမၤဟးဂီၤကွံာ် လဘၤနိၣ်အသ့ၣ် တဖၣ်လီၤ.
၂ ယဟိဝၤယွၤ အသးစီဆှံ ကအိၣ်ဝဲ ဆိးဝဲလၢ အလိၤ*+
အဃိ အဝဲကအိၣ်ဒီး တၢ်ကူၣ်သ့,+ တၢ်နၢ်ပၢၢ်,
တၢ်ဟ့ၣ်ကူၣ်လၢအဂ့ၤ, တၢ်ဂံၢ်တၢ်ဘါ,+
တၢ်သ့ၣ်ညါ ဒီးအကပျံၤ ယဟိဝၤယွၤလီၤ.
၃ အဝဲကသးခုလၢ တၢ်ပျံၤ ယဟိဝၤယွၤအပူၤလီၤ.+
အဝဲတစံၣ်ညီၣ်တၢ် ဒ်တၢ်လၢအထံၣ်ဝဲလၢ အမဲာ်အသိးဘၣ်.
ဒီးအတသိၣ်က့ၤသီက့ၤတၢ် ဒ်တၢ်လၢ အနၢ်ဟူဝဲအသိးဘၣ်.+
၄ အဝဲကစံၣ်ညီၣ်န့ၢ်တၢ်လၢ ပှၤပတီၢ်ဖုၣ်တဖၣ်အဂီၢ် တီတီလိၤလိၤလီၤ.
ဒီးအဝဲ ကသိၣ်က့ၤသီက့ၤပှၤဂၤ တီတီလိၤလိၤဒ်သိး အကဒီသဒၢပှၤလၢ အအိၣ်ဒီး တၢ်ဆီၣ်လီၤသးလၢ ဟီၣ်ခိၣ်ချၢအဂီၢ်လီၤ.
အတၢ်ကတိၤတဖၣ် ကလီၤဂာ်ဒ်သိးဒီး နီၣ်တီၢ်လၢ အဝဲကသူဝဲလၢ ကတီၢ်ဟီၣ်ခိၣ်အဂီၢ်+
၅ တၢ်တီတၢ်လိၤန့ၣ် ကလီၤဂာ်ဒ်သိးဒီး ယီၢ်တကိး* လၢအယီၢ်ဒ့လိၤ
ဒီးတၢ်သးတီ ကလီၤဂာ်ဒ်သိးဒီး ယီၢ်တကိးလၢ အယီၢ်ဒ့လိၤ စ့ၢ်ကီးလီၤ.+
၆ ထွံၣ်မံၤ ဒီးသိဖိ ကအိၣ်ဃူအိၣ်ဖိး,+
မဲာ်တဲးလဲး ဒီးခ့စံၣ်ပိၣ် ကကိာ်လီၤ ဒ်သိးသိး
ဒီးကျီၢ်ဖိ, ခ့ယုၢ် ဒီးဆၣ်ဖိကီၢ်ဖိလၢ အဘီၣ်အသိတဖၣ် ကအိၣ် တပူၤဃီလီၤ.*+
ဖိသၣ်ပိာ်ခွါ ကဆှၢအဝဲသ့ၣ်လီၤ.
၇ ကျီၢ် ဒီးတၤသူ ကအီၣ်ဆၣ်ဒ်သိးသိး
ဒီးအဝဲသ့ၣ် အဖိတဖၣ် ကကိာ်လီၤ ဒ်သိးသိးလီၤ.
ခ့ယုၢ် ကအီၣ်နီၣ် ဒ်ကျီၢ်ဖါ အသိးလီၤ.+
၈ ဖိသၣ်အီနုၢ် ကဂဲၤလိာ်ကွဲလၢ ဂုၢ်သီအပူၤခိၣ်ထိး
ဒီးဖိသၣ်ဖှၣ်နုၢ် ကပာ်လီၤအစုလၢ ဂုၢ်လၢအစုၣ်အၢ အပူၤခိၣ်ထိးလီၤ.
ဒီးအဝဲသ့ၣ် တမၤဟးဂီၤတၢ်လၢ ယကစၢၢ် စီဆှံအလိၤ နီတမံၤဘၣ်,+
မ့ၢ်လၢ ဟီၣ်ခိၣ်န့ၣ် ကပှဲၤဝဲဒီး တၢ်သ့ၣ်ညါ ယဟိဝၤယွၤ သပှၢ်တၢၢ်
ဒ်ထံအိၣ်ဘၢ ပီၣ်လဲၣ်အသိးလီၤ.+
၁၀ ဖဲန့ၣ်အဆၢကတီၢ် စီၤယံးၡဲအဂံၢ်န့ၣ်+ ကဆၢထၢၣ် ဒ်သိးဒီး တၢ်ပနီၣ်တခါလၢ ပှၤကလုာ်တဖၣ် အဂီၢ်လီၤ.+
ပှၤကလုာ်တဖၣ် ကဃၣ်အသးဆူ အအိၣ်လၢ ကန့ၢ်ဘၣ် တၢ်ဟံးစုနဲၣ်ကျဲ အဂီၢ်လီၤ.*+
ဒီးအတၢ်အိၣ်တၢ်ဆိးအလီၢ်န့ၣ် ကပှဲၤဒီး အလၤကပီၤလီၤ.
၁၁ ဖဲန့ၣ်အဆၢကတီၢ် ယဟိဝၤယွၤ ကပာ်ဖျါထီၣ်ကဒီး အစိကမီၤ* ခံဘျီတဘျီ ဒ်သိးကမၤစၢၤ အပှၤဂီၢ်မုၢ်လၢ အအိၣ်တ့ၢ်စှၤဂၤအဂီၢ်လီၤ. ကစၢ်ယွၤ ကကိးဖှိၣ်က့ၤ အပှၤဂီၢ်မုၢ်လၢ အအိၣ်လၢ ကီၢ်အၤၡူၢ်,+ ကီၢ်အဲၤကူပတူး,+ ပၤသြိၣ်+ အတၢ်လီၢ်တၢ်ကျဲ, ကီၢ်ကူၤၡး,*+ ဧ့ၤလၣ်+ အဟီၣ်ကဝီၤ, ကီၢ်ၡံနၢ်,*+ ဝ့ၢ်ဃမါသး ဒီးလၢကီးတဖၣ်လၢ ပီၣ်လဲၣ်အပူၤလီၤ. ၁၂ အဝဲကဆီလီၤ တၢ်ပနီၣ်တခါ လၢပှၤကလုာ်တဖၣ် အဂီၢ်လီၤ. ဒီးအဝဲကပာ်ဖှိၣ်က့ၤ ပှၤအံၣ်စရ့လးဖိလၢ အလီၤပြံလီၤပြါတဖၣ်+ ဒီးယူဒၤ အပှၤဂီၢ်မုၢ်လၢ အလီၤပြံလီၤပြါလၢ ဟီၣ်ခိၣ်အနၢၣ် လွံၢ်နၢၣ်န့ၣ်လီၤ.+
၁၃ အ့ဖရဲၣ်အပှၤဂီၢ်မုၢ် တသးက့ၣ်တၢ်လၢၤဘၣ်,+
ဒီးပှၤလၢအထီဒါ ယူဒၤအပှၤဂီၢ်မုၢ်တဖၣ် ကဘၣ်တၢ်မၤဟးဂီၤကွံာ်အီၤလီၤ.
အ့ဖရဲၣ်အပှၤဂီၢ်မုၢ် တသးက့ၣ် ယူဒၤအပှၤဂီၢ်မုၢ်လၢၤဘၣ်
ဒီးယူဒၤအပှၤဂီၢ်မုၢ် တထီဒါ အ့ဖရဲၣ်အပှၤဂီၢ်မုၢ်လၢၤဘၣ်.+
၁၄ အဝဲသ့ၣ် ကပာ်ဖှိၣ်အသး ဒီးကဒုးတၢ်လၢ ပှၤဖလ့ၡသးဖိ အတၢ်လီၤဘံတဖၣ်လၢ* မုၢ်နုာ်တခီ
ဒီးကဂုာ်န့ၢ်ဆူၣ် ပှၤမုၢ်ထီၣ်ဖိတဖၣ် အတၢ်လီၤ.
ဒီးအဝဲကမၤဃ့ထီ* ထံကျိအံၤ အဒ့အတြၢ်နွံကျိ ခီဖျိ အတၢ်ကသါလၢအကိၢ်သွး
ဒီးအဝဲကဒုးလဲၤခီဂာ်ဝဲ အပှၤဂီၢ်မုၢ်လီၤ.
၁၆ ဒီးကစၢ်ယွၤ ကမၤထီၣ် ကျဲမုၢ်ဖးဒိၣ်တဘိလၢ+ အဟးထီၣ်လၢ ကီၢ်အၤၡူၢ်အပူၤ လၢအပှၤဂီၢ်မုၢ်လၢ အအိၣ်တ့ၢ်စှၤဂၤအဂီၢ်+
ဒ်သိးဒီး ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူး အဆၢ ကတီၢ်လီၤ.
၁၂ ဖဲန့ၣ်အဆၢကတီၢ် နကတဲလၢ
“အိ ယဟိဝၤယွၤဧၢ,
လၢညါ နသးထီၣ်ယၤ ဘၣ်ဆၣ်
နတၢ်သးထီၣ် လီၤကယးဝဲ ကယီကယီ ဒီးနမၤမုာ်ထီၣ်က့ၤယၤအဃိ ယစံးဘျုးနၤလီၤ.+
၂ ကစၢ်ယွၤ မ့ၢ်ယတၢ်အုၣ်က့ၤ ခီၣ်က့ၤလီၤ.+
ယကနာ်န့ၢ်အီၤ ဒီးယတပျံၤတၢ်ဘၣ်.+
ယဟိဝၤ, ယဟိဝၤယွၤန့ၣ် မ့ၢ်ယတၢ်စိတၢ်ကမီၤ ဒီးယတၢ်ဂံၢ်တၢ်ဘါ
ဒီးအဝဲကဲထီၣ် ယတၢ်အုၣ်က့ၤ ခီၣ်က့ၤလီၤ.”+
၃ လၢတၢ်သးခုအပူၤ သုက စဲၤထီၣ်ထံလၢ
တၢ်အုၣ်က့ၤခီၣ်က့ၤ အထံထီၣ်ပၢၢ်တဖၣ် အပူၤလီၤ.+
တဲဖျါထီၣ်လၢ အမံၤန့ၣ် ဘၣ်တၢ်ပာ်ဒိၣ်ပာ်ထီအီၤ ထဲလဲၣ်န့ၣ်တက့ၢ်.+
၅ ယဟိဝၤယွၤ မၤတ့ၢ်တၢ်လၢ အလီၤလိၢ်လီၤလးတဖၣ်အဃိ+ သးဝံၣ် စံးထီၣ်ပတြၢၤအီၤတက့ၢ်.+
မ်ပှၤတဲဖျါထီၣ် တၢ်ဂ့ၢ်တဖၣ်န့ၣ်လၢ ဟီၣ်ခိၣ်ဒီဘ့ၣ်ညါတက့ၢ်.
၆ ပှၤလၢအအိၣ်လၢ ဝ့ၢ်စံယိၣ်အပူၤသ့ၣ်ဧၢ, အံၣ်စရ့လး အကစၢ်ယွၤ လၢအစီဆှံတဂၤ လၢအအိၣ်လၢသုကျါန့ၣ် ဒိၣ်ဝဲလီၤ.
အဃိ ကိးထီၣ် ဒီးကိးပသူထီၣ်လၢ တၢ်သးခုအပူၤတက့ၢ်.”
၁၃ တၢ်စံၣ်ညီၣ်အကစီၣ် လၢအဘၣ်ဃးဒီး ဘၤဘူၤလိၣ်+ လၢစီၤအၤမိးအဖိခွါ စီၤယၡါယၤ+ ထံၣ်ဝဲလၢ တၢ်ထံၣ်လၢညါခီအပူၤန့ၣ် အိၣ်ဝဲဒ် လၢလာ်အံၤအသိးလီၤ.
၂ “လၢကစၢၢ်တဖျၢၣ်လၢ အအိၣ်ထဲလၢၢ်တဖၣ် အလိၤန့ၣ် ဆီလီၤတၢ်ပနီၣ်တခါ+ လၢသုးမုၢ်အဂီၢ်တက့ၢ်.
ကိးအဝဲသ့ၣ်, ဝံၢ်ဝၢ်သုစု
ဒ်သိး အဝဲသ့ၣ် ကဟဲနုာ်လီၤလၢ ပှၤဒိၣ်ပှၤပှၢ်တဖၣ် အကျဲနုာ်လီၤ အဂီၢ်တက့ၢ်.
၃ ပှၤလၢ ယဃုထၢထီၣ်အီၤတဖၣ်န့ၣ် ယမၤလိာ် အဝဲသ့ၣ်လံ.+
ယကိးဖှိၣ် ယသုးမုၢ်တဖၣ်လၢ အသူၣ်ဖှံသးညီ ဒီးပာ်ကဖၢလၢအသး
ဒ်သိး ကစံၣ်ညီၣ် ပှၤလၢ အမၤသးထီၣ်ယၤလီၤ.
၄ ကနၣ်သၢၤ, ပှၤဂီၢ်မုၢ် လၢအအိၣ်ဝဲလၢ ကစၢၢ်တဖၣ်န့ၣ်
အသီၣ်လီၤဂာ် ဒ်သိးဒီး ပှၤဂီၢ်မုၢ် အါအါဂီၢ်ဂီၢ်လီၤ.
ကနၣ်သၢၤ, ဘီမုၢ်တဖၣ်
ဒီးပှၤကလုာ်တဖၣ် ကိးပသူထီၣ်ဒီး ပာ်ဖှိၣ်ထီၣ်အသး တပူၤဃီလံ.+
တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကိးဖှိၣ်ဝဲ သုးမုၢ်လၢ တၢ်ဒုးအဂီၢ်လံ.+
၅ ယဟိဝၤယွၤ ဒီးအစုကဝဲၤတဖၣ်လၢ ကပာ်ဖျါထီၣ် အတၢ်သးဒိၣ်န့ၣ်
ဟဲဝဲလၢ ထံယံၤကီၢ်ယံၤ+
လၢဟီၣ်ခိၣ်* အနၢၣ်အကတၢၢ်
ဒ်သိး ကမၤဟးဂီၤ ဟီၣ်ခိၣ်ဒီဘ့ၣ် အဂီၢ်လီၤ.+
၆ ယဟိဝၤယွၤ အမုၢ်နံၤ ဘူးထီၣ်လံအဃိ ဟီၣ်ကိးပသူထီၣ်တက့ၢ်.
ဖဲမုၢ်နံၤအဝဲန့ၣ် သ့တၢ်လၢာ်ကစၢ် ကမၤဟးဂီၤ တၢ်ခဲလၢာ်လၢ အအိၣ်လၢ သုကီၢ်ပူၤလီၤ.+
၇ အဃိ ပှၤကိးဂၤဒဲး အစုကလီၤစၢ်
ဒီးပှၤကိးဂၤဒဲး အတၢ်သးဒူ ကလီၤမၢ်ကွံာ်ဝဲလီၤ.+
အဝဲသ့ၣ် ကကွၢ်လိာ်အသး တဂၤဒီးတဂၤလၢ တၢ်ပျံၤတၢ်ဖုးအပူၤ
ဒီးအမဲာ်သၣ်တဖၣ် ကထီၣ်ဂီၤလၢ တၢ်သူၣ်ကိၢ်သးဂီၤအဃိလီၤ.
၉ ဒ်သိး ယဟိဝၤယွၤ ကဒုးကဲထီၣ် တၢ်လီၢ်န့ၣ်လၢ တၢ်လီၤပျံၤ လီၤဖုးအလီၢ်+
ဒီးဒ်သိး အကမၤဟးဂီၤကွံာ် ပှၤတၢ်ဒဲးဘးဖိတဖၣ် လၢအပူၤအဂီၢ်
ကွၢ်သၢၤ, ကစၢ်ယွၤ အမုၢ်နံၤဟဲဝဲ
ဒီးအပှဲၤဒီးတၢ်သးဒိၣ် ဒီးတၢ်သးထီၣ်လီၤ.
၁၀ ဆၣ်တဖၣ် ဒီးဆၣ်ကရူၢ်တဖၣ် လၢမူခိၣ်န့ၣ်+
တကပီၤလၢၤဘၣ်.
ဖဲမုၢ်ဟဲထီၣ်အခါ အကခံးဝဲ
ဒီးလါန့ၣ် တကပီၤလၢၤဘၣ်.
၁၁ ယကစံၣ်ညီၣ် ပှၤအိၣ်လၢဟီၣ်ခိၣ်ချၢ လၢအဝဲသ့ၣ် အတၢ်အၢ တၢ်သီအဃိ+
ဒီးယကစံၣ်ညီၣ် ပှၤအၢပှၤသီလၢ အဝဲသ့ၣ် အတၢ်ကမၣ်အဃိလီၤ.
ယကမၤလီၤမၢ် ပှၤလၢ အပာ်ထီၣ်ထီသးတဖၣ် အတၢ်ပာ်ထီၣ်ထီသး
ဒီးပှၤလၢ အပာ်ထီၣ်ထီအသးဒီး ပၢဆူၣ်ပၢစိးတၢ်န့ၣ် ယကဆီၣ်လီၤ အဝဲသ့ၣ်လီၤ.+
၁၂ ပှၤလၢ အအိၣ်တ့ၢ်ဒံးတဖၣ် အနီၣ်ဂံၢ် ကစှၤဒိၣ်မး
၁၃ ယၤ, တၢ်သုးမုၢ်ဂီၢ်မုၢ်အကစၢ် ယဟိဝၤယွၤန့ၣ် ဖဲယတၢ်သးဒိၣ် အမုၢ်နံၤဘၣ်အခါ
လၢတၢ်သးထီၣ်အပူၤ ယကမၤကနိးမူခိၣ်
ဒီးယကမၤဟူးဟီၣ်ခိၣ် တုၤလၢ အသုးအသးလၢ အလီၢ်လီၤ.+
၁၄ အဝဲသ့ၣ် တဂၤစုာ်စုာ် ကက့ၤကဒါက့ၤလၢ အနီၢ်ကစၢ် အပှၤ ကလုာ်အအိၣ်
ဒ်တၤဟိ လၢပှၤလူၤခးအီၣ်အီၤ ဒီးသိတဖုလၢ ပှၤကွၢ်အီၤ တအိၣ်ဘၣ်အသိးလီၤ.
အဝဲသ့ၣ် တဂၤစုာ်စုာ် ကက့ၤဃ့ၢ်ကွံာ်လၢ အနီၢ်ကစၢ် အတၢ်လီၢ် တၢ်ကျဲလီၤ.+
၁၅ ပှၤတဂၤဂ့ၤ တဂၤဂ့ၤလၢ ပှၤထံၣ်န့ၢ်အီၤန့ၣ် ပှၤကဆဲးဖျိအီၤ
ဒီးပှၤတဂၤဂ့ၤ တဂၤဂ့ၤလၢ ပှၤဖီၣ်န့ၢ်အီၤန့ၣ် ပှၤကမၤသံ အီၤလၢနးလီၤ.+
၁၆ ပှၤကမၤသဘှံး အဝဲသ့ၣ် အဖိတဖၣ် တက့တခီလၢ အဝဲသ့ၣ်အမဲာ်ညါ,+
ပှၤကဂုာ်န့ၢ်တၢ်အိၣ်လၢ အဝဲသ့ၣ်အဟံၣ်ပူၤ
ဒီးပှၤကမၤတရီတပါ အဝဲသ့ၣ် အမါတဖၣ်လီၤ.
၁၇ တဘျီအံၤ ယကသူ ပှၤမၤဒဲဖိတဖၣ် ဒ်သိး ကထီဒါ ပှၤဘၤဘူၤလိၣ်ဖိတဖၣ်အဂီၢ်လီၤ.+
ပှၤမၤဒဲဖိတဖၣ်န့ၣ် တပာ်လုၢ်ပာ်ပှ့ၤ စ့ညၣ်ဘၣ်
ဒီးအဝဲသ့ၣ် တအဲၣ်ထူဘၣ်.
၁၈ အဝဲသ့ၣ် အချံၣ်တဖၣ်န့ၣ် ကမၤဟးဂီၤ ပိာ်ခွါသးစၢ်တဖၣ်လီၤ.*+
အဝဲသ့ၣ် တသးကညီၤ ဒၢလီၢ် အတၤသၣ်ဘၣ်
ဒီးတသးကညီၤ ဖိသၣ်တဖၣ်ဘၣ်.
ဘၣ်ဆၣ် ဘၤဘူၤလိၣ် ကကဲထီၣ်ဒ်သိးဒီး ဝ့ၢ်စဒိၣ် ဒီးဝ့ၢ်ဂမိရၤလၢ ကစၢ်ယွၤမၤဟးဂီၤဝဲလီၤ.+
၂၀ ပှၤတအိၣ်တဆိးလၢ ဘၤဘူၤလိၣ် အပူၤ နီတဘျီလၢၤဘၣ်
ဒီးအကကဲထီၣ် တၢ်လီၢ်လၢ ပှၤတအိၣ်တဆိးလၢ အပူၤလၢၤဘၣ် အစိၤစိၤအဃၣ်ဃၣ်လီၤ.+
ဒီးပှၤဧ့ရ့းဖိ တလဲၤသူၣ်လီၤအဒဲ ဖဲန့ၣ်လၢၤဘၣ်
ဒီးပှၤကွၢ်သိတဖၣ် တလဲၤဒုးအိၣ်ဘှံး အသိတဖၣ် ဖဲန့ၣ်လၢၤဘၣ်.
၂၁ ဆၣ်ဖိကီၢ်ဖိအမံၤတဖၣ် ကအိၣ်ဝဲဖဲန့ၣ်
ဒီးဟံၣ်ဖဲန့ၣ်တဖၣ်န့ၣ် ကပှဲၤဒီး ဒိကအိတဖၣ်လီၤ.
၂၂ ဆၣ်ဖိကီၢ်ဖိတဖၣ် ကအူယူၤလၢ ဘၤဘူၤလိၣ် အတၢးထီတဖၣ်အပူၤ
ဒီးထွံၣ်ဟီၣ်ခိၣ်တဖၣ် ကအူယူၤလၢ ဘၤဘူၤလိၣ် အနီ* လၢအလီၤဘီလီၤမုၢ်တဖၣ် အပူၤလီၤ.
ဘၤဘူၤလိၣ် အဆၢကတီၢ် ဘူးထီၣ်လံ ဒီးတၢ်တသုးမုၢ်နံၤ မုၢ်သီ တဖၣ်ဘၣ်.”+
၁၄ ယဟိဝၤယွၤ ကပာ်ဖျါထီၣ် တၢ်သးကညီၤလၢ စီၤယၤကိာ် အစၢၤအသွဲၣ်တဖၣ်+ အဖီခိၣ် ဒီးအဝဲကဃုထၢကဒီး ပှၤအံၣ်စရ့လးဖိလီၤ.+ ကစၢ်ယွၤ ကဒုးအိၣ်* အဝဲသ့ၣ်လၢ အဝဲသ့ၣ် အတၢ်လီၢ်တၢ်ကျဲ+ ဒီးပှၤထံဂၤကီၢ်ဂၤဖိတဖၣ် ကဟဲပိာ်အဝဲသ့ၣ်အခံ ဒီးကအိၣ်တပူၤဃီဒီး စီၤယၤကိာ် အစၢၤအသွဲၣ်တဖၣ်လီၤ.+ ၂ ပှၤထံဂၤကီၢ်ဂၤဖိတဖၣ် ကက့ၤကိးက့ၤ ပှၤအံၣ်စရ့လးဖိတဖၣ်လၢ အနီၢ်ကစၢ် အတၢ်လီၢ်တၢ်ကျဲလီၤ. ဒီးပှၤတဖၣ်န့ၣ် ကမၤတၢ် ဒ်အံၣ်စရ့လး အပှၤဂီၢ်မုၢ် အခ့အပှၤ ပိာ်မုၣ် ဒီးပိာ်ခွါတဖၣ်+ အသိးလၢ ယဟိဝၤယွၤ အကီၢ်ပူၤလီၤ. လၢညါခါ ပှၤလၢအဒုးကဲကုၢ် ပှၤအံၣ်စရ့လးဖိန့ၣ် ပှၤအံၣ်စရ့လးဖိ ကဒုးကဲကုၢ် အဝဲသ့ၣ် ဒီးပှၤလၢ အမၢဆူၣ် ပှၤအံၣ်စရ့လးဖိလၢ ကမၤတၢ်အဂီၢ်န့ၣ် ပှၤအံၣ်စရ့လးဖိ ကပၢက့ၤအဝဲသ့ၣ်လီၤ.
၃ ဖဲယဟိဝၤယွၤ မၤထူၣ်ဖျဲးထီၣ်* သုလၢ တၢ်လၢအမၤဆါသု, တၢ်လၢအမၤတံာ်တာ်သု ဒီးကုၢ်အလီၢ်အခါ+ ၄ သုကတဲတၢ်ကတိၤဒိ ဒ်လၢလာ်အံၤအသိး ဒ်သိး သုကဒုၣ်ဒွဲၣ် ဘၤဘူၤလိၣ် အစီၤပၤအဂီၢ်လီၤ.
“ပှၤတဂၤလၢ အမၢဆူၣ်ပှၤဂၤလၢ ကမၤတၢ်အဂီၢ်န့ၣ် အကျဲကတၢၢ်လံ.
တၢ်ဆီၣ်တံၢ်မၤနၢၤ ကတၢၢ်ဝဲလံ.+
၅ ယဟိဝၤယွၤ မၤကၢ်ကွံာ်ဝဲ ပှၤအၢပှၤသီ အနီၣ်တီၢ်
ဒီးပှၤပၢတၢ်တဖၣ် အနီၣ်ထိးဘိလံ.+
၆ ပှၤလၢအတီၢ်ပှၤဂၤလၢ တၢ်သးထီၣ်အပူၤ ဒီးတပတုာ်ဝဲဘၣ်,+
ပှၤလၢအဆဲး မၤနးမၤဖှီၣ် ပှၤကလုာ်တဖၣ် ဒီးဆီၣ်တံၢ်မၤနၢၤဝဲလၢ တၢ်သူၣ်ဒိၣ်သးဖျိးအပူၤန့ၣ် ကစၢ်ယွၤ မၤကၢ်ကွံာ် အနီၣ်တီၢ်လံ.+
၇ ဟီၣ်ခိၣ်ဒီဘ့ၣ် ပှဲၤဒီးတၢ်ဃူတၢ်ဖိး ဒီးတၢ်သဘံၣ်သဘုၣ် တအိၣ်လၢၤဘၣ်.
ပှၤဂီၢ်မုၢ် ကိးပသူထီၣ်လၢ တၢ်သးခုအပူၤလီၤ.+
၈ သ့ၣ်ကၠူနံးဖၢၤတဖၣ် ဒီးလဘၤနိၣ် အသ့ၣ်ဆှိအ့ရ့းတဖၣ်
သးခု ခီဖျိ တၢ်မၤအသးဒီးနၤအဃိ
ဒီးတဲဝဲလၢ ‘စးထီၣ်လၢ နလီၤပှီၢ် ဝံၤအလီၢ်ခံ
ပှၤကူာ်သ့ၣ်ဖိ တဟဲကူာ်ပှၤ နီတဂၤလၢၤဘၣ်.’
၉ ဖဲနလဲၤလီၤလၢ တၢ်သွၣ်ခိၣ်* အခါ တၢ်သွၣ်ခိၣ် ဘၣ်တၢ်ထိၣ်ဟူးထိၣ်ဂဲၤထီၣ်အီၤလီၤ.
လၢနဃိန့ၣ် တၢ်သွၣ်ခိၣ် ကိးပၢၢ်ထီၣ် ပှၤသံတဖၣ်
လၢအမ့ၢ် ကယဲၢ်ပှၤခိၣ်ပှၤနၢ်လၢ အဆီၣ်တံၢ်မၤနၢၤတ့ၢ်တၢ်လၢ ဟီၣ်ခိၣ်ချၢလီၤ.
ဒီးလၢညါ ပှၤကလုာ် အစီၤပၤတဖၣ် လၢအအိၣ်လၢ လီၢ်ပစိာ်အလိၤန့ၣ်
တၢ်သွၣ်ခိၣ် ဒုးဆၢထၢၣ် အဝဲသ့ၣ် ခဲလၢာ်လီၤ.
၁၀ အဝဲသ့ၣ်ခဲလၢာ် တဲနၤလၢ
‘ခဲအံၤ နကဲထီၣ် ပှၤလၢအဂံၢ်စၢ် ဒ်သိးဒီးပှၤလံ.
နကဲထီၣ် ဒ်သိးဒီးပှၤလံ.
၁၁ နတၢ်ပာ်ထီၣ်ထီသး ဒီးနသီတူၢ် အသီၣ်တဖၣ်န့ၣ်+
ဘၣ်တၢ်ဆီၣ်လီၤအီၤလၢ တၢ်သွၣ်ခိၣ်လံ.
လၢၣ်တဖၣ်န့ၣ် ဒါလီၤအသး လၢ နဖီလာ် ဒ်လီၢ်မံအသိး
ဒီးထိးကလဲာ်တဖၣ်န့ၣ် ကဲဝဲဒ်သိးဒီး နယၣ်လုးလီၤ.’
၁၂ ဆၣ်တူၢ်ဂီၤ ကပြုၢ်ကပြီၤဧၢ,
နလီၤတဲာ်လၢမူခိၣ် သပှၢ်တၢၢ်လံ.
နၤလၢအမ့ၢ် ပှၤလၢအမၤနၢၤ ပှၤကလုာ်တဖၣ်န့ၣ်+
ဘၣ်တၢ်ကျီလီၤနၤဆူ ဟီၣ်ခိၣ်လိၤလံ.
၁၃ နတဲလီၤနသးလၢ ‘ယကလဲၤထီၣ်လၢ မူခိၣ်လီၤ.+
ယကပာ်ထီၣ်ထီ ယလီၢ်ပစိာ် လၢကစၢ်ယွၤ အဆၣ်တဖၣ် အဖီခိၣ်+
ဒီးယကဆ့ၣ်နီၤလၢ ကစၢၢ်လၢ ပှၤအိၣ်ဖှိၣ်အလိၤ
လၢကလံၤစိး လၢအယံၤကတၢၢ် တတီၤလီၤ.+
၁၄ ယကလဲၤထီၣ် ထီန့ၢ်ဒံး တၢ်အၢၣ်တဖၣ်
ဒီးယကကဲထီၣ် ဒ်သိးဒီး တၢ်ထီကတၢၢ်တဂၤလီၤ.’
၁၅ ဘၣ်ဆၣ် နကဘၣ် တၢ်ဆီၣ်လီၤနၤ လၢတၢ်သွၣ်ခိၣ်
လၢအမ့ၢ် တၢ်ပူၤလၢအယိာ်ကတၢၢ် အခံဒးလီၤ.
၁၆ ပှၤလၢအထံၣ်နၤန့ၣ် ကကွၢ်ထံ နၤလီၤ.
အဝဲသ့ၣ် ကကွၢ်ထံကွၢ်ဆးနၤ ဒီးတဲလၢ
‘ပှၤတဂၤအံၤ အကဲ ပှၤလၢအမၤ ဟူးဝး ဟီၣ်ခိၣ်
ဒီးမၤကနိး ဘီမုၢ်တဖၣ် တမ့ၢ်ဧီၤ.+
၁၇ အကဲ ပှၤတဂၤလၢ အဒုးကဲထီၣ် ဟီၣ်ခိၣ် ဒ်သိးဒီး ပှၢ်မုၢ်ကနၢ,
အမၤန့ၢ်ဝဲ ဝ့ၢ်တဖၣ်+
ဒီးအကဲ ပှၤတဂၤလၢ တအဲၣ်ဒိးပျဲက့ၤ အပှၤဃိာ်ဖိတဖၣ် လၢဟံၣ်ဘၣ် တမ့ၢ်ဧီၤ.’+
၁၈ ပှၤကလုာ်တဖၣ် အစီၤပၤခဲလၢာ်န့ၣ်
ပှၤခူၣ်လီၤ အဝဲသ့ၣ် တဂၤစုာ်စုာ် လၢအနီၢ်ကစၢ် အတၢ်သွၣ်ခိၣ်
ပှဲၤဒီး တၢ်လၤကပီၤလီၤ.
၁၉ ဘၣ်ဆၣ် ဒ်တၢ်အဒ့ဘီၣ်လၢ အလီၤသးဘၣ်အၢအသိး
နဘၣ်တၢ်တၢၤကွံာ်နၤ ဒီးနသွၣ်ခိၣ် တအိၣ်ဘၣ်.
ဒီးဒ်တၢ်အစိၣ်လၢ ပှၤယီၢ်တံၢ်အီၤအသိး
နစိၣ်ကအိၣ်လၢ တၢ်ပူၤလၢ အပှဲၤဒီးလၢၢ်
ဒီးပှၤလၢအဘၣ် တၢ်ဆဲးသံအီၤလၢနးတဖၣ်န့ၣ် အစိၣ် ကအိၣ်ဘၢ နၤလီၤ.
၂၀ မ့ၢ်လၢ နမၤဟးဂီၤနကီၢ်
ဒီးနမၤသံ နပှၤကလုာ်အဃိ
နတဘၣ်တၢ်ခူၣ်လီၤနၤ တပူၤဃီဒီး စီၤပၤအဂၤတဖၣ်ဘၣ်.
နမ့ၢ်ပှၤအၢပှၤသီ အစၢၤအသွဲၣ်လၢ ပှၤတယၢၤထီၣ်အမံၤ နီတဘျီလၢၤဘၣ်.
၂၁ ကတဲာ်ကတီၤသုသးလၢ သုကမၤသံ အဖိခွါတဖၣ်
ခီဖျိလၢ အဝဲသ့ၣ် အမိၢ်ပၢ်ဖံဖု လၢပျၢၤတဖၣ် အတၢ်ကမၣ်အဃိန့ၣ်တက့ၢ်.
သုမ့ၢ်မၤဒ်န့ၣ်န့ၣ် ခါဆူညါ အဝဲသ့ၣ် ဟံးန့ၢ်တၢ်စိတၢ်ကမီၤ, ဒိၣ်စိလၢ ဟီၣ်ခိၣ်ချၢ
ဒီးဒုးအိၣ်ထီၣ်အဝ့ၢ်တဖၣ်လၢ ဟီၣ်ခိၣ်ဒီဘ့ၣ်န့ၣ် တန့ၢ်လၢၤဘၣ်.”
၂၂ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ “ယကဂဲၤဆၢထၢၣ် ထီဒါ အဝဲသ့ၣ်လီၤ.”+
ယဟိဝၤယွၤ တဲဝဲလၢ “ဘၤဘူၤလိၣ်အမံၤ, အပှၤလၢအအိၣ်တ့ၢ်စှၤဂၤ, အစၢၤအသွဲၣ်တဖၣ် ဒီးအဖိအလံၤ လၢကဟဲဆူညါန့ၣ် ယကမၤလီၤမၢ်ကွံာ်လီၤ.”+
၂၃ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ “ယကဒုးကဲထီၣ် ဘၤဘူၤလိၣ်လၢ ထံချၢးတဖၣ်အလီၢ်* ဒီးသူၣ်တဖၣ် ကအိၣ်ဖဲန့ၣ်လီၤ. ဒီးယကခွဲပျီ ဘၤဘူၤလိၣ်လၢ တၢ်မၤဟးဂီၤတၢ် အနီၣ်ခွဲသိၣ်တဘိလီၤ.”+
၂၄ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အၢၣ်လီၤပာ်စၢၤဝဲလၢ
“ဒ်ယပာ်လီၤပာ်စၢၤ ယသးအသိး အကကဲထီၣ်ဝဲ
ဒီးဒ်ယဆၢတဲာ် ပာ်စၢၤအသိး အကဟဲကဲထီၣ်အသး သပှၢ်တၢၢ်လီၤ.
၂၅ ယကမၤသဘှံး ပှၤအၤၡူၢ်ဖိ လၢယကီၢ်ပူၤ
ဒီးယကယီၢ်တံၢ်အီၤလၢ ယကစၢၢ်တဖၣ် အလိၤလီၤ.+
နီၣ်ယိးဘိလၢ အပာ်ထီၣ်ဝဲလၢ ယပှၤဂီၢ်မုၢ် အလိၤန့ၣ် ကဘၣ်တၢ်ထုးထီၣ်ကွံာ်အီၤ
ဒီးတၢ်ဝံတၢ်ယိးဃၢ လၢအပာ်ထီၣ်ဝဲလၢ ယပှၤဂီၢ်မုၢ် အဖံဘၣ်ခိၣ်န့ၣ် ကဘၣ် တၢ်ထုးထီၣ်ကွံာ်အီၤလီၤ.”+
၂၆ အဝဲန့ၣ် မ့ၢ်ဝဲတၢ်လၢ ကစၢ်ယွၤ ဆၢတဲာ်ပာ်စၢၤဝဲလၢ အကထီဒါ ဟီၣ်ခိၣ်ဒီဘ့ၣ်
ဒီးမ့ၢ်ဝဲစုလၢ အကသူဝဲလၢ အကစံၣ်ညီၣ် ပှၤကလုာ်ခဲလၢာ် အဂီၢ်လီၤ.
၂၇ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဆၢတဲာ်ပာ်စၢၤဝဲအဃိ
မတဂၤ တြီဝဲ ကသ့လဲၣ်.+
ကစၢ်ယွၤ အစုယၤထီၣ်အသး လံအဃိ
မတဂၤ ထုးက့ၤဝဲ ကသ့လဲၣ်.+
၂၈ ဖဲစီၤပၤအၤဃး သံအနံၣ်န့ၣ်+ တၢ်စံၣ်ညီၣ် အကစီၣ် အိၣ်ဝဲဒ် လၢလာ်အံၤ အသိးလီၤ.
၂၉ “ပှၤဖလ့ၡသးဖိသ့ၣ်ဧၢ, ပှၤတဂၤလၢ အတီၢ်သုန့ၣ် အနီၣ်တီၢ်ကၢ်လံ
ဘၣ်ဆၣ် တဘၣ်သးခု နီတဂၤတဂ့ၤ.
လၢဂုၢ်တဘိန့ၣ် အဖိအလံၤ* အကျါန့ၣ်+ ဂုၢ်အၢကဟဲအိၣ်ထီၣ်+
ဒီးဂုၢ်တဘိန့ၣ် အစၢၤအသွဲၣ်န့ၣ် ကမ့ၢ်ဂုၢ်တဘိလၢ အဖျးတၢ်ဒ် လီဝၢ်ဒံး အသိးလီၤ.
၃၀ ပှၤလၢအပတီၢ်ဖုၣ် အဖိတဖၣ် ကအီၣ်ဘၣ်တၢ်ဘျဲဘျဲ
ဒီးပှၤဖှီၣ်ဖိယာ်ဖိ ကမံဘၣ် မုာ်မုာ်ခုၣ်ခုၣ်လီၤ.
ဘၣ်ဆၣ် ယကမၤသံ သုပှၤဂီၢ်မုၢ် လၢတၢ်သၣ်ဝံၤလီၤဒိ
ဒီးပှၤလၢအအိၣ်တ့ၢ်ဒံးလၢ သုကျါန့ၣ် ကဘၣ်တၢ်မၤသံအီၤလီၤ.+
၃၁ ဟီၣ်လၢ ဝ့ၢ်အတြဲၤခီၣ်ထံး ဒီးကိးပသူထီၣ်လၢ ဝ့ၢ်ပူၤတက့ၢ်.
ပှၤဖလ့ၡသးဖိဧၢ, သုသးဂံၢ်ဘါ ကလီၤစၢ် ကိးဂၤဒဲး,
မ့ၢ်လၢ သုးမုၢ်သံၣ်ဘိ တဒူၣ်ကဟဲလၢ ကလံၤစိးတခီ ဒ်မ့ၣ်အူခုၣ်အသိး
ဒီးပှၤသုးဖိတဖၣ်အံၤ တလီၤမုၢ်ပြံပြါ နီတဂၤဘၣ်.”
၃၂ ပှၤကလုာ် အပှၤစိာ်တၢ်ကစီၣ်ဖိတဖၣ်န့ၣ် မ့ၢ်ပှၤဘၣ် စံးဆၢက့ၤ အဝဲသ့ၣ်ဒ်လဲၣ်.
ပှၤဘၣ်စံးဆၢက့ၤလၢ ယဟိဝၤယွၤ ဆီလီၤ ဝ့ၢ်စံယိၣ် အခီၣ်ထံး ကျၢၤကျၢၤလံ+
ဒီးအပှၤဂီၢ်မုၢ်လၢ အပတီၢ်ဖုၣ်တဖၣ်န့ၣ် ကဃုတၢ်ပူၤဖျဲးလၢ ဝ့ၢ်စံယိၣ် အပူၤလီၤ.
၁၅ တၢ်စံၣ်ညီၣ် အကစီၣ် လၢအဘၣ်ဃးဒီး ကီၢ်မိၤအးန့ၣ် အိၣ်ဝဲဒ် လၢလာ်အံၤအသိးလီၤ.+
လၢတနၤဃီ အတီၢ်ပူၤ ဝ့ၢ်ဧၢ်+ လၢကီၢ်မိၤအးအပူၤန့ၣ် ကဟးဂီၤကွံာ်အဃိ
ဝ့ၢ်ဧၢ် ကအိၣ်ဘှ့ၣ်ဝဲလီၤ.
လၢတနၤဃီ အတီၢ်ပူၤ ဝ့ၢ်ကံၢ် လၢကီၢ်မိၤအးအပူၤန့ၣ် ကဟးဂီၤကွံာ်အဃိ
ဝ့ၢ်ကံၢ်+ ကအိၣ်ဘှ့ၣ်ဝဲလီၤ.
၂ ပှၤဂီၢ်မုၢ်တဖၣ် ကလဲၤထီၣ်လၢ ယွၤတဖၣ်အဟံၣ် ဒီးဝ့ၢ်ဒံၤဘိၣ်+
အတၢ်လီၢ်ထီၣ်ထီတဖၣ် လၢကဟီၣ်ဝဲအဂီၢ်လီၤ.
ပှၤမိၤအးဖိ ကဟီၣ်ဝဲယၢၤဝဲ လၢဝ့ၢ်နဘိ+ ဒီးမ့ဒဘၤ+ အဃိလီၤ.
ပှၤကိးဂၤဒဲး အခိၣ်န့ၣ် ကဘၣ်တၢ်လူၤတကျိအီၤ+ ဒီးပှၤကိးဂၤဒဲး အခၣ်ဆူၣ်န့ၣ် ကဘၣ် တၢ်တံာ်ကွံာ် အီၤလီၤ.+
၃ အဝဲသ့ၣ် ကကၤဝဲဒီး ထၢၣ်တၢ်ကံးညာ်* လၢကျဲတဖၣ်အပူၤလီၤ.
အဝဲသ့ၣ်ခဲလၢာ် ကဟီၣ်ဝဲယၢၤဝဲလၢ အဟံၣ်ခိၣ်ဒုး ဒီးတၢ်ဆါတၢ်ပှ့ၤ အလီၢ်တဖၣ်
ဒီးအဝဲသ့ၣ် ကဟဲက့ၤလီၤ ဒီးဟီၣ်ဝဲယၢၤဝဲလီၤ.+
၄ ပှၤလၢအအိၣ်လၢ ဝ့ၢ်ဃ့ၡဘိၣ် ဒီးဝ့ၢ်အ့လဧၤလ့ၤန့ၣ်+ ကဟီၣ်ကိးပသူထီၣ်
ဒီးအဝဲသ့ၣ် အကလုၢ်ကသီၣ်ဟူ တုၤလၢ ဝ့ၢ်ယါစၤလီၤ.+
အဃိ မိၤအးအသုးဖိတဖၣ် ကဆဲးကိးပသူထီၣ်
ဒီးပှၤတကလုာ်အံၤ ကကနိးဝဲလီၤ.
၅ ယသးကညီၤ ပှၤမိၤအးဖိ တဖၣ်လီၤ.
ပှၤမိၤအးဖိလၢ အဃ့ၢ်ပူၤဖျဲးအသးန့ၣ် ကဃ့ၢ်ဝဲတုၤလၢ ဝ့ၢ်စိၤဧၢ်+ ဒီးအဲကလးဃလ့ၡၤလီၤ.+
အဝဲသ့ၣ် ကလဲၤထီၣ်ဝဲလၢ လူဃံးတခီခီ ဒီးဟီၣ်ဝဲတခီခီလီၤ.
ဖဲအဝဲသ့ၣ် လဲၤဝဲလၢကျဲဆူ ဃိရနဲၣ်အခါန့ၣ် အဝဲသ့ၣ် ကကိးပသူထီၣ်လၢ တၢ်မၤဟးဂီၤတၢ် အဃိလီၤ.+
၆ နံးမရံ အထံတဖၣ် ကလီၤသံးကွံာ်ဝဲ,
နီၣ်လၢအလါဟ့တဖၣ် ကဃ့ထီကွံာ်ဝဲ,
နီၣ်တအိၣ်လၢၤဘၣ် ဒီးတၢ်လၢအလါဟ့ တအိၣ်တ့ၢ် နီတမံၤလၢၤဘၣ်.
၇ အဃိ အဝဲသ့ၣ် ကလဲၤစိာ်ဃုာ်ဒီး အတၢ်ဖိတၢ်လံၤ ဒီးတၢ်ထူးတၢ်တီၤ လၢအအိၣ်တ့ၢ်တဖၣ်
ဒီးအဝဲသ့ၣ် ကလဲၤခီဂာ် ပံၢ်သလီ အတၢ်တြီၤလီၤ.
၈ တၢ်ဟီၣ်ကိးပသူန့ၣ် ကသီၣ်ထီၣ်ဝဲလၢ ကီၢ်မိၤအး+ အတၢ်လီၢ်တၢ်ကျဲ ဝးဝးလီၤ.
တၢ်ဟီၣ်တၢ်ယၢၤန့ၣ် ကဟူသီၣ်တုၤလၢ အ့ကလံၣ်
ဒီးတၢ်ဟီၣ်တၢ်ယၢၤန့ၣ် ကဟူသီၣ်တုၤလၢ ဘ့ၣ်အ့လံၣ်လီၤ.
၉ တၢ်လီၢ်ဒံမိၣ် အထံတဖၣ်န့ၣ် ပှဲၤဝဲဒီး တၢ်သွံၣ်လီၤ.
ဒီးကစၢ်ယွၤ ကဒုးလီၤဒံး တၢ်ကီတၢ်ခဲလၢ တၢ်လီၢ်ဒံမိၣ်အလိၤ
ဒီးကဆှၢလီၤ ခ့ယုၢ်လၢ ပှၤမိၤအးဖိ လၢအပူၤဖျဲးတဖၣ်အအိၣ်
ဒီးလၢပှၤလၢ အအိၣ်တ့ၢ်လၢ ကီၢ်ပူၤတဖၣ် အအိၣ်လီၤ.+
၁၆ ဟံးန့ၢ်သိဖါတဒု လၢစ့လၤ ဒီးဆှၢလီၤအီၤလၢ
ပှၢ်မုၢ်ကနၢတခီ ဆူဝ့ၢ်စံယိၣ် အကစၢၢ်
လၢပှၤပၢတၢ်တဂၤ အအိၣ်တက့ၢ်.
၂ ပှၤလၢအအိၣ်လၢ ကီၢ်မိၤအးန့ၣ် ကအိၣ်ဝဲလၢ အၢ်နိၣ် အထံဒီၣ်တဖၣ်+
ဒ်ထိၣ်လၢ အဘၣ်တၢ်နီယံၤကွံာ်အီၤ လၢအသွံအသိးလီၤ.+
၃ “ဟ့ၣ်ကူၣ်တၢ် ဒီးမၤထွဲဒ် တၢ်ဆၢတဲာ် အိၣ်ဝဲအသိးသၢၤ.
ဖဲမုၢ်ထူၣ်အခါဒၣ်လဲာ် ကဲထီၣ်တၢ်ကဒု ဒ်မုၢ်နၤခီ အတၢ်ကဒုအသိးတက့ၢ်.
ပာ်ခူသူၣ်ပှၤလၢ အလီၤပြံလီၤပြါတဖၣ် ဒီးတဘၣ်ဟ့ၣ်လီၤကွံာ် ပှၤလၢ အဃ့ၢ်ပူၤဖျဲးအသးတဂ့ၤ.
၄ အိ ကီၢ်မိၤအးဧၢ, မ်ပှၤလၢ အလီၤပြံလီၤပြါတဖၣ် အိၣ်လၢနပူၤတက့ၢ်.
ခီဖျိလၢ ပှၤမၤဟးဂီၤတၢ်ဖိအဃိ ကဲထီၣ် တၢ်အိၣ်ခူသူၣ်အလီၢ်လၢ အဝဲသ့ၣ်အဂီၢ်တက့ၢ်.+
ပှၤလၢအဆီၣ်တံၢ်မၤနၢၤတၢ်န့ၣ် ကဟးဂီၤကွံာ်ဝဲ,
တၢ်မၤဟးဂီၤတၢ် ကကတၢၢ်ကွံာ်ဝဲ
ဒီးပှၤလၢအယီၢ်တံၢ်လီၤ ပှၤဂၤန့ၣ် ကလီၤမၢ်ကွံာ်လၢ ဟီၣ်ခိၣ်ချၢလီၤ.
၅ ဒီးစီၤပၤတဂၤလၢ အဟဲလီၤစၢၤလၢ စီၤဒၤဝံးန့ၣ် ကဆ့ၣ်နီၤလၢ လီၢ်ပစိာ်အဖီခိၣ်လီၤ.
အကမ့ၢ်ပှၤလၢအသးတီ,+ အတၢ်ပၢကအိၣ်ဂၢၢ်ဆိးကျၢၤ ဒီးအတၢ်ပၢ ကဒိးသန့ၤထီၣ်အသးလၢ တၢ်အဲၣ်လၢအတီလီၤ.
အကစံၣ်ညီၣ်တၢ် တီတီလိၤလိၤ ဒီးအကမၤတၢ်တီတၢ်လိၤ တဘျီဃီလီၤ.”+
၆ ပနၢ်ဟူဘၣ်လၢ ပှၤမိၤအးဖိ ပာ်ထီၣ်ထီအသးဒိၣ်မး.+
အဝဲသ့ၣ် ပာ်ကဖၢလၢသး, ပာ်ထီၣ်ထီအသး ဒီးအသးဒိၣ်ထီၣ် တၢ်လီၤ.+
ဘၣ်ဆၣ် အဝဲသ့ၣ် အတၢ်ကတိၤ ကလီကလီတဖၣ်န့ၣ် တကဲထီၣ် တၢ်နီတမံၤဘၣ်.
၇ ပှၤမိၤအးဖိတဖၣ် ကဟီၣ်ကိးပသူလၢ အဘၣ်ကီဘၣ်ခဲအဃိလီၤ.
အဝဲသ့ၣ် ခဲလၢာ် ကဟီၣ်ကိးပသူဝဲ+
ဒီးပှၤလၢအဘၣ်ဒိဘၣ်ထံးတဖၣ် ကကအုကစွါလၢ ဝ့ၢ်ကံၢ်ဃရၤၡ့း အစပံးသၣ်ဃ့တဖၣ် အဃိလီၤ.+
လၢညါ စပံးမုၢ်အံၤ အဒ့တဖၣ်လၢ အပှဲၤဒီးစပံးသၣ်န့ၣ် ယူာ်ထီထီၣ်အသး တုၤလၢ ဝ့ၢ်ယၤစ့ၢ်+
ဒီးဆူပှၢ်မုၢ်ကနၢ
ဒီးအဒ့ဘီၣ်တဖၣ် တုၤလၢ ပီၣ်လဲၣ်လီၤ.
ဘၣ်ဆၣ် ပှၤကလုာ် အပှၤခိၣ်ပှၤနၢ်တဖၣ် ယီၢ်တံၢ်လီၤဝဲလံ.
၉ အဃိ ယကဟီၣ်လၢ ဝ့ၢ်စံးဘမၤ အစပံးမုၢ်အဃိ ဒ်ယဟီၣ်လၢ ဝ့ၢ်ယၤစ့ၢ် အစပံးမုၢ်အဃိ အသိးလီၤ.
အိ ဝ့ၢ်ဃ့ၡဘိၣ် ဒီးဝ့ၢ်အ့လဧၤလ့ၤဧၢ,+ ခီဖျိလၢ တၢ်ကိးပသူထီၣ်လၢ သုတၤသူတၤသၣ် ဒီးတၢ်ကူးတၢ် အဆၢကတီၢ် ကတၢၢ်လံအဃိ
ယကမၤဘၣ်စီၣ်သုဒီး ယမဲာ်ထံလီၤ.
၁၀ ခီဖျိလၢ ယမၤကတၢၢ်ကွံာ် တၢ်ကိးပသူထီၣ်အဃိ+
လၢတၤသူတၤသၣ် အကရၢၢ်ပူၤန့ၣ် တၢ်သူၣ်ခုသးခု ဒီးတၢ်သူၣ်ဖှံသးညီ တအိၣ်လၢၤဘၣ်.
ဒီးလၢစပံးကျီးတဖၣ်အပူၤန့ၣ် တၢ်ကိးပသူထီၣ် ဒီးတၢ်သူၣ်ဖှံသးညီ အတၢ်သးဝံၣ် တအိၣ်လၢၤဘၣ်.+
ဒီးလၢစပံးထံ အကျီးတဖၣ်န့ၣ် ပှၤယီၢ်စပံးသၣ် တအိၣ်လၢၤဘၣ်.
၁၁ လၢတၢ်န့ၣ်အဃိ ယသးအုးလၢ ကီၢ်မိၤအးအဃိ ဒိၣ်မးလီၤ.+
ဒီးလၢဝ့ၢ်ကံၢ်ဃရၤၡ့း+ အဃိန့ၣ်
ယသးကနိး ဒ်သိးဒီး တနၢ်အပျံၤ တဖၣ်လီၤ.
၁၂ ပှၤလၢအအိၣ်လၢ ကီၢ်မိၤအးတဖၣ် မ့ၢ်လဲၤမၤလီၤဘှံးအသးလၢ တၢ်လီၢ်ထီၣ်ထီတဖၣ် ဒီးဃ့ထုကဖၣ်တၢ်လၢ အတၢ်လုၢ်ဟံၣ်ပူၤ သနာ်က့ အတၢ်ထုကဖၣ် ကကဲထီၣ် တၢ်ခီလီလီလီၤ.+
၁၃ ဘၣ်ဃးဒီး ကီၢ်မိၤအးန့ၣ် ယဟိဝၤယွၤ တဲပာ်စၢၤဝဲ ဒ်န့ၣ်လီၤ. ၁၄ ဒီးခဲအံၤ ယဟိဝၤယွၤ တဲဝဲလၢ “ကီၢ်မိၤအးန့ၣ် အတၢ်လၤကပီၤ အိၣ်အါမး ဘၣ်ဆၣ် လၢသၢနံၣ်အတီၢ်ပူၤ* အကဘၣ် တၢ်မၤမဲာ်ဆှးအီၤလီၤ. တၢ်သဘံၣ်သဘုၣ် ကအိၣ်ဝဲ အကလုာ်ကလုာ် ဒီးပှၤလၢအိၣ်တ့ၢ်စှၤဂၤန့ၣ် ကမ့ၢ်ပှၤလၢ အဂံၢ်စၢ်လီၤ.”+
၁၇ တၢ်စံၣ်ညီၣ်အကစီၣ်လၢ အဘၣ်ဃးဒီး ဝ့ၢ်ဒၤမ့ၤစ့းန့ၣ် အိၣ်ဝဲဒ် လၢလာ်အံၤအသိးလီၤ.+
“ကွၢ်မီၤ, ဝ့ၢ်ဒၤမ့ၤစ့း တကဲဝ့ၢ် လၢၤဘၣ်
ဒီးအကကဲထီၣ် တၢ်ဟးဂီၤ အပူၣ်လီၤ.+
၂ ဒီးဧရိၤဧ့ၢ် အဝ့ၢ်တဖၣ်န့ၣ်+ ကဘၣ် တၢ်ပာ်တ့ၢ်ကွံာ်အီၤလီၤ.
ဝ့ၢ်တဖၣ်န့ၣ် ကကဲထီၣ် တၢ်လီၢ်လၢ ဆၣ်ဖိကီၢ်ဖိ အဖုတဖၣ် ကအိၣ်ဝဲ
ဒီးပှၤမၤပျံၤမၤဖုး အဝဲသ့ၣ် တအိၣ်နီတဂၤဘၣ်.
၃ လၢအ့ဖရဲၣ် အဟီၣ်ကဝီၤပူၤန့ၣ် ဝ့ၢ်တဖၣ်လၢ အအိၣ်ဒီး အဒူၣ်လၢအကျၢၤ ကလီၤမၢ်ကွံာ်ဝဲ+
ဒီးဝ့ၢ်ဒၤမ့ၤစ့း အစိအကမီၤလၢ ကပၢဘီမုၢ်န့ၣ် ကလီၤမၢ်ကွံာ်ဝဲ စ့ၢ်ကီးလီၤ.+
ဒီးပှၤစူၤရံဖိလၢ အအိၣ်တ့ၢ်တဖၣ် အလၤကပီၤန့ၣ်
ကမၤသးဒ် ပှၤအံၣ်စရ့လးဖိတဖၣ် အလၤကပီၤ အသိးလီၤ.” တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲဒ်န့ၣ်လီၤ.
၄ “ဖဲန့ၣ်အဆၢကတီၢ် စီၤယၤကိာ် အစၢၤအသွဲၣ် အလၤကပီၤ ကစှၤလီၤဝဲ
ဒီးအနီၢ်ခိလၢ အပှဲၤဒီး တၢ်အိၣ်ဆူၣ်အိၣ်ချ့န့ၣ် ကဃဲၤလီၤဝဲလီၤ.
၅ စီၤယၤကိာ် အစၢၤအသွဲၣ် ကလီၤဂာ်ဒ် စံာ်ပျီတပျီလၢ ရၤဖၤတၢ်တြီၤပူၤ
ဖဲပှၤကူးဘုဝံၤအလီၢ်ခံ ဒီးအိၣ်တ့ၢ်က့ၤထဲ
၆ ဒီးကလီၤဂာ် ဒ်သိးဒီး ပှၤတီၢ်လီၤတဲာ် သ့ၣ်စၤယံးအသၣ် ဝံၤအလီၢ်ခံ
အသၣ်မံအိၣ်တ့ၢ်က့ၤ ထဲခံဖျၢၣ်သၢဖျၢၣ်လၢ သ့ၣ်စၤယံးအဒ့
လၢအအိၣ်ထီကတၢၢ် တဒ့အလိၤ
ဒီးအသၣ် ကအိၣ်တ့ၢ်က့ၤထဲ လွံၢ်ဖျၢၣ်ယဲၢ်ဖျၢၣ် လၢအဒ့တဖၣ်အလိၤလီၤ.”+ အံၣ်စရ့လး အကစၢ် ယဟိဝၤယွၤ တဲဝဲဒ်န့ၣ်လီၤ.
၇ ဖဲန့ၣ်အဆၢကတီၢ် ပှၤကဃ့ တၢ်မၤစၢၤလၢ ပှၤလၢ အတ့လီၤအီၤတဂၤန့ၣ် အအိၣ် ဒီးအဝဲသ့ၣ်ကကွၢ်ထီၣ်တၢ်လၢ အံၣ်စရ့လး အကစၢ်ယွၤလၢ အစီဆှံတဂၤန့ၣ် အအိၣ်လီၤ. ၈ အဝဲသ့ၣ်တကွၢ်ထီၣ်တၢ်လၢ တၢ်လုၢ်လီၢ်+ လၢအတ့ဝဲတဖၣ်, တၢ်လၢအတ့ဝဲလၢ အစုတဖၣ်+ ဒ်သိးဒီး တၢ်စီဆှံအထူၣ်တဖၣ်* မ့ၢ်ဂ့ၤ တၢ်လုၢ်တၢ်နၢမူ အလီၢ်တဖၣ်မ့ၢ်ဂ့ၤ န့ၣ်ဘၣ်.
၉ ဖဲန့ၣ်အဆၢကတီၢ် အဝဲသ့ၣ်အဝ့ၢ်တဖၣ် လၢအအိၣ်ဒီးအဒူၣ်လၢအကျၢၤန့ၣ် ကကဲထီၣ် ဒ်သိးဒီး တၢ်လီၢ်လၢ အဘၣ်တၢ်ပာ်တ့ၢ်ကွံာ်အီၤ လၢပှၢ်ပူၤလီၤ.+
ဒ်သ့ၣ်ဒ့လၢ အဘၣ်တၢ်ပာ်တ့ၢ်ကွံာ်အီၤ ခီဖျိလၢ ပှၤအံၣ်စရ့လးဖိအဃိ အသိး
ဝ့ၢ်လၢအအိၣ်ဒီးအဒူၣ်လၢအကျၢၤန့ၣ် ကအိၣ်သယုၢ်ဝဲလီၤ.
၁၀ န* သးပ့ၤနီၣ်ကွံာ် နတၢ်အုၣ်က့ၤ ခီၣ်က့ၤကစၢ်+
ဒီးနတသ့ၣ်နီၣ်ထီၣ်က့ၤ ပှၤတဂၤလၢ အလီၤဂာ်ဒီး လၢၢ်+လၢအဒီသဒၢတၢ်ဘၣ်.
လၢတၢ်န့ၣ်အဃိ နသူၣ်လီၤ ကရၢၢ်ဃံလၤတဖၣ်
ဒီးနဒုးမဲထီၣ် ပှၤထံဂၤကီၢ်ဂၤဖိ* အတၢ်မုၢ်တၢ်ဘိတဖၣ် ဖဲန့ၣ်လီၤ.
၁၁ ဖဲမုၢ်ဆါခီန့ၣ် နကရၢဃာ် နတၢ်သူၣ်တၢ်ဖျးအလီၢ်ဂ့ၤဂ့ၤ
ဒီးလၢဂီၤခီန့ၣ် တၢ်ချံတဖၣ် မဲထီၣ်ဝဲလီၤ.
ဘၣ်ဆၣ် ခီဖျိလၢ နဒိးန့ၢ်ဘၣ် တၢ်ဆါလၢ အဘျါက့ၤတသ့ဘၣ်အဃိ နတကူးဘၣ် တၢ်နီတမံၤဘၣ်.+
၁၂ ကနၣ်သၢၤ, ပှၤဂီၢ်မုၢ်တဖၣ် မၤသီၣ်မၤသဲတၢ်
ဒ်ပီၣ်လဲၣ် သီၣ်ဝဲအသိးလီၤ.
ဒီးပှၤကလုာ်တဖၣ် မၤတၢထီၣ် တၢလီၤတၢ်
ဒီးအသီၣ်ဒ် ထံအါသီၣ်သထြုးဝဲ ဖးဒိၣ် အသိးလီၤ.
၁၃ ပှၤကလုာ်တဖၣ် ကသီၣ်သထြုးဒ် ထံအါသီၣ်ဝဲ အသိးလီၤ.
ကစၢ်ယွၤ ကသိၣ်ဃီၣ်အဝဲသ့ၣ် ဒီး အဝဲသ့ၣ် ကဃ့ၢ်ကွံာ်ဝဲ ဖးယံၤလီၤ.
အဝဲသ့ၣ် ကဃ့ၢ်ကွံာ်ဒ် ကလံၤအူဖျိးကွံာ် ဖ့လၢကစၢၢ်ခိၣ် အသိးလီၤ.
ဒီးအဝဲသ့ၣ် ကဃ့ၢ်ကွံာ်ဒ် နီၣ်တၤဆှုၣ်လၢ ကလံၤမုၢ် အူဖျိးကွံာ်အီၤ အသိးလီၤ.
၁၄ လၢမုၢ်ဟါန့ၣ် တၢ်ပျံၤတၢ်ဖုး ကဟဲအိၣ်ထီၣ်.
ဒီးတချုးလၢ မုၢ်ဝါထီၣ်ဒံးဘၣ်န့ၣ် ဒုၣ်ဒါတဖၣ် ကလီၤမၢ်ကွံာ်ဝဲလီၤ.
တၢ်ကကဲထီၣ်အသးဒီး ပှၤလၢအဂုာ်န့ၢ် ပတၢ်ဒ်န့ၣ်လီၤ.
ဒီးပှၤလၢအဂုာ်န့ၢ်ဆူၣ် ပတၢ်န့ၣ် တၢ်ကမၤအသးဒီး အဝဲသ့ၣ်ဒ်န့ၣ်လီၤ.
၁၈ တၢ်လီၢ်လၢ တၢ်ဖိဃၢ်အဒံး သီၣ် ဧူၢ်ဧူၢ်လၢ
ကီၢ်အဲၤသံအီးပး အထံကျိတဖၣ် အဟီၣ်ကဝီၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
၂ ပှၤလၢအအိၣ်လၢ တၢ်လီၢ်အဝဲန့ၣ်န့ၣ် ဆှၢလီၤ ပှၤစိာ်တၢ်ကစီၣ်ဖိတဖၣ် လၢပီၣ်လဲၣ်တခီ,
ဒ်သိးကလဲၤခီဂာ်ဝဲ ထံတဖၣ်လၢ ချံလၢပှၤတ့အီၤလၢ တပိၢ်ဆှဲတဖၣ်လီၤ. ဒီးပှၤလၢအအိၣ်လၢ တၢ်လီၢ်အဝဲန့ၣ် တဲပာ်စၢၤ ပှၤစိာ်တၢ်ကစီၣ်ဖိတဖၣ်အံၤလၢ
“ပှၤစိာ်တၢ်ကစီၣ်ဖိလၢ အလဲၤတၢ်ချ့ချ့တဖၣ်ဧၢ, လဲၤလၢ
ပှၤကလုာ်လၢ အနီၢ်ထီ ဒီးအဘ့ၣ်ဘျ့,
ပှၤတဒူၣ်လၢ ပှၤလၢတၢ်လီၢ် ကိးတီၤဒဲး ပျံၤအီၤ,+
ပှၤကလုာ်လၢ အဂံၢ်ဆူၣ် ဒီးမၤနၢၤတၢ်
လၢအအိၣ်လၢ ကီၢ်တဘ့ၣ်လၢ ထံကျိတဖၣ် ယွၤဝဲလၢအပူၤ အအိၣ်န့ၣ်တက့ၢ်.”
၃ ပှၤခဲလၢာ်လၢ အအိၣ်လၢကီၢ်ပူၤ ဒီးအအိၣ်လၢ ဟီၣ်ခိၣ်ချၢသ့ၣ်ဧၢ,
တၢ်လၢသုကထံၣ်ဘၣ်န့ၣ် ကလီၤဂာ်ဒ်သိးဒီး တၢ်ပနီၣ်တခါလၢ ဘၣ်တၢ်ဆီလီၤအီၤလၢ ကစၢၢ်ခိၣ်လီၤ.
ဒီးသုကနၢ်ဟူ တၢ်ကလုၢ်သီၣ် လီၤဂာ်ဒ်သိးဒီး ပှၤအူကွဲၤသီၣ်လီၤ.
၄ ယဟိဝၤယွၤ တဲယၤလၢ
“ယကအိၣ်ကစုဒု ဒီးယကကွၢ်လီၤ ယတၢ်အိၣ်တၢ်ဆိးအလီၢ်
ဒီးယမၤဒ်အံၤအဃိ ကလီၤဂာ်ဒ် မုၢ်အတၢ်ကပီၤ ဖဲတၢ်ကိၢ်ခါအသိး
ဒီးဒ်ပစီၤထံလၢ အလီၤလၢ တၢ်ကိၢ်ကျါ ဖဲကူးတၢ် အဆၢကတီၢ်လီၤ.
၅ စပံးအဖီ ကဘိၣ်ထီၣ် ဒီးစပံးသၣ်တဖၣ် ဘူးကမံထီၣ်ဝဲ
ဘၣ်ဆၣ် တချုးလၢ ပှၤဒဲးအီၤ ဒံးဘၣ်န့ၣ်
အဒိးဘီၣ်တဖၣ် ကဘၣ် တၢ်ကူးတဲာ်ကွံာ်အီၤ လၢထါဂဲာ်
ဒီးအမုၢ်တဖၣ် ကဘၣ်တၢ် ကျီကွံာ်အီၤလီၤ.
၆ အဝဲသ့ၣ် ကဘၣ်တၢ်ပာ်တ့ၢ်ကွံာ်အီၤလၢ ထိၣ်လၢကစၢၢ်ခိၣ်တဖၣ် ကအီၣ်ဝဲအဂီၢ်
ဒီးဆၣ်ဖိကီၢ်ဖိအမံၤ လၢဟီၣ်ခိၣ်ချၢ ကအီၣ်ဝဲအဂီၢ်လီၤ.
လၢတၢ်ကိၢ်ခါ ဒီတကတီၢ်န့ၣ် ထိၣ်တဖၣ် ကအီၣ်အဝဲသ့ၣ်
ဒီးလၢကူးတၢ် အဆၢကတီၢ် ဒီတကတီၢ်န့ၣ် ဆၣ်ဖိကီၢ်ဖိအမံၤ လၢဟီၣ်ခိၣ်ချၢ ကအီၣ်အဝဲသ့ၣ်လီၤ.
၇ ဖဲန့ၣ်အဆၢကတီၢ် ပှၤကလုာ်လၢ အနီၢ်ထီ ဒီးအဘ့ၣ်ဘျ့,
ပှၤတဒူၣ်လၢ ပှၤလၢတၢ်လီၢ် ကိးတီၤဒဲးပျံၤအီၤ,
ပှၤကလုာ်လၢ အဂံၢ်ဆူၣ်ဒီး မၤနၢၤတၢ်
လၢအအိၣ်လၢ ကီၢ်တဘ့ၣ်လၢ ထံကျိတဖၣ် ယွၤဝဲလၢအပူၤန့ၣ်
ကဟဲစိာ်တၢ်ဟ့ၣ်လၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အအိၣ်လီၤ.
အဃိ အဝဲသ့ၣ် ကဟဲဝဲလၢ တၢ်လီၢ်လၢ အအိၣ်ဒီး တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အမံၤအလီၢ် လၢအမ့ၢ် ကစၢၢ်စံယိၣ်လီၤ.”+
၁၉ တၢ်စံၣ်ညီၣ်အကစီၣ် လၢအဘၣ်ဃးဒီး ကီၢ်အဲၤကူပတူးန့ၣ် အိၣ်ဝဲဒ် လၢလာ်အံၤ အသိးလီၤ.+
ကွၢ်မီၤ, ယဟိဝၤယွၤ ဟဲဒိးဝဲဒီး တၢ်အၢၣ်ချ့မး ဒီးအဟဲဝဲလၢ ကီၢ်အဲၤကူပတူးလီၤ.
ကီၢ်အဲၤကူပတူး အယွၤလၢ အဘျုးတအိၣ်ဘၣ်တဖၣ်န့ၣ် ကကနိးလၢ အမဲာ်ညါ+
ဒီးပှၤအဲၤကူပတူးဖိ အတၢ်သးဒူ ကလီၤမၢ်ကွံာ်ဝဲလီၤ.
၂ “ယကထိၣ်ဟူးထိၣ်ဂဲၤထီၣ် ပှၤအဲၤကူပတူးဖိ လၢကထီဒါ လိာ်သးကဒဲကဒဲ
ဒီးအဝဲသ့ၣ် ကဒုးလိာ်သး တဂၤဒီးတဂၤလီၤ.
အဝဲသ့ၣ် တဂၤစုာ်စုာ်န့ၣ် ကထီဒါက့ၤ အနီၢ်ကစၢ် အဒီပုၢ်ဝဲၢ်ဒီး ပှၤလၢအဃၢၤ,
အဝဲသ့ၣ်အဝ့ၢ် တဝ့ၢ်ဘၣ်တဝ့ၢ် ကထီဒါလိာ်သး ဒီးအစီၤပၤတဖၣ် ကထီဒါလိာ်သး ကဒဲကဒဲလီၤ.
၃ ဒီးပှၤအိၣ်လၢ ကီၢ်အဲၤကူပတူးအပူၤန့ၣ် အခိၣ်နူာ်ကဘံဘူဝဲ
ဒီးယကမၤဟးဂီၤ အဝဲသ့ၣ် အတၢ်ကူၣ်လီၤ.+
အဝဲသ့ၣ် ကဃ့တၢ်ဟံးစုနဲၣ်ကျဲလၢ ယွၤလၢအဘျုးတအိၣ်ဘၣ်တဖၣ်,
ပှၤအူတၢ်သမူတၢ်, ပှၤလၢ အဆဲးကျိးဒီးပှၤသံ ဒီးပှၤလၢ အဟီဆိပာ်စၢၤတၢ် အအိၣ်လီၤ.+
၄ ယကဟ့ၣ်လီၤ ပှၤအဲၤကူပတူးဖိ လၢကစၢ်လၢ အဆူၣ်အကိၤ တဂၤအစုပူၤ
ဒီးစီၤပၤလၢ အသူၣ်အၢသးသီတဂၤ ကပၢအဝဲသ့ၣ်လီၤ.”+ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် ကစၢ်လၢအမ့ၢ်အတီတဂၤ တဲဝဲဒ်န့ၣ်လီၤ.
၅ ပီၣ်လဲၣ်အထံ ကလီၤသံးကွံာ်ဝဲ
ဒီးထံကျိ ကလီၤသံး ဒီးဃ့ထီကွံာ်ဝဲလီၤ.+
၆ ထံကျိတဖၣ် ကနၢအုၣ်ဝဲ
ဒီးကီၢ်အဲၤကူပတူး အထံကျိနံၤလါ အထံကျိၤတဖၣ် ကလီၤသံး ဒီးကဃ့ထီကွံာ်ဝဲလီၤ.
တပိၢ် ဒီးနီၣ်လၢအထီတဖၣ်* ကအုၣ်ကွံာ်ဝဲလီၤ.+
၇ တၢ်မုၢ်တၢ်ဘိတဖၣ် လၢထံကျိနံၤလါအဃၢၤ, တၢ်မုၢ်တၢ်ဘိလၢ ထံကျိနံၤလါ အထံထၣ်
ဒီးတၢ်လီၢ်လၢ ပှၤဖှံလီၤအီၤဒီးတၢ်ချံ လၢထံကျိနံၤလါ+ အဃၢၤ ခဲလၢာ်န့ၣ် ကဃ့ထီကွံာ်ဝဲလီၤ.+
ကလံၤကအူဒံကွံာ်အီၤ ဒီးအတအိၣ်လၢၤဘၣ်.
၈ ပှၤမၤညၣ်ဖိ ကဟီၣ်ဝဲယၢၤဝဲ,
ပှၤလၢအတခွဲညၣ်လၢ ထံကျိနံၤလါအပူၤန့ၣ် ကသးအုးဝဲ
ဒီးပှၤလၢ အကွံာ်လီၤပှာ် လၢထံကျါန့ၣ် ကစှၤလီၤဝဲလီၤ.
၉ ပှၤလၢအသူ ခီမၤ* ဒ်သိးအကတ့ထီၣ် တၢ်ကံးညာ်တဖၣ်အဂီၢ်+
ဒီးပှၤလၢ အထါတၢ်ကံးညာ်အဝါလၢ ထၣ်အလိၤန့ၣ် ကဒိးန့ၢ်ဘၣ် တၢ်မဲာ်ဆှးလီၤ.
၁၀ အဲၤကူပတူး အပှၤထါတၢ်ဖိတဖၣ် အသးကသဘှံး
ဒီးအပှၤမၤတၢ်ဖိလၢ ဘၣ်တၢ်ငါအီၤခဲလၢာ်န့ၣ် ကသးအုးလီၤ.
၁၁ ဝ့ၢ်စိၤဧၣ် အပဒိၣ်တဖၣ်န့ၣ်+ မ့ၢ်ပှၤဟးဂီၤဖိလီၤ.
ဖၤရိၤ အပှၤဟ့ၣ်ကူၣ်တၢ်ဖိတဖၣ် လၢအကူၣ်တၢ်သ့ကတၢၢ်န့ၣ် ဟ့ၣ်ကူၣ်တၢ်လၢ အဘျုး တအိၣ်ဘၣ်လီၤ.+
အဃိ သုတဲဖၤရိၤလၢ
“ယမ့ၢ် ပှၤကူၣ်တၢ်သ့ အစၢၤအသွဲၣ်
ဒီးစီၤပၤလၢပျၢၤတဖၣ် အစၢၤအသွဲၣ်” ကသ့ဒ်လဲၣ်.
၁၂ မ့မ့ၢ်ဒ်န့ၣ်န့ၣ် သုပှၤလၢ အကူၣ်တၢ်သ့တဖၣ် အိၣ်ဖဲလဲၣ်.+
အဝဲသ့ၣ် မ့ၢ်သ့ၣ်ညါ တၢ်လၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဆၢတဲာ်ပာ်စၢၤဝဲ ဘၣ်ဃးဒီး ကီၢ်အဲၤကူပတူးန့ၣ် မၢအဝဲသ့ၣ် တဲဘၣ်သုသၢၤ.
၁၃ ဝ့ၢ်စိၤဧၣ် အပဒိၣ်တဖၣ်န့ၣ် မၤကြီတၢ်လံ.
ဝ့ၢ်နိဖး အပဒိၣ်တဖၣ်န့ၣ်+ ဘၣ်တၢ်လံၣ်န့ၢ်လီန့ၢ်အီၤလံ.
ဒီးပှၤအဒူၣ်တဖၣ် အခိၣ်တဖၣ်န့ၣ် ဆှၢကမၣ် ပှၤအဲၤကူပတူးဖိလံ.
၁၄ ယဟိဝၤယွၤ မၤဘံဘူ ပှၤအဲၤကူပတူးဖိတဖၣ် အခိၣ်နူာ်လံ.+
ဒီးပှၤခိၣ်ပှၤနၢ်တဖၣ် ဆှၢကမၣ် ပှၤအဲၤကူပတူးဖိလၢ တၢ်လၢအဝဲသ့ၣ် မၤဝဲတမံၤဂ့ၤ တမံၤဂ့ၤ
အဃိ အဝဲသ့ၣ် လီၤဂာ်ဒီး ပှၤမူၤသံးတဂၤလၢ အခီၣ်တလံာ်က့ၤလၢ အနီၢ်ကစၢ် အဘှိးလီၤ.
၁၅ ဒီးပှၤအဲၤကူပတူးဖိ မၤတၢ် တသ့ နီတမံၤလၢၤဘၣ်.
အခိၣ်မ့ၢ်ဂ့ၤ, အခံမဲၢ်မ့ၢ်ဂ့ၤ, တၢ်အဒ့ဘီၣ် ဒီးနီၣ်လၢအထီ* မ့ၢ်ဂ့ၤ မၤတၢ်တသ့ နီတမံၤလၢၤဘၣ်.
၁၆ ဖဲန့ၣ်အဆၢကတီၢ် ပှၤအဲၤကူပတူးဖိ ကလီၤဂာ်ဒ်သိးဒီး ပိာ်မုၣ်လီၤ. ဒီးအဝဲသ့ၣ် ကပျံၤတၢ် ဒီးကကနိးကစုာ် သပှၢ်တၢၢ် ခီဖျိလၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကဒုးနဲၣ် အဝဲသ့ၣ်လၢ အစုခိၣ်သၣ်* အဃိလီၤ.+ ၁၇ ဒီးယူဒၤ အဟီၣ်ကဝီၤ ကကဲထီၣ် တၢ်လီၤပျံၤလီၤဖုးအလီၢ်လၢ ပှၤအဲၤကူပတူးဖိတဖၣ် အဂီၢ်လီၤ. မ့ၢ်လၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဆၢတဲာ်ဝဲလၢ အကထီဒါ ပှၤအဲၤကူပတူးဖိတဖၣ် အဃိ ဖဲပှၤယၢၤထီၣ် ယူဒၤအဟီၣ်ကဝီၤ အဂ့ၢ်အခါ အဝဲသ့ၣ် ကပျံၤတၢ်ဖုးတၢ်ဒိၣ်မးလီၤ.+
၁၈ ဖဲန့ၣ်အဆၢကတီၢ် လၢကီၢ်အဲၤကူပတူး အဝ့ၢ်ယဲၢ်ဖျၢၣ်အပူၤန့ၣ် ပှၤကတဲတၢ်လၢ ကနၤဧၣ်အကျိာ်*+ ဒီးပှၤကအၢၣ်လီၤတၢ်လၢ အကတီဒီး တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ. ဒီးလၢဝ့ၢ်တဖၣ်အံၤ အကျါတဝ့ၢ်န့ၣ် ပှၤကကိးဝဲလၢ တၢ်မၤလီၤပှီၢ် အဝ့ၢ်လီၤ.
၁၉ ဖဲန့ၣ်အဆၢကတီၢ် လၢကီၢ်အဲၤကူပတူး အခၢၣ်သးန့ၣ် တၢ်လုၢ်လီၢ်လၢ ယဟိဝၤယွၤအဂီၢ် ကအိၣ်ဝဲတဖျၢၣ် ဒီးတၢ်အထူၣ် လၢယဟိဝၤယွၤ အဂီၢ်ကအိၣ်ဝဲ ဖဲအကီၢ်ဆၢန့ၣ် တထူၣ်လီၤ. ၂၀ တၢ်သ့ၣ်တဖၣ်န့ၣ် ကမ့ၢ်တၢ်ပနီၣ် ဒီးတၢ်အုၣ်အသးလၢ အဘၣ်ဃးဒီး တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အဂ့ၢ်လၢ ကီၢ်အဲၤကူပတူး အပူၤလီၤ. ခီဖျိလၢ တၢ်ဆီၣ်တံၢ်မၤနၢၤတၢ်အဃိ ပှၤကကိးထီၣ် ယဟိဝၤယွၤ ဒီးအဝဲကဆှၢလီၤန့ၢ် အဝဲသ့ၣ်လၢ ပှၤဖးဒိၣ်တဂၤလၢ အကမၤပူၤဖျဲး အဝဲသ့ၣ်လီၤ. ၂၁ ဖဲန့ၣ်အဆၢကတီၢ် ယဟိဝၤယွၤ ကပာ်ဖျါထီၣ်န့ၢ် ပှၤအဲၤကူပတူးဖိလၢ အဝဲမ့ၢ်မတဂၤလဲၣ် ဒီးပှၤအဲၤကူပတူးဖိ ကသ့ၣ်ညါ ယဟိဝၤယွၤလီၤ. ဒီးအဝဲသ့ၣ် ကဟ့ၣ်လုၢ်ထီၣ် တၢ်လုၢ်တၢ်ပာ်တဖၣ်ဒီး တၢ်ဟ့ၣ်တဖၣ်, ကမၤတၢ်အၢၣ်လီၤဒီး ယဟိဝၤယွၤ ဒီးကမၤလၢပှဲၤဝဲလီၤ. ၂၂ ယဟိဝၤယွၤ ကစံၣ်ညီၣ် ပှၤအဲၤကူပတူးဖိ,+ ကစံၣ်ညီၣ်ဝဲ ဒီးကမၤဘျါက့ၤဝဲလီၤ. အဝဲသ့ၣ် ကဟဲက့ၤလၢ ယဟိဝၤယွၤအအိၣ်အဃိ ကစၢ်ယွၤ ကတူၢ်လိာ် အဝဲသ့ၣ် အတၢ်ဃ့ကညးတဖၣ် ဒီးမၤဘျါက့ၤ အဝဲသ့ၣ်လီၤ.
၂၃ ဖဲန့ၣ်အဆၢကတီၢ် ကျဲမုၢ်ဖးဒိၣ်လၢ+ အဟးထီၣ်လၢ ကီၢ်အဲၤကူပတူး ဒီးလဲၤဆူ ကီၢ်အၤၡူၢ်န့ၣ် ကအိၣ်ဝဲတဘိလီၤ. ဒီးပှၤအၤၡူၢ်ဖိ ကဟဲလၢ ကီၢ်အဲၤကူပတူးအပူၤ ဒီးပှၤအဲၤကူပတူးဖိ ကလဲၤလၢ ကီၢ်အၤၡူၢ်အပူၤလီၤ. ပှၤအဲၤကူပတူးဖိ ဒီးပှၤအၤၡူၢ်ဖိ ကဘူၣ်ထီၣ်ဘါထီၣ် ကစၢ်ယွၤ ဒ်သိးသိးလီၤ. ၂၄ ဖဲန့ၣ်အဆၢကတီၢ် အံၣ်စရ့လး အပှၤဂီၢ်မုၢ် ကကဲ ပှၤသၢဒူၣ်တဒူၣ်လၢ အပာ်ဖှိၣ်ထီၣ်အသး ဃုာ်ဒီး ပှၤအဲၤကူပတူးဖိ ဒီးပှၤအၤၡူၢ်ဖိလီၤ.+ ဒီးအဝဲသ့ၣ် ကကဲထီၣ် တၢ်ဆိၣ်ဂ့ၤလၢ ဟီၣ်ခိၣ်အဂီၢ်, ၂၅ မ့ၢ်လၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကဆိၣ်ဂ့ၤ ပှၤတဖၣ်န့ၣ် ဒီးကတဲဝဲလၢ “ယပှၤဂီၢ်မုၢ် ပှၤအဲၤကူပတူးဖိ, ယစုတၢ်မၤ ပှၤအၤၡူၢ်ဖိ ဒီးယတၢ်န့ၢ်သါ အံၣ်စရ့လး အပှၤဂီၢ်မုၢ်န့ၣ် မ်အဘၣ်ဆိၣ်ဂ့ၤတက့ၢ်.”+
၂၀ ဖဲကီၢ်အၤၡူၢ် အစီၤပၤစၤရကိၣ် ဆှၢလီၤ သုးခိၣ်ကျၢၢ်တဂၤဆူ* ဝ့ၢ်အၤစဒိာ်+ အနံၣ်န့ၣ် သုးခိၣ်ကျၢၢ်တဂၤန့ၣ် ဒုးဝဲ ဝ့ၢ်အၤစဒိာ် ဒီးမၤန့ၢ်ဝဲ ဝ့ၢ်န့ၣ်လီၤ.+ ၂ ဖဲန့ၣ်အဆၢကတီၢ် ယဟိဝၤယွၤ တဲဘၣ် စီၤအၤမိး အဖိခွါ စီၤယၡါယၤလၢ+ “ဘ့ၣ်လီၤကွံာ် ထၢၣ်တၢ်ကံးညာ်လၢ နယီၢ်ဒ့လိၤ ဒီးဘ့ၣ်လီၤနခီၣ်ဖံးတက့ၢ်.” ဒီးစီၤယၡါယၤ မၤဝဲဒ်န့ၣ် ဒီးအဝဲဟးလၢ ဘ့ၣ်ဆ့ ဒီးအခီၣ်ဖံးတပၣ်ဘၣ်.
၃ ဒီးယဟိဝၤယွၤ တဲဝဲလၢ “ယခ့ယပှၤ စီၤယၡါယၤ ဟးဘ့ၣ်ဆ့ ဒီးဟးခီၣ်ဖံးတပၣ်ဘၣ်န့ၣ် အိၣ်သၢနံၣ်လံ. အဝဲန့ၣ် မ့ၢ်တၢ်ပနီၣ်+ ဒီးတၢ်ဟ့ၣ်ပလီၢ်လၢ အဘၣ်ဃးဒီး တၢ်ကမၤအသး ဒီးကီၢ်အဲၤကူပတူး+ ဒီးကီၢ်အဲၤသံအီးပးလီၤ.+ ၄ ဒ်န့ၣ်အသိး ကီၢ်အၤၡူၢ် အစီၤပၤ ကက့ၤဖီၣ်ဝဲ ပှၤလၢ ကီၢ်အဲၤကူပတူး+ ဒီးကီၢ်အဲၤသံအီးပးအပူၤန့ၣ်လီၤ. ဒီးပိာ်ခွါ သးပှၢ်မ့ၢ်ဂ့ၤ, ပိာ်ခွါ သးစၢ်မ့ၢ်ဂ့ၤ, ကဟးဘ့ၣ်ဆ့ ဒီးကဟးခီၣ်ဖံးတပၣ်ဘၣ် ဒီးအဝဲသ့ၣ် အခံကိၢ် ကဖျါထီၣ်ဝဲအဃိ ကကဲထီၣ် တၢ်မဲာ်ဆှးလၢ* ပှၤအဲၤကူပတူးဖိ အဂီၢ်လီၤ. ၅ ပှၤလၢ အမုၢ်လၢ်တၢ်လၢ ကီၢ်အဲၤသံအီးပး ဒီးပာ်ကဖၢလၢအသးလၢ ကီၢ်အဲၤကူပတူး အဃိန့ၣ် အဝဲသ့ၣ် ကပျံၤတၢ် ဒီးကမဲာ်ဆှးလီၤ. ၆ ဖဲန့ၣ်အဆၢကတီၢ် ပှၤလၢ အအိၣ်လၢ ပီၣ်လဲၣ်နံၤ အဟီၣ်ကဝီၤန့ၣ် ကတဲဝဲလၢ ‘လၢညါန့ၣ် ဒ်သိးပကပူၤဖျဲးလၢ ကီၢ်အၤၡူၢ် အစီၤပၤအဂီၢ် ပဃ့ၢ်လၢ ပှၤတဖၣ်န့ၣ်အအိၣ် ဒီးပမုၢ်လၢ်တၢ်လၢ အဝဲသ့ၣ်အအိၣ် ဘၣ်ဆၣ် တၢ်မၤအသး ဒီးအဝဲသ့ၣ် ဒ်လဲၣ်န့ၣ် ကွၢ်သၢၤ. ခဲအံၤန့ၣ် ပပူၤဖျဲးကသ့ဒ်လဲၣ်.’”
၂၁ တၢ်စံၣ်ညီၣ်အကစီၣ် လၢအဘၣ်ဃးဒီး ပှၢ်မုၢ်ကနၢ လၢအလီၤဂာ်ဒီး ပီၣ်လဲၣ်န့ၣ်* အိၣ်ဝဲဒ်လၢလာ်အံၤအသိးလီၤ.+
တၢ်နးတၢ်ဖှီၣ် ကဟဲဒ်သိးဒီး ကလံၤမုၢ်လၢ အအိၣ်ဟဲလၢ ကလံၤထံးတခီ
ဒီးအအိၣ်ဟဲလၢ ပှၢ်မုၢ်ကနၢလၢ အလီၤပျံၤလီၤဖုးလီၤ.+
၂ ယထံၣ်ဘၣ် တၢ်ထံၣ်လၢညါခီ လၢအလီၤပျံၤလီၤဖုး ဒ်လၢလာ်အံၤအသိးလီၤ.
ပှၤလၢအသးတတီဘၣ်န့ၣ် မၤတၢ်လၢ တၢ်သးတတီဘၣ်အပူၤလီၤ.
ပှၤမၤဟးဂီၤတၢ်ဖိန့ၣ် မၤဟးဂီၤတၢ်လီၤ.
အိ ပှၤဧ့ၤလၣ်ဖိသ့ၣ်ဧၢ, လဲၤထီၣ်ဒုးတၢ်တက့ၢ်. အိ ပှၤမၤဒဲဖိသ့ၣ်ဧၢ, လဲၤကဝီၤတၢ်တက့ၢ်.+
ယကမၤကတၢၢ်ကွံာ် တၢ်ကအုကစွါ လၢအ* ဒုးအိၣ်ထီၣ်ဝဲခဲလၢာ်လီၤ.+
၃ ခီဖျိလၢ တၢ်ထံၣ်လၢညါခီအံၤအဃိ ယသူၣ်ကိၢ်သးဂီၤဒိၣ်မး.+
ယဆါဝံာ်ပကံ ဒ်သိးဒီး
ပိာ်မုၣ်တဂၤလၢ အဟုးဆါထီၣ်လီၤ.
ယဘၣ်ကိၢ်ဘၣ်ဂီၤ တုၤလၢ ယကနၣ် တကဲလၢၤဘၣ်.
ယသးဘၣ်တံာ်တာ် တုၤလၢ ယကွၢ်မး တကဲလၢၤဘၣ်.
၄ ယသူၣ်ကိၢ်သးဂီၤ ဒီးယကနိးလၢ တၢ်ပျံၤတၢ်ဖုး အပူၤလီၤ.
လၢညါခါ မုၢ်လီၤနုာ် အဆၢကတီၢ်န့ၣ် မုာ်ဘၣ်ယၤဒိၣ်မး ဘၣ်ဆၣ် တဘျီအံၤဒု အိၣ်ထဲ အမၤပျံၤ မၤဖုးယၤလီၤ.
၅ ဆီလီၤ စီၢ်နီၤခိၣ် ဒီးရဲၣ်လီၤ လီၢ်ဆ့ၣ်နီၤတဖၣ်သၢၤ.
အီၣ်တၢ်အီတၢ်သၢၤ.+
သုဝဲ ပဒိၣ်ပပှၢ်သ့ၣ်ဧၢ, ဂဲၤဆၢထၢၣ် ဖှူကတီၤတဖၣ်သၢၤ.
၆ ယဟိဝၤယွၤ တဲယၤလၢ
“လဲၤဆီလီၤ ပှၤခိးကွၢ်တၢ်ဖိတဂၤ ဒီးအထံၣ်တၢ်မနုၤလဲၣ်န့ၣ် မၢအတဲဖျါထီၣ်တက့ၢ်.”
၇ ဒီးအဝဲထံၣ်ဘၣ် လ့ၣ်ကဟၣ်သုးလၢ ကသ့ၣ်တဖၣ်တွံၢ်ဝဲ,
လ့ၣ်ကဟၣ်သုးလၢ ကသ့ၣ်ယီၤတဖၣ်တွံၢ်ဝဲ,
ဒီးလ့ၣ်ကဟၣ်သုးလၢ ကီၤလၤအူးတဖၣ်တွံၢ်ဝဲလီၤ.
ဒီးအဝဲကွၢ်ဝဲ ထံထံဆးဆးလီၤ.
၈ ဝံၤဒီး အဝဲကိးထီၣ်ဝဲ ဒ်ခ့ယုၢ် ကညီၤတၢ်အသိး ဒီးတဲဝဲလၢ
“အိ ယဟိဝၤယွၤဧၢ, လၢမုၢ်ဆါခီန့ၣ် ယဆၢထၢၣ်ခိးတၢ်လၢ တၢးထီခိးတၢ် အဖီခိၣ်ထီဘိ
ဒီးယအိၣ်လၢ ယခိးတၢ်အလီၢ် ကိးနၤဒဲးလီၤ.+
၉ လၢန့ၣ် ပှၤပိာ်ခွါတဖၣ်
လၢအဒိးဝဲ လ့ၣ်ကဟၣ်သုးလၢ ကသ့ၣ်တဖၣ်တွံၢ်ဝဲန့ၣ် ဟဲလံ.”+
ဝံၤဒီး ပှၤခိးတၢ်ဖိန့ၣ် တဲဝဲလၢ
“အလီၤပှီၢ်လံ. ဘၤဘူၤလိၣ် လီၤပှီၢ်လံ.+
အတၢ်ဂီၤတၢ်ဖှီၣ်တဖၣ်န့ၣ် ဘၣ်တၢ်မၤလီၤကရဲအီၤလၢ ဟီၣ်ခိၣ်လိၤလၢာ်လံ.”+
၁၀ အိ ယပှၤဂီၢ်မုၢ်လၢ အဘၣ်တၢ်ယီၢ်တံၢ်အီၤ ဒ်သိးဒီးဘု,
ဘုလၢ ယကြဲၢ်ပူၤ သ့ၣ်ဧၢ,+
တၢ်လၢယနၢ်ဟူဘၣ်လၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤ အအိၣ်န့ၣ် ယတဲဘၣ်သုလံ.
၁၁ တၢ်စံၣ်ညီၣ်အကစီၣ် လၢအဘၣ်ဃးဒီး ဒူမၤန့ၣ်* အိၣ်ဝဲဒ်လၢ လာ်အံၤအသိးလီၤ.
ပှၤတဂၤလၢအအိၣ်လၢ စ့ဧၢ်အတၢ်လီၢ်န့ၣ် ကိးဃီၤတၢ်ဆူယအိၣ်လၢ+
“ပှၤခိးကွၢ်တၢ်ဖိဧၢ, မုၢ်နၤကလၢာ်ကွံာ်ဝဲ အခါဖဲလဲၣ်.
ပှၤခိးကွၢ်တၢ်ဖိဧၢ, မုၢ်နၤကလၢာ်ကွံာ်ဝဲ အခါဖဲလဲၣ်.”
၁၂ ပှၤခိးကွၢ်တၢ်ဖိတဂၤန့ၣ် တဲဝဲလၢ
“မုၢ်ကဝါထီၣ်လီၤ. ဒီးမုၢ်ကဟါလီၤ စ့ၢ်ကီးလီၤ.
သုမ့ၢ် အဲၣ်ဒိးသံကွၢ်တၢ်န့ၣ် သံကွၢ်ဟီ.
ဟဲက့ၤသံကွၢ်ဟီ.”
၁၃ တၢ်စံၣ်ညီၣ်အကစီၣ် လၢအဘၣ်ဃးဒီး မဲးမုၢ်ခိၣ်န့ၣ်* အိၣ်ဝဲဒ် လၢလာ်အံၤ အသိးလီၤ.
သုဝဲ ပှၤဒဒၣ်ဖိ လၢအလဲၤသကိးတၢ် ဒီတဖုသ့ၣ်ဧၢ,
သုကအိၣ်တ့ၢ်ဒီတနၤ ဖဲသ့ၣ်တပှီာ်တီၣ်အလီၢ် လၢမဲးမုၢ်ခိၣ်လီၤ.+
၁၄ ပှၤလၢအအိၣ်လၢ တ့မၤ အတၢ်လီၢ်တၢ်ကျဲ သ့ၣ်ဧၢ,+
လဲၤစိာ်န့ၢ်ထံလၢ ပှၤလၢ အလီၤဘဲအီထံ
ဒီးပှၤလၢ အဃုတၢ်အိၣ်သဒၢအလီၢ်န့ၣ် လဲၤစိာ်န့ၢ် အဝဲသ့ၣ်လၢ တၢ်အီၣ်တက့ၢ်.
၁၅ အဝဲသ့ၣ်န့ၣ် ဃ့ၢ်ပူၤဖျဲးအသးလၢ နးတဖၣ်, နးလၢပှၤထုးထီၣ်ဃာ်အီၤ,
ချံၣ်လၢ ပှၤဖ့ၣ်ထီၣ်ပာ်စၢၤအီၤ ဒီးလၢတၢ်ဒုးအၢအၢသီသီ အဃိလီၤ.
၁၆ ယဟိဝၤယွၤ တဲယၤလၢ “လၢတနံၣ်အတီၢ်ပူၤ* က့ဒၢ်အဒူၣ်+ အလၤကပီၤ ကကတၢၢ်ဝဲလီၤ. ၁၇ လၢပှၤဒူပှၤဃိၤလၢ က့ဒၢ်အဒူၣ်အကျါန့ၣ် ပှၤခးပျၢ်ဖိတဖၣ် ကအိၣ်တ့ၢ်က့ၤ ထဲစှၤဂၤ မ့ၢ်လၢ ယၤ, အံၣ်စရ့လး အကစၢ် ယဟိဝၤယွၤ တဲဝဲဝံၤလံ အဃိလီၤ.”
၂၂ တၢ်စံၣ်ညီၣ်အကစီၣ် လၢအဘၣ်ဃးဒီး တၢ်ထံၣ်လၢညါခီ အကစၢၢ်ကဆူးန့ၣ်* အိၣ်ဝဲဒ် လၢလာ်အံၤ အသိးလီၤ.+
ဘၣ်မနုၤအဃိ သုလဲၤထီၣ်လၢ ဟံၣ်ခိၣ်ဒုး ကိးဂၤဒဲးလဲၣ်.
၂ သုဝ့ၢ်န့ၣ် ကပှဲၤဝဲဒီး တၢ်သဘံၣ်သဘုၣ်,
တၢ်တၢထီၣ်တၢလီၤဒီး တၢ်ပာ်ကဖၢလၢသးလီၤ.
သုပှၤဂီၢ်မုၢ်လၢ အသံတဖၣ်န့ၣ် တသံလၢနးဘၣ်
ဒီးအဝဲသ့ၣ် တသံလၢ တၢ်ဒုးပူၤဘၣ်.+
၃ သုပှၤပၢတၢ်တဖၣ်န့ၣ် ကဃ့ၢ်ကွံာ် တပူၤဃီလီၤ.+
ပှၤကဖီၣ်န့ၢ် အဝဲသ့ၣ်အဂီၢ် ပှၤမးတလိၣ်သူ ချံၣ်ဘၣ်.
ပှၤလၢအဃ့ၢ်ကွံာ် ဖးယံၤသနာ်က့
ပှၤမ့ၢ်ထံၣ်န့ၢ်အီၤန့ၣ် ပှၤကဖီၣ်န့ၢ်အီၤ+ ကိးဂၤဒဲးလီၤ.
၄ အဃိန့ၣ် ယတဲလၢ “ယကဟီၣ် နးနးလီၤ.+
ကွၢ်ယၤတဂ့ၤ.
ခီဖျိလၢ ယပှၤဂီၢ်မုၢ် ဟးဂီၤဝဲအဃိ+
တဘၣ်ဂုာ်ကျဲးစၢး မၤမုာ်ထီၣ်က့ၤယၤတဂ့ၤ.
၅ တၢ်တနံၤန့ၣ် ကမ့ၢ်ဝဲ တၢ်သဘံၣ်သဘုၣ်, တၢ်ၡူကွံာ် ဒီးတၢ်ပျံၤတၢ်ဖုး အမုၢ်နံၤ+
လၢအဟဲလၢ တၢ်ပၢကစၢ် ယဟိဝၤယွၤအအိၣ်
ဒီးကမၤအသးလၢ တၢ်ထံၣ်လၢညါခီ အကစၢၢ်ကဆူး အပူၤလီၤ.
ဝ့ၢ်ဒူၣ် ကဘၣ်တၢ်မၤလီၤပှီၢ်အီၤ+
ဒီးတၢ်ကိးထီၣ်လၢ တၢ်မၤစၢၤ အဂီၢ် ကသီၣ်ထီၣ်တုၤလၢ ကစၢၢ်ကျါလီၤ.
၆ ပှၤဧ့ၤလၣ်ဖိတဖၣ်+ ထုးထီၣ် အပျၢ်ဘိအဒၢ
ဒီးဟဲဒိးလ့ၣ်ကဟၣ်သုးဒီး ကသ့ၣ်တဖၣ်
ဒီးပှၤကံၢ်ဖိတဖၣ်+ ကတဲာ်ကတီၤပာ်စၢၤ အကတီၤတဖၣ်လီၤ.
၇ သုတၢ်တြီၤ လၢအဂ့ၤကတၢၢ် တဖၣ်န့ၣ်
ကပှဲၤဝဲဒီး လ့ၣ်ကဟၣ်သုးတဖၣ်
ဒီးကသ့ၣ်တဖၣ်န့ၣ်* ကဆီလီၤအသးလၢ တြဲၤခိၣ်ထိးလီၤ.
၈ ယူဒၤ အတၢ်ဒီသဒၢန့ၣ်* ကဘၣ်တၢ်ထုးထီၣ်ကွံာ်အီၤလီၤ.
“ဖဲတၢ်တနံၤန့ၣ် သုကသန့ၤသုသးလၢ စုကဝဲၤတဖၣ် လၢအအိၣ်လၢ လဘၤနိၣ်ပှၢ် အဟံၣ်တဖျၢၣ် အပူၤလီၤ.+ ၉ သုကထံၣ်ဘၣ် စီၤဒၤဝံးအဝ့ၢ်ဒူၣ် ဖျိဝဲအါမးလီၤ.+ ဒီးသုကပာ်ဖှိၣ်ထံလၢ ကမါလၢ လာ်ခီတတီၤလီၤ.+ ၁၀ သုကဂံၢ် ဟံၣ်တဖၣ်လၢ ဝ့ၢ်ယရူၤၡလ့ၣ်အပူၤ ဒီးသုကမၤလီၤပှီၢ် ဟံၣ်တဖၣ်န့ၣ် ဒ်သိး သုကတ့ကျၢၤထီၣ်က့ၤ ဝ့ၢ်ဒူၣ်အဂီၢ်လီၤ. ၁၁ ဒီးဒ်သိး သုကပာ်ဃာ်ထံလၢ အဟဲလၢ ထံကမါလီၢ်လံၤ အဂီၢ်န့ၣ် သုကတ့ထီၣ် ထံဒၢဖးဒိၣ်လၢ တၢ်ဒူၣ်ခံခါ အဘၢၣ်စၢၤလီၤ. ဘၣ်ဆၣ် သုတသန့ၤသုသးလၢ ကစၢ်ယွၤ ဖးဒိၣ်တဂၤလၢ အတ့လီၤအီၤ အအိၣ်ဘၣ်. ဒီးကစၢ်ယွၤလၢ အဆၢတဲာ်တၢ်လၢ အပူၤကွံာ်ဖးယံာ်လၢ အကမၤဝဲဒ်အံၤ တဂၤန့ၣ် သုတထံၣ်ဘၣ်အီၤဘၣ်.
၁၂ မုၢ်နံၤအဝဲန့ၣ် မ့ၢ်တုၤန့ၣ် တၢ်ပၢကစၢ် ယဟိဝၤယွၤ
ကမၢသုဟီၣ်လၢ တၢ်သးအုးအပူၤ,+
လူၤသုခိၣ် ဒီးကူထီၣ်ကၤထီၣ် ထၢၣ်တၢ်ကံးညာ်တဖၣ်လီၤ.*
ဒီးသုတဲလၢ ‘မ့ၢ်လၢ ခဲမုၢ်ဆ့ၣ်န့ၣ် ပကသံအဃိ ကဲ, ပအီၣ်တၢ် ဒီး အီတၢ်ဟီ.’”+
၁၄ ဝံၤဒီး တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဘၣ်ယၤဒ်အံၤလီၤ. “တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ ‘သုမ့ၢ်တသံဘၣ်န့ၣ် သုတၢ်ကမၣ်အံၤ တဘၣ်တၢ်ပျၢ်ကွံာ်အီၤဘၣ်.’”+
၁၅ တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ “လဲၤလၢ ပှၤလၢအအိၣ်ဒီး တၢ်န့ၢ်စိန့ၢ်ကမီၤ စီၤၡ့ၤဘနၤ+ လၢအမ့ၢ် ပှၤလၢအကွၢ်ထွဲဟံၣ်* အအိၣ် ဒီးတဲလၢ ၁၆ ‘တၢ်လီၢ်အံၤ ဘၣ်ဃးဒီး နၤဒ်လဲၣ်. လၢနကစိးပျၤထီၣ် တၢ်သွၣ်ခိၣ်တပူၤလၢ နနီၢ်ကစၢ်အဂီၢ်န့ၣ် နအိၣ်ဒီး တၢ်ခွဲးတၢ်ယာ်ဒ်လဲၣ်.’ စီၤၡ့ၤဘနၤ စိးပျၤထီၣ် တၢ်သွၣ်ခိၣ်တပူၤလၢ တၢ်လီၢ်လၢ အအိၣ်ထီၣ်ထီ ဒီးအခူၣ်ဝဲ တၢ်အိၣ်ဘှံးအလီၢ်လၢ အနီၢ်ကစၢ်အဂီၢ် လၢလ့ပူၤလီၤ. ၁၇ ဒီးတဲစ့ၢ်ကီးအီၤလၢ ‘ယၤ, ယဟိဝၤယွၤ ကဖီၣ်တံၢ်ဃာ်နၤဃံးဃံး ဒီးကကွံာ်လီၤနၤ ဆူၣ်ဆူၣ်လီၤ. ၁၈ ယကဘိၣ်ဘံထီၣ်နၤဃံးဃံး ဒီးယကကွံာ်နၤ ဒ်တၢ်အဖျၢၣ်တဖျၢၣ်အသိး ဆူထံကီၢ်လၢ အလဲၢ်တဘ့ၣ်အပူၤလီၤ. နကသံဖဲန့ၣ် ဒီးဖဲန့ၣ် ကအိၣ်တ့ၢ်က့ၤထဲ နလ့ၣ်ကဟၣ်လၢ အလီၤကဟုကညီၢ်တဖၣ် ဒီးကကဲထီၣ် တၢ်မဲာ်ဆှးလၢ ပှၤအိၣ်လၢ နကစၢ် အဟံၣ်ပူၤအဂီၢ်လီၤ. ၁၉ ယကသုးကွံာ်နၤလၢ နလီၢ်နလၤ ဒီးယကထုးထီၣ်ကွံာ်နၤလၢ နမူဒါလီၤ.
၂၀ “‘ဖဲန့ၣ်အဆၢကတီၢ် ယကကိးန့ၢ် ယခ့ယပှၤ စီၤအ့ၤလယါကံၣ်+ လၢအမ့ၢ် စီၤဃံးလကံယၤ အဖိခွါ ၂၁ ဒီးယကဒုးကၤထီၣ်အီၤလၢ နဆ့ဖးထီ, ယကစၢထီၣ် နယီၢ်တကိးလၢ အယီၢ်ဒ့လိၤဃံးဃံး+ ဒီးယကဟ့ၣ်လီၤကွံာ် နတၢ်စိတၢ်ကမီၤ လၢအစုပူၤလီၤ. ဒီးအဝဲကကဲထီၣ် ပှၤအိၣ်လၢ ဝ့ၢ်ယရူၤၡလ့ၣ်တဖၣ် ဒီးယူဒၤအပှၤဂီၢ်မုၢ် အပၢ်လီၤ. ၂၂ ဒီးယကဟ့ၣ်လီၤအီၤလၢ စီၤဒၤဝံး အစၢၤအသွဲၣ်တဖၣ်*+ အသီးခွဲးလီၤ. အဝဲကအိးထီၣ် တြဲၤတဖၣ် ဒီးပှၤတကးပံးဝဲ နီတဂၤဘၣ်. အဝဲကကးပံးတြဲၤတဖၣ် ဒီးပှၤတအိးထီၣ်ဝဲ နီတဂၤဘၣ်. ၂၃ ယကဒိတံၢ်အီၤ ဒ်ထးပနဲာ်* လၢအဘၣ်တၢ်ဒိတံၢ်အီၤလၢ တၢ်ဒူၣ်လၢအကျၢၤအလိၤ ဒီးအဝဲကကဲထီၣ် ဒ်သိးဒီး လီၢ်ပစိာ်လၢ အလီၤကဟုကညီၢ် လၢအပၢ်အဒူၣ်ဖိထၢဖိ အဂီၢ်လီၤ. ၂၄ အပၢ်အဒူၣ်ဖိထၢဖိ အလၤကပီၤခဲလၢာ် ကလီၤကစဲၤ လၢအီၤလီၤ. ဒီးအဝဲသ့ၣ် အစၢၤအသွဲၣ် ဒီးအဖိအလံၤတဖၣ် ကသန့ၤအသးလၢအီၤ ဒ်ပှၤဘျးလီၤကစဲၤ လီခီဖျၢၣ်ဆံးဆံးဖိတဖၣ်, လီခီဖျၢၣ်ဖးဒိၣ်တဖၣ် ဒီးကိတဖၣ်လၢ ထးပနဲာ်အလိၤ အသိးလီၤ.
၂၅ “တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ ‘ဖဲန့ၣ်အဆၢကတီၢ် ထးပနဲာ်လၢညါ* လၢအဘၣ်တၢ်ဒိတံၢ်အီၤလၢ တၢ်ဒူၣ်လၢအကျၢၤအလိၤန့ၣ် ကဘၣ်တၢ်ထုးထီၣ်ကွံာ်အီၤ,+ မၤလီၤတဲာ်ကွံာ်အီၤ ဒီးကလီၤတဲာ်ကွံာ်ဝဲလီၤ. တၢ်အဃၢလၢ အလီၤကစဲၤလၢ ထးပနဲာ်အလိၤန့ၣ် ကလီၤတဲာ်ကွံာ် ဒီးဟးဂီၤကွံာ်ဝဲ, မ့ၢ်လၢ ယဟိဝၤယွၤ အနီၢ်ကစၢ် တဲပာ်စၢၤဝဲဒ်န့ၣ်အဃိလီၤ.’”
၂၃ တၢ်စံၣ်ညီၣ်အကစီၣ်လၢ အဘၣ်ဃးဒီး ဝ့ၢ်စိၢ်န့ၣ် အိၣ်ဝဲဒ် လၢလာ်အံၤ အသိးလီၤ.+
ကဘီသန့ ဟးဂီၤလံ
ဒီးကဘီလဲၤနုာ်လီၤ တသ့လၢၤဘၣ်အဃိ တၢ်ၡံၣ် အကဘီသ့ၣ်ဧၢ, ဟီၣ်တက့ၢ်.+
ဒီးတၢ်ကစီၣ်အံၤ ဘၣ်တၢ်တဲဖျါထီၣ်အီၤလၢ ကံတံၣ် အတၢ်လီၢ် တၢ်ကျဲလံ.+
၂ ပှၤလၢအအိၣ်လၢ ပီၣ်လဲၣ်နံၤ အဟီၣ်ကဝီၤသ့ၣ်ဧၢ, အိၣ်ဘှ့ၣ်တက့ၢ်.
ဝ့ၢ်စံဒိၣ် အပှၤပှ့ၤတၢ်ဆါတၢ်လၢ+ အခီဂာ်ပီၣ်လဲၣ်န့ၣ် အိၣ်ပှဲၤလၢ နပူၤလီၤ.
၃ ထံကျိဖိ ၡံဃိၢ်* အဘု ဒီးတၢ်လၢ အမဲထီၣ်သၣ်ထီၣ်လၢ+
ထံကျိနံၤလါ အဟီၣ်ကဝီၤန့ၣ် ဘၣ်တၢ်ဆှၢလီၤအီၤလၢ ပီၣ်လဲၣ်တခီ
ဒီးအကဲထီၣ် အမၠးလၢ ဝ့ၢ်စိၢ်အဂီၢ် ဒီးလၢပှၤကလုာ်တဖၣ် အဂီၢ်လီၤ.+
၄ ဝ့ၢ်စံဒိၣ်ဧၢ, နမ့ၢ်ဝ့ၢ်လၢ အအိၣ်သူၣ်လီၤအသးလၢ ပီၣ်လဲၣ်အကပၤ ကျၢၤကျၢၤ
ဘၣ်ဆၣ် ပီၣ်လဲၣ်ကတဲဝဲလၢ “ယဟုးတဆါ နီတဘျီဘၣ် ဒီးယတအိၣ်ဖျဲၣ်ထီၣ် ယဖိနီတဘျီဘၣ်.
ယတကွၢ်လုၢ်ဒိၣ်ထီၣ်ဘၣ် ဖိမုၣ်ဖိခွါတဖၣ် နီတဘျီဘၣ်.”
အဃိ မ်အကကဲထီၣ် တၢ်မဲာ်ဆှး လၢနဂီၢ်တက့ၢ်.+
၅ ဖဲပှၤဂီၢ်မုၢ်နၢ်ဟူဘၣ် တၢ်ကစီၣ် လၢဘၣ်ဃးဒီး ဝ့ၢ်စိၢ်အခါ+
အဝဲသ့ၣ် ကသူၣ်ကိၢ်သးဂီၤတၢ် ဒ်သိးဒီး ဖဲအဝဲသ့ၣ် နၢ်ဟူဘၣ် တၢ်ကစီၣ် လၢအဘၣ်ဃးဒီး ကီၢ်အဲၤကူပတူး+ အခါလီၤ.
၆ ပှၤလၢအအိၣ်လၢ ပီၣ်လဲၣ်နံၤ အဟီၣ်ကဝီၤသ့ၣ်ဧၢ, ဟီၣ်တက့ၢ်.
လဲၤခီဂာ်ပီၣ်လဲၣ် ဒီးလဲၤဆူ တၢ်ၡံၣ်တက့ၢ်.
၇ ဝ့ၢ်လၢ အဘၣ်တၢ်မၤလၤကပီၤအီၤ လၢပျၢၤလံၤလံၤန့ၣ် အမ့ၢ်နဝ့ၢ်ဧါ.
လၢညါ ပှၤလၢအအိၣ်လၢအပူၤတဖၣ် လဲၤအိၣ်လဲၤဆိးလၢ ကီၢ်လၢအယံၤတဖၣ်လီၤ.
၈ ဝ့ၢ်စိၢ်န့ၣ် ပာ်ထီၣ် ပှၤခိၣ်ပှၤနၢ်တဖၣ်,
အပှၤပှ့ၤတၢ်ဆါတၢ်တဖၣ်န့ၣ် မ့ၢ်ဝဲ ပဒိၣ်ဖးဒိၣ်တဖၣ်
ဒီးအပှၤပနံာ်တၢ်ကၤတၢ်တဖၣ်န့ၣ် ပှၤမၤလၤကပီၤ အဝဲသ့ၣ် လၢဟီၣ်ခိၣ်ဒီဘ့ၣ် အဃိ
မတဂၤ ဆၢတဲာ်ဝဲလၢ ကမၤဝ့ၢ်စိၢ် ဒ်အံၤလဲၣ်.+
၉ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ဆၢတဲာ်ဝဲ ဒ်အံၤလီၤ.
အဝဲကမၤကတၢၢ်ကွံာ် ဝ့ၢ်စိၢ် အတၢ်ပာ်ကဖၢလၢသးလၢ အတၢ်ဃံတၢ်လၤအဃိ
ဒီးအဝဲကမၤမဲာ်ဆှး ပှၤခဲလၢာ် လၢအဘၣ်တၢ်မၤလၤကပီၤအီၤ လၢဟီၣ်ခိၣ် ဒီဘ့ၣ်ညါလီၤ.+
၁၀ အိ တၢ်ၡံၣ် အပှၤဂီၢ်မုၢ်သ့ၣ်ဧၢ, အိၣ်လီၤပြံလီၤပြါ ဒ်ထံကျိနံၤလါ အသိးတက့ၢ်.
ကဘီသန့ တအိၣ် နီတတီၤလၢၤဘၣ်.+
၁၁ ကစၢ်ယွၤ ယၤထီၣ်အစု လၢပီၣ်လဲၣ် အဖီခိၣ်လံ.
အဝဲတရုၤ ဘီမုၢ်တဖၣ်လံ.
ယဟိဝၤယွၤ မၤလိာ်ဝဲလၢ ပှၤဖံၤနံက့ၤဖိ အတၢ်အိၣ်သဒၢအလီၢ်တဖၣ် ကဘၣ် တၢ်မၤဟးဂီၤ အီၤလီၤ.+
ဂဲၤဆၢထၢၣ် လဲၤခီဂာ်ပီၣ်လဲၣ် ဒီးလဲၤဆူ ကံတံၣ် အတၢ်လီၢ် တၢ်ကျဲတက့ၢ်.+
ဖဲန့ၣ်ဒၣ်လဲာ် သုတအိၣ်ဘှံးဘၣ်ဘၣ်.”
၁၃ ကွၢ်လၢ ပှၤက့ၤစ့းဖိတဖၣ်* အတၢ်လီၢ်သၢၤ.+
ပှၤတဖၣ်န့ၣ် ကသူၣ်ထီၣ် တၢးထီတဖၣ် လၢကဒုးတၢ်အဂီၢ်,
ကမၤလီၤပှီၢ် တၢးလၢ အကျၢၤတဖၣ်,+
ကဒုးကဲထီၣ်အီၤ* လၢတၢ်ဟးဂီၤအပူၣ်
ဒီးကဒုးကဲထီၣ်အီၤလၢ တၢ်လီၢ်လၢ ဆၣ်ဖိကီၢ်ဖိ အမံၤတဖၣ်လၢ အအိၣ်ညီနုၢ်လၢ မဲးမုၢ်ခိၣ် အဂီၢ်လီၤ.
ပှၤက့ၤစ့းဖိတဖၣ် ကမၤဝဲဒ်န့ၣ် ဒီးတမ့ၢ်လၢ ပှၤအၤၡူၢ်ဖိ+ ကမၤဝဲဘၣ်.
၁၄ တၢ်ၡံၣ် အကဘီသ့ၣ်ဧၢ, ဟီၣ်တက့ၢ်.
သုတၢ်အိၣ်သဒၢအလီၢ် ဘၣ်တၢ်မၤဟးဂီၤအီၤလံ.+
၁၅ စးထီၣ်ဖဲ မုၢ်နံၤအဝဲန့ၣ် ပှၤကသးပ့ၤနီၣ်ကွံာ် ဝ့ၢ်စိၢ်အနံၣ် ၇၀ ဒ်စီၤပၤ အိၣ်မူယံာ်ဝဲ အနံၣ်အသိးလီၤ. ဖဲအနံၣ် ၇၀+ ပှဲၤထီၣ်အခါ တၢ်ကမၤအသးဒီး ဝ့ၢ်စိၢ် ဒ်သိးဒီး ပိာ်မုၣ်ဆါလီၤအီၣ်သးတဂၤလၢ တၢ်သးဝံၣ်တယုၢ် ဒ်လၢလာ်အံၤ အသိးလီၤ.
၁၆ “အိ ပိာ်မုၣ်ဆါလီၤအီၣ်သး လၢပှၤသးပ့ၤနီၣ်ကွံာ်အီၤဧၢ, ဟံးန့ၢ်တနၢ် ဒီးလဲၤတရံး ဝ့ၢ်တက့ၢ်.
ဒ့နတနၢ် ဂ့ၤဂ့ၤဘၣ်ဘၣ်
ဒီးသးဝံၣ် တၢ်သးဝံၣ်အါယုၢ်
ဒ်သိး အဝဲသ့ၣ် ကသ့ၣ်နီၣ်ထီၣ်က့ၤနၤ အဂီၢ်တက့ၢ်.”
၁၇ ဖဲအနံၣ် ၇၀ ပှဲၤထီၣ်အခါ ယဟိဝၤယွၤ ကနီၣ်ဘၣ်က့ၤ ဝ့ၢ်စိၢ်လီၤ. ဒီးဒ်ပိာ်မုၣ် ဆါလီၤအီၣ်သးအသိး ဝ့ၢ်စိၢ် ကစးထီၣ် ဒိးလဲကဒီးအသး လၢဘီမုၢ်ခဲလၢာ် လၢဟီၣ်ခိၣ်ဒီဘ့ၣ် အအိၣ်လီၤ. ၁၈ ဘၣ်ဆၣ် အမၠး ဒီးအဘူးအလဲတဖၣ်အံၤ ကဘၣ် တၢ်ပာ်စီဆှံအီၤလၢ ယဟိဝၤယွၤအဂီၢ် ဒီးတမ့ၢ်လၢ ဝ့ၢ်စိၢ် ကပာ်ဃာ်အီၤဒီး ကစူးဃာ်အီၤ အဂီၢ်ဘၣ်. တၢ်အဘူးအလဲတဖၣ်အံၤ ကမ့ၢ်ဝဲဒၣ်လၢ ယဟိဝၤယွၤ အပှၤဂီၢ်မုၢ် ကအီၣ်ဘၣ်တၢ် ဘျဲဘျဲ ဒီးကကူကကၤဘၣ် ဃံဃံလၤလၤ အဂီၢ်လီၤ.+
၂၄ ယဟိဝၤယွၤ ကနီဟးထီၣ်ကွံာ် ပှၤလၢအအိၣ်လၢ ကီၢ်ပူၤ* ဒီးအကဒုးအိၣ်သယုၢ်ကီၢ်လီၤ.+
ကစၢ်ယွၤ ကမၤဟးဂီၤဝဲကီၢ်+ ဒီးမၤလီၤပြံလီၤပြါ ပှၤအိၣ်လၢ ကီၢ်ပူၤလီၤ.+
၂ ပှၤဂီၢ်မုၢ်မ့ၢ်ဂ့ၤ, ပှၤလုၢ်တၢ်ဒိၣ်မ့ၢ်ဂ့ၤ,
တၢ်ခ့တၢ်ပှၤမ့ၢ်ဂ့ၤ, ကစၢ်မ့ၢ်ဂ့ၤ,
တၢ်ခ့တၢ်ပှၤပိာ်မုၣ်မ့ၢ်ဂ့ၤ, ကစၢ်မုၣ်မ့ၢ်ဂ့ၤ,
ပှၤပှ့ၤတၢ်ဖိမ့ၢ်ဂ့ၤ, ပှၤဆါတၢ်ဖိမ့ၢ်ဂ့ၤ,
ပှၤဟ့ၣ်လိၢ်တၢ်ဖိမ့ၢ်ဂ့ၤ, ပှၤဟံးလိၢ်တၢ်ဖိမ့ၢ်ဂ့ၤ,
ပှၤလၢ ပှၤဒ့ၣ်ကမၢ် အိၣ်ဒီးအီၤမ့ၢ်ဂ့ၤ ဒီးပှၤလၢအဒ့ၣ်ကမၢ်အိၣ်မ့ၢ်ဂ့ၤ
တၢ်ကမၤအသးဒီး ပှၤကိးဂၤဒဲး ဒ်သိးသိးလီၤ.+
၃ ယဟိဝၤယွၤ တဲတ့ၢ် တၢ်ကတိၤ တထံၣ်အံၤအဃိ
ပှၤကဘၣ် တၢ်နီဟးထီၣ်အီၤ လၢကီၢ်ပူၤ ကိးဂၤဒဲး
ဒီးတၢ်အိၣ်လၢ ကီၢ်ပူၤန့ၣ် ပှၤကဂုာ်န့ၢ်ဝဲ ခဲလၢာ်လီၤ.+
၄ ကီၢ်ကဟီၣ်ဝဲယၢၤဝဲ*+ ဒီးကလီၤညွံးလီၤဘဲဝဲလီၤ.
ဟီၣ်ခိၣ် ကဃ့ထီကွံာ် ဒီးကလီၤညွံးလီၤဘဲဝဲလီၤ.
ပှၤလၢအပတီၢ်ထီ လၢကီၢ်ပူၤန့ၣ် အဂံၢ်ဘါ ကလီၤစၢ်ဝဲလီၤ.
၅ ပှၤလၢအအိၣ်လၢ ကီၢ်ပူၤတဖၣ် မၤဘၣ်အၢဝဲကီၢ်,+
မ့ၢ်လၢ အဝဲသ့ၣ် တမၤထွဲဝဲ တၢ်သိၣ်တၢ်သီတဖၣ်ဘၣ်,+
ဆီတလဲကွံာ်ဝဲ တၢ်ဘျၢ+
ဒီးမၤဟးဂီၤကွံာ်ဝဲ တၢ်အၢၣ်လီၤအီလီၤ လၢအဂၢၢ်အကျၢၤ အဃိလီၤ.+
၆ အဃိ ကီၢ်န့ၣ် ကဟးဂီၤကွံာ်ဝဲလၢ တၢ်ဆိၣ်အၢအဃိလီၤ.+
ဒီးပှၤအိၣ်လၢအပူၤတဖၣ် ဘၣ်တၢ်ပာ်ပနီၣ်အီၤလၢ အတၢ်ကမၣ်အိၣ်လီၤ.
ပှၤလၢအအိၣ်တ့ၢ်လၢ ကီၢ်ပူၤ ကစှၤလီၤဝဲ
ဒီးပှၤပိာ်ခွါ ကအိၣ်တ့ၢ်က့ၤဝဲ ထဲစှၤဂၤလီၤ.+
၇ စပံးထံအသီ ကဃ့ထီကွံာ် ဒီးစပံးမုၢ်ကလီၤညွံးဝဲလီၤ.+
ဒီးပှၤလၢအသူၣ်ဖှံသးညီ ကိးဂၤဒဲးန့ၣ် အသူၣ်ကလီၤဘှံး သး ကလီၤဘှံးလီၤ.+
၈ တၢ်ခြ့ခြ့အသီၣ်လၢ အဒုးအိၣ်ထီၣ်တၢ်သးခုန့ၣ် ကကတၢၢ်ကွံာ်ဝဲလီၤ.
ပှၤလၢအမၤမူးပွဲလၢ အလီၤရၢၢ်လီၤစၢၢ်တဖၣ် အကလုၢ် တသီၣ်လၢၤဘၣ်.
ဒီးတနၢ်အသီၣ်လၢ အဒုးအိၣ်ထီၣ် တၢ်သးခုန့ၣ် ကကတၢၢ်ကွံာ်ဝဲလီၤ.+
၉ အဝဲသ့ၣ် ကအီစပံးထံ ဘၣ်ဆၣ် အတသးဝံၣ်တၢ်လၢၤဘၣ်.
ဒီးပှၤလၢအအီသံးန့ၣ် သံးကခၣ်ဘၣ်အီၤ ဒိၣ်မးလီၤ.
၁၀ ဝ့ၢ်လၢပှၤပာ်တ့ၢ်ကွံာ်အီၤန့ၣ် ကလီၤပှီၢ်+
ဒီးဟံၣ်ကိးဖျၢၣ်ဒဲးန့ၣ် ပှၤကပံးတံၢ်ဃာ်အီၤအဃိ ပှၤလဲၤနုာ်လီၤ တန့ၢ် နီတဂၤဘၣ်.
၁၁ စပံးထံ တအိၣ်လၢၤဘၣ်အဃိ အဝဲသ့ၣ် ကကိးပသူထီၣ်လၢ ကျဲပူၤလီၤ.
တၢ်သးခု ကလီၤမၢ်ကွံာ်ဝဲ ခဲလၢာ်.
လၢကီၢ်ပူၤန့ၣ် တၢ်သးခု တအိၣ်လၢၤဘၣ်.+
၁၂ ဝ့ၢ်ကကဲထီၣ် တၢ်ဟးဂီၤအပူၣ်
ဒီးဝ့ၢ်အတြဲၤ ကဘၣ်တၢ်မၤလီၤကလဲအီၤ သပှၢ်တၢၢ်လီၤ.+
၁၃ ဒီးယပှၤဂီၢ်မုၢ်လၢ အိၣ်တ့ၢ်လၢကီၢ်ပူၤစှၤဂၤန့ၣ် တၢ်ကမၤအသးဒီးအဝဲသ့ၣ်လၢ ပှၤကလုာ်တဖၣ်အကျါ ဒ်အံၤလီၤ.
ကမၤအသးဒ် ပှၤတီၢ်လီၤတဲာ် သ့ၣ်စၤယံးအသၣ်တဖၣ် ဒီးအိၣ်တ့ၢ်က့ၤထဲ စှၤကိာ်ဖျၢၣ် လၢအထူၣ်လိၤ+
ဒီးဒ်ပှၤဒဲးစပံးသၣ် အဆၢကတီၢ် ကတၢၢ်ဝဲအဃိ စပံးသၣ်တဖၣ် အိၣ်တ့ၢ်က့ၤထဲ တစဲးဖိအသိးလီၤ.+
၁၄ အဝဲသ့ၣ် ကမၤသီၣ်ထီၣ်အကလုၢ်
ဒီးအဝဲသ့ၣ် ကကိးပသူထီၣ်လၢ တၢ်သးခုအပူၤလီၤ.
လၢမုၢ်နုာ်တကပၤန့ၣ် အဝဲသ့ၣ် ကစံၣ်တဲၤတဲလီၤ ယဟိဝၤယွၤ အလၤကပီၤအဂ့ၢ်+
၁၅ ဒီးလၢမုၢ်ထီၣ်တကပၤန့ၣ် အဝဲသ့ၣ် ကမၤလၤကပီၤ ယဟိဝၤယွၤလီၤ.+
လၢကီးတဖၣ်လၢ ပီၣ်လဲၣ်အပူၤန့ၣ် အဝဲသ့ၣ် ကမၤလၤကပီၤ အံၣ်စရ့လး အကစၢ် ယဟိဝၤယွၤ အမံၤလီၤ.+
၁၆ ပနၢ်ဟူဘၣ် တၢ်သးဝံၣ်လၢ တၢ်လီၢ်လၢ ဟီၣ်ခိၣ်အနၢၣ် အကတၢၢ်တဖၣ် ဒီးပှၤသးဝံၣ်ဝဲလၢ
“မ်ပှၤမၤလၤကပီၤ ကစၢ်ယွၤလၢ အတီအလိၤတဂၤန့ၣ်တက့ၢ်.”+
ဘၣ်ဆၣ် ယတဲလၢ “ယဃဲၤလီၤဃိလီၤလၢာ်လံ, ယဃဲၤလီၤဃိလီၤလၢာ်လံ, ယဘၣ်ကီဘၣ်ခဲလံ.
ပှၤလၢ အသးတတီဘၣ်တဖၣ်န့ၣ် မၤတၢ်တတီဘၣ်လံ.
ပှၤလၢ အသးတတီဘၣ်တဖၣ်န့ၣ် မၤတၢ်တတီဘၣ် ဒီးလံၣ်အီၣ် လီအီၣ်တၢ်လံ.”+
၁၇ ပှၤလၢအအိၣ်လၢ ကီၢ်ပူၤသ့ၣ်ဧၢ, တၢ်ပျံၤတၢ်ဖုး, တၢ်ပူၤ ဒီးပျံၤသကွီၤ အိၣ်ခိးလီၤပာ်စၢၤ သုခိၣ်လံ.+
၁၈ ပှၤလၢအဃ့ၢ်ကွံာ် ခီဖျိလၢ တၢ်သီၣ် လီၤပျံၤလီၤဖုး အဃိန့ၣ် ကလီၤတဲာ်လၢ တၢ်ပူၤ
ဒီးပှၤလၢ အဟဲက့ၤထီၣ်လၢ တၢ်ပူၤန့ၣ် ကဘျးက့ၤလၢပျံၤသကွီၤလီၤ.+
မူခိၣ်အတြဲၤတဖၣ် ကအိးထီၣ်အသး
ဒီးကီၢ်ကဟူးဝးဝဲလီၤ.
၁၉ ကီၢ်ကဟူးဝးဝဲ
ဒီးအကတဲၤထီၣ်လီၤ.
ကီၢ်ကဟူးဝဲ နးမးလီၤ.+
၂၀ ကီၢ်န့ၣ် ဟးကနူၤကပၤ ဒ်ပှၤလၢ အအီမူၤသံးတဂၤအသိး
ဒီးဟူးဝးဝဲ လၢအံၤလၢန့ၣ် ဒ်ဒဲတဖျၢၣ်လၢ ကလံၤအူဘၣ်အီၤ အသိးလီၤ.
ကီၢ်အတၢ်ကမၣ်န့ၣ် အိၣ်ဃၢလၢ ကီၢ်အလိၤ+
ဒီးကီၢ်ကလီၤဃံၢ် ဒီးအတဆၢထၢၣ်က့ၤ နီတဘျီလၢၤဘၣ်.
၂၁ ဖဲန့ၣ်အဆၢကတီၢ် ယဟိဝၤယွၤ ကစံၣ်ညီၣ် မူခိၣ်အသုးမုၢ်ဂီၢ်မုၢ် လၢထးခီ
ဒီးဟီၣ်ခိၣ် အစီၤပၤတဖၣ်လၢ ဟီၣ်ခိၣ်ချၢလီၤ.
၂၂ ကစၢ်ယွၤ ကပာ်ဖှိၣ်ထီၣ် အဝဲသ့ၣ်တပူၤဃီ
ဒ်ပှၤပာ်ဖှိၣ် ပှၤဃိာ်ဖိတဖၣ်လၢ တၢ်ပူၤအသိးလီၤ.
ဒီးကစၢ်ယွၤ ကပံးဃာ် ဃိာ်အတြဲၤ
ဒီးလၢခံ အါနံၤအါသီဝံၤအလီၢ်ခံ ကစၢ်ယွၤ ကစံၣ်ညီၣ် အဝဲသ့ၣ်လီၤ.
၂၃ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကဲထီၣ်စီၤပၤလၢ+ ကစၢၢ်စံယိၣ်+ ဒီးလၢဝ့ၢ်ယရူၤၡလ့ၣ်အပူၤလံ.
အဝဲကပၢတၢ်လၢ အပှၤဂီၢ်မုၢ် အပှၤသူၣ်က့သးပှၢ်တဖၣ် အမဲာ်ညါ လၢတၢ်လၤကပီၤအပူၤလီၤ.+
လၢအတၢ်ပၢလၢ အပှဲၤဒီး တၢ်လၤကပီၤအမဲာ်ညါန့ၣ် လါပှဲၤဒၣ်လဲာ် ကဖျါခံးဝဲ
ဒီးမုၢ်အတၢ်ကပီၤ ကဖျါကဒုလီၤ.+
၂၅ အိ ယဟိဝၤယွၤဧၢ, နမ့ၢ် ယကစၢ်ယွၤလီၤ.
နပာ်ဖျါထီၣ် နတၢ်သးတီ+ ဒီးနပာ်ဖျါထီၣ်လၢ နမ့ၢ်ပှၤလၢ ပှၤနာ်န့ၢ်အီၤသ့
ခီဖျိ နမၤတၢ်လၢ အလီၤလိၢ် လီၤလးတဖၣ်+
ဒ်နတိာ်ပာ် လၢပျၢၤလံၤလံၤ အသိးလီၤ.+
အဃိ ယမၤလၤကပီၤနၤ ဒီးယစံးထီၣ်ပတြၢၤနမံၤလီၤ.
၂ နဒုးကဲထီၣ် ဝ့ၢ်လၢလၢၢ်အပူၣ်
ဒီးဝ့ၢ်လၢအအိၣ်ဒီး အဒူၣ်လၢအကျၢၤန့ၣ် နဒုးကဲထီၣ်အီၤလၢ တၢ်ဟးဂီၤအပူၣ်လီၤ.
ပှၤထံဂၤကီၢ်ဂၤဖိ အတၢးန့ၣ် တကဲဝ့ၢ်လၢၤဘၣ်
ဒီးပှၤတက့ၤတ့ထီၣ်အီၤ နီတဘျီလၢၤဘၣ်.
၃ အဃိ ပှၤဂီၢ်မုၢ်လၢ အဂံၢ်ဆူၣ်ဘါဆူၣ်န့ၣ် ကမၤလၤကပီၤနၤ
ဒီးဝ့ၢ်လၢအအိၣ်ဒီး ပှၤကလုာ်တဖၣ်လၢ အပၢဆူၣ်ပၢစိးတၢ်န့ၣ် ကပျံၤနၤလီၤ.+
၄ နကဲထီၣ် တၢ်အိၣ်သဒၢအလီၢ်လၢ ပှၤလၢအပတီၢ်ဖုၣ်အဂီၢ်,
တၢ်အိၣ်သဒၢအလီၢ်လၢ ပှၤဖှီၣ်ဖိယာ်ဖိ လၢအဘၣ်ကိၢ်ဘၣ်ဂီၤအဂီၢ်,+
တၢ်ပူၤဖျဲးအလီၢ် လၢကလံၤမုၢ်အဃိ
ဒီးတၢ်ကဒုအလီၢ်လၢ မုၢ်အတၢ်ကိၢ်အဃိလီၤ.+
ပှၤပၢဆူၣ်ပၢစိးတၢ်တဖၣ် အတၢ်သးဒိၣ် မ့ၢ်လီၤဂာ်ဒ်သိးဒီး ကလံၤမုၢ်လၢ အဟဲဘၣ်ဝဲ တၢ်ဒူၣ်
၅ ဒီးမ့ၢ်လီၤဂာ်ဒ်သိးဒီး တၢ်ကိၢ်လၢ တၢ်လီၢ်ဃ့ထီအပူၤ ဘၣ်ဆၣ်
နမၤဘှ့ၣ်ဒုၣ်ဒါ အတၢ်သီၣ်တၢ်သဲတဖၣ်
ဒီးဒ်တၢ်အၢၣ်အကဒု မၤခုၣ်လီၤ တၢ်ကိၢ်အသိး
နမၤဘှ့ၣ် ပှၤပၢဆူၣ်ပၢစိးတၢ်တဖၣ် အတၢ်သးဝံၣ်လီၤ.
၆ လၢကစၢၢ်တဖျၢၣ်အံၤ အလိၤန့ၣ်+ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကမၤဝဲ တၢ်အီၣ်တၢ်အီ အမူး ဖးဒိၣ်လၢ ပှၤခဲလၢာ်အဂီၢ်လီၤ.
တၢ်အီၣ်အမူးန့ၣ် ကပှဲၤဒီး တၢ်အီၣ်လၢ အဝံၣ်အဘဲ,+
စပံးထံ လၢအဝံၣ်,
တၢ်အီၣ်လၢ အဝံၣ်ကတၢၢ် ဃုာ်ဒီး တၢ်ညၣ်လၢအဂ့ၤ
ဒီးစပံးထံလၢ ပှၤပှံၢ်အီၤလီၤ.
၇ လၢကစၢၢ်တဖျၢၣ်အံၤ အလိၤန့ၣ် ကစၢ်ယွၤ ကမၤလီၤမၢ်ကွံာ် တၢ်ကျၢၢ်ဘၢတၢ် လၢအအိၣ်လၢ ပှၤခဲလၢာ် အဖီခိၣ်
ဒီးကထုးထီၣ်ကွံာ် တၢ်ကံးညာ်လၢ အဘၣ်တၢ်ထါအီၤလၢ ပှၤကလုာ် ခဲလၢာ် အဖီခိၣ်လီၤ.
ကစၢ်ယွၤ ကထုးထီၣ်ကွံာ် တၢ်ဒုၣ်ဒွဲၣ်လၢ အဘၣ်အပှၤဂီၢ်မုၢ် လၢဟီၣ်ခိၣ်ချၢဒီဘ့ၣ်,
မ့ၢ်လၢ ယဟိဝၤယွၤ အနီၢ်ကစၢ် တဲတ့ၢ်ဝဲ ဒ်န့ၣ်အဃိလီၤ.
၉ ဖဲန့ၣ်အဆၢကတီၢ် ကစၢ်ယွၤ အပှၤဂီၢ်မုၢ် ကတဲဝဲလၢ
“ကွၢ်သၢၤ, အမ့ၢ် ပကစၢ်ယွၤလီၤ.+
အမ့ၢ် ယဟိဝၤယွၤ
ဒီးပမုၢ်လၢ်တၢ် လၢအအိၣ်လီၤ.
မ်ပသူၣ်ဖှံသးညီ ဒီးသူၣ်ခုသးခုလၢ အတၢ်အုၣ်က့ၤခီၣ်က့ၤ အဃိတက့ၢ်.”+
၁၀ ယဟိဝၤယွၤ အစုကအိၣ်ဝဲလၢ ကစၢၢ်တဖျၢၣ်အံၤ အလိၤလီၤ.+
ဒီးကီၢ်မိၤအး အပှၤဂီၢ်မုၢ်န့ၣ် ကဘၣ်တၢ်ယီၢ်တံၢ်အီၤ ဖဲအဝဲသ့ၣ် အနီၢ်ကစၢ်တၢ်လီၢ်+
ဒ်ပှၤယီၢ်တံၢ်လီၤ လီၢ်ဘိလၢ တၢ်အ့ၣ်တၢ်ဆံၣ်တပူၣ် အကျါအသိးလီၤ.
၁၁ ဒ်ပှၤပီၢ်ထံ ယၤထီၣ်အစု လၢအကပီၢ်ထံ အဂီၢ်အသိး
ကစၢ်ယွၤ ကယၤထီၣ်အစု လၢကီၢ်မိၤအး အပှၤဂီၢ်မုၢ်အအိၣ်လီၤ.
ဒီးကစၢ်ယွၤ ကဆီၣ်လီၤ အဝဲသ့ၣ် အတၢ်ပာ်ထီၣ်ထီသး+
ခီဖျိ အကဒဲအဝဲသ့ၣ် လၢအစု ဒီးကဘၣ်ဝဲ လီၤတံၢ်လီၤဆဲးလီၤ.
၁၂ ဒီးဝ့ၢ်လၢ အအိၣ်ဒီး အဒူၣ်လၢအကျၢၤ, အဒူၣ်လၢအထီ ဒီးအဘံၣ်အဘၢန့ၣ်
ကစၢ်ယွၤ ကမၤဟးဂီၤကွံာ်ဝဲလီၤ.
ကစၢ်ယွၤ ကမၤလီၤပှီၢ်ကွံာ်ဝဲ တုၤအလီၤပှီၢ်တုၤလၢ ဟီၣ်ခိၣ်လိၤလီၤ.
၂၆ ဖဲန့ၣ်အဆၢကတီၢ် လၢယူဒၤ အဟီၣ်ကဝီၤပူၤန့ၣ်+ ပှၤကသးဝံၣ် တၢ်သးဝံၣ်တယုၢ်+ ဒ်လၢလာ်အံၤ အသိးလီၤ.
“ပအိၣ်ဒီး ဝ့ၢ်လၢ အဂံၢ်ဆူၣ် တဖျၢၣ်လီၤ.+
ကစၢ်ယွၤ အတၢ်အုၣ်က့ၤခီၣ်က့ၤန့ၣ် လီၤဂာ်ဒ်သိးဒီး ဝ့ၢ်ဒူၣ် ဒီးအတၢ်ဒီသဒၢတဖၣ်လီၤ.+
၂ ဒ်သိး ပှၤကလုာ်တကလုာ်လၢ အတီအလိၤ
ဒီးပှၤကလုာ်တကလုာ်လၢ အသးတီ နုာ်လီၤကသ့အဂီၢ် အိးထီၣ်တြဲၤတဖၣ်တက့ၢ်.+
၃ ပှၤလၢအသန့ၤသးလၢနၤ* န့ၣ်နကဒီသဒၢအီၤလီၤ.*
၅ ပှၤလၢအအိၣ်လၢ တၢ်လီၢ်လၢအထီၣ်ထီ လၢဝ့ၢ်ဒိၣ်ဝ့ၢ်ထီတဖျၢၣ်န့ၣ် ကစၢ်ယွၤ ကဆီၣ်လီၤ အဝဲသ့ၣ်လီၤ.
ကစၢ်ယွၤ ကတွံၢ်လီၤဝဲ ဝ့ၢ်တဖျၢၣ်န့ၣ်
ဒီးအကတွံၢ်လီၤဝဲ တုၤလီၤလၢ ဟီၣ်ခိၣ်လိၤလီၤ.
ကစၢ်ယွၤ ကကွံာ်လီၤဝဲ လၢဟီၣ်ခိၣ်ကမူၣ် အကျါလီၤ.
၆ ဒီးပှၤဘၣ်နးဘၣ်ဖှီၣ် ဒီးပှၤလၢအပတီၢ်ဖုၣ်တဖၣ်
ကယီၢ်တံၢ်လီၤဝဲလၢ အခီၣ်ဖီလာ်လီၤ.”
၇ ပှၤတီပှၤလိၤ အကျဲန့ၣ် ဘျၢဝဲလီၤ.
ခီဖျိလၢ န* တီနလိၤအဃိ
နကမၤပၢၤထီၣ် ပှၤတီပှၤလိၤ အကျဲလီၤ.
၈ အိ ယဟိဝၤယွၤဧၢ, ဖဲပပိာ်ထွဲ နတၢ်စံၣ်ညီၣ်တီ အကျဲအခါ
ပမုၢ်လၢ်တၢ်လၢ နအိၣ်လီၤ.
ပပာ်လုၢ်ပာ်ပှ့ၤနမံၤ ဒီးပဆၢမုၢ်လၢ်လၢ ပှၤကသ့ၣ်နီၣ်ထီၣ် နမံၤလီၤ.
၉ လၢမုၢ်နၤန့ၣ် ယသးအိၣ်နၤလၢ ယသးဒီဖျၢၣ်ညါ
ဒီးလၢတၢ်သးဆူၣ်အပူၤန့ၣ် ယဃုနၤလီၤ.+
ဖဲနစံၣ်ညီၣ် ဟီၣ်ခိၣ်အခါ
ပှၤအိၣ်လၢ ကီၢ်ပူၤတဖၣ် ကမၤလိ တၢ်တီတၢ်လိၤလီၤ.+
၁၀ ပှၤအၢပှၤသီ မ့ၢ်ဘၣ်တၢ်သးကညီၤအီၤ သနာ်က့
အတမၤလိ တၢ်တီတၢ်လိၤဘၣ်.+
၁၁ အိ ယဟိဝၤယွၤဧၢ, နယၤထီၣ်နစုလံ ဘၣ်ဆၣ် ပှၤအၢပှၤသီ တထံၣ်ဝဲဘၣ်.+
အဝဲသ့ၣ် ကထံၣ်ဘၣ် နတၢ်သးဆူၣ် လၢနပှၤဂီၢ်မုၢ်အဂီၢ် ဒီးအဝဲသ့ၣ် ကဒိးန့ၢ်ဘၣ် တၢ်မဲာ်ဆှးလီၤ.
နမ့ၣ်အူ ကအီၣ်ကွံာ် နဒုၣ်နဒါတဖၣ် သပှၢ်တၢၢ်လီၤ.
၁၂ အိ ယဟိဝၤယွၤဧၢ, တၢ်ကိးမံၤဒဲးလၢ ပမၤတ့ၢ်န့ၣ်
နမၤကဲထီၣ်လိၣ်ထီၣ်န့ၢ်ပှၤ
၁၄ အဝဲသ့ၣ်သံလံ ဒီးအဝဲသ့ၣ် တအိၣ်မူလၢၤဘၣ်.
အဝဲသ့ၣ် အစိကမီၤ တအိၣ်လၢၤဘၣ် ဒီးအဝဲသ့ၣ် တဂဲၤဆၢထၢၣ် လၢၤဘၣ်.+
နစံၣ်ညီၣ်အဝဲသ့ၣ်, မၤဟးဂီၤ အဝဲသ့ၣ်
ဒီးပှၤတသ့ၣ်နီၣ်ထီၣ်က့ၤ အဝဲသ့ၣ်လၢၤဘၣ်.
၁၅ အိ ယဟိဝၤယွၤဧၢ, နမၤအါထီၣ် နပှၤဂီၢ်မုၢ်လံ.
နမၤအါထီၣ် နပှၤဂီၢ်မုၢ်လံ.
၁၆ အိ ယဟိဝၤယွၤဧၢ, ဖဲတၢ်ကိၢ်တၢ်ဂီၤ အဆၢကတီၢ် အဝဲသ့ၣ် ဃၣ်အသး လၢနအိၣ်လီၤ.
ဖဲနသိၣ်က့ၤသီက့ၤ အဝဲသ့ၣ်အခါ အဝဲသ့ၣ် ဃ့ထုကဖၣ်ကသွံဒံ လၢနအိၣ် လၢတၢ်သးဆူၣ်အပူၤလီၤ.+
၁၇ အိ ယဟိဝၤယွၤဧၢ, လၢနဃိန့ၣ် ပကဲထီၣ် ဒ်သိးဒီး
ပိာ်မုၣ်လၢအဒၢတဂၤ လၢအဘူးကအိၣ်ဖျဲၣ်ထီၣ်အဖိ,
အဟုးဆါထီၣ် ဒီးကိးပသူဝဲလၢ အဟုးဆါဝဲအဃိလီၤ.
၁၈ ပဒၢထီၣ် ဒီးပဟုးဆါထီၣ်
ဘၣ်ဆၣ် လီၤဂာ်ဒ်သိးဒီး ပအိၣ်ဖျဲၣ်ထီၣ် ထဲကလံၤလီၤ.
ပတဒုးအိၣ်ထီၣ် တၢ်အုၣ်က့ၤခီၣ်က့ၤလၢ ကီၢ်အဂီၢ်ဘၣ်.
ပှၤတအိၣ်ဖျဲၣ်ထီၣ် အဖိလၢ အကအိၣ်ဝဲဆိးဝဲလၢ ကီၢ်ပူၤအဂီၢ် နီတဂၤဘၣ်.
၁၉ “နပှၤသံန့ၣ် ကသမူထီၣ်လီၤ.
ယပှၤဂီၢ်မုၢ်အစိၣ်တဖၣ်န့ၣ် ကဂဲၤဆၢထၢၣ်လီၤ.+
ပှၤလၢအအိၣ်လၢ ဟီၣ်ခိၣ်ကမူၣ်ကျါသ့ၣ်ဧၢ,+
ပၢၢ်ထီၣ်ဒီး ကိးပသူထီၣ်လၢ တၢ်သးခုအပူၤတက့ၢ်.
ပစီၤထံလၢ အလီၤလၢသုလိၤန့ၣ် လီၤဂာ်ဒ်သိးဒီး ဂီၤခီအပစီၤထံ
ဒီးဟီၣ်ခိၣ် ကပျၢ်ကွံာ် ပှၤသံတဖၣ် ဒီးအဝဲသ့ၣ် ကသမူထီၣ်က့ၤလီၤ.
အိၣ်ခူသူၣ် တစိၢ်ဖိ
တုၤလၢ တၢ်သးဒိၣ်ထီၣ် လဲၤတလၢကွံာ်တက့ၢ်.+
၂၁ လၢယအိၣ်ယဆိးအလီၢ်န့ၣ် ယၤ, ယဟိဝၤယွၤ ကဟဲ
ဒ်သိး ကစံၣ်ညီၣ် ပှၤအိၣ်လၢ ကီၢ်ပူၤတဖၣ် လၢအဝဲသ့ၣ် အတၢ်ကမၣ်အဃိလီၤ.
တၢ်သွံၣ်လၢ ပှၤလူလီၤအီၤလၢ ကီၢ်ပူၤန့ၣ် ကဘၣ်တၢ်ပာ်ဖျါထီၣ်အီၤ
ဒီးပှၤလၢအဘၣ် တၢ်မၤသံအီၤလၢ ကီၢ်ပူၤန့ၣ် တၢ်တပာ်ခူသူၣ် အီၤလၢၤဘၣ်.”
၂၇ ဖဲန့ၣ်အဆၢကတီၢ် ယဟိဝၤယွၤ လၢအအိၣ်ဒီး
နးဖးဒိၣ်လၢ အလီၤပျံၤလီၤဖုး တဘ့ၣ်န့ၣ်+
ကကျီ လဝံးအသၤ* လၢအမ့ၢ် ဂုၢ်လၢအဘျိၣ်* ဒီးအလဲၤတၢ်ချ့
ဒီးအဝဲကမၤသံ ဂုၢ်ဖးဒိၣ် လၢအအိၣ်လၢ ပီၣ်လဲၣ်ပူၤ တဘိအံၤလီၤ.
ဒ်သိး ပှၤသုတမၤဘၣ်ဒိအီၤ နီတဂၤတဂ့ၤအဂီၢ်+
ယဒီသဒၢအီၤ ကိးနံၤကိးနၤလီၤ.
၄ ယတသးဒိၣ်အီၤလၢၤဘၣ်.+
ပှၤတဂၤ မ့ၢ်ပာ်လီၤ တၤဆှုၣ်တၤမဲဒီးနီၣ် လၢယမဲာ်ညါန့ၣ် ယကဒုးအီၤ, ယကယီၢ်တံၢ်လီၤ တၢ်သ့ၣ်တဖၣ်န့ၣ်
ဒီးဒွဲၣ်အူထီၣ် တၢ်သ့ၣ်တဖၣ်န့ၣ် လၢမ့ၣ်အူ ခဲလၢာ်တပူၤဃီလီၤ.
၅ အဃိ မ်အဃု တၢ်ဒီသဒၢလၢ ယတၢ်အိၣ်သဒၢ အလီၢ်တက့ၢ်.
မ်အမၤ တၢ်ဃူတၢ်ဖိးဒီးယၤ,
မ်အမၤ တၢ်ဃူတၢ်ဖိးဒီးယၤတက့ၢ်.”
၆ မုၢ်နံၤလၢကဟဲတဖၣ်န့ၣ် စီၤယၤကိာ် အစၢၤအသွဲၣ်တဖၣ် အဂံၢ်ကစဲၤလီၤ,
စီၤအံၣ်စရ့လး အစၢၤအသွဲၣ်တဖၣ် ကဘိၣ်ထီၣ်ဖီထီၣ်+
ဒီးဒ်စပံးမုၢ်အသိး အဝဲသ့ၣ် ကမၤပှဲၤကီၢ်လၢ တၤသူတၤသၣ်လီၤ.+
၇ ပှၤတီၢ်တၢ်တဂၤန့ၣ် မ့ၢ်အဘၣ်တီၢ် အဝဲသ့ၣ်ဆူၣ်ဆူၣ် ထဲန့ၣ်ဧါ.
မ့ၢ်အဝဲသ့ၣ် ဘၣ်သံ ဒ်န့ၣ်လီၤဧါ.
၈ ဖဲနစံၣ်ညီၣ် အဝဲသ့ၣ်အခါ နကကိးပသူထီၣ် လီၤပျံၤလီၤဖုး ဒ်သိး နကဆှၢကွံာ် အဝဲသ့ၣ်လၢ အယံၤလီၤ.
ဖဲကလံၤ ဟဲအူတၢ်လၢ မုၢ်ထီၣ်တနံၤန့ၣ် လၢတၢ်သးဒိၣ်အပူၤ နကနီဟးထီၣ်ကွံာ် အဝဲသ့ၣ်လီၤ.+
၉ ဒီးအဝဲသ့ၣ်ကမၤလီၤကရဲ တၢ်လုၢ်လီၢ် အလၢၢ်တဖၣ်ခဲလၢာ်
ဒ်ဟီၣ်ခိၣ်ဝါ အကမူၣ်အသိး
ဒီးတၢ်စီဆှံ အထူၣ်တဖၣ်ဒီး တၢ်လုၢ်တၢ်နၢမူ အလီၢ်တဖၣ် တအိၣ်တ့ၢ် နီတခါ လၢၤဘၣ်.+
စီၤယၤကိာ် အစၢၤအသွဲၣ်တဖၣ် ကမၤဝဲဒ်န့ၣ်အဃိ အတၢ်ကမၣ် ကဘၣ်တၢ်ပျၢ်ကွံာ်အီၤလီၤ.+
ဖဲအဝဲသ့ၣ် အတၢ်ဒဲးဘး ဘၣ်တၢ်ပျၢ်ကွံာ်အီၤအခါ တၢ်အိၣ်သးတဖၣ်* ကကဲထီၣ်ဒ်န့ၣ်လီၤ.
၁၀ ဝ့ၢ်လၢအအိၣ်ဒီး အဒူၣ်လၢအကျၢၤန့ၣ် ကအိၣ်သယုၢ်ဝဲလီၤ.
ဒီးတၢ်အီၣ်ဆၣ်အလီၢ်တဖၣ် ကဘၣ်တၢ်ပာ်တ့ၢ်ကွံာ်အီၤ ဒ်ပှၢ်မုၢ်ကနၢအသိး ဒီးကဘၣ် တၢ်လဲၤသဒၣ်ကွံာ်အီၤလီၤ.+
ဖဲန့ၣ် ကျီၢ်ဖိတဖၣ် ကကိာ်လီၤအီၣ်ဆၣ်
ဒီးကအီၣ်ကွံာ်ဝဲ သ့ၣ်အဒ့တဖၣ်လီၤ.+
၁၁ ဖဲသ့ၣ်ဒ့တဖၣ် ဃ့ထီကွံာ်အခါ
ပှၤပိာ်မုၣ်တဖၣ် ကဟဲဘိးန့ၢ်ဝဲ
ဒီးသူအီၤလၢ သ့ၣ်မုၣ်လီၤ.
ပှၤဂီၢ်မုၢ်တဖၣ်အံၤ တအိၣ်ဒီး တၢ်သ့ၣ်ညါနၢ်ပၢၢ်ဘၣ်အဃိ+
အတၢ်ဘၣ်တ့ကစၢ် တပာ်ဖျါထီၣ် တၢ်သးကညီၤ လၢအဝဲသ့ၣ် အဖီခိၣ်ဘၣ်.
ဒီးပှၤလၢအတ့လီၤ အဝဲသ့ၣ်န့ၣ် တဘၣ်သူၣ်ဘၣ်သး အဝဲသ့ၣ်ဘၣ်.+
၁၂ အိ အံၣ်စရ့လး အပှၤဂီၢ်မုၢ်သ့ၣ်ဧၢ,+ ဒ်ပှၤတဂၤ တီၢ်လီၤတဲာ်ကွံာ် တၤသၣ်လၢ အထူၣ်လိၤ ဒီးထၢဖှိၣ်ဝဲ တဖျၢၣ်ဝံၤတဖျၢၣ်အသိး ယဟိဝၤယွၤ ကပာ်ဖှိၣ်ထီၣ်က့ၤ သုဝဲလၢ အလီၤပြံလီၤပြါ လၢတၢ်လီၢ် စးထီၣ်လၢ ထံကျိလၢအယွၤလီၤ* တုၤလီၤလၢ ကီၢ်အဲၤကူပတူး+ အတၢ်တြီၤလီၤ. ၁၃ ဖဲန့ၣ်အဆၢကတီၢ် ပှၤကအူထီၣ် ကွဲၤဖးဒိၣ်လီၤ.+ ဒီးပှၤလၢအအိၣ်လၢ ကီၢ်အၤၡူၢ် လၢအဘူးထီၣ်လၢကသံတဖၣ်+ ဒီးပှၤလၢအလီၤပြံလီၤပြါ လၢကီၢ်အဲၤကူပတူးန့ၣ်+ ကဟဲ ဘူၣ်ထီၣ်ဘါထီၣ် ယဟိဝၤယွၤ လၢကစၢၢ်စီဆှံ ဖဲဝ့ၢ်ယရူၤၡလ့ၣ်အပူၤလီၤ.+
၂၈ အ့ဖရဲၣ် အပှၤအီမူၤသံးတဖၣ်န့ၣ်+ ထံၣ်လီၤအဝ့ၢ်ဒ် ခိၣ်သလုး* လၢအဃံအလၤ* ဒီးဒ်ဖီကွီၤလၢ အလီၤအဲၣ်လၢ အအိၣ်လၢ
ကစၢၢ်ကဆူးလၢ ဟီၣ်ခိၣ်ညၣ်ထ့ၣ်ဂ့ၤ အကစၢၢ်ဒီခိၣ်လီၤ. ဘၣ်ဆၣ် ပှၤအိၣ်ဖဲန့ၣ်တဖၣ် မူၤစပံးထံ
ဒီးအဝဲသ့ၣ် အဖီကွီၤလၢ အလီၤအဲၣ်န့ၣ် ကလီၤညွံးလီၤဘဲ အဃိ အဝဲသ့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၂ ယဟိဝၤယွၤ ကဆှၢလီၤပှၤလၢ အဂံၢ်ဆူၣ်ဘါဆူၣ် ဒီးအစိကမီၤဒိၣ်တဂၤလီၤ.
ဒ်သူၣ်လီၤ ဃုာ်ဒီးလီသီၣ်, ကလံၤမုၢ်
ဒီးထံလုၢ်ဘၢတၢ် ဆူၣ်ဆူၣ်အသိး
အဝဲကကွံာ်လီၤ ခိၣ်သလုးန့ၣ်လၢ ဟီၣ်ခိၣ်လိၤ ဆူၣ်ဆူၣ်လီၤ.
၄ ဖီကွီၤလၢ အလီၤအဲၣ်လၢ အအိၣ်လၢ
ကစၢၢ်ကဆူးလၢ ဟီၣ်ခိၣ်ညၣ်ထ့ၣ်ဂ့ၤ အကစၢၢ်ဒီခိၣ်န့ၣ်
ကကဲထီၣ် ဒ်ချၢၣ်ဒၢသၣ်လၢ အမံဆိဝဲဖဲ တချုးတၢ်ကိၢ်ခါဘၣ် ဒံးဘၣ်လီၤ.
ဒီးဖဲပှၤထံၣ်အီၤအခါ ပှၤဒ့န့ၢ်အီၤ ဒီးအီၣ်ယူၢ်လီၤအီၤ ချ့ချ့လီၤ.
၅ ဖဲန့ၣ်အဆၢကတီၢ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကကဲထီၣ် ခိၣ်သလုး လၢအအိၣ်ဒီး အလၤကပီၤ ဒီးဖီကွီၤလၢ အဃံအလၤလၢ အပှၤဂီၢ်မုၢ်လၢ အအိၣ်တ့ၢ်တဖၣ်အဂီၢ်လီၤ.+ ၆ ဒီးအဝဲ ကထိၣ်ဟူးထိၣ်ဂဲၤထီၣ် စံၣ်ညီၣ်ကွီၢ်တဖၣ်လၢ ကစံၣ်ညီၣ်တၢ် တီတီလိၤလိၤ* ဒီးအဝဲကကဲထီၣ် တၢ်ဂံၢ်တၢ်ဘါလၢ ပှၤလၢအတြီဆၢ ဒုၣ်ဒါတဖၣ်လၢ ဝ့ၢ်တြဲၤအဂီၢ်လီၤ.+
၇ ခီဖျိလၢ စပံးထံအဃိ ပှၤလုၢ်တၢ်ဒိၣ် ဒီးဝံတဖၣ် ဟးဖျိးကျဲလီၤ.
ခီဖျိလၢ အဝဲသ့ၣ် အတၢ်ထံတၢ်နိလၢ အပၣ်ဃုာ်ဒီးသံးအဃိ အဝဲသ့ၣ် ဟးကနူၤကပၤလီၤ.
ခီဖျိလၢ သံးအဃိ အဝဲသ့ၣ် ဟးဖျိးကျဲ
ဒီးစပံးထံမၤဘံဘူ အဝဲသ့ၣ် အခိၣ်နူာ်လီၤ.
ခီဖျိလၢ သံးအဃိ အဝဲသ့ၣ် ဟးကနူၤကပၤ,
အဝဲသ့ၣ် အတၢ်ထံၣ်လၢညါခီ ဆှၢကမၣ်အီၤ
ဒီးအဝဲသ့ၣ် တစံၣ်ညီၣ်တၢ် တီတီ လၢၤဘၣ်.+
၈ အဝဲသ့ၣ် အစီၢ်နီၤခိၣ်တဖၣ်န့ၣ် အိၣ်ပှဲၤဒီး ပှၤဘှိးလီၤ လၢအဘၣ်အၢဘၣ်သီတဖၣ်
ဒီးတၢ်လီၢ်လၢ ပှၤတဘှိးလီၤဘၣ်န့ၣ် တအိၣ်နီတတီၤဘၣ်.
၉ ပှၤတဲဝဲလၢ ‘အဝဲကသိၣ်လိ မတဂၤလၢ တၢ်သ့ၣ်ညါလဲၣ်
ဒီးအကတဲနၢ်ပၢၢ် မတဂၤလၢ တၢ်ကစီၣ်လဲၣ်.
မ့ၢ်ပလီၤဂာ်ဒီး ဖိသၣ်လၢ အတအီ တၢ်နုၢ်ထံလၢၤဘၣ်
ဒီးဖိသၣ်လၢ အဖှၣ်နုၢ်ဧါ.’
၁၀ အဝဲတဲထီဘိလၢ “တၢ်မၤလိာ် တခါဝံၤတခါ, တၢ်မၤလိာ် တခါဝံၤတခါ,
တၢ်ဘျၢတခါဘၣ်တခါ, တၢ်ဘျၢတခါဘၣ်တခါ,*+
လၢအံၤတစဲးစဲး, လၢန့ၣ်တစဲးစဲးလီၤ.”
၁၁ အဃိ အဝဲကတဲတၢ်ဒီး ပှၤဂီၢ်မုၢ်တဒူၣ်အံၤ ခီဖျိ ပှၤလၢအတဲတၢ် ဘုးတာ် ဒီးပှၤလၢအတဲတၢ်လၢ ကျိာ်အဂၤလီၤ.+ ၁၂ တဘျီခါ ကစၢ်ယွၤ တဲအဝဲသ့ၣ်လၢ “အဝဲအံၤ မ့ၢ်တၢ်အိၣ်ဘှံး အလီၢ် ဒီးအဝဲအံၤ မ့ၢ်တၢ်မၤမုာ်ထီၣ်က့ၤ အလီၢ်လီၤ. မ်ပှၤလၢ အလီၤဘှံးတဖၣ် အိၣ်ဘှံးဖဲအံၤတက့ၢ်.” ဘၣ်ဆၣ် အဝဲသ့ၣ် တဒိကနၣ်ဝဲဘၣ်.+ ၁၃ အဃိ ယဟိဝၤယွၤ ကတဲကဒီး အဝဲသ့ၣ်လၢ
“တၢ်မၤလိာ်တခါဝံၤတခါ, တၢ်မၤလိာ်တခါဝံၤတခါ
တၢ်ဘျၢတခါဘၣ်တခါ, တၢ်ဘျၢတခါဘၣ်တခါ,*+
လၢအံၤတစဲးစဲး, လၢန့ၣ်တစဲးစဲးလီၤ.”
ဘၣ်ဆၣ် အဝဲသ့ၣ် တဒိကနၣ်တၢ်ဘၣ်
အဃိ အဝဲသ့ၣ် အခီၣ်ကဘၣ်တိၢ် ဒီးကလီၤဃံၢ်လၢ အလီၢ်ခံ
ဒီးကဘၣ်ဒိဝဲ, ကဘၣ်ဘျးဝဲ ဒီးတၢ်ကဖီၣ်န့ၢ် အဝဲသ့ၣ်လီၤ.+
၁၄ သုဝဲလၢ အပာ်ကဖၢလၢအသး ဒီးအပၢပှၤဂီၢ်မုၢ်လၢ ဝ့ၢ်ယရူၤၡလ့ၣ် အပူၤသ့ၣ်ဧၢ,
ဒိကနၣ် ယဟိဝၤယွၤ အကလုၢ်တက့ၢ်.
ဖဲထံလုၢ်ဘၢတၢ် ဟဲယွၤလီၤ ဆူၣ်ဆူၣ်အခါ
အတတုၤလၢ ပအိၣ်ဘၣ်,
မ့ၢ်လၢ ပဒုးကဲထီၣ် တၢ်လံၣ်တၢ်လီတခါလၢ ပတၢ်ပူၤဖျဲးအလီၢ်
ဒီးပပာ်သဒၢပသးလၢ တၢ်လီတၢ်ဝ့ၤအဃိလီၤ.”+
၁၆ အဃိ တၢ်ပၢကစၢ် ယဟိဝၤယွၤ တဲဝဲလၢ
“လၢစံယိၣ်အပူၤန့ၣ် ယကပာ်လီၤ လၢၢ်လၢကဘၣ်တၢ်မၤကွၢ်အီၤ တဖျၢၣ် ဒ်တၢ်သူၣ်ထီၣ်အခီၣ်ထံးအသိးလီၤ.+
လၢၢ်တဖျၢၣ်အံၤ မ့ၢ်ဝဲ တၢ်သူၣ်ထီၣ်အခီၣ်ထံး+ အလၢၢ်လၢ အလုၢ်ဒိၣ်ပှ့ၤဒိၣ်တဖျၢၣ်လီၤ.+
ဒီးပှၤလၢအစူၢ်က့ၤနာ်က့ၤအီၤန့ၣ် တပျံၤတၢ်ဖုးတၢ်နီတဂၤဘၣ်.+
ကလံၤမုၢ်လၢ အဟဲဒီးသူၣ်န့ၣ် ကစိာ်ထီၣ်ကွံာ် သုတၢ်ပူၤဖျဲးအလီၢ်လၢအမ့ၢ် တၢ်လံၣ်တၢ်လီ
ဒီးထံန့ၣ် ကလုၢ်ဘၢ သုတၢ်အိၣ်သဒၢအလီၢ်လီၤ.
၁၈ တၢ်အၢၣ်လီၤအီလီၤ လၢသုမၤဒီး တၢ်သံန့ၣ် ကဟးဂီၤကွံာ်ဝဲ
ဒီးတၢ်အၢၣ်လီၤ လၢသုမၤဒီး တၢ်သွၣ်ခိၣ်န့ၣ် တဂၢၢ်ကျၢၤဘၣ်.+
ဖဲထံလုၢ်ဘၢတၢ် ဟဲယွၤလီၤ ဆူၣ်ဆူၣ်အခါ
အကမၤသဘှံး သုလီၤ.
၁၉ ဖဲထံယွၤလီၤဆူၣ်ဆူၣ် တဘျီဂ့ၤတဘျီဂ့ၤန့ၣ်
ထံကဆီၣ်ဖျိးကွံာ်သုလီၤ.+
ထံကယွၤလီၤဆူၣ်ဆူၣ် တဂီၤဘၣ်တဂီၤ,
ဒီးကယွၤလီၤဝဲလၢ မုၢ်ဆါခီ ဒီးလၢမုၢ်နၤခီလီၤ.
ထဲဒၣ် တၢ်ပျံၤတၢ်ဖုး ကဒုးနၢ်ပၢၢ်အဝဲသ့ၣ် တၢ်လၢ အဝဲသ့ၣ်နၢ်ဟူဘၣ်ဝဲန့ၣ်လီၤ.”*
၂၀ လီၢ်မံဖုၣ်တလၢအဃိ ပှၤညိၣ်လီၤ အခီၣ် တသ့ဘၣ်.
ဒီးလီၢ်မံဒါ အံၣ်တလၢအဃိ ပှၤလုးဘၢသး တသ့ဘၣ်.
၂၁ ယဟိဝၤယွၤ ကဆၢထၢၣ်ဒ် အမၤတ့ၢ်ဝဲ ဖဲကစၢၢ်ပရၤစံၣ် အသိး,
အသးကဘၣ်တံာ်တာ် ဒ်လၢညါ ဖဲကစၢၢ်ကဆူးလၢ အဘူးဒီး ဝ့ၢ်ကံးဘိၣ်အသိး+
ဒီးအကမၤ တၢ်လီၤဆီတမံၤလီၤ.
ဒီးအဝဲကမၤဝံၤ အတၢ်မၤ တခါအံၤလၢ အဖျါလီၤတိၢ်လီၤဆီလီၤ.+
၂၂ ဒ်သိးပျံၤလၢ ဘၣ်တၢ်စၢဃာ်သုန့ၣ် သုတဃံးဒိၣ်ထီၣ် တဂ့ၤအဂီၢ်
မၤဆဲးအဲးတၢ် လၢၤတဂ့ၤ.+
တၢ်ပၢကစၢ် လၢအမ့ၢ် တၢ်သုးမုၢ် ဂီၢ်မုၢ် အကစၢ် ယဟိဝၤယွၤ ပာ်ဖျါထီၣ်န့ၢ်ယၤလၢ
၂၃ ဒိကနၣ် ယကလုၢ် လီၤတံၢ်လီၤဆဲးတက့ၢ်.
သးစၢၢ်ဆၢ ဒီးဒိကနၣ်တၢ်လၢ ယတဲတဖၣ်တက့ၢ်.
၂၄ တချုးလၢ ပှၤထဲၣ်တၢ်ဖိတဂၤ ဖှံတၢ်ချံဒံးဘၣ်န့ၣ် မ့ၢ်အထဲၣ်တၢ် ဒီတနံၤဧါ.
မ့ၢ်အဆဲးထဲၣ်တၢ် ဒီးမၤလီၤဘျဲး အဟီၣ်ခိၣ်ဧါ.+
၂၅ ဖဲအမၤဃူထီၣ် ဟီၣ်ခိၣ်ဝံၤအလီၢ်ခံ
အဝဲဖှံလီၤတၢ်ချံတဖၣ် လၢအမ့ၢ် စမုၣ်သူ ဒီးစံယၤ
ဒီးဖှံလီၤဘု, ဘုကၠူၣ် ဒီးဘုမုယီၤလၢ အလီၢ်ဒၣ်ဝဲ
ဒီးဘုကူးစမ့းတဖၣ်လၢ+ တၢ်ကပိာ်ကပၤန့ၣ် တမ့ၢ်ဧီၤ.
၂၇ စမုၣ်သူန့ၣ် ပှၤတမၤလီၤဘျဲးအီၤလၢ နီၣ်ယီၢ်ဘုဘၣ်+
ဒီးပှၤတတွံၢ်လ့ၣ်အပၣ်လၢ စံယၤ အဖီခိၣ်ဘၣ်.
လၢတၢ်န့ၣ်အလီၢ် စမုၣ်သူန့ၣ် ဘၣ်တၢ်တီၢ်လီၤဆှုအီၤလၢ နီၣ်တီၢ်
ဒီးစံယၤန့ၣ် ဘၣ်တၢ်တီၢ်လီၤဆှုအီၤလၢ နီၣ်က့လီၤ.
၂၈ ဖဲပှၤတဂၤ ယီၢ်ဘုလၢ ကတ့ကိၣ်အဂီၢ်အခါ
မ့ၢ်အကယီၢ်ဝဲ ဒီးတပတုာ် နီတဘျီဧီၤ.+
ဒီးဖဲအဝဲနီလ့ၣ်လၢ ကသ့ၣ်တဖၣ် တွံၢ်ဝဲအခါ အမ့ၢ်ဒုးလဲၤ လ့ၣ်အပၣ်လၢ ဘုအဖီခိၣ်သနာ်က့
အတမၤဝဲတုၤလၢ ဘုလီၤဘျဲးဘၣ်.+
၂၉ တၢ်ကတိၤတဖၣ်န့ၣ် ဟဲလၢ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အအိၣ်လီၤ.
အတၢ်တိာ်ပာ်န့ၣ် ဂ့ၤဒိၣ်မး
ဒီးတၢ်လၢအမၤဝဲတဖၣ်န့ၣ် ကဲထီၣ်လိၣ်ထီၣ် မူာ်နီၢ်လီၤ.+
၂၉ “အရံၤအ့လး,* အရံၤအ့လး လၢအမ့ၢ်ဝ့ၢ်လၢ စီၤဒၤဝံး ဆီလီၤအဒဲ လၢအပူၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
မ်ပှၤဆဲးမၤ ဘူၣ်ပွဲ+
တနံၣ်ဝံၤတနံၣ်တက့ၢ်.
၂ ဘၣ်ဆၣ် ယကဒုးလီၤဘၣ် တၢ်ကီတၢ်ခဲလၢ ဝ့ၢ်အရံၤအ့လး အလိၤလီၤ.+
တၢ်ဟီၣ်တၢ်ယၢၤ ဒီးထါဟီၣ်တဖၣ် ကဟဲအိၣ်ထီၣ်ဝဲ+
ဒီးလၢယမဲာ်ညါန့ၣ် ဝ့ၢ်ဒီတဖျၢၣ် ကလီၤဂာ်ဒ်သိးဒီး တၢ်လုၢ်လီၢ် အဖၣ်ကပူၤလီၤ.+
၄ နကလီၤဃံၢ် ဒီးနကဒိးန့ၢ်ဘၣ် တၢ်မဲာ်ဆှးလီၤ.
ဖဲနအိၣ်လၢ ဟီၣ်ခိၣ်လိၤ လၢဟီၣ်ခိၣ်ကမူၣ်ကျါအခါန့ၣ်
နကတဲတၢ် ဒီးနတၢ်ကတိၤတဖၣ်န့ၣ် ကသီၣ်ကတူၢ်ကတူၢ်
နကလုၢ်ကသီၣ်ထီၣ် လၢဟီၣ်ခိၣ်လိၤ+
ဒ်ပှၤလၢ အဆဲးကျိးဒီးပှၤသံ အကလုၢ်သီၣ်အသိး
ဒီးနကတဲတၢ် ကသွံဒံလၢ ဟီၣ်ခိၣ်ကမူၣ်အကျါလီၤ.
၅ ဘၣ်ဆၣ် ပှၤဂီၢ်မုၢ် လၢအမ့ၢ် နဒုၣ်နဒါတဖၣ် ကကဲထီၣ် ဒ်သိးဒီး တၢ်အကမူၣ်+
ဒီးပှၤဂီၢ်မုၢ်လၢ အပၢဆူၣ်ပၢစိးတၢ်တဖၣ် ကကဲထီၣ် ဒ်သိးဒီး ဖ့လၢ ကလံၤအူဖျိးကွံာ်အီၤလီၤ.+
ဒီးတၢ်ကမၤအသးဒ်န့ၣ် သတူၢ်ကလာ် လၢတဖျးမဲာ် အတီၢ်ပူၤလီၤ.+
၆ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကမၤပူၤဖျဲးနၤလီၤ.
ဖဲအမၤဝဲအခါ လီကသီၣ်, ဟီၣ်ခိၣ် ကဟူး, တၢ်ကသီၣ်ဖးဒိၣ်,
ကလံၤမုၢ် ဒီးကလံၤမုၢ်ဖးဒိၣ် ကဟဲ ဒီးမ့ၣ်အူလၣ် ကအီၣ်တၢ်လီၤ.”+
၇ လၢခံ ပှၤကလုာ် ခဲလၢာ်လၢ အကဒုးဝဲ ဝ့ၢ်အရံၤအ့လး,+
ပှၤခဲလၢာ်လၢ ကဒုးအီၤ,
ပှၤလၢ အတ့ထီၣ် တၢးတဖၣ် ဒ်သိးကဒုးအီၤ
ဒီးပှၤလၢ အဒုးလီၤ တၢ်ကီတၢ်ခဲ လၢအဖီခိၣ်န့ၣ်
ကကဲထီၣ် ဒ်တၢ်မံမီၢ် လၢမုၢ်နၤခီအသိးလီၤ.
၈ ဒီးအကလီၤဂာ် ဒ်သိးဒီး ပှၤလၢအလီၤဘဲ* တဂၤ မံမီၢ်ဝဲလၢ အအီၣ်တၢ် ဘၣ်ဆၣ်
ဖဲအပၢၢ်ထီၣ်အခါ အလီၤဘဲ
ဒီးပှၤလၢ အလီၤဘဲအီထံတဂၤ မံမီၢ်ဝဲလၢ အအီထံ
ဘၣ်ဆၣ် ဖဲအပၢၢ်ထီၣ်အခါ အလီၤဘှံး ဒီးလီၤဘဲအီထံလီၤ.
အဃိ ပှၤကလုာ်ခဲလၢာ်လၢ
အကဒုးဝဲ ကစၢၢ်စံယိၣ်န့ၣ် တၢ်ကမၤအသးဒီးအီၤဒ်န့ၣ်လီၤ.+
၉ သုက ကမၢကမၣ် ဒီးသုကဖုးဘၣ် သုသးလီၤ.+
မၤဒ်သိး သုမဲာ်ချံ သုတထံၣ်တၢ်တဂ့ၤအဂီၢ် န့ၣ်တက့ၢ်.+
အဝဲသ့ၣ်မူၤဝဲ ဘၣ်ဆၣ် တမ့ၢ်လၢ စပံးထံ အဃိဘၣ်.
အဝဲသ့ၣ် ဟးကနူၤကပၤ ဘၣ်ဆၣ် တမ့ၢ်လၢ သံးအဃိဘၣ်.
၁၀ ယဟိဝၤယွၤ ဒုးမံသု ယိာ်ယိာ်လီၤ.+
သုမဲာ်ချံ လၢအမ့ၢ် ဝံတဖၣ်န့ၣ် အဝဲကးဘၢဝဲ+
ဒီးသုခိၣ်သၣ်ဃံ လၢအမ့ၢ် ပှၤထံၣ်တၢ်ထံၣ် လၢညါခီတဖၣ်န့ၣ် အဝဲကးဘၢဝဲလီၤ.+
၁၁ လၢသုဂီၢ်န့ၣ် တၢ်ထံၣ်လၢညါခီ ကိးခါဒဲး ကကဲထီၣ် ဒ်သိးဒီး တၢ်ကတိၤ လၢအအိၣ်လၢ လံာ်ထူလၢအဘၣ် တၢ်ကးတံာ်ဃာ်အီၤ အပူၤလီၤ.+ ဖဲအဝဲသ့ၣ် ဟ့ၣ်ဒုးဖးပှၤလၢ အဖးလံာ်ဘၣ်တဂၤ ဒီးတဲအီၤလၢ “ဝံသးစူၤ ဖးသီၣ်မ့ၢ်ဒိၣ်” အခါ ပှၤတဂၤန့ၣ် ကတဲလၢ “အဘၣ်တၢ်ကးတံာ်ဃာ်အီၤအဃိ ယဖးတသ့ဘၣ်.” ၁၂ ဒီးဖဲအဝဲသ့ၣ် ဟ့ၣ်ဒုးဖးပှၤလၢ အဖးလံာ် တဘၣ်ဘၣ်တဂၤ ဒီးတဲလၢ “ဝံသးစူၤ ဖးလံာ်ထူတခါအံၤ” အခါ ပှၤတဂၤန့ၣ် ကတဲလၢ “ယဖးလံာ်တဘၣ်ဘၣ်.”
၁၃ ယဟိဝၤယွၤ တဲဝဲလၢ “ပှၤသ့ၣ်တဖၣ်အံၤ အိၣ်ဒၣ်ထဲ အတဲလၢ အဘူၣ်ထီၣ်ဘါထီၣ်ယၤ
ဒီးအဝဲသ့ၣ် မၤလၤကပီၤယၤ ထဲလၢ အထးခိၣ်လီၤ.+
မ့မ့ၢ် အသးန့ၣ် ယံၤဝဲဒီးယၤ ဖးယံၤလီၤ.
ဒီးအဝဲသ့ၣ် အတၢ်ပျံၤဒီး တၢ်ယူးယီၣ်ယၤန့ၣ် ဒိးသန့ၤထီၣ်အသးလၢ ပှၤဟီၣ်ခိၣ်ဖိ အတၢ်မၤလိာ်လၢ ပှၤသိၣ်လိအဝဲသ့ၣ်လီၤ.+
၁၄ လၢတၢ်န့ၣ်အဃိ ယကမၤ ကမၢကမၣ်ကဒီး ပှၤဂီၢ်မုၢ်အံၤ+
ခီဖျိ တၢ်လီၤလး တခါဝံၤတခါလီၤ.
အဝဲသ့ၣ် အပှၤကူၣ်ဘၣ်ကူၣ်သ့တဖၣ် အတၢ်ကူၣ်သ့န့ၣ် ကဟးဂီၤကွံာ်ဝဲ
ဒီးအဝဲသ့ၣ် အပှၤလၢ အသူၣ်ဆးသးဆးတဖၣ် အတၢ်နၢ်ပၢၢ်န့ၣ် ကလီၤမၢ်ကွံာ်ဝဲလီၤ.”+
၁၅ ပှၤလၢ အဂုာ်ကျဲးစၢး ပာ်ခူသူၣ်ကွံာ် အတၢ်ကူၣ်တဖၣ် လၢယဟိဝၤယွၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
အဝဲသ့ၣ် မၤဝဲဒ် အကူၣ်ထီၣ်တၢ်အသိး လၢတၢ်ခံးကျါ
ဒီးတဲဝဲလၢ “ပှၤတထံၣ်ပှၤ နီတဂၤဘၣ်.
တၢ်လၢပမၤန့ၣ် ပှၤတသ့ၣ်ညါ နီတဂၤဘၣ်.”+
၁၆ သုမၤဘံဘူ တၢ်ဂ့ၢ်သပှၢ်တၢၢ်.
ပှၤတ့သပၢၤတဂၤန့ၣ် မ့ၢ်ပှၤကြၢးပာ်အီၤ အပတီၢ် တုၤသိးဒီး ကပံာ်ဧါ.+
တၢ်လၢ ပှၤတ့ဝဲန့ၣ် ဖဲအတဲ ပှၤတ့အီၤတဂၤအဂ့ၢ်အခါ မ့ၢ်အကြၢးတဲဝဲလၢ
“အတတ့ယၤဘၣ်”+ န့ၣ်ဧါ.
ဒီးတၢ်လၢပှၤတ့အီၤန့ၣ် မ့ၢ်အကြၢးတဲ ပှၤလၢအတ့အီၤ တဂၤန့ၣ် အဂ့ၢ်လၢ
“အတၢ်နၢ်ပၢၢ် တအိၣ်ဘၣ်”+ န့ၣ်ဧါ.
၁၈ ဖဲန့ၣ်အဆၢကတီၢ် ပှၤလၢ အတနၢ်ဟူတၢ်ဘၣ်န့ၣ် ကနၢ်ဟူဝဲ တၢ်ကတိၤတဖၣ်လၢ အအိၣ်လၢ လံာ်ထူအပူၤ
ဒီးပှၤလၢ အမဲာ်တထံၣ်တၢ်ဘၣ်န့ၣ် ကပူၤဖျဲးထီၣ်လၢ တၢ်ကဒုဒီး တၢ်ခံးကျါ ဒီးကထံၣ်ထီၣ်က့ၤတၢ်လီၤ.+
၁၉ ပှၤလၢအဆီၣ်လီၤအသးန့ၣ် ကသးခုဖးဒိၣ် လၢယဟိဝၤယွၤအပူၤ
ဒီးပှၤဖှီၣ်ဖိယာ်ဖိန့ၣ် ကသူၣ်ဖှံသးညီလၢ အံၣ်စရ့လး အကစၢ်ယွၤလၢ အစီဆှံတဂၤ အပူၤလီၤ.+
၂၀ လၢခံ တစိၢ်ဖိဒီးန့ၣ် ပှၤလၢ အပၢဆူၣ်ပၢစိးတၢ်တဖၣ် တအိၣ်လၢၤဘၣ်.
ပှၤလၢ အပာ်ကဖၢလၢအသးန့ၣ် အကျဲကကတၢၢ်လီၤ.
ဒီးပှၤလၢ အဃုကျဲလၢ ကမၤတၢ်အၢတၢ်သီ အဂီၢ်န့ၣ် ကဘၣ်တၢ်မၤဟးဂီၤ အဝဲသ့ၣ် ကိးဂၤဒဲးလီၤ.+
၂၁ မ့ၢ်လီၤ, ပှၤလၢအလံၣ်တၢ် ဒ်သိး ကပာ်ဒ့ၣ်ပာ်ကမၣ် ပှၤဂၤ,
ပှၤလၢ အဒိးလီၤ ပျံၤသကွီၤတဖၣ်လၢ ပှၤလၢ အဒီသဒၢလီၤအသး ဖဲဝ့ၢ်တြဲၤအဂီၢ်+
ဒီးပှၤလၢ အပာ်ဒ့ၣ်ပာ်ကမၣ်တၢ် ခီလီလီ ဒ်သိး ပှၤသုတစံၣ်ညီၣ်န့ၢ်တၢ်လၢ ပှၤတီပှၤလိၤအဂီၢ် တီတီလိၤလိၤတဂ့ၤ အဂီၢ်န့ၣ် ကဘၣ်တၢ်မၤဟးဂီၤ အဝဲသ့ၣ်လီၤ.+
၂၂ အဃိ ယဟိဝၤယွၤ လၢအမ့ၢ် ပှၤလၢအပှ့ၤက့ၤ စီၤအၤဘြၤဟၣ်န့ၣ်+ တဲဘၣ် စီၤယၤကိာ် အစၢၤအသွဲၣ်တဖၣ်လၢ
“စီၤယၤကိာ် တတူၢ်ဘၣ် တၢ်မဲာ်ဆှးလၢၤဘၣ်.
ဒီးအမဲာ်သၣ်တဖျါလၢ အသးဟးဂီၤလၢၤဘၣ်.*+
အဝဲသ့ၣ် ကပာ်စီဆှံ စီၤယၤကိာ် အကစၢ်ယွၤ လၢအမ့ၢ် တၢ်စီဆှံတဂၤ
ဒီးအဝဲသ့ၣ် ကယူးယီၣ်ပာ်ကဲ အံၣ်စရ့လး အကစၢ်ယွၤ သပှၢ်တၢၢ်လီၤ.+
၂၄ ဒီးပှၤလၢ အဟးဖျိးကျဲန့ၣ် ကဒိးန့ၢ်ဘၣ် တၢ်နၢ်ပၢၢ်
ဒီးပှၤလၢ အကဒူးကဒ့ၣ်တၢ်န့ၣ် ကတူၢ်လိာ် တၢ်ဟံးစုနဲၣ်ကျဲလီၤ.”
၃၀ ယဟိဝၤယွၤ တဲဝဲလၢ “ပှၤလၢအခိၣ်ကိၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.+
အဝဲသ့ၣ် မၤထွဲတၢ်ကူၣ်လၢ အတဟဲလၢယအိၣ်ဘၣ်+
ဒီးအဝဲသ့ၣ် ဖီၣ်လိာ်သးစုဒီးပှၤဂၤ ဘၣ်ဆၣ် အထီဒါလိာ်သး ဒီးယသးစီဆှံ အတၢ်ဟံးစုနဲၣ်ကျဲလီၤ.
အဃိ လၢတၢ်ဒဲးဘးအဖီခိၣ်န့ၣ် အဝဲသ့ၣ် ပာ်ဖှိၣ်အါထီၣ် တၢ်ဒဲးဘးလီၤ.
၂ အဝဲသ့ၣ် တသံကွၢ်တၢ်လၢယအိၣ်ဘၣ်+ ဘၣ်ဆၣ် အဝဲသ့ၣ် လဲၤလီၤလၢ ကီၢ်အဲၤကူပတူး+
ဒ်သိးကဃု တၢ်ဒီသဒၢလၢ ဖၤရိၤအအိၣ်
ဒီးကဃုတၢ်ပူၤဖျဲးအလီၢ်လၢ ကီၢ်အဲၤကူပတူး အကဒုဖီလာ်လီၤ.
၃ ဘၣ်ဆၣ် ဖၤရိၤ အတၢ်ဒီသဒၢန့ၣ် ကကဲထီၣ် တၢ်လီၤမဲာ်ဆှးလၢ အဝဲသ့ၣ်အဂီၢ်
ဒီးတၢ်ပူၤဖျဲးအလီၢ်လၢ ကီၢ်အဲၤကူပတူး အကဒုဖီလာ်န့ၣ် ကဒုးအိၣ်ထီၣ် တၢ်မဲာ်ဆှးလၢ အဝဲသ့ၣ် အဂီၢ်လီၤ.+
၄ ဒီးပဒိၣ်တဖၣ်န့ၣ် လဲၤတုၤဝဲလၢ ဝ့ၢ်စိၤဧၣ်+
ဒီးပှၤစိာ်တၢ်ကစီၣ်ဖိတဖၣ်န့ၣ် လဲၤတုၤဝဲလၢ ဃါန့ၤ အတၢ်လီၢ် တၢ်ကျဲလီၤ.
၅ အဝဲသ့ၣ် ကိးဂၤဒဲး ကဒိးန့ၢ်ဘၣ် တၢ်မဲာ်ဆှး
ခီဖျိ ပှၤအဲၤကူပတူးဖိတဖၣ် မၤစၢၤအဝဲသ့ၣ် တသ့ဘၣ်
ဒီးတကဲဘျုးလၢ အဝဲသ့ၣ်အဂီၢ်ဘၣ် အဃိလီၤ.
အိၣ်ဒၣ် ပှၤအဲၤကူပတူးဖိ ကကဲထီၣ် တၢ်မဲာ်ဆှးလၢ အဝဲသ့ၣ်အဂီၢ်လီၤ.+
၆ တၢ်စံၣ်ညီၣ် အကစီၣ်လၢ အဘၣ်ဃးဒီး ဆၣ်ဖိကီၢ်ဖိတဖၣ်လၢ ကလံၤထံးတခီန့ၣ် အိၣ်ဝဲဒ် လၢလာ်အံၤ အသိးလီၤ.
အဝဲသ့ၣ်လဲၤတီၣ်ဝဲ အတၢ်ထူးတၢ်တီၤတဖၣ်လၢ ကသ့ၣ်ယီၤတဖၣ်အလိၤ
ဒီးအတၢ်ဖိတၢ်လံၤတဖၣ်လၢ ကီၤလၤအူးတဖၣ် အလိၤလီၤ.
ဒီးအဝဲသ့ၣ် လဲၤခီဂာ်တၢ်လီၢ်လၢ အလီၤပျံၤ, လီၤဘၣ်ယိၣ်
ဒီးအိၣ်ဝဲဒီး ခ့ယုၢ်, ခ့ယုၢ်လၢ အကညီၤတၢ်,
ဂုၢ်ဘၣ်အၢ ဒီးဂုၢ်လၢ အဖျးတၢ်ဒ် လီဝၢ်ဒံးအသိးလီၤ.
အဝဲသ့ၣ် မၤဝဲဒ်အံၤ သနာ်က့ တကဲဘျုးလၢ ပှၤဂီၢ်မုၢ်အဂီၢ်ဘၣ်.
၇ ကီၢ်အဲၤကူပတူး အတၢ်မၤစၢၤန့ၣ် အဘျုးတအိၣ် နီတစဲးဘၣ်.+
အဃိ ယကိးအီၤလၢ “ရၤဃး*+ လၢအဆ့ၣ်နီၤ ဂၢၢ်တပၢၢ် ဒီးတမၤတၢ်နီတမံၤဘၣ်.”
၈ “ခဲအံၤ လဲၤကွဲးလီၤ တၢ်ကစီၣ်လၢ လၢၢ်ဘ့ၣ်ဘၣ်လိၤ လၢအဝဲသ့ၣ် အမဲာ်ညါ
ဒီးကွဲးလီၤအီၤလၢ လံာ်ပူၤ+
ဒ်သိးကကဲထီၣ် တၢ်အုၣ်သး လၢပှၤကပာ်ဂၢၢ်ပာ်ကျၢၤအီၤ
လၢခါဆူညါ အဂီၢ်တက့ၢ်.+
၁၀ အဝဲသ့ၣ်တဲဘၣ် ပှၤထံၣ်တၢ်တဖၣ်လၢ* ‘တဘၣ်ထံၣ် တၢ်ထံၣ်လၢညါခီလၢ အမ့ၢ်အတီတဖၣ်တဂ့ၤ.’
ဒီးအဝဲသ့ၣ် တဲဘၣ် ဝံတဖၣ်လၢ ‘တဘၣ်တဲတၢ်ဒ် ဝံအသိးတဂ့ၤ.
ထံၣ်တၢ်ထံၣ်လၢညါခီလၢ+ အတမ့ၢ်တတီဘၣ်+ ဒီးတဲမုာ်ပနၢ်သၢၤ.
၁၁ ဃၣ်ကွံာ်သးလၢ ကျဲလၢအဘၣ် ဒီးဟးဖျိးကျဲသၢၤ.
အံၣ်စရ့လး အကစၢ်ယွၤလၢ အစီဆှံတဂၤ အဂ့ၢ်န့ၣ် တဘၣ်တဲဘၣ်ပှၤ လၢၤတဂ့ၤ.’”+
၁၂ အဃိ အံၣ်စရ့လး အကစၢ်ယွၤလၢ အစီဆှံတဂၤ တဲဝဲလၢ
“သုတတူၢ်လိာ် ယတၢ်ကတိၤဘၣ်,+
သုနာ်န့ၢ်သုနီၢ်ကစၢ် အတၢ်လံၣ်တၢ်လီ
ဒီးသုသန့ၤသုသးလၢ သုနီၢ်ကစၢ်အတၢ်လီတၢ်ဝ့ၤလီၤ.+
၁၃ ခီဖျိလၢ သုတၢ်ကမၣ်အံၤအဃိ သုလီၤဂာ်ဒီး တၢ်ဒူၣ်လၢ အဟးဂီၤ
ဒီးတၢ်ဒူၣ်လၢ အကစီၤထီၣ်ထီလၢ အက့ၣ်လီၤဝဲ ဒီးအဘူးကလီၤပှီၢ်လံ.
ဒီးလၢတဖျးမဲာ် အတီၢ်ပူၤန့ၣ် ကလီၤပှီၢ်ဝဲ သတူၢ်ကလာ်လီၤ.
၁၄ ဒီးကသ့ၣ်ဖး ဒ်သပၢၤဟီၣ်ခိၣ်ဖးဒိၣ် သ့ၣ်ဖးဝဲအသိး,
ဒီးကလီၤကရဲဝဲ လၢာ်လၢာ်ဆ့ဆ့ တုၤလၢ အက့လၢ အဒိၣ်လၢ ပှၤကသူအီၤလၢ
ကကွးထီၣ် မ့ၣ်အူအ့ၣ်လၢ ဖၣ်ကပူၤအဂီၢ်မ့ၢ်ဂ့ၤ,
ကဘျၢၣ်ထီၣ် ထံအဂီၢ်မ့ၢ်ဂ့ၤ တအိၣ်လၢၤဘၣ်.”
၁၅ တၢ်ပၢကစၢ် ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤလၢ အစီဆှံတဂၤ တဲဝဲလၢ
“သုမ့ၢ်ဟဲက့ၤကဒါက့ၤ လၢယအိၣ် ဒီးအိၣ်ဂၢၢ်န့ၣ် သုကပူၤဖျဲးလီၤ.
သုမ့ၢ်ပာ်သုသး ဂၢၢ်ဂၢၢ် ဒီးနာ်န့ၢ်ယၤန့ၣ် သုကအိၣ်ဒီး တၢ်ဂံၢ်တၢ်ဘါလီၤ.”+
ဘၣ်ဆၣ် သုတသးအိၣ် မၤဒ်န့ၣ်ဘၣ်.+
၁၆ လၢတၢ်န့ၣ်အလီၢ် သုတဲလၢ “ပတမၤဒ်န့ၣ်ဘၣ်, ပကဒိးထီၣ်ကသ့ၣ် ဒီးဃ့ၢ်ကွံာ်လီၤ.”
အဃိ သုကဃ့ၢ်ဘၣ် ဒၣ်ခီ.
သုတဲစ့ၢ်ကီးလၢ “ပကဒိးထီၣ် ကသ့ၣ်တဖၣ်လၢ အဃ့ၢ်ချ့ချ့.”+
အဃိ ပှၤလၢအလူၤသုတဖၣ်န့ၣ် ကလူၤသု ချ့ချ့စ့ၢ်ကီးလီၤ.+
၁၇ သုပှၤတကထိ ကကနိးဝဲလၢ ပှၤတဂၤ အတၢ်တဲပျံၤတဲဖုး အဃိလီၤ.+
လၢပှၤယဲၢ်ဂၤ အတၢ်တဲပျံၤတဲဖုးအဃိ သုကဃ့ၢ်ကွံာ်
တုၤလၢ သုပှၤလၢ အအိၣ်တ့ၢ်တဖၣ် ကလီၤဂာ်ဒ် တၢ်အထူၣ်တထူၣ် လၢအအိၣ်လၢ ကစၢၢ်ခိၣ်အသိး
ဒီးဒ်တၢၣ်တတၢၣ်လၢ တၢ်လူၢ်ခိၣ်အသိးလီၤ.+
၁၈ ဘၣ်ဆၣ် ယဟိဝၤယွၤ အိၣ်ခိးဝဲလၢ တၢ်ဝံသးစူၤအပူၤ လၢအကပာ်ဖျါထီၣ် လၢအဘၣ်သူၣ်ဘၣ်သးသု+
ဒီးအဝဲ ကဆၢထၢၣ် ပာ်ဖျါထီၣ် တၢ်သးကညီၤ လၢသုဖီခိၣ်လီၤ.+
ယဟိဝၤယွၤ မ့ၢ်ကစၢ်ယွၤလၢ အစံၣ်ညီၣ်တၢ်တီလီၤ.+
ပှၤကိးဂၤဒဲးလၢ အအိၣ်ခိးကွၢ်လၢ်အီၤန့ၣ် ကသးခုဝဲလီၤ.+
၁၉ ဖဲပှၤဂီၢ်မုၢ် အိၣ်ဝဲဖဲ စံယိၣ် လၢဝ့ၢ်ယရူၤၡလ့ၣ် အပူၤအခါ+ လ့ၤတက့ၤ သုတဟီၣ်ဘၣ်.+ ဖဲသုကိးပသူထီၣ်လၢ တၢ်မၤစၢၤအဂီၢ်အခါ ကစၢ်ယွၤ ကပာ်ဖျါထီၣ်လၢ အဘၣ်သူၣ်ဘၣ်သးသု သပှၢ်တၢၢ်လီၤ. ဒီးဖဲအနၢ်ဟူ သုတၢ်ကိးပသူထီၣ်အခါ အဝဲကစံးဆၢသု တဘျီဃီလီၤ.+ ၂၀ ယဟိဝၤယွၤ မ့ၢ်ဟ့ၣ်ဒုးအီၣ်သုလၢ တၢ်ကိၢ်တၢ်ဂီၤ ဒီးမ့ၢ်ဟ့ၣ်ဒုးအီသုလၢ တၢ်ဆီၣ်တံၢ်မၤနၢၤ+ သနာ်က့ သုသရၣ် လၢအဒိၣ်အထီတဂၤအံၤ တပာ်ခူသူၣ်အသးလၢၤဘၣ်. ဒီးသုကထံၣ်ဘၣ် သုသရၣ် လၢအဒိၣ်အထီတဂၤအံၤ+ လၢသုမဲာ်လီၤ. ၂၁ သုမ့ၢ်ဟးကမၣ်ကျဲ လၢအစ့ၣ်မ့ၢ်ဂ့ၤ လၢအထွဲမ့ၢ်ဂ့ၤ+ သုကနၢ်ဟူ တၢ်ကလုၢ်သီၣ်လၢ သုလီၢ်ခံ လၢအတဲဝဲလၢ “ပှၤဂီၢ်မုၢ်သ့ၣ်ဧၢ, ကျဲအိၣ်လၢအံၤ.+ ဟးလၢကျဲတဘိအံၤ.”
၂၂ စ့ညၣ်ကဘျၣ်လၢ သုကျးလီၤလၢ သုတၢ်ဂီၤတၢ်ဖှီၣ်အလိၤ ဒီးထူကဘျၣ်လၢ သုကျးလၢ သုတၢ်ဂီၤတၢ်ဖှီၣ်ထးတဖၣ် အလိၤန့ၣ် သုကမၤဘၣ်အၢအီၤလီၤ.+ ဒီးသုကတၢၤကွံာ် တၢ်ဂီၤတၢ်ဖှီၣ်တဖၣ်န့ၣ် ဒ်ပိာ်မုၣ်တဂၤ တၢၤကွံာ်ဝဲ အတၢ်ကံးညာ်လၢ အဘၣ်အၢလၢ အလုၢ်လၢ်ဟဲအဃိ ဒီးသုကတဲ တၢ်ဂီၤတၢ်ဖှီၣ်တဖၣ်န့ၣ်လၢ “လီၤသးဘၣ်အၢညါ.”+ ၂၃ ဒီးကစၢ်ယွၤ ကဒုးစူၤလီၤမူခိၣ်ထံလၢ တၢ်ချံလၢသုဖှံလီၤလၢ ဟီၣ်ခိၣ်လိၤအဂီၢ်+ ဒီးတၢ်အီၣ်လၢ အမဲထီၣ်လၢ ဟီၣ်ခိၣ်လိၤန့ၣ် ကအိၣ်ဝဲ အါအါဂီၢ်ဂီၢ်ဒီး ကဂ့ၤဝဲဒိၣ်မးလီၤ.+ ဖဲန့ၣ်အဆၢကတီၢ် သုဆၣ်ဖိကီၢ်ဖိ ကကိာ်လီၤအီၣ်ဆၣ်လၢ တၢ်အီၣ်ဆၣ်လီၢ် ဖးလဲၢ်တဖၣ် အပူၤလီၤ.+ ၂၄ ကျီၢ် ဒီးကသ့ၣ်ယီၤတဖၣ် လၢအထဲၣ်ဟီၣ်ခိၣ်န့ၣ် ကအီၣ်ဘၣ် အဆၣ်လၢအဝံၣ် လၢအဘၣ်တၢ်ခွဲးကဆှီထီၣ်က့ၤအီၤလၢ နီၣ်တရီာ်တၢ် ဒီးနီၣ်ဆဲးတၢ်လီၤ. ၂၅ ဖဲတၢ်မၤသံတၢ် အါအါဂီၢ်ဂီၢ်အနံၤ ဘၣ်ဝဲ ဒီးတၢးတဖၣ် လီၤပှီၢ်ကွံာ်အခါ လၢကစၢၢ်ဖးထီ ကိးဖျၢၣ်ဒဲးအလိၤ ဒီးလၢတၢ်လူၢ်ဖးထီ ကိးလူၢ်ဒဲးအလိၤန့ၣ် ထံကျိဖိ ဒီးထံကျိၤတဖၣ် ကယွၤလီၤဝဲလီၤ.+ ၂၆ လါအတၢ်ကပီၤ ကကဲထီၣ် ဒ်သိးဒီး မုၢ်အတၢ်ကပီၤ ဒီးမုၢ်အတၢ်ကပီၤန့ၣ် ကဆူၣ်န့ၢ်အလီၢ် နွံစးလီၤ.+ ဒီးအကလီၤဂာ်ဒ်သိးဒီး တၢ်ကပီၤလၢနွံသီအဂီၢ်န့ၣ် ကကပီၤထီၣ်ဝဲလၢ တနံၤဃီ အတီၢ်ပူၤလီၤ. ဖဲန့ၣ်အခါ ယဟိဝၤယွၤ ကဘိၣ်ဘံထီၣ် အပှၤဂီၢ်မုၢ် အတၢ်ပူၤလီၢ်+ ဒီးမၤဘျါက့ၤ တၢ်ဘၣ်ဒိဘၣ်ထံးအလီၢ် လၢအနးတခါလၢ အကဲထီၣ်ဝဲ ခီဖျိ အဝဲတီၢ်အပှၤဂီၢ်မုၢ် အဃိလီၤ.+
၂၇ ကွၢ်မီၤ, ယဟိဝၤယွၤ* အိၣ်ဟဲလၢ တၢ်လီၢ်ဖးယံၤ,
အသးပှံၢ်ထီၣ်တၢ်ဒိၣ်မး ဒီးတၢ်အၢၣ်လၢ အတီၣ်တဖၣ် အိၣ်ဝးတရံးအီၤလီၤ.
အထးခိၣ်ပှဲၤဒီး တၢ်သးထီၣ်
ဒီးအပျ့ၤ မၤသးဒ်သိးဒီး မ့ၣ်အူလၢ အအီၣ်တၢ်လီၤ.+
၂၈ အသးစီဆှံ မၤသးဒ်သိးဒီး ထံကျိလၢ အယွၤလီၤဆူၣ်ဆူၣ် ဒီးထံဒိၣ်ထီၣ် တုၤလၢပှၤကိာ်ဘိ
ဒီးအကမၤဟူးထီၣ် ပှၤကလုာ်တဖၣ် ဒ်ပှၤဂုၤဘုလၢ ကထုးထီၣ်ကွံာ် တၢ်ကမှံၤအဂီၢ်လီၤ.
ဒီးအဝဲကထီထီၣ် ထးအ့ၣ်လၢ ပှၤဂီၢ်မုၢ်တဖၣ်အခၣ်+ ဒ်သိး ကဆှၢကမၣ် အဝဲသ့ၣ် အကျဲအဂီၢ်လီၤ.
၂၉ ဘၣ်ဆၣ် သုကသးဝံၣ် တၢ်သးဝံၣ်ဒ်သိးဒီး သုသးဝံၣ်လၢ မုၢ်နၤခီ
ဖဲသုကတဲာ်ကတီၤသးလၢ ဘူၣ်ပွဲအဂီၢ်လီၤ.+
ဒီးသုကသူၣ်ဖှံသးညီ ဒ်သိးဒီး
ပှၤတဂၤလၢ အအူပံ* ဒီးလဲၤထီၣ်လၢ
ယဟိဝၤယွၤ လၢအမ့ၢ် အံၣ်စရ့လးအလၢၢ်န့ၣ် အကစၢၢ်လီၤ.+
၃၀ ယဟိဝၤယွၤ ကဒုးနၢ်ဟူ ပှၤဂၤလၢ အကလုၢ် လၢအလီၤ ကဟုကညီၢ်,+
၃၁ ခီဖျိလၢ ယဟိဝၤယွၤ အကလုၢ်သီၣ်အဃိ ပှၤအၤၡူၢ်ဖိ ကပျံၤတၢ် ဖုးတၢ်လီၤ.+
ကစၢ်ယွၤ ကတီၢ်အဝဲသ့ၣ်လၢ နီၣ်တီၢ်လီၤ.+
၃၂ ဖဲယဟိဝၤယွၤ ယၤထီၣ်အစု ဒ်သိးကဒုး ပှၤအၤၡူၢ်ဖိတဖၣ်
ဒီးဖဲအဝဲတီၢ် ပှၤအၤၡူၢ်ဖိတဖၣ်ဒီး
တၢ်သိၣ်ဃီၣ်အနီၣ်တီၢ် တဘျီစုာ်စုာ်အခါ+
တၢ်ခြ့ခြ့ ဒီးတနၢ်တဖၣ် ကသီၣ်ထီၣ်ဝဲလီၤ.+
၃၃ အဝဲကတဲာ်ကတီၤပာ်စၢၤ တၢ်လီၢ်*+ လၢကမၤဟးဂီၤ ပှၤအၤၡူၢ်ဖိအဂီၢ်
ဒီးတၢ်လီၢ်အဝဲန့ၣ် အိၣ်ကတဲာ်ကတီၤပာ်စၢၤအသးလၢ စီၤပၤအဂီၢ် စ့ၢ်ကီးလီၤ.+
အဝဲပာ်ပူၣ်ထီၣ် သ့ၣ်မုၣ်အပူၣ် ဖးဒိၣ်
ဒီးမ့ၣ်အူ ဒီးသ့ၣ်မုၣ် အိၣ်ဝဲ အါအါဂီၢ်ဂီၢ်လီၤ.
ယဟိဝၤယွၤ အတၢ်ကသါ လၢအလီၤဂာ်ဒ်သိးဒီး ကးလၢအဟဲလီၤ ဆူၣ်ဆူၣ်န့ၣ်
ကမၤကဲၤထီၣ်ဝဲ တၢ်လီၢ်အဝဲန့ၣ်လီၤ.
၃၁ ပှၤလၢ အလဲၤလီၤဃု တၢ်မၤစၢၤလၢ ကီၢ်အဲၤကူပတူးအပူၤ,+
ပှၤလၢ အသန့ၤအသးလၢ ကသ့ၣ်တဖၣ်,+
ပှၤလၢ အနာ်န့ၢ် လ့ၣ်ကဟၣ် ခီဖျိလၢ လ့ၣ်ကဟၣ်အိၣ်အါအဃိ
ဒီးပှၤလၢ အနာ်န့ၢ် ကသ့ၣ်ဒုးသုး* ခီဖျိလၢ ကသ့ၣ်ဒုးသုး အဂံၢ်ဘါဆူၣ်အဃိန့ၣ် ကဘၣ်ကီဘၣ်ခဲ သပှၢ်တၢၢ်လီၤ.
အဝဲသ့ၣ်န့ၣ် တပာ်ဂံၢ်ပာ်ဘါ အံၣ်စရ့လး အကစၢ်ယွၤလၢ အစီဆှံတဂၤန့ၣ်ဘၣ်
ဒီးအဝဲသ့ၣ် တဃု ယဟိဝၤယွၤဘၣ်.
၂ ဘၣ်ဆၣ် ကစၢ်ယွၤန့ၣ် အကူၣ်တၢ်သ့ ဒီးအကဒုးလီၤ တၢ်နးတၢ်ဖှီၣ်
ဒီးအကမၤလၢပှဲၤထီၣ် အတၢ်ကတိၤတဖၣ်လီၤ.
အဝဲကဂဲၤဆၢထၢၣ်ထီဒါ ပှၤလၢ အမၤတၢ်အၢတၢ်သီတဒူၣ်
ဒီးအဝဲကထီဒါ ပှၤလၢ အမၤစၢၤ ပှၤလၢ အမၤတၢ်ကမၣ်တဖၣ်လီၤ.+
၃ မ့မ့ၢ် ပှၤအဲၤကူပတူးဖိတဖၣ်န့ၣ် မ့ၢ်ဒၣ် ပှၤဟီၣ်ခိၣ်ဖိ ဒ်သိးသိးလီၤ ဒီးတမ့ၢ် ကစၢ်ယွၤဘၣ်.
အဝဲသ့ၣ် အကသ့ၣ်တဖၣ် မ့ၢ်ဒၣ် ဆၣ်ဖိကီၢ်ဖိတဖၣ် ဒီးတမ့ၢ် ပှၤနီၢ်သးဖိဘၣ်.+
ဖဲယဟိဝၤယွၤ ယၤထီၣ်အစုအခါ
ပှၤတကလုာ်လၢ အမၤစၢၤတၢ်န့ၣ် ကလီၤဃံၢ်
ဒီးပှၤတကလုာ်လၢ အန့ၢ်ဘၣ် တၢ်မၤစၢၤန့ၣ် ကလီၤဃံၢ်စ့ၢ်ကီးလီၤ.
အဝဲသ့ၣ်ခဲလၢာ် ကတုၤလၢ တၢ်ဟးဂီၤ တကတီၢ်ဃီလီၤ.
၄ ယဟိဝၤယွၤ တဲဘၣ်ယၤလၢ
“ပှၤမ့ၢ်ကိး ပှၤကွၢ်သိတဖု ဒ်သိးကနီဟးထီၣ်
ခ့ယုၢ်လၢ အဂံၢ်ဆူၣ်တဒုလၢ အကညီၤတၢ်ခီဖျိလၢ အန့ၢ်ဘၣ် အဆၣ်အဃိ
ဒီးအဝဲသ့ၣ် မ့ၢ်ကိးပသူကိးပသီ ဒီးမၤဒိၣ်ထီၣ် အကလုၢ် သနာ်က့
ခ့ယုၢ် တပျံၤတၢ်ဖုးတၢ်ဘၣ်.
ဒ်န့ၣ်အသိး တၢ်သုးမုၢ်ဂီၢ်မုၢ်အကစၢ် ယဟိဝၤယွၤ ကဟဲလီၤဒုးတၢ်လၢ
ကစၢၢ်စံယိၣ် ဒီးစံယိၣ်တၢ်လူၢ်ခိၣ် အဂီၢ်လီၤ.
၅ ဒ်ထိၣ်တဖၣ်လၢ အယူၤလီၤဒီသဒၢအဖိအသိး တၢ်သုးမုၢ်ဂီၢ်မုၢ်အကစၢ် ယဟိဝၤယွၤ ကဒီသဒၢ ဝ့ၢ်ယရူၤၡလ့ၣ်လီၤ.+
အဝဲကဒီသဒၢအီၤ ဒီးအုၣ်က့ၤခီၣ်က့ၤအီၤလီၤ.
ဒီးအဝဲ ကပာ်မူအီၤ ဒီးမၤပူၤဖျဲးအီၤလီၤ.”
၆ “အိ အံၣ်စရ့လး အပှၤဂီၢ်မုၢ်ဧၢ, ဟဲက့ၤကဒါက့ၤလၢ ပှၤလၢ သုထီဒါအီၤ ဒူဒူတဂၤန့ၣ် အအိၣ်တက့ၢ်.+ ၇ ဖဲန့ၣ်အဆၢကတီၢ် ပှၤတဂၤစုာ်စုာ် ကတၢၤကွံာ်အယွၤလၢ အဘျုးတအိၣ်ဘၣ်တဖၣ် လၢအဝဲသ့ၣ် အနီၢ်ကစၢ် တ့ထီၣ်ဝဲလၢ စ့ညၣ် ဒီးထူလီၤ. အဝဲသ့ၣ်တ့ထီၣ် တၢ်သ့ၣ်တဖၣ်န့ၣ် အဃိ မ့ၢ်ဝဲတၢ်ဒဲးဘးလီၤ.
၈ ပှၤအၤၡူၢ်ဖိတဖၣ် ကလီၤဃံၢ်လၢနး ဘၣ်ဆၣ် တမ့ၢ်လၢ ပှၤဟီၣ်ခိၣ်ဖိ အနးဘၣ်.
အဝဲသ့ၣ် ကသံလၢနး ဘၣ်ဆၣ် တမ့ၢ်လၢ ပှၤဟီၣ်ခိၣ်ဖိ အနးဘၣ်.+
ခီဖျိလၢ နးအဃိ အဝဲသ့ၣ် ကဃ့ၢ်ကွံာ်ဝဲ
ဒီးအပှၤပိာ်ခွါ သးစၢ်တဖၣ်န့ၣ် ကဘၣ်တၢ်မၢကဲကုၢ်အီၤလီၤ.
၉ ပှၤလၢ အမၤသးဒ်သိးဒီး တၢ်အိၣ်သဒၢအလီၢ်လၢ ပှၤအၤၡူၢ်ဖိ အဂီၢ်န့ၣ် ကလီၤမၢ်ကွံာ်လၢ တၢ်ပျံၤတၢ်ဖုးအဃိ
ဒီးပှၤအၤၡူၢ်ဖိ အခိၣ်အနၢ်တဖၣ် ကပျံၤတၢ်ဒိၣ်မး ခီဖျိလၢ တၢ်ပနီၣ် အတၢၣ်တတၢၣ် အဃိလီၤ.”
ယဟိဝၤယွၤ လၢအမ့ၢ် ပှၤလၢအတၢ်ကပီၤ* အိၣ်ဝဲလၢ စံယိၣ် ဒီးအဖၣ်ကပူၤ အိၣ်ဝဲလၢ ဝ့ၢ်ယရူၤၡလ့ၣ် အပူၤန့ၣ် တဲဝဲဒ်န့ၣ်လီၤ.
၂ ဒီးအဝဲသ့ၣ် တဂၤစုာ်စုာ် ကလီၤဂာ် ဒ်သိးဒီး တၢ်အိၣ်သဒၢကလံၤအလီၢ်,
တၢ်ပူၤဖျဲး အလီၢ်ဖဲကလံၤမုၢ် ဟဲအခါ
ဒီးကလီၤဂာ် ဒ်သိးဒီး ထံကျိဖိတဖၣ်လၢ အအိၣ်လၢ ကီၢ်လၢထံ တအိၣ်ဘၣ်+
ဒီးဒ်သိးဒီး လ့ဖးဒိၣ်တဖျၢၣ် အကဒုလၢ ကီၢ်လၢအဃ့ထီ အပူၤလီၤ.
၃ ဖဲန့ၣ်အခါ ပှၤလၢအထံၣ်တၢ်တဖၣ် အမဲာ်ချံ တပံးလၢၤဘၣ်.
ဒီးပှၤလၢ အနၢ်ဟူတၢ်တဖၣ် ကဒိကနၣ်တၢ် ထံထံဆးဆးလီၤ.
၄ ပှၤလၢ အကရီတဲကရီမၤတၢ်တဖၣ်န့ၣ် ကဆိကမိၣ်ထံ တၢ်သ့ၣ်ညါ လၢအသးပူၤ
ဒီးပှၤလၢအတဲတၢ် ဘုးတာ်တဖၣ်န့ၣ် အပျ့ၤကတဲတၢ် ဘျ့ဘျ့ ဒီးၡဲၡဲလီၤ.+
၅ ပှၤဟးဂီၤဖိန့ၣ် ပှၤတကိးအီၤလၢ ပှၤလၢအဟ့ၣ်တၢ်ညီလၢၤဘၣ်.
ဒီးပှၤလၢ အတတီတလိၤဘၣ်န့ၣ် ပှၤတကိးအီၤလၢ ပှၤဂ့ၤပှၤဝါ လၢၤဘၣ်.
၆ ပှၤဟးဂီၤဖိတဂၤ ကတဲကြီတၢ်
ဒီးကကူၣ်ထီၣ်တၢ်အၢ လၢ အသးပူၤ,+
မ့ၢ်လၢ အဝဲအဲၣ်ဒိးဆီၣ်ထွဲ ပှၤဂၤလၢ ကပာ်တ့ၢ်ကွံာ် ကစၢ်ယွၤအဂီၢ်* ဒီးအဲၣ်ဒိး တဲကမၣ် ယဟိဝၤယွၤအဂ့ၢ် အဃိလီၤ.
ဒီးအဝဲအဲၣ်ဒိး တြီပှၤလၢအလီၤဘဲတဖၣ်* ဒ်သိး အသုတအီၣ်တၢ်တဂ့ၤအဂီၢ်
ဒီးအဝဲအဲၣ်ဒိးတြီဝဲ ပှၤလၢ အဘၣ်သးအီထံတဖၣ် ဒ်သိး အသုတအီဘၣ် ထံတဂ့ၤအဂီၢ်လီၤ.
၇ ပှၤလၢ အတတီတလိၤဘၣ်တဂၤ အတၢ်ကူၣ်န့ၣ် အၢဝဲလီၤ.+
ပှၤလၢ အဘၣ်နးဘၣ်ဖှီၣ် ဒီးပှၤဖှီၣ်ဖိယာ်ဖိ မ့ၢ်တဲတၢ်လၢ အဘၣ်သနာ်က့
ပှၤလၢ အတတီတလိၤဘၣ်တဂၤန့ၣ် ဆီၣ်ထွဲ တၢ်သကဲာ်ပဝးလၢ အလီၤမဲာ်ဆှး
ဒီးမၤဟးဂီၤအဝဲသ့ၣ်လၢ တၢ်လံၣ်တၢ်လီလီၤ.+
၈ ဘၣ်ဆၣ် ပှၤလၢ အဟ့ၣ်တၢ်ညီန့ၣ် ဟ့ၣ်တၢ်မုာ်မးလီၤ.
ဒီးအဝဲပာ်လီၤအသးလၢ ကဆဲးမၤတၢ်ဂ့ၤလီၤ.*
၉ “ပိာ်မုၣ်တဖၣ်လၢ အတဘၣ်ယိၣ်တၢ်နီတမံၤဘၣ်သ့ၣ်ဧၢ, ဂဲၤဆၢထၢၣ် ဒိကနၣ်တၢ်လၢ ယတဲသၢၤ.
ဖိမုၣ်တဖၣ်လၢ အတကိၢ်တဂီၤတၢ်ဘၣ်သ့ၣ်ဧၢ,+ သးစၢၢ်ဆၢ ယတၢ်ကတိၤတဖၣ်သၢၤ.
၁၀ လၢတနံၣ်ဘျဲၣ်ဘျဲၣ်ဖိ အတီၢ်ပူၤန့ၣ် သုဝဲလၢ တကိၢ်တဂီၤ တၢ်ဘၣ်န့ၣ် ကကနိး
ခီဖျိလၢ ဖဲပှၤဒဲးစပံးသၣ် အဆၢကတီၢ်ဝံၤအခါ ပှၤတထၢဖှိၣ်ဘၣ် အသၣ် နီတဖျၢၣ်ဘၣ် အဃိလီၤ.+
၁၁ ပိာ်မုၣ်တဖၣ်လၢ အတဘၣ်ယိၣ်တၢ်နီတမံၤဘၣ်သ့ၣ်ဧၢ, ကနိးကစုာ်တက့ၢ်.
သုဝဲလၢ အတကိၢ်တဂီၤတၢ်ဘၣ်သ့ၣ်ဧၢ, ကနိးတက့ၢ်.
၁၂ ခီဖျိလၢ တၢ်မၤအသးဒီး ပျီတဖၣ်လၢ ပှၤဘၣ်သူၣ်ဘၣ်သးဝဲ ဒီးစပံးမုၢ်လၢ အသၣ်ထီၣ်အါအါအဃိ
ဒဲလီၤသုသးနါပှၢ်လၢ တၢ်သူၣ်အုး သးအုး အပူၤတက့ၢ်.
၁၃ ယပှၤဂီၢ်မုၢ် အဟီၣ်ခိၣ်လီၢ်န့ၣ် ကအိၣ်ပှဲၤဒီး တပှီာ်တၤဆှုၣ်လီၤ.
ဟံၣ်လၢတဘျီခါ အပှဲၤဒီး တၢ်သူၣ်ဖှံသးညီ
ဒီးဝ့ၢ်လၢအပှဲၤဒီး တၢ်သးခုန့ၣ် တပှီာ်တၤဆှုၣ် ကခဲဘၢဝဲ သပှၢ်တၢၢ်လီၤ.+
၁၄ တၢးလၢအကျၢၤန့ၣ် ကဘၣ်တၢ်ပာ်တ့ၢ်ကွံာ်အီၤ,
ဝ့ၢ်လၢအသီၣ်သထြုးန့ၣ် ကဘၣ်တၢ်ဟးသဒၣ်ကွံာ်အီၤလီၤ.+
တၢ်လူၢ်ဧိၤဖ့လး+ ဒီးတၢးထီခိးတၢ်န့ၣ် ကကဲထီၣ် တၢ်အိၣ်သယုၢ်အလီၢ် ထီဘိ,
တၢ်လီၢ်လၢ ကသ့ၣ်ယီၤမံၤကအိၣ်ဘၣ်မုာ်မုာ် အဂီၢ်
ဒီးတၢ်အီၣ်ဆၣ်လီၢ်လၢ ဆၣ်ဖိကီၢ်ဖိအဖုတဖၣ် အဂီၢ်လီၤ.+
၁၅ တၢ်ကမၤအသးဒ်န့ၣ် တုၤလၢ ကစၢ်ယွၤ လူလီၤ အသးစီဆှံ လၢပဖီခိၣ်+
ဒီးပှၢ်မုၢ်ကနၢ ကဲထီၣ်က့ၤလၢ တၤသူတၤသၣ် အကရၢၢ်
ဒီးတၤသူတၤသၣ် အကရၢၢ် ဘၣ်တၢ်ပာ်အီၤ ဒ်ပှၢ်အသိးလီၤ.+
၁၆ ဖဲန့ၣ်အခါ တၢ်စံၣ်ညီၣ်တီ ကအိၣ်ဝဲလၢ ပှၢ်မုၢ်ကနၢပူၤ
ဒီးတၢ်တီတၢ်လိၤ ကအိၣ်ဝဲလၢ တၤသူတၤသၣ် အကရၢၢ်ပူၤလီၤ.+
၁၇ တၢ်တီတၢ်လိၤနီၢ်ကီၢ်န့ၣ် ကဒုးအိၣ်ထီၣ် တၢ်ဃူတၢ်ဖိး*+
ဒီးတၢ်လၢအဟဲကဲထီၣ်သး ခီဖျိ တၢ်တီတၢ်လိၤနီၢ်ကီၢ်န့ၣ် မ့ၢ်ဝဲ တၢ်မုာ်တၢ်ခုၣ်ဒီး တၢ်ဘံၣ်တၢ်ဘၢလီၤ.+
၁၈ ယပှၤဂီၢ်မုၢ် ကအိၣ်ဘၣ်လၢ တၢ်လီၢ်လၢ အပှဲၤဒီးတၢ်ဃူတၢ်ဖိး
ဒီးကအိၣ်ဘၣ် ဘံၣ်ဘံၣ်ဘၢဘၢလၢ တၢ်အိၣ်တၢ်ဆိးအလီၢ်လၢ အဝဲသ့ၣ် ကအိၣ်ဘှံးဘၣ် မုာ်မုာ်လီၤ.+
၁၉ သူၣ်ကဟဲစူၤလီၤ မၤဟးဂီၤကွံာ်ပှၢ်
ဒီးဝ့ၢ်န့ၣ် ကဘၣ်တၢ်မၤပၢၤထီၣ်အီၤ ပၢၤပၢၤလီၤ.
၂၀ သုဝဲလၢ အဖှံလီၤတၢ်ချံ လၢထံအိၣ်အလီၢ်အကပၤ
ဒီးသုဝဲလၢ အပျၢ်လီၤ ကျီၢ်ဖါ ဒီးကသ့ၣ်ယီၤန့ၣ် ကသးခုလီၤ.”+
၃၃ ပှၤမၤဟးဂီၤတၢ်ဖိ လၢအတဘၣ် တၢ်မၤဟးဂီၤအီၤဒံးဘၣ်+
ဒီးပှၤလံၣ်အီၣ်လီအီၣ်တၢ်ဖိ လၢအတဘၣ် တၢ်လံၣ်အီၣ်လီအီၣ်အီၤဒံးဘၣ်န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
ဖဲသု* မၤဟးဂီၤတၢ်ဝံၤအခါ သုကဘၣ် တၢ်မၤဟးဂီၤသုလီၤ.+
ဖဲသုလံၣ်အီၣ်လီအီၣ်တၢ် ဝံၤအခါ သုကဘၣ် တၢ်လံၣ်အီၣ် လီအီၣ်သုလီၤ.
၂ အိ ယဟိဝၤယွၤဧၢ, ပာ်ဖျါထီၣ် တၢ်သးကညီၤလၢ ပဖီခိၣ်တက့ၢ်.+
ပမုၢ်လၢ်တၢ်လၢ နအိၣ်လီၤ.
၃ ဖဲပှၤဂီၢ်မုၢ်တဖၣ် နၢ်ဟူဝဲ နကလုၢ် သီၣ်ဖးဒိၣ်အခါ အဝဲသ့ၣ် ဃ့ၢ်ကွံာ်ဝဲလီၤ.
ဖဲနဆၢထၢၣ်အခါ ပှၤကလုာ်တဖၣ် လီၤပြံလီၤပြါလီၤ.+
၄ ပှၤကပာ်ဖှိၣ်ထီၣ်ဝဲ တၢ်ဖိတၢ်လံၤလၢ သုဂုာ်န့ၢ်တဖၣ်န့ၣ် ဒ်ဒွဲၣ် ပာ်ဖှိၣ်ထီၣ်သးအသိး
ဒီးပှၤကလဲၤသဖှိ ဟံးန့ၢ်အီၤဒ် ဒွဲၣ် သဖှိတၢ် အသိးလီၤ.
၅ မ့ၢ်လၢ ယဟိဝၤယွၤ အိၣ်လၢ တၢ်ထီၣ်ထီအလီၢ်အဃိ
အကဘၣ် တၢ်ပာ်ဒိၣ်ပာ်ထီအီၤလီၤ.
ကစၢ်ယွၤ ကမၤပှဲၤ စံယိၣ်လၢ တၢ်စံၣ်ညီၣ်တီ ဒီးတၢ်တီတၢ်လိၤလီၤ.
၆ အဝဲမ့ၢ်ပှၤလၢ အဟ့ၣ်လီၤ တၢ်ဘံၣ်တၢ်ဘၢ,
တၢ်အုၣ်က့ၤခီၣ်က့ၤဖးဒိၣ်,+ တၢ်ကူၣ်သ့, တၢ်သ့ၣ်ညါ ဒီးတၢ်ပျံၤ ယဟိဝၤယွၤ+
လၢအမ့ၢ် တၢ်လုၢ်ဒိၣ်ပှ့ၤဒိၣ် ဖးဒိၣ်လီၤ.*
၇ ကွၢ်မီၤ, အဝဲသ့ၣ်* အပှၤဒူပှၤဃိၤတဖၣ် ကဟီၣ်ကိးပသူထီၣ်လၢ ကျဲပူၤလီၤ.
အဝဲသ့ၣ် အပှၤတဖၣ်လၢ အဃ့ တၢ်ဃူတၢ်ဖိးန့ၣ် ကဟီၣ်နးမးလီၤ.
၈ ကျဲမုၢ်ဖးဒိၣ်တဖၣ် ဘၣ်တၢ်ပာ်တ့ၢ်ကွံာ်အီၤလံ.
ပှၤတလဲၤတၢ်က့ၤတၢ်လၢ ကျဲမုၢ် ဖးဒိၣ်တဖၣ် အပူၤနီတဂၤဘၣ်.
၉ ကီၢ်ကဟီၣ်ဝဲယၢၤဝဲ* ဒီးကလီၤညွံးလီၤဘဲဝဲလီၤ.
လဘၤနိၣ်ကစၢၢ်ကလိ ကမဲာ်ဆှးဝဲ+ ဒီးကအုၣ်ထီၣ်ဝဲလီၤ.
ၡၤရိၣ်အတၢ်ပျီ ကကဲထီၣ် ဒ်သိးဒီး မဲးမုၢ်ပျီ,
ဘၤၡၣ် ဒီးကစၢၢ်ကၢ်မ့ၤလး ကတရုၤလီၤ အလၣ်တဖၣ်လီၤ.+
၁၁ သုတၢ်ကူၣ်ဒီး တၢ်လၢသုမၤန့ၣ် အဘျုးတအိၣ်ဘၣ် ဒီးအလီၤဂာ် ဒ်သိးဒီး နီၣ်ဃ့ ဒီးလီၢ်ဘိလီၤ.
သုနီၢ်ကစၢ် တၢ်ပာ်သူၣ်ပာ်သး လၢအတဂ့ၤဘၣ်န့ၣ် ကအီၣ်ကွံာ်သု ဒ်မ့ၣ်အူအသိးလီၤ.+
၁၂ ပှၤကကဲထီၣ် ဒ်သိးဒီး လၢၢ်ဝါလၢ ပှၤဒွဲၣ်အူထီၣ်အီၤန့ၣ် အဖၣ်ဆါကမူၣ်လီၤ.
ဒ်တၤဆှုၣ်တၤမဲတဖၣ် လၢပှၤကျီကွံာ်အီၤ အသိးန့ၣ် အဝဲသ့ၣ် ကဘၣ် တၢ်ဒွဲၣ်အူထီၣ်အီၤလၢ မ့ၣ်အူလီၤ.+
၁၃ သုဝဲလၢ အအိၣ်လၢ အယံၤသ့ၣ်ဧၢ, ဒိကနၣ်တၢ်ဂ့ၢ် ဘၣ်ဃးဒီး တၢ်လၢ ယကမၤတက့ၢ်.
ဒီးသုဝဲလၢ အအိၣ်လၢ အဘူးသ့ၣ်ဧၢ, အၢၣ်လီၤတူၢ်လိာ်လၢ ယအိၣ်ဒီး တၢ်စိတၢ်ကမီၤတက့ၢ်.
၁၄ ပှၤတၢ်ဒဲးဘးဖိ လၢအအိၣ်လၢ စံယိၣ်အပူၤန့ၣ် ပျံၤတၢ်ဖုးတၢ်+
ဒီးပှၤလၢအပာ်တ့ၢ်ကွံာ် ကစၢ်ယွၤန့ၣ်* ကနိးကစုာ်ဝဲလီၤ.
အဝဲသ့ၣ် တဲဝဲလၢ ‘တၢ်လီၢ်ဖဲ မ့ၣ်အူအီၣ်တၢ် အိၣ်ဝဲအလီၢ်န့ၣ် ပှၤလၢပကျါ မူဝဲကသ့တဂၤဂၤဧါ.+
ဒီးတၢ်လီၢ်ဖဲ မ့ၣ်အူကဲၤထီၣ်ဆူၣ်ဆူၣ် အိၣ်ဝဲအလီၢ်န့ၣ် ပှၤလၢပကျါ မူဝဲကသ့တဂၤဂၤဧါ.’
၁၅ ပှၤတဂၤလၢ အလဲၤတၢ်လၢ တၢ်တီတၢ်လိၤ အပူၤထီဘိ,+
တဲတၢ်တီတီလိၤလိၤ,+
တတူၢ်လိာ် တၢ်အီၣ်ကျိၣ်အီၣ်စ့ လၢအမ့ၢ် တၢ်လၢအတတီတလိၤဘၣ်,
အဂ့ၢ်လိာ်ဝဲ တၢ်ထီးကျိၣ်ထီးစ့,+
တကနၣ်ဃုာ် တၢ်ကူၣ်လၢ အဘၣ်ဃးဒီး တၢ်လူလီၤပှၤသွံၣ်ဘၣ်
ဒီးအဘံၣ်အမဲာ် ဒ်သိး အသုတထံၣ် တၢ်လၢအအၢတဂ့ၤ အဂီၢ်န့ၣ်
၁၆ ကအိၣ်ဘၣ်လၢ ကစၢၢ်ဖးထီ အလိၤလီၤ.
အတၢ်ပူၤဖျဲးအလီၢ်န့ၣ် ကအိၣ်ဝဲလၢ လၢၢ်ကဆူးလ့ကဆူး လၢအကျၢၤ,
အတၢ်အီၣ်န့ၣ်* ကဘၣ်တၢ်ကတဲာ်ကတီၤန့ၢ်အီၤ
ဒီးအထံကအိၣ်ဝဲ ထီဘိလီၤ.”+
၁၇ ယပှၤဂီၢ်မုၢ်သ့ၣ်ဧၢ, သုကထံၣ် စီၤပၤဖးဒိၣ် တဂၤလီၤ.
သုကထံၣ် ကီၢ်တဘ့ၣ် လၢအအိၣ်ဖးယံၤလီၤ.
၁၈ သုကဆိကမိၣ်ထံက့ၤ တၢ်ပျံၤတၢ်ဖုး လၢသုသးပူၤ
ဒီးသုကသံကွၢ်လၢ “နဲၣ်ရွဲၣ် အိၣ်ဖဲလဲၣ်.
ပှၤလၢအစီၤဝဲ တၢ်ခိတၢ်သွဲ အတယၢၢ်န့ၣ် အိၣ်ဖဲလဲၣ်.+
ဒီးပှၤလၢ အဂံၢ်ဝဲ တၢးတဖၣ်န့ၣ် အိၣ်ဖဲလဲၣ်.”
၁၉ ပှၤဂီၢ်မုၢ်လၢ အလီၤရၢၢ်လီၤစၢၢ်,
ပှၤဂီၢ်မုၢ်လၢ အကျိာ်ကီတလၢ လၢသုကနၢ်ပၢၢ်အီၤအဂီၢ်
ဒီးပှၤအပျ့ၤလၢ အတဲတၢ်ဘုးတာ် လၢသုနၢ်ပၢၢ်အီၤ တသ့ဘၣ်န့ၣ် သုတထံၣ်ဘၣ်အီၤလၢၤဘၣ်.+
၂၀ ကွၢ်ဃီၤဝ့ၢ်စံယိၣ် လၢအမ့ၢ် ဝ့ၢ်လၢပမၤ ပဘူၣ်ဧိၤပွဲဧိၤတဖၣ် လၢအပူၤ န့ၣ်တက့ၢ်.+
သုကထံၣ်ဘၣ် ဝ့ၢ်ယရူၤၡလ့ၣ် ဒ်တၢ်အိၣ်တၢ်ဆိးအလီၢ်လၢ အမုာ်အခုၣ်အသိး
ဒီးအကလီၤဂာ် ဒ်သိးဒီး ဒဲတဖျၢၣ်လၢ တၢ်တသုးအလီၢ် နီတဘျီဘၣ်.+
ဒဲအထးခိၣ်စူတဖၣ်န့ၣ် တဘၣ်တၢ်ထုးထီၣ်ကွံာ်အီၤ နီတဘျီဘၣ်
ဒီးအပျံၤတဖၣ်န့ၣ် တဘၣ်တၢ်မၤတဲာ်ကွံာ်အီၤ နီတဘိဘၣ်.
၂၁ ဖဲန့ၣ်န့ၣ် ယဟိဝၤယွၤ လၢအမ့ၢ် ကစၢ်လၢ အလၤကပီၤဒိၣ်တဂၤန့ၣ်
ကကဲထီၣ် တၢ်ဒီသဒၢ လၢပဂီၢ် ဒ်ထံကျိ ဒီးထံကျိၤဖးလဲၢ် တဖၣ်အသိးလီၤ.
ကဘီဒုးသုးတဖၣ် တလဲၤထီၣ်က့ၤလီၤ ဖဲန့ၣ်ဘၣ်
ဒီးကဘီလၢ အလီၤဘီလီၤမုၢ်တဖၣ် တလဲၤခီဂာ်တၢ် စ့ၢ်ကီးဘၣ်.
၂၂ ယဟိဝၤယွၤမ့ၢ် ပစံၣ်ညီၣ်ကွီၢ်,+
ယဟိဝၤယွၤမ့ၢ် ပှၤလၢ အဟ့ၣ်လီၤပှၤ တၢ်သိၣ်တၢ်သီ,+
ယဟိဝၤယွၤမ့ၢ် ပစီၤပၤ+
ဒီးအဝဲမ့ၢ် ပှၤတဂၤလၢ ကမၤပူၤဖျဲးပှၤလီၤ.+
၂၃ ဒုၣ်ဒါအကဘီ အပျံၤတဖၣ် ကလီၤဃဲၣ် ဒီးလီၤကစဲၤဝဲ,
ယၢ်လၣ် တသလၣ်ထီၣ်အသးဘၣ် ဒီးတၢ်ပၢၤဃာ် ယၢ်ထူၣ် တန့ၢ်လၢၤဘၣ်.
ဖဲန့ၣ်အဆၢကတီၢ် တၢ်လၢပှၤဟဲဂုာ်န့ၢ်ဆူၣ်အီၤ အါအါဂီၢ်ဂီၢ်န့ၣ် ကဘၣ်တၢ်နီၤလီၤအီၤ
ဒီးပှၤလၢ အခီၣ်ဟးဂီၤတဖၣ်ဒၣ်လဲာ် ကန့ၢ်ဘၣ်တၢ် ဒီဒူၣ်လီၤ.+
၂၄ ပှၤလၢအအိၣ်လၢ ကီၢ်ပူၤန့ၣ် ကစၢ်ယွၤ ကပျၢ်ကွံာ် အဝဲသ့ၣ် အတၢ်ကမၣ်လီၤ.+
ဒီးပှၤလၢ အအိၣ်လၢကီၢ်ပူၤန့ၣ် တတဲလၢ “ယဆိးက့” နီတဂၤဘၣ်.+
၃၄ ပှၤကလုာ်သ့ၣ်ဧၢ, ဟဲသုးဘူးသုသး ဒီးဒိကနၣ်ယၤတက့ၢ်.
ပှၤဂီၢ်မုၢ်သ့ၣ်ဧၢ, ဒိကနၣ်ယၤ ထံထံဆးဆးတက့ၢ်.
မ်ဟီၣ်ခိၣ်ဒီး တၢ်အိၣ်လၢအပူၤ ခဲလၢာ်,
ကီၢ်ဒီး တၢ်အိၣ်လၢအပူၤခဲလၢာ် ဒိကနၣ်ယၤတက့ၢ်.
၂ ယဟိဝၤယွၤ အတၢ်သးထီၣ် ကလီၤဘၣ်လၢ ပှၤကလုာ်ခဲလၢာ်အလိၤ+
ဒီးအတၢ်သးဒိၣ်ထီၣ် ကလီၤဘၣ်လၢ အဝဲသ့ၣ် အသုးမုၢ်ခဲလၢာ် အလိၤလီၤ.+
ကစၢ်ယွၤ ကမၤဟးဂီၤကွံာ် အဝဲသ့ၣ်
ဒီးကစၢ်ယွၤ ကကျီသံကွံာ် အဝဲသ့ၣ်လီၤ.+
၃ အဝဲသ့ၣ် အပှၤလၢ အသံတဖၣ်န့ၣ် ကဘၣ် တၢ်ပာ်တ့ၢ်အီၤလၢ ဟီၣ်ခိၣ်လိၤ
ဒီးပှၤသံစိၣ်တဖၣ်န့ၣ် ကနၢအုၣ်နၢပူး+
၄ မူခိၣ် အသုးမုၢ်ခဲလၢာ် ကအုၣ်သံကျၣ်သံ
ဒီးမူခိၣ် ကထူတလံာ်ထီၣ်အသး ဒ်သိးဒီး လံာ်ထူတထူလီၤ.
အသုးမုၢ်ခဲလၢာ် ကလီၤညွံးလီၤဘဲ
ဒ်စပံးမုၢ် အလၣ်လီၤညွံး ဒီးလီၤတဲာ်ကွံာ်လၢ အမုၢ်လိၤ
ဒီးဒ်ချၢၣ်ဒၢသၣ် လၢအသွံးဝဲ ဒီးလီၤတဲာ်ကွံာ်လၢ အထူၣ်ခံ အသိးလီၤ.
၅ “လၢမူခိၣ်န့ၣ် ယနးတဘ့ၣ် ကဘၣ်စီၣ်ဝဲ+
ဒီးယနးတဘ့ၣ်အံၤ ကလီၤလၢ ကီၢ်အဒိၣ်အလိၤ ဒ်သိး ကစံၣ်ညီၣ်+
ပှၤလၢ ယပာ်လီၤယသးလၢ ယကမၤဟးဂီၤအီၤတဖၣ် အဂီၢ်လီၤ.
၆ ယၤ, ယဟိဝၤယွၤ ကတဲာ်ကတီၤပာ်စၢၤ တၢ်လုၢ်တခါလၢ ဝ့ၢ်ဘိးစရၤအပူၤ
ဒီးယကလူလီၤ တၢ်သွံၣ်လၢ ကီၢ်အဒိၣ်အပူၤ အါအါဂီၢ်ဂီၢ်လီၤ.+
ယၤ, ယဟိဝၤယွၤ အိၣ်ဒီးနးတဘ့ၣ်လၢ အကအိၣ်ထဲ
တၢ်သွံၣ်ဒီး တၢ်အသိ,+
သိဖါဖိ ဒီးမဲာ်တဲးလဲးတဖၣ်အသွံၣ်
ဒီးသိဖါအသိလၢ အအိၣ်လၢ အကလ့ၢ်လိၤလီၤ.
၇ ကျီၢ်မံၤအဖါတဖၣ်,
ကျီၢ်ဖါဖိ ဒီးကျီၢ်ဖါတံၢ်တဖၣ် ကလဲၤလီၤဖဲန့ၣ် စ့ၢ်ကီးလီၤ.
ဒီးအဝဲသ့ၣ် အကီၢ်ပူၤန့ၣ် ကပှဲၤဝဲဒီး တၢ်သွံၣ်
ဒီးလၢဟီၣ်ခိၣ်လိၤန့ၣ် ကဘၣ်စီၣ်ဒီး တၢ်အသိလီၤ.”
၈ ယဟိဝၤယွၤ အိၣ်ဒီး တၢ်ဟ့ၣ်ကၣ် အမုၢ်နံၤ+
ဒီးတၢ်မၤဆၢက့ၤတၢ်အနံၣ် ဒ်သိးကစံၣ်ညီၣ်န့ၢ်တၢ်လၢ ဝ့ၢ်စံယိၣ်အဂီၢ်လီၤ.+
၉ အ* ထံကျိဖိတဖၣ် ကကဲထီၣ်ကျဲတံး,
အဟီၣ်ခိၣ်ကမူၣ်န့ၣ် ကကဲထီၣ်ကး*
ဒီးအဟီၣ်ခိၣ်လီၢ် ကလီၤဂာ်ဒ်ကျဲတံးလၢ အကဲၤဝဲအသိးလီၤ.
၁၀ လၢမုၢ်နၤမ့ၢ်ဂ့ၤ, လၢမုၢ်ဆါမ့ၢ်ဂ့ၤ အတလီၤပံာ်ဘၣ်
ဒီးအမ့ၣ်အူခုၣ် ကခုၣ်ထီၣ် လီၤထူလီၤယိာ်လီၤ.
အကအိၣ်သယုၢ် အစိၤစိၤ အဃၣ်ဃၣ်
ဒီးပှၤတလဲၤခီဂာ်တၢ် လၢအပူၤ နီတဘျီလၢၤဘၣ် လီၤထူ လီၤယိာ်လီၤ.+
၁၁ ထိၣ်ဒိၣ်ဖုၣ်ခီၣ် ဒီးသူၣ်တဖၣ် ကအိၣ်ဝဲလၢအပူၤ
ဒီးဒိကအိထီနၢ် ဒီးစိးဝၣ်ဃးတဖၣ် ကအိၣ်ဝဲဆိးဝဲ ဖဲန့ၣ်လီၤ.
ကစၢ်ယွၤ ကထိၣ်ဝဲ ကီၢ်တဘ့ၣ်အံၤလၢ တၢ်ထိၣ်ပျံၤတဘိ ဒီးနီၣ်မၤပၢၤထီၣ်တၢ်
ဒ်သိး ကပာ်ဖျါထီၣ်လၢ ကီၢ်အံၤ ကအိၣ်သယုၢ် ဒီးအဘျုးတအိၣ် နီတမံၤလၢၤဘၣ်.
၁၂ အပှၤဒိၣ်ပှၤပှၢ်တဖၣ်န့ၣ် တကဲထီၣ်စီၤပၤ နီတဂၤလၢၤဘၣ်.
ဒီးအပဒိၣ်တဖၣ်န့ၣ် ကလီၤမၢ်ကွံာ်လီၤ.
၁၃ လၢအတၢးလၢအကျၢၤတဖၣ် အပူၤန့ၣ် တၤဆှုၣ်တၤမဲ ကမဲထီၣ်
ဒီးလၢ အတၢ်အိၣ်သဒၢအလီၢ်တဖၣ် အပူၤန့ၣ် လးဆါ ဒီးတပှီာ်တၤဆှုၣ် ကမဲထီၣ်လီၤ.
အကကဲထီၣ် တၢ်လီၢ်လၢ ထွံၣ်မံၤကအိၣ်ဝဲအဂီၢ်+
ဒီးကကဲထီၣ် တၢ်အိၣ်တၢ်ဆိးအလီၢ်လၢ ထိၣ်ကီၤလၤအူး အဂီၢ်လီၤ.
၁၄ ဆၣ်ဖိကီၢ်ဖိအမံၤ ဒီးထွံၣ်မံၤ ကထံၣ်ဖှိၣ်လိာ်သးဖဲန့ၣ်
ဒီးမဲာ်တဲးလဲးမံၤ* ကကိးဝဲ အသကိးလီၤ.
ဒီးထိၣ်မုၢ်နၤ ကလဲၤအိၣ်ဝဲ ဒီးအိၣ်ဘှံးဝဲ ဖဲန့ၣ်လီၤ.
၁၅ ဖဲန့ၣ်န့ၣ် ဂုၢ်ကတ့ထီၣ် အလီၢ် ဒီးကဒံၣ်လီၤဝဲ
ဒီးအဒံၣ် ကဖးထီၣ် ဒီးအကပာ်ဖှိၣ်ထီၣ် အဖိတဖၣ်လၢ အကဒုလာ်လီၤ.
ဒီးထိၣ်လံာ်တဖၣ် ကပာ်ဖှိၣ်ထီၣ်အသး ဒီးကအိၣ်ဝဲ ဒ်ဒီမိၢ်ဖါအသိး ကိးဘ့ၣ်ဒဲး ဖဲန့ၣ်လီၤ.
၁၆ ဃုကွၢ်လၢ ယဟိဝၤယွၤ အလံာ်ပူၤ ဒီးဖးသီၣ်ထီၣ်အီၤတက့ၢ်.
ယဟိဝၤယွၤ ဟ့ၣ်လီၤ တၢ်ကလုၢ်လၢ အထးခိၣ်
ဒီးအသးစီဆှံ ဒုးအိၣ်ဖှိၣ်ဝဲ ဆၣ်ဖိကီၢ်ဖိတဖၣ်အံၤ တပူၤဃီလီၤ.
အဃိ ဆၣ်ဖိကီၢ်ဖိတဖၣ်အံၤ တလီၤမၢ် နီတဒုဘၣ်
ဒီးဆၣ်ဖိကီၢ်ဖိတဖၣ်အံၤ ကအိၣ်ဝဲ ဒ်ဒီမိၢ်ဖါအသိး ကိးဒုဒဲးလီၤ.
၁၇ ကစၢ်ယွၤ မ့ၢ်ပှၤတဂၤလၢ အဆၢတဲာ်န့ၢ် တၢ်လီၢ်လၢ အဝဲသ့ၣ်အဂီၢ်
ဒီးအထိၣ်လီၤန့ၢ်ဝဲ အဝဲသ့ၣ် တၢ်လီၢ်လၢ အနီၢ်ကစၢ်အစုလီၤ.
အဝဲသ့ၣ် ကန့ၢ်ဘၣ်ဝဲတၢ်လီၢ်န့ၣ် ထီဘိ
ဒီးအဝဲသ့ၣ် ကအိၣ်ဝဲလၢအပူၤ အစိၤစိၤအဃၣ်ဃၣ်လီၤ.
၂ မဲးမုၢ်ပျီ ကဖီထီၣ်သၣ်ထီၣ် သပှၢ်တၢၢ်,+
အကသူၣ်ဖှံသးညီ ဒီးကိးပသူထီၣ်လၢ တၢ်သးခု အပူၤလီၤ.
အဃိ ပှၤကထံၣ်ဘၣ် ယဟိဝၤယွၤ အလၤကပီၤ ဒီးပကစၢ်ယွၤ အတၢ်ဃံတၢ်လၤလီၤ.
၃ မၤဆူၣ်ထီၣ် စုလၢအဂံၢ်စၢ်တဖၣ်
ဒီးခီၣ်လ့ၢ်ခိၣ်လၢ အကနိးတဖၣ်တက့ၢ်.+
၄ တဲဘၣ်ပှၤလၢ အသူၣ်ကိၢ်သးဂီၤတဖၣ်လၢ
“ပာ်ဆူၣ်သုသး ဒီးပျံၤတၢ်တဂ့ၤ.
၅ ဖဲန့ၣ်အဆၢကတီၢ် ပှၤလၢအမဲာ်တထံၣ်တၢ်ဘၣ်န့ၣ် ကထံၣ်ထီၣ်က့ၤတၢ်+
ဒီးပှၤလၢ အတနၢ်ဟူတၢ်ဘၣ်န့ၣ် ကနၢ်ဟူထီၣ်က့ၤတၢ်လီၤ.+
၆ ဖဲန့ၣ်အဆၢကတီၢ် ပှၤလၢအခီၣ် တဂ့ၤဘၣ် ကစံၣ်ဖုဝဲ ဒ်သိးဒီး တၤဟိ+
ဒီးပှၤလၢ အတဲတၢ်တသ့ဘၣ်တဂၤ ကကိးပသူထီၣ်လၢ တၢ်သးခု အပူၤလီၤ.+
လၢပှၢ်မုၢ်ကနၢအပူၤန့ၣ် ထံတဖၣ် ကဟဲဖျိးထီၣ်
ဒီးထံကျိဖိတဖၣ် ကအိၣ်လၢ မဲးမုၢ်ပျီလီၤ.
၇ ဟီၣ်ခိၣ်လၢအဃ့ထီန့ၣ် ကကဲထီၣ်က့ၤလၢနိၣ်*
ဒီးဟီၣ်ခိၣ်လၢ ထံတအိၣ်ဘၣ်အလီၢ်န့ၣ် ကကဲထီၣ်က့ၤလၢ ထံထီၣ်ပၢၢ်တဖၣ် အလီၢ်လီၤ.+
တၢ်လီၢ်ဖဲ ထွံၣ်မံၤတဖၣ် အိၣ်ဝဲအလီၢ်န့ၣ်+
ကအိၣ်ဝဲဒီး နီၣ်လါဟ့, တပိၢ်တဖၣ် ဒီးဆှဲအထူၣ်တဖၣ်လီၤ.
ပှၤလၢ အတကဆှီဘၣ်န့ၣ် တလဲၤတၢ်က့ၤတၢ် လၢအပူၤဘၣ်.+
ကျဲတဘိန့ၣ် ဘၣ်တၢ်ပာ်ဃာ်အီၤလၢ ပှၤလၢ အန့ၢ်ဘၣ်အခွဲးလၢ ကပိာ်ကျဲန့ၣ်အဂီၢ်
ဒီးပှၤဟးဂီၤဖိ လဲၤတၢ်လၢအပူၤ တန့ၢ်နီတဂၤဘၣ်.
၉ ဖဲန့ၣ်န့ၣ် ခ့ယုၢ်တအိၣ်ဘၣ်
ဒီးဆၣ်ဖိကီၢ်ဖိလၢအအၢ တလဲၤဖဲ ကျဲတဘိန့ၣ် အပူၤဘၣ်.
ပှၤတထံၣ်န့ၢ်အဝဲသ့ၣ် ဖဲန့ၣ်ဘၣ်.+
ထဲဒၣ် ပှၤလၢအဘၣ် တၢ်ပှ့ၤက့ၤအီၤတဖၣ် ကလဲၤတၢ်လၢအပူၤလီၤ.+
၁၀ ပှၤလၢ ယဟိဝၤယွၤ မၤပူၤဖျဲးအီၤတဖၣ်အံၤန့ၣ် ကဟဲက့ၤလၢ+ ဝ့ၢ်စံယိၣ် ဒီးကကိးပသူထီၣ်လၢ တၢ်သးခုအပူၤလီၤ.+
အဝဲသ့ၣ် ကသးခု အစိၤစိၤ အဃၣ်ဃၣ်လီၤ.+
အဝဲသ့ၣ် ကပှဲၤဒီး တၢ်သူၣ်ဖှံသးညီ ဒီးတၢ်သးခု,
မ့မ့ၢ် တၢ်သးအုးဒီး တၢ်ကအုကစွါန့ၣ် ကဟါမၢ်ကွံာ်ဝဲလီၤ.+
၃၆ ဖဲစီၤပၤဃံးစကံယၤ ပၢတၢ် ၁၄ နံၣ်တနံၣ်န့ၣ် ကီၢ်အၤၡူၢ် အစီၤပၤစၤနဃ့ရံာ်+ ဟဲထီၣ်ဒုးဝဲ ယူဒၤဘီမုၢ် အဝ့ၢ်လၢအအိၣ်ဒီး အဒူၣ်လၢအကျၢၤ ကိးဖျၢၣ်ဒဲး ဒီးမၤန့ၢ်ဝဲ ဝ့ၢ်တဖၣ်န့ၣ်လီၤ.+ ၂ ပှၤစိာ်စပံးထံ အခိၣ်တဂၤ*+ လၢအအိၣ်လၢ ဝ့ၢ်လၤကံၣ်+ ဃုာ်ဒီး သုးမုၢ်ဖးဒိၣ်တဖုန့ၣ် ကီၢ်အၤၡူၢ် အစီၤပၤ မၢလီၤအီၤ ဆူစီၤပၤဃံးစကံယၤ အအိၣ်လၢ ဝ့ၢ်ယရူၤၡလ့ၣ်လီၤ. အဃိ အဝဲသ့ၣ် ဆီလီၤအသးလၢ ထံကမါလၢ ထးခီအထံကျိၤ ကပၤလီၤ.+ တၢ်လီၢ်အဝဲန့ၣ် အိၣ်ဘူးဒီး ကျဲမုၢ်လၢအလဲၤဆူ ပှၤဆှုၣ်တၢ်ကံးညာ် အပျီလီၤ.+ ၃ ဒီးစီၤဃံးလကံယၤ အဖိခွါ စီၤအ့ၤလယါကံၣ်လၢ+ အတီခိၣ်ရိၤမဲတၢ်လၢ နီပူၤ, နဲၣ်ရွဲၣ် စီၤၡ့ၤဘနၤ+ ဒီးစီၤအၤစာ် အဖိခွါ စီၤယိၤအၤ လၢအကဲ ပှၤကွဲးနီၣ်တၢ်ဖိန့ၣ် လဲၤထံၣ်လိာ်သးဒီး ပှၤစိာ်စပံးထံ အခိၣ်တဂၤလီၤ.
၄ ဒီးပှၤစိာ်စပံးထံ အခိၣ်တဂၤ တဲဘၣ်အဝဲသ့ၣ်လၢ “ဝံသးစူၤ တဲဘၣ် စီၤဃံးစကံယၤ ဒ်အံၤ, ‘စီၤပၤဖးဒိၣ် လၢအမ့ၢ် ကီၢ်အၤၡူၢ် အစီၤပၤ အဲၣ်ဒိးတဲနၤလၢ “ဘၣ်မနုၤအဃိ နနာ်န့ၢ်လီၤနသးလဲၣ်.+ ၅ နတဲလၢ နအိၣ်ဒီးတၢ်ကူၣ် ဒီးတၢ်စိတၢ်ကမီၤလၢ နကဒုးတၢ်အဂီၢ် ဘၣ်ဆၣ် နတၢ်ကတိၤတဖၣ်အံၤ မ့ၢ်တၢ်ကလီကလီလီၤ. နထီဒါက့ၤယၤဘူၣ်န့ၣ် မ့ၢ်နနာ်န့ၢ် မတဂၤလဲၣ်.+ ၆ နဟးသန့ၤနသးလၢ ကီၢ်အဲၤကူပတူး လၢအလီၤဂာ်ဒ်သိးဒီး တပိၢ်လၢအကၢ်တဘိ လၢအဆဲးနုာ်ဖျိ ပှၤလၢအသန့ၤအသးလၢအီၤန့ၣ် အစုပူၤလီၤ. ပှၤလၢ အသန့ၤအသးလၢ ကီၢ်အဲၤကူပတူး အစီၤပၤဖၤရိၤ အအိၣ်န့ၣ် ကဲထီၣ်အသးဒ်န့ၣ် ကိးဂၤဒဲးလီၤ.+ ၇ ဒီးသုမ့ၢ်ကတဲယၤလၢ သုသန့ၤသုသးလၢ သုကစၢ် ယဟိဝၤယွၤ သနာ်က့ စီၤဃံးစကံယၤ မၤလီၤမၢ်ကွံာ် အတၢ်လီၢ်ထီၣ်ထီတဖၣ်,+ အတၢ်လုၢ်လီၢ်တဖၣ် ဒီးတဲတ့ၢ်ပှၤလၢ ယူဒၤဘီမုၢ် ဒီးဝ့ၢ်ယရူၤၡလ့ၣ် အပူၤလၢ ‘သုကဘၣ် ထိၣ်လီၤပှီၤသုသးလၢ တၢ်လုၢ်လီၢ်တဖျၢၣ်အံၤ အမဲာ်ညါ တမ့ၢ်ဧီၤ.’”’+ ၈ ဝံသးစူၤနီၤ, ခဲအံၤန့ၣ် ယကစၢ် အၤၡူၢ်အစီၤပၤ+ အဲၣ်ဒိးဃ့ဘူၣ်နၤ* တၢ်တမံၤ. နဃုထံၣ်န့ၢ် ပှၤဒိးကသ့ၣ် အဂၤ ၂,၀၀၀ မ့ၢ်ဘၣ်န့ၣ် ယကဟ့ၣ်နၤ ကသ့ၣ်အဒုပှဲၤန့ၣ်လီၤ. ၉ အဃိ နမ့ၢ်သန့ၤနသးလၢ ကီၢ်အဲၤကူပတူး လၢကဟ့ၣ်နၤ လ့ၣ်ကဟၣ်တဖၣ် ဒီးပှၤဒိးကသ့ၣ်တဖၣ် အဂီၢ်ဒၣ်လဲာ် နနီဟးထီၣ် ပဒိၣ်လၢ အပၣ်ဃုာ်လၢ ယကစၢ် အခ့အပှၤလၢ အဆံးကတၢၢ်တဖၣ် အကျါတဂၤ ကသ့ဒ်လဲၣ်. ၁၀ ယဟဲထီၣ် ဒ်သိး ယကဒုး ဒီးမၤဟးဂီၤ တၢ်လီၢ်တတီၤအံၤန့ၣ် မ့ၢ်သုဆိကမိၣ်လၢ ယဟိဝၤယွၤ တဟ့ၣ်ယၤအခွဲးဘၣ်န့ၣ်ဧါ. ယဟိဝၤယွၤ အနီၢ်ကစၢ်တဲယၤလၢ ‘လဲၤထီၣ် ဒုးတၢ်လီၢ်န့ၣ် ဒီးမၤဟးဂီၤကွံာ် အီၤတက့ၢ်.’”
၁၁ ဖဲန့ၣ်အခါ စီၤအ့ၤလယါကံၣ်, စီၤၡ့ၤဘနၤ+ ဒီးစီၤယိၤအၤ တဲဘၣ် ပှၤစိာ်စပံးထံ အခိၣ်တဂၤလၢ+ “ပကနၣ် အရၣ်မ့း အကျိာ်သ့အဃိ+ ဝံသးစူၤ တဲတၢ်ဒီးပှၤလၢ အရၣ်မ့း* အကျိာ်မီၤ. ပှၤလၢ အအိၣ်လၢ ဝ့ၢ်ခိၣ်ဒူအလိၤ ကနၢ်ဟူဝဲအဃိ တဘၣ်တဲတၢ်ဒီးပှၤ* လၢပှၤယူဒၤဖိအကျိာ်တဂ့ၤ.”+ ၁၂ ဘၣ်ဆၣ် ပှၤစိာ်စပံးထံ အခိၣ်တဂၤန့ၣ် တဲဆၢက့ၤဝဲလၢ “မ့ၢ်ယကစၢ် ဆှၢလီၤယၤ လၢယကတဲ တၢ်ကတိၤသ့ၣ်တဖၣ်အံၤ ထဲလၢသုဒီး သုကစၢ် အဂီၢ်လီၤဧါ. တမ့ၢ်စ့ၢ်ကီးလၢ ပှၤလၢအအိၣ်လၢ ဝ့ၢ်ခိၣ်ဒူအလိၤ လၢအကအီၣ်လီၤက့ၤ အနီၢ်ကစၢ် အအ့ၣ် ဒီးအီလီၤက့ၤ အနီၢ်ကစၢ် အဆံၣ်ထံတဖၣ် တပူၤဃီဒီးသု အဂီၢ်ဧီၤ.”
၁၃ ဒီးပှၤစိာ်စပံးထံ အခိၣ်တဂၤန့ၣ် တဲဝဲလၢ အကလုၢ်ဒိၣ်ဒိၣ် လၢပှၤယူဒၤဖိ အကျိာ်လၢ+ “စီၤပၤဖးဒိၣ် လၢအမ့ၢ် ကီၢ်အၤၡူၢ် အစီၤပၤ အဲၣ်ဒိးတဲသု ဒ်အံၤလီၤ.+ ၁၄ စီၤပၤတဲဝဲလၢ ‘တဘၣ်ပျဲလၢ စီၤဃံးစကံယၤ လံၣ်န့ၢ်လီန့ၢ်သုတဂ့ၤ. အဝဲမၤပူၤဖျဲးသု တန့ၢ်ဘၣ်.+ ၁၅ စီၤဃံးစကံယၤ ကတဲသုလၢ “ယဟိဝၤယွၤ ကမၤပူၤဖျဲးပှၤ သပှၢ်ကတၢၢ်လီၤ. အတဟ့ၣ်လီၤ ဝ့ၢ်တဖျၢၣ်အံၤလၢ ကီၢ်အၤၡူၢ် အစီၤပၤအစုပူၤဘၣ်.” ဘၣ်ဆၣ် တဘၣ်ပျဲ အကဆီၣ်ထွဲသုလၢ သုကနာ်န့ၢ် ယဟိဝၤယွၤ+ အဂီၢ်တဂ့ၤ. ၁၆ တဘၣ်ကနၣ် စီၤဃံးစကံယၤ အကလုၢ်တဂ့ၤ. ကီၢ်အၤၡူၢ် အစီၤပၤ တဲဝဲလၢ “မၤတၢ်ဃူတၢ်ဖိးဒီးယၤ ဒီးပာ်လီၤသုစုကဝဲၤ ဒီးသုဝဲကိးဂၤဒဲး ကအီၣ်ဘၣ်တၢ်လၢ သုနီၢ်ကစၢ်အစပံးမုၢ်, သုနီၢ်ကစၢ် ချၢၣ်ဒၢထူၣ် ဒီးအီဘၣ်ထံလၢ သုနီၢ်ကစၢ် ထံကမါပူၤ ၁၇ တုၤလၢ ယဟဲကိးသုလၢ ကီၢ်တဘ့ၣ်လၢ အလီၤဂာ်ဒီး သုထံကီၢ်လီၤ.+ ကီၢ်တဘ့ၣ်န့ၣ် ပှဲၤဝဲဒီးဘု, စပံးထံ, ကိၣ် ဒီးစပံးကျီးတဖၣ်လီၤ. ၁၈ တဘၣ်ပျဲလၢ စီၤဃံးစကံယၤ ဆှၢကမၣ်သု ဒီးတဲသုလၢ ယဟိဝၤယွၤ ကမၤပူၤဖျဲးသုန့ၣ်တဂ့ၤ. ပှၤကလုာ် အယွၤတဖၣ်လၢ အမၤပူၤဖျဲး အဝဲသ့ၣ်အကီၢ် လၢအၤၡူၢ် အစီၤပၤအစုပူၤန့ၣ် အိၣ်တဂၤဂၤဧါ.+ ၁၉ ဝ့ၢ်ဃမါသး ဒီးဝ့ၢ်အၢ်ပး အယွၤတဖၣ် အိၣ်ဖဲလဲၣ်.+ ဝ့ၢ်စဖၤရဝံၣ် အယွၤတဖၣ် အိၣ်ဖဲလဲၣ်.+ မ့ၢ်အဝဲသ့ၣ် မၤပူၤဖျဲး ဝ့ၢ်ၡၤမရံလၢ ကီၢ်အၤၡူၢ် အစီၤပၤ အစုပူၤဧါ.+ ၂၀ ကီၢ်တဖၣ်အံၤ အကစၢ်လၢ အမၤပူၤဖျဲး အထံကီၢ်လၢ ယစုပူၤန့ၣ် အိၣ်ဝဲတဂၤဂၤဧါ. မ့မ့ၢ်ဒ်န့ၣ်န့ၣ် ယဟိဝၤယွၤ မၤပူၤဖျဲး ဝ့ၢ်ယရူၤၡလ့ၣ် လၢယစုပူၤ ကသ့ဒ်လဲၣ်.”’”+
၂၁ ဘၣ်ဆၣ် မ့ၢ်လၢ စီၤပၤဃံးစကံယၤ မၤလိာ်ပာ်စၢၤဝဲလၢ “သုတဘၣ် စံးဆၢက့ၤအီၤတဂ့ၤ”+ အဃိ အဝဲသ့ၣ် အိၣ်ဘှ့ၣ်ဝဲ ဒီးတတဲဆၢ တၢ်နီတမံၤဘၣ်. ၂၂ စီၤဃံးလကံယၤ အဖိခွါ စီၤအ့ၤလယါကံၣ်လၢ အတီခိၣ်ရိၤမဲတၢ်လၢနီပူၤ, နဲၣ်ရွဲၣ် စီၤၡ့ၤဘနၤ+ ဒီးစီၤအၤစာ် အဖိခွါ စီၤယိၤအၤ လၢအကဲ ပှၤကွဲးနီၣ်တၢ်ဖိန့ၣ် ဖှီညာ်လီၤ အဝဲသ့ၣ်အဆ့ကၤ ဒီးက့ၤလၢ စီၤဃံးစကံယၤ အအိၣ် ဒီးတဲဘၣ်အီၤလၢ ပှၤစိာ်စပံးထံ အခိၣ်တဂၤန့ၣ် အတၢ်ကတိၤတဖၣ်လီၤ.
၃၇ ဖဲစီၤဃံးစကံယၤ နၢ်ဟူဝဲ တၢ်ကတိၤတဖၣ်န့ၣ်အခါ အဝဲဖှီၣ်ညာ်အဆ့ကၤ ဒီးသိးထီၣ်ဝဲ ထၢၣ်တၢ်ကံးညာ်* ဒီးလဲၤဝဲလၢ ယဟိဝၤယွၤ အဟံၣ်လီၤ.+ ၂ ဝံၤဒီး အမၢလီၤဝဲ စီၤအ့ၤလယါကံၣ် လၢအတီခိၣ်ရိၤမဲတၢ်လၢ နီပူၤ, နဲၣ်ရွဲၣ် စီၤၡ့ၤဘနၤ ဒီးပှၤလုၢ်တၢ်ဒိၣ်လၢ အတီခိၣ်ရိၤမဲတၢ်တဖၣ် ဆူစီၤအၤမိးအဖိခွါ ဝံယၡါယၤ+ အအိၣ်လီၤ. ဒီးအဝဲသ့ၣ် သိးဝဲ ထၢၣ်တၢ်ကံးညာ်လီၤ. ၃ ဒီးအဝဲသ့ၣ်တဲ ဝံယၡါယၤဒ်အံၤ, “စီၤဃံးစကံယၤ တဲဝဲလၢ ‘တၢ်တနံၤအံၤ မ့ၢ်တၢ်ကိၢ်တၢ်ဂီၤ, တၢ်သိၣ်ဃီၣ် ဒီးတၢ်မဲာ်ဆှး အမုၢ်နံၤလီၤ. ပလီၤဂာ် ဒ်ပိာ်မုၣ်တဂၤလၢ ကဘၣ်အိၣ်ဖျဲၣ်ထီၣ်အဖိ အခါဘၣ်လံ ဘၣ်ဆၣ် အဂံၢ်အဘါလၢ အကအိၣ်ဖျဲၣ်ထီၣ်အီၤအဂီၢ်န့ၣ် တအိၣ်ဘၣ်.+ ၄ ဘၣ်သ့ၣ်သ့ၣ် နကစၢ် ယဟိဝၤယွၤ ကနၢ်ဟူဝဲ တၢ်ကတိၤလၢ ပှၤစိာ်စပံးထံအခိၣ်တဂၤ* လၢကီၢ်အၤၡူၢ်အစီၤပၤ ဆှၢလီၤအီၤဒ်သိး အကတဲဆဲးအဲး ကစၢ်ယွၤလၢ အမူဝဲတဂၤန့ၣ် အဂီၢ်လီၤ.+ ဒီးနကစၢ် ယဟိဝၤယွၤ ကမၤဆၢက့ၤအီၤ ခီဖျိလၢ တၢ်ကတိၤလၢ အနၢ်ဟူဝဲတဖၣ်အဃိလီၤ. အဃိ ဃ့ဘါထုကဖၣ်န့ၢ်တၢ်လၢ+ ပှၤလၢ အအိၣ်တ့ၢ်ဒံးဖဲအံၤတဖၣ် အဂီၢ်တက့ၢ်.’”+
၅ ဖဲစီၤပၤဃံးစကံယၤ အခ့အပှၤတဖၣ် လဲၤလၢ ဝံယၡါယၤ အအိၣ်အခါ+ ၆ ဝံယၡါယၤ တဲဘၣ်အဝဲသ့ၣ်လၢ “သုကဘၣ်တဲဘၣ် သုကစၢ်ဒ်အံၤ, ‘ယဟိဝၤယွၤ တဲဝဲလၢ “တဘၣ်ပျံၤတၢ်+ ခီဖျိလၢ တၢ်ကတိၤတဖၣ်လၢ နနၢ်ဟူဘၣ်အီၤလၢ အၤၡူၢ်အစီၤပၤ+ အခ့အပှၤတဖၣ် ကတိၤထီဒါယၤ အဃိန့ၣ်တဂ့ၤ. ၇ ယကထၢနုာ်လီၤ တၢ်ဆိကမိၣ်တခါလၢ အသးပူၤ ဒီးအဝဲကနၢ်ဟူ တၢ်ကစီၣ်တခါ ဒီးကက့ၤကဒါက့ၤလၢ အနီၢ်ကစၢ်အထံအကီၢ်လီၤ.+ ဒီးယကမၤဒ်သိး အဝဲကသံလၢနး လၢအနီၢ်ကစၢ် အထံအကီၢ် အပူၤလီၤ.”’”+
၈ ဖဲပှၤစိာ်စပံးထံ အခိၣ်တဂၤန့ၣ် နၢ်ဟူဝဲလၢ ကီၢ်အၤၡူၢ် အစီၤပၤ ဟးထီၣ်ကွံာ်လၢ ဝ့ၢ်လၤကံၣ်အခါ အဝဲက့ၤကဒါက့ၤလၢ စီၤပၤအအိၣ် ဒီးထံၣ်ဝဲလၢ စီၤပၤန့ၣ် ဒုးဝဲဝ့ၢ်လံးဘနၤလီၤ.+ ၉ ဒီးကီၢ်အၤၡူၢ် အစီၤပၤနၢ်ဟူ ပှၤတဲလၢ ကီၢ်အဲၤသံအီးပး အစီၤပၤတံရဟၤကၤ ဟဲထီၣ်ဒ်သိး ကဒုးတၢ်ဒီးအီၤအဂီၢ်လီၤ. အဃိ ဖဲစီၤပၤ နၢ်ဟူဝဲဒ်န့ၣ်အခါ အမၢလီၤကဒီး ပှၤစိာ်တၢ်ကစီၣ်ဖိတဖၣ်လၢ စီၤဃံးစကံယၤ အအိၣ်+ ဒီးတဲဝဲလၢ ၁၀ “သုဘၣ်တဲ ယူဒၤအစီၤပၤဃံးစကံယၤ ဒ်အံၤ, ‘ကစၢ်ယွၤလၢ နနာ်န့ၢ်အီၤတဂၤန့ၣ် တဘၣ်ပျဲ အလံၣ်န့ၢ်လီန့ၢ်နၤ ခီဖျိအတဲဝဲလၢ “ဝ့ၢ်ယရူၤၡလ့ၣ် တဘၣ်တၢ်ဟ့ၣ်လီၤအီၤလၢ ကီၢ်အၤၡူၢ် အစီၤပၤအစုပူၤဘၣ်” န့ၣ်တဂ့ၤ.+ ၁၁ ကီၢ်အၤၡူၢ် အစီၤပၤတဖၣ် မၤဟးဂီၤဝဲ ထံကီၢ်ခဲလၢာ် ဒ်လဲၣ်န့ၣ် နနၢ်ဟူဘၣ်လီၤ.+ မ့ၢ်နဆိကမိၣ်လၢ နကပူၤဖျဲးဧါ. ၁၂ ကိစၣ်, ဝ့ၢ်ဟၤရၣ်,+ ရ့စ့း ဒီးပှၤလၢအအိၣ်လၢ ဧ့ၤဒ့ၣ်လၢ အအိၣ်ပာ်စၢၤလၢ သလးစၢ်န့ၣ် အိၣ်ဖဲလဲၣ်. မ့ၢ်ပှၤကလုာ် အယွၤတဖၣ်လၢ ယမိၢ်ပၢ် ဖံဖုလၢပျၢၤတဖၣ် မၤဟးဂီၤကွံာ်ဝဲန့ၣ် မၤပူၤဖျဲး အဝဲသ့ၣ်ဧါ.+ ၁၃ ဝ့ၢ်ဃမါသး ဒီးဝ့ၢ်အၢ်ပး အစီၤပၤတဖၣ် အိၣ်ဖဲလဲၣ်. ဝ့ၢ်စဖၤရဝံၣ်,+ ဝ့ၢ်ဟ့နၤ ဒီးဝ့ၢ်ဧၤဝါ အစီၤပၤတဖၣ် အိၣ်ဖဲလဲၣ်.’”
၁၄ စီၤဃံးစကံယၤ ဟံးန့ၢ် လံာ်ပရၢတဖၣ်လၢ ပှၤစိာ်တၢ်ကစီၣ်ဖိတဖၣ် အစုလိၤ ဒီးဖးဝဲလီၤ. ဝံၤဒီး စီၤဃံးစကံယၤ လဲၤလၢ ယဟိဝၤယွၤ အဟံၣ် ဒီးသလၣ်ထီၣ်ဝဲ လံာ်ပရၢတဖၣ်န့ၣ်လၢ ယဟိဝၤယွၤ အမဲာ်ညါလီၤ.+ ၁၅ ဒီးစီၤဃံးစကံယၤ ဃ့ဘါထုကဖၣ် လၢယဟိဝၤယွၤ အအိၣ်လၢ+ ၁၆ “အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ+ လၢအမ့ၢ် အံၣ်စရ့လး အကစၢ်ယွၤ လၢအဆ့ၣ်နီၤလၢ အလီၢ်ပစိာ် လၢခ့ရူာ်တဖၣ် အဖီခိၣ်* တဂၤဧၢ, နမ့ၢ်ယွၤအမ့ၢ်အတီ ထဲတဂၤလၢ ဘီမုၢ်ခဲလၢာ် လၢဟီၣ်ခိၣ်ချၢ အဖီခိၣ်လီၤ. နတ့လီၤ မူခိၣ် ဒီးဟီၣ်ခိၣ်လီၤ. ၁၇ အိ ယဟိဝၤယွၤဧၢ, အိးထီၣ်နနၢ် ဒီးဒိကနၣ်တက့ၢ်.+ အိ ယဟိဝၤယွၤဧၢ, အိးထီၣ်နမဲာ်ချံ ဒီးကွၢ်တက့ၢ်.+ ကနၣ် တၢ်ကစီၣ်ခဲလၢာ်လၢ စီၤစၤနဃ့ရံာ် ဆှၢလီၤဝဲ ဒ်သိး ကတဲဆဲးအဲးနၤ, ယွၤလၢ အမူတဂၤန့ၣ်တက့ၢ်.+ ၁၈ အိ ယဟိဝၤယွၤဧၢ, ကီၢ်အၤၡူၢ် အစီၤပၤတဖၣ် မၤဟးဂီၤဝဲ ကီၢ်တဖၣ်+ ဃုာ်ဒီးအဝဲသ့ၣ် အနီၢ်ကစၢ် အကီၢ်န့ၣ် မ့ၢ်အနီၢ်ကီၢ်လီၤ. ၁၉ အဝဲသ့ၣ် ဒွဲၣ်ထီၣ်ကွံာ် ပှၤကလုာ် အယွၤတဖၣ်+ မ့ၢ်လၢ တၢ်သ့ၣ်တဖၣ်န့ၣ် တမ့ၢ်ယွၤအနီၢ်ကီၢ်ဘၣ် ဒီးပှၤတ့ထီၣ်အီၤလၢ သ့ၣ်ဒီးလၢၢ် လၢပှၤစုအဃိလီၤ.+ လၢတၢ်န့ၣ်အဃိ အဝဲသ့ၣ် မၤဟးဂီၤကွံာ် ယွၤတဖၣ်န့ၣ် န့ၢ်ဝဲလီၤ. ၂၀ အိ ပကစၢ် ယဟိဝၤယွၤဧၢ, ဒ်သိးဘီမုၢ်ခဲလၢာ်လၢ ဟီၣ်ခိၣ်ချၢ ကသ့ၣ်ညါလၢ နမ့ၢ်ကစၢ်ယွၤ ထဲတဂၤဧိၤအဂီၢ် မၤပူၤဖျဲးပှၤလၢ စီၤစၤနဃ့ရံာ် အစုပူၤတက့ၢ်. အိ ယဟိဝၤယွၤဧၢ.”+
၂၁ စီၤအၤမိး အဖိခွါ စီၤယၡါယၤ ဆှၢဝဲတၢ်ကစီၣ်လၢ စီၤဃံးစကံယၤ အအိၣ်လၢ “အံၣ်စရ့လး အကစၢ် ယဟိဝၤယွၤ တဲဝဲဒ်အံၤ, ‘ခီဖျိလၢ နဃ့ထုကဖၣ်လၢ အဘၣ်ဃးဒီး ကီၢ်အၤၡူၢ် အစီၤပၤစၤနဃ့ရံာ်အဃိ+ ၂၂ ဘၣ်ဃးဒီးအီၤန့ၣ် ယၤ, ယဟိဝၤယွၤ တဲဒ်အံၤ,
“စံယိၣ်အဖိမုၣ် မုၣ်ကနီၤစီဆှံ တပာ်ကဲနၤဘၣ် ဒီးထံၣ်ဆံးနၤလံ.
ယရူၤၡလ့ၣ် အဖိမုၣ် ဂံၤဂုၤ အခိၣ်လၢနၤလံ.
၂၃ မ့ၢ်နတဲဆဲးအဲး+ ဒီးကတိၤထီဒါ မတဂၤလဲၣ်.
ဒီးနမၤဒိၣ်ထီၣ် နကလုၢ်လၢမတဂၤ အဖီခိၣ်လဲၣ်.+
ဒီးလၢတၢ်ပာ်ကဖၢလၢသးအပူၤ နကျ့ၣ်ထီၣ်နမဲာ်လၢ မတဂၤ အအိၣ်လဲၣ်.
မ့ၢ်ဒၣ် နထီဒါ အံၣ်စရ့လး အကစၢ်ယွၤလၢ အစီဆှံတဂၤလီၤ.+
၂၄ နတဲဆဲးအဲး ယဟိဝၤယွၤ+ ခီဖျိလၢ နခ့နပှၤတဖၣ် ဒီးတဲလၢ
နကလဲၤဒီး နလ့ၣ်ကဟၣ်သုး အါအါဂီၢ်ဂီၢ်
ဒီးလဲၤထီၣ် ကစၢၢ်လၢအထီတဖၣ်+
ဒီးလဘၤနိၣ် အတၢ်လီၢ်လၢ အအိၣ်ဖးယံၤတဖၣ်
ဒီးနကကူာ်လီၤကွံာ် အသ့ၣ်ဆှိအ့ရ့း လၢအထီတဖၣ် ဒီးအသ့ၣ်ကၠူနံးဖၢၤလၢ အဂ့ၤကတၢၢ်တဖၣ်လီၤ.
ဒီးနကလဲၤနုာ်လီၤလၢ တၢ်လီၢ်ဖဲန့ၣ်လၢ အထီကတၢၢ် ဒီးပှၢ်လၢ်ကျါလၢ အယိာ်ကတၢၢ်တဖၣ် အပူၤလီၤ.
၂၅ နကခူၣ်လီၤထံကမျၢတဖၣ် ဒီးနကအီထံ,
နကမၤလီၤသံးကွံာ် ကီၢ်အဲၤကူပတူး အထံကျိဖိတဖၣ် လၢနခီၣ် ညါသးလီၤ.
၂၆ မ့ၢ်နတနၢ်ဟူဘၣ်ဧီၤ. ယဆၢတဲာ်ပာ်စၢၤလီၤယသး လၢပျၢၤ လံၤလံၤလံ.
ယရဲၣ်ကျဲၤပာ်စၢၤ လၢအပူၤကွံာ် ဖးယံာ်လံ.+
ခဲအံၤယကမၤလၢပှဲၤအီၤလီၤ.+
ဝ့ၢ်တဖၣ်လၢ အအိၣ်ဒီးအဒူၣ်လၢ အကျၢၤန့ၣ် နကဒုးကဲထီၣ်အီၤလၢ တၢ်ဟးဂီၤ အပူၣ်တဖၣ်လီၤ.+
၂၇ ပှၤလၢအအိၣ်ဖဲန့ၣ်တဖၣ်န့ၣ် ကကဲထီၣ် ပှၤလၢအမၤတၢ် တဘၣ်နီတမံၤလၢၤဘၣ်.
အဝဲသ့ၣ် ကပျံၤတၢ်ဖုးတၢ်ဒိၣ်မး ဒီးကမဲာ်ဆှးဝဲလီၤ.
အဝဲသ့ၣ်ကကဲထီၣ် ဒ်တၢ်မုၢ်တၢ်ဘိ လၢပျီပူၤ ဒီးဒ်နီၣ်လါဟ့အသိး,
ဒ်နီၣ်လၢ အအိၣ်လၢ ဟံၣ်ခိၣ်ဒုး လၢမုၢ်ထီၣ်ကလံၤကိၢ် ဟဲဘၣ်အီၤ အသိးလီၤ.
၂၈ ဘၣ်ဆၣ် ဖဲနဆ့ၣ်နီၤ အခါမ့ၢ်ဂ့ၤ, နဟးထီၣ် အခါမ့ၢ်ဂ့ၤ, နဟဲက့ၤနုာ်လီၤ အခါမ့ၢ်ဂ့ၤ+
ဒီးဖဲနသးဒိၣ်ထီၣ်ယၤ အခါမ့ၢ်ဂ့ၤ ယသ့ၣ်ညါခဲလၢာ်လီၤ.+
၂၉ မ့ၢ်လၢ နတၢ်သးဒိၣ်ထီၣ်လၢ ယဖီခိၣ်+ ဒီးနသီၣ်သထြုးန့ၣ် ဟူထီၣ်လၢ ယနၢ်ပူၤလံ.+
အဃိ ယကပာ် ယတခွဲကနၣ်လၢ နနါဒ့ပူၤ ဒီးယထးအ့ၣ်အပျံၤလၢ+ နကိာ်ပူၤ
ဒီးယကက့ၤမူၤ ကဒါက့ၤနၤလၢ ကျဲလၢနဟဲန့ၣ်လီၤ.”
၃၀ “‘တၢ်ပနီၣ် လၢန* ဂီၢ်န့ၣ် ကမ့ၢ်ဒ်အံၤ, တနံၣ်ညါအံၤ နကအီၣ်ဘုလၢ အမဲထီၣ် ဒၣ်အတၢ် ဒီးလၢခံတနံၣ် စ့ၢ်ကီး နကအီၣ် ဘုလၢအမဲထီၣ် ဒၣ်အတၢ်လီၤ. ဘၣ်ဆၣ် လၢသၢနံၣ်တနံၣ်န့ၣ် နကဖှံလီၤတၢ်ချံ ဒီးနကကူးဘၣ်က့ၤ ဒီးနကသူၣ်လီၤ စပံးကျီးတဖၣ် ဒီးနကအီၣ်ဘၣ် အသၣ်လီၤ.+ ၃၁ ပှၤလၢ ယူဒၤဘီမုၢ်* အပူၤ လၢအပူၤဖျဲး ဒီးအိၣ်မူဒံးတဖၣ်န့ၣ်+ အဝဲသ့ၣ်အဂံၢ်ကစဲၤလီၤ ဒီးကဖီထီၣ်သၣ်ထီၣ်ဝဲလီၤ. ၃၂ ဒီးပှၤလၢအအိၣ်တ့ၢ်တဖၣ် ကဟးထီၣ်လၢ ဝ့ၢ်ယရူၤၡလ့ၣ်အပူၤ ဒီးပှၤလၢ အမူဒံးတဖၣ်န့ၣ် ကဟးထီၣ်ကွံာ်လၢ ကစၢၢ်စံယိၣ်လီၤ.+ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အသးဆူၣ်လၢ ကမၤဝဲဒ်အံၤ သပှၢ်ကတၢၢ်လီၤ.+
၃၃ “‘လၢတၢ်န့ၣ်အဃိ ဘၣ်ဃးဒီး ကီၢ်အၤၡူၢ်အစီၤပၤန့ၣ် ယဟိဝၤယွၤ တဲဝဲဒ်အံၤ,+
“အဝဲတဟဲနုာ်လီၤလၢ ဝ့ၢ်တဖျၢၣ်အံၤအပူၤဘၣ်+
ဒီးအတခးလီၤ ပျၢ်ဘိဖဲန့ၣ်ဘၣ်
ဒီးအတဟဲထီၣ် စိာ်ကတီၤ ဒီးဒုးတၢ်ဘၣ်
ဒီးအတပာ်ပူၣ်ထီၣ်ဟီၣ်ခိၣ် ဒ်သိးကဒုးဝ့ၢ်အံၤအဂီၢ်ဘၣ်.”’+
၃၄ ‘အဝဲကက့ၤကဒါက့ၤဖဲ ကျဲတဘိလၢအဟဲဝဲန့ၣ်လီၤ.
အဝဲတဟဲနုာ်လီၤလၢ ဝ့ၢ်တဖျၢၣ်အံၤအပူၤဘၣ်.’ ယဟိဝၤယွၤ တဲဝဲဒ်န့ၣ်လီၤ.
၃၆ ယဟိဝၤယွၤ အမူခိၣ်ကလူးတဂၤ ဟဲမၤသံကွံာ်ဝဲ ပှၤသုးဖိ ၁၈၅,၀၀၀ လၢပှၤအၤၡူၢ်ဖိ အဒဲကဝီၤပူၤလီၤ. လၢဂီၤခီဂီၤဂီၤ ဖဲပှၤဂဲၤဆၢထၢၣ်အခါ အဝဲသ့ၣ်ထံၣ်ဝဲ ပှၤသံစိၣ် အိၣ်ဝဲဝးဝးလီၤ.+ ၃၇ အဃိ ကီၢ်အၤၡူၢ် အစီၤပၤစၤနဃ့ရံာ် က့ၤကဒါက့ၤလၢ ဝ့ၢ်နံၤနဝ့+ ဒီးအိၣ်ဝဲဖဲန့ၣ်လီၤ.+ ၃၈ ဒီးဖဲအဝဲဘါထီၣ်တၢ်လၢ အယွၤ နံစရိး အဟံၣ်* ပူၤအခါ အဖိခွါတဖၣ် လၢအမ့ၢ် စီၤအဒြၤမ့လ့း ဒီးစီၤၡၢ်အ့စ့ၢ် ကျီသံကွံာ်အီၤလၢနး+ ဝံၤဒီးလဲၤဃ့ၢ်ပူၤဖျဲးအသးလၢ ကီၢ်အရၤရးလီၤ.+ ဒီးအဖိခွါ စီၤအ့ၤစၢ်ဃးဒိၣ်+ ကဲထီၣ်စီၤပၤ လၢအလီၢ်လီၤ.
၃၈ ဖဲန့ၣ်အဆၢကတီၢ် စီၤဃံးစကံယၤ ဆိးက့ဝဲ ဘူးထီၣ်လၢအကသံလီၤ.+ စီၤအၤမိးအဖိခွါ ဝံယၡါယၤ+ လဲၤတဲအီၤလၢ “ယဟိဝၤယွၤ တဲဝဲဒ်အံၤ, ‘နတဘျါက့ၤလၢၤဘၣ် ဒီးနကသံလီၤ. အဃိ ရဲၣ်လီၤကျဲၤလီၤတၢ်ဒီး နဟံၣ်ဖိဃီဖိတက့ၢ်.’”*+ ၂ ဒီးစီၤဃံးစကံယၤ ဃၣ်အသးလၢ တၢ်ဒူၣ်ကပၤ ဒီးဃ့ဘါထုကဖၣ်တၢ်လၢ ယဟိဝၤယွၤ အအိၣ်လၢ ၃ “အိ ယဟိဝၤယွၤဧၢ, ယဃ့ကညးနၤလၢ ဝံသးစူၤ သ့ၣ်နီၣ်ထီၣ်က့ၤလၢ+ ယလဲၤတၢ်လၢ နမဲာ်ညါ လၢတၢ်သးတီအပူၤ ဒီးလၢယသးဒီဖျၢၣ်+ ဒီးယမၤတၢ်လၢ နထံၣ်လၢ အဂ့ၤန့ၣ်တက့ၢ်.” ဒီးစီၤဃံးစကံယၤ ဟီၣ်ဝဲနးမးလီၤ.
၄ ဝံၤဒီး ယဟိဝၤယွၤ တဲဘၣ် စီၤယၡါယၤလၢ ၅ “က့ၤတဲဘၣ် စီၤဃံးစကံယၤလၢ+ ‘နဖုဖးဒိၣ် စီၤဒၤဝံး အကစၢ် ယဟိဝၤယွၤ တဲဝဲဒ်အံၤ, “ယနၢ်ဟူနတၢ်ထုကဖၣ်လံ,+ ယထံၣ်ဘၣ် နမဲာ်ထံလံ.+ ယကမၤထီထီၣ် နသးသမူ ၁၅ နံၣ်+ ၆ ဒီးယကမၤပူၤဖျဲးနၤ ဒီးဝ့ၢ်တဖျၢၣ်အံၤလၢ ကီၢ်အၤၡူၢ်အစီၤပၤ အစုပူၤ ဒီးယကဒီသဒၢ ဝ့ၢ်အံၤလီၤ.+ ၇ ယဟိဝၤယွၤ ကဟ့ၣ်လီၤ တၢ်ပနီၣ်တမံၤ လၢအကပာ်ဖျါထီၣ်န့ၢ်နၤလၢ ယဟိဝၤယွၤ ကမၤလၢပှဲၤအတၢ်ကတိၤ ဒ်အတဲပာ်စၢၤဝဲ အသိးလီၤ.+ ၈ တၢ်အကဒုလၢ စီၤအၤဃး အဃီသွါအလိၤန့ၣ် ယကဒုးဟဲက့ၤ ကဒါက့ၤအီၤ အခါတဆံလီၤ.”’”+ အဃိ တၢ်အကဒုလၢ အလဲၤလီၤတ့ၢ်လံလၢ စီၤအၤဃး အဃီသွါအလိၤန့ၣ် က့ၤကဒါက့ၤလၢအလီၢ်ခံ အခါတဆံလီၤ.
၉ ဖဲယူဒၤ အစီၤပၤဃံးစကံယၤ ဆိးက့ ဒီးအတၢ်ဆါ ဘျါက့ၤ ဝံၤအလီၢ်ခံ တၢ်လၢအကွဲးဝဲတဖၣ်န့ၣ် အိၣ်ဝဲဒ်လၢလာ်အံၤအသိးလီၤ.
၁၀ ယတဲလၢ “ယသးတပှၢ်ဒံးဘၣ် သနာ်က့
ယကဘၣ် လဲၤလီၤခီဂာ် တၢ်သွၣ်ခိၣ်* အတြဲၤတဖၣ်လီၤ.
ဒီးယကဘၣ်တူၢ်ၡူကွံာ် ယနံၣ်လၢ အအိၣ်တ့ၢ်တဖၣ်လီၤ.”
၁၁ ဒီးယတဲလၢ “ယတထံၣ်ဘၣ် ယဟိဝၤယွၤလၢၤဘၣ်. ယတထံၣ်ဘၣ် ယဟိဝၤယွၤလၢ ပှၤမူ အကီၢ်ပူၤလၢၤဘၣ်.+
ဖဲယလဲၤအိၣ်ဒီး ပှၤလၢ အအိၣ်ဝဲဆိးဝဲလၢ တၢ်သံအကီၢ်ပူၤ အဆၢကတီၢ်
ယတထံၣ်ဘၣ် ပှၤကညီလၢၤဘၣ်.
၁၂ ယတၢ်အိၣ်တၢ်ဆိးအလီၢ် လီၤဂာ်ဒီး ပှၤကွၢ်သိအဒဲလၢ
ပှၤဃဲၣ်လီၤကွံာ်အီၤ ဒီးက့ၤစိာ်ကွံာ်အီၤလီၤ.+
ဒ်ပှၤထါထၣ်ဖိတဂၤ ထူထီၣ် တၢ်ကံးညာ်လၢ အထါဝဲဝံၤအသိး ယထူထီၣ်ယသးသမူလံ.
ကစၢ်ယွၤ မၤတဲာ်ကွံာ်ယသးသမူ ဒ်ပှၤမၤတဲာ်ကွံာ် လုၣ်တဖၣ်လၢ ထၣ်အလိၤအသိးလီၤ.
စးထီၣ်လၢဂီၤခီ တုၤလၢ မုၢ်နၤခီန့ၣ် အဝဲမၤကတၢၢ်ကွံာ် ယတၢ်အိၣ်မူလီၤ.+
၁၃ ယဂုာ်ကျဲးစၢး ပာ်ယသး မုာ်မုာ်ခုၣ်ခုၣ် တုၤလၢဂီၤခီထီၣ်လီၤ.
ဘၣ်ဆၣ် ဒ်ခ့ယုၢ်အသိး ကစၢ်ယွၤ ဆဲးမၤကၢ်ယဃံခဲလၢာ်လီၤ.
စးထီၣ်လၢဂီၤခီ တုၤလၢ မုၢ်နၤခီန့ၣ် အဝဲမၤကတၢၢ်ကွံာ် ယတၢ်အိၣ်မူလီၤ.+
လၢတၢ်သူၣ်လီၤဘှံး သးလီၤတီၤအပူၤ ယကွၢ်ထီၣ်တၢ်လၢ ထးခီလီၤ.+
‘အိ ယဟိဝၤယွၤဧၢ, ယဘၣ်ကိၢ်ဘၣ်ဂီၤနးမး,
မၤစၢၤယၤတက့ၢ်.’+
၁၅ ကစၢ်ယွၤ တဲယၤဝံၤလံ ဒီးမၤဝဲလံ
အဃိ ယကဘၣ် တဲဒံးဒ်လဲၣ်.
ခီဖျိလၢ ယတၢ်လဲၤခီဖျိ လၢအနးတခါအံၤအဃိ ယကလဲၤတၢ်လၢ တၢ်ဆီၣ်လီၤသးအပူၤ
ဖဲယအိၣ်မူဒံး ဆူညါအနံၣ်တဖၣ် အတီၢ်ပူၤလီၤ.
၁၆ ‘အိ ယဟိဝၤယွၤဧၢ, ပှၤကိးဂၤဒဲး ဆဲးမူဝဲ ခီဖျိလၢ တၢ်သ့ၣ်တဖၣ်န့ၣ်* အဃိ
ဒီးလၢတၢ်သ့ၣ်တဖၣ်န့ၣ်အဃိ ယကသါထီၣ် ကသါလီၤလီၤ.
နကမၤဂ့ၤထီၣ်က့ၤ ယတၢ်အိၣ်ဆူၣ်အိၣ်ချ့ ဒီးပာ်မူယၤလီၤ.+
၁၇ ကွၢ်မီၤ, လၢယကသူၣ်မံသးမုာ်အလီၢ် ယဘၣ်ကိၢ်ဘၣ်ဂီၤ နးမးလီၤ.
၁၈ ပှၤအိၣ်လၢ တၢ်သွၣ်ခိၣ်အပူၤန့ၣ် မၤလၤကပီၤနၤ တသ့ဘၣ်.+
ပှၤသံတဖၣ် စံးထီၣ်ပတြၢၤနၤ တသ့ဘၣ်.+
ဒီးပှၤလၢ အလဲၤလီၤလၢ တၢ်ပူၤန့ၣ် မုၢ်လၢ်ဝဲလၢ ကထံၣ်ဘၣ် နတၢ်သးတီ တသ့လၢၤဘၣ်.+
၁၉ ဒ်ယစံးထီၣ်ပတြၢၤနၤခဲအံၤသ့အသိး
ထဲဒၣ် ပှၤလၢအမူတဖၣ် စံးထီၣ်ပတြၢၤနၤသ့လီၤ.
ပၢ်တဂၤ ဒုးသ့ၣ်ညါ အဖိတဖၣ် ဘၣ်ဃးဒီး နတၢ်သးတီ အဂ့ၢ်သ့လီၤ.+
၂၀ အိ ယဟိဝၤယွၤဧၢ, မၤပူၤဖျဲးယၤတက့ၢ်.
၂၁ ဒီးဝံယၡါယၤ တဲဝဲလၢ “ဟဲစိာ်ကိၣ်တလိၣ်လၢ အဘၣ်တၢ်တ့အီၤလၢ ချၢၣ်ဒၢသၣ်အဃ့ ဒီးပာ်လီၤအီၤလၢ စီၤဃံးစကံယၤ အတၢ်ဝ့အလိၤ ဒ်သိးအကဘျါက့ၤ အဂီၢ်တက့ၢ်.”+ ၂၂ စီၤဃံးစကံယၤ သံကွၢ်ဝဲလၢ “ယကလဲၤလၢ ယဟိဝၤယွၤ အဟံၣ်န့ၣ် အတၢ်ပနီၣ်ကမ့ၢ် မနုၤလဲၣ်.”+
၃၉ ဖဲန့ၣ်အခါ စီၤဘၤလဒၣ် အဖိခွါ စီၤမရိဒးဘၤလဒၣ် လၢအမ့ၢ် ကီၢ်ဘၤဘူၤလိၣ် အစီၤပၤန့ၣ် နၢ်ဟူဘၣ်ဝဲလၢ စီၤဃံးစကံယၤ+ ဆိးက့ ဒီးဘျါက့ၤဝဲလံအဃိ အဝဲဆှၢလီၤ လံာ်ပရၢတဖၣ် ဒီးတၢ်ဟ့ၣ်ဆူ စီၤဃံးစကံယၤ အအိၣ်လီၤ.+ ၂ စီၤဃံးစကံယၤ တူၢ်လိာ်မုာ် ပှၤစိာ်တၢ်ကစီၣ်ဖိတဖၣ် လၢတၢ်သးခုအပူၤ ဒီးဒုးနဲၣ်အဝဲသ့ၣ်လၢ အတၢ်လုၢ်ဒိၣ်ပှ့ၤဒိၣ် အဒၢးဒီတဖျၢၣ်+ လၢအအိၣ်ဒီး ထူ, စ့ညၣ်, သ့ၣ်စရံအထုး ဒီးသိလၢ အလုၢ်ဒိၣ်ပှ့ၤဒိၣ်တဖၣ်, အစုကဝဲၤခဲလၢာ် ဒီးကယဲၢ်တၢ်လၢ အအိၣ်လၢ အတၢ်လုၢ်ဒိၣ်ပှ့ၤဒိၣ် အလီၢ်တဖၣ် အပူၤလီၤ. တၢ်လၢ စီၤဃံးစကံယၤ တဒုးနဲၣ်အဝဲသ့ၣ်လၢ အနီၢ်ကစၢ်အဟံၣ်ပူၤ* မ့ၢ်ဂ့ၤ အဘီမုၢ်ပူၤမ့ၢ်ဂ့ၤန့ၣ် တအိၣ်နီတမံၤဘၣ်.
၃ လၢခံ ဝံယၡါယၤ ဟဲသံကွၢ် စီၤပၤဃံးစကံယၤလၢ “ပှၤသ့ၣ်တဖၣ်န့ၣ် ဟဲတဲတၢ်မနုၤလဲၣ် ဒီးအဝဲသ့ၣ်ဟဲဖဲလဲၣ်.” စီၤဃံးစကံယၤ တဲဆၢက့ၤအီၤလၢ “အဝဲသ့ၣ်ဟဲလၢ တၢ်လီၢ်ဖးယံၤ လၢကီၢ်ဘၤဘူၤလိၣ်လီၤ.”+ ၄ ဝံၤဒီး ဝံယၡါယၤ သံကွၢ်ဝဲလၢ “လၢနဟံၣ်ပူၤန့ၣ် အဝဲသ့ၣ် ထံၣ်တၢ်မနုၤလဲၣ်.” စီၤဃံးစကံယၤ တဲဆၢဝဲလၢ “အဝဲသ့ၣ်ထံၣ် တၢ်အိၣ်လၢယဟံၣ်ပူၤ ကိးမံၤဒဲးလီၤ. တၢ်လၢအအိၣ်လၢ ယတၢ်လုၢ်ဒိၣ်ပှ့ၤဒိၣ် အလီၢ်တဖၣ်အပူၤ လၢယတဒုးနဲၣ် အဝဲသ့ၣ်ဘၣ်န့ၣ် တအိၣ်နီတမံၤဘၣ်.”
၅ အဃိ ဝံယၡါယၤ တဲဘၣ် စီၤဃံးစကံယၤလၢ “ကနၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အတၢ်ကတိၤတက့ၢ်. ၆ ယဟိဝၤယွၤ တဲဝဲလၢ+ ‘ဆၢကတီၢ်ကဟဲလၢ တၢ်ကိးမံၤဒဲးလၢ နဟံၣ်ပူၤ ဒီးတၢ်ကိးမံၤဒဲးလၢ နမိၢ်ပၢ်ဖံဖု လၢပျၢၤတဖၣ် ပာ်ဖှိၣ်ထီၣ် တုၤလၢ မုၢ်မဆါတနံၤအံၤန့ၣ် ကဘၣ်တၢ်က့ၤစိာ်အီၤလၢ ကီၢ်ဘၤဘူၤလိၣ်လီၤ. ဒီးတၢ်တအိၣ်တ့ၢ် နီတမံၤဘၣ်.’+ ၇ ‘ဒီးနစၢၤနသွဲၣ်တနီၤလၢ ကဟဲအိၣ်ဖျဲၣ်ထီၣ်န့ၣ် ကဘၣ်တၢ်က့ၤဖီၣ်အီၤ ဒီးအဝဲသ့ၣ်ကကဲထီၣ် ပဒိၣ်တဖၣ်လၢ ကီၢ်ဘၤဘူၤလိၣ် အစီၤပၤအနီပူၤလီၤ.’”+
၈ ဒီးစီၤဃံးစကံယၤ တဲဆၢက့ၤ ဝံယၡါယၤလၢ “ယဟိဝၤယွၤ အတၢ်ကတိၤလၢ နတဲတဖၣ်န့ၣ် ဂ့ၤလီၤမၢၤ.” ဒီးအဝဲဆဲးတဲဝဲလၢ “ဖဲယအိၣ်မူ အဆၢကတီၢ် တၢ်မုာ်တၢ်ခုၣ် ဒီးတၢ်ဂၢၢ်တၢ်ကျၢၤ ကအိၣ်ဝဲအဃိ ဂ့ၤလီၤ.”+
၄၀ သုကစၢ်ယွၤ တဲဝဲလၢ “မၤမုာ်ထီၣ်, မၤမုာ်ထီၣ် ယပှၤဂီၢ်မုၢ်.”+
၂ “တဲတၢ်ဒီး ယရူၤၡလ့ၣ် အပှၤဂီၢ်မုၢ် မုာ်မုာ် တုၤလၢ အနုာ်လီၤလၢ အဝဲသ့ၣ် အသးပူၤတက့ၢ်.
ခီဖျိလၢ အဝဲသ့ၣ် အတၢ်ဒဲးဘးခဲလၢာ်အဃိ အဝဲသ့ၣ် တူၢ်ဘၣ် တၢ်စံၣ်ညီၣ်လၢ ယဟိဝၤယွၤအအိၣ် လၢလၢပှဲၤပှဲၤလံ.+
အဃိ တဲဘၣ်အဝဲသ့ၣ်လၢ တၢ်ဆၢကတီၢ်လၢ အဝဲသ့ၣ် ကဘၣ်ကီ ဘၣ်ခဲန့ၣ် ကတၢၢ်ဝဲလံ
ဒီးအဝဲသ့ၣ် အတၢ်ကမၣ် ပျၢ်လံ.”+
ဒီးတ့ထီၣ်န့ၢ် ကျဲမုၢ်ဖးဒိၣ်တဘိလၢ+ အလဲၤဝဲလိၤလိၤလၢ မဲးမုၢ်ပျီအပူၤ လၢပကစၢ်ယွၤ အဂီၢ်တက့ၢ်.+
၄ တၢ်တြီၤခဲလၢာ် ကပှဲၤထီၣ်
ဒီးကစၢၢ် ဒီးတၢ်လူၢ်ကိးဖျၢၣ်ဒဲး ကလီၤပၢၤဝဲလီၤ.
တၢ်လီၢ်လၢ အတပၢၤဘၣ်န့ၣ် ကပၢၤဝဲ
ဒီးဟီၣ်ခိၣ်လၢ အထီၣ်စိလီၤညၢၣ်န့ၣ် ကကဲထီၣ် တၢ်ပျီလီၤ.+
၅ ယဟိဝၤယွၤ အလၤကပီၤ ကအိၣ်ဖျါထီၣ်+
ဒီးပှၤဟီၣ်ခိၣ်ဖိခဲလၢာ်* ကထံၣ်ဝဲ,+
မ့ၢ်လၢ ယဟိဝၤယွၤ တဲတ့ၢ်ဝဲ ဒ်န့ၣ်အဃိလီၤ.”
၆ ကနၣ်သၢၤ, ပှၤတဂၤ တဲဝဲလၢ “တဲဖျါထီၣ် တၢ်တမံၤမံၤ.”
ပှၤအဂၤတဂၤ သံကွၢ်ဝဲလၢ “ယကဘၣ် တဲဖျါထီၣ် မနုၤလဲၣ်.”
“ပှၤဟီၣ်ခိၣ်ဖိ ခဲလၢာ်န့ၣ် လီၤဂာ်ဒ်သိးဒီး နီၣ်လါဟ့လီၤ.
ဒီးအဝဲသ့ၣ် အတၢ်အဲၣ်လၢအတီ ခဲလၢာ်န့ၣ် လီၤဂာ်ဒ်သိးဒီး ဖီလၢပျီပူၤလီၤ.+
နီၢ်ကီၢ်န့ၣ် ပှၤဂီၢ်မုၢ်တဖၣ် လီၤဂာ် ဒ်သိးဒီး နီၣ်လါဟ့လီၤ.
၈ နီၣ်လါဟ့ ဃ့ထီကွံာ်ဝဲ
ဒီးဖီတဖၣ် လီၤညွံးလီၤဘဲဝဲ
ဘၣ်ဆၣ် ပကစၢ်ယွၤ အတၢ်ကတိၤန့ၣ် အိၣ်ဂၢၢ်ဆိးကျၢၤဝဲ လီၤထူလီၤယိာ်လီၤ.”+
၉ သုဝဲပိာ်မုၣ်လၢ အဟဲစိာ် တၢ်သးခုကစီၣ်လၢ စံယိၣ်အဂီၢ်သ့ၣ်ဧၢ,+
လဲၤထီၣ်လၢ ကစၢၢ်ဖးထီ အလိၤတက့ၢ်.
သုဝဲပိာ်မုၣ်လၢ အဟဲစိာ် တၢ်သးခုကစီၣ်လၢ ဝ့ၢ်ယရူၤၡလ့ၣ် အဂီၢ်သ့ၣ်ဧၢ,
ကိးပသူထီၣ် လၢကလုၢ်ဖးဒိၣ်တက့ၢ်.
ကိးပသူထီၣ် ဒီးတဘၣ်ပျံၤတၢ်တဂ့ၤ.
ဒုးသ့ၣ်ညါ ယူဒၤအဝ့ၢ်တဖၣ်လၢ “သုကစၢ်ယွၤ အိၣ်ဒီးသု” တက့ၢ်.+
တၢ်အဘူးအလဲလၢ အကဟ့ၣ်လီၤဝဲန့ၣ် အိၣ်ဒီးအီၤ
ဒီးအဝဲအိၣ်ကတဲာ်ကတီၤပာ်စၢၤအသးလၢ ကဟ့ၣ်လီၤခိၣ်ဖးလီၤ.+
၁၁ အဝဲကကွၢ်ထွဲ အသိတဖၣ် ဒ်ပှၤကွၢ်သိတဂၤ အသိးလီၤ.+
အဝဲကပာ်ဖှိၣ်ထီၣ် အသိဖိတဖၣ် တပူၤဃီ*
ဒီးကစိာ် အသိဖိတဖၣ်လၢ အသးနါပှၢ်အလိၤလီၤ.
သိဖိလၢ အအိၣ်ဒီး အဖိဆံးတဖၣ်န့ၣ် အကဆှၢဝဲ ကယီကယီလီၤ.+
၁၂ မတဂၤ ထိၣ်ပီၣ်လဲၣ်ထံ ခဲလၢာ်လၢ အစုညါသး အပူၤလဲၣ်.+
မတဂၤ ထိၣ်မူခိၣ်လၢ အစုထါ တထါလဲၣ်.*
ဒီးမတဂၤ ပာ်ဖှိၣ်ထီၣ် ဟီၣ်ခိၣ်ဒီဘ့ၣ်အကမူၣ် လၢလီခီဖျၢၣ်တဖျၢၣ်အပူၤ+
ဒ်သိး ကထိၣ်အီၤအဂီၢ်
ဒီးစီၤဝဲ ကစၢၢ်တဖၣ် ဒီးတၢ်လူၢ်တဖၣ်လၢ စီၤပီၢ်ပူၤန့ၣ်လဲၣ်.
၁၃ တၢ်လၢ ယဟိဝၤယွၤ အသးစီဆှံန့ၣ် မတဂၤထိၣ်အီၤ* ကသ့လဲၣ်.
ဒီးမတဂၤကဲထီၣ် အပှၤလၢအဟံးစုနဲၣ်ကျဲအီၤ ဒီးဟ့ၣ်ကူၣ်ဟ့ၣ်ဖးအီၤ သ့လဲၣ်.+
၁၄ ဒ်သိး အဝဲကမၤန့ၢ်အါထီၣ် တၢ်နၢ်ပၢၢ်အဂီၢ် အဝဲတၢၣ်ပီၣ်ဒီး မတဂၤလဲၣ်.
မ့ၢ်မတဂၤ သိၣ်လိအီၤ တၢ်စံၣ်ညီၣ် အကျဲလဲၣ်.
မ့ၢ်မတဂၤ သိၣ်လိအီၤ တၢ်သ့ၣ်ညါလဲၣ်.
ဒီးမ့ၢ်မတဂၤ ဒုးနဲၣ်အီၤလၢ တၢ်နၢ်ပၢၢ်နီၢ်ကီၢ်အကျဲ ကသ့လဲၣ်.+
၁၅ ပှၤကလုာ်တဖၣ်န့ၣ် လီၤဂာ်ဒ်သိးဒီး ထံတလီၤစီၤလၢ ထံစဲၤပူၤ
ဒီးအဝဲသ့ၣ် လီၤဂာ်ဒ်သိးဒီး တၢ်ကမူၣ်လၢ စီၤပီၢ်ပူၤလီၤ.+
ကွၢ်မီၤ, အဝဲစိာ်ထီၣ် ကီးတဖၣ် ဒ်သိးဒီးတၢ်ကမူၣ်လီၤ.
၁၆ လဘၤနိၣ် အသ့ၣ်ထူၣ်တဖၣ် ဒၣ်လဲာ် တယၢလၢ မ့ၣ်အူကဆဲးကဲၤ အဂီၢ်ဘၣ်.
ဒီးအဆၣ်ဖိကီၢ်ဖိအမံၤတဖၣ်န့ၣ် တယၢလၢ တၢ်လုၢ်ဒွဲၣ်အူ အဂီၢ်ဘၣ်.
၁၇ လၢအမဲာ်ညါန့ၣ် ပှၤကလုာ်တဖၣ် လီၤဂာ်ဒ် တၢ်လၢအတအိၣ် နီၢ်ကီၢ်ဘၣ်.+
ဒီးအပာ်အဝဲသ့ၣ်ဒ် တၢ်လၢအလုၢ်အပှ့ၤတအိၣ်ဘၣ် လၢအတမ့ၢ်တၢ်နီတမံၤဘၣ်.+
၁၈ သုထိၣ်သတြီၤ ပှၤဂၤဒီးကစၢ်ယွၤ ကသ့ဧါ.+
သုတဲလၢ ကစၢ်ယွၤ လီၤဂာ်ဒီး တၢ်တမံၤမံၤ ကသ့ဧါ.+
၁၉ ပှၤစုသ့ဖိ တ့ထီၣ်ဝဲ တၢ်ဂီၤတၢ်ဖှီၣ်တခါ,
ပှၤပိာ်ထးဖိ ကျးဝဲတၢ်ဂီၤတၢ်ဖှီၣ် တခါန့ၣ် လၢထူ+
ဒီးအဝဲပိာ်ဝဲ ပျံၤထးစ့ညၣ်တဖၣ်လီၤ.
၂၀ ပှၤတဂၤ ဃုထၢဝဲ သ့ၣ်လၢ+
အတအုၣ်တကျၣ်ဘၣ် တထူၣ်လၢ တၢ်မၤဘူၣ်အဂီၢ်လီၤ.
အဝဲဃုကွၢ် ပှၤစုသ့ဖိလၢအဖၠဲး လၢအမၤတၢ်သ့ဂ့ၤဂ့ၤတဂၤ
ဒ်သိး ကတ့ထီၣ် တၢ်ဂီၤစိးပျၤတခါလၢ အလီၤကူၢ်တန့ၢ်ဘၣ်လီၤ.+
၂၁ သုတသ့ၣ်ညါဧီၤ.
သုတနၢ်ဟူဘၣ်ဧီၤ.
လၢအခီၣ်ထံးလံၤလံၤန့ၣ် ပှၤတတဲဘၣ်သုဧီၤ.
တၢ်အုၣ်အသးလၢ အအိၣ်ပာ်စၢၤစးထီၣ်လၢ ဟီၣ်ခိၣ်ကဲထီၣ်လံၤလံၤန့ၣ် သုတနၢ်ပၢၢ်ဧီၤ.+
၂၂ ပှၤလၢအအိၣ်ဝဲဆိးဝဲလၢ ဟီၣ်ခိၣ်ဖျၢၣ်အံၤ* အဖီခိၣ်န့ၣ် အိၣ်ဝဲတဂၤလီၤ.+
ဒီးလၢအတၢ်ထံၣ်န့ၣ် ပှၤလၢ အအိၣ်လၢ ဟီၣ်ခိၣ်န့ၣ် လီၤဂာ်ဒ်သိးဒီး ဒွဲၣ်တဖၣ်လီၤ.
အဝဲထုးသလၣ်ထီၣ် မူခိၣ် ဒ်တၢ်ကံးညာ် ဘူဘူဖိတဘ့ၣ်အသိး
ဒီးအသလၣ်ထီၣ်ဝဲ ဒ်ဒဲလၢပှၤအိၣ်ဝဲဆိးဝဲ လၢအပူၤ အသိးလီၤ.+
၂၃ အဝဲသုးကွံာ် ပဒိၣ်လၢအပတီၢ်ထီတဖၣ် အလီၢ်အလၤ
ဒီးစံၣ်ညီၣ်ကွီၢ်တဖၣ်လၢ* ဟီၣ်ခိၣ်ချၢန့ၣ် အဝဲဒုးကဲထီၣ်ဝဲလၢ တၢ်လၢအဘျုးတအိၣ်ဘၣ်လီၤ.
၂၄ အဝဲသ့ၣ် လီၤဂာ်ဒ် တၢ်မုၢ်တၢ်ဘိလၢ ပှၤတသူၣ်လီၤအီၤ မူာ်နီၢ်ဒံးဘၣ်,
အဂံၢ် တစဲၤလီၤသးမူာ်နီၢ်ဒံးဘၣ်
ဒီးပှၤတဖှံလီၤအီၤ မူာ်မူာ်နီၢ်နီၢ်ဒံးဘၣ် အသိးလီၤ.
ကလံၤအူဘၣ် အဝဲသ့ၣ် ဒီးအဝဲသ့ၣ် ဃ့ထီကွံာ်ဝဲ
ဒီးအဝဲသ့ၣ် ဒံကွံာ်ဝဲလၢ ကလံၤကျါ ဒ်လီၢ်ဘိ အသိးလီၤ.+
၂၅ တၢ်စီဆှံတဂၤ တဲဝဲလၢ “သုထိၣ်သတြီၤယၤဒီး မတဂၤကသ့လဲၣ်. ပှၤလၢအဒိၣ်ထဲသိးဒီးယၤ အိၣ်တဂၤဂၤဧါ.”
၂၆ “ကျ့ၣ်ထီၣ်သုမဲာ်လၢ မူခိၣ် ဒီးကွၢ်တက့ၢ်.
မတဂၤတ့လီၤ ဆၣ်တဖၣ်အံၤလဲၣ်.+
မ့ၢ်ဝဲ ပှၤတဂၤလၢ အဆှၢထီၣ် ဆၣ်တဖၣ်အံၤ ဒ်သုးမုၢ်တဖုအသိး
ဒီးအဝဲဂံၢ်ဝဲ ဆၣ်တဖၣ် ဒီးကိးဝဲလၢ အမံၤ ကိးဖျၢၣ်ဒဲးလီၤ.+
မ့ၢ်လၢ အဝဲအိၣ်ဒီး တၢ်ဂံၢ်တၢ်ဘါ အါအါဂီၢ်ဂီၢ် ဒီးတၢ်စိတၢ်ကမီၤ ဒိၣ်ဒိၣ်မုၢ်မုၢ်အဃိ+
ဆၣ်တဖၣ် တလီၤမၢ်နီတဖျၢၣ်ဘၣ်.
၂၇ အိ စီၤယၤကိာ် အစၢၤအသွဲၣ်သ့ၣ်ဧၢ, အိ ပှၤအံၣ်စရ့လးဖိသ့ၣ်ဧၢ, ဘၣ်မနုၤအဃိ သုတဲလၢ
‘ယဟိဝၤယွၤ တထံၣ်ပတၢ်အိၣ်မူ အတၢ်ကီတၢ်ခဲတဖၣ်ဘၣ်
ဒီးကစၢ်ယွၤ တစံၣ်ညီၣ်န့ၢ်တၢ်လၢပဂီၢ်ဘၣ်’ န့ၣ်လဲၣ်.+
၂၈ သုတသ့ၣ်ညါဧီၤ. သုတနၢ်ဟူဘၣ်ဧီၤ.
ယဟိဝၤယွၤ လၢအမ့ၢ် တၢ်ဘၣ်တ့ကစၢ်လၢ အတ့လီၤတၢ်အိၣ်လၢ ဟီၣ်ခိၣ်ခဲလၢာ်န့ၣ် အမ့ၢ်ကစၢ်ယွၤ အထူအယိာ်လီၤ.+
အဝဲတလီၤဘှံး ဒီးအဂံၢ်ဘါ တလီၤစၢ် နီတဘျီဘၣ်.+
အတၢ်သ့ၣ်ညါနၢ်ပၢၢ်န့ၣ် ပှၤနၢ်ပၢၢ်တသ့ နီတဂၤဘၣ်.+
၂၉ ပှၤလၢအလီၤဘှံးန့ၣ် ကစၢ်ယွၤ ဟ့ၣ်လီၤဝဲ တၢ်ဂံၢ်တၢ်ဘါ
ဒီးပှၤလၢအဂံၢ်တအိၣ်ဘၣ်န့ၣ် အဝဲဟ့ၣ်လီၤဝဲ ဂံၢ်ဘါ ပှဲၤပှဲၤလီၤ.*+
၃၀ ဖိသၣ်ပိာ်ခွါတဖၣ် ကလီၤဘှံး ဒီးအဂံၢ်အဘါ ကလီၤစၢ်
ဒီးပိာ်ခွါသးစၢ်တဖၣ် အခီၣ်ကဘၣ်တိၢ် ဒီးလီၤဃံၢ်လီၤ.
၃၁ မ့မ့ၢ် ပှၤလၢ အမုၢ်လၢ်တၢ်လၢ ယဟိဝၤယွၤန့ၣ် ကဒိးန့ၢ်ဘၣ်က့ၤ တၢ်ဂံၢ်တၢ်ဘါလီၤ.
အဝဲသ့ၣ် ကယူၤထီၣ်ဖးထီ လီၤဂာ်ဒ်သိးဒီး အအိၣ်ဒီး လံာ်ကြီကြာ်အဒံးလီၤ.+
အဝဲသ့ၣ် ကဃ့ၢ် ဒီးအဂံၢ်အဘါ တလီၤစၢ်ဘၣ်.
အဝဲသ့ၣ် ကဟး ဒီးအတလီၤဘှံးဘၣ်.”+
၄၁ “ကီးတဖၣ်ဧၢ, အိၣ်ဘှ့ၣ်ဒီး ဒိကနၣ်ယၤတက့ၢ်.
သုဝဲ ပှၤကလုာ်တဖၣ်ဧၢ, မၤဆူၣ်ထီၣ်က့ၤ သုဂံၢ်သုဘါသၢၤ.
ဟဲလၢယအိၣ် ဒီးတဲတၢ်သၢၤ.+
ပကသဂၢၢ်လိာ်သး ဒီးယက စံၣ်ညီၣ်သုလီၤ.
၂ ပှၤလၢ အထိၣ်ဟူးထိၣ်ဂဲၤထီၣ် ပှၤတဂၤလၢ မုၢ်ထီၣ်တခီန့ၣ် မ့ၢ်မတဂၤလဲၣ်.+
လၢတၢ်တီတၢ်လိၤအပူၤန့ၣ် အဝဲကိးန့ၢ်အီၤလၢ အခီၣ်ထံး
ဒ်သိး အကဟ့ၣ်လီၤ ပှၤကလုာ်တဖၣ် လၢအစုပူၤ
ဒီးဟ့ၣ်အီၤ တၢ်မၤနၢၤ လၢစီၤပၤတဖၣ် အဖီခိၣ် အဂီၢ်လီၤ.+
အဝဲ ကမၤလီၤပြံလီၤပြါ ပှၤတဖၣ်န့ၣ် ဒ်ဟီၣ်ခိၣ်ကမူၣ်အသိး လၢပှၤတဂၤအံၤ အနးတဘ့ၣ်အဃိ
ဒီးလၢပှၤတဂၤအံၤ အချံၣ်အဃိန့ၣ် ပှၤတဖၣ်န့ၣ် ကဒံကွံာ် ဒ်လီၢ်ဘိ လၢကလံၤအူဘၣ်အီၤ အသိးလီၤ.
၃ အဝဲလူၤ အဝဲသ့ၣ် ဒီးလဲၤခီဂာ်ဘၣ်တၢ် ဂ့ၤဂ့ၤဘၣ်ဘၣ်
လၢကျဲတဖၣ်လၢ အတလဲၤဘၣ်ဝဲ နီတဘျီဒံးဘၣ်လီၤ.
၄ အဝဲအံၤ မ့ၢ်မတဂၤ အတၢ်မၤလဲၣ်. ဒီးမတဂၤ မၤဝဲဒ်န့ၣ်လဲၣ်.
လၢအခီၣ်ထံးန့ၣ် မတဂၤ ကိးထီၣ် ပှၤတစိၤဘၣ်တစိၤလဲၣ်.
ယၤ, ယဟိဝၤယွၤလီၤ. ယမ့ၢ် ပှၤအဆိကတၢၢ်တဂၤ+
ဒီးဖဲပှၤလၢ အလီၢ်ခံကတၢၢ်တဖၣ် ဟဲအိၣ်ထီၣ်အခါ ယကမ့ၢ် ပှၤဒ်အလီၢ်လီၢ်လီၤ.”+
၅ ပှၤအိၣ်လၢကီးတဖၣ် ထံၣ်ဘၣ်ဝဲတၢ်လၢအမၤအသး ဒီးပျံၤတၢ်လီၤ.
ပှၤအိၣ်လၢ ဟီၣ်ခိၣ်အနၢၣ်ကတၢၢ်တဖၣ် ကနိးကစုာ်ဝဲလီၤ.
အဝဲသ့ၣ် ဟဲပာ်ဖှိၣ်ထီၣ်အသးလီၤ.
၆ ပှၤမၤစၢၤလိာ်သး တဂၤဒီးတဂၤ
ဒီးတဲလိာ်သး တဂၤဒီးတဂၤလၢ “ပာ်ဆူၣ်သးသၢၤ.”
၇ အဃိ ပှၤစုသ့ဖိ ဟ့ၣ်ဂံၢ်ဟ့ၣ်ဘါဝဲ ပှၤပိာ်ထးဖိတဂၤ,+
ပှၤလၢအတီၢ်ဘျ့ထီၣ် ထးလၢတူၤန့ၣ် ဟ့ၣ်ဂံၢ်ဟ့ၣ်ဘါဝဲ
ပှၤလၢအဒိလီၤတၢ်လၢ ထးအခူ အဖီခိၣ်တဂၤ
ဒီးဘၣ်ဃးဒီးပှာ်* န့ၣ်အဝဲတဲဝဲလၢ “ဂ့ၤလီၤမၢၤ.”
လၢခံကတၢၢ်န့ၣ် ပှၤတီၢ်တံၢ် တၢ်ဂီၤတၢ်ဖှီၣ်တခါအံၤလၢ ထးပနဲာ်တဖၣ်ကျၢၤကျၢၤ ဒ်သိး အသုတလီၤကူၢ်တဂ့ၤ အဂီၢ်လီၤ.
၈ “ပှၤအံၣ်စရ့လးဖိသ့ၣ်ဧၢ, မ့မ့ၢ်သုဝဲန့ၣ် သုမ့ၢ်ယခ့ယပှၤလီၤ.+
သုဝဲ စီၤယၤကိာ် အစၢၤအသွဲၣ် တဖၣ်ဧၢ, သုမ့ၢ်ပှၤလၢ ယဃုထၢတ့ၢ်အီၤ+
၉ ယကိးထီၣ်သုလၢ ဟီၣ်ခိၣ်အနၢၣ် အကတၢၢ်တဖၣ်,+
ယကိးထီၣ်သုလၢ တၢ်လီၢ်လၢ အယံၤကတၢၢ်တဖၣ်
ဒီးယတဲသုလၢ ‘သုမ့ၢ် ယခ့ ယပှၤလီၤ.+
ယဃုထၢသု ဒီးယတပာ်တ့ၢ် သုဘၣ်.+
၁၀ ယအိၣ်ဒီးသုအဃိ တဘၣ်ပျံၤတၢ်တဂ့ၤ.+
ယမ့ၢ်သုကစၢ်ယွၤအဃိ တဘၣ်သူၣ်ကိၢ်သးဂီၤတၢ်တဂ့ၤ.+
ယကမၤဆူၣ်ထီၣ် သုဂံၢ်သုဘါ ဒီးယကမၤစၢၤသု သပှၢ်တၢၢ်လီၤ.+
ယကဖီၣ်ဃာ်သုဒီး ယစုထွဲလၢ အတီအလိၤ ကျၢၤကျၢၤလီၤ.’
၁၁ ပှၤလၢ အသးပှံၢ်ထီၣ်သုန့ၣ် ကထံၣ်ဘၣ် တၢ်မဲာ်ဆှး ဒီးအသူးသ့ၣ်လၤကပီၤ ကဟးဂီၤကွံာ် ကိးဂၤဒဲးလီၤ.+
ပှၤလၢအဒုးတၢ်ဒီးသုန့ၣ် ကဘၣ်တၢ်မၤဟးဂီၤကွံာ် အဝဲသ့ၣ် ဒီးအဝဲသ့ၣ် ကသံလီၤ.+
၁၂ ပှၤလၢအအ့ၣ်လိာ်သးဒီးသုန့ၣ် သုကဃုအီၤ ဘၣ်ဆၣ် သုတထံၣ်အီၤလၢၤဘၣ်.
ပှၤလၢအဒုးတၢ်ဒီးသုန့ၣ် ကကဲထီၣ် တၢ်လၢအလုၢ်အပှ့ၤတအိၣ်ဘၣ် လၢအတမ့ၢ် တၢ်နီတမံၤ ဘၣ်လီၤ.+
၁၃ ယၤ, သုကစၢ် ယဟိဝၤယွၤအံၤ ကဖီၣ်ဃာ် သုစုထွဲလီၤ.
ဒီးယမ့ၢ်ပှၤတဂၤလၢ အတဲသုလၢ ‘တဘၣ်ပျံၤတၢ်တဂ့ၤ. ယကမၤစၢၤသုလီၤ.’+
၁၄ စီၤယၤကိာ် အစၢၤအသွဲၣ်တဖၣ် လၢအလီၤဂာ်ဒီး ထိးကလဲာ်ဧၢ,* ပျံၤတၢ်တဂ့ၤ.+
အံၣ်စရ့လး အပှၤဂီၢ်မုၢ်သ့ၣ်ဧၢ, ယကမၤစၢၤသုလီၤ.” အံၣ်စရ့လး အကစၢ်ယွၤ လၢအစီဆှံ လၢအမ့ၢ် ယဟိဝၤယွၤ လၢအပှ့ၤက့ၤသုန့ၣ် တဲဝဲဒ်န့ၣ်လီၤ.+
၁၅ “ယဒုးကဲထီၣ်သု ဒ်သိးဒီး နီၣ်ယီၢ်ဘု+
လၢအမ့ၢ် တၢ်ပီးတၢ်လီ အသီတခါလၢ အကနၣ်အ့ၣ်ခံကပၤလၢာ် လၢပှၤကမၤဘုအဂီၢ်လီၤ.
သုကယီၢ်တံၢ်လီၤ ကစၢၢ်တဖၣ် ဒီးမၤသဘှံးအီၤ
ဒီးမၤကဲထီၣ် တၢ်လူၢ်တဖၣ် လၢဖ့လီၤ.
၁၆ သုကကွံာ်ထီၣ် အဝဲသ့ၣ်လၢ ကလံၤကျါ,
ကလံၤကအူဒံကွံာ် အဝဲသ့ၣ်
ဒီးကလံၤမုၢ်ဖးဒိၣ် ကမၤလီၤပြံ လီၤပြါ အဝဲသ့ၣ်လီၤ.
သုကသူၣ်ဖှံသးညီလၢ ယၤ, ယဟိဝၤယွၤအပူၤ+
ဒီးသုကပာ်ကဖၢလၢသုသးလၢ ယၤ, အံၣ်စရ့လး အကစၢ်ယွၤလၢ အစီဆှံတဂၤ အပူၤလီၤ.”+
၁၇ “ပှၤလၢအလိၣ်ဘၣ် တၢ်မၤစၢၤ ဒီးပှၤဖှီၣ်ဖိယာ်ဖိတဖၣ် ဟးဃုအီထံ ဘၣ်ဆၣ် ထံတအိၣ်ဘၣ်.
အဝဲသ့ၣ် လီၤဘဲအီထံအဃိ အပျ့ၤဃ့ထီဝဲလီၤ.+
ယၤ, ယဟိဝၤယွၤအံၤ ကမၤစၢၤ အဝဲသ့ၣ်လီၤ.+
ယၤ, အံၣ်စရ့လး အကစၢ်ယွၤအံၤ တပာ်တ့ၢ်ကွံာ် အဝဲသ့ၣ်ဘၣ်.+
၁၈ လၢတၢ်လူၢ်တဖၣ်လၢ အဃ့ထီအလိၤန့ၣ် ယကဒုးယွၤလီၤ ထံကျိတဖၣ်+
ဒီးလၢတၢ်တြီၤတဖၣ် အပူၤန့ၣ် ယကဒုးယွၤလီၤ ထံထီၣ်ပၢၢ် တဖၣ်လီၤ.+
ပှၢ်မုၢ်ကနၢန့ၣ် ယကဒုးကဲထီၣ်က့ၤလၢနိၣ်*
ဒီးတၢ်လီၢ်လၢ ထံတအိၣ်ဘၣ်န့ၣ် ယကဒုးကဲထီၣ်က့ၤလၢ ထံထီၣ်ပၢၢ်တဖၣ်လီၤ.+
၁၉ လၢမဲးမုၢ်ခိၣ်န့ၣ် ယကသူၣ်လီၤ သ့ၣ်ဆှိအ့ရ့း,
သ့ၣ်ဖှ့ၡံးတၤ, သ့ၣ်သမ့ၤဟဒး ဒီးသ့ၣ်ဆှိလီၤ.+
လၢမဲးမုၢ်ပျီန့ၣ် ယကသူၣ်လီၤ သ့ၣ်ကၠူနံးဖၢၤ
ဃုာ်ဒီး သ့ၣ်သ့ထိးအီၣ် ဒီးသ့ၣ်ဆှိတအၤၡူၢ်လီၤ.+
၂၀ အဃိ ပှၤခဲလၢာ် ကထံၣ်ဘၣ်, ကသ့ၣ်ညါဘၣ်,
ကပာ်သူၣ်ပာ်သး ဒီးနၢ်ပၢၢ်ဝဲလၢ
ယၤ, ယဟိဝၤယွၤအံၤ မၤတ့ၢ် တၢ်သ့ၣ်တဖၣ်န့ၣ်
ဒီးယၤ, အံၣ်စရ့လး အကစၢ်ယွၤလၢ အစီဆှံတဂၤန့ၣ် ဒုးကဲထီၣ် တၢ်အိၣ်သးတဖၣ်အံၤလီၤ.”+
၂၁ ယဟိဝၤယွၤ တဲဝဲလၢ “တီၣ်ဖျါထီၣ် သုတၢ်ဂ့ၢ်သၢၤ.”
စီၤယၤကိာ် အစီၤပၤ တဲဝဲလၢ “ပာ်ဖျါထီၣ် သုတၢ်ဂ့ၢ်လိာ် ဘှီလိာ်သၢၤ.”
၂၂ “ပာ်ဖျါထီၣ် တၢ်အုၣ်သး ဒီးတဲပှၤ တၢ်လၢ အကမၤအသးလၢ ခါဆူညါသၢၤ.
တဲဘၣ်ပှၤ တၢ်လၢ အမၤအသး လၢအပူၤကွံာ်တဖၣ်အဂ့ၢ်
ဒ်သိး ပကဆိကမိၣ်ထံ တၢ်ဂ့ၢ်တဖၣ်န့ၣ် ဒီးသ့ၣ်ညါတၢ်လၢ အကဟဲကဲထီၣ်အသး အဂီၢ်သၢၤ.
မ့တမ့ၢ်ဘၣ်န့ၣ် တဲဘၣ်ပှၤတၢ်လၢ အကဟဲကဲထီၣ်အသး လၢခံသၢၤ.+
၂၃ ဒ်သိး ပကသ့ၣ်ညါလၢ သုမ့ၢ် ယွၤတဖၣ်အဂီၢ်
တဲဘၣ်ပှၤ တၢ်လၢ အကမၤအသးလၢ ခါဆူညါသၢၤ.+
တၢ်အဂ့ၤမ့ၢ်ဂ့ၤ အအၢမ့ၢ်ဂ့ၤ မၤအီၤတမံၤမံၤ
ဒ်သိး ပကထံၣ်ဘၣ်အီၤ ဒီးပကကမၢကမၣ် အဂီၢ်တက့ၢ်.+
၂၄ သုမ့ၢ်တၢ်လၢ အလုၢ်အပှ့ၤ တအိၣ်ဘၣ်
ဒီးတၢ်လၢသုမၤ ကဲထီၣ်လိၣ်ထီၣ်အီၤန့ၣ် တမ့ၢ်တၢ်နီတမံၤဘၣ်.+
ပှၤတဂၤဂ့ၤ တဂၤဂ့ၤ လၢအဘူၣ်ထီၣ်ဘါထီၣ်သုန့ၣ် လီၤသး ဘၣ်အၢလီၤ.+
၂၅ ယကထိၣ်ဟူးထိၣ်ဂဲၤထီၣ် ပှၤတဂၤလၢ ကလံၤစိးတခီ ဒီးအဝဲ ကဟဲလီၤ.+
အဝဲမ့ၢ် ပှၤတဂၤလၢ အအိၣ်ဟဲလၢ မုၢ်ထီၣ်တခီ+ ဒီးအဝဲကကိးထီၣ် ယမံၤလီၤ.
အဝဲကယီၢ်လီၤ ပှၤပၢတၢ်တဖၣ် ဒ်ကပံာ်အသိး,+
ဒ်ပှၤတ့သပၢၤဖိ ယီၢ်ဝဲဟီၣ်ခိၣ်ကပံာ် အသိးလီၤ.
၂၆ ဒ်သိး သုကသ့ၣ်ညါဘၣ် တၢ်ဂ့ၢ်တခါအံၤအဂီၢ် လၢသုကျါန့ၣ် မတဂၤ တဲဆိပာ်စၢၤဝဲ လၢအခီၣ်ထံးလဲၣ်.
ဒ်သိး သုတဲလၢ ‘ပှၤတဂၤအံၤ တဲတၢ်ဘၣ်’+ ကသ့အဂီၢ် မ့ၢ်ပှၤတဲပာ်စၢၤ တၢ်ဂ့ၢ်တခါအံၤ လၢညါလံၤလံၤန့ၣ် အိၣ်တဂၤဂၤဧါ.
နီၢ်ကီၢ်န့ၣ် ပှၤတဘိးဘၣ်သ့ၣ်ညါ တၢ်ဂ့ၢ်အံၤ နီတဂၤဘၣ်.
ပှၤတတဲဖျါထီၣ်ဝဲ နီတဂၤဘၣ်.
ပှၤတနၢ်ဟူဘၣ် တၢ်ဂ့ၢ်လၢ သုအိၣ်နီတမံၤဘၣ်.”+
၂၇ ယမ့ၢ် ပှၤအဆိကတၢၢ်တဂၤလၢ အတဲစံယိၣ်လၢ “ကွၢ်တၢ်လၢ အကမၤအသးတက့ၢ်.”+
ဒီးယကဆှၢလီၤ ပှၤစိာ် တၢ်သးခုကစီၣ်တဂၤလၢ ဝ့ၢ်ယရူၤၡလ့ၣ် အပူၤလီၤ.+
၂၈ မ့မ့ၢ် တၢ်ဂီၤတၢ်ဖှီၣ်တဖၣ်အံၤန့ၣ် ဟ့ၣ်ကူၣ်တၢ် တသ့ဘၣ်.
ယဆဲးကွၢ်တၢ် ဒီးအတဲဆိပာ်စၢၤတၢ် တသ့ဘၣ်.
ယမၢအဝဲသ့ၣ် တဲဆၢတၢ် သနာ်က့ အဝဲသ့ၣ် တတဲဆၢတၢ် နီတဂၤဘၣ်.
၂၉ တၢ်ဂီၤတၢ်ဖှီၣ်တဖၣ်န့ၣ် အခီပညီ တအိၣ်ဘၣ်.
ဒီးပှၤတဖၣ်န့ၣ် အတၢ်မၤန့ၣ် အဘျုးတအိၣ် နီတမံၤဘၣ်.
အဝဲသ့ၣ် အတၢ်ဂီၤတၢ်ဖှီၣ်တဖၣ်အံၤ မ့ၢ်ဝဲ တၢ်ကလီကလီ ဒီးအဘျုးတအိၣ်ဘၣ်.+
၃ တပိၢ်တဘိလၢ အသဘှံးန့ၣ် အဝဲ တမၤတဲာ်ကွံာ်ဝဲဘၣ်
ဒီးမ့ၣ်အူဒၢအပှံာ်လၢ အကဲၤဒံး ထဲတစဲးဖိန့ၣ် အဝဲ တမၤလီၤပံာ် ဝဲဘၣ်.+
လၢတၢ်သးတီအပူၤန့ၣ် အဝဲကဒုးအိၣ်ထီၣ် တၢ်စံၣ်ညီၣ်တီလီၤ.+
၄ အတလီၤဘှံးဘၣ် ဒီးအသးတလီၤစၢ်ဘၣ် တုၤလၢ အဒုးအိၣ်ထီၣ် တၢ်စံၣ်ညီၣ်တီလၢ ဟီၣ်ခိၣ်ချၢ တစုလီၤ.+
ကီးတဖၣ် အိၣ်ခိးကွၢ်လၢ် အတၢ်သိၣ်တၢ်သီလီၤ.*
၅ ယဟိဝၤယွၤ မ့ၢ်ယွၤလၢ အမ့ၢ်အတီတဂၤ ဒီးပှၤလၢ အတ့လီၤမူခိၣ်လီၤ.
အဝဲမ့ၢ် ကစၢ်ယွၤဖးဒိၣ်တဂၤလၢ အသလၣ်ထီၣ်မူခိၣ်,+
အဝဲတ့လီၤ* ဟီၣ်ခိၣ် ဒီးတၢ်လၢ အမဲထီၣ်သၣ်ထီၣ်လၢ အပူၤ ခဲလၢာ်လီၤ.+
အဝဲဒုးကသါ ပှၤအိၣ်လၢ ဟီၣ်ခိၣ်ချၢ+
ဒီးဟ့ၣ်လီၤ တၢ်မူအသဟီၣ်လၢ ပှၤလၢအလဲၤတၢ်လၢ အပူၤလီၤ.+ အဝဲတဲဝဲလၢ
၆ “လၢတၢ်တီတၢ်လိၤအပူၤန့ၣ် ယၤ, ယဟိဝၤယွၤအံၤ ယကိးန့ၢ်နၤ ဒီးယဟံးဃာ်နစုလီၤ.
ယကဒီသဒၢနၤ ဒီးနကလီၤဂာ်ဒ်သိးဒီး တၢ်အၢၣ်လီၤအီလီၤတခါလၢ
ယၤဒီးပှၤဂီၢ်မုၢ်တဖၣ် အဘၢၣ်စၢၤ+
ဒီးဒ်သိးဒီး တၢ်ကပီၤလၢ ပှၤကလုာ်တဖၣ် အဂီၢ်လီၤ.+
၇ အဃိ ပှၤလၢ အမဲာ်တထံၣ်တၢ်ဘၣ်တဖၣ်န့ၣ် နကဒုးထံၣ်ထီၣ်က့ၤ အီၤတၢ်,+
နကဒုးဟးထီၣ် ပှၤဃိာ်ဖိ လၢဃိာ်အဒၢးခံးသူအပူၤ
ဒီးပှၤလၢအဆ့ၣ်နီၤလၢ တၢ်ခံးကျါန့ၣ် နကဒုးဟးထီၣ် အဝဲသ့ၣ်လၢ ဃိာ်ပူၤလီၤ.+
၈ ယမ့ၢ် ယဟိဝၤလီၤ. အဝဲန့ၣ် မ့ၢ်ဝဲ ယမံၤလီၤ.
တၢ်လၤကပီၤလၢ ယကြၢးဒိးန့ၢ်ဘၣ်န့ၣ် ယတပျဲလၢ ပှၤအဂၤ ကဒိးန့ၢ်ဘၣ်အီၤ နီတဂၤဘၣ်.
ဒီးတၢ်စံးထီၣ်ပတြၢၤ လၢယကြၢးဒိးန့ၢ်ဘၣ်အီၤန့ၣ် ယတပျဲလၢ တၢ်ဂီၤတၢ်ဖှီၣ်တဖၣ် ကဒိးန့ၢ်ဘၣ်ဘၣ်.+
၉ ကွၢ်မီၤ, တၢ်အခီၣ်ထံးတဖၣ်န့ၣ် ကဲထီၣ်တ့ၢ်အသးလံ
ခဲအံၤန့ၣ် ယတဲဖျါထီၣ် တၢ်အသီတဖၣ်လီၤ.
ဒီးတချုးလၢ တၢ်မၤအသး တဖၣ်အံၤ ဟဲကဲထီၣ်ဒံးဘၣ်န့ၣ် ယတဲဆိသုလီၤ.”+
၁၀ ပှၤလၢအလဲၤတၢ်လၢ ပီၣ်လဲၣ်ပူၤ ဒီးတၢ်လၢအအိၣ်လၢ ပီၣ်လဲၣ်ပူၤ ခဲလၢာ်သ့ၣ်ဧၢ,
ကီးတဖၣ် ဒီးပှၤလၢအအိၣ်လၢ အပူၤသ့ၣ်ဧၢ,+
သးဝံၣ်ထီၣ် ယဟိဝၤယွၤလၢ တၢ်သးဝံၣ်အသီတယုၢ်+
ဒီးသးဝံၣ်စံးထီၣ်ပတြၢၤအီၤ တုၤလၢဟီၣ်ခိၣ်အနၢၣ် အကတၢၢ်တဖၣ်တက့ၢ်.+
မ်ပှၤလၢ အအိၣ်လၢ လၢၢ်ဧိၤလ့ဧိၤ အကျါန့ၣ် ကိးပသူထီၣ်လၢ တၢ်သူၣ်ဖှံသးညီ အပူၤတက့ၢ်.
မ်အဝဲသ့ၣ် ကိးပသူထီၣ်လၢ ကစၢၢ်ဒီခိၣ်တက့ၢ်.
၁၂ မ်အဝဲသ့ၣ် မၤလၤကပီၤ ယဟိဝၤယွၤ
ဒီးလၢကီးတဖၣ်အပူၤဒၣ်လဲာ် မ်အဝဲသ့ၣ် စံးထီၣ်ပတြၢၤအီၤတက့ၢ်.+
၁၃ ယဟိဝၤယွၤ ကလဲၤတၢ်ဒ်သိးဒီး ပှၤဒူပှၤဃိၤတဂၤ,+
အဝဲကလီၤဂာ်ဒ်သိးဒီး ပှၤသုးဖိလၢ အသးဆူၣ်လၢ ကလဲၤဒုးတၢ် အဂီၢ်လီၤ.+
အဝဲကကိးပသူထီၣ် တၢ်ဒုး အတၢ်ကိးပသူ,
အဝဲကပာ်ဖျါထီၣ်လၢ အစိကမီၤဒိၣ်န့ၢ်ဒံး အဒုၣ်အဒါတဖၣ်လီၤ.+
၁၄ ကစၢ်ယွၤတဲဝဲလၢ “ယအိၣ်ဘှ့ၣ် ဖးယံာ်လံ.
ယပၢၤယသး ဒီးယအိၣ်ဘှီၣ်ကလာ် ယံာ်လံ.
ဘၣ်ဆၣ် ခဲအံၤန့ၣ် ဒ်ပိာ်မုၣ်တဂၤလၢ အဟုးဆါဒီး ကအိၣ်ဖျဲၣ်ထီၣ်အသိး
ယကကအု, ကသါဟီၤဟဲၤ ဒီးကသါအီခၣ် တဘျီဃီလီၤ.
၁၅ ယကမၤဟးဂီၤ ကစၢၢ် ဒီးတၢ်လူၢ်တဖၣ်
ဒီးမၤဃ့ထီ အတၢ်မုၢ်တၢ်ဘိ ခဲလၢာ်လီၤ.
၁၆ ယကဆှၢ ပှၤလၢ အမဲာ်တထံၣ်တၢ်ဘၣ်တဖၣ်လၢ ကျဲလၢ အဝဲသ့ၣ် တသ့ၣ်ညါဝဲဘၣ်+
ဒီးယကဒုးပိာ် အဝဲသ့ၣ် ကျဲဖိတဖၣ်လၢ အတသ့ၣ်ညါဝဲဘၣ်လီၤ.+
တၢ်ခံးလၢ အအိၣ်လၢ အဝဲသ့ၣ် အမဲာ်ညါန့ၣ် ယကဒုးကဲထီၣ်က့ၤအီၤလၢ တၢ်ကပီၤ+
ဒီးတၢ်လီၢ်လၢ အထီၣ်စိလီၤညၢၣ်န့ၣ် ယကဒုးကဲထီၣ်အီၤလၢ ဟီၣ်ခိၣ်လၢ အပၢၤလီၤ.+
ယကမၤန့ၢ်တၢ်လၢ အဝဲသ့ၣ်အဂီၢ်ဒ်န့ၣ် ဒီးယတပာ်တ့ၢ် အဝဲသ့ၣ်ဘၣ်.”
၁၇ ပှၤလၢအနာ်န့ၢ် တၢ်ဂီၤတၢ်ဖှီၣ်တဖၣ်
ဒီးပှၤလၢအတဲ တၢ်ဂီၤတၢ်ဖှီၣ်ထးတဖၣ်လၢ “သုမ့ၢ်ပယွၤ”+ န့ၣ်
အဝဲသ့ၣ် ကၡူကွံာ် ဒီးကဒိးန့ၢ်ဘၣ် တၢ်မဲာ်ဆှး သပှၢ်တၢၢ်လီၤ.
၁၈ သုဝဲလၢ အတနၢ်ဟူတၢ်ဘၣ်သ့ၣ်ဧၢ, ကနၣ်တက့ၢ်.
သုဝဲလၢ အမဲာ်တထံၣ်တၢ်ဘၣ်သ့ၣ်ဧၢ, ကွၢ်တၢ် လီၤတံၢ်လီၤဆဲးတက့ၢ်.+
၁၉ မတဂၤ အမဲာ်တထံၣ်တၢ်ဘၣ် ဒ်သိးဒီး ယခ့ယပှၤလဲၣ်.*
မတဂၤ တနၢ်ဟူတၢ်ဘၣ် ဒ်သိးဒီး ပှၤစိာ်တၢ်ကစီၣ်ဖိလၢ ယဆှၢလီၤ အီၤန့ၣ်လဲၣ်.
မတဂၤ အမဲာ်တထံၣ်တၢ်ဘၣ် နးထဲသိးဒီး ပှၤလၢအဒိးန့ၢ်ဘၣ် ခိၣ်ဖးလဲၣ်.
မတဂၤ အမဲာ်တထံၣ်တၢ်ဘၣ် နးထဲသိးဒီး ယဟိဝၤယွၤ အခ့အပှၤလဲၣ်.+
၂၀ သုထံၣ်တၢ်အါမံၤ ဘၣ်ဆၣ် သုတဆဲးကွၢ်တၢ်ဘၣ်.
သုနၢ်အိၣ် ဘၣ်ဆၣ် သုတကနၣ်တၢ်ဘၣ်.+
၂၁ လၢတၢ်သးခုအပူၤ ယဟိဝၤယွၤ ပာ်ဖျါထီၣ်လၢ အတၢ်သိၣ်တၢ်သီန့ၣ်* မ့ၢ်တၢ်လၢ အဒိၣ်ဝဲထီဝဲ ဒီးအိၣ်ဒီး အလၤကပီၤလီၤ.
ဒီးအဝဲမၤဝဲဒ်န့ၣ်န့ၣ် လၢအတၢ်တီ တၢ်လိၤ အဃိလီၤ.
၂၂ ဘၣ်ဆၣ် ပှၤဂီၢ်မုၢ်တဒူၣ်အံၤ ပှၤဂုာ်ဆူၣ်န့ၢ် အဝဲသ့ၣ်အတၢ် ဒီးတမျာ်အဝဲသ့ၣ်လံ.+
အဝဲသ့ၣ်ကိးဂၤဒဲး အိၣ်ကတာ်ထီလၢ တၢ်ပူၤတဖၣ် ဒီးတၢ်စၢဃာ်အဝဲသ့ၣ်လၢ ဃိာ်ပူၤလီၤ.+
ပှၤဂုာ်ဆူၣ်န့ၢ် အဝဲသ့ၣ်အတၢ် ဒီးပှၤလၢကမၤပူၤဖျဲး အဝဲသ့ၣ်န့ၣ် တအိၣ်နီတဂၤဘၣ်.+
ဒီးပှၤက့ၤဖီၣ်အဝဲသ့ၣ် ဒီးပှၤလၢအကတဲလၢ “က့ၤဆှၢက့ၤ အဝဲသ့ၣ်သၢၤ” န့ၣ်တအိၣ်နီတဂၤဘၣ်.
၂၃ လၢသုကျါန့ၣ် မတဂၤနၢ်ဟူ တၢ်ဂ့ၢ်တဖၣ်အံၤလဲၣ်.
မတဂၤ ကဒိကနၣ် ဒီးဟံးန့ၢ်တၢ်မၤလိ လၢခါဆူညါအဂီၢ်လဲၣ်.
၂၄ မတဂၤ ဟ့ၣ်လီၤကွံာ် စီၤယၤကိာ် အစၢၤအသွဲၣ်တဖၣ်လၢ ပှၤဂုာ်ဆူၣ်တၢ် အစုပူၤလဲၣ်.
ဒီးမတဂၤ ဟ့ၣ်လီၤကွံာ် ပှၤအံၣ်စရ့လးဖိလၢ တမျာ်တဖၣ် အစုပူၤလဲၣ်.
တမ့ၢ် ယဟိဝၤယွၤလၢ အမ့ၢ်ပှၤလၢ အဝဲသ့ၣ် မၤကမၣ်ဝဲ တဂၤန့ၣ်ဧီၤ.
၂၅ အဃိ အဝဲဆဲးလူလီၤ အတၢ်သးဒိၣ်
ဒီးတၢ်သးထီၣ်လၢ အဝဲသ့ၣ် အဖီခိၣ် ဒီးဒုးတူၢ်အဝဲသ့ၣ်လၢ တၢ်ဒုး အတၢ်မၤဆူၣ်မၤစိးလီၤ.+
တၢ်ဒုးအံၤ အိၣ်ဝးတရံးအဝဲသ့ၣ် ဒ်မ့ၣ်အူအသိး ဒီးအီၣ်ကွံာ် တၢ်ခဲလၢာ် ဘၣ်ဆၣ် အဝဲသ့ၣ် တန့ၢ်တၢ်မၤလိဒံးဘၣ်.+
ဒီးအဆဲးကဲၤကပျီၤထီၣ်ဘၣ် အဝဲသ့ၣ် သနာ်က့ အဝဲသ့ၣ် တတိၢ်နီၣ်ဝဲလၢ အသးပူၤဒံးဘၣ်.+
၄၃ စီၤယၤကိာ် အစၢၤအသွဲၣ် ပှၤအံၣ်စရ့လးဖိသ့ၣ်ဧၢ,+
ယဟိဝၤယွၤ လၢအမ့ၢ် ပှၤလၢအတ့လီၤသုန့ၣ် တဲဝဲလၢ
“ယပှ့ၤက့ၤသု အဃိ ပျံၤတၢ်တဂ့ၤ.+
ယကိးသုလၢ သုမံၤ
ဒီးသုမ့ၢ်ယတၢ်လီၤ.
ဖဲသုလဲၤခီဂာ် မ့ၣ်အူအခါ မ့ၣ်အူ တအီၣ်သုဘၣ်
ဒီးမ့ၣ်အူလၣ် တလဲးအီၣ်သုဘၣ်.
၃ ယမ့ၢ် သုကစၢ် ယဟိဝၤယွၤ လၢအမ့ၢ်
အံၣ်စရ့လး အကစၢ်ယွၤလၢ အစီဆှံတဂၤ ဒီးပှၤလၢ အအုၣ်က့ၤခီၣ်က့ၤသုလီၤ.
ယဟ့ၣ်လီၤ ပှၤအဲၤကူပတူးဖိ ဒ်တၢ်ပှ့ၤက့ၤ လၢသုဂီၢ်
ဒီးယဟ့ၣ်လီၤကွံာ် ပှၤအဲၤသံအီးပးဖိ ဒီးပှၤစဘၤဖိ ဒ်သိးကမၤပူၤဖျဲးသု အဂီၢ်လီၤ.
အဃိ ယကဟ့ၣ်လီၤကွံာ် ပှၤဂီၢ်မုၢ်တဖၣ်
ဒီးပှၤကလုာ်တဖၣ် ဒ်သိး ကမၤပူၤဖျဲး သုသးသမူအဂီၢ်လီၤ.
၅ ယအိၣ်ဒီးသုအဃိ တဘၣ်ပျံၤတၢ်တဂ့ၤ.+
၆ ယကတဲဘၣ် ကလံၤစိးလၢ ‘ပျၢ်လီၤကွံာ် အဝဲသ့ၣ်ဟီ.’+
ဒီးယကတဲဘၣ် ကလံၤထံးလၢ ‘တဘၣ်ဟံးဃာ် အဝဲသ့ၣ်လၢၤတဂ့ၤ.
ယဖိခွါလၢ အအိၣ်လၢ တၢ်လီၢ်ယံၤ ဒီးယဖိမုၣ်လၢ အအိၣ်လၢ ဟီၣ်ခိၣ်အနၢၣ် အကတၢၢ်တဖၣ်န့ၣ် ဒုးဟဲက့ၤ အဝဲသ့ၣ်တက့ၢ်.+
၇ ပှၤတဖၣ်န့ၣ် ဘၣ်တၢ်ကိးအီၤလၢ ယမံၤ ကိးဂၤဒဲးလီၤ.+
ဒီးယတ့လီၤ ဒီးယမၤကဲထီၣ် အဝဲသ့ၣ်လၢ+
ယနီၢ်ကစၢ် အလၤကပီၤ အဂီၢ်လီၤ.’
၈ ပှၤဂီၢ်မုၢ်လၢ အမဲာ်ချံအိၣ်ဘၣ်ဆၣ် တထံၣ်တၢ်ဘၣ်
ဒီးပှၤဂီၢ်မုၢ်လၢ အနၢ်အိၣ်ဘၣ်ဆၣ် တနၢ်ဟူတၢ်ဘၣ်န့ၣ် ဟဲကိးထီၣ် အဝဲသ့ၣ်တက့ၢ်.+
၉ မ်ပှၤကလုာ်ခဲလၢာ် ပာ်ဖှိၣ်ထီၣ်အသးလၢ တၢ်လီၢ်တပူၤဃီ
ဒီးမ်ပှၤဂီၢ်မုၢ်တဖၣ် အိၣ်ဖှိၣ်ရိဖှိၣ် ဒ်သိးသိးတက့ၢ်.+
လၢအဝဲသ့ၣ် အယွၤတဖၣ် အကျါန့ၣ် မတဂၤ တဲဆိဝဲ ခါဆူညါ အဂ့ၢ် ကသ့လဲၣ်.
ယွၤတဖၣ်အံၤ တဲပှၤ တၢ်အခီၣ်ထံးတဖၣ်* ကသ့ဧါ.+
မၢယွၤတဖၣ်အံၤ ကိးဃုာ်ဒီး အပှၤအုၣ်အသးတဖၣ် ဒ်သိး ကပာ်ဖျါထီၣ်လၢ အဝဲသ့ၣ် တဲတၢ်ဘၣ် အဂီၢ်သၢၤ.
မ့တမ့ၢ်ဘၣ်န့ၣ် မၢပှၤဂၤဒိကနၣ် ဒီးတဲလၢ ‘အမ့ၢ်တၢ်မ့ၢ်တၢ်တီ’ န့ၣ်သၢၤ.”+
၁၀ ယဟိဝၤယွၤ တဲဝဲလၢ “သုမ့ၢ် ယပှၤအုၣ်အသးတဖၣ်လီၤ.”+
“သုမ့ၢ် ယခ့ယပှၤလၢ ယဃုထၢထီၣ်အီၤ+
ဒ်သိး သုကသ့ၣ်ညါယၤ ဒီးစူၢ်က့ၤနာ်က့ၤယၤ*
ဒီးဒ်သိး သုကနၢ်ပၢၢ်လၢ ယမ့ၢ် ပှၤအလီၢ်လီၢ်တဂၤလီၤ.+
ယွၤလၢ အဟဲအိၣ်ထီၣ်လၢ ယမဲာ်ညါန့ၣ် တအိၣ်နီတဂၤဘၣ်
ဒီးယွၤအဂၤလၢ ကဟဲပၢၢ်ထီၣ်လၢ ယလီၢ်ခံစ့ၢ်ကီး တအိၣ်နီတဂၤဘၣ်.+
၁၁ ယၤအံၤ ယမ့ၢ် ယဟိဝၤလီၤ.+ ဒီးမ့တမ့ၢ် ယၤဘၣ်န့ၣ် ပှၤမၤပူၤဖျဲးတၢ် တအိၣ်နီတဂၤဘၣ်.”+
၁၂ ယဟိဝၤယွၤ တဲဝဲလၢ “ဖဲယွၤလၢအဂၤတဖၣ် တအိၣ်လၢ သုကျါဒံးဘၣ် အခါဒၣ်လဲာ်+
ယမ့ၢ်ပှၤတဂၤလၢ အတဲဖျါထီၣ်တၢ်, အုၣ်က့ၤခီၣ်က့ၤတၢ် ဒီးဒုးသ့ၣ်ညါတၢ်လီၤ.
အဃိ သုမ့ၢ်ယပှၤအုၣ်အသးတဖၣ် ဒီးယမ့ၢ် ကစၢ်ယွၤလီၤ.”+
၁၃ ယမ့ၢ် ပှၤအလီၢ်လီၢ်တဂၤ ထီဘိလီၤ.+
ဒီးပှၤပျ့ၢ်န့ၢ်တၢ်လၢ ယစုပူၤ တသ့နီတမံၤဘၣ်.+
ဖဲယမၤတၢ်အခါ မတဂၤတြီဝဲ ကသ့လဲၣ်.+
၁၄ ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤလၢ အစီဆှံတဂၤ+ လၢအပှ့ၤက့ၤသုန့ၣ်+ တဲဝဲလၢ
“လၢသုဂီၢ်န့ၣ် ယကဆှၢလီၤ သုးမုၢ်တဖုလၢ ဝ့ၢ်ဘၤဘူၤလိၣ် ဒီးမၤလီၤကူၢ်ကွံာ် တြဲၤအနီၣ်ဘိ ခဲလၢာ်လီၤ.+
ဒီးပှၤက့ၤစ့းဖိ လၢအအိၣ်လၢ အနီၢ်ကစၢ် ကဘီတဖၣ်အပူၤန့ၣ် ကကိးပသူထီၣ်လၢ တၢ်ကိၢ်တၢ်ဂီၤ အပူၤလီၤ.+
၁၅ ယမ့ၢ် ယဟိဝၤ, သုကစၢ်ယွၤလၢ အစီဆှံတဂၤ+ ဒီးယမ့ၢ် အံၣ်စရ့လး အတၢ်ဘၣ်တ့ကစၢ်+ ဒီးသု စီၤပၤလီၤ.”+
၁၇ အဝဲမ့ၢ်ပှၤလၢ အဒုးဟဲထီၣ် လ့ၣ်ကဟၣ်သုး, ကသ့ၣ်,+
သုးမုၢ်ဃုာ်ဒီး ပှၤဒူပှၤဃိၤတဖၣ်လီၤ. ဒီးအဝဲတဲဝဲလၢ
“ပှၤတဖၣ်အံၤ ကမံနီၤ ဒီးတဂဲၤဆၢထၢၣ်လၢၤဘၣ်.+
အဝဲသ့ၣ် ကဘၣ်တၢ်မၤပံာ်ကွံာ်အီၤ ဒ်မ့ၣ်အူဒၢ အပှံာ်လၢ အကဲၤဝဲ အသိးလီၤ.”
၁၈ “တဘၣ်သ့ၣ်နီၣ်ထီၣ်က့ၤ တၢ်မၤအသးလၢ အပူၤကွံာ်တဖၣ်တဂ့ၤ.
ဒီးတဘၣ်ဆိမိၣ်ထီၣ်က့ၤ တၢ်လၢ အပူၤကွံာ်တဖၣ်တဂ့ၤ.
၁၉ ယမၤတၢ်အသီတမံၤ+
ဒီးခဲအံၤန့ၣ် အကမၤအသးလီၤ.
သုတသ့ၣ်ညါဧီၤ.
၂၀ ဆၣ်ဖိကီၢ်ဖိအမံၤ လၢပျီပူၤ,
ထွံၣ်မံၤ ဒီးထိၣ်ကီၤလၤအူး ကမၤလၤကပီၤယၤလီၤ.
ယကကတဲာ်ကတီၤ ထံလၢ ပှၢ်မုၢ်ကနၢ
ဒီးထံကျိတဖၣ်လၢ မဲးမုၢ်ခိၣ်+
ဒ်သိး ယပှၤဂီၢ်မုၢ်လၢ ယဃုထၢအီၤ+ ကအီဘၣ်ဝဲ အဂီၢ်လီၤ.
၂၁ ပှၤတဖၣ်န့ၣ် ယတ့လီၤအီၤ လၢယနီၢ်ကစၢ်အဂီၢ်
ဒ်သိးအဝဲသ့ၣ် ကစံးထီၣ်ပတြၢၤ ယၤလီၤ.+
၂၃ သုတဟဲစိာ်န့ၢ်ယၤ သိတဖၣ်လၢ သုကလုၢ်ထီၣ်အီၤ ဒ်တၢ်လုၢ်ဒွဲအူ တဖၣ် အသိးဘၣ်.
သုတမၤလၤကပီၤယၤလၢ သုတၢ်လုၢ်တၢ်ပာ်တဖၣ်ဘၣ်.
သုဘၣ်ဟဲစိာ်န့ၢ်ယၤတၢ်ဟ့ၣ်န့ၣ် တမ့ၢ်လၢ ယပာ်ထီၣ် တၢ်ဝံတၢ်ယိးဃၢလၢ သုလိၤဘၣ်.
ယဃ့တၢ်နၢမူလၢ သုအိၣ်န့ၣ် တမ့ၢ်တၢ်ဝံဃၢလၢ အမၤလီၤဘှံး သုဘၣ်.+
၂၄ သုတပှ့ၤန့ၢ်ယၤ ဂ့ၢ်နၢမူ လၢသုစ့ဘၣ်.
သုတလုၢ်ထီၣ် တၢ်လုၢ်အသိအချါတဖၣ် လၢယကသးမံအဂီၢ်ဘၣ်.+
လၢတၢ်န့ၣ်အလီၢ် သုတၢ်ဒဲးဘးတဖၣ် ကဲထီၣ်ဒ်သိးဒီး တၢ်ဝံဃၢ လၢယဂီၢ်
ဒီးသုမၤလီၤဘှံးယၤလၢ သုတၢ်ကမၣ်တဖၣ်လီၤ.+
၂၅ ယမ့ၢ်ပှၤတဂၤလၢ အထူးသံကွံာ် သုတၢ်ကမၣ်တဖၣ်+ လၢယမံၤ အဃိလီၤ.+
ဒီးယတသ့ၣ်နီၣ်ထီၣ်က့ၤ သုတၢ်ဒဲးဘးတဖၣ်လၢၤဘၣ်.+
၂၆ ပကထီၣ်သကိး တၢ်မူးတၢ်ရၢ် ဒီးပကတီၣ်ဖျါထီၣ် ပတၢ်ဂ့ၢ်လၢ အထီဒါလိာ်သးလီၤ.
ဒုးသ့ၣ်နီၣ်ထီၣ်ယၤလၢ သုတၢ်ဂ့ၢ်သၢၤ. တဲဖျါထီၣ်သုတၢ်ဂ့ၢ် ဒ်သိး သုကပာ်ဖျါထီၣ်လၢ သုတၢ်ဘၣ် အဂီၢ်သၢၤ.
၂၈ အဃိ ယကပာ် တၢ်လီၢ်စီဆှံ အခိၣ်အနၢ်တဖၣ် ဒ်ပှၤလၢအတကဆှီဘၣ်အသိး
ဒီးယကပျဲပှၤမၤဟးဂီၤ စီၤယၤကိာ် အစၢၤအသွဲၣ်တဖၣ်
ဒီးယကပျဲလၢ ပှၤကတဲဆါ ပှၤအံၣ်စရ့လးဖိတဖၣ်လီၤ.+
၄၄ “အိ ယခ့ယပှၤ စီၤယၤကိာ် အစၢၤအသွဲၣ်ဧၢ,
အိ ပှၤအံၣ်စရ့လးဖိ လၢယဃုထၢထီၣ်အီၤဧၢ,+ ခဲအံၤ ကနၣ်တက့ၢ်.
၂ ပှၤလၢအတ့လီၤ ဒီးမၤကဲထီၣ်သု+
ဒီးပှၤလၢ အမၤစၢၤသု စးထီၣ်လၢ သုအိၣ်ဖျဲၣ်ထီၣ်လံၤလံၤတဂၤ လၢအမ့ၢ်
ယဟိဝၤယွၤန့ၣ် တဲဝဲလၢ
‘ယခ့ယပှၤ စီၤယၤကိာ်+ အစၢၤအသွဲၣ်
ယကလူလီၤ ယသးစီဆှံ လၢသုချံသုသၣ်အလိၤ+
ဒီးယလူလီၤ ယတၢ်ဆိၣ်ဂ့ၤ လၢသုစၢၤသုသွဲၣ်တဖၣ် အလိၤလီၤ.
၄ ဒီးအဝဲသ့ၣ် ကဟဲမဲထီၣ် ဒ်သိးဒီး နီၣ်လါဟ့+
ဒီးဒ်သိးဒီး ပံၢ်သလီထူၣ်တဖၣ် လၢအမဲထီၣ်လၢ ထံကျိဖိ အကပၤလီၤ.
၅ ဒီးပှၤတဂၤ ကတဲဝဲလၢ “ယမ့ၢ် ယဟိဝၤယွၤအတၢ်”+
ဒီးအဂၤတဂၤ ကကိးလီၤအသးလၢ စီၤယၤကိာ် အမံၤလီၤ.
ဒီးမ့မ့ၢ် အဂၤတဂၤန့ၣ် ကကွဲးလီၤလၢ အစုလိၤလၢ “ယမ့ၢ် ယဟိဝၤယွၤအတၢ်”
ဒီးအဝဲကသူ အံၣ်စရ့လး အမံၤလီၤ.’
၆ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ မ့ၢ်ဝဲ အံၣ်စရ့လး အစီၤပၤ+ ဒီးပှၤလၢအပှ့ၤက့ၤ အံၣ်စရ့လး+လီၤ.
ယဟိဝၤယွၤ တဲဝဲလၢ
‘ယမ့ၢ် ပှၤအဆိကတၢၢ် ဒီးပှၤအလီၢ်ခံကတၢၢ်လီၤ.+
ထဲယၤတဂၤန့ၣ် မ့ၢ်ဝဲ ကစၢ်ယွၤ ဒီးကစၢ်ယွၤအဂၤ တအိၣ်ဘၣ်.+
၇ မတဂၤ လီၤဂာ်ဒ်သိးဒီးယၤလဲၣ်.+
မၢအတဲဆၢယၤဒူဒူ ဒီးပာ်ဖျါထီၣ်န့ၢ်ယၤ တၢ်အုၣ်အသးသၢၤ.+
ဒ်ယမၤတ့ၢ်အသိး စးထီၣ်လၢ ယဒုးအိၣ်ထီၣ် ပှၤဂီၢ်မုၢ် လၢညါ လံၤလံၤန့ၣ်
မၢအဝဲသ့ၣ်စ့ၢ်ကီး တဲဖျါထီၣ် တၢ်လၢအကဟဲ လၢခါဆူညါတဖၣ်
ဒီးတၢ်လၢအကမၤအသး အဂ့ၢ်သၢၤ.
၈ ယပှၤဂီၢ်မုၢ်သ့ၣ်ဧၢ, ပျံၤတၢ် ဖုးတၢ်တဂ့ၤ.+
ယတဲဆိပာ်စၢၤ သုဝဲတဂၤစုာ်စုာ်လၢ တၢ်ခဲလၢာ်လံ တမ့ၢ်ဧီၤ.
သုမ့ၢ် ယပှၤအုၣ်အသးတဖၣ်လီၤ.+
မ့တမ့ၢ်ယၤဘၣ်န့ၣ် ကစၢ်ယွၤအဂၤ အိၣ်ဒံးတဂၤဂၤဧါ.
တအိၣ်ဘၣ်. ယလီၤဂာ်ဒီး လၢၢ်တဖျၢၣ်
ဒီးယတသ့ၣ်ညါ ယွၤအဂၤလၢ အလီၤဂာ်ဒီး လၢၢ်ဒ်အံၤ+ နီတဂၤဘၣ်.’”
၉ ပှၤလၢအစိးပျၤ တၢ်ဂီၤတၢ်ဖှီၣ်တဖၣ်န့ၣ် အလုၢ်အပှ့ၤတအိၣ်ဘၣ်.
ဒီးအဝဲသ့ၣ် အတၢ်ဂီၤတၢ်ဖှီၣ်တဖၣ်လၢ အပာ်လုၢ်ပာ်ပှ့ၤဝဲန့ၣ် အဘျုးတအိၣ် နီတမံၤဘၣ်.+
အဝဲသ့ၣ်* ကဲပှၤအုၣ်အသး သနာ်က့ တထံၣ်တၢ် ဒီးတသ့ၣ်ညါတၢ် နီတမံၤဘၣ်.+
အဃိ ပှၤလၢအတ့အီၤတဖၣ်န့ၣ် ကဒိးန့ၢ်ဘၣ် တၢ်မဲာ်ဆှးလီၤ.+
၁၀ မ့ၢ်မတဂၤ ကတ့ထီၣ်ယွၤ မ့တမ့ၢ် ပိာ်န့ၢ် တၢ်ဂီၤတၢ်ဖှီၣ်ထး
လၢအမၤဘျုးမၤဖှိၣ်တၢ် တသ့ နီတမံၤဘၣ်န့ၣ်လဲၣ်.+
၁၁ ပှၤလၢ အတ့ထီၣ် တၢ်ဂီၤတၢ်ဖှီၣ်တဖၣ်န့ၣ် မ့ၢ်ဒၣ် ပှၤဟီၣ်ခိၣ်ဖိလီၤ.
ဒီးအဝဲသ့ၣ် အသကိးခဲလၢာ် ကဒိးန့ၢ်ဘၣ် တၢ်မဲာ်ဆှးလီၤ.+
မ်အဝဲသ့ၣ်ခဲလၢာ် ပာ်ဖှိၣ်ထီၣ်အသး ဒီးဆၢထၢၣ် ဟံးန့ၢ်အလီၢ်တက့ၢ်.
အဝဲသ့ၣ် ကပျံၤတၢ်ဖုးတၢ် ဒီးကဒိးန့ၢ်ဘၣ် တၢ်မဲာ်ဆှး တပူၤဃီလီၤ.
လၢခံ အဝဲလီၤဘဲ ဒီးအဂံၢ် တအိၣ်လၢၤဘၣ်.
အဝဲတအီဘၣ်ထံဘၣ်အဃိ အလီၤဘှံးဝဲလီၤ.
၁၃ ပှၤစိးပျၤသ့ၣ်ဖိတဂၤ ထုးသလၣ်ထီၣ် နီၣ်ထိၣ်ပျံၤ ဒီးဆွဲဆိပာ်စၢၤ တၢ်အဒိလၢ ဟီၣ်ခိၣ်ဝါလီၤ.
အဝဲစိးပျၤဝဲဒီး နီၣ်ပျၤ ဒီးမၤနီၣ်ဃာ်ဝဲဒီး နီၣ်တိၤကဝီၤတၢ်လီၤ.
၁၄ ပှၤအိၣ်ဝဲတဂၤလၢ အတၢ်မၤမ့ၢ်ဝဲ အကူာ်လီၤ သ့ၣ်ဆှိအ့ရ့း တဖၣ်လီၤ.
အဝဲဃုထၢပာ်စၢၤ သ့ၣ်ထိးဖၣ်တထူၣ်
ဒီးပျဲဝဲလၢ သ့ၣ်လၢအအိၣ်လၢ ပှၢ်လၢ်ကျါတထူၣ်အံၤ ကဒိၣ်ထီၣ်ဝဲလၢ သ့ၣ်အဂၤတဖၣ်အကျါလီၤ.+
ဒီးအဝဲသူၣ်လီၤစ့ၢ်ကီး သ့ၣ်ဆှိတထူၣ် ဒီးအဒိၣ်ထီၣ်ဝဲလၢ မူခိၣ်ထံစူၤလီၤ အဃိလီၤ.
၁၅ လၢခံ ပှၤတဂၤန့ၣ် သူဝဲသ့ၣ်န့ၣ် ဒ်သ့ၣ်မုၣ်အသိးလီၤ.
အဝဲသူဝဲလၢ ကဆူးမ့ၣ်အူ အဂီၢ်တနီၤ
ဒီးအမၤကဲၤထီၣ် မ့ၣ်အူ ဒီးကုၢ်အီၣ်ကိၣ်လီၤ.
ဒီးအဝဲတ့ထီၣ်စ့ၢ်ကီးဝဲ သ့ၣ်န့ၣ်လၢ ယွၤတဂၤ ဒီးဘူၣ်ထီၣ်ဘါထီၣ်ဝဲ
ဒီးအဝဲစိးပျၤန့ၢ်ဝဲ တၢ်ဂီၤတၢ်ဖှီၣ်တခါ ဒီးဘါလီၤဝဲလီၤ.+
၁၆ သ့ၣ်ကူာ်တနီၤန့ၣ် အဝဲဒွဲၣ်အူထီၣ်ဝဲ
ဒ်သိး အကကၣ်အီၣ်တၢ်ညၣ်အဂီၢ် ဒီးအအီၣ်ဘၣ်ဝဲဘျဲဘျဲလီၤ.
အဝဲဆူးမ့ၣ်အူ ဒီးတဲဝဲလၢ
“ပှၢ်, မ့ၣ်အူတပူၣ်အံၤ ကလၢၤညါ.”
၁၇ မ့မ့ၢ် သ့ၣ်ကူာ်လၢ အအိၣ်တ့ၢ်တဖၣ်န့ၣ် အဝဲ စိးပျၤန့ၢ်ဝဲ တၢ်ဂီၤတခါ ဒ်အယွၤအသိးလီၤ.
အဝဲ ဘါလီၤဝဲ ဒီးဘူၣ်ထီၣ် ဘါထီၣ်ဝဲလီၤ.
အဝဲ ဃ့ထုကဖၣ်လၢ အအိၣ်ဒီးတဲလၢ
“နမ့ၢ်ယယွၤအဃိ မၤပူၤဖျဲးယၤတက့ၢ်.”+
၁၈ ခီဖျိလၢ အဝဲသ့ၣ် အမဲာ်ချံပံးဃာ်သး, အထံၣ်တၢ်တသ့ဘၣ်
ဒီးအဝဲသ့ၣ် အတၢ်နၢ်ပၢၢ်* တအိၣ်ဘၣ် အဃိ
အဝဲသ့ၣ် တသ့ၣ်ညါ တၢ်နီတမံၤဘၣ် ဒီးတနၢ်ပၢၢ်တၢ် နီတမံၤဘၣ်.+
၁၉ ပှၤတဆိကမိၣ်ထံလီၤအသး နီတဂၤဘၣ်.
ပှၤတအိၣ်ဒီး တၢ်သ့ၣ်ညါနၢ်ပၢၢ် နီတဂၤဘၣ် အဃိ အဝဲသ့ၣ် တတဲဝဲ ဒ်လၢလာ်အံၤအသိး နီတဂၤဘၣ်.
“ယဒွဲၣ်အူထီၣ်သ့ၣ်အံၤ လၢမ့ၣ်အူပူၤတကူာ်
ဒီးလၢမ့ၣ်အူအ့ၣ်တဖၣ်အံၤ အဖီခိၣ်န့ၣ် ယကုၢ်ကိၣ် ဒီးကၣ်တၢ်ညၣ်လၢ ယကအီၣ်အဂီၢ်လီၤ.
မ့မ့ၢ်ဒ်န့ၣ်န့ၣ် မ့ၢ်ယကြၢးသူသ့ၣ်လၢ အအိၣ်တ့ၢ်တကူာ် ဒ်သိး ကဒုးကဲထီၣ်အီၤလၢ တၢ်လၢအလီၤသးဘၣ်အၢ တမံၤအဂီၢ်ဧါ.+
မ့ၢ်ယကြၢး ဘူၣ်ထီၣ်ဘါထီၣ် သ့ၣ်တကျီၣ်ဧါ.”
၂၀ အဝဲလီၤဂာ်ဒီး ပှၤတဂၤလၢ အအီၣ်ဖၣ်ဆါကမူၣ်လီၤ.
အသးလၢ အဘၣ်တၢ်လံၣ်န့ၢ်အီၤန့ၣ် ဆှၢကမၣ်အီၤလံ.
အဝဲမၤပူၤဖျဲးလီၤအသး တသ့ဘၣ် ဒီးအတတဲဝဲလၢ
“တၢ်ဂီၤတၢ်ဖှီၣ်လၢ အအိၣ်လၢ ယစုပူၤ မ့ၢ်တၢ်ကလီကလီ” န့ၣ်ဘၣ်.
၂၁ “အိ စီၤယၤကိာ် အစၢၤအသွဲၣ်ဧၢ, အိ ပှၤအံၣ်စရ့လးဖိသ့ၣ်ဧၢ,
သုမ့ၢ် ယခ့ယပှၤအဃိ သ့ၣ်နီၣ်ထီၣ်က့ၤ တၢ်ဂ့ၢ်တဖၣ်အံၤတက့ၢ်.
ယတ့လီၤသု ဒီးသုမ့ၢ် ယခ့ယပှၤလီၤ.+
အိ ပှၤအံၣ်စရ့လးဖိသ့ၣ်ဧၢ, ယတသးပ့ၤနီၣ်သုဘၣ်.+
၂၂ ယကထူးသံကွံာ် သုတၢ်ကမၣ်တဖၣ်+
ဒီးသုတၢ်ဒဲးဘးတဖၣ်န့ၣ် ယကကးဘၢအီၤဒီး တၢ်အၢၣ်ခံးသူလီၤ.
ယကပှ့ၤက့ၤသုအဃိ ဟဲက့ၤလၢ ယအိၣ်တက့ၢ်.+
၂၃ ယဟိဝၤယွၤ မၤတၢ်လံ.
မူခိၣ်ဧၢ, ကိးပသူထီၣ်လၢ တၢ်သူၣ်ဖှံသးညီ အပူၤတက့ၢ်.
ဟီၣ်ခိၣ် အတၢ်ယိာ်ပူၤဧၢ, ကိးပသူထီၣ်လၢ တၢ်သူၣ်ခုသးခု အပူၤတက့ၢ်.
ကစၢၢ်ကလိ, ပှၢ်လၢ်ကျါ ဒီးသ့ၣ်ထူၣ်ခဲလၢာ်သ့ၣ်ဧၢ,
ကိးပသူထီၣ်လၢ တၢ်သးခုအပူၤတက့ၢ်.+
ယဟိဝၤယွၤ ပှ့ၤက့ၤ စီၤယၤကိာ် အစၢၤအသွဲၣ်လံ
ဒီးလၢ ပှၤအံၣ်စရ့လးဖိအဂီၢ်န့ၣ် အဝဲပာ်ဖျါထီၣ် အစိအကမီၤ လၢအဒိၣ်အမုၢ်လံ.”+
၂၄ ယဟိဝၤယွၤ လၢအပှ့ၤက့ၤသု+
လၢအမ့ၢ်ပှၤလၢ အတ့လီၤသု စးထီၣ်လၢ သုအိၣ်လၢ သုမိၢ်အဒၢလီၢ်ပူၤလံၤလံၤ တဂၤန့ၣ် တဲဝဲဒ်အံၤလီၤ.
“ယမ့ၢ် ယဟိဝၤယွၤ ဒီးယတ့လီၤတၢ် ခဲလၢာ်လီၤ.
ဖဲန့ၣ်အခါ မတဂၤအိၣ်ဒီးယၤလဲၣ်.
၂၅ ယမ့ၢ်ပှၤလၢ အပာ်ဖျါထီၣ်လၢ ပှၤလၢအတဲကြီတၢ် အတၢ်ပနီၣ်တဖၣ်န့ၣ် မ့ၢ်တၢ်လၢအကမၣ်
ဒီးယမ့ၢ်ပှၤလၢ အမၤဝဲဒ်သိး ပှၤဖးတၢ်လၢ အကမၤအသးလၢ ခါဆူညါတဖၣ်န့ၣ် ကဖျါဒ်သိးဒီး ပှၤလၢအ တကျီးဘၣ်လီၤ.+
ယမ့ၢ်ပှၤလၢ အမၤဘံဘူ ပှၤကူၣ်တၢ်သ့တဖၣ် အခိၣ်နူာ်
ဒီးယဒုးကဲထီၣ် အဝဲသ့ၣ် အတၢ်သ့ၣ်ညါလၢ တၢ်ကလီကလီလီၤ.+
၂၆ ယမ့ၢ်ပှၤလၢ အမၤလၢပှဲၤထီၣ် ယခ့ယပှၤအတၢ်ကတိၤ
ဒီးယမ့ၢ်ပှၤလၢ အမၤလၢပှဲၤထီၣ် တၢ်လၢ ယပှၤစိာ်တၢ်ကစီၣ်ဖိတဖၣ်+ တဲဆိပာ်စၢၤဝဲလီၤ.
ဒီးယမ့ၢ်ပှၤလၢ အတဲဘၣ်ဃးဒီး ဝ့ၢ်ယရူၤၡလ့ၣ်လၢ ‘ပှၤကအိၣ်က့ၤလၢအပူၤ’+
ဒီးယတဲဘၣ်ဃးဒီး ယူဒၤအဝ့ၢ်တဖၣ်လၢ ‘ပှၤကဘှီထီၣ်က့ၤအီၤ+
ဒီးယကဘှီဂ့ၤထီၣ်က့ၤ အတၢ်ဟးဂီၤတဖၣ်လီၤ.’+
၂၈ ယမ့ၢ်ပှၤလၢ အတဲဘၣ်ဃးဒီး စီၤကိရ့ၣ်လၢ+ ‘အကဲ ပှၤကွၢ်သိလၢ ယဃုထၢထီၣ်အီၤ
ဒီးအကမၤလၢပှဲၤ ယတၢ်ဘၣ်သး ခဲလၢာ် သပှၢ်တၢၢ်လီၤ.’+
ဒီးယတဲဘၣ်ဃးဒီး ဝ့ၢ်ယရူၤၡလ့ၣ်လၢ ‘ပှၤကဘှီထီၣ်က့ၤအီၤ’
ဒီးယတဲ တၢ်လုၢ်ဟံၣ်လၢ ‘နတၢ်သူၣ်ထီၣ် အခီၣ်ထံး ကဘၣ်တၢ်ပာ်လီၤကဒီးအီၤ’ လီၤ.”+
၄၅ စီၤကိရ့ၣ် မ့ၢ်ယပှၤဒိးဖှူသးတဂၤ လၢယဟံးဃာ်အစုထွဲ+
ဒ်သိးကမၤနၢၤ ပှၤကလုာ်တဖၣ်လၢ အမဲာ်ညါ+
ဒီးဟံးထီၣ်ကွံာ် စီၤပၤတဖၣ် အစိကမီၤအဂီၢ်လီၤ.
ဒ်သိး ဝ့ၢ်တြဲၤတဖၣ် သုတဘၣ် တၢ်ကးပံးအီၤတဂ့ၤ အဂီၢ်
ယကအိးထီၣ် ပဲတြီခံဘ့ၣ်လၢ အမဲာ်ညါလီၤ.
ယကမၤလီၤကလဲ ပဲတြီတိၢ်ဘီတဖၣ်+
ဒီးယကဒီၣ်တဲာ်ကွံာ် ပဲတြီအဘိထးတဖၣ်လီၤ.
၃ ဒ်သိး နကသ့ၣ်ညါလၢ ယမ့ၢ်အံၣ်စရ့လး အကစၢ် ယဟိဝၤယွၤ
လၢအကိးနၤလၢ နမံၤအဂီၢ်န့ၣ်+
ယကဟ့ၣ်လီၤနၤ တၢ်လုၢ်ဒိၣ်ပှ့ၤဒိၣ်တဖၣ်လၢ အအိၣ်လၢ တၢ်ခံးကျါ
ဒီးတၢ်လုၢ်ဒိၣ်ပှ့ၤဒိၣ်လၢ ပှၤပာ်ခူသူၣ်အီၤလၢ တၢ်လီၢ်လၢ အအိၣ်သဒၢလီၤ.+
၄ ယကိးနၤလၢနမံၤ လၢယခ့ယပှၤ စီၤယၤကိာ် အစၢၤအသွဲၣ်
လၢအမ့ၢ် အံၣ်စရ့လး တကလုာ်လၢ ယဃုထၢထီၣ်တ့ၢ်အီၤအဂီၢ်လီၤ.
နတသ့ၣ်ညါယၤဘၣ် သနာ်က့ ယမၤဒ်သိး နမံၤကအိၣ်ဒီး အလၤကပီၤအဂီၢ်လီၤ.
၅ ယမ့ၢ် ယဟိဝၤယွၤ ဒီးကစၢ်ယွၤအဂၤ တအိၣ်ဘၣ်.
ယမ့ၢ်ကစၢ်ယွၤ ထဲတဂၤလီၤ.+
နတသ့ၣ်ညါယၤဘၣ်, သနာ်က့ ယကမၤဆူၣ်ထီၣ်နၤ
၆ ဒ်သိး ပှၤဂီၢ်မုၢ် ကသ့ၣ်ညါဝဲလၢ
စးထီၣ်လၢမုၢ်ထီၣ် တုၤလၢ မုၢ်နုာ်န့ၣ်
ပှၤဒ်သိးဒီးယၤ တအိၣ်ဘၣ်.+
ယမ့ၢ် ယဟိဝၤယွၤ ဒီးကစၢ်ယွၤအဂၤ တအိၣ်ဘၣ်.+
ယၤ, ယဟိဝၤယွၤ မၤတၢ်သ့ၣ်တဖၣ်အံၤ ခဲလၢာ်လီၤ.
၈ မူခိၣ်ဧၢ, ဒုးစူၤလီၤတၢ်လၢထးတက့ၢ်.+
ဒီးမ်တၢ်အၢၣ်တဖၣ် လူလီၤတၢ်တီတၢ်လိၤတက့ၢ်.
ဒ်ဟီၣ်ခိၣ် ဒိးန့ၢ်ဘၣ် တၢ်စူၤထံ ဒီးဒုးမဲထီၣ်သၣ်ထီၣ်တၢ် အါအါဂီၢ်ဂီၢ်အသိး
ယပှၤဂီၢ်မုၢ် ကဒိးန့ၢ်ဘၣ် တၢ်အုၣ်က့ၤခီၣ်က့ၤ ဒီးကအိၣ်ဘၣ် မုာ်မုာ်ခုၣ်ခုၣ်လၢ တၢ်တီတၢ်လိၤအပူၤလီၤ.+
ယၤ, ယဟိဝၤယွၤ ဒုးကဲထီၣ် တၢ်အိၣ်သးဒ်အံၤလီၤ.”
၉ ပှၤလၢအဃု တၢ်အ့ၣ်လိာ်ဒီး ပှၤလၢအတ့လီၤအီၤတဂၤန့ၣ် ကဘၣ်ကီဘၣ်ခဲ သပှၢ်တၢၢ်လီၤ.
အဝဲလီၤဂာ်ဒီး သပၢၤဟီၣ်ခိၣ် တက့လၢ
အအိၣ်လၢ ဟီၣ်ခိၣ်လိၤ လၢသပၢၤဟီၣ်ခိၣ် အက့တဖၣ် အကျါလီၤ.
ကပံာ်န့ၣ် မ့ၢ်အကြၢးတဲ ပှၤတ့သပၢၤတဂၤလၢ “နဟးတ့တၢ်မနုၤလဲၣ်” န့ၣ်ဧါ.+
တၢ်လၢနတ့အီၤန့ၣ် မ့ၢ်အကြၢးတဲနၤလၢ “နၤအံၤ နမၤတၢ် ဒ်သိးဒီး ပှၤလၢ အစုတအိၣ်ဘၣ်” န့ၣ်ဧါ.
၁၀ ပှၤလၢ အတဲပၢ်တဂၤလၢ “နထီၣ်ဖိ ဖိဒ်လဲၣ်တဂၤလဲၣ်”
ဒီးတဲ ပိာ်မုၣ်တဂၤလၢ “နအိၣ်ဖျဲၣ်လီၤ ဖိဒ်လဲၣ်တဂၤလဲၣ်” န့ၣ် ကဘၣ်ကီဘၣ်ခဲ သပှၢ်တၢၢ်လီၤ.
၁၁ အံၣ်စရ့လး အကစၢ်စီဆှံ ယဟိဝၤယွၤ+ လၢအမ့ၢ် ပှၤလၢအမၤကဲထီၣ် အံၣ်စရ့လး တကလုာ်န့ၣ် တဲဝဲလၢ
“မ့ၢ်သုသးဒ့ဒီ လၢယဖီခိၣ် ဘၣ်ဃးဒီးတၢ်လၢ အကဟဲခါဆူညါန့ၣ်ဧါ.
မ့ၢ်သုဟ့ၣ်လီၤယၤ တၢ်ကလုၢ်ဘၣ်ဃးဒီး ယဖိယလံၤတဖၣ်+ ဒီးယစုတၢ်ဘၣ်တ့တဖၣ်န့ၣ် ဘူၣ်ဧါ.
၁၂ ယတ့လီၤ ဟီၣ်ခိၣ်+ ဒီးပှၤအိၣ်လၢ အပူၤလီၤ.+
၁၃ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ “ယမ့ၢ်ပှၤတီပှၤလိၤအဃိ ယထိၣ်ဟူးထိၣ်ဂဲၤထီၣ် ပှၤတဂၤ+
ဒီးယကမၤဘျၢထီၣ် အကျဲခဲလၢာ်လီၤ.
အဝဲမ့ၢ်ပှၤလၢ အကတ့ထီၣ်ယဝ့ၢ်,+
အကမၤထူၣ်ဖျဲး ယပှၤဂီၢ်မုၢ်လၢ အဘၣ်တၢ်က့ၤဖီၣ်အီၤတဖၣ်+ ဒီးပှၤတဟ့ၣ်အီၤ အပှ့ၤဘၣ် ဒီးပှၤတထီးအီၤလၢစ့ဘၣ်.”+
၁၄ ယဟိဝၤယွၤ တဲဝဲလၢ
“ကီၢ်အဲၤကူပတူး အမၠး,* ကီၢ်အဲၤသံအီးပး အတၢ်ထူးတၢ်တီၤ* ဒီးပှၤစဘၤဖိ လၢအမ့ၢ် ပှၤလၢအနီၢ်ထီတဖၣ် ကဟဲလၢ နအိၣ်* ဒီးကကဲထီၣ်နတၢ်လီၤ.
ဒီးအဝဲသ့ၣ် ကဘၣ်တၢ်စၢဃာ်အီၤလၢ ပျံၤထးတဖၣ် ဒီးကဟးလၢ နလီၢ်ခံလီၤ.
အဝဲသ့ၣ် ကဟဲထိၣ်လီၤပှီၤအသးလၢ နမဲာ်ညါ+
ဒီးလၢတၢ်ယူးယီၣ်ပာ်ကဲအပူၤ အဝဲသ့ၣ် ကတဲနၤလၢ
‘ကစၢ်ယွၤ အိၣ်ဒီးနၤသပှၢ်တၢၢ်,+
အဝဲမ့ၢ် ကစၢ်ယွၤထဲတဂၤ ဒီးကစၢ်ယွၤလၢအဂၤ တအိၣ်ဘၣ်.’”
၁၅ အိ အံၣ်စရ့လး အကစၢ်ယွၤ လၢအမ့ၢ် ပှၤလၢအအုၣ်က့ၤခီၣ်က့ၤတၢ်ဧၢ,+
နမ့ၢ် ကစၢ်ယွၤတဂၤလၢ အတပာ်ဖျါထီၣ် တၢ်လၢအမၤဝဲတဖၣ် ထီဘိဘၣ်.
၁၆ ပှၤလၢ အတ့တၢ်ဂီၤတၢ်ဖှီၣ် ခဲလၢာ်န့ၣ် ကဘၣ်တၢ်မၤ မဲာ်ဆှးအီၤလီၤ.
အဝဲသ့ၣ် ကတူၢ်ဘၣ် တၢ်မဲာ်ဆှးလီၤ.+
၁၇ ဘၣ်ဆၣ် ယဟိဝၤယွၤ ကအုၣ်က့ၤခီၣ်က့ၤ သုဝဲပှၤအံၣ်စရ့လးဖိ လၢတၢ်အုၣ်က့ၤခီၣ်က့ၤ အထူ အယိာ်လီၤ.+
သုတတူၢ်ဘၣ် တၢ်မဲာ်ဆှး လီၤထူလီၤယိာ်ဘၣ်.+
အဝဲမ့ၢ် ပှၤလၢအတ့လီၤ ဟီၣ်ခိၣ် ဒီးဆီလီၤဝဲ ကျၢၤကျၢၤလီၤ.+
အဝဲတတ့လီၤဟီၣ်ခိၣ် ကလီကလီဘၣ်,* အဝဲတ့လီၤဝဲ ဒ်သိး ပှၤကအိၣ်ဝဲဆိးဝဲ လၢအပူၤအဂီၢ်လီၤ.+
ဒီးအဝဲတဲဝဲလၢ “ယမ့ၢ် ယဟိဝၤယွၤ ဒီးကစၢ်ယွၤအဂၤ တအိၣ်ဘၣ်.
၁၉ ဖဲယတဲတၢ်အခါ ယတအိၣ်လၢ တၢ်အိၣ်သဒၢအလီၢ်+ ဒီးလၢတၢ်လီၢ်လၢအခံးဘၣ်.
ယတတဲ စီၤယၤကိာ် အစၢၤအသွဲၣ်လၢ
‘ပှၤဂီၢ်မုၢ်သ့ၣ်ဧၢ, ဃုယၤ ဘၣ်ဆၣ် သုတၢ်ဂုာ်ကျဲးစၢးန့ၣ် ကကဲထီၣ် တၢ်ကလီကလီ’ န့ၣ်ဘၣ်.
ယမ့ၢ် ယဟိဝၤယွၤ, ပှၤလၢအတဲ တၢ်မ့ၢ်တၢ်တီ ဒီးပှၤလၢ အတဲဖျါထီၣ် တၢ်လၢအဘၣ်လီၤ.+
၂၀ ပာ်ဖှိၣ်ထီၣ်သုသး တပူၤဃီ ဒီးဟဲတက့ၢ်.
သုဝဲလၢ အပူၤဖျဲးထီၣ်ကွံာ်လၢ ပှၤကလုာ်တဖၣ်အအိၣ်သ့ၣ်ဧၢ, ဟဲဒ်သိးသိးတက့ၢ်.+
ပှၤလၢအဟးစိာ်ဒီး အတၢ်ဂီၤစိးပျၤတဖၣ် ဒီးဘါထုကဖၣ်တၢ်လၢ ယွၤလၢအမၤပူၤဖျဲး အဝဲသ့ၣ် တသ့ဘၣ်+ အအိၣ်န့ၣ်
အဝဲသ့ၣ် တသ့ၣ်ညါ တၢ်နီတမံၤဘၣ်.
၂၁ တၢၣ်ပီၣ်သကိးလၢ တၢ်ဃူတၢ်ဖိး အပူၤတက့ၢ်.
တဲဖျါထီၣ် သုတၢ်ဂ့ၢ် ဒီးတီၣ်ဖျါထီၣ်အီၤသၢၤ.
မတဂၤ တဲဆိပာ်စၢၤတၢ်လၢ အပူၤကွံာ်ဖးယံာ်လံလဲၣ်
ဒီးလၢပျၢၤလံၤလံၤန့ၣ် မတဂၤ တဲဆိတၢ်လၢ အကမၤအသးလဲၣ်.
ယၤ, ယဟိဝၤယွၤ တမ့ၢ်ဧီၤ.
မ့တမ့ၢ်လၢ ယၤဘၣ်န့ၣ် ကစၢ်ယွၤ အဂၤတအိၣ်ဘၣ်.
ယမ့ၢ် ကစၢ်ယွၤလၢ အတီအလိၤ ဒီးပှၤလၢ အအုၣ်က့ၤခီၣ်က့ၤတၢ်+ ဒီးမ့တမ့ၢ်လၢယၤဘၣ်န့ၣ် ပှၤအဂၤ တအိၣ်ဘၣ်.+
၂၂ ပှၤလၢအအိၣ်လၢ ဟီၣ်ခိၣ်ဒီဘ့ၣ်ဧၢ, ဃၣ်က့ၤသုသး လၢယအိၣ် ဒီးသုကပူၤဖျဲးလီၤ.+
ယမ့ၢ် ကစၢ်ယွၤ ဒီးကစၢ်ယွၤအဂၤ တအိၣ်ဘၣ်.+
၂၃ ယအၢၣ်လီၤတၢ်လၢ ယနီၢ်ကစၢ်လံ.
တၢ်ကတိၤလၢ အဟးထီၣ်လၢ ယကိာ်ပူၤန့ၣ် မ့ၢ်ဝဲတီဝဲအဃိ
ကဟဲလၢထီၣ်ပှဲၤထီၣ် သပှၢ်တၢၢ်လီၤ.+
ပှၤခဲလၢာ် ကချံးလီၤအခီၣ်လၢ ယမဲာ်ညါ,
ပှၤခဲလၢာ် ကအၢၣ်လီၤတၢ်လၢ အကတီဒီးယၤ+
၂၄ ဒီးကတဲလၢ ‘ယဟိဝၤယွၤ မၤတၢ်လၢအဘၣ် ထီဘိ ဒီးအမ့ၢ်ပှၤလၢ အဂံၢ်ဆူၣ်ဘါဆူၣ်လီၤ.
ပှၤလၢ အသးပှံၢ်ထီၣ်အီၤန့ၣ် ကဟဲလၢအအိၣ်လၢ တၢ်မဲာ်ဆှးအပူၤ ခဲလၢာ်လီၤ.
၂၅ အံၣ်စရ့လး အချံအသၣ်ခဲလၢာ် ကသ့ၣ်ညါဘၣ်ဝဲလၢ အဝဲသ့ၣ် ဘူၣ်ထီၣ်ဘါထီၣ် ယဟိဝၤယွၤန့ၣ် မ့ၢ်တၢ်လၢအဘၣ်လီၤ.+
ဒီးအဝဲသ့ၣ် ကပာ်ကဖၢလၢအသး လၢကစၢ်ယွၤအဃိလီၤ.’”
၄၆ ဘ့လး* ဆှိလီၤအသး+ ဒီးနဘိ* သကူးလီၤအသးလီၤ.
ဘ့လး ဒီးနဘိ အဂီၤတဖၣ်န့ၣ် ဘၣ်တၢ်တီၣ်ထီၣ်အီၤလၢ ဆၣ်ဖိကီၢ်ဖိတဖၣ်အလိၤ ဒီးလီၤဂာ်ဒီး တၢ်ဝံဃၢလၢ+
ဆၣ်ဖိကီၢ်ဖိလၢ အလီၤဘှံးလီၤတီၤတဖၣ်အံၤ အဂီၢ်လီၤ.
၂ အဝဲသ့ၣ် သကူးလီၤအသး ဒီးဆှိလီၤအသး ဒ်သိးသိးလီၤ.
ယွၤတဖၣ်အံၤ မၤပူၤဖျဲးအဂီၤတဖၣ် တန့ၢ်ဘၣ်.
ဒီးအဝဲသ့ၣ် အနီၢ်ကစၢ်ဒၣ်ဝဲ ဘၣ်တၢ်က့ၤဖီၣ်အီၤလီၤ.
၃ “စီၤယၤကိာ် အစၢၤအသွဲၣ် ဒီးပှၤအံၣ်စရ့လးဖိလၢ အအိၣ်တ့ၢ် ခဲလၢာ်သ့ၣ်ဧၢ, ကနၣ်ယၤတက့ၢ်.+
စးထီၣ်လၢ သုကဲထီၣ် ပှၤတကလုာ်လံၤလံၤန့ၣ် ယစိာ်သု ဒီးကွၢ်ထွဲသု ဒ်မိၢ်တဂၤလၢ အကွၢ်ထွဲ အဖိလၢ အအီနုၢ် အသိးလီၤ.+
၄ ယကမ့ၢ် တၢ်ဒ်အလီၢ်လီၢ် တုၤလၢ သုသးပှၢ်ထီၣ်+
ဒီးယကဆဲးဆီၣ်ထွဲသု တုၤလၢ သုခိၣ်ဆူၣ်ဝါလီၤ.
ယကစိာ်သု, ဆီၣ်ထွဲသု ဒီးမၤပူၤဖျဲးသု ဒ်ယမၤလၢညါအသိးလီၤ.+
၅ သုကထိၣ်သတြီၤယၤဒီး မတဂၤလဲၣ်. ဒီးပှၤလၢသုကပာ်အီၤ ထဲသိးဒီးယၤန့ၣ် အိၣ်တဂၤဂၤဧါ.+
သုတဲလၢ ယလီၤဂာ်ဒီးပှၤအဂၤတဂၤ ကသ့ဧါ.+
၆ ပှၤအိၣ်ဝဲတနီၤလၢ အအိးထီၣ်အစ့ထၢၣ် ဒီးလူလီၤထူ
ဒီးအဝဲသ့ၣ် စီၤစ့ညၣ်လၢ စီၤပီၢ် အပူၤလီၤ.
အဝဲသ့ၣ်ငါ ပှၤပိာ်ထူဖိတဂၤ ဒီးပှၤတဂၤန့ၣ် တ့ထီၣ်စ့ညၣ်တဖၣ်န့ၣ်လၢ ယွၤတဂၤ+
ဝံၤဒီး အဝဲသ့ၣ် ထိၣ်လီၤပှီၤအသး ဒီးဘူၣ်ထီၣ်ဘါထီၣ်ဝဲလီၤ.+
၇ အဝဲသ့ၣ် ပာ်ထီၣ်ဝဲ ယွၤတဂၤန့ၣ် လၢအဖံဘၣ်ခိၣ်,+
လဲၤယိးဝဲ ဒီးပာ်လီၤဝဲလၢအလီၢ် ဒီးယွၤတဂၤန့ၣ် ဆၢထၢၣ်ဝဲဒ်န့ၣ်လီၤ.
ယွၤတဂၤန့ၣ် တသုးအသး လၢ အလီၢ်ဘၣ်.+
အဝဲသ့ၣ် ကိးပသူထီၣ်လၢ ယွၤတဂၤန့ၣ်အအိၣ် ဘၣ်ဆၣ် အတစံးဆၢတၢ်ဘၣ်.
ဒီးအမၤပူၤဖျဲး ပှၤလၢတၢ်ကိၢ်တၢ်ဂီၤ တသ့နီတဂၤဘၣ်.+
၈ သ့ၣ်နီၣ်ထီၣ်တၢ်ဂ့ၢ်တဖၣ်န့ၣ် ဒီးပာ်ဖျါထီၣ်တၢ်သးဒူတက့ၢ်.
ပှၤမၤကမၣ်တၢ်ဖိသ့ၣ်ဧၢ, တိၢ်နီၣ်လၢ သုသးပူၤတက့ၢ်.
၉ သ့ၣ်နီၣ်ထီၣ်က့ၤ တၢ်လၢအမၤတ့ၢ်အသး လၢပျၢၤတက့ၢ်.
သ့ၣ်နီၣ်ထီၣ်လၢ ယမ့ၢ် ကစၢ်ယွၤ ဒီးကစၢ်ယွၤ လၢအဂၤ တအိၣ်ဘၣ်.
ယမ့ၢ် ကစၢ်ယွၤ ဒီးပှၤလၢအလီၤဂာ်ဒီးယၤ တအိၣ်နီတဂၤဘၣ်.+
ယတဲလၢ ‘ဒ်ယဆၢတဲာ်* အသိး တၢ်ကကဲထီၣ်အသးဒ်န့ၣ် သပှၢ်တၢၢ်+
ဒီးတၢ်တမံၤဂ့ၤတမံၤဂ့ၤလၢ ယအဲၣ်ဒိးမၤန့ၣ် ယကမၤအီၤလီၤ.’+
၁၁ ယကကိးန့ၢ် လံာ်ကြီကြာ်တဘ့ၣ် လၢအအိၣ်လၢ မုၢ်ထီၣ်တခီ+ လၢအမ့ၢ်
ပှၤပိာ်ခွါတဂၤလၢ အအိၣ်လၢ တၢ်လီၢ်ယံၤ ဒ်သိးအကမၤလၢပှဲၤထီၣ် ယတၢ်တိာ်ပာ်အဂီၢ်လီၤ.+
ယတဲဝံၤလံ ဒီးယကမၤလၢပှဲၤ အီၤလီၤ.
ယတိာ်ပာ်တၢ်လံ ဒီးယကဒုးကဲထီၣ်အီၤလီၤ.+
၁၂ ပှၤလၢအခိၣ်ကိၤ
ဒီးပှၤလၢအအိၣ်ယံၤဒီး တၢ်တီတၢ်လိၤသ့ၣ်ဧၢ, ဒိကနၣ်ယၤတက့ၢ်.
၁၃ တၢ်ဆၢကတီၢ်လၢ ယကပာ်ဖျါထီၣ် ယတၢ်တီတၢ်လိၤန့ၣ် ဘူးထီၣ်လံ
ဒီးတယံာ်လၢၤဘၣ်န့ၣ် အကကဲထီၣ်လီၤ.
ဒီးယတၢ်အုၣ်က့ၤခီၣ်က့ၤန့ၣ် တစဲၤခံဘၣ်.+
ယကအုၣ်က့ၤခီၣ်က့ၤ စံယိၣ် ဒီးယကဟ့ၣ်လီၤ ပှၤအံၣ်စရ့လးဖိလၢ တၢ်ဃံတၢ်လၤလီၤ.+
၄၇ အိ ဘၤဘူၤလိၣ် အဖိမုၣ် မုၣ်ကနီၤစီဆှံဧၢ,+
ဟဲလီၤဆ့ၣ်နီၤလၢ ဟီၣ်ခိၣ်ကမူၣ် အကျါတက့ၢ်.
အိ ပှၤက့ၤစ့းဖိ အဖိမုၣ်ဧၢ,
ပှၤတကိးနၤလၢ နီၢ်ပၤမုၣ် နီတဘျီလၢၤဘၣ်.
အဃိ ဆ့ၣ်နီၤလၢ ဟီၣ်ခိၣ်လိၤ ဖဲလီၢ်ပစိာ်တအိၣ်ဘၣ် အလီၢ်န့ၣ်တက့ၢ်.+
၂ ဟံးန့ၢ် ဆၢၣ်ဂူာ် ဒီးဂံာ်ကိၣ် ကမူၣ်သၢၤ.
ထုးကွံာ် နနီၣ်ကျၢၢ်ဘၢမဲာ်,
ဘ့ၣ်လီၤနစကၢး, ပာ်ဖျါထီၣ်နခီၣ်
ဒီးလဲၤခီဂာ် ထံကျိလၢ နခီၣ်သၢၤ.
၄ “ပှၤလၢအပှ့ၤက့ၤပှၤန့ၣ် မ့ၢ်ဝဲ
အံၣ်စရ့လး အကစၢ်ယွၤလၢ အစီဆှံတဂၤ+
ဒီးအမံၤမ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.”
၅ အိ ပှၤက့ၤစ့းဖိ အဖိမုၣ်ဧၢ,+
ဆ့ၣ်နီၤအိၣ်ကစုဒု ဒီးအိၣ်လၢ တၢ်ခံးကျါတက့ၢ်.
ပှၤတကိးနၤလၢ ဘီမုၢ်တဖၣ် အနီၢ်ပၤမုၣ် နီတဘျီလၢၤဘၣ်.+
၆ ယသးထီၣ် ယပှၤဂီၢ်မုၢ်လီၤ.+
ဘၣ်ဆၣ် နတပာ်ဖျါထီၣ် တၢ်သးကညီၤလၢ အဝဲသ့ၣ်အဖီခိၣ်ဘၣ်.+
ဒီးလၢပှၤသးပှၢ် အဖီခိၣ်ဒၣ်လဲာ် နပာ်ထီၣ် တၢ်ဝံတၢ်ယိး လၢအဃၢလီၤ.+
၇ နတဲလၢ “ယကကဲဘၣ် နီၢ်ပၤမုၣ် ထီဘိလီၤ.”+
နတဆိကမိၣ်ထံ တၢ်လၢနမၤ တဖၣ်ဘၣ်.
ဒီးလၢခံကတၢၢ် တၢ်ကမၤအသး ဒ်လဲၣ်န့ၣ် နတဆိကမိၣ်ထံဘၣ်.
၈ ပိာ်မုၣ်လၢ အအဲၣ်တၢ်မုာ်တၢ်ပၠီၣ်ဧၢ, ကနၣ်လၢအံၤ.+
နဆ့ၣ်နီၤလၢ တၢ်ဘံၣ်တၢ်ဘၢအပူၤ ဒီးနတဲလီၤနသးလၢ
“ယမ့ၢ် ပှၤလၢအရ့ဒိၣ် ဒီးပှၤလၢ အလီၤဂာ်ဒီးယၤ တအိၣ် နီတဂၤဘၣ်.+
ယတကဲထီၣ် မုၣ်ကမဲနီတဘျီဘၣ်.
ဒီးယဖိတဖၣ် တလီၤမၢ် နီတဘျီဘၣ်.”+
၉ ဘၣ်ဆၣ် တၢ်ခံမံၤအံၤ ကဟဲဘၣ်နၤ သတူၢ်ကလာ် လၢတနံၤဃီ အတီၢ်ပူၤလီၤ.+
နဖိတဖၣ် ကလီၤမၢ် ဒီးနကကဲထီၣ် မုၣ်ကမဲလီၤ.
တၢ်ခံမံၤန့ၣ် ကဟဲဘၣ်နၤ နးနးလီၤ.+
မ့ၢ်လၢ နအူတၢ်လိၢ်တၢ် အကလုာ်ကလုာ် ဒီးနတၢ်အူန့ၣ် အဆူၣ်ဒိၣ်မးအဃိလီၤ.+
၁၀ နမၤတၢ်အၢတၢ်သီ ဘၣ်ဆၣ် နဆိကမိၣ်လၢ တၢ်အၢတဟဲဘၣ်နၤဘၣ်.
နတဲလၢ “တၢ်လၢယမၤန့ၣ် ပှၤတထံၣ်ဝဲ နီတဂၤဘၣ်.”
နတၢ်ကူၣ်သ့ ဒီးတၢ်သ့ၣ်ညါနၢ်ပၢၢ်န့ၣ် ဆှၢကမၣ်နၤလီၤ.
ဒီးနတဲလီၤနသးလၢ “ယမ့ၢ် ပှၤလၢအရ့ဒိၣ် ဒီးပှၤလၢအလီၤဂာ်ဒီးယၤ တအိၣ်နီတဂၤဘၣ်.”
၁၁ ဘၣ်ဆၣ် တၢ်နးတၢ်ဖှီၣ် ကဟဲဘၣ်နၤ
ဒီးနတၢ်အူတၢ်သမူတၢ် မၤပတုာ်ဝဲ တန့ၢ်ဘၣ်.
တၢ်ကီတၢ်ခဲ ကဟဲဘၣ်နၤ ဒီးနဟးဆှဲးအီၤ တန့ၢ်ဘၣ်.
တၢ်ဟးဂီၤလၢ နတသ့ၣ်ညါဘၣ် နီတဘျီဘၣ်န့ၣ် ကဟဲဘၣ်နၤ သတူၢ်ကလာ်လီၤ.+
၁၂ အဃိ နတၢ်အူတၢ်လိၢ် အကလုာ်ကလုာ်လၢ နမၤအီၤ+
စးထီၣ်လၢ နသးစၢ်ခါန့ၣ် ဆဲးမၤအီၤဟီ.
ဘၣ်သ့ၣ်သ့ၣ် အဘျုးကအိၣ် လၢနဂီၢ် တမံၤမံၤဧါသၢၤ.
ဒီးဘၣ်သ့ၣ်သ့ၣ် နကမၤပျံၤမၤဖုးဘၣ် ပှၤဂၤဧါသၢၤ.
၁၃ နပှၤဟ့ၣ်ကူၣ်ဟ့ၣ်ဖးတၢ်တဖၣ်န့ၣ် မ့ၢ်နသးလၢာ် အဝဲသ့ၣ်လံဧါ.
ပှၤလၢအကွၢ်ထံကွၢ်ဆး ဆၣ်တဖၣ်,+ ပှၤလၢ အဘူၣ်ထီၣ်ဘါထီၣ် တၢ်အိၣ်လၢမူခိၣ်*
ဒီးဖဲလါထီၣ်သီန့ၣ် ပှၤလၢ အဒုးသ့ၣ်ညါနၤ
တၢ်လၢအကဟဲကဲထီၣ် အသးဒီး နၤန့ၣ်
မၢအဝဲသ့ၣ် ဟဲမၤပူၤဖျဲးနၤ ခဲအံၤသၢၤ.
၁၄ အဝဲသ့ၣ် လီၤဂာ်ဒ်သိးဒီး လီၢ်ဘိ
ဒီးမ့ၣ်အူကအီၣ်ကွံာ် အဝဲသ့ၣ်လီၤ.
အဝဲသ့ၣ် မၤပူၤဖျဲးအသးလၢ မ့ၣ်အူလၣ်လၢ အကဲၤဆူၣ် တသ့ဘၣ်.
မ့ၣ်အူလၣ်တဖၣ်န့ၣ် တမ့ၢ် မ့ၣ်အူအ့ၣ်လၢ ပှၤကမၤကလၢၤသး အဂီၢ်ဘၣ်
ဒီးအတမ့ၢ် မ့ၣ်အူလၢ ပှၤကဆ့ၣ်နီၤအိၣ်လၢ အမဲာ်ညါအဂီၢ်ဘၣ်.
၁၅ ပှၤအူတၢ်သမူတၢ်တဖၣ်လၢ နမၤသကိးတၢ်ဒီး အဝဲသ့ၣ် စးထီၣ်လၢ နသးစၢ်ခါန့ၣ်
တၢ်ကကဲထီၣ်အသးဒီး အဝဲသ့ၣ် ဒ်န့ၣ်လီၤ.
အဝဲသ့ၣ် ကဟးဝ့ၤဝီၤ ဒီးကလဲၤဝဲလၢ ကျဲတဂၤတဘိ
ဒီးပှၤလၢအကမၤပူၤဖျဲးနၤန့ၣ် တအိၣ်နီတဂၤဘၣ်.+
၄၈ စီၤယၤကိာ် အစၢၤအသွဲၣ်သ့ၣ်ဧၢ, ကနၣ်လၢအံၤ.
သုအၢၣ်လီၤတၢ်လၢ ယဟိဝၤယွၤအမံၤ+
ဒီးသုကိးထီၣ် အံၣ်စရ့လး အကစၢ်ယွၤ
ဘၣ်ဆၣ် သုတမၤဒ်န့ၣ်လၢ တၢ်မ့ၢ်တၢ်တီ ဒီးတၢ်သူၣ်တီ သးလိၤအပူၤဘၣ်.+
၂ သုတဲလီၤသုသးလၢ သုမ့ၢ်ပှၤလၢ အဟဲလၢ ဝ့ၢ်စီဆှံ+
ဒီးသုတဲလၢ သုဃုတၢ်မၤစၢၤလၢ အံၣ်စရ့လး အကစၢ်ယွၤလၢ+
အမံၤမ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အအိၣ်လီၤ.
၃ “လၢပျၢၤလံၤလံၤ ယတဲဆိပာ်စၢၤ တၢ်လၢအကမၤအသးတဖၣ်လီၤ.
တၢ်ဂ့ၢ်တဖၣ်အံၤ ဟဲထီၣ်လၢ ယထးခိၣ်
ဒီးယဒုးသ့ၣ်ညါ ပှၤဂၤလၢ တၢ်ဂ့ၢ်တဖၣ်အံၤလီၤ.+
ဒီးယစးထီၣ်မၤအီၤ သတူၢ်ကလာ် ဒီးယဒုးကဲထီၣ်အီၤလီၤ.+
၄ သုခိၣ်ကိၤထဲလဲၣ်န့ၣ် ယသ့ၣ်ညါ ပာ်စၢၤလံ.
သုကိာ်ဘိ လီၤဂာ်ဒ်သိးဒီးထး ဒီးသု မဲာ်တူၢ်ခိၣ် လီၤဂာ်ဒ်သိးဒီး တိၢ်ဘီလီၤ.+
၅ လၢတၢ်န့ၣ်အဃိ ယတဲပာ်စၢၤသု လၢပျၢၤလံၤလံၤလံ.
တချုးလၢ အဟဲကဲထီၣ်အသးဒံးဘၣ်န့ၣ် ယဒုးနၢ်ဟူဆိသု
ဒ်သိးသု သုတတဲလၢ ‘ပတၢ်ဂီၤတၢ်ဖှီၣ် မၤဝဲတၢ်သ့ၣ်တဖၣ်အံၤ,
ပတၢ်ဂီၤစိးပျၤ ဒီးပတၢ်ဂီၤတၢ်ဖှီၣ်ထး တဲဆိတၢ်ဂ့ၢ်တဖၣ်အံၤ’ တဂ့ၤ အဂီၢ်လီၤ.
၆ သုနၢ်ဟူ ဒီးသုထံၣ်ဘၣ် တၢ်ဂ့ၢ်တဖၣ်န့ၣ် ခဲလၢာ်လံ.
သုတတဲဖျါထီၣ်အီၤဧီၤ.+
စးထီၣ်ခဲအံၤ ယကတဲဖျါထီၣ်န့ၢ်သု တၢ်ဂ့ၢ်အသီတဖၣ်+
ဒီးတၢ်ဂ့ၢ်တဖၣ်န့ၣ် မ့ၢ်ဝဲ တၢ်ခူသူၣ်တဖၣ်လၢ သုတသ့ၣ်ညါအီၤဘၣ်.
၇ လၢပျၢၤန့ၣ် တၢ်သ့ၣ်တဖၣ်န့ၣ် တဟဲကဲထီၣ်အသးဘၣ် သနာ်က့ ယဒုးကဲထီၣ်အီၤ လၢဆၢကတီၢ် ခဲအံၤလီၤ.
တချုးလၢ တနံၤအံၤဒံးဘၣ်န့ၣ် သုတနၢ်ဟူ တၢ်ဂ့ၢ်တဖၣ်အံၤ နီတဘျီဘၣ်.
အဃိ သုတဲလၢ ‘တၢ်ဂ့ၢ်တဖၣ်အံၤ ယသ့ၣ်ညါပာ်စၢၤလံ’ န့ၣ်တသ့ဘၣ်.
၈ နီၢ်ကီၢ်န့ၣ် သုတနၢ်ဟူဘၣ်ဘၣ်,+ သုတသ့ၣ်ညါဘၣ်ဘၣ်
ဒီးလၢညါန့ၣ် သုတအဲၣ်ဒိး ဒိကနၣ်တၢ်ဘၣ်.
၉ ဘၣ်ဆၣ် လၢယမံၤအဃိ ယကပၢၤဃာ် ယတၢ်သးထီၣ်လီၤ.+
ဒီးလၢယတၢ်လၤကပီၤအဃိ ယကဝံသးစူၤသု
ဒီးယတမၤဟးဂီၤသုဘၣ်.+
၁၀ ယပှံၢ်စီသု ဝံၤလံ ဘၣ်ဆၣ် တမ့ၢ်ဒ်စ့ညၣ် အသိးဘၣ်.+
ဒ်ပှၤမၤပှံၢ်လီၤထးလၢ ဖၣ်ကပူၤအသိး ယပျဲလၢ သုကဘၣ်နး ဘၣ်ဖှီၣ် ဒ်သိး ယကမၤကဆှီထီၣ်သု အဂီၢ်လီၤ.+
၁၁ လၢယမံၤအဃိ ယကမၤတၢ် သပှၢ်တၢၢ်လီၤ.+
ယပျဲလၢ ယမံၤကဘၣ်တၢ်မၤဘၣ်အၢအီၤ ကသ့ဒ်လဲၣ်.+
တၢ်လၤကပီၤလၢ ယကြၢးဒိးန့ၢ်ဘၣ်န့ၣ် ယတပျဲလၢ ပှၤအဂၤ ကဒိးန့ၢ်ဘၣ်အီၤ နီတဂၤဘၣ်.
၁၂ အိ စီၤယၤကိာ် အစၢၤအသွဲၣ် ဒီးပှၤအံၣ်စရ့လးဖိဧၢ, ယဃုထၢသုလီၤ.
ကနၣ်လၢအံၤ, ယမ့ၢ် ပှၤအလီၢ်လီၢ်တဂၤလီၤ.+ ယမ့ၢ် ပှၤအဆိကတၢၢ် ဒီးပှၤအလီၢ်ခံ ကတၢၢ်လီၤ.+
ဖဲယကိးထီၣ် အဝဲသ့ၣ်* အခါ အဝဲသ့ၣ် ဆၢထၢၣ် တပူၤဃီလီၤ.
၁၄ သုဝဲခဲလၢာ်သ့ၣ်ဧၢ, ပာ်ဖှိၣ်ထီၣ်သုသး ဒီးကနၣ်တက့ၢ်.
လၢယွၤတဖၣ်အကျါန့ၣ် မတဂၤတဲဆိပာ်စၢၤ တၢ်ဂ့ၢ်တဖၣ်အံၤလဲၣ်.
ပှၤလၢ ယၤ, ယဟိဝၤယွၤ အဲၣ်အီၤ* တဂၤန့ၣ်+
အကမၤလၢပှဲၤထီၣ် ယတၢ်ဘၣ်သး ဘၣ်ဃးဒီး ဘၤဘူၤလိၣ်+
ဒီးအကထီဒါ ပှၤက့ၤစ့းဖိလီၤ.+
၁၅ ယမ့ၢ်ပှၤတဂၤလၢ အတဲပာ်စၢၤတၢ် ဒီးကိးန့ၢ်အီၤလီၤ.+
ယဆှၢအီၤ ဒီးတၢ်လၢ အဝဲကမၤန့ၣ် ကကဲထီၣ်လိၣ်ထီၣ်လီၤ.+
၁၆ ဟဲဘူးဒီးယၤ ဒီးကနၣ်တက့ၢ်.
စးထီၣ်လၢ အခီၣ်ထံးန့ၣ် ယတဲတၢ် ပျီပျီ ဒီးယတတဲတၢ်လၢ တၢ်ခူသူၣ်အပူၤဘၣ်.+
ဒီးဖဲအကဲထီၣ်အသးအခါ ယအိၣ်ဖဲန့ၣ်လီၤ.”
ဒီးတၢ်ပၢကစၢ် ယဟိဝၤယွၤ ဆှၢလီၤယၤဒီး* အသးစီဆှံလီၤ.
၁၇ ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤလၢ အစီဆှံတဂၤ လၢအပှ့ၤက့ၤသုန့ၣ် တဲဝဲလၢ+
“ယမ့ၢ် သုကစၢ် ယဟိဝၤယွၤလီၤ.
ယမ့ၢ်ပှၤတဂၤလၢ အသိၣ်လိသုလၢ တၢ်လၢအဂ့ၤကတၢၢ်လၢသုဂီၢ်*+
ဒီးပှၤတဂၤလၢ အဟံးစုနဲၣ်ကျဲသုလၢ ကျဲလၢ သုကြၢးလဲၤလီၤ.+
၁၈ ယမုၢ်လၢ်လၢ သုကဒိကနၣ် ယတၢ်မၤလိာ်တဖၣ်လီၤ.+
သုမ့ၢ်မၤဒ်န့ၣ်မး သုတၢ်ဃူတၢ်ဖိး* ကမၤအသးဒ်သိးဒီး ထံကျိတဘိ+
ဒီးသုတၢ်တီတၢ်လိၤ ကမၤအသးဒ်သိးဒီး ပီၣ်လဲၣ် အလပီတဖၣ်လီၤ.+
အဝဲသ့ၣ် အမံၤန့ၣ် ကအိၣ်ဝဲလၢ ယမဲာ်ညါ ဒီးတလီၤမၢ်ကွံာ် နီတဘျီဘၣ်.”
၂၀ ဟးထီၣ်လၢ ဘၤဘူၤလိၣ်အပူၤ+
ဒီးဃ့ၢ်ထီၣ်ကွံာ်လၢ ပှၤက့ၤစ့းဖိ အကျါတက့ၢ်.
လၢတၢ်သးခုအပူၤန့ၣ် တဲဖျါထီၣ် ဒီးဘိးဘၣ်သ့ၣ်ညါ တၢ်ကစီၣ် လၢလာ်အံၤ+
ဒီးဒုးသ့ၣ်ညါပှၤဂၤလၢ တၢ်ကစီၣ်အံၤ တုၤလၢ ဟီၣ်ခိၣ်အနၢၣ် အကတၢၢ်တဖၣ်တက့ၢ်.+
တဲလၢ “ယဟိဝၤယွၤ ပှ့ၤက့ၤ အခ့အပှၤ စီၤယၤကိာ် အစၢၤ အသွဲၣ်လံ.+
၂၁ ဖဲကစၢ်ယွၤ ဆှၢအဝဲသ့ၣ်လၢ မဲးမုၢ်ခိၣ်အခါ အဝဲသ့ၣ် တလီၤဒိထံဘၣ်.+
ကစၢ်ယွၤ ဒုးဖျိးထီၣ်ထံလၢ အဝဲသ့ၣ်အဂီၢ် လၢလၢၢ်ပူၤ,
အမၤသ့ၣ်ဖးလၢၢ် ဒီးဒုးဟဲထီၣ်ထံလီၤ.”+
၂၂ ယဟိဝၤယွၤ တဲဝဲလၢ “ပှၤအၢပှၤသီန့ၣ် တအိၣ်ဒီး တၢ်ဃူတၢ်ဖိးဘၣ်.”*+
၄၉ ကီးတဖၣ်ဧၢ, ကနၣ်ယၤတက့ၢ်.
ပှၤကလုာ် လၢအအိၣ်လၢ တၢ်လီၢ်ယံၤသ့ၣ်ဧၢ, ကနၣ် ထံထံဆးဆးတက့ၢ်.+
တချုးလၢ ယအိၣ်ဖျဲၣ်ထီၣ်ဒံးဘၣ်န့ၣ် ယဟိဝၤယွၤ ကိးန့ၢ်ယၤ+
ဒီးလၢယအိၣ်လၢ ယမိၢ်ဒၢလီၢ်ပူၤ လံၤလံၤန့ၣ် ကစၢ်ယွၤ ကိးယၤလၢ ယမံၤလီၤ.
၂ အဝဲဒုးကဲထီၣ် ယထးခိၣ်ဒ် နးလၢအကနၣ်အ့ၣ်တဘ့ၣ်
ဒီးအဝဲပာ်ခူသူၣ်ယၤလၢ အစုအကဒု ဖီလာ်လီၤ.+
အဝဲဒုးကဲထီၣ်ယၤ ဒ်ပျၢ်တဘိလၢ ပှၤမၤအ့ၣ်ထီၣ်အကနၣ်
ဒီးအဝဲပာ်ခူသူၣ်ယၤလၢ အပျၢ်ပီၤ ပူၤလီၤ.
၄ ဘၣ်ဆၣ် ယတဲလၢ “ယမၤတ့ၢ်တၢ် ကလီကလီလီၤ.
ယသူလၢာ် ယဂံၢ်ယဘါ ခီလီလီ ဒီးအတကဲဘျုးဘၣ်.
၅ ဖဲယအိၣ်လၢ ယမိၢ်ဒၢလီၢ်ပူၤအခါ ယဟိဝၤယွၤ မ့ၢ်ပှၤလၢ အတ့ယၤ ဒ်အခ့အပှၤ အသိးလီၤ.
ဒီးအဝဲမၢယကိးက့ၤ စီၤယၤကိာ် အစၢၤအသွဲၣ်တဖၣ် လၢအအိၣ်
ဒ်သိး ပှၤအံၣ်စရ့လးဖိတဖၣ် ကဘၣ်တၢ်ပာ်ဖှိၣ်ထီၣ်အီၤလၢ အအိၣ်အဂီၢ်လီၤ.+
ယကအိၣ်ဒီး တၢ်လၤကပီၤလၢ ယဟိဝၤယွၤ အမဲာ်ညါ
ဒီးယကစၢ်ယွၤ ကကဲထီၣ် ယဂံၢ်ယဘါလီၤ.
၆ ဒီးအဝဲတဲယၤလၢ “နမ့ၢ် ယခ့ယပှၤလၢ
ကဝံၣ်ဆၢထၢၣ် စီၤယၤကိာ် အဒူၣ်တဖၣ်
ဒီးဘှီဂ့ၤထီၣ်က့ၤ* ပှၤအံၣ်စရ့လးဖိ လၢအဘၣ်တၢ်ပာ်မူအီၤတဖၣ်
တကးဒံးဘၣ် ယဒုးကဲထီၣ်စ့ၢ်ကီးနၤလၢ တၢ်ကပီၤလၢ ပှၤကလုာ်တဖၣ် အဂီၢ်လီၤ.+
ဒီးယမၤဒ်န့ၣ်န့ၣ် ဒ်သိးယတၢ်အုၣ်က့ၤခီၣ်က့ၤ ကတုၤလၢ ဟီၣ်ခိၣ် ဒီဘ့ၣ်အဂီၢ်လီၤ.”+
၇ ပဒိၣ်တဖၣ်အခ့အပှၤတဂၤ လၢအမ့ၢ် ပှၤတဂၤလၢ ပှၤဂၤသးဘၣ်အၢဝဲ+ ဒီးပှၤကလုာ်တကလုာ်သးဟ့ဝဲန့ၣ် အံၣ်စရ့လး အကစၢ်ယဟိဝၤယွၤ လၢအစီဆှံတဂၤ+ လၢအမ့ၢ် ပှၤလၢအပှ့ၤက့ၤ ပှၤအံၣ်စရ့လးဖိန့ၣ် တဲဘၣ်အီၤဒ်အံၤ,
“စီၤပၤတဖၣ် ကထံၣ်ဘၣ် ဒီးကဂဲၤဆၢထၢၣ်
ဒီးပဒိၣ်ဖးဒိၣ်တဖၣ် ကချံးလီၤအခီၣ်
ခီဖျိလၢ ယဟိဝၤယွၤအဃိလီၤ. အဝဲမ့ၢ် ကစၢ်လၢ ပှၤနာ်န့ၢ် အီၤသ့တဂၤ+
ဒီးမ့ၢ်ဝဲ အံၣ်စရ့လး အကစၢ်ယွၤ လၢအစီဆှံတဂၤလၢ အဃုထၢထီၣ် နၤလီၤ.”+
၈ ယဟိဝၤယွၤ တဲဝဲလၢ
“ဆၢကတီၢ်ဖဲ ယပာ်ဖျါထီၣ် တၢ်ဂ့ၤတၢ်ဝါ အကတီၢ်န့ၣ် ယကစံးဆၢနၤ+
ဒီးဖဲတၢ်အုၣ်က့ၤခီၣ်က့ၤ အမုၢ်နံၤအတီၢ်ပူၤန့ၣ် ယကမၤစၢၤနၤလီၤ.+
ယကဆဲးဒီသဒၢနၤ ဒ်သိးနကလီၤဂာ်ဒီး တၢ်အၢၣ်လီၤအီလီၤတခါလၢ ယၤဒီးပှၤဂီၢ်မုၢ်တဖၣ် အဘၢၣ်စၢၤလီၤ.+
ကီၢ်ကအိၣ်က့ၤ ဒ်သိးဒီးလၢညါ
ဒီးယပှၤဂီၢ်မုၢ် ကန့ၢ်ဘၣ်က့ၤ အတၢ်န့ၢ်သါလၢ အအိၣ်သယုၢ် တဖၣ်လီၤ.+
၉ နကတဲဘၣ် ပှၤဃိာ်ဖိတဖၣ်လၢ ‘ဟးထီၣ်တက့ၢ်.’+
ဒီးနကတဲဘၣ် ပှၤအိၣ်လၢ တၢ်ခံးကျါလၢ+ ‘ဟဲပာ်ဖျါထီၣ် သုသးတက့ၢ်.’
ဒ်သိတဖၣ်အသိး အဝဲသ့ၣ် ကအီၣ်တၢ်လၢ ကျဲအဃၢၤ
ဒီးအဝဲသ့ၣ် အတၢ်အီၣ်ဆၣ်လီၢ်တဖၣ်န့ၣ် ကမ့ၢ်ဝဲလၢ ကျဲဖိတဖၣ် အကပိာ်ကပၤလီၤ.
၁၀ အဝဲသ့ၣ် တလီၤဘဲ* အီၣ်တၢ် ဒီးတလီၤဘဲအီထံဘၣ်.+
တၢ်ကိၢ်ဆါမ့ၢ်ဂ့ၤ မုၢ်ဆဲးလီၤမ့ၢ်ဂ့ၤ တမၤဘၣ်ဒိ အဝဲသ့ၣ်ဘၣ်,+
မ့ၢ်လၢ ယၤ, ကစၢ်ယွၤလၢ အသးကညီၤအဝဲသ့ၣ်န့ၣ် ကဆှၢအဝဲသ့ၣ်+
ဒီးကဟံးစုနဲၣ်ကျဲအဝဲသ့ၣ်လၢ ထံထီၣ်ပၢၢ်တဖၣ် အဃၢၤလီၤ.+
၁၁ ယကမၤဒ်သိး ကစၢၢ်ခဲလၢာ် ကကဲထီၣ်က့ၤ ကျဲတဖၣ်
ဒီးယကျဲမုၢ်တဖၣ်န့ၣ် ကအိၣ်ဝဲလၢ တၢ်လီၢ်ထီၣ်ထီလီၤ.+
၁၂ ကွၢ်မီၤ, ပှၤဂီၢ်မုၢ် အိၣ်ဝဲလၢ တၢ်လီၢ်ဖးယံၤန့ၣ် ဟဲဝဲလီၤ.+
တနီၤန့ၣ် အိၣ်လၢကလံၤစိး ဒီးမုၢ်နုာ်
ဒီးအဂၤတနီၤန့ၣ် အိၣ်ဝဲလၢ ကီၢ်စံၣ်နံၤလီၤ.”+
၁၃ မူခိၣ်ဧၢ, ကိးပသူထီၣ်လၢ တၢ်သးခုတက့ၢ်. ဟီၣ်ခိၣ်ဧၢ, သူၣ်ဖှံသးညီတက့ၢ်.+
မ်ကစၢၢ်ကလိတဖၣ် သးခု ဒီးကိးပသူထီၣ်လၢ တၢ်သူၣ်ခုသးခု အပူၤတက့ၢ်.+
ယဟိဝၤယွၤ မၤမုာ်ထီၣ်က့ၤ အပှၤဂီၢ်မုၢ်+
ဒီးအဝဲပာ်ဖျါထီၣ် တၢ်သးကညီၤလၢ အပှၤလၢ အဘၣ်နးဘၣ်ဖှီၣ်တဖၣ် အဖီခိၣ်လံ.+
၁၅ မ့ၢ်မိၢ်တဂၤ ကသးပ့ၤနီၣ်ကွံာ် အဖိလၢ အဒုးအီနုၢ်ဝဲ တဂၤန့ၣ်ဧါ.
မ့ၢ်အတသးကညီၤ အဖိလၢ အအိၣ်ဖျဲၣ်ထီၣ်သီသီဘၣ်ဧါ.
မိၢ်တဂၤ မ့ၢ်သးပ့ၤနီၣ်ဝဲဒၣ်လဲာ် ယတသးပ့ၤနီၣ်နၤ နီတဘျီဘၣ်.+
၁၆ ကွၢ်မီၤ, ယကွဲးလီၤနမံၤလၢ ယစုညါသးအလိၤလီၤ.
နဝ့ၢ်ဒူၣ်တဖၣ် အိၣ်ဝဲလၢ ယမဲာ်ညါ ထီဘိလီၤ.
၁၇ နဖိတဖၣ် ဟဲက့ၤဝဲ ချ့မးလီၤ.
ပှၤလၢ အမၤလီၤပှီၢ်နၤ ဒီးမၤဟးဂီၤနၤန့ၣ် ကဟးထီၣ်ကွံာ် လၢနအိၣ်လီၤ.
၁၈ ကွၢ်တရံးတၢ်တက့ၢ်.
အဝဲသ့ၣ် ပာ်ဖှိၣ်ထီၣ်အသးတပူၤဃီ+
ဒီးဟဲက့ၤလၢနအိၣ်လံ.
ယဟိဝၤယွၤ တဲဝဲလၢ “ဒ်ယမ့ၢ်ပှၤလၢအမူဝဲ သပှၢ်တၢၢ်အသိး ယအၢၣ်လီၤလၢ
နကကူထီၣ်သိးထီၣ် အဝဲသ့ၣ် ဒ်တၢ်ကယၢကယဲအသိး
ဒီးဒ်တၢ်လၢ အဃံအလၤလၢ တလးမူးပိာ်မုၣ် စၢဃာ်ဝဲလၢအလိၤ အသိးလီၤ.
၁၉ လၢညါန့ၣ် ပှၤမၤဟးဂီၤနၤ ဒီးဒုးအိၣ်သယုၢ်နၤ ဒီးနတၢ်လီၢ်တၢ်ကျဲ ဟးဂီၤသနာ်က့+
ခဲအံၤ နကအံၣ်တလၢလၢ ပှၤလၢ အအိၣ်လၢ နပူၤအဂီၢ်+
၂၀ နဘၣ်အိၣ်သယုၢ်လၢ နဖိတဖၣ် တအိၣ်လၢၤဘၣ်အဃိ ဝံၤဒီး နဖိခွါလၢ အအိၣ်ဖျဲၣ်ထီၣ်တဖၣ် ကတဲနၤလၢ
‘တၢ်လီၢ်တတီၤအံၤ အံၣ်တလၢ လၢပဂီၢ်အဃိ
မၤန့ၢ်ပှၤတၢ်လီၢ် ဒ်သိးပကအိၣ်ဖဲအံၤ အဂီၢ်တက့ၢ်.’+
၂၁ ဒီးနကတဲလီၤနသးလၢ
‘ယဖိတဖၣ်တအိၣ်လၢၤဘၣ် ဒီးယမ့ၢ်ပိာ်မုၣ်လၢ အဖိအိၣ် တန့ၢ်လၢၤဘၣ်.
တကးဒံးဘၣ် ပှၤက့ၤဖီၣ်ယၤ ဒီးစၢဃာ်ယၤအဃိ
ဖိလၢအဘၣ် တၢ်ဟ့ၣ်လီၤယၤတဖၣ်အံၤ အပါမ့ၢ်မတဂၤလဲၣ်.
မတဂၤ ကွၢ်လုၢ်ဒိၣ်ထီၣ် ဖိတဖၣ်အံၤလဲၣ်.+
၂၂ တၢ်ပၢကစၢ် ယဟိဝၤယွၤ တဲဝဲလၢ
“ကွၢ်မီၤ, ယကယူာ်ထီၣ်ယစုလၢ ပှၤကလုာ်တဖၣ် အအိၣ်
ဒီးယကဆီလီၤ ယတၢ်ပနီၣ်လၢ ပှၤဂီၢ်မုၢ်တဖၣ်အအိၣ်လီၤ.+
ဒီးသုကသ့ၣ်ညါဘၣ်လၢ ယမ့ၢ် ယဟိဝၤယွၤလီၤ.
ပှၤလၢ အမုၢ်လၢ်တၢ်လၢယၤန့ၣ် အတဒိးန့ၢ်ဘၣ် တၢ်မဲာ်ဆှးဘၣ်.”+
၂၄ ပှၤတဖၣ်လၢ ပှၤလၢအဂံၢ်ဆူၣ်ဘါဆူၣ်တဂၤ က့ၤဖီၣ်ဝဲန့ၣ် ပှၤဟံးန့ၢ်က့ၤအီၤ ကသ့ဧါ.
ပှၤတဖၣ်လၢ ပှၤပၢဆူၣ်ပၢစိးတၢ်တဂၤ ဖီၣ်န့ၢ်အီၤန့ၣ် ပှၤမၤပူၤဖျဲးအီၤ ကသ့ဧါ.
၂၅ ဘၣ်ဆၣ် ယဟိဝၤယွၤ တဲဝဲ ဒ်အံၤလီၤ.
“ပှၤတဖၣ်လၢ ပှၤလၢအဂံၢ်ဆူၣ်ဘါဆူၣ်တဂၤ က့ၤဖီၣ်ဝဲန့ၣ် ကဘၣ်တၢ်ဟံးန့ၢ်က့ၤအီၤ+
ဒီးပှၤတဖၣ်လၢ ပှၤပၢဆူၣ်ပၢစိးတၢ်တဂၤ ဖီၣ်န့ၢ်အီၤန့ၣ် ကဘၣ်တၢ်မၤပူၤဖျဲးအီၤလီၤ.+
ယကထီဒါ ပှၤလၢအထီဒါသု+
ဒီးယကမၤပူၤဖျဲး သုဖိတဖၣ်လီၤ.
၂၆ ပှၤလၢ အမၤအၢမၤသီနၤန့ၣ် ယကဒုးအီၣ်အဝဲသ့ၣ်လၢ အနီၢ်ကစၢ်အညၣ်
ဒီးအဝဲသ့ၣ် ကအီမူၤအနီၢ်ကစၢ်အသွံၣ် ဒ်ပှၤအီမူၤသးလၢ စပံးထံအသီ အသိးလီၤ.
ဒီးပှၤခဲလၢာ် ကသ့ၣ်ညါဘၣ်ဝဲလၢ ယမ့ၢ် ယဟိဝၤယွၤ+
ဒီးယမ့ၢ်ပှၤလၢ အအုၣ်က့ၤခီၣ်က့ၤနၤ,+ ပှၤလၢ အပှ့ၤက့ၤနၤ+
ဒီးစီၤယၤကိာ် အကစၢ်ယွၤလၢ အဂံၢ်ဆူၣ်ဘါဆူၣ် တဂၤလီၤ.”+
မ့ၢ်ယဆါလီၤကွံာ်သု ခီဖျိလၢ ယဒ့ၣ်ကမၢ် အိၣ်ဝဲအဃိဧါ.
နီၢ်ကီၢ်န့ၣ် သုဘၣ်တၢ်ဆါလီၤသုလၢ သုနီၢ်ကစၢ် အတၢ်ကမၣ်အဃိ+
ဒီးခီဖျိလၢ သုနီၢ်ကစၢ် တၢ်ဒဲးဘးအဃိ သုမိဘၣ် တၢ်ဒုးဟးထီၣ်အီၤလီၤ.+
၂ ဖဲယဟဲအခါ ဘၣ်မနုၤအဃိ ပှၤတအိၣ်ဖဲအံၤ နီတဂၤဘၣ်လဲၣ်.
ဖဲယကိးထီၣ်အခါ ဘၣ်မနုၤအဃိ ပှၤတစံးဆၢတၢ် နီတဂၤဘၣ်လဲၣ်.+
မ့ၢ်ယစုဖုၣ်တလၢလၢ ယကပှ့ၤက့ၤသုအဂီၢ်ဧါ.
ဒီးဒ်သိး ယကမၤပူၤဖျဲးသုအဂီၢ် မ့ၢ်ယတၢ်စိတၢ်ကမီၤ တအိၣ်ဘၣ်ဧါ.+
ထံတအိၣ်ဘၣ်အဃိ ညၣ်တဖၣ် သံကွံာ်ဝဲ
ဒီးထံတအိၣ်ဘၣ်အဃိ ညၣ်တဖၣ် အုၣ်သံဝဲလီၤ.
၄ တၢ်ပၢကစၢ် ယဟိဝၤယွၤ သိၣ်လိယၤ တၢ်လၢယဘၣ်တဲ*+
ဒ်သိးယဒုးဆူၣ်ထီၣ် ပှၤလၢအလီၤဘှံးလီၤတီၤ အဂံၢ်အဘါ ကသ့အဂီၢ်လီၤ.+
အဝဲ ကိးဂဲၤဆၢထၢၣ်ယၤ ကိးဂီၤဒဲး,
အဝဲ ထိၣ်ဟူးထိၣ်ဂဲၤထီၣ်ယသး ဒ်သိးယကကနၣ်တၢ်* ဒ်ပျဲၢ်တဂၤလၢ အကနၣ်တၢ် ထံထံအသိးလီၤ.+
၅ တၢ်ပၢကစၢ် ယဟိဝၤယွၤ ဟ့ၣ်လီၤယၤ တၢ်သ့ၣ်ညါနၢ်ပၢၢ်
ဒီးယတထီဒါက့ၤတၢ်ဘၣ်.+
ယတမၤဒ် ယနီၢ်ကစၢ်တၢ်ဘၣ်သး အိၣ်ဝဲအသိးဘၣ်.+
၆ ယဒိးလီၤယချၢဃံလၢ ပှၤလၢ အတီၢ်ယၤတဖၣ် အအိၣ်
ဒီးယဒိးလီၤယဘိးပၤလၢ ပှၤလၢ အထဲးယခၣ်ဆူၣ်တဖၣ် အအိၣ်လီၤ.
ယတပာ်ခူသူၣ်ယမဲာ်လၢ တၢ်မၤမဲာ်ဆှး ဒီးတၢ်ထူးပှဲာ်ဘၣ်.+
၇ ဘၣ်ဆၣ် တၢ်ပၢကစၢ် ယဟိဝၤယွၤ ကမၤစၢၤယၤ+
အဃိ ယတတူၢ်ဘၣ် တၢ်မဲာ်ဆှးဘၣ်.
၈ ပှၤတဂၤလၢ အပာ်တီပာ်လိၤယၤန့ၣ် ဟဲဘူးထီၣ်လံ.
မတဂၤ ကပာ်တၢ်ကမၣ် လၢယလိၤလဲၣ်.+
မ်ပဆၢထၢၣ်သကိးလၢ တၢ်စံၣ်ညီၣ်အဂီၢ်သၢၤ.
မတဂၤ အိၣ်ဒီးတၢ်ဂ့ၢ်လိာ်ဘှီလိာ် လၢကထီဒါယၤ အဂီၢ်လဲၣ်.
မ်အဟဲတီၣ်ဖျါထီၣ် လၢယမဲာ်ညါသၢၤ.
၉ တၢ်ပၢကစၢ် ယဟိဝၤယွၤ ကမၤစၢၤယၤ
အဃိ မတဂၤ ကတဲလၢ ယတၢ်ကမၣ်အိၣ်လဲၣ်.
အဝဲသ့ၣ်န့ၣ် ကလီၢ်လံၤကွံာ် ဒ်သိးဒီး တၢ်ကူတၢ်ကၤ
ဒီးတၢ်အဃၢ် ကအီၣ်ကွံာ် အဝဲသ့ၣ်လီၤ.
၁၀ လၢသုကျါန့ၣ် မတဂၤ ပျံၤယဟိဝၤယွၤ
ဒီးဒိကနၣ် အခ့အပှၤ အကလုၢ်လဲၣ်.+
မတဂၤ ဟးတ့ၢ်လၢ တၢ်ခံးသူကျါ ဖဲတၢ်ကပီၤ တအိၣ်နီတစဲးဘၣ် အလီၢ်လဲၣ်.
မ်အဝဲနာ်န့ၢ် ယဟိဝၤယွၤအမံၤ ဒီးသန့ၤအသးလၢ ကစၢ်ယွၤတက့ၢ်.
၁၁ “ဘၣ်ဆၣ် သုဝဲခဲလၢာ်လၢ အဒွဲၣ်ထီၣ်မ့ၣ်အူ
ဒီးမၤပ့ၢ်ထီၣ် မ့ၣ်အူဖီတဖၣ်သ့ၣ်ဧၢ,
လဲၤတၢ်လၢ သုမ့ၣ်အူ အတၢ်ကပီၤ အကျါ
ဒီးလၢမ့ၣ်အူဖီလၢ သုမၤပ့ၢ်ထီၣ်အီၤတဖၣ် အကျါသၢၤ.
တၢ်လၢ သုကန့ၢ်ဘၣ်အီၤ လၢယအိၣ်န့ၣ် အိၣ်ဝဲဒ်အံၤ,
သုကမံနီၤ ဒီးတူၢ်ဘၣ်ထဲ တၢ်အဆါလီၤ.
၅၁ “သုဝဲလၢ အလူၤတၢ်တီတၢ်လိၤ,
သုဝဲလၢအဃု ယၤ, ယဟိဝၤယွၤ န့ၣ် ဒိကနၣ် ယကလုၢ်တက့ၢ်.
ဆိကမိၣ်ထီၣ်က့ၤ လၢၢ်လၢ သုဟဲထီၣ်လၢအပူၤ
ဒီးတၢ်ခူၣ်လၢၢ်ခူၣ်လ့ အတၢ်ပူၤလၢ သုဘၣ်တၢ်ခူၣ်ထုးထီၣ်သု န့ၣ်တက့ၢ်.
၂ ဆိကမိၣ်ထီၣ်က့ၤ သုပၢ် စီၤအၤဘြၤဟၣ်
ဒီးနီၢ်စၤရါလၢ+ အအိၣ်ဖျဲၣ်ထီၣ်သု န့ၣ်တက့ၢ်.
ဖဲယကိး စီၤအၤဘြၤဟၣ်အခါ အအိၣ်ထဲ တဂၤဒံးလီၤ.+
ဘၣ်ဆၣ် ယဆိၣ်ဂ့ၤအီၤ ဒီးမၤအါထီၣ် အချံအသၣ် ဒီဒူၣ်လီၤ.+
၃ ယဟိဝၤယွၤ ကမၤမုာ်ထီၣ်က့ၤ စံယိၣ်+
ဒီးကစၢ်ယွၤ ကမၤဂ့ၤထီၣ်က့ၤ* စံယိၣ် အတၢ်လီၢ်တၢ်ကျဲလၢ အဟးဂီၤ ခဲလၢာ်လီၤ.+
ကစၢ်ယွၤ ကမၤကဲထီၣ်က့ၤ စံယိၣ် အပှၢ်မုၢ်ကနၢ ဒ်သိးဒီး ဧ့ၤဒ့ၣ်တၤသၣ်အလီၢ်+
ဒီးအမဲးမုၢ်ပျီန့ၣ် ကကဲထီၣ်က့ၤ ဒ်သိးဒီး ယဟိဝၤယွၤ အကရၢၢ်လီၤ.+
တၢ်သူၣ်ခုသးခု, တၢ်သူၣ်ဖှံသးညီ,
တၢ်စံးဘျုးစံးဖှိၣ် ဒီးတၢ်သူၣ်ဝံၣ်သးဆၢ လၢအမုာ် ကအိၣ်ဝဲဖဲန့ၣ်လီၤ.+
၄ အိ ယပှၤဂီၢ်မုၢ်သ့ၣ်ဧၢ, ဒိကနၣ်ယၤ ထံထံတက့ၢ်.
ပှၤကလုာ်လၢ ယဃုထၢထီၣ်ဧၢ, ဒိကနၣ်ယၤတက့ၢ်.+
လၢယအိၣ်န့ၣ် တၢ်သိၣ်တၢ်သီ ကဟဲအိၣ်ထီၣ်+
ဒီးယတၢ်စံၣ်ညီၣ်တီန့ၣ် ယကပာ်အီၤ ဒ်သိးဒီး တၢ်ကပီၤတခါလၢ ပှၤဂီၢ်မုၢ်အဂီၢ်လီၤ.+
၅ ယတၢ်တီတၢ်လိၤ ဟဲဘူးထီၣ်လံ.+
ကီးတဖၣ် ကမုၢ်လၢ်တၢ်လၢယၤ+
ဒီးအဝဲသ့ၣ် ကခိးကွၢ်လၢ် ယစိယကမီၤလီၤ.
၆ ကွၢ်ထီၣ်တၢ် ဆူမူခိၣ်
ဒီးကွၢ်ဟီၣ်ခိၣ်လၢ အအိၣ်လၢ လာ်ခီတက့ၢ်.
မူခိၣ် ကလီၤမၢ်ကွံာ်ဝဲ ဒ်သိးဒီး မ့ၣ်အူခုၣ်
ဒီးဟီၣ်ခိၣ် ကလီၢ်လံၤကွံာ်ဝဲ ဒ်သိးဒီး တၢ်ကူတၢ်ကၤလီၤ.
ဒီးပှၤလၢ အအိၣ်ဝဲဆိးဝဲ ဖဲန့ၣ်တဖၣ် ကသံဝဲ ဒ်သိးဒီး ဃးသူတဖၣ်လီၤ.*
တဘၣ်ပျံၤ ပှၤဟီၣ်ခိၣ်ဖိ အတၢ်ဒုၣ်ဒွဲၣ်တဖၣ်တဂ့ၤ.
ဒီးတဘၣ်ကနိးကစုာ် ခီဖျိလၢ အဝဲသ့ၣ်အတၢ်တဲဆါတၢ်အဃိတဂ့ၤ.
၈ တၢ်အဃၢ် ကအီၣ်ကွံာ် အဝဲသ့ၣ် ဒ်အအီၣ်ကွံာ် တၢ်ကူတၢ်ကၤအသိး
ဒီးတၢ်အဃၢ် ကအီၣ်ကွံာ် အဝဲသ့ၣ် ဒ်အအီၣ်ကွံာ် သိဆူၣ်အသိးလီၤ.+
ဘၣ်ဆၣ် ယတၢ်တီတၢ်လိၤ ကအိၣ်ဂၢၢ်အိၣ်ကျၢၤဝဲ လီၤထူလီၤယိာ်
ဒီးယတၢ်အုၣ်က့ၤခီၣ်က့ၤ ကအိၣ်ဝဲ အစိၤစိၤအဃၣ်ဃၣ်လီၤ.”+
၉ မ်ယဟိဝၤယွၤ ယၤထီၣ်အစုတက့ၢ်.+
မ်အဝဲ ယၤထီၣ်အစု ဒီးပာ်ဖျါထီၣ် အစိကမီၤတက့ၢ်.
မ်အဝဲ ယၤထီၣ်အစု ဒ်အမၤဝဲလၢပျၢၤ အသိးတက့ၢ်.
၁၀ နမ့ၢ် ပှၤတဂၤလၢ အမၤလီၤသံး ပီၣ်လဲၣ်ထံ ဒီးထံလၢ အအိၣ်လၢ ထံယိာ်ပူၤန့ၣ် တမ့ၢ်ဧီၤ.+
နမ့ၢ် ပှၤတဂၤလၢ အဒုးကဲထီၣ် ပီၣ်လဲၣ်ယိာ်လၢ ကျဲမုၢ်လၢ ပှၤလၢ အဘၣ်တၢ်ပှ့ၤက့ၤအီၤတဖၣ် ကခီဂာ်ဝဲအဂီၢ် တမ့ၢ်ဧီၤ.+
အဝဲသ့ၣ် ကပှဲၤဒီး တၢ်သူၣ်ခုသးခု ဒီးတၢ်သူၣ်ဖှံသးညီ,
မ့မ့ၢ် တၢ်သးအုးဒီး တၢ်ကအုကစွါန့ၣ် ကလီၤမၢ်ကွံာ်ဝဲလီၤ.+
၁၂ ကစၢ်ယွၤ တဲဝဲလၢ “ယမ့ၢ် ပှၤတဂၤလၢ အမၤမုာ်ထီၣ်က့ၤနၤလီၤ.*+
မ့ၢ်နကြၢးပျံၤ ပှၤဟီၣ်ခိၣ်ဖိ လၢအကသံ+
ဒီးပှၤဟီၣ်ခိၣ်ဖိ လၢအကဃ့ထီကွံာ် ဒ်နီၣ်လါဟ့ဃ့ထီကွံာ် အသိးန့ၣ်ဧါ.
၁၃ ယၤ, ယဟိဝၤယွၤအံၤ မ့ၢ်ပှၤလၢ အတ့လီၤနၤ,
ယမ့ၢ်ပှၤလၢ အသလၣ်ထီၣ်မူခိၣ်+ ဒီးပာ်လီၤ ဟီၣ်ခိၣ်အခီၣ်ထံးလီၤ. ဘၣ်မနုၤအဃိ နသးပ့ၤနီၣ် ယၤလဲၣ်.+
လၢညါန့ၣ် နပျံၤ ပှၤလၢ အဆီၣ်တံၢ်မၤနၢၤနၤ အတၢ်သးဒိၣ် ဒီတနံၤကျၢၤ
ဒီးနဆိကမိၣ်လၢ အမၤဟးဂီၤနၤ ကန့ၢ်လီၤ.
ဘၣ်ဆၣ် ခဲအံၤန့ၣ် ပှၤလၢ အဆီၣ်တံၢ်မၤနၢၤနၤ အတၢ်သးဒိၣ်န့ၣ် မ့ၢ်အအိၣ်ဒံးဧါ.
၁၄ ပှၤလၢ အဘၣ်တၢ်စၢဃာ်အီၤလၢ ပျံၤထးတဖၣ်န့ၣ် တယံာ်လၢၤဘၣ် ကထူၣ်ဖျဲးထီၣ်ကွံာ်လီၤ.+
အတသံ ဒီးတလဲၤလီၤဘၣ်လၢ တၢ်ပူၤဘၣ်.
ဒီးအတလီၤဒိ ဒီးတၢ်အီၣ်ဘၣ်.
၁၅ ဘၣ်ဆၣ် ယမ့ၢ် နကစၢ် ယဟိဝၤယွၤလီၤ.
ယမ့ၢ် ပှၤလၢ အထိၣ်ဟူးထိၣ်ဂဲၤထီၣ်ပီၣ်လဲၣ် ဒီးဒုးသီၣ်ထီၣ် အလပီတဖၣ် ရုၢ်ရုၢ်လီၤ.+
ယမံၤမ့ၢ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.+
၁၆ ယကဒုးတဲနၤလၢ ယတၢ်ကတိၤတဖၣ်
ဒီးယကဒီသဒၢနၤလၢ ယစုအကဒု+
ဒ်သိး ယကပာ်လီၤမူခိၣ် ဒီးပာ်လီၤ ဟီၣ်ခိၣ်အခီၣ်ထံး+
ဒီးတဲစံယိၣ်လၢ ‘နမ့ၢ် ယပှၤဂီၢ်မုၢ်’ အဂီၢ်လီၤ.+
၁၇ ဝ့ၢ်ယရူၤၡလ့ၣ်ဧၢ, ယဟိဝၤယွၤ ဟ့ၣ်လီၤနၤ အတၢ်သးဒိၣ်အခွး ဒီးနအီတၢ်အိၣ်လၢအပူၤဝံၤလံ.
နအီတၢ်အိၣ်လၢ စပံးထံ အခွးပူၤဝံၤလံ.
တၢ်အိၣ်လၢ ခွးပူၤလၢ အဒုးဟးကနူၤကပၤတၢ်န့ၣ် နအီလၢာ်ကွံာ်အီၤ တုၤလၢ အခံဒးဝံၤလံ.+
အဃိ ပၢၢ်ထီၣ်, ပၢၢ်ထီၣ်, ဂဲၤဆၢထၢၣ်သၢၤ.+
၁၈ နဖိခွါတဖၣ်လၢ နအိၣ်ဖျဲၣ်ထီၣ်အီၤန့ၣ် တဂၤမး တဟံးစုနဲၣ်ကျဲနၤဘၣ်.
ဒီးနဖိခွါတဖၣ်လၢ နလုၢ်ဒိၣ်ထီၣ်အီၤန့ၣ် တဂၤမး တဖီၣ်ဃာ်နစုဘၣ်.
၁၉ တၢ်လၢအလီၤဘၣ်နၤန့ၣ် အိၣ်ဝဲခံမံၤလီၤ.
နဟးဂီၤကွံာ် ဒီးအိၣ်သယုၢ် ဒီးနထံၣ်ဘၣ် တၢ်သၣ်ဝံၤလီၤဒိ ဒီးနးလီၤ.+
မတဂၤ ကသးကညီၤနၤလဲၣ်.
မတဂၤ ကမၤမုာ်ထီၣ်က့ၤ နသးလဲၣ်.+
၂၀ နဖိခွါတဖၣ် သးပ့ၤနီၣ်လီၤအသး,+
အဝဲသ့ၣ် မံနီၤလၢ ကျဲအနၢၣ်ထံး ကိးနၢၣ်ဒဲး
လီၤဂာ်ဒ်သိးဒီး သိမံၤ လၢပျံၤသကွီၤပူၤ* အသိးလီၤ.
ယဟိဝၤယွၤ အတၢ်သးဒိၣ် ဒီးကစၢ်ယွၤ အတၢ်သိၣ်ဃီၣ်န့ၣ် ဘၣ်တၢ်လူလီၤအီၤလၢ နလိၤလၢာ်လံ.”
၂၁ အဃိ ပိာ်မုၣ်လၢ အဘၣ်နးဘၣ်ဖှီၣ် ဒီးအမူၤဝဲ ဘၣ်ဆၣ် တမူၤလၢ စပံးထံအဃိဘၣ် တဂၤဧၢ,
ဝံသးစူၤ ကနၣ်တၢ်ဂ့ၢ်တခါအံၤတက့ၢ်.
၂၂ နကစၢ် ယဟိဝၤယွၤ လၢအမ့ၢ် ကစၢ်လၢ အဒီသဒၢ အပှၤဂီၢ်မုၢ်န့ၣ် တဲဝဲလၢ
“ခွးလၢ အဒုးဟး ကနူၤကပၤတၢ်န့ၣ် ယကဟံးထီၣ်ကွံာ်လၢ နစုပူၤ+
ဒီးနတအီတၢ်အိၣ်လၢ
ယတၢ်သးဒိၣ်အခွးပူၤ နီတဘျီလၢၤဘၣ်.+
၂၃ ယကပာ်ခွးအံၤလၢ ပှၤလၢအမၤနးမၤဖှီၣ်နၤ အစုပူၤလီၤ.+
လၢညါ အဝဲသ့ၣ် တဲနၤလၢ ‘မံနီၤသၢၤ, ပကဟးလၢနလိၤ.’
အဃိ နဘၣ်ဒုးကဲထီၣ် နချၢဃံ ဒ်သိးဒီး ဟီၣ်ခိၣ်လၢ ပှၤဟးလၢအလိၤ
ဒီးကျဲလၢ ပှၤဟးလၢအပူၤလီၤ.”
၅၂ အိ ဝ့ၢ်စံယိၣ်ဧၢ,+ ပၢၢ်ထီၣ်, ပၢၢ်ထီၣ် ဒီးမၤဆူၣ်ထီၣ် နဂံၢ်နဘါတက့ၢ်.+
အိ ဝ့ၢ်စီဆှံ ယရူၤၡလ့ၣ်ဧၢ, ကူထီၣ်သိးထီၣ် နတၢ်ကူတၢ်သိးလၢ အဃံအလၤတက့ၢ်.+
ပှၤလၢ အတဒိးတၢ်ကူးတရံးဘၣ် ဒီးပှၤလၢ အတကဆှီဘၣ်န့ၣ် တဟဲနုာ်လီၤလၢ နပူၤလၢၤဘၣ်.+
၂ အိ ဝ့ၢ်ယရူၤၡလ့ၣ်ဧၢ, ဂဲၤဆၢထၢၣ် ဒီးတရုၤလီၤကွံာ် ဟီၣ်ခိၣ်ကမူၣ် ဝံၤဒီးဆ့ၣ်နီၤတက့ၢ်.
အိ ဝ့ၢ်စံယိၣ်လၢ အဘၣ်တၢ်စၢဃာ်အီၤဧၢ, ဃဲၣ်လီၤကွံာ် ပျံၤထးတဖၣ်လၢ အအိၣ်လၢ နကိာ်ဘိလိၤတက့ၢ်.+
၃ ယဟိဝၤယွၤ တဲဝဲလၢ
“သုဘၣ် တၢ်ဟံးန့ၢ်ကွံာ်* သုခီလီလီ+
ဒီးသုကဘၣ်တၢ်ပှ့ၤက့ၤသု ဘၣ်ဆၣ် တလိၣ်ဟ့ၣ်လီၤကျိၣ်စ့ဘၣ်.”+
၄ တၢ်ပၢကစၢ် ယဟိဝၤယွၤ တဲဝဲလၢ
“အခီၣ်ထံးခါ ယပှၤဂီၢ်မုၢ် လဲၤလီၤအိၣ်လၢ ကီၢ်အဲၤကူပတူးအပူၤ ဒ်ပှၤထံဂၤကီၢ်ဂၤဖိ အသိးလီၤ.+
လၢခံ ပှၤအၤၡူၢ်ဖိ ဆီၣ်တံၢ်မၤနၢၤ အဝဲသ့ၣ် ခီလီလီလီၤ.”
၅ ယဟိဝၤယွၤ တဲဝဲလၢ “ဘၣ်ဃးဒီးတၢ်ဂ့ၢ်အံၤ ယကဘၣ်မၤဒ်လဲၣ်.
ယပှၤဂီၢ်မုၢ် ဘၣ်တၢ်ဟံးန့ၢ်အီၤ ခီလီလီလံ.”
ဒီးယဟိဝၤယွၤ တဲကဒီးဝဲလၢ “ပှၤလၢအပၢ အဝဲသ့ၣ်တဖၣ်န့ၣ် ဆဲးကိးပသူထီၣ်လၢ တၢ်သးခုအပူၤလီၤ.+
တနံၤဘၣ်တနံၤ ယထံၣ်ဘၣ်လၢ ပှၤတပာ်ကဲယမံၤ နီတစဲးဘၣ်.+
၆ လၢတၢ်န့ၣ်အဃိ ယပှၤဂီၢ်မုၢ် ကသ့ၣ်ညါနၢ်ပၢၢ်ယမံၤ+
ဒီးဖဲတၢ်တနံၤန့ၣ် အဝဲသ့ၣ် ကသ့ၣ်ညါဝဲလၢ ယမ့ၢ်ပှၤလၢ အတဲတ့ၢ်တၢ်လီၤ.
ကနၣ်လၢအံၤ, ယမ့ၢ်ပှၤလၢ အတဲ ဒ်န့ၣ်လီၤ.”
၇ လၢကစၢၢ်လိၤန့ၣ် ပှၤလၢအစိာ် တၢ်သးခုကစီၣ်,
ပှၤလၢ အစံၣ်တဲၤတဲလီၤ တၢ်မုာ် တၢ်ခုၣ် အကစီၣ်,+
ပှၤလၢ အဟဲစိာ် တၢ်သးခုကစီၣ် ဘၣ်ဃးဒီး တၢ်အိၣ်သးလၢ အဂ့ၤဒိၣ်န့ၢ်ဒံးလၢညါ,+
ပှၤလၢ အစံၣ်တဲၤတဲလီၤ တၢ်အုၣ်က့ၤခီၣ်က့ၤအကစီၣ်
ဒီးပှၤလၢအတဲ စံယိၣ်လၢ “နကစၢ်ယွၤ ကဲထီၣ်စီၤပၤလံ” န့ၣ်အခီၣ် ဃံလၤဝဲဒိၣ်မးလီၤ.+
၈ ဖဲယဟိဝၤယွၤ ကိးဖှိၣ်က့ၤ ပှၤတဖၣ်လၢ စံယိၣ်အခါ
နပှၤခိးကွၢ်တၢ်ဖိတဖၣ် ကထံၣ်ဘၣ်လၢအမဲာ်လီၤ.
အဝဲသ့ၣ် ကကိးပသူထီၣ် ဒီးကကိးပသူထီၣ်လၢ တၢ်သးခုအပူၤ ဃူဃူလီၤ.
၉ ဝ့ၢ်ယရူၤၡလ့ၣ် အတၢ်ဟးဂီၤတဖၣ်ဧၢ,+ ယဟိဝၤယွၤ မၤမုာ်ထီၣ်က့ၤ အပှၤဂီၢ်မုၢ်+ ဒီးပှ့ၤက့ၤ ဝ့ၢ်ယရူၤၡလ့ၣ်လံ.+
အဃိ ကိးပသူထီၣ်လၢ တၢ်သးခု အပူၤ ဃူဃူတက့ၢ်.
၁၀ ယဟိဝၤယွၤ ပာ်ဖျါထီၣ် အစုစီဆှံလၢ ပှၤကလုာ်ခဲလၢာ် အမဲာ်ညါလံ.+
ဒီးပှၤအိၣ်လၢ ဟီၣ်ခိၣ်ဒီဘ့ၣ်န့ၣ် ကထံၣ်ဘၣ် ပကစၢ်ယွၤ အတၢ်အုၣ်က့ၤခီၣ်က့ၤလီၤ.+
၁၁ သုဝဲလၢ အစိာ် ယဟိဝၤယွၤ အတၢ်ပီးတၢ်လီသ့ၣ်ဧၢ,+
ဃၣ်ကွံာ်သုသး, ဃၣ်ကွံာ်သုသး ဒီးဟးထီၣ်ကွံာ် ဖဲန့ၣ်တက့ၢ်.*+ တၢ်တကဆှီဘၣ်န့ၣ် ထိးဘၣ်အီၤ နီတမံၤတဂ့ၤ.+
ဟးထီၣ်ကွံာ်လၢ တၢ်လီၢ်ဖဲန့ၣ်+ ဒီးအိၣ်ကဆှီတက့ၢ်.
အဃိ သုတဟးထီၣ်ဘၣ်လၢ တၢ်ပျံၤတၢ်ဖုးအပူၤဘၣ်
ဒီးသုတလိၣ်ဃ့ၢ်ဘၣ်.
၁၃ ယခ့ယပှၤတဂၤ+ ကပာ်ဖျါထီၣ် တၢ်နၢ်ပၢၢ် လီၤတံၢ်လီၤဆဲးလၢ တၢ်လၢအမၤဝဲတဖၣ်လီၤ.
အဝဲကဒိးန့ၢ်ဘၣ် အလီၢ်အလၤဖးဒိၣ်
ဒီးအကဘၣ် တၢ်ပာ်ထီၣ်ထီအီၤ ဒိၣ်မးလီၤ.+
၁၄ လၢပှၤမဲာ်ညါန့ၣ် အဝဲဖျါနးန့ၢ်ဒံး ပှၤအဂၤခဲလၢာ်
ဒီးအတၢ်ဃံတၢ်လၤ ဘၣ်တၢ်မၤဟးဂီၤအီၤ အါန့ၢ်ဒံး ပှၤဟီၣ်ခိၣ်ဖိ ခဲလၢာ်
အဃိ ပှၤအါဂၤ ကွၢ်ထံအီၤ ဒီးကမၢကမၣ်ဝဲလီၤ.
၁၅ ခါဆူညါစ့ၢ်ကီး အဝဲကဒုးကမၢကမၣ် ပှၤအါကလုာ်+
ဒီးစီၤပၤတဖၣ် ကကးပံး အကိာ်ပူၤလၢ ယခ့ယပှၤတဂၤန့ၣ်အမဲာ်ညါ+
မ့ၢ်လၢ အဝဲသ့ၣ် ကထံၣ်ဘၣ်တၢ်လၢ ပှၤတတဲဆိပာ် အဝဲသ့ၣ် နီတဂၤဘၣ်
ဒီးအဝဲသ့ၣ် ကဆိကမိၣ် တၢ်လၢ အဝဲသ့ၣ် တနၢ်ဟူဘၣ် နီတဘျီဘၣ်အဃိလီၤ.+
၅၃ မ့ၢ်မတဂၤနာ်ဝဲ တၢ်လၢအနၢ်ဟူဘၣ်လၢ ပအိၣ်လဲၣ်.+
ဒီးယဟိဝၤယွၤ အစုန့ၣ်+ ဘၣ်တၢ် ပာ်ဖျါထီၣ်အီၤလၢ မတဂၤ အအိၣ်လဲၣ်.+
၂ လၢအ* မဲာ်ညါန့ၣ် တၢ်အခ့အပှၤတဂၤန့ၣ် ကဟဲထီၣ် ဒ်တၢ်အဒ့တဒ့အသိး+ ဒီးဒ်တၢ်အဂံၢ်တဘိလၢ အအိၣ်လၢ ကီၢ်ဃ့ထီ အပူၤအသိးလီၤ.
ဒီးအဝဲတဖျါလီၤတိၢ်လီၤဆီ ဒီးတဖျါဃံဖျါလၤဘၣ်.+
ဒီးဖဲပကွၢ်အီၤအခါ အတဖျါ လီၤထုးန့ၢ်သူၣ်ထုးန့ၢ်သး လီၤလီၤဆီဆီဘၣ်.
၃ ပှၤထံၣ်ဆံးအီၤ ဒီးပှၤဟးဆှဲး အီၤလီၤ.+
ဘၣ်ဃးဒီး တၢ်အ့ၣ်စိၢ်အ့ၣ်ထုးန့ၣ် အဝဲနၢ်ပၢၢ်ဝဲ ဒီးဘၣ်ဃးဒီး တၢ်ဆူးတၢ်ဆါန့ၣ် အဝဲသ့ၣ်ညါဝဲလီၤ.
ဘၣ်ဆၣ် ပထံၣ်အီၤဒ် ပှၤလၢကစၢ်ယွၤ စံၣ်ညီၣ်အီၤ, ဖျ့အီၤ ဒီးဒုးတူၢ်အီၤ တၢ်ကီတၢ်ခဲလီၤ.*
အဝဲတူၢ် တၢ်စံၣ်ညီၣ်ဒ်သိး ပကအိၣ်ဃူအိၣ်ဖိးက့ၤဒီး ကစၢ်ယွၤ အဂီၢ်လီၤ.+
ဒီးခီဖျိလၢ အတၢ်ပူၤလီၢ်တဖၣ်အဃိ ပဘျါက့ၤလီၤ.+
၆ လၢညါန့ၣ် ပဝဲခဲလၢာ် ပလီၤဂာ်ဒ်သိးဒီး သိတဖၣ်လၢ အဟးဝ့ၤဝီၤ+
ဒီးပဝဲတဂၤစုာ်စုာ်န့ၣ် ပလဲၤလၢ ပနီၢ်ကစၢ် အကျိာ်အကျာ်လီၤ.
ဘၣ်ဆၣ် ပဝဲခဲလၢာ်အတၢ်ကမၣ်န့ၣ် ယဟိဝၤယွၤ ဒုးလီၤဘၣ်ဝဲလၢ ပှၤတဂၤန့ၣ် အလိၤလီၤ.+
၇ အဝဲဘၣ်တၢ်ဆီၣ်တံၢ်မၤနၢၤအီၤ+ ဒီးအပျဲလၢ ပှၤဂၤကမၤနးမၤဖှီၣ်အီၤလီၤ.+
ဘၣ်ဆၣ် အတအိးထီၣ် အထးခိၣ်ဘၣ်.
ဒ်သိတဒုအသိး အဝဲဘၣ်တၢ် ဆှၢထီၣ်အီၤလၢ တၢ်ကမၤသံအီၤ အဂီၢ်လီၤ.+
ဒီးဒ်သိဖိ အိၣ်ဘှ့ၣ်ဝဲဖဲ ပှၤတံာ်အဆူၣ် အခါအသိး
အဝဲစ့ၢ်ကီး တအိးထီၣ် အထးခိၣ်ဘၣ်.+
၈ ပှၤဆီၣ်တံၢ်မၤနၢၤအီၤ ဒီးတစံၣ်ညီၣ်န့ၢ်တၢ်လၢအဂီၢ် တီတီလိၤလိၤဘၣ် အဃိ အသးသမူ ဘၣ်တၢ်ထုးထီၣ်ကွံာ်အီၤလီၤ.*
မတဂၤ ကဆိကမိၣ် ဘၣ်ဃးဒီး အတၢ်ဟဲလီၤစၢၤလီၤသွဲၣ် အဂ့ၢ်အကျိၤလဲၣ်.
၉ အတၢ်သွၣ်ခိၣ်န့ၣ် ဘၣ်တၢ်ပာ်ပနီၣ်န့ၢ်အီၤ တပူၤဃီဒီး ပှၤအၢပှၤသီ+
ဘၣ်ဆၣ် အဝဲတမၤကမၣ်တၢ် နီတမံၤဘၣ်
ဒီးတၢ်လီတၢ်ဝ့ၤ တဟဲထီၣ်လၢ အကိာ်ပူၤဘၣ်.+
၁၀ ယဟိဝၤယွၤ ဆၢတဲာ်ပာ်စၢၤဝဲလၢ အခ့အပှၤတဂၤအံၤ ကဘၣ်နး ဘၣ်ဖှီၣ်နးမး* ဒီးကစၢ်ယွၤ ပျဲဝဲလၢ အဝဲကတူၢ်ဘၣ်တၢ်လီၤ.
ကစၢ်ယွၤမ့ၢ်ဟ့ၣ်လီၤ အခ့အပှၤတဂၤအံၤ အသးသမူ ဒ်တၢ်လုၢ်လၢ တၢ်ကမၣ်အဂီၢ် အသိးန့ၣ်+
အဝဲကအိၣ်မူဖးယံာ် ဒီးယဟိဝၤယွၤ အတၢ်ဘၣ်သး ကလၢထီၣ်ပှဲၤထီၣ် ခီဖျိလၢအီၤလီၤ.+
၁၁ အဝဲဘၣ်ကိၢ်ဘၣ်ဂီၤမ့ၢ်ဝံၤန့ၣ် အဝဲကသူၣ်မံသးမုာ် ခီဖျိတၢ်လၢ အကထံၣ်ဘၣ်ဝဲ အဃိလီၤ.
ခီဖျိလၢ ယခ့ယပှၤလၢ အတီအလိၤတဂၤအံၤ အတၢ်သ့ၣ်ညါအဃိ+
အဝဲကမၤစၢၤ ပှၤအါဂၤ ဒ်သိးအဝဲသ့ၣ် ကဘၣ်တၢ်ပာ်တီပာ်လိၤအီၤ+
ဒီးယခ့ယပှၤတဂၤအံၤ ကယိး အဝဲသ့ၣ်အတၢ်ဒဲးဘး ဒ်သိးဒီး တၢ်ဝံတၢ်ယိးတခါလီၤ.+
၁၂ လၢတၢ်န့ၣ်အဃိ ဒ်ယကဟ့ၣ်လီၤ ပှၤအါဂၤ ခိၣ်ဖးအသိး
ယကဟ့ၣ်လီၤအီၤ ခိၣ်ဖးတခါ စ့ၢ်ကီးလီၤ.
ဒီးအဝဲကနီၤလီၤ တၢ်လၢ တၢ်ဂုာ်န့ၢ်အီၤတဖၣ် ဃုာ်ဒီးပှၤဒူပှၤဃိၤတဖၣ်
မ့ၢ်လၢ အဝဲဟ့ၣ်လီၤကွံာ် အသးသမူ*+
ဒီးအဘၣ် တၢ်ပာ်ပနီၣ်အီၤဒ် ပှၤမၤကမၣ်တၢ်အသိး အဃိလီၤ.+
အဝဲစိာ်ထီၣ်ကွံာ် ပှၤအါဂၤ အတၢ်ဒဲးဘး+ ဒီးအဝဲနုာ်လီၤမၤစၢၤ ပှၤမၤကမၣ်တၢ်ဖိတဖၣ်လီၤ.+
၅၄ ယဟိဝၤယွၤ တဲဝဲလၢ “ပှၤပိာ်မုၣ်လၢ အအိၣ်သယုၢ်တဂၤ အဖိခွါတဖၣ်*
ကအိၣ်အါန့ၢ်ဒံး ပိာ်မုၣ်တဂၤလၢ အဝၤ* အိၣ်ဝဲန့ၣ် အဖိခွါတဖၣ်လီၤ.+
အဃိ ပိာ်မုၣ်တူာ်ဖိတဂၤလၢ အဟုးတဆါ+ ဒီးတအိၣ်ဖျဲၣ်ထီၣ်အဖိ နီတဘျီဒံးဘၣ်ဧၢ,+
သူၣ်ဖှံသးညီ ဒီးကိးပသူထီၣ်လၢ တၢ်သးခုအပူၤတက့ၢ်.”+
၂ “မၤဒိၣ်ထီၣ် နဒဲ+
ဒီးမၤလဲၢ်ထီၣ် နဒဲစီဆှံဖးဒိၣ် အတၢ်ကံးညာ်တဖၣ်တက့ၢ်.
မၤသပှၢ်တၢၢ်, မၤထီထီၣ် နဒဲအပျံၤတဖၣ်
ဒီးထးခိၣ်စူတဖၣ်လၢ နဒဲအဂီၢ်န့ၣ် မၤကျၢၤထီၣ်အီၤတက့ၢ်.+
၃ နဟီၣ်ခိၣ်လီၢ်အဆၢ လၢစုစ့ၣ်မ့ၢ်ဂ့ၤ လၢစုထွဲမ့ၢ်ဂ့ၤ ကလဲၢ်ထီၣ်ဝဲလီၤ.
ဒီးနချံနသၣ် ကဒိၣ်စိလၢ ပှၤကလုာ်ဂၤတဖၣ်အဖီခိၣ်
ဒီးအဝဲသ့ၣ် ကအိၣ်ဘၣ်လၢ ဝ့ၢ်လၢပှၤပာ်တ့ၢ်ကွံာ်ဝဲတဖၣ်န့ၣ်လီၤ.+
၄ နတၢ်မုၢ်လၢ်ကဟဲလၢထီၣ် ပှဲၤထီၣ်လီၤ.
အဃိ တဘၣ်ပျံၤတၢ်တဂ့ၤ+ ဒီးတဘၣ်မဲာ်ဆှးတဂ့ၤ.+
တၢ်မဲာ်ဆှးလၢ နတူၢ်ဘၣ်ဖဲ နသးစၢ်အခါန့ၣ် နကသးပ့ၤနီၣ်ကွံာ်အီၤ
ဒီးတၢ်မဲာ်ဆှးလၢ နတူၢ်ဘၣ်ဖဲ နအိၣ်ကမဲအခါန့ၣ် နတသ့ၣ်နီၣ်ထီၣ်က့ၤအီၤလၢၤဘၣ်.”
၅ “ကစၢ်ယွၤ ဖးဒိၣ်တဂၤလၢ အတ့လီၤနၤန့ၣ်+ အလီၤဂာ်ဒ်သိးဒီး နဝၤလီၤ.*+
အမံၤမ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ်
အံၣ်စရ့လး အကစၢ်ယွၤလၢ အစီဆှံတဂၤ လၢအပှ့ၤက့ၤနၤန့ၣ်လီၤ.+
ပှၤကကိးအီၤလၢ ဟီၣ်ခိၣ်ဒီဘ့ၣ် အကစၢ်ယွၤလီၤ.+
၆ ဖဲယၤ, ယဟိဝၤယွၤ ကိးနၤအခါ နလီၤဂာ်ဒီးမါလၢ အဘၣ်တၢ်ပာ်တ့ၢ်အီၤ ဒီးအသးဟးဂီၤတဂၤ+
ဒီးဒ်မါတဂၤလၢ အဖျီသးလၢ အသးစၢ်ခါ ဒီးလၢခံ ဘၣ်တၢ်တၢၤကွံာ်အီၤ အသိးလီၤ.” ကစၢ်ယွၤတဲဝဲ ဒ်န့ၣ်လီၤ.
၇ “ယပာ်တ့ၢ်ကွံာ်နၤ တစိၢ်ဖိ
ဘၣ်ဆၣ် ခီဖျိလၢ ယတၢ်သးကညီၤ အဒိၣ်အမုၢ်အဃိ ယကဟဲက့ၤကိးက့ၤနၤလီၤ.+
၈ ယသးပှံၢ်ထီၣ်နၤ ဒိၣ်မးအဃိ ယဃၣ်ကွံာ်ယမဲာ်လၢ နအိၣ်တစိၢ်ဖိလီၤ.+
ဘၣ်ဆၣ် ခီဖျိလၢ ယတၢ်အဲၣ်လၢအတီ အိၣ်ဝဲ လီၤထူလီၤယိာ်အဃိ ယကသးကညီၤနၤလီၤ.”+ ယဟိဝၤယွၤ လၢအမ့ၢ်ပှၤလၢ အပှ့ၤက့ၤနၤန့ၣ်+ တဲဝဲဒ်န့ၣ်လီၤ.
၉ “တၢ်မၤအသးအံၤ လီၤဂာ်ဒ် စီၤနိအၤ အစိၤအသိးလီၤ.+
ဖဲန့ၣ်အခါ ယအၢၣ်လီၤပာ်စၢၤလၢ ထံတလုၢ်ဘၢဟီၣ်ခိၣ် နီတဘျီလၢၤဘၣ်.+
ဒ်န့ၣ်အသိး ယအၢၣ်လီၤလၢ ယတသးပှံၢ်ထီၣ်နၤ ဒီးသိၣ်ဃီၣ်နၤ နီတဘျီလၢၤဘၣ်.+
ဒီးယတၢ်အၢၣ်လီၤအီလီၤ ဘၣ်ဃးဒီး တၢ်ဃူတၢ်ဖိးန့ၣ် ကအိၣ်ဂၢၢ်ကျၢၤဝဲလီၤ.”+ ယဟိဝၤယွၤ လၢအသးကညီၤ နၤန့ၣ် တဲဝဲဒ်န့ၣ်လီၤ.+
၁၁ “အိ ပိာ်မုၣ်တဂၤလၢ အဘၣ်နးဘၣ်ဖှီၣ်,+ အတူၢ်ဘၣ်တၢ်နးမး ဒီးပှၤတမၤမုာ်ထီၣ် အသးဘၣ်ဧၢ,+
ယကသူၣ်ထီၣ်က့ၤနၤလၢ လၢၢ်တဖၣ် ဒီးဘံလၣ်မၠ့ၤ
ဒီးယကသူၣ်လီၤ နခီၣ်ထံးလၢ တၢ်မျၢ်နံၤလါအဲးတဖၣ်လီၤ.+
၁၂ ယကတ့ထီၣ် နဝ့ၢ်ဒူၣ်လၢ တၢ်မျၢ်ဆီသွံၣ်တဖၣ်,
ယကတ့ထီၣ် နတြဲၤတဖၣ်လၢ လၢၢ်လၢ အကပြုၢ်ကပြီၤတဖၣ်
ဒီးယကတ့ထီၣ် နတၢ်လီၢ်အဆၢလၢ လၢၢ်လၢ အလုၢ်ဒိၣ်ပှ့ၤဒိၣ်တဖၣ်လီၤ.
၁၄ တၢ်ကသူၣ်ထီၣ်နၤလၢ တၢ်တီ တၢ်လိၤအပူၤ ကျၢၤကျၢၤလီၤ.+
ပှၤတဆီၣ်တံၢ်မၤနၢၤနၤ နီတဂၤဘၣ်.+
တၢ်မၤပျံၤမၤဖုး တအိၣ်ဘူးဒီး နၤဘၣ်အဃိ
တၢ်လၢကမၤပျံၤမၤဖုးနၤ တအိၣ်နီတမံၤဘၣ်+ ဒီးနတပျံၤ တၢ်နီတမံၤဘၣ်.
၁၅ ပှၤမ့ၢ်ဟဲဒုးနၤတဂၤဂၤန့ၣ်
တမ့ၢ်လၢ ယမၢလီၤအီၤအဃိဘၣ်.
ဒီးပှၤလၢ အဒုးနၤတဂၤဂ့ၤ တဂၤဂ့ၤန့ၣ် ကၡူကွံာ်ဝဲလီၤ.”+
၁၆ “ယမ့ၢ် ပှၤလၢအတ့လီၤ ပှၤပိာ်ထးဖိတဖၣ်
လၢအမၤကဲၤထီၣ် မ့ၣ်အူ
ဒ်သိးကတ့ထီၣ် စုကဝဲၤန့ၣ်လီၤ.
ယမ့ၢ် ပှၤလၢအတ့လီၤစ့ၢ်ကီး ပှၤလၢအမၤဟးဂီၤတၢ်တဖၣ်လီၤ.+
၁၇ တၢ်စုကဝဲၤလၢ ပှၤတ့ထီၣ်အီၤ ဒ်သိးကထီဒါနၤအဂီၢ်န့ၣ် ကကဲထီၣ် တၢ်ကလီကလီခဲလၢာ်လီၤ.+
ပှၤတဂၤဂ့ၤ တဂၤဂ့ၤ အပျ့ၤလၢ အပာ်ဒ့ၣ်ပာ်ကမၣ်နၤန့ၣ် နကပာ်ဖျါထီၣ် အတၢ်ကမၣ်လီၤ.
တၢ်ဒီသဒၢအံၤ မ့ၢ်ဝဲ ယဟိဝၤယွၤ အခ့အပှၤတဖၣ် အတၢ်န့ၢ်သါ
ဒီးယထံၣ် အဝဲသ့ၣ် ဒ်ပှၤတီပှၤလိၤအသိးလီၤ.” ယဟိဝၤယွၤ တဲဝဲ ဒ်န့ၣ်လီၤ.+
၅၅ ဟဲ, ပှၤလၢအလီၤဘဲအီထံ* သ့ၣ်ဧၢ,+ ဟဲအီထံတက့ၢ်.+
ပှၤလၢအစ့တအိၣ်ဘၣ်သ့ၣ်ဧၢ, ဟဲဟံးန့ၢ်တၢ်အီၣ်တက့ၢ်.
ဟဲဟံးန့ၢ်ကလီ+ စပံးထံ ဒီးတၢ်နုၢ်ထံတက့ၢ်.+
၂ ဘၣ်မနုၤအဃိ သုဆဲးပှ့ၤတၢ်လၢ အတမ့ၢ် တၢ်အီၣ်နီၢ်ကီၢ်ဘၣ်လဲၣ်.
ဘၣ်မနုၤအဃိ သုမၤလၢာ်ဂီၤသုစ့လၢ တၢ်လၢ အတမၤတံၤ သုသူၣ်သုသးဘၣ်လဲၣ်.
ဒိကနၣ်ယၤ လီၤတံၢ်လီၤဆဲး ဒီးအီၣ်တၢ်အီၣ် လၢအဂ့ၤတက့ၢ်.+
သုမ့ၢ်မၤ ဒ်န့ၣ်န့ၣ် သုကန့ၢ်ဘၣ် တၢ်သးခုဖးဒိၣ် ခီဖျိလၢ တၢ်အီၣ်လၢ အဝံၣ်အဘဲနီၢ်ကီၢ် အဃိလီၤ.+
၃ သးစၢၢ်ဆၢ ဒီးဟဲလၢ ယအိၣ်တက့ၢ်.+
ဒိကနၣ် ဒီးသုကဆဲးမူလီၤ.
ဒီးယကမၤ တၢ်အၢၣ်လီၤအီလီၤ အထူအယိာ်ဒီးသု+
လၢအလီၤပလိာ်လိာ်အသးဒီး တၢ်အဲၣ်လၢအတီ လၢယအၢၣ်လီၤတ့ၢ် စီၤဒၤဝံးလီၤ. တၢ်အၢၣ်လီၤ အဝဲန့ၣ် မ့ၢ်တၢ်လၢပှၤနာ်န့ၢ်အီၤသ့လီၤ.+
၄ ယဒုးကဲထီၣ်အီၤလၢ ပှၤအုၣ်အသးတဂၤလၢ+ ပှၤကလုာ်တဖၣ်အဂီၢ်
ဒီးယဒုးကဲထီၣ်အီၤလၢ ပှၤအခိၣ်+ ဒီးခိၣ်နၢ်တဂၤလၢ+ ပှၤကလုာ်တဖၣ်အဂီၢ်လီၤ.
၅ * သုကကိးန့ၢ် ပှၤကလုာ်တကလုာ်လၢ သုတသ့ၣ်ညါအီၤဘၣ်
ဒီးပှၤလၢ အတသ့ၣ်ညါသုဘၣ်တဖၣ်အံၤ ကဟဲဃ့ၢ်လၢ သုအိၣ်
မ့ၢ်လၢ သုကစၢ် ယဟိဝၤယွၤ+ လၢအမ့ၢ် အံၣ်စရ့လး အကစၢ်ယွၤလၢ အစီဆှံတဂၤန့ၣ်
ကဟ့ၣ်သု တၢ်လၤကပီၤ အဃိလီၤ.+
၆ ဖဲပှၤထံၣ်န့ၢ် ယဟိဝၤယွၤ သ့ဒံးအဆၢကတီၢ်န့ၣ် ဃုအီၤတက့ၢ်.+
ဖဲအဝဲအိၣ်ဘူးဒံး အဆၢကတီၢ်န့ၣ် ကိးထီၣ်အီၤတက့ၢ်.+
၇ မ်ပှၤအၢပှၤသီ ဃၣ်ကွံာ်အသးလၢ အကျဲအၢကျဲသီတက့ၢ်.+
မ်ပှၤအၢပှၤသီ သုတဆိကမိၣ် တၢ်အၢတၢ်သီလၢၤတဂ့ၤ.
မ်အဟဲက့ၤကဒါက့ၤလၢ ယဟိဝၤယွၤ လၢအကသးကညီၤအီၤ တဂၤန့ၣ်အအိၣ်တက့ၢ်.+
ပကစၢ်ယွၤ ကပျၢ်ကွံာ် အဝဲသ့ၣ်အတၢ်ကမၣ် လၢာ်လၢာ်ဆ့ဆ့အဃိ မ်အဝဲသ့ၣ်ဟဲက့ၤလၢ အအိၣ်တက့ၢ်.+
၈ ယဟိဝၤယွၤ တဲဝဲလၢ “ယတၢ်ဆိကမိၣ်တဖၣ်န့ၣ် တဒ်သိးဒီး သုတၢ်ဆိကမိၣ်တဖၣ်ဘၣ်.+
ဒီးတၢ်လၢယမၤတဖၣ်န့ၣ် တဒ်သိးဒီး တၢ်လၢသုမၤတဖၣ်ဘၣ်.
၉ ဒ်မူခိၣ် ထီန့ၢ်ဒံး ဟီၣ်ခိၣ်အသိး
တၢ်လၢယမၤတဖၣ်န့ၣ် အပတီၢ်ထီန့ၢ်ဒံး တၢ်လၢသုမၤတဖၣ်
ဒီးယတၢ်ဆိကမိၣ်တဖၣ်န့ၣ် အပတီၢ်ထီန့ၢ်ဒံး သုတၢ်ဆိကမိၣ် တဖၣ်လီၤ.+
၁၀ တၢ်စူၤ ဒီးမူခိၣ်ဖီလီၤဝဲ
ဒီးတချုးအက့ၤကဒါက့ၤ လၢမူခိၣ်ဒံးဘၣ်န့ၣ် အမၤဘၣ်စီၣ်ဟီၣ်ခိၣ် ဒီးဒုးမဲထီၣ်သၣ်ထီၣ်တၢ်
ဒီးဒုးမဲထီၣ် တၢ်ချံလၢ ပှၤကဖှံလီၤဝဲအဂီၢ် ဒီးတၢ်အီၣ်လၢ ပှၤကအီၣ်ဘၣ်အဂီၢ် သပှၢ်တၢၢ်လီၤ.
ဒ်ယတဲအသိး တၢ်ကကဲထီၣ်အသး ဒ်န့ၣ် သပှၢ်တၢၢ်+
ဒီးယတၢ်ကတိၤတဖၣ်န့ၣ် ကလၢထီၣ်ပှဲၤထီၣ် ဒ်ယတၢ်ဘၣ်သးအသိးလီၤ.
လၢသုမဲာ်ညါန့ၣ် ကစၢၢ်ဒီးတၢ်လူၢ်တဖၣ် ကအိၣ်ဒီး တၢ်သူၣ်ဖှံသးညီ ဒီးကကိးပသူထီၣ်လၢ တၢ်သးခုအပူၤ+
ဒီးသ့ၣ်ထူၣ် လၢပျီပူၤခဲလၢာ်န့ၣ် ကဒဲအစုလီၤ.+
၁၃ လၢသပှီာ်တၤဆှုၣ် အလီၢ်န့ၣ် သ့ၣ်ကၠူနံးဖၢၤ ကမဲထီၣ်+
ဒီးလၢလးဆါအလီၢ်န့ၣ် သ့ၣ်သမ့ၤဟဒး ကမဲထီၣ်လီၤ.
ဒီးတၢ်အိၣ်သးအံၤ ကမၤဒိၣ်ထီၣ် ယဟိဝၤယွၤအမံၤ+
ဒီးအကမ့ၢ် တၢ်ပနီၣ် အထူအယိာ်လၢ အတဟးဂီၤ နီတဘျီဘၣ်လီၤ.”
၅၆ ယဟိဝၤယွၤ တဲဝဲဒ်အံၤ
“တယံာ်လၢၤဘၣ်န့ၣ် ယတၢ်အုၣ်က့ၤခီၣ်က့ၤကဟဲ
ဒီးယတၢ်တီတၢ်လိၤ ကအိၣ်ဖျါထီၣ်အဃိ+
ဟံးဃာ် တၢ်စံၣ်ညီၣ်တီ+ ဒီးမၤတၢ်လၢ အတီအလိၤတက့ၢ်.
၂ ပှၤလၢ အမၤဝဲ ဒ်န့ၣ်န့ၣ် ကသးခုဝဲလီၤ.
ပှၤလၢ အဒိကနၣ် ယတၢ်သိၣ်တၢ်သီတဖၣ်,
မၤထွဲ မုၢ်အိၣ်ဘှံးနံၤ အတၢ်သိၣ် တၢ်သီ ဒီးထံၣ်ဝဲ မုၢ်အိၣ်ဘှံးနံၤ ဒ်မုၢ်နံၤစီဆှံအသိး+
ဒီးပလီၢ်အသး ဒ်သိး အသုတမၤဘၣ် တၢ်အၢတၢ်သီနီတမံၤတဂ့ၤ အဂီၢ်န့ၣ် ကသးခုဝဲလီၤ.
၃ ပှၤထံဂၤကီၢ်ဂၤဖိ လၢ အဘူၣ်ထီၣ်ဘါထီၣ် ယဟိဝၤယွၤန့ၣ်+ တကြၢးတဲလၢ
‘ယဟိဝၤယွၤ ကပာ်လီၤဆီယၤဒီး အပှၤဂီၢ်မုၢ် သပှၢ်တၢၢ်’ န့ၣ်ဘၣ်.
ဒီးပှၤပိာ်ခွါလၢ အဖိအိၣ်တန့ၢ်ဘၣ်* တဂၤန့ၣ် တကြၢးတဲလၢ ‘ယမ့ၢ်ဒၣ် သ့ၣ်လၢအဃ့ထီတထူၣ်’ န့ၣ်ဘၣ်.”
၄ ယဟိဝၤယွၤ တဲဝဲဒ်အံၤ, “ပှၤပိာ်ခွါလၢ အဖိအိၣ်တန့ၢ်ဘၣ် လၢအမၤထွဲ မုၢ်အိၣ်ဘှံးနံၤ အတၢ်သိၣ်တၢ်သီ, လၢအမၤ ယတၢ်ဘၣ်သး ဒီးလၢအမၤထွဲ ယတၢ်အၢၣ်လီၤအီလီၤန့ၣ်
၅ ယကဟ့ၣ် အဝဲသ့ၣ် တၢ်လီၢ်* လၢယဟံၣ်ပူၤ ဒီးယကသ့ၣ်နီၣ်ထီၣ် အဝဲသ့ၣ် အမံၤ
အဃိ အမ့ၢ်တၢ်လၢ အဂ့ၤဒိၣ်န့ၢ်ဒံး အအိၣ်ဒီး အဖိမုၣ်ဖိခွါတဖၣ်လီၤ.
ယကသ့ၣ်နီၣ်ထီၣ် အဝဲသ့ၣ် အမံၤ လီၤထူလီၤယိာ်
ဒီးအမံၤ တဘၣ်တၢ်သးပ့ၤနီၣ်အီၤ နီတဘျီဘၣ်.
၆ မ့မ့ၢ် ပှၤထံဂၤကီၢ်ဂၤဖိတဖၣ် လၢအဘူၣ်ထီၣ်ဘါထီၣ် ယၤ, ယဟိဝၤယွၤ ဒ်သိး ကမၤယတၢ်,
ဒ်သိး ကအဲၣ် ယၤ, ယဟိဝၤယွၤအမံၤ,+
ဒ်သိး ကကဲယခ့ယပှၤ
ဒီးပှၤခဲလၢာ်လၢ အမၤထွဲ မုၢ်အိၣ်ဘှံးနံၤ အတၢ်သိၣ်တၢ်သီ ဒီးတမၤဘၣ်အၢဝဲဘၣ်
ဒီးမၤထွဲ ယတၢ်အၢၣ်လီၤအီလီၤန့ၣ်
၇ ယကဟဲကိးစ့ၢ်ကီး အဝဲသ့ၣ်လၢ ယကစၢၢ်စီဆှံအလိၤ+
ဒီးယကမၤသးခု အဝဲသ့ၣ်အသးလၢ ယဟံၣ်လၢ တၢ်ဃ့ဘါထုကဖၣ် အဂီၢ်လီၤ.
အဝဲသ့ၣ် အတၢ်လုၢ်ဒွဲၣ်အူ ဒီးတၢ်လုၢ်တၢ်ပာ်တဖၣ်လၢ ယတၢ်လုၢ်လီၢ်အဖီခိၣ်န့ၣ် ယကတူၢ်လိာ်အီၤ,
မ့ၢ်လၢ ယဟံၣ်န့ၣ် ကဘၣ် တၢ်ကိးအီၤလၢ တၢ်ဃ့ထုကဖၣ်အဟံၣ် လၢပှၤခဲလၢာ် အဂီၢ်လီၤ.”+
၈ တၢ်ပၢကစၢ် ယဟိဝၤယွၤလၢ အပာ်ဖှိၣ်ထီၣ်က့ၤ ပှၤအံၣ်စရ့လးဖိ+ လၢအလီၤပြံလီၤပြါန့ၣ် တဲဝဲလၢ
“ယကပာ်ဖှိၣ်ပှၤဂၤတဖၣ်လၢ ပှၤလၢအဘၣ်တၢ် ပာ်ဖှိၣ်ထီၣ်ပာ်စၢၤအီၤတဖၣ်အံၤ အအိၣ်လီၤ.”+
၉ ဆၣ်ဖိကီၢ်ဖိအမံၤလၢ ပျီပူၤ
ဒီးဆၣ်ဖိကီၢ်ဖိအမံၤလၢ ပှၢ်ကျါသ့ၣ်ဧၢ,+ ဟဲအီၣ်တၢ်တက့ၢ်.
၁၀ ပှၤခိးကွၢ်တၢ်ဖိတဖၣ်န့ၣ် မ့ၢ်ပှၤလၢ အမဲာ်တထံၣ်တၢ်ဘၣ်+ ဒီးအတပလီၢ်ဘၣ်အသး နီတဂၤဘၣ်.+
အဝဲသ့ၣ် ကိးဂၤဒဲး လီၤဂာ်ဒီး ထွံၣ်လၢအမီၤတၢ် တသ့ဘၣ်.+
အဝဲသ့ၣ် မံနီၤဒ်န့ၣ်, ကသါအီခၣ် ဒီးအဝဲသ့ၣ် မံမုာ်မး.
၁၁ အဝဲသ့ၣ် လီၤဂာ်ဒီး ထွံၣ်တဖၣ်လၢ အအီၣ်အဆၣ်ဆူၣ်မး
ဒီးအအီၣ်တၢ်တဘျဲနီတဘျီဘၣ်.
အဝဲသ့ၣ် မ့ၢ်ပှၤကွၢ်သိတဖၣ်လၢ အတၢ်နၢ်ပၢၢ်တအိၣ်ဘၣ်.+
အဝဲသ့ၣ် ကိးဂၤဒဲး လဲၤဝဲလၢ အနီၢ်ကစၢ် အကျိာ်အကျာ်
ဒီးအဝဲသ့ၣ် တဂၤစုာ်စုာ် သးကွံတၢ်ဒ်သိး ကမၤန့ၢ်တၢ်လၢ အနီၢ်ကစၢ်အဂီၢ် ဒီးတဲဝဲလၢ
၁၂ “ဟဲသၢၤ, ပကလဲၤဟံးန့ၢ် စပံးထံ
ဒီးပကအီ တုၤလၢ ပမူၤလီၤ.+
ခဲမုၢ်ဆ့ၣ်န့ၣ် ကမၤအသး ဒ်သိးဒီး တနံၤညါအံၤ ဘၣ်ဆၣ် ကဂ့ၤဒိၣ်န့ၢ်ဒံး တနံၤညါအံၤ စၢၢ်တလၢၢ်လီၤ.”
ပှၤတီပှၤလိၤသံဝဲအဃိ
အထူၣ်ဖျဲးထီၣ်လၢ တၢ်ကီတၢ်ခဲန့ၣ် ပှၤတနၢ်ပၢၢ်ဘၣ်.
၂ နီၢ်ကီၢ်န့ၣ် အအိၣ်ဘၣ်က့ၤဝဲ မုာ်မုာ်ခုၣ်ခုၣ်လီၤ.
ပှၤလၢ အလဲၤတၢ်လၢ တၢ်သူၣ်တီသးလိၤအပူၤ ကိးဂၤဒဲးန့ၣ် မံအိၣ်ဘှံးလၢ တၢ်သွၣ်ခိၣ်* အပူၤလီၤ.
၃ “ပိာ်မုၣ်လၢ အအူတၢ်လိၢ်တၢ် အဖိ
ဒီးပှၤလၢ အအဲၣ်ဘၢမါအဲၣ်ဘၢဝၤ အဖိ ဒီးပိာ်မုၣ်ဆါလီၤအီၣ်သး အဖိသ့ၣ်ဧၢ,
ဟဲသုးဘူးထီၣ် သုသးတက့ၢ်.
၄ သုတဲဆဲးအဲး မတဂၤလဲၣ်.
သုအိးထီၣ် သုကိာ်ပူၤ ဒီးသုဒုၣ်ဒွဲၣ် မတဂၤလဲၣ်.
သုမ့ၢ်ပှၤမၤကမၣ်တၢ် အဖိ,
ပှၤလံၣ်အီၣ်လီအီၣ်တၢ် အဖိ တမ့ၢ်ဧီၤ.+
၅ သုမ့ၢ်ပှၤလၢ အသးကတၢထီၣ်ဒိၣ်မးလၢ သ့ၣ်ထူၣ်ဖးဒိၣ်တဖၣ်အကျါ+
ဒီးလၢသ့ၣ်လါဟ့ လၢအပှဲၤဒီးအလၣ် ကိးထူၣ်ဒဲး အခီၣ်ထံး တမ့ၢ်ဧီၤ.+
သုမၤသံဖိသၣ်တဖၣ်လၢ တၢ်တြီၤတဖၣ်အပူၤ+
ဒီးလၢလ့ကဆူး တမ့ၢ်ဧီၤ.
၆ လၢၢ်လၢ အဘျ့တဖၣ်လၢ တၢ်တြီၤပူၤန့ၣ် မ့ၢ်တၢ်လၢန* ဃုထၢထီၣ်+
ဒီးတၢ်သ့ၣ်တဖၣ်န့ၣ် ကမ့ၢ်ဝဲဒၣ် နတၢ်န့ၢ်သါလီၤ.
နလုၢ်ထီၣ်တၢ်လုၢ်တဖၣ် ဒီးနလူလီၤစပံးထံ ဒ်တၢ်လုၢ်တၢ်ပာ်အသိးလၢ လၢၢ်တဖၣ်န့ၣ်အအိၣ်လီၤ.+
နမၤတၢ်ဒ်န့ၣ်န့ၣ် မ့ၢ်ယသးကမုာ်ဧါ.
၇ နကတဲာ်ကတီၤပာ်စၢၤ နလီၢ်မံလၢ ကစၢၢ်ဖးဒိၣ်ဖးထီ တဖျၢၣ်အလိၤ+
ဒီးနလဲၤထီၣ်ဖဲန့ၣ် ဒ်သိး နကဟ့ၣ်လုၢ်ထီၣ်တၢ် အဂီၢ်လီၤ.+
၈ နဆီလီၤ တၢ်ဂီၤတၢ်ဖှီၣ်တခါလၢ နဟံၣ်ပူၤလီၤ.*
နပာ်တ့ၢ်ယၤ ဒီးနဘ့ၣ်လီၤ နကူနကၤတဖၣ်
ဒီးနလဲၤထီၣ် ဒီးနမၤလဲၢ်ထီၣ်တၢ်လီၢ်လၢ နလီၢ်မံခိၣ်လီၤ.
၉ နလဲၤလီၤစိာ်ဃုာ်ဒီးသိ
ဒီးသိနၢမူဒီဒူၣ်လၢ မ့လ့း* အအိၣ်လီၤ.
မ့ၢ်လၢ နဆှၢလီၤ နပှၤစိာ်တၢ်ကစီၣ်ဖိတဖၣ် ဖးယံၤ
အဃိ နဘၣ်လဲၤလီၤလၢ တၢ်သွၣ်ခိၣ်လီၤ.*
၁၀ တၢ်လၢနမၤတဖၣ်န့ၣ် နဂုာ်ကျဲးစၢးမၤအီၤ လၢာ်ဂံၢ်လၢာ်ဘါ
ဘၣ်ဆၣ် နတတဲလၢ ‘တၢ်တခါအံၤ အခီပညီတအိၣ်ဘၣ်’ န့ၣ် နီတဘျီဘၣ်.
လၢတၢ်န့ၣ်အလီၢ် နပာ်ဆူၣ်ထီၣ် နဂံၢ်နဘါ
အဃိ နတဟ့ၣ်အၡူ* နီတဘျီဘၣ်.
၁၁ နစးထီၣ်လံၣ်တၢ်လီတၢ်န့ၣ်+
မ့ၢ်လၢနပျံၤ မတဂၤအဃိလဲၣ်.
နတသ့ၣ်နီၣ်ထီၣ်က့ၤယၤဘၣ်.+
နတတိၢ်နီၣ်တၢ်လၢ နသးပူၤ နီတမံၤဘၣ်.+
ယအိၣ်ဘှ့ၣ် ဒီးတၢ်လၢနမၤတဖၣ်န့ၣ် ယတဟံးန့ၢ်နၤအရ့ဘၣ်+
အဃိ နတပျံၤယၤဘၣ်.
၁၂ ယကပာ်ဖျါထီၣ်လၢ နမ့ၢ်ပှၤလၢအပာ်တီပာ်လိၤအသး+ ဒီးယကပာ်ဖျါထီၣ် နတၢ်မၤတဖၣ်+
ဒီးတၢ်သ့ၣ်တဖၣ်န့ၣ် တကဲဘျုးလၢနဂီၢ်ဘၣ်.+
၁၃ ဖဲနကိးပသူထီၣ်လၢ တၢ်မၤစၢၤအဂီၢ်အခါ
တၢ်ဂီၤတၢ်ဖှီၣ်လၢ နထၢဖှိၣ်ပာ်စၢၤအီၤတဖၣ်န့ၣ် တမၤပူၤဖျဲး နၤဘၣ်.+
ကလံၤ ကအူဖျိးကွံာ် တၢ်ဂီၤတၢ်ဖှီၣ်တဖၣ်န့ၣ်
ဒီးတၢ်ကသါလီၤထဲတထံၣ်န့ၣ် ကအူဖျိးကွံာ် တၢ်သ့ၣ်တဖၣ်န့ၣ်လီၤ.
ဘၣ်ဆၣ် ပှၤလၢ အဃုတၢ်အိၣ်သဒၢအလီၢ်လၢ ယအိၣ်န့ၣ် ကန့ၢ်သါဘၣ်ကီၢ်
ဒီးကအိၣ်ဘၣ်လၢ ယကစၢၢ်စီဆှံ အလိၤလီၤ.+
၁၄ ပှၤတဂၤ ကတဲဝဲလၢ ‘တ့ထီၣ်, တ့ထီၣ်ကျဲ. ကတဲာ်ကတီၤပာ်စၢၤ ကျဲတက့ၢ်.+
ထုးထီၣ်ကွံာ် တၢ်နိးတၢ်ဘျးလၢ ယပှၤဂီၢ်မုၢ် အကျဲပူၤတက့ၢ်.’”
၁၅ ကစၢ်ယွၤလၢ အအိၣ်ထီၣ်ထီ, အလၤကပီၤဒိၣ်,
အအိၣ်ဝဲ လီၤထူလီၤယိာ်+ ဒီးအမံၤ စီဆှံဝဲတဂၤန့ၣ်+ တဲဝဲလၢ
“ယအိၣ်လၢ တၢ်လီၢ်ထီၣ်ထီ ဒီးတၢ်လီၢ်စီဆှံ+
ဘၣ်ဆၣ် ယအိၣ်စ့ၢ်ကီးဒီး ပှၤလၢ အသူၣ်ဘၣ်ဒိသးဘၣ်ထံး ဒီးပှၤလၢ အဆီၣ်လီၤအသး
ဒ်သိး ယကမၤဆူၣ်ထီၣ်က့ၤ ပှၤလၢ အဆီၣ်လီၤအသးတဖၣ်အသး
ဒီးယကမၤဆူၣ်ထီၣ်က့ၤ ပှၤလၢ အသူၣ်ဘၣ်ဒိသးဘၣ်ထံးတဖၣ် အသးအဂီၢ်လီၤ.+
၁၆ ယတထီဒါ အဝဲသ့ၣ် လီၤထူ လီၤယိာ်ဘၣ်.
ဒီးယတသးထီၣ်တၢ် လီၤစိၤဘၣ်.+
ယမ့ၢ်သးထီၣ်တၢ် လီၤစိၤန့ၣ် ပှၤဟီၣ်ခိၣ်ဖိ ဒီးယတၢ်ဘၣ်တ့အဂၤ လၢအကသါထီၣ် ကသါလီၤတဖၣ်န့ၣ်+
အဂံၢ်အဘါ ကလၢာ်ကွံာ်ဝဲ လၢယဃိလီၤ.
၁၇ ယသးဒိၣ်ထီၣ်အီၤ* ခီဖျိလၢ အသးကွံတၢ် ဒီးမၤတၢ်တတီတလိၤဘၣ်+ ဒ်သိးအကမၤန့ၢ်ဘၣ်တၢ်လၢ အနီၢ်ကစၢ်အဂီၢ်လီၤ.
အဃိ ယသိၣ်ဃီၣ်အီၤ, ယပာ်တဒၢကွံာ်ယမဲာ် ဒီးယသးဒိၣ်ထီၣ် တၢ်လီၤ.
ဘၣ်ဆၣ် အဝဲဆဲးလဲၤတၢ် ဒ်သိးဒီး ပှၤလၢအထီဒါတၢ်တဂၤ+ ဒီးမၤတၢ်ဖဲအသးလီၤ.
၁၉ ယဟိဝၤယွၤ တဲဝဲလၢ “ယကဒုးအိၣ်ထီၣ် ထးခိၣ်အတၤသၣ်လီၤ.
၂၀ “ဘၣ်ဆၣ် ပှၤအၢပှၤသီန့ၣ် လီၤဂာ်ဒ်သိးဒီး ပီၣ်လဲၣ်လၢ အဟူးဝးဆှဲးဆှိးထီဘိ, အအိၣ်ဂၢၢ်က့ၤ တန့ၢ်ဘၣ်
ဒီးအထံ ဟဲစိာ်ထီၣ် ထံဃံၣ် ဒီးကပံာ်ပှဲာ် ထီဘိလီၤ.
၂၁ ပှၤအၢပှၤသီန့ၣ်+ တအိၣ်ဒီး တၢ်ဃူတၢ်ဖိးဘၣ်.”* ယကစၢ်ယွၤ တဲဝဲ ဒ်န့ၣ်လီၤ.
၅၈ “ကိးပသူထီၣ်လၢ ကလုၢ်ဒိၣ်ဒိၣ် ဒီးကိးထီၣ် သပှၢ်တၢၢ်တက့ၢ်.
မၤဒိၣ်ထီၣ် နကလုၢ် ဒ်သိးဒီး ကွဲၤတက့ၢ်.
တဲဘၣ် ယပှၤဂီၢ်မုၢ်လၢ အဝဲသ့ၣ် အတၢ်ထီဒါက့ၤတၢ် အဂ့ၢ်+
ဒီးတဲဘၣ် စီၤယၤကိာ် အစၢၤအသွဲၣ်တဖၣ်လၢ အတၢ်ဒဲးဘး အဂ့ၢ်တက့ၢ်.
၂ အဝဲသ့ၣ် ဃုယတၢ်ဟံးစုနဲၣ်ကျဲ တနံၤဘၣ်တနံၤ
ဒီးအဝဲသ့ၣ် တဲဝဲလၢ အအဲၣ်ဒိး သ့ၣ်ညါ တၢ်လၢအဘၣ်ယသး
လီၤဂာ်ဒ်သိးဒီး အဝဲသ့ၣ် ကဲပှၤတကလုာ်လၢ အမၤတၢ်တီတၢ်လိၤ
ဒီးတပာ်တ့ၢ် အကစၢ်ယွၤ အတၢ်မၤလိာ်တဖၣ်ဘၣ်.+
အဝဲသ့ၣ်မၢ ယစံၣ်ညီၣ်တၢ် တီတီလိၤလိၤ
လီၤဂာ်ဒ်သိးဒီး အဝဲသ့ၣ် သးအိၣ် သုးဘူးအသးလၢ ယအိၣ်လီၤ.+
၃ ဒီးအဝဲသ့ၣ် တဲဝဲလၢ ‘ဖဲပဒုၣ်တၢ်အီၣ်အခါ ဘၣ်မနုၤအဃိ နတထံၣ်ဘၣ်လဲၣ်.+
ဖဲပသိၣ်ဃီၣ်လီၤပသးအခါ ဘၣ်မနုၤအဃိ နတပာ်သူၣ်ပာ်သး ဘၣ်လဲၣ်.’+
ဖဲသုဒုၣ်တၢ်အီၣ် အနံၤန့ၣ် သုမၤ သုနီၢ်ကစၢ် အတၢ်ဘၣ်သး
ဒီးသုဆီၣ်တံၢ်မၤနၢၤ သုပှၤမၤတၢ်ဖိတဖၣ်လီၤ.+
၄ သုဒုၣ်တၢ်အီၣ်န့ၣ် ကဲထီၣ်က့ၤ တၢ်တဲအါ ဒီးတၢ်အ့ၣ်လိာ်သး
ဒီးသုထိတၢ်လၢ သုစုခိၣ်သၣ် ဆူၣ်ဆူၣ်ကိၤကိၤလီၤ.
သုမ့ၢ်ဒုၣ်တၢ်အီၣ် ဒ်န့ၣ်န့ၣ် သုမုၢ်လၢ်လၢ ယကဒိကနၣ် သုကလုၢ်လၢ မူခိၣ်န့ၣ် တသ့ဘၣ်.
၅ ယမၢသုဒုၣ်တၢ်အီၣ်န့ၣ် မ့ၢ်အကြၢး မၤအသးဒ်န့ၣ်ဧါ.
သုဒုၣ်တၢ်အီၣ်အနံၤန့ၣ် မ့ၢ်ဒၣ်ထဲလၢ သုကသိၣ်ဃီၣ်လီၤသုသး,
ဆုးလီၤသုခိၣ် ဒ်နီၣ်လၢအထီအသိး
ဒီးမံနီၤလၢ ထၢၣ်တၢ်ကံးညာ်* ဒီးဖၣ်ဆါကမူၣ်အလိၤ အဂီၢ်လီၤဧါ.
သုဒုၣ်တၢ်အီၣ် အမုၢ်နံၤတဖၣ်အံၤန့ၣ် မ့ၢ်သုဆိကမိၣ်လၢ ယၤ, ယဟိဝၤယွၤအံၤ ကဘၣ်သူၣ်ဘၣ်သးဝဲဧါ.
၆ တဘၣ်သးဘၣ်, တၢ်ဒုၣ်တၢ်အီၣ် တကလုာ်လၢ ယမၢသုမၤန့ၣ် အိၣ်ဝဲ ဒ်အံၤလီၤ.
ထုးထီၣ်ကွံာ် ထးကွီၤလၢ အတတီတလိၤတဖၣ်
ဒီးဃဲၣ်လီၤကွံာ် နီၣ်ယိးဘိ အပျံၤတဖၣ်+
ဒ်သိးသုကပျဲပူၤဖျဲး ပှၤလၢ အဘၣ်တၢ်ဆီၣ်တံၢ်မၤနၢၤအီၤ အဂီၢ်တက့ၢ်.+
ဒီးမၤကၢ်ကွံာ် နီၣ်ယိးဘိ ကိးဘိဒဲးတက့ၢ်.
၇ နီၤလီၤ သုတၢ်အီၣ်ဒီး ပှၤလၢ အလီၤဘဲ*+
ဒီးပှၤလၢအဖှီၣ် ဒီးပှၤလၢ အဟံၣ်တအိၣ်ဘၣ်န့ၣ် ကိးနုာ်အီၤလၢ သုဟံၣ်ပူၤတက့ၢ်.
ပှၤလၢအတၢ်ကူတၢ်ကၤ တအိၣ်ဘၣ်န့ၣ် ဒုးကူဒုးကၤအီၤ+
ဒီးတဘၣ် သးပ့ၤနီၣ် သုဘူးသုတံၢ်တဖၣ် တဂ့ၤ.
၈ သုမ့ၢ်မၤဒ်န့ၣ်မး သုတၢ်ကပီၤ ကကပီၤထီၣ် ဒ်သိးဒီး မုၢ်ဝါထီၣ်+
ဒီးသုကဘျါက့ၤ ချ့ချ့လီၤ.
သုတၢ်တီတၢ်လိၤ ကလဲၤတၢ်လၢ သုမဲာ်ညါ
ဒီးယဟိဝၤယွၤ အလၤကပီၤ ကအိၣ်လၢ သုလီၢ်ခံ ဒီးကဒီသဒၢသုလီၤ.+
၉ သုကကိးထီၣ်တၢ် ဒီးယဟိဝၤယွၤ ကစံးဆၢဝဲ,
သုကကိးပသူထီၣ်လၢ တၢ်မၤစၢၤအဂီၢ် ဒီးကစၢ်ယွၤ ကတဲဝဲလၢ ‘ယကမၤစၢၤသု’ လီၤ.
သုမ့ၢ်ထုးထီၣ်ကွံာ် နီၣ်ယိးဘိ လၢသုကျါ
ဒီးသုမ့ၢ်တနဲၣ်သုစုနၢ* ဒီးတဲအၢတဲသီတၢ်လၢၤဘၣ်,+
၁၀ သုမ့ၢ်ဒုးအီၣ် ပှၤလၢ အလီၤဘဲ လၢတၢ်လၢသုလီကီတဖၣ်+
ဒီးမၤလၢပှဲၤန့ၢ် ပှၤလၢ အဘၣ်နးဘၣ်ဖှီၣ်တဖၣ် အတၢ်လိၣ်ဘၣ်တဖၣ်
လၢတၢ်ခံးကျါဒၣ်လဲာ် သုတၢ်ကပီၤ ကကပီၤထီၣ်
ဒီးသုတၢ်ခံးန့ၣ် ကလီၤဂာ်ဒ်သိးဒီး မုၢ်ထူၣ်အတၢ်ကပီၤလီၤ.+
၁၁ ဒီးယဟိဝၤယွၤ ကဆှၢသုထီဘိ,
လၢကီၢ်လၢအဃ့ထီ အပူၤဒၣ်လဲာ် အဝဲကဒုး သူၣ်မံသးမုာ်သု+
ဒီးမၤဆူၣ်ထီၣ် သုဂံၢ်သုဘါလီၤ.
သုကကဲထီၣ် ဒ်တၤသၣ်လီၢ်လၢ အဒိးန့ၢ်ဘၣ်ထံ အါအါဂီၢ်ဂီၢ်+
ဒီးဒ်ထံထီၣ်ပၢၢ်လၢ အတလီၤသံး နီတဘျီဘၣ် အသိးလီၤ.
၁၂ တၢ်လၢ အဟးဂူာ်ဟးဂီၤယံာ်တ့ၢ်လံန့ၣ် သုကသူၣ်ထီၣ်က့ၤအီၤလီၤ.+
ဒီးတၢ်သူၣ်ထီၣ်တဖၣ်လၢ အဟးဂီၤတ့ၢ် အစိၤတဖၣ်အစိၤန့ၣ် သုကတ့ထီၣ်က့ၤအီၤလီၤ.+
ပှၤကကိးသုလၢ ပှၤလၢအဘှီထီၣ်က့ၤ တၢ်ဒူၣ်လၢ အလီၤပှီၢ်တဖၣ်+
ဒီးသုကမၤဂ့ၤထီၣ်က့ၤ ကျဲတဖၣ် ဒ်သိးပှၤကအိၣ်ဝဲလၢ အကပိာ်ကပၤ အဂီၢ်လီၤ.
၁၃ သုမ့ၢ်မၤထွဲ မုၢ်အိၣ်ဘှံးနံၤ အတၢ်သိၣ်တၢ်သီ ဒီးဖဲယမုၢ်နံၤစီဆှံအံၤ သုမ့ၢ်တမၤဒ် သုနီၢ်ကစၢ် အတၢ်ဘၣ်သး အသိးဘၣ်+
ဒီးသုမ့ၢ်ကိး မုၢ်အိၣ်ဘှံးနံၤလၢ တၢ်သးခုဖးဒိၣ်, ယဟိဝၤယွၤ အမုၢ်နံၤစီဆှံ ဒီးမုၢ်နံၤလၢ ပှၤဘၣ်ပာ်ကဲအီၤ+
ဒီးလၢသုကမၤ သုနီၢ်ကစၢ် အတၢ်ဘၣ်သး ဒီးတဲတၢ်ကတိၤ ကလီကလီတဖၣ်အလီၢ် သုမ့ၢ်ပာ်ကဲ မုၢ်အိၣ်ဘှံးနံၤန့ၣ်
၁၄ သုကဒိးန့ၢ်ဘၣ် တၢ်သးခုဖးဒိၣ်လၢ ယၤ, ယဟိဝၤယွၤအပူၤ
ဒီးယကဒုးပၢသုလၢ တၢ်လီၢ်ထီၣ်ထီတဖၣ် လၢဟီၣ်ခိၣ်ချၢလီၤ.+
ယကဒုးအိၣ်သုလၢ သုဖုဖးဒိၣ် စီၤယၤကိာ် အတၢ်န့ၢ်သါအပူၤ မုာ်မုာ်
မ့ၢ်လၢ ယၤ, ယဟိဝၤယွၤ တဲဝဲလံ အဃိလီၤ.”+
၂ ဘၣ်ဆၣ် သုနီၢ်ကစၢ် အတၢ်ကမၣ်တဖၣ်န့ၣ် မၤလီၤဖးသုဒီး သုကစၢ်ယွၤလီၤ.+
ခီဖျိလၢ သုတၢ်ဒဲးဘးအဃိ ကစၢ်ယွၤ ဃၣ်ကွံာ်အမဲာ်လၢသုအိၣ်
ဒီးအတအဲၣ်ဒိး ဒိကနၣ်သုဘၣ်.+
၃ သုစုညါသး ဘၣ်အၢဒီးတၢ်သွံၣ်+
သုစုပှဲၤဒီး တၢ်မၤကမၣ်တၢ်လီၤ.
သုထးခိၣ် တဲလံၣ်တဲလီတၢ်+ ဒီးသုပျ့ၤ တဲတၢ်တတီတလိၤဘၣ်.
၄ ပှၤတကိးထီၣ်တၢ် ဒ်သိးကဆီၣ်ထွဲ တၢ်တီတၢ်လိၤအဂီၢ် နီတဂၤဘၣ်.+
ပှၤလၢအလဲၤထီၣ်ရူန့ၣ် တတဲတၢ်မ့ၢ်တၢ်တီ နီတဂၤဘၣ်.
အဝဲသ့ၣ် နာ်န့ၢ်တၢ်ကလီကလီ+ ဒီးတဲတၢ်လၢ အဘျုးတအိၣ်ဘၣ်.
အဝဲသ့ၣ်ဒၢထီၣ် တၢ်ကီတၢ်ခဲ ဒီးအိၣ်ဖျဲၣ်ထီၣ် တၢ်လၢအမၤ ဘၣ်ဒိတၢ်လီၤ.+
၅ အဝဲသ့ၣ်ဟုဝဲဂုၢ်လၢ အစုၣ်အၢတဖၣ်အဒံၣ်
ဒီးပှၤတဂၤဂ့ၤ တဂၤဂ့ၤ လၢအအီၣ် တၢ်ဒံၣ်တဖၣ်အံၤန့ၣ် သံဝဲလီၤ.
တၢ်ဒံၣ်တဖၣ်အံၤ မ့ၢ်သ့ၣ်ဖးဝဲ တဖျၢၣ်ဖျၢၣ်န့ၣ် ဂုၢ်ဘၣ်အၢ ကဟဲထီၣ်တဘိလီၤ.
ဒီးအဝဲသ့ၣ်တ့ထီၣ်ဝဲ ကပီၤဒၢလီၤ.+
၆ ကပီၤဒၢလၢ အဝဲသ့ၣ် တ့ဝဲတဖၣ်အံၤန့ၣ် တကဲထီၣ်တၢ်ကူ တၢ်သိးဘၣ်.
ဒီးအဝဲသ့ၣ် လုးဝဲ တန့ၢ်စ့ၢ်ကီးဘၣ်.+
တၢ်လၢအဝဲသ့ၣ် မၤဝဲတဖၣ်န့ၣ် မၤဘၣ်ဒိဘၣ်ထံးပှၤဂၤ
ဒီးအဝဲသ့ၣ် အစုပှဲၤဒီး တၢ်မၤဆူၣ်မၤစိးတဖၣ်လီၤ.+
၇ အဝဲသ့ၣ်အခီၣ်န့ၣ် ဃ့ၢ်ဝဲလၢ ကမၤတၢ်အၢအဂီၢ်
ဒီးအဝဲသ့ၣ် လဲၤဝဲချ့ချ့ ဒ်သိး ကလူလီၤ ပှၤလၢအတၢ်ကမၣ်တအိၣ်ဘၣ် အသွံၣ်လီၤ.+
အဝဲသ့ၣ် အတၢ်ဆိကမိၣ်တဖၣ်န့ၣ် အၢဝဲသီဝဲ
ဒီးအဝဲသ့ၣ် အကျဲခဲလၢာ်န့ၣ် ဒုးအိၣ်ထီၣ် တၢ်ကိၢ်တၢ်ဂီၤ ဒီးတၢ်ဟးဂူာ်ဟးဂီၤလီၤ.+
၈ အဝဲသ့ၣ် တသ့ၣ်ညါ တၢ်ဃူတၢ်ဖိးအကျဲဘၣ်.
လၢအဝဲသ့ၣ်အကျဲတဖၣ် အပူၤန့ၣ် တၢ်စံၣ်ညီၣ်တီ တအိၣ်ဘၣ်.+
အဝဲသ့ၣ် မၤက့ၣ်မၤကူ အကျဲ တဖၣ် အဃိ
ပှၤလၢ အလဲၤလၢ အဝဲသ့ၣ်အကျဲတဖၣ်န့ၣ် တသ့ၣ်ညါ တၢ်ဃူတၢ်ဖိး နီတဂၤဘၣ်.+
၉ လၢတၢ်န့ၣ်အဃိ တၢ်စံၣ်ညီၣ်တီ အိၣ်ယံၤဒီးပှၤ
ဒီးပတဒိးန့ၢ်ဘၣ် တၢ်တီတၢ်လိၤဘၣ်.
ပခိးကွၢ်လၢ်တၢ်ကပီၤ ဘၣ်ဆၣ် ပထံၣ်ဘၣ် တၢ်ခံး
ဒီးပမုၢ်လၢ် တၢ်ကပီၤ ဘၣ်ဆၣ် ပဆဲးလဲၤတၢ်လၢ တၢ်ခံးကျါလီၤ.+
၁၀ ပဘၣ်ဟးပလၢၢ်တၢ်ဒူၣ် ဒ်ပှၤလၢ အမဲာ်တထံၣ်တၢ်ဘၣ်တဖၣ် မၤဝဲအသိး
ဒီးဒ်ပှၤလၢ အမဲာ်ချံတအိၣ်ဘၣ်အသိး ပဘၣ် ဆဲးပလၢၢ်တၢ်လီၤ.+
ဖဲမုၢ်ထူၣ်န့ၣ် ပခီၣ်ဘၣ်တိၢ် ဒ်လၢမုၢ်ဟါတၢ်ခံး အဆၢကတီၢ်အသိး
ဒီးလၢပှၤဂံၢ်ဆူၣ်ဘါဆူၣ်တဖၣ် အကျါန့ၣ် ပလီၤဂာ်ဒ်သိးဒီး ပှၤသံလီၤ.
၁၁ ပဝဲခဲလၢာ် ကညီၤတၢ် ဒ်တၤသူအသိး
ဒီးပကအု ဒ်ထိၣ်လွံၢ်အသိးလီၤ.
ပခိးကွၢ်လၢ် တၢ်စံၣ်ညီၣ်တီ ဘၣ်ဆၣ် တၢ်စံၣ်ညီၣ်တီ တအိၣ်ဘၣ်.
ပမုၢ်လၢ် လၢပကပူၤဖျဲး ဘၣ်ဆၣ် တၢ်တမၤပူၤဖျဲးပှၤဘၣ်.
ပထီဒါက့ၤတၢ်
ဒီးပမၤကမၣ်တၢ် အဂ့ၢ်န့ၣ် ပသ့ၣ်ညါအီၤ ဂ့ၤဂ့ၤလီၤ.+
၁၃ ပမၤကမၣ်တၢ် ဒီးပပာ်တ့ၢ် ယဟိဝၤယွၤလံ.
ပဃၣ်ဒူၣ်ချၢပသးလၢ ပကစၢ်ယွၤ အအိၣ်လံ.
ပတၢၣ်ပီၣ်သကိးလၢ ပကဆီၣ်တံၢ် မၤနၢၤတၢ် ဒီးထီဒါက့ၤတၢ်+
ဒီးပကူၣ်ထီၣ် လၢပကလံၣ်တၢ်လီတၢ် ဝံၤဒီး ပတဲလံၣ်တဲလီတၢ်လီၤ.+
တၢ်မ့ၢ်တၢ်တီ လီၤဃံၢ်ဝဲလၢ တၢ်ဆါတၢ်ပှ့ၤအလီၢ်
အဃိ တၢ်သူၣ်တီသးလိၤ နုာ်လီၤဝဲ တသ့ဘၣ်.
၁၅ တၢ်မ့ၢ်တၢ်တီ လီၤမၢ်ကွံာ်လံ.+
ဒီးပှၤတဂၤဂ့ၤ တဂၤဂ့ၤ လၢအဟးဆှဲးတၢ်အၢတၢ်သီန့ၣ် ပှၤဂုာ်န့ၢ် အတၢ်လီၤ.
ယဟိဝၤယွၤ ထံၣ်ဝဲလၢ တၢ်စံၣ်ညီၣ်တီ တအိၣ်ဘၣ်
အဃိ အတဘၣ်အသးဘၣ်.+
၁၆ အဝဲထံၣ်ဝဲလၢ ပှၤလၢအနုာ်လီၤ မၤစၢၤတၢ် တအိၣ်နီတဂၤဘၣ်.
ဒီးခီဖျိလၢ ပှၤလၢအမၤစၢၤတၢ် တအိၣ်နီတဂၤဘၣ်အဃိ အဝဲကမၢကမၣ်ဒိၣ်မး.
အဃိ အဝဲမၤပူၤဖျဲးတၢ် ခီဖျိ အနီၢ်ကစၢ် အစိကမီၤ
ဒီးအနီၢ်ကစၢ် အတၢ်တီတၢ်လိၤန့ၣ် ထိၣ်ဟူးထိၣ်ဂဲၤထီၣ်အီၤလၢ အကမၤဝဲ ဒ်န့ၣ်လီၤ.
၁၇ ဒီးအဝဲ ကူထီၣ်ကၤထီၣ် တၢ်တီတၢ်လိၤ ဒ်ဆ့ကၤထးတဘ့ၣ်အသိး
ဒီးဖျီၣ်ထီၣ် တၢ်အုၣ်က့ၤခီၣ်က့ၤ* အခိၣ်ဖျီၣ်ထး လၢအခိၣ်လိၤလီၤ.+
အဝဲကူထီၣ်ကၤထီၣ်ဝဲ တၢ်ဟ့ၣ်ကၣ်တၢ်အကူအကၤ ဒ်အတၢ်ကူတၢ်ကၤအသိး+
ဒီးကၤထီၣ် တၢ်သးဆူၣ် အဆ့ကၤလီၤ.
၁၈ ကစၢ်ယွၤ ကသးထီၣ် ပှၤလၢအထီဒါအီၤတဖၣ် ဒီးကမၤဆၢက့ၤ အဒုၣ်အဒါတဖၣ်လီၤ.+
ကစၢ်ယွၤ ကဟ့ၣ်ကၣ်က့ၤအဝဲသ့ၣ် ဒ်တၢ်လၢအဝဲသ့ၣ် မၤဝဲအသိးလီၤ.+
ဒီးကစၢ်ယွၤ ကဟ့ၣ်ကၣ်က့ၤ ကီးတဖၣ်လၢ တၢ်လၢအဝဲသ့ၣ် ကြၢးဒိးန့ၢ်ဘၣ်ဝဲလီၤ.
၁၉ ယဟိဝၤယွၤ ကသဖှိနုာ်လီၤ ဒ်သိးဒီး ထံကျိလၢ အယွၤလီၤဆူၣ်ဆူၣ်
လၢယွၤအသးစီဆှံ ဆီၣ်ဝဲန့ၣ်လီၤ.
အဃိ ပှၤအိၣ်လၢ မုၢ်နုာ်တခီန့ၣ် ကပျံၤ ယဟိဝၤယွၤအမံၤ
ဒီးပှၤအိၣ်လၢ မုၢ်ထီၣ်တခီန့ၣ် ကပျံၤအလၤကပီၤလီၤ.
၂၀ ယဟိဝၤယွၤ တဲဝဲလၢ “ပှၤပှ့ၤက့ၤတၢ်တဂၤ+ ကလဲၤလၢ ဝ့ၢ်စံယိၣ်,+
လၢစီၤယၤကိာ် အစၢၤအသွဲၣ်တဖၣ် လၢအတမၤ တၢ်ကမၣ်လၢၤဘၣ် အအိၣ်လီၤ.”+
၂၁ ယဟိဝၤယွၤ တဲဝဲလၢ “မ့မ့ၢ်ယၤန့ၣ် ယမၤတၢ်အၢၣ်လီၤအီလီၤ ဒီးအဝဲသ့ၣ် ဒ်အံၤလီၤ.”+ ယဟိဝၤယွၤ တဲဝဲလၢ “စးထီၣ်ခဲအံၤ ဒီးဆူညါ လီၤထူလီၤယိာ်န့ၣ် ယသးစီဆှံလၢ အအိၣ်လၢနလိၤ ဒီးယတၢ်ကတိၤ လၢယပာ်အီၤလၢ နကိာ်ပူၤန့ၣ် အတဘၣ် တၢ်ထုးထီၣ်ကွံာ်အီၤ လၢနကိာ်ပူၤ, နဖိတဖၣ် အကိာ်ပူၤ ဒီးနလံၤတဖၣ် အကိာ်ပူၤဘၣ်.”
၆၀ “အိ ပိာ်မုၣ်ဧၢ,+ နတၢ်ကပီၤ ဟဲလံ အဃိ ဂဲၤဆၢထၢၣ် ကပီၤထီၣ်တက့ၢ်.
ယဟိဝၤယွၤ အလၤကပီၤ ဆဲးကပီၤလီၤ လၢနလိၤလီၤ.+
၂ တၢ်ခံး ကကျၢၢ်ဘၢ ဟီၣ်ခိၣ်
ဒီးတၢ်ခံးသူ ကကျၢၢ်ဘၢ ပှၤကလုာ်တဖၣ်လီၤ.
ဘၣ်ဆၣ် ယဟိဝၤယွၤ ကဆဲးကပီၤလီၤ လၢနလိၤ
ဒီးပှၤကထံၣ်ဘၣ် အလၤကပီၤလၢ နလိၤလီၤ.
၄ ကွၢ်တရံးတၢ်တက့ၢ်.
အဝဲသ့ၣ် ပာ်ဖှိၣ်ထီၣ်အသး ဒီးဟဲက့ၤလၢ နအိၣ်လံ.
၅ ဖဲန့ၣ်အခါ နကထံၣ်ဘၣ် ဒီးနကပှဲၤဒီးတၢ်သးခု,+
နကသူၣ်ပိၢ်သးဝး ဒီးနကသူၣ်ဖှံသးညီ,
မ့ၢ်လၢ ပီၣ်လဲၣ် အတၢ်ထူးတၢ်တီၤ ကဘၣ်တၢ်ဆှၢအီၤ လၢနအိၣ်
ဒီးပှၤကလုာ်တဖၣ် အတၢ်ထူးတၢ်တီၤ ကဟဲလၢ နအိၣ်အဃိလီၤ.+
၆ ကီၤလၤအူးအဖုတဖၣ် လၢအမ့ၢ် ကီၤလၤအူးဖါလၢ အဂံၢ်ဆူၣ်တဖၣ်
လၢအအိၣ်ဟဲလၢ ကီၢ်မံးဒယၣ် ဒီးကီၢ်ဧ့ၤဖၣ်န့ၣ် ကအိၣ်လၢ နကီၢ်ပူၤ ပှဲၤပှဲၤလီၤ.+
ပှၤလၢ အအိၣ်လၢ ၡဘၤဘီမုၢ်န့ၣ် ကဟဲစ့ၢ်ကီး
ဒီးအဝဲသ့ၣ် ကဟဲစိာ်ဒီး ထူဒီးလီၢ်ဘၣ်
ဒီးအဝဲသ့ၣ် ကစံးထီၣ်ပတြၢၤ ယဟိဝၤယွၤ လၢပှၤမဲာ်ညါလီၤ.+
၇ စီၤက့ဒၢ်+ အသိအဖုတဖၣ်န့ၣ် ပှၤကပာ်ဖှိၣ်အီၤ ဒီးပှၤကလဲၤဆှၢအီၤ လၢနအိၣ်
ဒီးစီၤနဘါယိး+ အသိဖါတဖၣ် ကမၤလၢပှဲၤ နတၢ်လိၣ်ဘၣ်တဖၣ်လီၤ.
ဆၣ်ဖိကီၢ်ဖိတဖၣ်အံၤ ကဘၣ်တၢ်လုၢ်ထီၣ်အီၤလၢ ယတၢ်လုၢ်လီၢ် အဖီခိၣ် ဒီးယကတူၢ်လိာ်အီၤ+
ဒီးယဟံၣ်လၢ အပှဲၤဒီး အလၤကပီၤန့ၣ် ယကမၤဃံမၤလၤထီၣ် အီၤလီၤ.+
၈ ပှၤလၢ အဟဲဒ်သိးဒီး တၢ်အၢၣ်
ဒီးအလီၤဂာ်ဒ် ထိၣ်လွံၢ် လၢအက့ၤယူၤ လၢအသွံန့ၣ် မ့ၢ်မတၤသ့ၣ်တဖၣ်လဲၣ်.
၉ ကီးတဖၣ် ကမုၢ်လၢ်တၢ်လၢ ယၤလီၤ.+
ဒ်လၢညါအသိး တၢ်ၡံၣ်အကဘီတဖၣ်
ကဟဲက့ၤတီၣ်က့ၤ နဖိခွါတဖၣ် လၢအအိၣ်လၢ တၢ်လီၢ်ဖးယံၤ+
ဃုာ်ဒီး အဝဲသ့ၣ် အစ့ညၣ်ဒီးထူ
ဒ်သိး ကကဲထီၣ် တၢ်လၤကပီၤလၢ ယၤ ယဟိဝၤယွၤ လၢအမ့ၢ် အံၣ်စရ့လး အကစၢ်ယွၤလၢ အစီဆှံတဂၤ အမံၤအဂီၢ်လီၤ.
ယကမၤဃံမၤလၤနၤလီၤ.+
၁၀ လၢညါ ယသိၣ်ဃီၣ်နၤလၢ တၢ်သးထီၣ်အပူၤ
ဘၣ်ဆၣ် ယကပာ်ဖျါထီၣ် တၢ်သးကညီၤ လၢနဖီခိၣ် လၢတၢ်သူၣ်ဂ့ၤသးဝါ အပူၤလီၤ.+
အဃိ ပှၤထံဂၤကီၢ်ဂၤဖိ ကတ့ထီၣ် နတၢ်ဒူၣ်တဖၣ်
ဒီးအဝဲသ့ၣ် အစီၤပၤတဖၣ် ကမၤန့ၢ်တၢ်လၢ နဂီၢ်လီၤ.+
၁၁ နတြဲၤတဖၣ် ကအိးထီၣ် အသးထီဘိ+
ဒီးလၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ အတပံးအသးဘၣ်.
ပှၤကလုာ်တဖၣ် ကဟဲစိာ် အတၢ်ထူးတၢ်တီၤ လၢနအိၣ်
ဒီးအဝဲသ့ၣ် အစီၤပၤတဖၣ် ကတီခိၣ်ရိၤမဲဝဲလီၤ.+
၁၂ ပှၤကလုာ် တကလုာ်ဂ့ၤ တကလုာ်ဂ့ၤ ဒီးဘီမုၢ် တခါဂ့ၤ တခါဂ့ၤ လၢအတမၤ နတၢ်ဘၣ်န့ၣ် ကဟးဂီၤကွံာ်
ဒီးပှၤကလုာ်တဖၣ် ကဟးဂီၤကွံာ် သပှၢ်တၢၢ်လီၤ.+
၁၃ တၢ်လၢအဂ့ၤကတၢၢ်လၢ လဘၤနိၣ် အကစၢၢ်ကလိကျါန့ၣ် ပှၤကဟဲစိာ်အီၤ လၢနအိၣ်,+
ပှၤကဟဲစိာ် သ့ၣ်ကၠူနံးဖၢၤ, သ့ၣ်သ့ထိးအီၣ် ဒီးသ့ၣ်ဆှိတအၤၡူၢ်+
ဒ်သိး ကမၤဃံမၤလၤထီၣ် ယတၢ်လုၢ်ဟံၣ် အဂီၢ်လီၤ.
ယကမၤဒ်သိး ယခီၣ်ယီၢ်လီၤအလီၢ် ကအိၣ်ဒီး အလၤကပီၤ အဂီၢ်လီၤ.+
၁၄ ပှၤလၢ အဆီၣ်တံၢ်မၤနၢၤနၤ အဖိခွါတဖၣ် ကဟဲထိၣ်လီၤပှီၤအသး လၢနမဲာ်ညါ
ဒီးပှၤလၢ အတပာ်ကဲနၤဘၣ်တဖၣ် ကထိၣ်လီၤပှီၤအသး လၢ နခီၣ်ထံးလီၤ.
ဒီးအဝဲသ့ၣ် ကကိးနၤလၢ ယဟိဝၤယွၤ အဝ့ၢ်
ဒီးအံၣ်စရ့လး အကစၢ်ယွၤလၢ အစီဆှံတဂၤ အဝ့ၢ်စံယိၣ်လီၤ.+
၁၅ လၢညါန့ၣ် ယပာ်တ့ၢ်နၤ, ပှၤသးဟ့နၤ ဒီးပှၤတလဲၤခီဂာ်နၤ နီတဂၤလၢၤဘၣ်.+
ဘၣ်ဆၣ် ယကဒုးကဲထီၣ်နၤလၢ ဝ့ၢ်လၢပှၤစံးပတြၢၤအီၤ လီၤထူလီၤယိာ်လီၤ.
ပှၤတစိၤဘၣ်တစိၤ ကသးခု လၢနဃိလီၤ.+
ဒီးနကသ့ၣ်ညါ သပှၢ်တၢၢ်လၢ ယၤ, ယဟိဝၤယွၤအံၤ မ့ၢ်ကစၢ်လၢ အအုၣ်က့ၤခီၣ်က့ၤနၤ+
ဒီးယၤ, စီၤယၤကိာ် အကစၢ်ယွၤလၢ အဂံၢ်ဆူၣ်ဘါဆူၣ်တဂၤအံၤ မ့ၢ်ကစၢ်လၢ အမၤပူၤဖျဲး နၤလီၤ.*
၁၇ လၢတိၢ်ဘီအလီၢ်န့ၣ် ယကဆီတလဲက့ၤ လၢထူ
လၢထးအလီၢ်န့ၣ် ယကဆီတလဲက့ၤ လၢစ့ညၣ်
လၢသ့ၣ်အလီၢ်န့ၣ် ယကဆီတလဲက့ၤ လၢတိၢ်ဘီ
ဒီးလၢလၢၢ်အလီၢ်န့ၣ် ယကဆီတလဲက့ၤ လၢထးလီၤ.
ဒီးယကဃုထၢထီၣ် တၢ်ဃူတၢ်ဖိး ဒ်ပှၤကွၢ်ထွဲနၤအသိး
ဒီးတၢ်တီတၢ်လိၤ ဒ်ပှၤလၢအဟ့ၣ်လီၤနၤ မူဒါအသိးလီၤ.+
၁၈ ပှၤတနၢ်ဟူ တၢ်မၤဆူၣ်မၤစိး လၢနကီၢ်ပူၤလၢၤဘၣ်.
ဒီးပှၤတနၢ်ဟူ တၢ်မၤဟးဂီၤတၢ် ဒီးတၢ်ဟးဂူာ်ဟးဂီၤ လၢနဟီၣ်ကဝီၤပူၤလၢၤဘၣ်.+
ဒီးနကကိး နတၢ်ဒူၣ်တဖၣ်လၢ တၢ်အုၣ်က့ၤခီၣ်က့ၤ+ ဒီးနတြဲၤတဖၣ်လၢ တၢ်စံးထီၣ်ပတြၢၤလီၤ.
၁၉ လၢမုၢ်ဆါခီန့ၣ် မုၢ်တကဲ နတၢ်ကပီၤလၢၤဘၣ်
ဒီးလါတဟ့ၣ်နၤ တၢ်ကပီၤလၢၤဘၣ်.
၂၀ နမုၢ်တလီၤနုာ်လၢၤဘၣ်
ဒီးနလါတလီၤမၢ်လၢၤဘၣ်.
၂၁ နပှၤခဲလၢာ် ကမ့ၢ်ပှၤတီပှၤလိၤ
ဒီးအဝဲသ့ၣ် ကန့ၢ်ဘၣ်ကီၢ် လီၤထူလီၤယိာ်လီၤ.
၂၂ ပှၤစှၤကိာ်ဂၤ ကကဲထီၣ် ပှၤတကထိ
ဒီးပှၤဆံးဆံးဖိတဂၤ ကကဲထီၣ် ပှၤဖးဒိၣ်တကလုာ်လီၤ.
ယၤ, ယဟိဝၤယွၤ ကမၤချ့ထီၣ် တၢ်အိၣ်သးတဖၣ်အံၤခဲလၢာ် ဒ်အဆၢကတီၢ်ဒၣ်ဝဲလီၤ.”
၆၁ တၢ်ပၢကစၢ် ယဟိဝၤယွၤ အသးစီဆှံ အိၣ်လၢယလိၤ+
ခီဖျိလၢ ယဟိဝၤယွၤ ဒိးဖှူယၤဒ်သိး ယကစံၣ်တဲၤတဲလီၤ တၢ်သးခုကစီၣ်လၢ ပှၤလၢအဆီၣ်လီၤသး အအိၣ်လီၤ.+
အဝဲဆှၢလီၤယၤ ဒ်သိး ယကမၤမုာ်ထီၣ်က့ၤ* ပှၤလၢအသးသ့ၣ်ဖးတဖၣ်,
ဒ်သိး ယကတဲဘၣ် ပှၤလၢ အဘၣ်တၢ်ဖီၣ်န့ၢ်အီၤတဖၣ်လၢ အဝဲသ့ၣ် ကထူၣ်ဖျဲးထီၣ်,
ဒ်သိး ယကတဲဘၣ် ပှၤဃိာ်ဖိတဖၣ်လၢ အမဲာ်ကထံၣ်ထီၣ်က့ၤတၢ်အဂီၢ်,+
၂ ဒ်သိး ယကတဲဖျါထီၣ် ဘၣ်ဃးဒီး တၢ်ဆၢကတီၢ်လၢ ယဟိဝၤယွၤ ကပာ်ဖျါထီၣ် အတၢ်သးအိၣ်,
ဒီးပကစၢ်ယွၤ ကဟ့ၣ်ကၣ်က့ၤတၢ် အမုၢ်နံၤ,+
ဒ်သိး ယကမၤမုာ်ထီၣ်က့ၤ ပှၤလၢ အသူၣ်အုးသးအုး ခဲလၢာ်+
၃ ဒီးဒ်သိး ယကအံးထွဲကွၢ်ထွဲ ပှၤလၢ အဟီၣ်ဝဲယၢၤဝဲလၢ ဝ့ၢ်စံယိၣ် အဃိလီၤ.
ဒီးလၢဖၣ်ဆါကမူၣ်အလီၢ်န့ၣ် ယကဟ့ၣ်လီၤအဝဲသ့ၣ်လၢ ခိၣ်ဖၢၣ်,
လၢတၢ်ဟီၣ်တၢ်ယၢၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်သးခုအသိ
ဒီးလၢတၢ်သးဟးဂီၤအလီၢ်န့ၣ် ယကဟ့ၣ်အဝဲသ့ၣ်လၢ တၢ်စံးထီၣ်ပတြၢၤ အဆ့ကၤလီၤ.
ဒီးပှၤကကိး အဝဲသ့ၣ်လၢ တၢ်တီ တၢ်လိၤ အသ့ၣ်ထူၣ်ဖးဒိၣ်တဖၣ်
လၢယဟိဝၤယွၤ သူၣ်လီၤဝဲ ဒ်သိးကကဲထီၣ် တၢ်လၤကပီၤ လၢအဂီၢ်လီၤ.+
၄ အဝဲသ့ၣ် ကသူၣ်ထီၣ်က့ၤ တၢ်လၢအဟးဂူာ်ဟးဂီၤ ယံာ်တ့ၢ်လံတဖၣ်
ဒီးတၢ်လီၢ်လၢ အအိၣ်သယုၢ် လၢညါလံၤလံၤန့ၣ် အဝဲသ့ၣ် ကဘှီထီၣ်က့ၤအီၤလီၤ.+
၅ “ပှၤလၢ သုတသ့ၣ်ညါဘၣ်တဖၣ် ကဟဲကွၢ်ထွဲ သုသိအဖုတဖၣ်
ဒီးပှၤထံဂၤကီၢ်ဂၤဖိ+ ကကဲ သုပှၤမၤစံာ်ဖိ ဒီးသုပှၤမၤစပံးကျီးဖိ တဖၣ်လီၤ.+
၆ မ့မ့ၢ်သုန့ၣ် သုကဘၣ် တၢ်ကိးသုလၢ ယဟိဝၤယွၤ အပှၤလုၢ်တၢ်ဒိၣ်တဖၣ်+
ဒီးပှၤကကိးသုလၢ ကစၢ်ယွၤ အခ့အပှၤတဖၣ်လီၤ.
သုကသူ ပှၤကလုာ်တဖၣ် အတၢ်ထူးတၢ်တီၤ+
ဒီးသုကသးခု ခီဖျိလၢ သုဒိးန့ၢ်ဘၣ် တၢ်ထူးတၢ်တီၤတဖၣ်အံၤလၢ အဝဲသ့ၣ် အအိၣ်လီၤ.
၇ လၢသုကဘၣ်တၢ်မဲာ်ဆှးအလီၢ် သုကန့ၢ်ဘၣ် ဟီၣ်ခိၣ်လီၢ်ခံစး
ဒီးလၢပှၤကမၤမဲာ်ဆှးသု အလီၢ်န့ၣ် သုကကိးပသူထီၣ်လၢ တၢ်သးခု အပူၤ ခီဖျိ တၢ်လၢသုန့ၢ်ဘၣ် အဃိလီၤ.
ယမ့ၢ်ပှၤလၢ အသးတီအဃိ ယကဟ့ၣ် ယပှၤဂီၢ်မုၢ်လၢ ခိၣ်ဖး
ဒီးယကမၤတၢ်အၢၣ်လီၤအီလီၤ အထူအယိာ်ဒီး အဝဲသ့ၣ်လီၤ.+
၉ အဝဲသ့ၣ် အဖိအလံၤတဖၣ်န့ၣ် ကဘၣ်တၢ်သ့ၣ်ညါအီၤလၢ ပှၤကလုာ်တဖၣ်အကျါ+
ဒီးအဝဲသ့ၣ် အစၢၤအသွဲၣ်တဖၣ်န့ၣ် ကဘၣ်တၢ်သ့ၣ်ညါအီၤလၢ ပှၤဂီၢ်မုၢ်တဖၣ်အကျါလီၤ.
ပှၤခဲလၢာ်လၢ အထံၣ်ပှၤသ့ၣ်တဖၣ်န့ၣ် ကသ့ၣ်ညါဝဲလၢ
အဝဲသ့ၣ်မ့ၢ် တၢ်အစၢၤအသွဲၣ်လၢ ယဟိဝၤယွၤ ဆိၣ်ဂ့ၤတ့ၢ်ဝဲလီၤ.”+
၁၀ ယကသူၣ်ဖှံသးညီလၢ ယဟိဝၤယွၤ အပူၤဖးဒိၣ်
ဒီးလၢကစၢ်ယွၤအဃိ ယကသးခုလၢ ယသးဒီဖျၢၣ်လီၤ.+
အဝဲဒုးကၤထီၣ်ယၤ တၢ်အုၣ်က့ၤခီၣ်က့ၤ အဆ့ကၤ,+
ဒုးလုးထီၣ်ယၤ တၢ်တီတၢ်လိၤ အဆ့ဖးထီ,
ယလီၤဂာ်ဒီး တလးမူးပိာ်ခွါလၢ အဖၢၣ်ဝဲခိၣ်ဖၢၣ် ဒ်ပှၤလုၢ်တၢ်ဒိၣ် ဖၢၣ်ဝဲအသိး+
ဒီးဒ်တလးမူးပိာ်မုၣ်လၢ အမၤဃံမၤလၤထီၣ်အသးလၢ တၢ်ဃံတၢ်လၤတဖၣ် အသိးလီၤ.
၁၁ ဒ်ဟီၣ်ခိၣ် ဒုးမဲထီၣ်တၢ်အသိး
ဒီးဒ်တၤသၣ်အလီၢ် ဒုးမဲထီၣ် တၢ်လၢပှၤဖှံလီၤပာ်စၢၤ လၢအပူၤ အသိးန့ၣ်
တၢ်ပၢကစၢ် ယဟိဝၤယွၤ ကဒုးမဲထီၣ်
တၢ်တီတၢ်လိၤ+ ဒီးတၢ်စံးထီၣ်ပတြၢၤလၢ+ ပှၤကလုာ်ခဲလၢာ် အမဲာ်ညါ ဒ်န့ၣ်အသိး စ့ၢ်ကီးလီၤ.
၆၂ ခီဖျိလၢ ယဘၣ်သူၣ်ဘၣ်သး ဝ့ၢ်စံယိၣ်အဃိ ယတအိၣ်ဘှ့ၣ်ဘၣ်.+
ဒီးခီဖျိလၢ ယဘၣ်သူၣ်ဘၣ်သး ဝ့ၢ်ယရူၤၡလ့ၣ်အဃိ ယတအိၣ်ဃိဒိဘၣ်
တုၤလီၤလၢ အတၢ်တီတၢ်လိၤ ကပီၤထီၣ် ဒ်သိးဒီး တၢ်ကပီၤဖးဒိၣ်+
ဒီးအတၢ်အုၣ်က့ၤခီၣ်က့ၤ ကဲၤထီၣ် ဒ်သိးဒီးဆှိလီၤ.+
ဒီးတၢ်ကကိးက့ၤနၤ လၢမံၤအသီ+
လၢယဟိဝၤယွၤ အနီၢ်ကစၢ်ဒၣ်ဝဲ ကယုၢ်န့ၢ်နၤလီၤ.
၃ နကလီၤဂာ် ဒ်သိးဒီး ခိၣ်သလုးလၢအဃံလၤ လၢယဟိဝၤယွၤအစုပူၤ
ဒီးစီၤပၤအခိၣ်ဖၢၣ် လၢနကစၢ်ယွၤ အစုညါသးအပူၤလီၤ.
တၢ်ကကိးနၤလၢ ပိာ်မုၣ်လၢ ယဘၣ်သူၣ်ဘၣ်သးအီၤ+
ဒီးတၢ်ကကိး နထံနကီၢ်လၢ ပိာ်မုၣ်လၢ အထီၣ်ပှၢ်လံ.
ယဟိဝၤယွၤ ကဘၣ်သူၣ်ဘၣ်သးနၤ
ဒီးနထံနကီၢ် ကမၤသး ဒ်သိးဒီး ပိာ်မုၣ်လၢ အထီၣ်ပှၢ်တဂၤလီၤ.
၅ ဒ်ပိာ်ခွါသးစၢ်တဂၤ ဖျီအသးဒီး မုၣ်ကနီၤတဂၤအသိး
နဖိခွါတဖၣ် ကဖျီအသးဒီးနၤလီၤ.
ဒ်တလးမူးပိာ်ခွါတဂၤ သူၣ်ဖှံသးညီလၢ တလးမူးပိာ်မုၣ် အဃိအသိး
နကစၢ်ယွၤ ကသူၣ်ဖှံသးညီ လၢနဃိလီၤ.+
၆ အိ ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူလိၤန့ၣ် ယ* ပာ်လီၤပှၤခိးကွၢ်တၢ်ဖိတဖၣ်လီၤ.
လၢမုၢ်ဆါမ့ၢ်ဂ့ၤ လၢမုၢ်နၤမ့ၢ်ဂ့ၤ အဝဲသ့ၣ် တဘၣ်အိၣ်ဘှ့ၣ်ဘၣ်.
သုဝဲလၢ အတဲဘၣ်ဃး ယဟိဝၤယွၤအဂ့ၢ် သ့ၣ်ဧၢ,
တဘၣ်ပတုာ်တဂ့ၤ.
၇ ဒီးဆဲးကိးထီၣ် ကစၢ်ယွၤ တုၤလီၤလၢ အပာ်လီၤ ဝ့ၢ်ယရူၤၡလ့ၣ် ကျၢၤကျၢၤ
ဒီးတုၤလီၤလၢ အမၤဝဲဒ်သိး ပှၤကပတြၢၤ ဝ့ၢ်ယရူၤၡလ့ၣ် လၢဟီၣ်ခိၣ်ဒီဘ့ၣ်ညါ န့ၣ်တက့ၢ်.”+
၈ ယဟိဝၤယွၤ ယူာ်ထီၣ်အစုထွဲ လၢအဂံၢ်ဆူၣ် ဒီးအၢၣ်လီၤဝဲလၢ
“နဘုနဟုတဖၣ်န့ၣ် ယတဟ့ၣ်လီၤလၢ နဒုၣ်နဒါတဖၣ် ကအီၣ်ဝဲအဂီၢ်လၢၤဘၣ်.
ဒီးနစပံးထံအသီလၢ နဘၣ်ထဲးဂံၢ်ထဲးဘါ ဒ်သိး နကန့ၢ်ဘၣ်အီၤ အဂီၢ်န့ၣ် ပှၤထံဂၤကီၢ်ဂၤဖိတဖၣ် တအီဘၣ်ဝဲလၢၤဘၣ်.+
၉ ဘၣ်ဆၣ် ပှၤလၢအထၢဖှိၣ် ဘုဧိၤဟုဧိၤန့ၣ် ကအီၣ်ဘၣ်ဝဲ ဒီးအဝဲသ့ၣ် ကစံးထီၣ်ပတြၢၤ ယၤ, ယဟိဝၤယွၤလီၤ.
ဒီးပှၤလၢ အပာ်ဖှိၣ် စပံးထံန့ၣ် ကအီဘၣ်ဝဲ လၢယတၢ်ပျီစီဆှံတဖၣ် အပူၤလီၤ.”+
၁၀ ဟးထီၣ်, ဟးထီၣ်ကွံာ်လၢ တြဲၤတဖၣ်တက့ၢ်.
မၤပျီထီၣ် ကျဲလၢ ပှၤဂီၢ်မုၢ်အဂီၢ်တက့ၢ်.+
တ့ထီၣ်, တ့ထီၣ် ကျဲမုၢ်ဖးဒိၣ်
ဒီးသုးကွံာ် လၢၢ်လၢအအိၣ်ဖဲန့ၣ် တဖၣ်တက့ၢ်.+
ဆီလီၤ တၢ်ပနီၣ်တခါလၢ ပှၤဂီၢ်မုၢ် အဂီၢ်တက့ၢ်.+
တၢ်အဘူးအလဲလၢ ယကဟ့ၣ်လီၤန့ၣ် အိၣ်ဒီးယၤ
ဒီးယအိၣ်ကတဲာ်ကတီၤပာ်စၢၤ ယသးလၢ ယကဟ့ၣ်လီၤ ခိၣ်ဖးလီၤ.’”+
၁၂ အဝဲသ့ၣ် ကဘၣ်တၢ်ကိးအီၤလၢ ပှၤစီဆှံတကလုာ်လၢ ယဟိဝၤယွၤ ပှ့ၤက့ၤအီၤလီၤ.+
တၢ်ကကိးနၤလၢ ဝ့ၢ်လၢ အဘၣ်တၢ်ဃုအီၤ, ဝ့ၢ်လၢ တၢ်တပာ်တ့ၢ်ကွံာ်အီၤဘၣ်.+
၆၃ ပှၤတဂၤလၢ အဟးထီၣ်လၢ ဝ့ၢ်ဘိးစရၤလၢ+ ကီၢ်အဒိၣ်အပူၤ+ ဒီးဟဲဝဲန့ၣ် မ့ၢ်မတဂၤလဲၣ်.
ပှၤတဂၤအံၤ ကူကၤဝဲ တၢ်ကူတၢ်ကၤလၢ အကပီၤဂ့ၤမး,
တၢ်ကူတၢ်ကၤလၢ အလီၤကဟုကညီၢ်
ဒီးအဟးဝဲလၢ အစိကမီၤဖးဒိၣ် အပူၤလီၤ.
“ပှၤတဂၤန့ၣ် မ့ၢ်ဝဲယၤ, ယမ့ၢ်ပှၤလၢ အတဲတၢ်လၢ တၢ်တီတၢ်လိၤအပူၤ
ဒီးယမ့ၢ်ပှၤတဂၤလၢ အအိၣ်ဒီး တၢ်စိတၢ်ကမီၤဖးဒိၣ် လၢကမၤပူၤဖျဲးတၢ်အဂီၢ်လီၤ.”
၂ ဘၣ်မနုၤအဃိ နကူနကၤန့ၣ် အလွဲၢ်ဂီၤလဲၣ်.
ဒီးဘၣ်မနုၤအဃိ နကူနကၤတဖၣ် လီၤဂာ်ဒ်သိးဒီး ပှၤယီၢ်စပံးသၣ် အကူအကၤလဲၣ်.+
၃ “ယဘၣ်ယီၢ် စပံးသၣ် လၢပှၤယီၢ်စပံးထံအကျီးပူၤ ထဲတဂၤ
ဒီးလၢပှၤဟီၣ်ခိၣ်ဖိအကျါန့ၣ် ပှၤတအိၣ်ဒီးယၤ နီတဂၤဘၣ်.
ယဆဲးယီၢ် ပှၤတဖၣ်န့ၣ်လၢ တၢ်သးထီၣ်အပူၤ
ဒီးယဆဲးယီၢ်တံၢ်လီၤ အဝဲသ့ၣ်လၢ တၢ်သးဒိၣ်အပူၤလီၤ.+
အဝဲသ့ၣ် အသွံၣ်ဖျိးထီၣ်ဘၣ် ယတၢ်ကူတၢ်ကၤ
ဒီးယတၢ်ကူတၢ်ကၤ ဘၣ်အၢလၢာ်လံ.
၄ ယပာ်ပနီၣ်ဃာ် တၢ်ဟ့ၣ်ကၣ် အမုၢ်နံၤလံ.+
တၢ်ဆၢကတီၢ်လၢ ယကပှ့ၤက့ၤ ယပှၤဂီၢ်မုၢ်န့ၣ် ဟဲတုၤဝဲလံ.
၅ ယကွၢ်တၢ်ဘၣ်ဆၣ် ယတထံၣ်န့ၢ် ပှၤလၢအအိၣ်ဃူယၤ နီတဂၤဘၣ်.
ပှၤဆီၣ်ထွဲ ယတၢ်ဘၣ်သး တအိၣ်နီတဂၤဘၣ်အဃိ ယကမၢကမၣ်လီၤ.
အဃိ ယအုၣ်က့ၤခီၣ်က့ၤတၢ်လၢ ယနီၢ်ကစၢ်အစု+
ဒီးယနီၢ်ကစၢ် အတၢ်သးဒိၣ်ထီၣ် ထိၣ်ဟူးထိၣ်ဂဲၤထီၣ်ယၤလၢ ယကမၤဒ်န့ၣ်လီၤ.
၆ ယယီၢ်လီၤ ပှၤဂီၢ်မုၢ်လၢ တၢ်သးထီၣ်အပူၤ,
ယမၤမူၤ အဝဲသ့ၣ်လၢ ယတၢ်သးဒိၣ်ထီၣ်+
ဒီးယလူလီၤ အဝဲသ့ၣ် အသွံၣ်လၢ ဟီၣ်ခိၣ်လိၤလီၤ.”
၇ ခီဖျိလၢ ယဟိဝၤယွၤ အိၣ်ဒီး တၢ်သးကညီၤ ဒီးတၢ်အဲၣ်လၢအတီ ဒိၣ်ဒိၣ်မုၢ်မုၢ်အဃိ
အဝဲမၤန့ၢ်တၢ်လၢပဂီၢ် ဒီဒူၣ်
ဒီးအမၤဂ့ၤတၢ်လၢ ပှၤအံၣ်စရ့လးဖိတဖၣ် အဖီခိၣ် အါမံၤလီၤ.+
အဃိ ယကတဲဖျါထီၣ် ယဟိဝၤယွၤ အတၢ်အဲၣ်လၢအတီ
ဒီးယဟိဝၤယွၤ အတၢ်မၤလၢ အလီၤစံးပတြၢၤတဖၣ်လီၤ.
၈ ကစၢ်ယွၤတဲဝဲလၢ “အဝဲသ့ၣ် မ့ၢ်ယပှၤဂီၢ်မုၢ် နီၢ်ကီၢ် ဒီးအဝဲသ့ၣ် မ့ၢ်ယဖိခွါတဖၣ်လၢ အကသးတီဒီးယၤ သပှၢ်တၢၢ်လီၤ.”+
အဃိ ကစၢ်ယွၤ ကဲထီၣ်အဝဲသ့ၣ် အပှၤအုၣ်က့ၤခီၣ်က့ၤတၢ်လီၤ.+
၉ ဖဲအဝဲသ့ၣ် ဘၣ်ကိၢ်ဘၣ်ဂီၤ ဒီတကတီၢ်န့ၣ် ကစၢ်ယွၤ ဘၣ်ကိၢ်ဘၣ်ဂီၤ စ့ၢ်ကီးလီၤ.+
ဒီးအမူခိၣ်ကလူး လီၤဆီတဂၤ မၤပူၤဖျဲး အဝဲသ့ၣ်လီၤ.+
လၢအတၢ်အဲၣ် ဒီးတၢ်သးကညီၤအပူၤန့ၣ် အဝဲပှ့ၤက့ၤ အဝဲသ့ၣ်,+
စိာ်ထီၣ်အဝဲသ့ၣ် ဒီးအံးထွဲကွၢ်ထွဲ အဝဲသ့ၣ်လၢ နံၣ်လၢအပူၤကွံာ်တဖၣ် ဒီတကတီၢ်လီၤ.+
၁၀ ဘၣ်ဆၣ် အဝဲသ့ၣ် ထီဒါက့ၤအီၤ+ ဒီးမၤသးအုး အသးစီဆှံလီၤ.+
၁၁ အဝဲသ့ၣ် နီၣ်ဘၣ်က့ၤ တၢ်လၢ အပူၤကွံာ်
ဖဲကစၢ်ယွၤ အခ့အပှၤ စီၤမိၤၡ့ အစိၤလီၤ. ဒီးအဝဲသ့ၣ် တဲဝဲလၢ
“ပှၤတဂၤလၢ အဒုးခီဂာ် ပှၤတဖၣ်န့ၣ်လၢ ပီၣ်လဲၣ်+ ဃုာ်ဒီးပှၤလၢ အကွၢ်အသိတဖၣ်န့ၣ် ခဲအံၤ အအိၣ်ဖဲလဲၣ်.+
ပှၤတဂၤလၢ အပာ်အသးစီဆှံလၢ စီၤမိၤၡ့* အပူၤန့ၣ် ခဲအံၤအအိၣ် ဖဲလဲၣ်.+
၁၂ ပှၤတဂၤန့ၣ် ဆီၣ်ထွဲ စီၤမိၤၡ့ ခီဖျိလၢ အစိကမီၤဖးဒိၣ်*+
ဒီးအဝဲနီၤဖး ပီၣ်လဲၣ်အထံ လၢအဝဲသ့ၣ် အမဲာ်ညါ+
ဒ်သိး အမံၤ ကဘၣ်တၢ်သ့ၣ်နီၣ်ထီၣ်အီၤ လီၤထူလီၤယိာ် အဂီၢ်လီၤ.+
၁၃ ပှၤတဂၤလၢ အဒုးခီဂာ်အဝဲသ့ၣ်လၢ ထံယိာ်ပူၤ
ဒီးအဝဲသ့ၣ် အခီၣ်တဘၣ်တိၢ်ဘၣ် လီၤဂာ်ဒ်သိးဒီး
ကသ့ၣ်တဒု ဃ့ၢ်ဘၣ်ဝဲလၢ တၢ်ပၢၤခိၣ်ညီညီန့ၣ် ခဲအံၤ အအိၣ်ဖဲလဲၣ်.
၁၄ ယဟိဝၤယွၤ အသးစီဆှံ ဒုးအိၣ်ဘှံးအဝဲသ့ၣ်
ဒ်သိးဒီး ဆၣ်ဖိကီၢ်ဖိလၢ အလဲၤလီၤအိၣ်ဘှံးလၢ တၢ်ပၢၤခိၣ်လီၤ.”+
ကစၢ်ယွၤဧၢ, ဒ်သိး နမံၤဃံလၤ ကဘၣ်တၢ်မၤလၤကပီၤအီၤအဂီၢ်+
နဆှၢ နပှၤဂီၢ်မုၢ် ဒ်န့ၣ်လီၤ.
၁၅ နအိၣ်လၢမူခိၣ် လၢနတၢ်အိၣ်တၢ်ဆိးအလီၢ်စီဆှံ လၢအအိၣ်ထီၣ်ထီ ဒီးအပှဲၤဒီး အလၤကပီၤလီၤ.
ဝံသးစူၤ ကွၢ်လီၤဒီး နကထံၣ်လီၤ.
နထုးထီၣ်ကွံာ် တၢ်သ့ၣ်တဖၣ်န့ၣ် လၢပအိၣ်လံ.
၁၆ နမ့ၢ်ပပၢ်လီၤ.+
စီၤအၤဘြၤဟၣ် မ့ၢ်တသ့ၣ်ညါ ပှၤဘၣ်
ဒီးစီၤအံၣ်စရ့လး မ့ၢ်တသ့ၣ်ညါပှၤဘၣ် သနာ်က့
အိ ယဟိဝၤယွၤဧၢ, နမ့ၢ်ပပၢ်လီၤ.
နမ့ၢ်ပှၤတဂၤလၢ အပှ့ၤက့ၤပှၤ လၢပျၢၤလံၤလံၤလံ.+
၁၇ အိ ယဟိဝၤယွၤဧၢ, ဘၣ်မနုၤအဃိ နပျဲလၢ ပကဟးဖျိးကွံာ် လၢနကျဲတဖၣ်လဲၣ်.
ဘၣ်မနုၤအဃိ နပျဲလၢ ပခိၣ်ကကိၤ ဒ်သိး ပသုတပျံၤနၤလၢၤတဂ့ၤ အဂီၢ်လဲၣ်.+
ဟဲက့ၤမၤစၢၤ ပဝဲနခ့နပှၤတဖၣ်
လၢအမ့ၢ် နတၢ်န့ၢ်သါန့ၣ်တက့ၢ်.+
၁၈ ပဝဲနပှၤစီဆှံတကလုာ်အံၤ ဒိးန့ၢ်ဘၣ်ကီၢ် လၢတၢ်ဆၢကတီၢ် ထဲ တစိၢ်ဖိလီၤ.
ပဒုၣ်ပဒါတဖၣ် ယီၢ်တံၢ်လီၤ နတၢ်စီဆှံအလီၢ်လံ.+
၁၉ ပကဲထီၣ် ဒ်သိးဒီး ပှၤလၢ နတပၢအီၤ နီတဘျီဘၣ်
ဒီးဒ်သိးဒီး ပှၤလၢ ပှၤတကိးအီၤလၢ နမံၤနီတဘျီဘၣ်န့ၣ် ဖးယံာ်လံ.
၆၄ လၢညါ နမ့ၢ်ဟဲလီၤန့ၣ် နကဖှီညာ်မူခိၣ်တဖၣ်
ဒီးဖဲန့ၣ် ကစၢၢ်တဖၣ် ကဟူးဝးဝဲ လၢနဃိလီၤ.
၂ ဒီးအကလီၤဂာ်ဒ် မ့ၣ်အူလၢ အအီၣ်ကွံာ် သ့ၣ်မုၣ်ဒ့တဖၣ်
ဒီးမ့ၣ်အူလၢ အမၤကလာ်ထီၣ်ထံအသိးလီၤ.
အန့ၣ်မး ပှၤလၢ အထီဒါနၤတဖၣ် ကသ့ၣ်ညါနမံၤ
ဒီးပှၤကလုာ်တဖၣ် ကကနိးလၢ နမဲာ်ညါလီၤ.
၃ လၢပျၢၤန့ၣ် နမၤတၢ်လၢ အလီၤကမၢကမၣ်တဖၣ် လၢပမုၢ်လၢ်အီၤမး တကြၢးဘၣ်+
ဒီးဖဲန့ၣ်အခါ နဟဲလီၤ ဒီးကစၢၢ်တဖၣ် ဟူးလၢနမဲာ်ညါလီၤ.+
၄ စးထီၣ်လၢပျၢၤလံၤလံၤန့ၣ် ယွၤအဂၤလၢ အမၤစၢၤ ပှၤလၢအအိၣ်ခိးကွၢ်လၢ်အီၤ*
ဒ်နမၤအသိးန့ၣ် ပှၤတနၢ်ဟူ, တဒိကနၣ် ဒီးတထံၣ်ဘၣ်ဝဲ နီတဂၤဘၣ်,
အိၣ်ဒၣ်ထဲနၤတဂၤလီၤ.+
၅ ပှၤလၢ အမၤတၢ်လၢအဘၣ် လၢတၢ်သးခုအပူၤ+
ဒီးပှၤလၢ အနီၣ်ဘၣ်နၤ ဒီးအိၣ်မူဒ် နတၢ်ဘၣ်သးအသိးန့ၣ် နဟဲမၤစၢၤအဝဲသ့ၣ်လီၤ.
ပဆဲးမၤတၢ်ဒဲးဘး+
ဒီးပမၤအီၤဖးယံာ်အဃိ နသးဒိၣ်ထီၣ်ပှၤလီၤ.
အဃိ ပကပူၤဖျဲးအဂီၢ် တၢ်မုၢ်လၢ် အိၣ်ဒံးဧါ.
၆ ပဝဲခဲလၢာ် ပကဲထီၣ်ဒ်သိးဒီး ပှၤလၢ အတကဆှီဘၣ်
ဒီးပတၢ်မၤလၢ အတီအလိၤခဲလၢာ်န့ၣ် လီၤဂာ်ဒ်သိးဒီး ပိာ်မုၣ်တဂၤ အတၢ်ကံးညာ်လၢ အဘၣ်အၢလၢ အလုၢ်လၢ်ဟဲအဃိလီၤ.+
ပဝဲခဲလၢာ် ပကလီၤညွံး ဒ်သ့ၣ်လၣ်တဘ့ၣ်အသိး
ဒီးပတၢ်ကမၣ်တဖၣ် ကစိာ်ထီၣ်ကွံာ်ပှၤ ဒ်ကလံၤအသိးလီၤ.
၇ နဃၣ်ကွံာ်နမဲာ် လၢပအိၣ်+
ဒီးနပျဲလၢ ပတၢ်ကမၣ် ကဒုးဃဲၤလီၤဃိလီၤပှၤလီၤ.
အဃိ ပှၤတကိးထီၣ် နမံၤနီတဂၤဘၣ်
ဒီးပှၤတထဲးဂံၢ်ထဲးဘါ ဒ်သိး ကဟံးဃာ်နၤအဂီၢ် နီတဂၤဘၣ်.
၈ ဘၣ်ဆၣ် အိ ယဟိဝၤယွၤဧၢ, နမ့ၢ်ပပၢ်လီၤ.+
ပမ့ၢ်ကပံာ် ဒီးနမ့ၢ် ပှၤတ့ သပၢၤလီၤ.*+
ပဝဲခဲလၢာ်န့ၣ် ပမ့ၢ် နစုအတၢ်မၤလီၤ.
၉ အိ ယဟိဝၤယွၤဧၢ, တဘၣ်သးပှံၢ်ထီၣ်ပှၤ ဒိၣ်တလၢတဂ့ၤ.+
ဒီးတဘၣ် သ့ၣ်နီၣ်ထီၣ် ပတၢ်ကမၣ် လီၤထူလီၤယိာ်တဂ့ၤ.
ဝံသးစူၤ သ့ၣ်နီၣ်ထီၣ်လၢ ပဝဲခဲလၢာ် ပမ့ၢ်နပှၤဂီၢ်မုၢ်တက့ၢ်.
၁၀ နဝ့ၢ်စီဆှံတဖၣ် ကဲထီၣ် ပှၢ်မုၢ်ကနၢလံ.
ဝ့ၢ်စံယိၣ် ကဲထီၣ် ပှၢ်မုၢ်ကနၢ
ဒီးဝ့ၢ်ယရူၤၡလ့ၣ် အိၣ်သယုၢ်ဝဲလီၤ.+
၁၁ ပတၢ်လုၢ်ဟံၣ် လၢအစီဆှံ ဒီးအဃံလၤ
လၢပမိၢ်ပၢ်ဖံဖု လၢပျၢၤတဖၣ် စံးထီၣ်ပတြၢၤနၤ လၢအပူၤန့ၣ်
ဘၣ်တၢ်ဒွဲၣ်အူထီၣ်ကွံာ်အီၤ+
ဒီးတၢ်လၢ ပပာ်လုၢ်ပာ်ပှ့ၤအီၤ ခဲလၢာ်န့ၣ် ဟးဂီၤကွံာ်ဝဲ ခဲလၢာ်လံ.
၁၂ ဘၣ်ဆၣ် အိ ယဟိဝၤယွၤဧၢ, မ့ၢ်နကဆဲးအိၣ်ဒ်န့ၣ် ဒီးတမၤစၢၤပှၤဘၣ်ဧါ.
မ့ၢ်နကအိၣ်ဘှ့ၣ် ဒီးပျဲလၢ ပကဘၣ်နးဘၣ်ဖှီၣ် နးထဲအံၤညါဧါ.+
၆၅ “ပှၤလၢ အတသံကွၢ် ယဂ့ၢ်ဘၣ်န့ၣ် ယလီၣ်ဖျါထီၣ်ယသးလၢ အဝဲသ့ၣ်အအိၣ်,
ပှၤလၢ အတဃုယၤဘၣ်န့ၣ် ယပျဲလၢအဝဲသ့ၣ် ကထံၣ်န့ၢ်ယၤလီၤ.+
ဒီးပှၤတကလုာ်လၢ အတကိးထီၣ် ယမံၤဘၣ်န့ၣ် ယတဲအဝဲသ့ၣ်လၢ ‘ယအိၣ်ဖဲအံၤ, ယအိၣ်ဖဲအံၤလီၤ.’+
၂ ပှၤတဒူၣ်လၢ အခိၣ်ကိၤ,+
အလူၤဘၣ်အသး+
ဒီးလဲၤလၢ ကျဲလၢတဂ့ၤဘၣ်တဖၣ်န့ၣ်+ ယယူာ်ဃီၤယစုလၢ အဝဲသ့ၣ်အအိၣ် ဒီတနံၤညါ.
၃ ပှၤသ့ၣ်တဖၣ်အံၤ မၤဆါယသးဒူဒူ ခဲအံၤခဲအံၤ,+
လုၢ်ထီၣ်တၢ်လၢ ကရၢၢ်ပူၤ+ ဒီးဒွဲၣ်ခုၣ်ထီၣ်တၢ်လုၢ်လၢ အူးခဲတဖၣ် အဖီခိၣ်လီၤ.
၄ အဝဲသ့ၣ် ဆ့ၣ်နီၤလၢ တၢ်သွၣ်ခိၣ် အကျါ+
ဒီးအိၣ်ဝဲလၢ တၢ်အိၣ်ခူသူၣ် အလီၢ်တဖၣ် ဒီတနၤကျၢၤလီၤ.
အဝဲသ့ၣ် အီၣ်ထီးညၣ်+
ဒီးကသူထံလၢ အပၣ်ဃုာ်ဒီး တၢ်လၢ အတကဆှီဘၣ်န့ၣ် အိၣ်ဝဲလၢ အဝဲသ့ၣ် အသပၢၤ ဒီးလီခီတဖၣ် အပူၤလီၤ.+
၅ ဝံၤဒီး အဝဲသ့ၣ် တဲပှၤဂၤလၢ ‘ပစီဆှံဒိၣ်န့ၢ်ဒံးသု,* အိၣ်မ့ၢ်ယံၤ ဟဲမၤဘူးပှၤတဂ့ၤ.’
ပှၤတဖၣ်န့ၣ် လီၤဂာ်ဒ်သိးဒီး မ့ၣ်အူခုၣ်လၢ ယနါဒ့အပူၤ
ဒီးဒ်မ့ၣ်အူလၢ အကဲၤဝဲဒီတနံၤညါ အသိးလီၤ.
၆ တၢ်တဖၣ်န့ၣ် ဘၣ်တၢ်ကွဲးလီၤအီၤလၢ ယမဲာ်ညါလံ.
၇ ယဟိဝၤယွၤ တဲဝဲလၢ “ယကမၤဒ်န့ၣ်လၢ အဝဲသ့ၣ် အတၢ်ကမၣ် ဒီးအဝဲသ့ၣ် အမိၢ်ပၢ်ဖံဖု လၢပျၢၤတဖၣ် အတၢ်ကမၣ် အဃိလီၤ.+
မ့ၢ်လၢ အဝဲသ့ၣ် ဒွဲၣ်ခုၣ်ထီၣ်တၢ်လုၢ်လၢ ကစၢၢ်ကလိကျါ
ဒီးဒုၣ်ဒွဲၣ်ယၤလၢ တၢ်လူၢ်တဖၣ်အလိၤအဃိ+
အဆိကတၢၢ်န့ၣ် ယကသိၣ်ဃီၣ် အဝဲသ့ၣ်လၢ အတၢ်မၤအအၢအသီ ခဲလၢာ်အဃိလီၤ.”
၈ ယဟိဝၤယွၤ တဲဝဲလၢ
“ပှၤကတ့ထီၣ် စပံးထံအသီအဂီၢ် စပံးသၣ် မ့ၢ်အိၣ်တချုၣ်ချုၣ်န့ၣ်
ပှၤတဂၤကတဲဝဲလၢ ‘ဖဲန့ၣ် စပံးသၣ်လၢ အဂ့ၤအိၣ်ဒံး, တဘၣ်တၢၤကွံာ်အီၤတဂ့ၤ.’
ယၤစ့ၢ်ကီး ယကမၤဒ်န့ၣ်လၢ ယခ့ယပှၤတဖၣ်အဃိ
ဒီးယတမၤဟးဂီၤကွံာ် ယပှၤဂီၢ်မုၢ် ခဲလၢာ်ဘၣ်.+
၉ လၢစီၤယၤကိာ် ဒီးယူဒၤ အပှၤဂီၢ်မုၢ်အကျါန့ၣ်
ယကဒုးအိၣ်ထီၣ် ချံသၣ်တခါ လၢအကန့ၢ်သါဘၣ် ယကစၢၢ် တဖၣ်လီၤ.+
ပှၤလၢ ယဃုထၢထီၣ်အီၤတဖၣ် ကဒိးန့ၢ်ဘၣ်ကီၢ်
ဒီးယခ့ယပှၤတဖၣ် ကအိၣ်ဘၣ် ဖဲန့ၣ်လီၤ.+
၁၀ ၡၤရိၣ်+ အတၢ်ပျီ ကကဲထီၣ် တၢ်အီၣ်ဆၣ်အလီၢ်လၢ သိအဂီၢ်
ဒီးဧၤကိၢ်+ အတၢ်တြီၤ ကကဲထီၣ် တၢ်အိၣ်ဘှံးအလီၢ်လၢ ကျီၢ်တဖၣ်အဂီၢ်လီၤ.
ယပှၤဂီၢ်မုၢ်လၢ အကဃုယၤန့ၣ် ယကမၤန့ၢ်တၢ်လၢ အဝဲသ့ၣ် အဂီၢ်ဒ်န့ၣ်လီၤ.
၁၁ ဘၣ်ဆၣ် သုဝဲသ့ၣ်အံၤ သုမ့ၢ်ပှၤလၢ အပာ်တ့ၢ်ကွံာ် ယၤ ယဟိဝၤယွၤ,+
သုသးပ့ၤနီၣ် ယကစၢၢ်စီဆှံ,+
သုဆီလီၤ စီၢ်နီၤခိၣ်လၢ တၢ်ဘူၣ်ဂ့ၤတီၢ်ဂ့ၤ အယွၤတဂၤအဂီၢ်,
ဒီးသုကျဲၣ်ကျီ စပံးထံ ဒီးမၤပှဲၤထံခွးတဖၣ်လၢ တၢ်ဟဲဝံဂ့ၤ အယွၤတဂၤအဂီၢ်လီၤ.
၁၂ ယကိးတၢ် ဘၣ်ဆၣ် သုတစံးဆၢဘၣ်
ဒီးယတဲတၢ် ဘၣ်ဆၣ် သုတဒိကနၣ်ဘၣ်.+
သုဆဲးမၤတၢ်လၢ ယထံၣ်လၢ အအၢ
ဒီးသုဃုထၢတၢ်လၢ အတဘၣ် ယသးဘၣ်လီၤ.+
ယခ့ယပှၤတဖၣ် ကအီတၢ်+ ဘၣ်ဆၣ် သုကလီၤဘဲ အီထံလီၤ.
ယခ့ယပှၤတဖၣ် ကသးခု+ ဘၣ်ဆၣ် သုကတူၢ်ဘၣ် တၢ်မဲာ်ဆှးလီၤ.+
၁၄ ယခ့ယပှၤ ကကိးပသူထီၣ်လၢ တၢ်သူၣ်ဖှံသးညီအပူၤ ခီဖျိလၢ အသးခုအဃိ,
မ့မ့ၢ်သုဝဲန့ၣ် သုကဟီၣ်ကိးပသူထီၣ်လၢ တၢ်သူၣ်အုးသးအုးအပူၤ
ဒီးသုကဟီၣ်ကယၢၤ ခီဖျိလၢ သုသူၣ်ဘၣ်ဒိသးဘၣ်ဒိနးမး အဃိလီၤ.
၁၅ ယၤ, တၢ်ပၢကစၢ် ယဟိဝၤယွၤအံၤ ကမၤသံသုဝဲ တဂၤစုာ်စုာ်လီၤ.
ဒီးကအိၣ်တ့ၢ်က့ၤထဲ သုမံၤလၢ ပှၤလၢ ယဃုထၢထီၣ်အီၤတဖၣ် ကသူက့ၤဝဲလၢ တၢ်ဆိၣ်အၢ အဂီၢ်လီၤ.
မ့မ့ၢ် ယခ့ယပှၤတဖၣ်န့ၣ် ယကကိးအဝဲသ့ၣ်လၢ မံၤအဂၤ တဖျၢၣ်လီၤ.+
၁၆ အဃိ ပှၤတဂၤဂ့ၤ တဂၤဂ့ၤလၢ အဃုတၢ်ဆိၣ်ဂ့ၤ လၢအနီၢ်ကစၢ်အဂီၢ် လၢဟီၣ်ခိၣ်ချၢန့ၣ်
ကဘၣ်ဆိၣ်ဂ့ၤ ခီဖျိ ယၤ, ကစၢ်ယွၤ လၢအမ့ၢ်အတီလီၤ.
ဒီးပှၤတဂၤဂ့ၤ တဂၤဂ့ၤလၢ အအၢၣ်လီၤတၢ် လၢဟီၣ်ခိၣ်ချၢန့ၣ်
ကအၢၣ်လီၤတၢ် ခီဖျိ ယၤ, ကစၢ်ယွၤ လၢအမ့ၢ်အတီလီၤ.+
၁၇ ယကတ့လီၤ မူခိၣ်အသီ ဒီးဟီၣ်ခိၣ်အသီလီၤ.+
ဒီးတၢ်အလီၢ်လံၤတဖၣ်န့ၣ် ပှၤတသ့ၣ်နီၣ်ထီၣ်က့ၤအီၤလၢၤဘၣ်
ဒီးတၢ်သ့ၣ်တဖၣ်န့ၣ် တဟဲအိၣ်ထီၣ်လၢ ပှၤသးပူၤလၢၤဘၣ်.+
၁၈ သးခု ဒီးသူၣ်ဖှံသးညီလၢ တၢ်လၢယကတ့လီၤ အဃိ လီၤထူလီၤယိာ်တက့ၢ်.
ယကတ့ထီၣ် ဝ့ၢ်ယရူၤၡလ့ၣ်လၢ ကဒုးအိၣ်ထီၣ် တၢ်သူၣ်ဖှံ သးညီအဂီၢ်
ဒီးအပှၤဂီၢ်မုၢ်န့ၣ် ကဒုးအိၣ်ထီၣ် တၢ်သးခုလီၤ.+
၁၉ ဒီးယကသူၣ်ဖှံသးညီလၢ ဝ့ၢ်ယရူၤၡလ့ၣ်အဃိ ဒီးယကသးခုလၢ ယပှၤဂီၢ်မုၢ်အဃိလီၤ.+
ဒီးလၢဝ့ၢ်ယရူၤၡလ့ၣ်အပူၤန့ၣ် ပှၤတနၢ်ဟူ တၢ်ဟီၣ်တၢ်ယၢၤအသီၣ် ဒီးတၢ်ကိးပသူထီၣ်လၢ တၢ်ကိၢ်တၢ်ဂီၤ အဃိလၢၤဘၣ်.”+
၂၀ “ဖဲတၢ်လီၢ်အဝဲန့ၣ် ဖိသၣ်လၢ အိၣ်ဖျဲၣ်ထီၣ် သီသီတဖၣ် တအိၣ်မူထဲ စှၤကိာ်သီလၢၤဘၣ်.
ဒီးပှၤသးပှၢ်တဂၤလၢ အတအိၣ်မူတုၤလၢ အမုၢ်နံၤမုၢ်သီ ပှဲၤထီၣ်ခဲလၢာ်ဘၣ်န့ၣ် တအိၣ်လၢၤဘၣ်.
ပှၤလၢအသံ ဖဲအသးနံၣ်အိၣ် တကယၤအခါန့ၣ် ပှၤကပာ်အီၤဒ် ဖိသၣ်ဒံးလီၤ.
ဒီးပှၤတၢ်ဒဲးဘးဖိ အသးနံၣ်မ့ၢ်အိၣ် တကယၤ သနာ်က့ အကဘၣ် တၢ်ဆိၣ်အၢလီၤ.*
၂၁ ယပှၤဂီၢ်မုၢ် ကတ့ထီၣ်ဟံၣ်တဖၣ် ဒီးကအိၣ်ဝဲလၢ အပူၤလီၤ.+
ဒီးအဝဲသ့ၣ် ကသူၣ်လီၤ စပံးကျီးတဖၣ် ဒီးကအီၣ်ဝဲ အသၣ်လီၤ.+
၂၂ အဝဲသ့ၣ် တတ့ထီၣ်ဟံၣ်လၢ ပှၤဂၤကဟဲအိၣ်ဝဲအဂီၢ်ဘၣ်.
အဝဲသ့ၣ် တသူၣ်လီၤ စပံးကျီးတဖၣ်လၢ ပှၤဂၤကဟဲအီၣ်ဝဲအဂီၢ်ဘၣ်.
ယပှၤဂီၢ်မုၢ် အသးသမူ ကထီဝဲ ဒ်သိးဒီး သ့ၣ်တထူၣ်အသးသမူထီဝဲ+
ဒီးပှၤလၢ ယဃုထၢထီၣ်အီၤတဖၣ် ကသူၣ်ဖှံသးညီဝဲ လၢလၢပှဲၤပှဲၤ လၢတၢ်လၢ အဝဲသ့ၣ် မၤဝဲလၢ အစုလီၤ.
၂၃ တၢ်မၤလၢ အဝဲသ့ၣ် ကမၤဝဲန့ၣ် တကဲထီၣ် တၢ်ကလီကလီဘၣ်.+
ဒီးအဝဲသ့ၣ် တအိၣ်ဖျဲၣ်ထီၣ်ဖိလၢ ကဘၣ်ကီဘၣ်ခဲ အဂီၢ်ဘၣ်,
မ့ၢ်လၢ အဝဲသ့ၣ် ဒီးအစၢၤအသွဲၣ်တဖၣ်န့ၣ်+
ကမ့ၢ်ဝဲပှၤလၢ ယဟိဝၤယွၤ ဆိၣ်ဂ့ၤအီၤ အဃိလီၤ.+
၂၄ တချုးလၢ အဝဲသ့ၣ် ကိးထီၣ်ဒံးဘၣ်န့ၣ် ယကစံးဆၢအီၤလီၤ.
ဒီးဖဲအဝဲသ့ၣ် တဲဒံးတၢ်အခါ ယကမၤစၢၤ အဝဲသ့ၣ်လီၤ.
၂၅ ထွံၣ်မံၤဒီးသိဖိ ကအီၣ်အဆၣ် တပူၤဃီ,
ခ့ယုၢ် ကအီၣ်လီၢ်ဘိ ဒ်ကျီၢ်ဖါအသိး+
ဒီးဂုၢ် အတၢ်အီၣ်န့ၣ် ကမ့ၢ်ဝဲ ဟီၣ်ခိၣ်ကမူၣ်လီၤ.
လၢယကစၢၢ် စီဆှံဒီတဖျၢၣ်အလိၤန့ၣ်+ ဆၣ်ဖိကီၢ်ဖိတဖၣ်အံၤ တမၤဘၣ်ဒိ ပှၤနီတဂၤဘၣ် ဒီးတမၤအၢတၢ်ဘၣ်.” ယဟိဝၤယွၤ တဲဝဲ ဒ်န့ၣ်လီၤ.
သုတ့ထီၣ်ဟံၣ်လၢ ယဂီၢ် ကသ့ ဖဲလဲၣ်.+
ဒီးယတၢ်အိၣ်တၢ်ဆိးအလီၢ် ကအိၣ်လၢ တၢ်လီၢ်ဖဲလဲၣ်.”+
၂ ယဟိဝၤယွၤ တဲဝဲလၢ “ယတ့လီၤတၢ်သ့ၣ်တဖၣ်အံၤခဲလၢာ် လၢ ယနီၢ်ကစၢ်အစု
ဒီးတၢ်သ့ၣ်တဖၣ်အံၤခဲလၢာ် ဟဲကဲထီၣ်အသးလီၤ.+
၃ ပှၤလၢ အမၤသံကျီၢ်ဖါန့ၣ် ကဘၣ်တၢ်ပာ်အီၤ ဒ်သိးဒီး ပှၤလၢ အမၤသံပှၤကညီ,+
ပှၤလၢ အလုၢ်ထီၣ်သိတဒုန့ၣ် ကဘၣ်တၢ်ပာ်အီၤ ဒ်သိးဒီး ပှၤလၢအမၤကၢ် ထွံၣ်အကိာ်ဘိ,+
ပှၤလၢ အဟ့ၣ်လုၢ်ထီၣ်တၢ်လုၢ်န့ၣ် ကဘၣ်တၢ်ပာ်အီၤ ဒ်သိးဒီး ပှၤလၢ အဟ့ၣ်လုၢ်ထီၣ် ထီးအသွံၣ်+
ဒီးပှၤလၢ အလုၢ်ထီၣ် လီၢ်ဘၣ်*+ န့ၣ်ကဘၣ်တၢ်ပာ်အီၤ ဒ်သိးဒီး ပှၤလၢ အဆိၣ်ဂ့ၤပှၤဂၤလၢ တၢ်ကတိၤလၢ အဘၣ်ထွဲဒီး တၢ်အူတၢ်သမူတၢ်လီၤ.*+
အဝဲသ့ၣ်ဃုထၢ အနီၢ်ကစၢ်အကျဲ
ဒီးတၢ်လၢအလီၤသးဘၣ်အၢန့ၣ် အဝဲသ့ၣ် မၤဝဲမုာ်မးလီၤ.
၄ ဖဲယကိးထီၣ်အခါ ပှၤတစံးဆၢယၤ နီတဂၤဘၣ်
ဒီးဖဲယတဲတၢ်အခါ ပှၤတဒိကနၣ်ယၤ နီတဂၤဘၣ်.+
အဝဲသ့ၣ် ဆဲးမၤတၢ်လၢ ယထံၣ်လၢ အအၢ
ဒီးအဝဲသ့ၣ် ဃုထၢတၢ်လၢ အတဘၣ်ယသးဘၣ်လီၤ.+
အဃိ ယကဃုထၢ ကျဲလၢ ယကစံၣ်ညီၣ်အဝဲသ့ၣ်+
ဒီးတၢ်လၢ အဝဲသ့ၣ် ပျံၤဝဲတဖၣ်န့ၣ် ယကဒုးလီၤဘၣ် အဝဲသ့ၣ်လီၤ.”
၅ သုဝဲလၢ အကနိးကစုာ်လၢ* ယဟိဝၤယွၤ အတၢ်ကတိၤအဃိသ့ၣ်ဧၢ, ဒိကနၣ် အတၢ်ကတိၤအံၤတက့ၢ်.
“သုဒီပုၢ်ဝဲၢ်တဖၣ်လၢ အသးဟ့သု ဒီးနီဟးထီၣ်သု လၢယမံၤအဃိန့ၣ် အဝဲသ့ၣ် တဲဆဲးအဲးဝဲလၢ ‘မ်ပှၤမၤလၤကပီၤ ယဟိဝၤယွၤသၢၤ.’+
ဘၣ်ဆၣ် ယကလီၣ်ဖျါထီၣ်ယသး ဒီးဟ့ၣ်သုတၢ်သးခု
ဒီးပှၤတဖၣ်န့ၣ် မ့ၢ်ပှၤလၢ အကဒိးန့ၢ်ဘၣ် တၢ်မဲာ်ဆှးလီၤ.”+
၆ ယဟိဝၤယွၤ ဟ့ၣ်ကၣ်က့ၤ အဒုၣ်အဒါတဖၣ် ဒ်တၢ်လၢအဝဲသ့ၣ် ကြၢးဒိးန့ၢ်ဘၣ်ဝဲအသိးအဃိ
တၢ်တၢထီၣ်တၢလီၤအသီၣ် အိၣ်ထီၣ်ဝဲလၢဝ့ၢ်ပူၤ ဒီးလၢ တၢ်လုၢ်ဟံၣ်လီၤ.
၇ ပိာ်မုၣ် စံယိၣ် အိၣ်ဖျဲၣ်ထီၣ် သတူၢ်ကလာ်ဒီး တလဲၤခီဖျိဘၣ် တၢ်ဟုးဆါဘၣ်.+
တချုးလၢ အဟုးဆါထီၣ်ဒံးဘၣ်န့ၣ် အဝဲအိၣ်ဖျဲၣ်ထီၣ် ဖိခွါတဂၤလီၤ.
၈ တၢ်ကဲထီၣ်အသး ဒ်အံၤန့ၣ် မ့ၢ်ပှၤနၢ်ဟူဘၣ် အိၣ်တဂၤဂၤဧါ.
တၢ်မၤအသး ဒ်အံၤတဖၣ်န့ၣ် မ့ၢ်ပှၤထံၣ်ဘၣ် အိၣ်တဂၤဂၤဧါ.
မ့ၢ်ထံကီၢ် ကဟဲအိၣ်ဖျဲၣ်ထီၣ်လၢ တသီဃီအတီၢ်ပူၤဧါ.
မ့ၢ်ပှၤတကလုာ် ကဟဲအိၣ်ဖျဲၣ်ထီၣ် ခဲလၢာ်တဘျီဃီဧါ.
ဘၣ်ဆၣ် ဖဲပိာ်မုၣ် စံယိၣ် အဟုးဆါထီၣ်တဘျီဃီန့ၣ် အအိၣ်ဖျဲၣ်ထီၣ် အဖိခွါတဖၣ် သတူၢ်ကလာ်လီၤ.
၉ ယဟိဝၤယွၤ တဲဝဲလၢ “မ့ၢ်ယကအိးထီၣ် အဒၢလီၢ် ဝံၤဒီး မၤပံးက့ၤ အဒၢလီၢ်ဧါ.”
နကစၢ်ယွၤ တဲဝဲလၢ “မ့ၢ်ယကမၤဒ်သိးဖိသၣ် ဘူးကအိၣ်ဖျဲၣ်ထီၣ် ဝံၤဒီး တပျဲအအိၣ်ဖျဲၣ်ထီၣ်ဘၣ်ဧါ.”
၁၀ သုဝဲခဲလၢာ်လၢ အအဲၣ် ဝ့ၢ်ယရူၤၡလ့ၣ်ဧၢ, သူၣ်ခုသးခု ဒီးသူၣ်ဖှံ သးညီ+ ဃုာ်ဒီးအီၤတက့ၢ်.+
သုဝဲခဲလၢာ်လၢ အသးအုးလၢ ဝ့ၢ်ယရူၤၡလ့ၣ်အဃိဧၢ, သူၣ်ဖှံသးညီဖးဒိၣ် ဃုာ်ဒီးအီၤတက့ၢ်.
၁၁ ဒ်မိၢ်တဂၤ ဒုးအီအဖိနုၢ် တုၤလၢအဖိအီဝဲ ဘျဲဘျဲအသိး ဝ့ၢ်ယရူၤၡလ့ၣ် ကကွၢ်ထွဲ ကဟုကယာ်သု ဒ်န့ၣ်လီၤ.
ဒီးခီဖျိလၢ ဝ့ၢ်ယရူၤၡလ့ၣ် ကဘၣ်တၢ်မၤလၤကပီၤအီၤအဃိ သုကသူၣ်မံသးမုာ် ဒီးသူၣ်ဖှံသးညီ ဖးဒိၣ်လီၤ.
၁၂ ယဟိဝၤယွၤ တဲဝဲလၢ
“ယကဟ့ၣ်လီၤ ဝ့ၢ်ယရူၤၡလ့ၣ် တၢ်ဃူတၢ်ဖိး ဒ်သိးဒီး ထံကျိတဘိ+
ဒီးယကဒုးယွၤလီၤ ပှၤကလုာ်တဖၣ် အလၤကပီၤလၢ ဝ့ၢ်ယရူၤၡလ့ၣ် အအိၣ် ဒ်ထံကျိၤလၢ အထံဒိၣ်ထီၣ်အသိးလီၤ.+
အကကွၢ်ထွဲ ကဟုကယာ်သု ဒီးအကပုသုလၢအချၢဃံလီၤ.
ဒီးသုကဖုကဆဲးလၢ အခီၣ်ကံၣ်ဒုၣ်လိၤလီၤ.
ဒီးသုကဘၣ် တၢ်မၤမုာ်ထီၣ်က့ၤသု ခီဖျိလၢ ဝ့ၢ်ယရူၤၡလ့ၣ်အဃိလီၤ.+
၁၄ ဒီးသုကထံၣ်ဘၣ် ဒီးသုကသးခုလီၤ.
သုကပှဲၤဒီး တၢ်ဂံၢ်တၢ်ဘါ ဒ်နီၣ်လါဟ့အသိးလီၤ.
ယဟိဝၤယွၤ ကပာ်ဖျါထီၣ်န့ၢ် အခ့အပှၤတဖၣ်လၢ အစုလီၤ.*
ဘၣ်ဆၣ် အဝဲကသးဒိၣ်ထီၣ် အဒုၣ်အဒါတဖၣ်လီၤ.”+
အကဟဲလၢ တၢ်သူၣ်ဒိၣ်သးဖျိးအပူၤ ဒ်သိးကဟ့ၣ်ကၣ်က့ၤအဝဲသ့ၣ်
ဒီးဒ်သိး ကသိၣ်ဃီၣ်အဝဲသ့ၣ်လၢ မ့ၣ်အူလၣ်လီၤ.+
၁၆ ယဟိဝၤယွၤ ကစံၣ်ညီၣ်တၢ်လၢ မ့ၣ်အူ,
အကစံၣ်ညီၣ် ပှၤဟီၣ်ခိၣ်ဖိခဲလၢာ်လၢ အနး
ဒီးပှၤလၢ ယဟိဝၤယွၤ မၤသံဝဲန့ၣ် ကအိၣ်ဝဲဒီဒူၣ်လီၤ.
၁၇ ယဟိဝၤယွၤ တဲဝဲလၢ “ပှၤလၢ အမၤစီဆှံအသး ဒီးမၤကဆှီထီၣ်အသးဒ်သိးဒီး ကလဲၤနုာ် ဘူၣ်ထီၣ်ဘါထီၣ် တၢ်လၢ ကရၢၢ်တဖၣ်*+ အပူၤ ဒီးပှၤလၢ အအီၣ်ထီးညၣ်,+ ယုၢ်ညၣ် ဒီးတၢ်အဂၤလၢ အလီၤသးဘၣ်အၢန့ၣ်+ အဝဲသ့ၣ် ခဲလၢာ် ကတုၤလၢ တၢ်ဟးဂီၤ ဒ်သိးသိးလီၤ. ၁၈ ခီဖျိလၢ ယသ့ၣ်ညါ အဝဲသ့ၣ် အတၢ်မၤ ဒီးအတၢ်ဆိကမိၣ်တဖၣ်အဃိ ယကဟဲ ပာ်ဖှိၣ်ထီၣ် ပှၤလၢအအိၣ်လၢ ပှၤကလုာ်ခဲလၢာ် ဒီးပှၤတဲ ကျိာ်အကလုာ်ကလုာ်တဖၣ်အကျါလီၤ. ဒီးအဝဲသ့ၣ် ကဟဲထံၣ်ဘၣ် ယလၤကပီၤလီၤ.”
၁၉ “ယကဒုးအိၣ်ထီၣ် တၢ်ပနီၣ်တခါလၢ အဝဲသ့ၣ် အကျါလီၤ. ဒီးပှၤလၢအပူၤဖျဲး တနီၤန့ၣ် ယကဆှၢလီၤ အဝဲသ့ၣ်လၢ ပှၤကလုာ်တဖၣ် လၢအမ့ၢ် ပှၤခးချံၣ်ဖိတဖၣ်လၢ အအိၣ်လၢ တၢ်ၡံၣ်အဟီၣ်ကဝီၤ,+ ကီၢ်ပူလး ဒီးလူးအဟီၣ်ကဝီၤလီၤ.+ ဒီးယကဆှၢလီၤစ့ၢ်ကီး အဝဲသ့ၣ်လၢ တူၤဘလး အဟီၣ်ကဝီၤ, ယၤဝၣ်အဟီၣ်ကဝီၤ+ ဒီးကီးလၢ အအိၣ်ယံၤတဖၣ်လီၤ. ပှၤကလုာ်တဖၣ်အံၤ တနၢ်ဟူဘၣ် ယဂ့ၢ်ဒံးဘၣ် ဒီးတထံၣ်ဘၣ် ယလၤကပီၤဒံးဘၣ်. အဃိ အဝဲသ့ၣ် ကစံၣ်တဲၤတဲလီၤ ယလၤကပီၤလၢ ပှၤကလုာ်တဖၣ် အကျါလီၤ.”+ ၂၀ ယဟိဝၤယွၤ တဲဝဲလၢ “အဝဲသ့ၣ် ကဟဲက့ၤကိးထီၣ် ကယဲၢ်သုဒီပုၢ်ဝဲၢ်တဖၣ်လၢ အအိၣ်လၢ ပှၤကလုာ်ခဲလၢာ်အကျါ+ ဒ်တၢ်ဟ့ၣ်လၢ ယဟိဝၤယွၤအအိၣ် အသိးလီၤ. ဒီးကဟဲက့ၤကိးဝဲလၢ ကသ့ၣ်လိၤ, လ့ၣ်ကဟၣ်လိၤ, လ့ၣ်လၢအအိၣ်ဒီး အခိၣ်ဒုး, ကသ့ၣ်ယီၤအလိၤ* ဒီးကီၤလၤအူး လၢအဟးချ့တဖၣ် အလိၤ ဆူယကစၢၢ်စီဆှံ ယရူၤၡလ့ၣ်လီၤ. ဒီးကလီၤဂာ် ဒ်သိးဒီး ဖဲပှၤအံၣ်စရ့လးဖိတဖၣ် ဟဲစိာ်နုာ် အတၢ်ဟ့ၣ်လၢ လီခီကဆှီအပူၤ လၢယဟိဝၤယွၤ အဟံၣ်ပူၤလီၤ.”
၂၁ ယဟိဝၤယွၤ တဲဝဲလၢ “အဝဲသ့ၣ်တနီၤန့ၣ် ယကဒုးကဲထီၣ်အီၤလၢ ပှၤလုၢ်တၢ်ဒိၣ်တဖၣ် ဒီးအဂၤတနီၤန့ၣ် ယကဒုးကဲထီၣ်အီၤလၢ ပှၤလ့ၤဝံဖိတဖၣ်လီၤ.”
၂၂ ယဟိဝၤယွၤ တဲဝဲလၢ “ဒ်မူခိၣ်အသီ ဒီးဟီၣ်ခိၣ်အသီ+ လၢယကတ့လီၤအီၤ ကအိၣ်ဝဲ လၢယမဲာ်ညါ ထီဘိအသိး သုစၢၤသုသွဲၣ် ဒီးသုမံၤ ကအိၣ်ထီဘိလီၤ.”+
၂၃ ယဟိဝၤယွၤ တဲဝဲလၢ “ဖဲလါထီၣ်သီ ကိးလါဒဲး ဒီးအိၣ်ဘှံးနံၤ ကိးနွံဒဲးန့ၣ်
ပှၤဟီၣ်ခိၣ်ဖိ ခဲလၢာ် ကဟဲဘူၣ်ထီၣ်ဘါထီၣ်ယၤလီၤ.+
၂၄ ဒီးအဝဲသ့ၣ် ကဟးထီၣ် ဒီးကထံၣ်ပှၤလၢ အထီဒါက့ၤယၤတဖၣ် အစိၣ်လီၤ.
ဒီးလၢၣ်တဖၣ်လၢ အအိၣ်လၢ ပှၤတဖၣ်န့ၣ်အစိၣ်အလိၤန့ၣ် တသံဘၣ်
ဒီးမ့ၣ်အူလၢ အအီၣ်ပှၤတဖၣ်န့ၣ်အစိၣ်န့ၣ် တလီၤပံာ်ဘၣ်.+
ဒီးပှၤတဖၣ်န့ၣ် ကကဲထီၣ် တၢ်လၢအလီၤသးဘၣ်အၢ လၢပှၤခဲလၢာ်အဂီၢ်လီၤ.”
မံၤအံၤ အခီပညီမ့ၢ်ဝဲ “ယဟိဝၤ အတၢ်အုၣ်က့ၤခီၣ်က့ၤ.”
မ့ၢ်စ့ၢ်ကီး “အကစၢ်.”
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
မ့ၢ်စ့ၢ်ကီး “ဃဲသဲမုၣ်.” ကွၢ် တၢ်ကတိၤအခီပညီ.
ဖျါလၢအဲၣ်ဒိးတဲဝဲ သ့ၣ်ထူၣ်တဖၣ် ဒီးကရၢၢ်တဖၣ် လၢအဘၣ်ထွဲလိာ်သးဒီး တၢ်ဘူၣ်ထီၣ်ဘါထီၣ် တၢ်ဂီၤတၢ်ဖှီၣ်.
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
အခီပညီလိၤလိၤ “အဝဲသ့ၣ် ကအီၣ်ဘၣ် တၢ်လၢအမၤဝဲတဖၣ်.”
ကွၢ် တၢ်ကတိၤအခီပညီ.
မ့ၢ်ဝဲ တၢ်လီၤမဲာ်ဆှး ခီဖျိ တဆီဟံၣ်ဆီဃီဘၣ် ဒီးဖိတအိၣ်ဘၣ်အဃိ.
အခီပညီလိၤလိၤ “ဟ့ၣ်အခွဲးလၢ တၢ်ကကိးပှၤဒ်နမံၤအသိး.”
အခီပညီလိၤလိၤ “တၢ်အ့ၣ်.”
ကအိၣ်ဝဲ ၂၂ လံးထၢၣ်. ကွၢ် တၢ်ဂ့ၢ်ဘၣ်ထွဲလိာ်သး ခ၁၄.
မ့ၢ်စ့ၢ်ကီး “၁၆၀ ကံလိ.” ကွၢ် တၢ်ဂ့ၢ်ဘၣ်ထွဲလိာ်သး ခ၁၄.
မ့ၢ်စ့ၢ်ကီး “၁၆ ကံလိ.” ကွၢ် တၢ်ဂ့ၢ်ဘၣ်ထွဲလိာ်သး ခ၁၄.
မ့ၢ်စ့ၢ်ကီး “အဲၣ်ဒိးအီထံ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်ဆၢတဲာ်, တၢ်ဟ့ၣ်ကူၣ်.”
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဆံဆဲၣ်ပူတပူ.”
မ့ၢ်စ့ၢ်ကီး “ပှၤစၢၤပှၤသွဲၣ်.”
ဘၣ်သ့ၣ်သ့ၣ် ကမ့ၢ် “အဝဲသ့ၣ်.”
မ့ၢ်ဝဲ အံၣ်စရ့လး အဘီမုၢ်.
အခီပညီမ့ၢ်ဝဲ “ပှၤလၢ အအိၣ်တ့ၢ်ထဲစှၤဂၤန့ၣ် ကဟဲက့ၤကဒါက့ၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “မုၣ်ကနီၤ.”
အခီပညီမ့ၢ်ဝဲ “ကစၢ်ယွၤ အိၣ်ဒီးပှၤ.”
မ့ၢ်ဝဲ ထံကျိဖရၤသး.
ဘၣ်သ့ၣ်သ့ၣ် အခီပညီမ့ၢ်ဝဲ “ကရီလဲၤဝဲလၢ တၢ်ဂုာ်န့ၢ်ဆူၣ်အအိၣ်.”
မ့ၢ်ဝဲ စီၤယၡါယၤ အမါ.
ကွၢ် ယၡါယၤ ၇:၁၄.
လၢဧ့ၤဘြံၤကျိာ် မံၤလၢအမ့ၢ် ဧံးမၤနူၤအ့လးန့ၣ် အခီပညီမ့ၢ်ဝဲ “ကစၢ်ယွၤအိၣ်ဒီးပှၤ.” ကွၢ် ယၡါယၤ ၇:၁၄; ၈:၈.
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
မ့ၢ်စ့ၢ်ကီး “သၣ်ဝံၤ.”
အခီပညီလိၤလိၤ “ကအိၣ်ဝဲလၢ အဖံဘၣ်ခိၣ်အလိၤ.”
ဘၣ်သ့ၣ်သ့ၣ် ကမ့ၢ် “သူၣ်လီၤကဒါက့ၤ သ့ၣ်ဆှိအ့ရ့းတဖၣ်.”
မ့ၢ်ဝဲ အံၣ်စရ့လး အဘီမုၢ်.
ဘၣ်သ့ၣ်သ့ၣ် ကမ့ၢ် “စူၣ်ပလိၣ်အဒ့ ဒီးတပိၢ်.”
မ့ၢ်စ့ၢ်ကီး “အဝဲသ့ၣ်မ့ၢ် ပှၤလၢအစူးကွံာ်ညိကွံာ်တၢ်နာ်.”
မ့ၢ်စ့ၢ်ကီး “သၣ်ဝံၤ.”
မ့ၢ်စ့ၢ်ကီး “ပှၤတကလုာ်လၢ အစူးကွံာ်ညိကွံာ်တၢ်နာ်.”
မ့ၢ်ဝဲ “ပှၤအၤၡူၢ်ဖိ” လၢအဘၣ်တၢ်ပာ်ဖျါထီၣ်အီၤဖဲ အဆၢဖိ ၅ ဒီး ၂၄.
အခီပညီလိၤလိၤ “အ.”
ဘၣ်သ့ၣ်သ့ၣ် အဲၣ်ဒိးတဲဝဲ သိလၢ အဘၣ်တၢ်သူအီၤလၢ ပှၤကဒိးဖှူ အံၣ်စရ့လး အစီၤပၤတဖၣ်အဂီၢ် မ့တမ့ၢ် သိဒ်သိးဒီး သိလၢ အဘၣ်တၢ်သူအီၤလၢ စီၤကံးဒဧိၣ်အပှၤ ၃၀၀ အဆှိတဖၣ်အဂီၢ်.
အဲၣ်ဒိးတဲဝဲ “အဒ့” ဒီး “အဒ့ဘီၣ်” လၢတၢ်ပာ်ဖျါထီၣ်အီၤလၢ အဆၢဖိတၢ.
မ့ၢ်စ့ၢ်ကီး “အထးခိၣ်အတၢ်သါ.”
မ့ၢ်စ့ၢ်ကီး “ခါပး.”
ဘၣ်သ့ၣ်သ့ၣ် ကမ့ၢ် “ကျီၢ်ဖိ ဒီးခ့ယုၢ် ကအီၣ်ဆၣ် ဒ်သိးသိး.”
မ့ၢ်စ့ၢ်ကီး “ပှၤကလုာ်တဖၣ် ကဃုအီၤ.”
အခီပညီလိၤလိၤ “ယူာ်ဃီၤကဒီးအစု.”
မ့ၢ်စ့ၢ်ကီး “ကီၢ်အဲၤသံအီးပး.”
မ့ၢ်ဝဲ ပှၤဘၤဘူၤလိၣ်ဖိ အကီၢ်.
အခီပညီလိၤလိၤ “ဖံဘၣ်ခိၣ်.”
ဘၣ်သ့ၣ်သ့ၣ် ကမ့ၢ် “မၤဃ့ထီ.”
ဘၣ်သ့ၣ်သ့ၣ် ကမ့ၢ် “တီၢ်သ့ၣ်ဖး.”
အခီပညီလိၤလိၤ “မူခိၣ်.”
မ့ၢ်ဝဲ ဘၤဘူၤလိၣ် အပှၤပိာ်ခွါသးစၢ်တဖၣ်.
အဲၣ်ဒိးတဲဝဲ ပှၤလၢအအိၣ်လၢ ဘၤဘူၤလိၣ်အပူၤ.
ဘၣ်သ့ၣ်သ့ၣ် ကမ့ၢ် “မဲာ်တဲးလဲးလၢ အလီၤဂာ်ဒီးတၢ်ဝံတၢ်နါ.”
မ့ၢ်စ့ၢ်ကီး “စံၣ်.”
မ့ၢ်စ့ၢ်ကီး “နူၢ်.”
မ့ၢ်စ့ၢ်ကီး “ဟ့ၣ်ဒုးအိၣ်ဘှံး.”
မ့ၢ်စ့ၢ်ကီး “ဟ့ၣ်ဒုးအိၣ်ဘှံး.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ထံကလိာ်တဖၣ်.”
အခီပညီလိၤလိၤ “အဂံၢ်.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “နံၣ်တဖၣ်အံၤ ဘၣ်တၢ်ဂံၢ်အီၤ လီၤတံၢ်လီၤဆဲး ဒ်သိးဒီး ပှၤမၤတၢ်ဖိလၢ ပှၤငါအီၤတဖၣ် ဂံၢ်ဝဲလီၤတံၢ်လီၤဆဲး.”
မ့ၢ်စ့ၢ်ကီး “ဘုစဲၤ.”
ကွၢ် တၢ်ကတိၤအခီပညီ.
အဲၣ်ဒိးတဲဝဲ ဝ့ၢ်ယရူၤၡလ့ၣ်.
မ့ၢ်စ့ၢ်ကီး “ယွၤလၢအကမၣ်.”
မ့ၢ်ဝဲ နီၣ်ဖးထီ တကလုာ်လၢ ညီနုၢ်အမဲထီၣ်လၢ ထံချၢးပူၤ.
မ့ၢ်ဝဲ တၢ်ထူၣ်တကလုာ်လၢ ပှၤသူၣ်ဝဲလၢပျၢၤလံၤလံၤ. တၢ်ထူၣ် တကလုာ်အံၤ အယဲၤန့ၣ် ပှၤသူဝဲလၢ ပှၤကတ့ထီၣ် တၢ်ကံးညာ်လၢအညၣ်ဂ့ၤ.
ဘၣ်သ့ၣ်သ့ၣ် ကမ့ၢ် “စူၣ်ပလိၣ်အဒ့ ဒီးတပိၢ်.”
အခီပညီလိၤလိၤ “အစု.”
အဲၣ်ဒိးတဲဝဲ ဧ့ၤဘြံၤကျိာ်.
မ့ၢ်စ့ၢ်ကီး “တၢ်တၣ်.”
အခီပညီလိၤလိၤ “တၢ်အိၣ်ဘ့ၣ်ဆ့.”
ဖျါလၢအဲၣ်ဒိးတဲဝဲ တၢ်လီၢ် လၢအမ့ၢ် ဘၤဘူၤလိၣ်လၢပျၢၤ.
ဖျါလၢအဲၣ်ဒိးတဲဝဲ ဘၤဘူၤလိၣ်.
အခီပညီမ့ၢ်ဝဲ “တၢ်ဘှ့ၣ်တၢ်ဘှီၣ်.” မ့ၢ်ဝဲ မံၤလၢအအဲၣ်ဒိးတဲဝဲ ကီၢ်အဒိၣ်လၢ ဝံအတၢ်စံးပာ်အပူၤ.
ဖျါလၢအဲၣ်ဒိးတဲဝဲ ဧ့ရ့းတၢ်လီၢ်.
မ့ၢ်စ့ၢ်ကီး “နံၣ်အံၤ ဘၣ်တၢ်ဂံၢ်အီၤ လီၤတံၢ်လီၤဆဲး ဒ်သိးဒီး ပှၤမၤတၢ်ဖိလၢ ပှၤငါအီၤတဖၣ် ဂံၢ်ဝဲလီၤတံၢ်လီၤဆဲး.”
ဖျါလၢအဲၣ်ဒိးတဲဝဲ ဝ့ၢ်ယရူၤၡလ့ၣ်.
မ့ၢ်စ့ၢ်ကီး “ပှၤဒိးကသ့ၣ်.”
မ့ၢ်စ့ၢ်ကီး “တၢ်ကျၢၢ်ဘၢ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပှၤလၢအအိၣ်လၢ နနီပူၤ.”
အခီပညီလိၤလိၤ “ဟံၣ်.”
ဖျါလၢအဲၣ်ဒိးတဲဝဲ စီၤအ့ၤလယါကံၣ်.
ဖျါလၢအဲၣ်ဒိးတဲဝဲ စီၤၡ့ၤဘနၤ.
မ့ၢ်ဝဲ ထံကျိနံၤလါ အဒ့အတြၢ်တဘိ.
အခီပညီလိၤလိၤ “ဝ့ၢ်စံဒိၣ် အဖိမုၣ် မုၣ်ကနီၤစီဆှံတဖၣ်.”
အဲၣ်ဒိးတဲဝဲ ပှၤလၢအအိၣ်လၢ ဘၤဘူၤလိၣ်အပူၤ.
ဘၣ်သ့ၣ်သ့ၣ် အဲၣ်ဒိးတဲဝဲ ဝ့ၢ်စိၢ်.
ဖျါလၢအဲၣ်ဒိးတဲဝဲ ယူဒၤအဟီၣ်ကဝီၤ ဒီးဝ့ၢ်ယရူၤၡလ့ၣ်.
ဘၣ်သ့ၣ်သ့ၣ် ကမ့ၢ် “ဃ့ထီကွံာ်.”
မ့ၢ်စ့ၢ်ကီး “မၤလီၤမၢ်ကွံာ်.”
မ့ၢ်ဝဲ ကစၢ်ယွၤ.
ဘၣ်သ့ၣ်သ့ၣ် ကမ့ၢ် “ပှၤလၢအသး တကဒံကဒါဘၣ်.”
မ့ၢ်စ့ၢ်ကီး “တၢ်ဃူတၢ်ဖိး.”
မ့ၢ်ဝဲ ကစၢ်ယွၤ.
မ့ၢ်စ့ၢ်ကီး “တၢ်ဃူတၢ်ဖိး.”
မ့ၢ်စ့ၢ်ကီး “သမၣ်.” ကွၢ် တၢ်ကတိၤအခီပညီ.
မ့ၢ်စ့ၢ်ကီး “စွါ.”
ဖျါလၢအဲၣ်ဒိးတဲဝဲ အံၣ်စရ့လး အပှၤဂီၢ်မုၢ် လၢအဘၣ်တၢ်ဒိလီၤအီၤ ဒ်စပံးကျီးအသိး.
မ့ၢ်စ့ၢ်ကီး “တၤသၣ် လၢလၢပှဲၤပှဲၤ.”
မ့ၢ်ဝဲ ထံကျိဖရၤသး.
ဖျါလၢအဲၣ်ဒိးတဲဝဲ ဝ့ၢ်ခိၣ်လၢအမ့ၢ် ၡၤမရံ.
မ့ၢ်စ့ၢ်ကီး “ပာ်ထီၣ်ထီသး.”
မ့ၢ်စ့ၢ်ကီး “ပာ်ထီၣ်ထီသး.”
မ့ၢ်စ့ၢ်ကီး “အဝဲကဒုးလီၤ အသးစီဆှံလၢ စံၣ်ညီၣ်ကွီၢ်တဖၣ်အလိၤ.”
မ့ၢ်စ့ၢ်ကီး “နီၣ်ထိၣ်ပျံၤ တဘိဝံၤတဘိ, နီၣ်ထိၣ်ပျံၤ တဘိဝံၤတဘိ.”
မ့ၢ်စ့ၢ်ကီး “နီၣ်ထိၣ်ပျံၤ တဘိဝံၤတဘိ, နီၣ်ထိၣ်ပျံၤ တဘိဝံၤတဘိ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “ဖဲအဝဲသ့ၣ် နၢ်ပၢၢ် တၢ်ကစီၣ်အခါ အဝဲသ့ၣ် ကပျံၤတၢ်ဖုးတၢ်.”
မ့ၢ်စ့ၢ်ကီး “ဟီၣ်ခိၣ်ဒီဘ့ၣ်.”
မ့ၢ်စ့ၢ်ကီး “သိၣ်က့ၤသီက့ၤ, သိၣ်ဃီၣ်.”
ဘၣ်သ့ၣ်သ့ၣ် အခီပညီမ့ၢ်ဝဲ “ကစၢ်ယွၤအတၢ်လုၢ်လီၢ် အဖၣ်ကပူၤ.” ဖျါလၢအဲၣ်ဒိးတဲဝဲ ဝ့ၢ်ယရူၤၡလ့ၣ်.
မ့ၢ်စ့ၢ်ကီး “သၣ်ဝံၤ.”
အခီပညီလိၤလိၤ “အမဲာ် တလီၤဝါလၢၤဘၣ်.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
ကွၢ် တၢ်ကတိၤအခီပညီ.
အခီပညီလိၤလိၤ “ယဟိဝၤယွၤ အမံၤ.”
မ့ၢ်စ့ၢ်ကီး “နၢ်ဟူပံအသီၣ်.”
အခီပညီလိၤလိၤ “တိဖ့း.”
မ့ၢ်စ့ၢ်ကီး “ပှၤဒိးကသ့ၣ်.”
မ့ၢ်စ့ၢ်ကီး “မ့ၣ်အူ.”
မ့ၢ်စ့ၢ်ကီး “စူးကွံာ်ညိကွံာ်တၢ်နာ်.”
မ့ၢ်စ့ၢ်ကီး “သၣ်ဝံၤ.”
မ့ၢ်စ့ၢ်ကီး “ဟ့ၣ်တၢ်ညီ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်သူၣ်မံသးမုာ်.”
အဲၣ်ဒိးတဲဝဲ ပှၤအၤၡူၢ်ဖိ.
အခီပညီလိၤလိၤ “အဝဲန့ၣ် မ့ၢ်ဝဲ အတၢ်လုၢ်ဒိၣ်ပှ့ၤဒိၣ်.”
ဖျါလၢအဲၣ်ဒိးတဲဝဲ ယူဒၤ.
အဲၣ်ဒိးတဲဝဲ ဒုၣ်ဒါ.
ဘၣ်သ့ၣ်သ့ၣ် ကမ့ၢ် “ဃ့ထီကွံာ်.”
မ့ၢ်စ့ၢ်ကီး “စူးကွံာ်ညိကွံာ်တၢ်နာ်.”
အခီပညီလိၤလိၤ “ကိၣ်.”
မ့ၢ်စ့ၢ်ကီး “ကယွၤလီၤဝဲ.”
ဖျါလၢအဲၣ်ဒိးတဲဝဲ ကီၢ်အဒိၣ် အဝ့ၢ်ခိၣ် လၢအမ့ၢ် ဝ့ၢ်ဘိးစရၤ.
ဖဲအံၤ တၢ်ကတိၤ ကးန့ၣ် အဲၣ်ဒိးတဲဝဲ တၢ်အကမူၣ်တခါလၢ အကဲၤညီ ဒီးဖဲပှၤဒွဲၣ်ထီၣ်အီၤအခါ အနၢဆူၣ်.
ဘၣ်သ့ၣ်သ့ၣ် ကမ့ၢ် “မဲာ်တဲးလဲးလၢ အလီၤဂာ်ဒီးတၢ်ဝံတၢ်နါ.”
အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
မ့ၢ်စ့ၢ်ကီး “ရၤဘၡါက့ၤ.”
မ့ၢ်စ့ၢ်ကီး “တၤ.”
မ့ၢ်စ့ၢ်ကီး “စူၤရံ.”
အခီပညီလိၤလိၤ “နခ့နပှၤတဖၣ်.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ရၤဘၡါက့ၤ.”
ဘၣ်သ့ၣ်သ့ၣ် ကမ့ၢ် “အဘၢၣ်စၢၤ.”
မ့ၢ်ဝဲ စီၤဃံးစကံယၤ.
အခီပညီလိၤလိၤ “ဟံၣ်.”
မ့ၢ်စ့ၢ်ကီး “တၢ်လုၢ်ဟံၣ်.”
မ့ၢ်စ့ၢ်ကီး “ပှၤလၢအအိၣ်လၢ နနီပူၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်ဝဲ ကစၢ်ယွၤ အတၢ်ကတိၤ ဒီးအတၢ်မၤတဖၣ်.
မ့ၢ်စ့ၢ်ကီး “နီပူၤ.”
အခီပညီလိၤလိၤ “ဖံးညၣ်.”
မ့ၢ်စ့ၢ်ကီး “သး.”
မ့ၢ်စ့ၢ်ကီး “ကစိာ်ထီၣ်ဝဲလၢ အစု.”
ကွၢ် တၢ်ဂ့ၢ်ဘၣ်ထွဲလိာ်သး ခ၁၄.
ဘၣ်သ့ၣ်သ့ၣ် ကမ့ၢ် “နၢ်ပၢၢ်အီၤ.”
မ့ၢ်စ့ၢ်ကီး “ဖျၢၣ်သလၢၣ်.”
မ့ၢ်စ့ၢ်ကီး “ပှၤခိၣ်ပှၤနၢ်တဖၣ်.”
မ့ၢ်စ့ၢ်ကီး “တၢ်ဂံၢ်တၢ်ဘါ အါအါဂီၢ်ဂီၢ်.”
မ့ၢ်ဝဲ တၢ်တမံၤလၢ ပှၤသူဝဲ ဒ်သိး ကမၤဘုးတာ် ထးတဖၣ်.
အခီပညီလိၤလိၤ “အချံအသၣ်.”
မ့ၢ်ဝဲ ပှၤလၢအပတီၢ်ဖုၣ် ဒီးတအိၣ်ဒီး တၢ်ဒီသဒၢဘၣ်.
အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
အခီပညီလိၤလိၤ “ဒါလီၤ.”
အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
ဖျါလၢအဲၣ်ဒိးတဲဝဲ အံၣ်စရ့လးတကလုာ်.
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
အခီပညီလိၤလိၤ “သုချံသုသၣ်.”
ဘၣ်သ့ၣ်သ့ၣ် အဲၣ်ဒိးတဲဝဲ တၢ်အဆိကတၢၢ်တဖၣ် လၢကဟဲကဲထီၣ်အသး လၢခါဆူညါ.
မ့ၢ်စ့ၢ်ကီး “နာ်န့ၢ်ယၤ.”
ဘၣ်သ့ၣ်သ့ၣ် အဲၣ်ဒိးတဲဝဲ ပှၤလၢအသိၣ်လိ စီၤမိၤၡ့ အတၢ်သိၣ်တၢ်သီ.
အခီပညီမ့ၢ်ဝဲ “ပှၤလၢ အသူၣ်တီသးလိၤ.” မ့ၢ်ဝဲ မံၤလၤသၣ်ကပီၤလၢ ပှၤအံၣ်စရ့လးဖိအဂီၢ်.
မ့ၢ်စ့ၢ်ကီး “အဲၣ်ဒိးအီထံ.”
မ့ၢ်ဝဲ တၢ်ဂီၤတၢ်ဖှီၣ်တဖၣ်.
မ့ၢ်စ့ၢ်ကီး “တၢ်ဘူၣ်ထီၣ်ဘါထီၣ်အလီၢ်.”
အခီပညီလိၤလိၤ “အဝဲသ့ၣ် အသး.”
အခီပညီလိၤလိၤ “ဒါလီၤ.”
ဖျါလၢအဲၣ်ဒိးတဲဝဲ မူဖျၢၣ်တဖၣ် ဒ်သိးဒီး မုၢ်, လါ ဒီးဆၣ်တဖၣ်.
ဘၣ်သ့ၣ်သ့ၣ် ကမ့ၢ် “အပှၤမၤတၢ်ဖိတဖၣ်.”
ဘၣ်သ့ၣ်သ့ၣ် ကမ့ၢ် “ပှၤပှ့ၤတၢ်ဆါတၢ်တဖၣ်.”
အဲၣ်ဒိးတဲဝဲ ပှၤတဒူၣ် မ့တမ့ၢ် ဝ့ၢ်တဖျၢၣ်အအိၣ်.
ဘၣ်သ့ၣ်သ့ၣ် ကမ့ၢ် “ဒ်သိးကအိၣ်ကလီအဂီၢ်ဘၣ်.”
မ့ၢ်ဝဲ ကီၢ်ဘၤဘူၤလိၣ် အယွၤတဂၤ.
မ့ၢ်ဝဲ ကီၢ်ဘၤဘူၤလိၣ် အယွၤတဂၤ.
မ့ၢ်စ့ၢ်ကီး “တိာ်ပာ်, တၢ်ပညိၣ်.”
ဘၣ်သ့ၣ်သ့ၣ် ကမ့ၢ် “ယတသဂၢၢ်ပှၤလၢ တၢ်သူၣ်ဂ့ၤသးဝါအပူၤ နီတဂၤဘၣ်.”
မ့ၢ်စ့ၢ်ကီး “ပှၤဒွးဆၣ်ဖိတဖၣ်.”
အခီပညီလိၤလိၤ “ဟဲလၢ စီၤယူဒၤအထံတဖၣ်.”
မ့ၢ်ဝဲ မူခိၣ် ဒီးဟီၣ်ခိၣ်.
မ့ၢ်ဝဲ စီၤကိရ့ၣ်.
မ့ၢ်စ့ၢ်ကီး “ဃုာ်ဒီး.”
မ့ၢ်စ့ၢ်ကီး “သုကဘၣ်ဘျုးဘၣ်ဖှိၣ်အဂီၢ်.”
မ့ၢ်စ့ၢ်ကီး “တၢ်သူၣ်မံသးမုာ်.”
မ့ၢ်စ့ၢ်ကီး “တၢ်သူၣ်မံသးမုာ်.”
မ့ၢ်စ့ၢ်ကီး “ခိၣ်ဖး.”
မ့ၢ်စ့ၢ်ကီး “ဟဲက့ၤကိး”
မ့ၢ်စ့ၢ်ကီး “သၣ်ဝံၤ.”
အခီပညီလိၤလိၤ “သးနါပှၢ်.”
မ့ၢ်စ့ၢ်ကီး “ကဒုးအီနုၢ် သုဖိတဖၣ်.”
အခီပညီလိၤလိၤ “လ့ၣ်ထီၣ်ကွံာ် ဟီၣ်ခိၣ်ကမူၣ်လၢ သုယီၢ်လီၤလၢသုခီၣ်.”
မ့ၢ်ဝဲ လံာ်လၢ ပှၤမၤကတၢၢ်ကွံာ် တၢ်ဆီဟံၣ်ဆီဃီအဂီၢ်.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဟ့ၣ်ယၤပျ့ၤလၢ အဘၣ်တၢ်သိၣ်လိအီၤဂ့ၤဂ့ၤ.”
အခီပညီလိၤလိၤ “ကိးပၢၢ်ထီၣ်ယနၢ် ဒ်သိးကဒိကနၣ်တၢ်အဂီၢ်.”
အခီပညီလိၤလိၤ “ယပာ်ယမဲာ်သၣ် ဒ်သိးဒီး လၢၢ်မ့ၣ်.”
အခီပညီလိၤလိၤ “မၤမုာ်ထီၣ်က့ၤ.”
မ့ၢ်ဝဲ တၢ်ဖိဃၢ် ဆံးဆံးဖိ တကလုာ်လၢ အအ့ၣ်တၢ် ဒ်သိးဒီး ပစိၤ.
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
အဲၣ်ဒိးတဲဝဲ ယဟိဝၤယွၤအစု.
ကွၢ် တၢ်ကတိၤအခီပညီ.
အခီပညီလိၤလိၤ “ကအိၣ်လၢ အခိၣ်သၣ်ဃံလိၤ.”
အဲၣ်ဒိးတဲဝဲ စံယိၣ်.
အခီပညီလိၤလိၤ “စၤ.”
အခီပညီလိၤလိၤ “ဆါလီၤ.”
ဖျါလၢအဲၣ်ဒိးတဲဝဲ ဘၤဘူၤလိၣ်.
အဲၣ်ဒိးတဲဝဲ ပှၤတဂၤဂ့ၤ တဂၤဂ့ၤလၢအကွၢ်အီၤ မ့တမ့ၢ် ကစၢ်ယွၤ.
ဘၣ်သ့ၣ်သ့ၣ် ကမ့ၢ် “လီၤဂာ်ဒ်သိးဒီး ပှၤဃၣ်ယံၤကွံာ် ပှၤမဲာ်လၢအီၤ.”
မ့ၢ်စ့ၢ်ကီး “တၢ်နးတၢ်ဖှီၣ် လၢအပၣ်ဃုာ်ဒီး တၢ်ဆူးတၢ်ဆါ.”
အခီပညီလိၤလိၤ “အဘၣ်တၢ်ထုးထီၣ်ကွံာ်အီၤ.”
အခီပညီလိၤလိၤ “ဒိးန့ၢ်ဘၣ် တၢ်တီၢ်.”
အခီပညီလိၤလိၤ “ပှၤပိာ်ခွါလၢ အထူးအတီၤတဂၤ.”
အခီပညီလိၤလိၤ “ယဟိဝၤယွၤ အတၢ်ဘၣ်သးန့ၣ် မ့ၢ်ဝဲလၢ အကမၤသဘှံးအီၤ.”
အခီပညီလိၤလိၤ “ကထံၣ်ဘၣ် အချံအသၣ်.”
အခီပညီလိၤလိၤ “လူလီၤအသးသမူ တုၤလၢ အသံတစု.”
မ့ၢ်စ့ၢ်ကီး “ဖိ.”
မ့ၢ်စ့ၢ်ကီး “ကစၢ်.”
မ့ၢ်စ့ၢ်ကီး “ကစၢ်.”
မ့ၢ်စ့ၢ်ကီး “ဖိ.”
မ့ၢ်စ့ၢ်ကီး “ဖိ.”
မ့ၢ်စ့ၢ်ကီး “တၢ်သူၣ်မံသးမုာ်.”
မ့ၢ်စ့ၢ်ကီး “အဲၣ်ဒိးအီထံ.”
ဘၣ်သ့ၣ်သ့ၣ် အဆၢဖိ ၅-၇ န့ၣ်မ့ၢ်ဝဲ ဝံယၡါယၤ အတၢ်ကတိၤတဖၣ်.
အခီပညီလိၤလိၤ “ပှၤဒ့ဒံၣ်ဖိ.”
မ့ၢ်စ့ၢ်ကီး “တၢ်သ့ၣ်နီၣ်ထီၣ် အလၢၢ်ထူၣ်.”
အခီပညီလိၤလိၤ “လၢအဝဲသ့ၣ် အလီၢ်မံခိၣ်.”
အဲၣ်ဒိးတဲဝဲ စံယိၣ် လၢအမ့ၢ် ယရူၤၡလ့ၣ်.
အခီပညီလိၤလိၤ “လၢပဲတြီ ဒီးပဲတြီအထူၣ်အလီၢ်ခံ.”
ဘၣ်သ့ၣ်သ့ၣ် အဲၣ်ဒိးတဲဝဲ တၢ်ဘူၣ်ထီၣ်ဘါထီၣ် တၢ်ဂီၤတၢ်ဖှီၣ်အဂ့ၢ်.
ဘၣ်သ့ၣ်သ့ၣ် ကမ့ၢ် “စီၤပၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
အခီပညီလိၤလိၤ “လီၤဘှံး.”
ဖျါလၢအဲၣ်ဒိးတဲဝဲ ပှၤအံၣ်စရ့လးဖိတဖၣ်.
မ့ၢ်စ့ၢ်ကီး “တၢ်သူၣ်မံသးမုာ်.”
မ့ၢ်စ့ၢ်ကီး “တၢ်သူၣ်မံသးမုာ်.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သၣ်ဝံၤ.”
ဘၣ်သ့ၣ်သ့ၣ် ဒုၣ်ဒွဲၣ်တၢ် မ့တမ့ၢ် ပာ်ဒ့ၣ်ပာ်ကမၣ်တၢ်.
မ့ၢ်စ့ၢ်ကီး “တၢ်မၤနၢၤ.”
မ့ၢ်စ့ၢ်ကီး “အပှ့ၤက့ၤနၤ.”
အခီပညီလိၤလိၤ “ဘိၣ်ထီၣ်.”
လၢလံာ်စီဆှံ တဆၢဒိၣ်အံၤအပူၤ ယဟိဝၤယွၤကိးဝဲ ဝ့ၢ်ယရူၤၡလ့ၣ်လၢ ပိာ်မုၣ်.
မ့ၢ်ဝဲ ကစၢ်ယွၤ.
အခီပညီလိၤလိၤ “အဝဲ.”
မ့ၢ်စ့ၢ်ကီး “ဒုးလဲၤအစုဃံလၤဒီး စီၤမိၤၡ့ အစုထွဲ.”
မ့ၢ်စ့ၢ်ကီး “အိၣ်ခိးအီၤလၢ တၢ်သးစူၤအပူၤ.”
မ့ၢ်စ့ၢ်ကီး “ပှၤတဂၤလၢ အတ့လီၤပှၤ.”
ဘၣ်သ့ၣ်သ့ၣ် ကမ့ၢ် “ပတၢ်စီတၢ်ဆှံ ကဘၣ်ကူသု.”
မ့ၢ်စ့ၢ်ကီး “သၣ်ဝံၤ.”
မ့ၢ်စ့ၢ်ကီး “တၢ်ကီတၢ်ခဲ.”
ဘၣ်သ့ၣ်သ့ၣ် ကမ့ၢ် “ပှၤလၢ အတအိၣ်မူပှဲၤထီၣ် အနံၣ်တကယၤဘၣ်န့ၣ် ပှၤကပာ်အီၤဒ် ပှၤလၢ အဘၣ်တၢ်ဆိၣ်အၢအသိး.”
မ့ၢ်စ့ၢ်ကီး “ဘၣ်ယိၣ်ဝဲ ဘၣ်ဃးဒီး.”
မ့ၢ်ဝဲ တၢ်နၢမူတကလုာ်.
ဘၣ်သ့ၣ်သ့ၣ် ကမ့ၢ် “ပှၤလၢအပတြၢၤ တၢ်ဂီၤတၢ်ဖှီၣ်.”
မ့ၢ်စ့ၢ်ကီး “ဘၣ်ယိၣ်ဝဲ ဘၣ်ဃးဒီး.”
မ့ၢ်စ့ၢ်ကီး “အစိကမီၤ.”
မ့ၢ်ဝဲ ကရၢၢ်လီၤဆီတဖၣ်လၢ တၢ်ဘူၣ်ထီၣ်ဘါထီၣ် တၢ်ဂီၤတၢ်ဖှီၣ်အဂီၢ်.
ဧ့ၤဘြံၤ အတၢ်ကတိၤတဖျၢၣ်အံၤ အဲၣ်ဒိးတဲဝဲ ကသ့ၣ်လၢ အကးပြါဒီး ကသ့ၣ်ယီၤ.